士師記 6章33節 到 6章40節 背景資料 上一筆 下一筆 |
Chit段經文說明基甸一直beh明明確知影,上帝是m̄是真正有揀選伊當士師。因為án-ne,tī chit段經文中,基甸用兩種方式來瞭解上帝ê旨意。 第33到35節,chia提起米甸人聯合亞瑪力人,kah曠野ê部族會師,準備ài攻擊以色列人民。Chit時chūn,上帝ê靈臨到基甸,伊除了召集家己ê族人外,mā派人去召集瑪拿西族人、亞設、西布倫,kah 拿弗伊利等支族ê人同齊kah伊會合,準備ài kah米甸聯盟對抗。這mā teh表示,是因為有上帝ê靈kah基甸同在,chiah hō͘伊有力量抵抗外族人聯盟侵犯以色列人民。 第36到38節,這是基甸第一pái測試,beh瞭解上帝是m̄是真正差遣伊。結果出現ê異象是真實ê。M̄-koh伊並無確定所顯示出來ê兆頭,就án-ne要求上帝koh再hō͘伊第二pái ê兆頭。 第39到40節,是基甸第二pái測試,結果mā是肯定ê答案。 |