利未記 1:1-1:9

註釋:

利未記tùi第一章開始，一直到第七章止，真詳細描述有關各種獻祭禮儀ê規定。出埃及記第廿五到三十章、第三十五到四十章chit兩段落，lóng是teh記載有關聖幕，kah聖幕內面各項祭典所需要用ê物ê製造方法，甚至包括祭司人員穿ê服裝縫製方式。Á利未記則tùi第一到七章續接記載有關祭典禮儀ê細則。既然是kah祭典有關，必定是出tī「祭司文獻」ê作品。因為án-ne mā thang看出，聖幕kah後來進入迦南地所羅門建造聖殿，lóng是用祭祀禮儀當做敬拜上帝ê主要方式。後來耶路撒冷聖殿被摧毀，人民被掠到巴比倫做奴隸了後，發展出來「會堂」ê聚會，chit時ê聚會敬拜無koh是祭祀禮儀，卻是用注意聽上帝kah祈禱做中心。

Chit章是講tio̍h有關「燒化祭」ê條例。燒化祭ê祭品以厝內飼養ê動物為主，包括牛、羊、粉鳥á是斑鳩等，m̄-koh田裡ê野獸，水中ê魚類lóng bē-tàng用來做燒化祭ê祭品。所謂「燒化祭」，就是beh kā kui隻祭牲全部燒化bē-tàng存留。

第1到2節a句，chit段話ē-sái講是tùi第一章2節b到第六章7節ê引言。

「召喚」，這mā是希伯來文為tio̍h án-ne kā卷經冊號名ê由來。

上帝tùi祂ê「聖幕」裡召喚摩西，chia ê聖幕，就是出埃及記中有關摩西帶領以色列人民建造起來敬拜上帝ê「聖幕」。上帝tī chia「吩咐」伊轉告以色列人民照規定應該辦理ê事項。

第2節b句到9節，chit段經文先講tio̍h有關獻公牛當「燒化祭」ê規定。Siōng基本ê要件，就是beh「選用無殘缺ê公牛」當做牲禮（第3節）。Chit句話ē-sái講是所有獻祭ê基礎。

注意第2節b句chia ê「獻」字，原本是teh指「接近」，然後teh beh獻祭ê動物帶到「上主ê聖幕門口」。「接近」ê意思是teh指接近敬拜上帝ê聖幕，有含透過獻祭禮儀，hō͘人接近上帝ê意思。

第3到4節，講獻祭牲ê主人tio̍h「Kā手hē tī祭牲ê頭殼頂」，chit種樣式是teh表示兩種意思：一是表示chit-ê獻祭ê人kah祭品之間有相當密切ê關係，因為祭牲teh代表主人，因為án-ne，當用火燒掉這牲祭ê時，表示獻祭者kā家己奉獻hō͘上帝。二是透過獻牲祭tī上帝面前，表示贖罪。因為chit種作法是上帝會「歡喜接納」ê方式，mā就ē-tàng「替伊贖罪」。

第5到9節，chit時chūn，祭司tio̍h tī聖幕門口宰殺祭牲，然後kā祭牲ê「血hiù tī聖幕門口ê祭壇四周」，尤其是一定tio̍h抹tī祭壇四個凸起ê角，因為chit-ê角有赦免罪行ê功用，然後點火燒掉祭品。因為內臟kah後腿比較khah lah-sap，可能會污穢土á是腸肚內有穢物，lóng需要經過洗盪了後chiah ē-tàng獻hō͘上帝。

利未記 1:10-1:13

註釋:

Chit段經文是「獻綿羊á是山羊做燒化祭」ê規律。羊是siōng chē人用來做獻祭ê牲禮，因為一般家庭差不多lóng有飼養á是購買ê能力。羊thang用來代表一個人，mā通常用來代表一個家庭。

第10節，仝款tio̍h用「無殘缺ê公羊」，ē-tàng看出無論是牛á是羊，lóng tio̍h用公ê，bē-tàng用母ê。因為母ê ē-tàng繼續懷胎生育。

第11到12節，仝款ê方式，kā chit-ê祭牲ê「血hiù tī祭壇四周」，表達ê意義mā是kah獻公牛仝款。

第13節kah第9節所提起tio̍h洗盪內臟kah後腿是仝款ê意思。

利未記 1:14-1:17

註釋:

獻公牛是siōng大ê燒化祭品，mā hông稱做「大祭」。下性命siōng大心願ê人beh還願用ê祭品（參考撒母耳記上一：24），除非是相當富有ê人chiah會家己一個人獻公牛，平常是一個部落á是家族為tio̍h beh感恩，á是懺悔ê時chiah獻chit-ê「大祭」。一般人獻一隻公羊，kā它稱做「小祭」。

Sàn-chhiah ê人thang用粉鳥á是斑鳩代替，粉鳥á是斑鳩tī當時ê巴勒斯坦到處lóng掠會tio̍h。

第14到15節，獻鳥類並無親像獻牛á是羊hit種分別公á是母，因為真oh分辨，m̄-koh需要kā血放乾chiah thang送上祭壇。

第16到17節，剖開鳥ê身軀，然後kā內臟棄sak，chiah thang khǹg tī祭壇上燒獻。

利未記 2:1-2:10

註釋:

Chit章是有關「素祭」ê條例。所謂「素祭」，是teh指無流血ê祭品，像農作物等五穀雜糧之類，á是有經過加工製成ê物件，親像：細麵粉，就是用小麥磨碎，若是koh加上橄欖油、乳香，就thang製成非常thang口ê細麵餅。

「素祭」chit-ê詞，mā thang當做是禮物解釋，這表示敬拜上帝bē-tàng空手（參考出埃及記廿三：15、三十四：20），另外mā thang當做是貢品，ná親像人民獻禮物hō͘君王仝款。以色列人民看上帝是in ê君王，因為án-ne，獻素祭有ná獻貢品hō͘上帝仝款，表示家己是屬tī上帝ê子民。M̄-koh摩西律法真清楚規定，ài the̍h初熟五穀ê十分之一獻hō͘上帝（參考出埃及記廿二：29，利未記廿七：30），因為án-ne，並無只有sàn-chhiah人，就算是富有ê人，伊ê田園有收入ê時，也tio̍h án-ne。

