士師記 6章25節 到 6章32節 背景資料 上一筆 下一筆 |
Chit段經文說明上帝beh基甸先做一件事,就是拆毀in老父為族人所建造ê巴力祭壇,結果引起族人ê憤怒,m̄-koh基甸ê老父約阿施為伊辯護。 第25到27節,上帝ài基甸出來帶領以色列人民chìn前,先去執行chit件上帝所交帶ê事,就是先去拆除in老父約阿施為巴力建造ê祭壇,並且kā祭壇邊á用木頭雕刻ê亞舍拉神像砍倒。然後kā之當做柴火khǹg tī基甸為上帝建造ê hit座新祭壇燒。 第28到30節,因為基甸做chit件事是tī暗時,因為án-ne,當隔工城裡ê人發見in所拜ê巴力神明之祭壇kah亞舍拉神柱被燒了後,而且知影是基甸所做ê事,非常憤怒,就要求約阿施交出kiáⁿ基甸,in beh kā伊處死,因為in認為基甸án-ne做,是褻瀆了in所拜ê偶像神明。 第31到32節,對chit件事,約阿施認為he是上帝kah巴力神明之間ê問題,認為應該由兩位神明家己去維護家己ê名譽。因為一個真正神,必定會對ná公然褻瀆伊ê人進行懲罰報復。 |