Chit段經文提起獻上ê素祭包括有烤ê、煎ê、爐á烘ê等等。有一種講法，認為素祭是hō͘ sàn-chhiah人獻祭ê，因為in只有ē-tàng óa靠拾（khioh）田園裡ê穀物磨成細粉來獻tī祭壇上。

第1到3節，規定穀物一定tio̍h經過磨細了後，加上「橄欖油kah乳香」，chit種素祭tī祭壇上用火燒ê時chūn，會發生真香ê氣味。Á祭司獻祭ê時只要「the̍h一把麵粉」khǹg tī祭壇上燒to̍h ē-sái，其餘ê lóng歸屬祭司。

第4到7節，這是講tio̍h素祭ê幾種作法。一是用爐á烘ê素祭，就是無酵ê餅。二是用盤á煎ê，mā是無酵餅。Chit種餅tio̍h phah碎了後chiah獻上。

三是淺鍋烤ê餅。Chiah-ê餅lóng tio̍h抹上橄欖油，chiah會發生芬芳ê香味。

第8到10節，頂面所講chit三種餅lóng是the̍h hō͘祭司辦理獻祭，á祭司只需「the̍h一部分hē tī壇上燒」to̍h ē-sái，chhun落來ê素祭之餅lóng是歸屬tī祭司。原因是祭司（利未支族）無土地thang種作，in是專職tī聖幕祭祀禮儀ê工作，因為án-ne，beh靠聖幕ê獻祭飼家庭。

利未記 2:11-2:16

註釋:

Tī第11節chia特別提醒，teh獻頂面所講三種素祭之餅ê時，lóng bē-tàng攙入有含「酵母」kah蜂蜜ê原料，原因是「酵母」已經酸化、腐pháiⁿ，表示無清氣ê意思。In tī出埃及ê時chūn，就被禁止食有含「酵母」ê食物（參考出埃及記十二：8）。Á蜂蜜因為是甜ê mā容易發酵á被禁止。禁用蜂蜜ê另外一種可能，就是tī中東地帶，有kóa異教信仰是用蜂蜜來獻祭。因為án-ne，為tio̍h beh區隔chiah會有chit種禁令。

值得注意ê是後來有修正，就是新收成ê穀物作素祭獻hō͘上帝ê時，需要kā細麥粉加上酵母同齊烤製成兩塊餅（參考廿三：16—17）。

第12到15節，koh一pái提起ài kā「每年初熟ê祭物獻hō͘上主」，因為chiah-ê lóng是摻tio̍h酵，有ê是kah tio̍h蜂蜜，因為án-ne烤出來ê麵團會有香味，只需帶到祭壇，卻無用火燒。Beh tī祭壇上用火燒ê餅，bē-tàng用蜂蜜，改為加入鹽。鹽thang保存食物，mā thang消毒，因為án-ne，被看做是kah上帝之間保存「約」ê象徵品。列王記下第二章20到22節，記載先知來便利沙用鹽潔淨污穢ê水質。仝款ê，chiah-ê lóng是由祭司「the̍h一部分」當做獻祭ê路用。

第16節，獻素祭ê時，祭司只要the̍h一部分ê麥粉、油，kah全部ê乳香，án-ne就ē-tàng象徵全部獻祭à。

利未記 3:1-3:5

註釋:

Chit章是記載第三種祭，mā就是「平安祭」ê條例。平安祭，kah燒化祭真類似，用牛（第1到5節）á是用「羊」（第6到16節），siōng大ê差別：燒化祭是全部tio̍h燒獻，á平安祭只有kā祭牲ê一部分tī祭壇上燒獻。

Chit種平安祭mā thang講是一個人祭。有兩種內涵，一是表示感恩，二表示還願（參考民數記六：14）。雖然是一個人祭，若一個民族á是團體beh向上帝感恩ê時chūn mā thang獻chit種祭。親像：五旬節ê時chūn，祭司tio̍h代表人民獻「贖罪祭」作平安祭（參考廿三：19）。燒化祭有一個特別ê所在，就是燒掉祭牲ê脂肪kah內臟，肉留落來hō͘獻祭者kah祭司食用。Kah獻燒化祭仝款，選用祭牲禮一定tio̍h是無殘缺ê chiah thang。

Chit段經文是關係獻牛作平安祭ê規例。

第1到2節，無論是獻甚麼牲祭，lóng有一個共同基本要件，就是「一定tio̍h選用無殘缺ê」牲畜，用公牛á是母牛lóng thang。M̄-koh燒化祭只有ē-tàng用公牛。仝款ê，祭司tio̍h kā手hē tī牛頭殼頂，然後kā牛ê血hiù tī祭壇ê四周。

第3到4節，chia指出牛ê內臟器官siōng好ê部分tio̍h燒獻hō͘上帝。會獻內臟ê原因，可能是kah以色列人民ê觀念有關，in認為人會有感情，是因為有內臟器官ê關係。Chiah-ê獻hō͘上帝ê牲祭，就是beh完全燒獻，任何人lóng bē-tàng食燒獻hō͘上帝之物，若無，會有真嚴重ê懲罰（參考七：25）。

第5節，強調上帝歡喜chit種祭，原因是平安祭teh表示感恩，kah上帝和好ê意思。

利未記 3:6-3:11

註釋:

Chit段經文是關係獻小綿羊ê條例。
第6到8節，仝款是beh選用無殘缺ê，無論是公á是母ê羊，lóng仝款要件。

第9到11節，脂肪，這是獻平安祭中siōng重要ê部分，原因是以色列人民認為脂肪是內臟siōng香ê部分。同時mā tio̍h kā「靠近龍骨ê所在割落來ê整條肥尾溜」kah其它內臟部分，lóng同齊燒獻hō͘上帝。

利未記 3:12-3:17

註釋:

Chit部分是關係用山羊當平安祭ê條例。

第12到13節，tī第6節已經說明，無論是「獻綿羊á是山羊hō͘上主作平安祭」一定會選用無殘缺ê。因為án-ne，chia並無重複敘述選用無殘缺chit句話。仝款是beh kā羊ê血hiù tī祭壇ê四周。

第14到16節，ài kā內臟siōng好ê部分lóng the̍h出來燒獻，特別強調「所有ê脂肪lóng是上主ê」。

第17節，chit句是真重要ê禁令，表示動物ê血kah脂肪chit兩種物件lóng bē-sái食。前者是teh代表性命用來贖罪（參考十七：11），á後者ná親像頭前所講ê，以色列人民有傳統觀念，認為脂肪是siōng香ê，就應該是屬tī上帝ê。

利未記 4:1-4:12

註釋:

Tī前三章lóng是kah燒化祭ê禮儀有關，燒化祭表明出來ê主要意義，就是kah上帝有親密結連ê關係。

Tùi第四章到第五章13節，lóng是關係贖罪祭ê條例。贖罪祭teh表達祈求上帝ê赦免kah赦免。雖然有一種講法認為chit種祭，真可能是比較晚期chiah出現ê，特別是可能tī被掠到外國去了後，用chit種祭來表達認罪，祈求上帝憐憫。M̄-koh chit種講法並無完全被接受。因為在列王紀下第十二章16節，就有提起贖罪祭kah贖過祭ê事，chit時in iáu未被掠到他國做奴隸。

後來tùi chit-ê贖罪祭發展出「贖罪日」（參考十六：29-34），是全國性ê節日，每年舉行一pái，同時舉行禁食，並且停止一切ê工作，包括外僑在內，lóng一定tio̍h舉行遵守。換句話講，獻贖罪祭ê時，心情是嚴肅ê，bē-tàng帶有一絲á歡樂ê氣氛。

Chit段經文是談論因為疏忽á需要用獻贖罪祭來表明懺悔，懇求上帝赦免ê祭。

第1到2節，這是tùi上帝來ê命令，對hiah-ê「無意中犯了罪，違反了上主ê禁令」者，就需要獻贖罪祭，表示承認錯誤，用此來表明悔改。這表示是無意中犯罪，m̄是明知故犯ê罪。

第3到4節，chia講tio̍h大祭司犯罪連累了人民，就需要「獻一頭無殘缺ê小公牛」當做贖罪祭。這是因為大祭司身分高，影響kui個族群。因為án-ne，伊獻贖罪祭，mā teh表示kui個族群共同犯罪仝款。

第5到7節，chit三節講tio̍h宰殺小公牛ê時，所流出來ê血作三種儀式：一是大祭司tio̍h用chéng頭á ùn血，然後tī聖幕內面ê帳帷前hiù七pái。這七pái mā表示完全潔淨ê意思。因為大祭司犯罪，伊進入聖所就是污穢了聖所。二是用血抹tī聖幕裡ê香壇凸出ê四角，這是潔淨香壇，此香壇是上帝kah祂ê子民會面ê所在。因為大祭司犯罪，致使這香壇mā被污穢了，需要潔淨。三是另外ài kā chhun落來ê血倒tī聖幕門口獻燒化祭ê座上，表示chit-ê祭壇因為大祭司犯罪，mā遭污穢à。chit-má因獻小公牛ê血會得thang潔淨。

第8到12節，chia規定內臟除了腸á，lóng tio̍h燒獻外，其它包括皮、腸á、肉、頭、腿等，lóng tio̍h帶到營外倒灰ê所在燒hō͘伊成灰，表示所犯ê罪藉tio̍h chit隻小公牛ê燒獻，á化做烏有。

利未記 4:13-4:21

註釋:

Chit段經文是關係全體人民犯罪tio̍h獻贖罪祭ê條例。全體會眾lóng犯罪，這可能是因為領導者犯罪ê關係。親像亞倫替以色列人民鑄造金牛，允准人民拜金牛，引起上帝極大ê忿怒。

第13到14節，為全體人民獻贖罪祭mā是仝款，tio̍h用一隻小公牛當做獻祭ê牲畜。

第15到18節，所有ê長老ài kā手khǹg tī chit-ê頭小公牛ê頭殼頂，表示in ê罪lóng轉移到這頭牛身上。大祭司beh kā小公牛ê血分作三種用法，kah獻贖罪祭仝款。

第19到21節，其他tio̍h辦理ê獻祭方式，lóng kah大祭司獻贖罪祭ê條例仝款。

利未記 4:22-4:26

註釋:

Chit段經文是講tio̍h「長官無意中犯了罪，違反了上主—伊ê上帝ê禁令」， tio̍h獻上ê贖罪祭，是一頭無殘缺ê公山羊。

第22到23節，獻任何ê牲祭，lóng是beh選用無殘缺ê牛á是羊等，tī chia mā不例外。

第24節，ná親像其他獻牲祭ê規定仝款，祭司ài kā手hē tī牲畜ê頭殼頂，然後宰殺這頭牲祭。

第25到26節，祭司tio̍h用指頭ùn這頭公山羊ê血抹tī獻燒化祭ê祭壇頂四個凸起ê角，然後kāchhun落來ê血倒tī祭壇ê基座ê所在。其餘獻祭ê條例lóng kah獻贖罪祭仝款。

利未記 4:27-4:35

註釋:

Chit段是關係一般平民犯罪獻贖罪祭ê條例。

第27到30節，採用ê牲畜是無殘缺ê母山羊，獻祭ê方式kah前段長官犯罪ê獻祭仝款。

第31節，脂肪一直是siōng被看重ê獻祭品。Bē-tàng留落來任何脂肪，因為這是siōng珍貴ê，用來獻祭hō͘上帝。

第32到35節，如果m̄是獻母山羊，mā thang獻小綿羊代替，m̄-koh bē-tàng有殘缺。其他所有獻祭ê禮儀，lóng kah上則仝款。

利未記 5:1-5:13

註釋:

Chit章談ê是比較特殊ê例，mā thang講chit章講tio̍h幾個實際ê例。Thang分做兩個部分，一是第1到13節，記載三種比較特殊ê贖罪祭。二是第14到26節，講tio̍h有關贖過祭ê禮儀。

Chit段經文是關係幾則特殊例。

第1節，即使法庭已經傳喚出來做證人，m̄-koh，卻無願講出真相，這是該做，卻無願做，m̄是屬tī無故犯罪，卻是故意。因為án-ne，一定tio̍h承擔罪責。

第2到3節，這是摸到無清氣ê物件，包括動物ê屍體，以及人體污穢ê物件，án-ne就屬tī無清氣。

第4節，「無意中隨便chiù-chōa」，這mā是一種罪。

第5到10節，「人有罪就一定tio̍h認罪」，chit點是非常重要ê信仰態度。

Á獻頂面所講chiah-ê罪ê贖罪祭，thang用「母綿羊á是母山羊」做牲祭。M̄-koh若是「買不起」，mā thang用斑鳩á是粉鳥代替。Chia無仝款ê所在，就是斑鳩á是粉鳥ê頭bē-tàng撕離只有ē-tàng扭斷。除了獻贖罪祭外，iáu koh khah另外準備一隻鳥，當做燒化祭。

第11到13節，若是連兩隻斑鳩á是粉鳥lóng「買不起」，就beh用「細麵粉」代替，因為是贖罪祭，所以bē-tàng加上橄欖油á是乳香。素祭thang，m̄-koh這是贖罪祭，就bē-tàng。

利未記 5:14-5:19

註釋:

Chit段經文是關係所謂贖過祭ê條例，它kah「贖罪祭」真類似。Tùi第五章15節，以及第六章2到3節經文，thang知影chit種罪主要是kah「背信」有關。親像：kā屬tī上帝ê物件，佔為己有；是屬tī別人ê物件，卻m̄肯歸還，á是偷the̍h、講白賊等行為。贖過祭ê特點tī還債ê時chūn，一定tio̍h加重百分之二十ê負擔。

Chia mā是強調無意中，意思是並m̄是故意犯罪。

第14節，應該做ê獻祭，卻無去做，可能是bē記得，á是因為tāi-chì纏絆á無法度照時間辦理。

第15到16節，chit時chūn，就beh用一隻無殘缺ê公綿羊獻hō͘上帝作贖過祭，這表示加倍補償ê意思。

若是無羊隻，thang用銀á當做對價。然後tio̍h koh加上百分之二十ê價碼。
第17到19節，所謂犯了「上主ê禁令」，這是teh指bē-tàng做ê事，卻tī無自覺中做。Chit時tio̍h用公綿羊當做贖過祭獻上，á是用對價ê銀á，chit種價碼由聖所ê祭司決定。免不了ê，價碼是kah頭前仝款， tio̍h加上百分之二十。

利未記 6:1-6:7

註釋:

Chia除了繼續講tio̍h贖過祭ê例外，koh一pái講tio̍h燒化祭kah素祭ê條例。

Chit段是繼續前一章提起ê贖過祭ê問題。

第1到3節，這是關係人kah人之間ê幾種問題：一是可能seng-lí上ê來往關係á收了訂金á是保證金，因為無談成，卻m̄肯歸還者；二是偷取別人ê物件；三是剝削別人；四是講白賊；五是發假誓等。Chiah-ê lóng kah違反十誡ê規例有密切關係。

第4到7節，無論是頂面所講ê toh一種行為，被發見了後，lóng tio̍h獻上一隻無殘缺ê公綿羊，m̄-koh lóng ài khah上百分之二十ê贖過祭之代價。

利未記 6:8-6:13

註釋:

Chit段經文是關係祭司執行燒化祭ê條例。Tī第一章已經提起關係「燒化祭」ê規律。chit-má所提起ê「燒化祭」，是特別強調「向亞倫kah伊ê 眾kiáⁿ頒布」ê，因為án-ne，就成做眾祭司一定tio̍h謹守ê條例。Tī第一章強調ê是祭牲，chia強調ê是祭司ê衫褲，有關祭司ê服飾thang tùi出埃及記第廿八章40到42節看tio̍h詳細地記載。

另外，chit段經文強調祭壇頂ê火一定tio̍h是永遠火燒tio̍h，這表示獻hō͘上帝ê祭是永遠不斷，象徵tio̍h以色列人民kah上帝之間ê關係永遠bē間斷。

第8到9節，訂出獻燒化祭時間，是tùi暗時燒到早起。

第10到11節，chit兩節講tio̍h祭司穿ê衫褲，獻祭ê時穿一套，獻完祭收取柴灰ê時，tio̍h換穿另外一套衫褲。為tio̍h beh出外去倒灰，獻祭穿ê衫褲bē-tàng被污穢。

第12到13節，祭司一定tio̍h注意看守祭壇ê柴火，bē-tàng hō͘它「熄滅」。Beh hō͘祭壇整夜lóng火燒tio̍h，直到獻祭ê祭牲完全燒完為止。

利未記 6:14-6:23

註釋:

Chit段是有關「素祭」ê條例。Tī第二章已經有記載關係素祭祭物製造ê條例，tī chia則強調祭司執行素祭ê儀式，以及祭典禮儀上ê規律。

第14到15節，素祭就是祭司the̍h一把麵粉、橄欖油，kah乳香等物件khǹg tī祭壇上燒，會發生香味。

第16到18節，祭司食chhun落來ê麵粉所製成ê無酵餅，規定一定tio̍h tī聖所ê庭園裡食。Chiah-ê餅是神聖ê，只要是祭司á是利未人lóng thang食chit種餅。M̄-koh若m̄是屬tī利未支派ê人就bē-tàng食chit種餅。

第19到23節，這是按立祭司ê時，tio̍h獻上ê素祭，早暗lóng tio̍h獻一pái。獻ê素祭是一公斤ê細麵粉，kah tio̍h油hē tī淺鍋上烤，就會發生香味。Chit種素祭，絕對bē-tàng食，只有ē-tàng全部燒獻。

利未記 6:24-6:30

註釋:

這是有關「贖罪祭」ê條例。Tī第四章到五章13節已經有記載。Chia強調ê是「贖罪祭」ê神聖，只有祭司chiah ē-tàng食用，而且一定tio̍h tī「聖幕ê庭園裡，食這祭牲」，其他人不准食。

第24到25節，chia提起贖罪祭ê祭牲，mā是屬tī至聖ê祭物。

第26節、第29節，chit兩節講祭司kah祭司厝內ê cha-po͘人lóng thang食chit種贖罪祭ê祭肉。M̄-koh一定tio̍h tī聖幕ê庭園裡食。其他ê人bē-sái食chit種祭肉。

第27到28節，祭司ê衫褲若是沾到chit種牲祭ê血，就一定tio̍h洗淨，煮chit種祭肉ê瓦鍋一定tio̍h摔破，á銅鍋tio̍h洗盪擦拭清氣。

第30節，chia特別提醒祭牲ê血若被帶入聖幕hiù tī祭壇上，hit塊肉是bē-sái食ê，只有ē-tàng燒化獻hō͘上帝。

利未記 7:1-7:10

註釋:

Chit章是關係前述六章所記載各項祭典禮儀ê總結，同時mā補充了部分條例。

Chit段經文是關係「贖過祭」ê條例，tī第五章14節到第六章7節有記載chit方面ê條例。Chit段經文分做兩個部分，一是第1到6節，講tio̍h無獻tī祭壇上ê「贖過祭」之祭牲物件，祭司thang食，m̄-koh一定tio̍h tī聖幕裡食。二是第7到10節，補充有關「贖罪祭」、「贖過祭」，kah「素祭」ê條例。

第1到6節，特別強調「贖過祭」是「至聖ê」，表示非常重要ê意思。「贖過祭」ê牲禮是公綿羊（參考五：15、18、六：6）。因為án-ne，需要帶到獻燒化祭ê祭壇宰殺。一定tio̍h kā內臟部分全部洗盪清氣，特別是全部ê脂肪lóng tio̍h獻上，m̄-koh肉thang供給祭司kah厝內ê男子tī「神聖ê場所」，mā就是聖幕中食用。

第7到10節，tī第7到8節提起關係獻chiah-ê贖罪祭kah贖過祭ê肉kah皮lóng是屬tī主祭者所有。第9節是關係熟ê素祭，kah第10節生ê素祭等，mā是屬tī祭司ê，由眾祭司平分，bē-tàng有人獨佔。

利未記 7:11-7:21

註釋:

Chit段經文是有關「平安祭」ê內容，tī第三章已經有詳細記載。「平安祭」siōng主要ê意義teh表達感謝kah o-ló上帝ê恩典。第三章記載ê是關係獻祭牲物件，tī chia則獻上「無酵餅」，包括用橄欖油調kah抹過ê厚餅、薄餅kah餅。Siōng特別ê所在是，mā thang「獻上一kóa有酵ê餅」（第13節）。Koh講，chit段經文mā詳細規範獻祭行為上ê「潔淨」kah「無清氣」ê範圍。

第11到14節，是有關獻感恩ê平安祭條例。Chia規定除了獻上牲祭外，iáu koh khah獻上「無酵ê餅」。比較特別ê所在，是除了無酵餅，mā tio̍h獻上「有酵ê餅」。

第15節，講牲祭ê肉一定tio̍h hit工食完，bē-tàng留到隔工。

第16到21節，是關係獻還願ê平安祭á是自願祭，chit種祭ê肉，thang留到隔天chiah食完。M̄-koh bē-tàng留到第三工，一定tio̍h燒毀。原因是teh獻祭ê第三工，如果iáu有未食完ê祭物，恐驚已經腐pháiⁿ，祭司食了身軀反tńg變成無清氣。為tio̍h強化執行chit-ê規定，甚至thang kā違反者驅逐（嚴重者甚至thang用『褻瀆上帝』ê罪名判處死刑）。這是相當嚴厲ê規律，真少人會故意觸犯。

利未記 7:22-7:27

註釋:

Chit段經文主要有兩項重要ê規定，一是獻hō͘上帝ê祭牲脂肪，人絕對bē-tàng食用。Koh講，凡是動物ê血lóng bē-tàng食用。因為血代表性命。

第22到23節，明確指出獻hō͘上帝ê動物之脂肪「lóng bē-tàng食」。

第24節，包括自然死去á是被野獸咬死ê動物ê脂肪mā bē-sái食，只thang用來當做其他ê用途，親像當做點燈ê材料。

第25節，真嚴厲規定，甚麼人食了獻祭動物ê脂肪，甚麼人就「一定tio̍h tùi上帝ê子民中開除」，表示伊無koh是以色列人。

第26到27節，規定動物ê血mā是仝款，bē-tàng食。照第十七章11節ê說明，血teh代表性命，thang用來贖罪用。若是有人食了動物ê血，mā是仝款beh tùi上帝子民中「開除」。

利未記 7:28-7:38

註釋:

Chit段經文應該接tī第21節後面，因為是討論有關「平安祭」ê問題。Tī chia，「平安祭」mā hông稱做「搖祭」，因為祭司tio̍h the̍h祭牲禮ê胸坎部位hē tī奉獻者ê手中，然後祭司扶tio̍h奉獻者ê雙手，同步行向祭壇，對tio̍h祭壇搖一搖，然後koh再行tńg來，án-ne來回數pái，表示是真心、誠意ê奉獻。

第28到36節，koh一pái講tio̍h平安祭ê事。第30節提起「搖祭」（參考中文《和合本》），就是teh獻祭ê時，雙手捧tio̍h祭品前後搖晃；向前搖，表示獻hō͘上帝，向後搖，表示懇請上帝接受。因為搖祭不需khǹg tī祭壇上燒獻，所以chit部分ê祭品舉行祭典了後，分hō͘亞倫ê kiáⁿ孫，mā就是祭司均分。既然是均分，就表示大祭司並無任何特權thang分得koh khah chē，大家lóng仝款。

M̄-koh tio̍h注意ê是，分配給亞倫ê kiáⁿ孫ê時，mā表示參與祭祀禮儀ê利未人mā thang kah祭司分得仝款多ê祭品。因為in lóng是參與協助ê工作者，tī上帝面前kah祭司lóng仝款。Chia真清楚講，以色列人一定tio̍h嚴守chit-ê條例。因為利未人kah祭司就是óa靠chiah-ê過生活。

第37到38節，是tùi第一章到第七章ê五個祭，包括燒化祭、素祭、贖罪祭、贖過祭，以及平安祭等之相關獻祭禮儀ê總結。Chiah-ê祭祀禮儀是tī「西奈山」交hō͘摩西頒布hō͘以色列人ê。	

利未記 8:1-8:13

註釋:

Tùi第八章開始，一直到第十章，lóng是有關祭司方面ê條例，tī第十章1到7節特別記載亞倫ê kiáⁿ拿答kah亞比戶，因為違背祭司獻祭ê條例，á tī聖幕中被火燒死，用chit種實例來警告所有祭司一定tio̍h嚴格遵守獻祭ê禮儀規定。

Chit章是記載有關設立亞倫kah伊ê kiáⁿ孫成做祭司ê kui個程序。有kóa學者認為比較像出埃及記第四十章ê延續，因為tī出埃及記第四十章是完成聖幕ê製造，續落來就是設立祭司ê規律，án-ne chiah算完整。不過tī出埃及記第廿九章已經有記載亞倫kah伊ê kiáⁿ孫是祭司，並且mā記載án怎設立祭司ê條例。

Tio̍h注意ê是，設立祭司ê時chūn，全體以色列人lóng一定tio̍h集合tī聖幕門口，由摩西當眾宣佈設立祭司ê大事。這就真親像當今教會teh設立牧師仝款，全體會友lóng一定tio̍h參加。Koh講，chit章經文規定祭司一定tio̍h潔淨ê規矩，然後chiah是進行獻祭儀式。這表明：祭司一定tio̍h先潔淨家己了後，chiah ē-tàng執行獻祭ê工作。因為只有潔淨ê雙手、腳、身軀（第1到13節），chiah ē-tàng避免污穢了原本已經潔淨ê祭物（第14到36節）。Á kui個設立ê時間是「七」天（第33節），這表示祭司ê職分是神聖ê，因為祭司ê工作是為tio̍h以色列人kah上帝之間ê密切關係。

Chit章講只有亞倫kah伊ê kiáⁿ孫chiah是屬tī祭司ê傳承者，m̄-koh後來申命記則擴大了範圍，認為只要是利未支派ê族人lóng thang成做祭司（參考申命記十八：1─5）。祭司ê主要工作，除了幫助獻祭ê事務外，「因為祭司ê 嘴唇tio̍h 存智識， 人tio̍h tùi 伊ê 嘴請教律法，因為伊是萬軍ê 上主ê 使者。(全民版)」（瑪拉基書二：7）

Chit章因為lóng是講祭司ê事，因為án-ne，lóng會重複一句話：「這一切lóng遵照上主ê命令做。」（八：9、13、17、29、34、36）這表示祭司ê規律就是beh遵照上帝ê旨意，若無，就是teh侮辱上帝。

Chit段經文是設立祭司ê規定。

第1到5節，「亞倫kah伊ê kiáⁿ」，這表示後來ê利未族人中，thang被推舉出來當祭司ê人。設立ê方式，就是帶祭司到上帝ê聖幕前，然後召集所有以色列人到聖幕前聚會，表示這是全體以色列人ê大事。被設立ê祭司tio̍h帶所beh穿ê「聖服」，按立用ê「聖油、一頭贖罪祭ê小公牛、兩隻公綿羊，kah一籃無酵餅」。

第6到9節，被按立為祭司者，一定tio̍h先「沐浴」，表示潔身。Tī chit段經文中記載祭司應該穿ê衫褲、帽á、配件等等。特別tio̍h注意ê是胸牌中有「烏陵」kah「土明」，這兩項物件是用來測知上帝ê旨意之聖物。M̄-koh已經無法度明白是怎樣ê物件。Tùi第9節thang看出亞倫被設立為「大祭司」，因為伊帶tio̍h聖冠，kah伊ê kiáⁿ孫戴tio̍h帽á有區別。Iáu有，只有伊身上是帶tio̍h胸牌，á這胸牌上鑲tio̍h十二塊寶石，每一塊頂面刻tio̍h雅各一個kiáⁿ ê名，teh代表以色列十二支派（參考出埃及記廿八：15─30）。

第10到13節，設立祭司ê時，需要the̍h聖油抹聖幕內面所有ê器物，然後kā聖油倒tī祭司ê頭殼頂，照出埃及記第三十章30節，亞倫ê kiáⁿ mā需要用聖油膏tī頭殼頂。Chit種動作teh表明分別為聖。

利未記 8:14-8:21

註釋:

Chit段經文是講tio̍h設立祭司了後，續落來辦理獻祭ê禮儀。獻祭，表示感恩。

第14到17節，ài kā小公牛ê血抹tī祭壇ê四角，chhun落來ê tio̍h倒tī祭壇ê基座上，表示這祭壇mā分別為聖。Á chit隻小公牛ê部分內臟需要燒獻，m̄-koh皮、肉、腸á等lóng tio̍h the̍h去營外燒。

第18到21節，另外tio̍h帶一隻公綿羊，kā全隻lóng tio̍h燒獻hō͘上帝。

利未記 8:22-8:29

註釋:

Chit段經文講tio̍h獻祭另外一隻公綿羊ê事。

第22到24節，特別提起ài kā這第二隻公綿羊ê血抹tī亞倫，kah伊ê kiáⁿ ê「正耳垂、正手ê大頭拇kah腳ê大頭拇頂」，這表示注意聽上帝，做上帝命令ê事，行上帝旨意ê道路。

第25到27節，亞倫ê kiáⁿài kā該獻hō͘上帝ê chit隻公綿羊ê部位，加上一塊無酵餅抹上橄欖油，kah一塊薄餅，hē tī脂肪kah右腿上，chiah-ê lóng tio̍h全部作「特別ê禮物獻hō͘上主」。

第28到29節，kui個獻祭過程是teh表明上帝喜樂chiah-ê祭司。Án-ne頭前講tio̍h亞倫kah伊ê kiáⁿ，後來就是大祭司kah祭司ê意思。

利未記 8:30-8:36

註釋:

Chit段是按立祭司了後，祭司應該有七工ê時間，lóng是teh重複頂面所講chiah-ê獻祭禮儀，等七工lóng做完頂面所講禮儀了後，chiah ē-tàng真正成做祭司。

第30到33節，提起聖油kah血tio̍h hiù tī大祭司kah祭司ê衫褲頂面，表示分別為聖ê意思。然後tio̍h留tī聖幕門口食祭物，無食完ê lóng tio̍h燒掉，án-ne設立祭司ê禮儀共計有七工。

第34到36節，特別強調祭司主要是teh替人民贖罪，因為án-ne，若無照上帝命令去做，「一定死亡」，這表示獻祭ê禮儀是bē-tàng隨便ê，而且設立祭司ê規定絕對bē-tàng輕漫，因為祭司ê工作是神聖ê。

利未記 9:1-9:7

註釋:

頭前講，長到七工之久設立大祭司kah祭司。chit-má換做祭司帶領人民獻祭。

第1到4節，摩西召集亞倫kah伊kiáⁿ，以及眾長老，ài in辦理獻祭ê事，是用一隻小公牛kah一隻公綿羊，lóng一定tio̍h是「無殘缺ê」chiah thang。Siōng tāi先tio̍h辦理ê，就是「贖罪祭」。因為是beh獻hō͘上帝ê。續接mā是一頭小公牛kah一隻公綿羊是作獻「平安祭」。第4節，摩西講第八工chit工，上帝beh向大家顯現。摩西是上帝忠實ê奴僕，上帝hō͘伊知影甚麼時chūn beh顯現hō͘以色列人看見。

第5到7節，為tio̍h beh kah上帝見面，全體以色列人lóng聚集tī聖幕前敬拜上帝。摩西ài亞倫為人民向上帝獻「贖罪祭kah燒化祭」，這是為祭司本身，以及以色列人贖罪。

利未記 9:8-9:14

註釋:

Chit段是描述亞倫當大祭司，kah伊kiáⁿ當祭司後，án怎帶領人民向上帝獻祭ê工作。這是獻燒化祭，牲祭品是小公牛。

第8到11節，頭前lóng是摩西teh主導，chit-má亞倫已經被按立為大祭司，就由伊帶領伊ê kiáⁿ主持獻祭ê工作。

第12到14節，這幾節是獻燒化祭。亞倫負責主持獻祭，伊ê kiáⁿ協助伊。

利未記 9:15-9:24

註釋:

Chit段是亞倫kah伊kiáⁿ為人民獻上贖罪祭。牲祭品是公山羊。

第15到16節，亞倫tio̍h用為家己獻贖罪祭ê方式（參考九：2—4），為以色列人民獻贖罪祭。

第17節，這是為人民獻素祭ê規定。

第18到21節，這是獻平安祭。

第22到24節，當亞倫獻祭了後，伊「舉手祝福」以色列人。然後摩西kah亞倫同時進入聖幕，摩西tùi聖幕出來ê時，mā祝福以色列人。Siōng hō͘以色列人感覺興奮ê，就tī chit時，上帝向以色列人顯現，並kā亞倫帶領以色列人獻tī祭壇上ê燒化祭kah脂肪降落天火燒化，hō͘以色列人大受激勵。因為in看見上帝降臨並且顯chit-má in面前。

利未記 10:1-10:7

註釋:

Chit章thang分做兩個部分，第一部分是第1到7節，有關亞倫兩個kiáⁿ干犯了獻祭ê規律，因為án-nehō͘ 上帝咒詛á死。第二部分是第8到20節，mā是有關祭司規律ê事。

Tī第八章kui章lóng講tio̍h設立祭司ê條例，一再重複一句話：「這一切lóng遵照上主ê命令做。」chit句話真清楚teh表明：甚麼人被設立為祭司，伊就一定tio̍h照規矩辦理敬拜上帝ê工作，一點mā馬虎bē-tàng。因為án-ne，摩西向亞倫kah伊ê kiáⁿ提出嚴厲ê警告：若辦裡獻祭禮儀ê時，違背上帝ê命令，一定會死（參考八：35）

Tī第九章講tio̍h設立祭司了後，in真確實地操練怎樣帶領人民辦理獻祭ê禮儀，因為án-ne，只要確實遵照上帝命令辦理，上帝就會tùi聖幕中顯現出來，並且賜福hō͘以色列人。如果無遵照上帝ê命令，上帝就bē顯現，表示上帝bē接納以色列人，in就會失去上帝ê賜福。

亞倫ê kiáⁿ拿答kah亞比戶，竟然違背上帝ê命令，辦理獻祭禮儀ê時褻瀆上帝ê神聖，á喪失了性命。這mā是對所有teh beh被設立眾祭司ê利未族ê嚴厲警告。

Chit段經文講tio̍h亞倫ê兩個kiáⁿ—拿答，是大kiáⁿ；亞比戶，是第二kiáⁿ。因為無照上帝ê命令辦理獻祭，結果hō͘ 上帝懲罰á死tī聖幕裡。

第1到3節，亞倫ê chit兩個kiáⁿ「the̍h家己ê香爐，貯滿火，燒了香」獻hō͘上帝。Chit種香爐是平底ê淺盤，用來承載燒tio̍h ê火炭。然後kā香料hē tī火炭頂面。第1節就真清楚指出，拿答kah亞比戶所the̍h ê是「凡俗ê香火」，這已經違背上帝ê命令，in無kā家己厝裡用ê香，kah beh獻hō͘上帝ê香kā它區隔出來，chit種祭司，一定會hō͘上帝tùi以色列人中hō͘除名（參考出埃及記三十：34—38）。chit-má拿答kah亞比戶竟然敢違背上帝ê命令，表示in並無真心敬畏上帝，這顯然是故意ê態度。結果m̄-nā所燒獻ê香hō͘ 上帝拒絕，甚至hō͘ 上帝嚴厲懲罰á死tī聖幕中。

Koh講，祭壇頂ê火是bē-tàng熄滅ê，tio̍h「日夜不斷來火燒，bē-tàng熄滅」（參考利未記六：13），iáu一定tio̍h tùi祭壇頂引火，bē-tàng私自點火燒香獻hō͘上帝，以表示聖潔ê意思。

第4到5節，因為照上帝ê命令，祭司bē-tàng接觸tio̍h屍體（參考利未記廿一：11），因為án-ne，摩西叫亞倫ê叔父烏薛ê kiáⁿ米沙利kah以利撒反進入聖幕中，kā拿答kah亞比戶ê屍體抬出送到以色列人民紮營區域ê外面去。

第6到7節，摩西吩咐亞倫ê叔父（m̄是祭司）去處理屍體ê事，同時禁止亞倫kah伊ê kiáⁿ接觸屍體，為tio̍h是beh保持聖潔ê緣故。而且bē-tàng為家己ê親人舉哀，因為in是干犯獻祭ê聖潔工作，換句話講，如果in舉哀，表示是對上帝懲罰違反神聖ê人不滿。不舉哀，表示拿答kah亞比戶兩人是罪有應得。摩西koh一pái利用chit-ê機會嚴厲警告亞倫kah伊ê kiáⁿ，強調in既然被設立為祭司，就已經「成聖了」，一定tio̍h頂真地遵照上帝ê命令辦理祭司禮儀。其實，拿答kah亞比戶ê行為已經提供一個非常重要ê信息：祭司一定tio̍h嚴格遵守聖潔ê規律，如果無án-ne，就是污穢了上帝ê祭壇。這mā是對所有祭司嚴厲警告。

利未記 10:1-0:7

註釋:

15.第十章：
Chit章thang分做兩個部分，第一部分是第1到7節，有關亞倫兩個kiáⁿ干犯了獻祭ê規律，因為án-nehō͘ 上帝咒詛á死。第二部分是第8到20節，mā是有關祭司規律ê事。

Tī第八章kui章lóng講tio̍h設立祭司ê條例，一再重複一句話：「這一切lóng遵照上主ê命令做。」chit句話真清楚teh表明：甚麼人被設立為祭司，伊就一定tio̍h照規矩辦理敬拜上帝ê工作，一點mā馬虎bē-tàng。因為án-ne，摩西向亞倫kah伊ê kiáⁿ提出嚴厲ê警告：若辦裡獻祭禮儀ê時，違背上帝ê命令，一定會死（參考八：35）

Tī第九章講tio̍h設立祭司了後，in真確實地操練怎樣帶領人民辦理獻祭ê禮儀，因為án-ne，只要確實遵照上帝命令辦理，上帝就會tùi聖幕中顯現出來，並且賜福hō͘以色列人。如果無遵照上帝ê命令，上帝就bē顯現，表示上帝bē接納以色列人，in就會失去上帝ê賜福。

亞倫ê kiáⁿ拿答kah亞比戶，竟然違背上帝ê命令，辦理獻祭禮儀ê時褻瀆上帝ê神聖，á喪失了性命。這mā是對所有teh beh被設立眾祭司ê利未族ê嚴厲警告。

16.第十章1到7節：
Chit段經文講tio̍h亞倫ê兩個kiáⁿ—拿答，是大kiáⁿ；亞比戶，是第二kiáⁿ。因為無照上帝ê命令辦理獻祭，結果hō͘ 上帝懲罰á死tī聖幕裡。

第1到3節，亞倫ê chit兩個kiáⁿ「the̍h家己ê香爐，貯滿火，燒了香」獻hō͘上帝。Chit種香爐是平底ê淺盤，用來承載燒tio̍h ê火炭。然後kā香料hē tī火炭頂面。第1節就真清楚指出，拿答kah亞比戶所the̍h ê是「凡俗ê香火」，這已經違背上帝ê命令，in無kā家己厝裡用ê香，kah beh獻hō͘上帝ê香kā它區隔出來，chit種祭司，一定會hō͘上帝tùi以色列人中hō͘除名（參考出埃及記三十：34—38）。chit-má拿答kah亞比戶竟然敢違背上帝ê命令，表示in並無真心敬畏上帝，這顯然是故意ê態度。結果m̄-nā所燒獻ê香hō͘ 上帝拒絕，甚至hō͘ 上帝嚴厲懲罰á死tī聖幕中。

Koh講，祭壇頂ê火是bē-tàng熄滅ê，tio̍h「日夜不斷來火燒，bē-tàng熄滅」（參考利未記六：13），iáu一定tio̍h tùi祭壇頂引火，bē-tàng私自點火燒香獻hō͘上帝，以表示聖潔ê意思。

第4到5節，因為照上帝ê命令，祭司bē-tàng接觸tio̍h屍體（參考利未記廿一：11），因為án-ne，摩西叫亞倫ê叔父烏薛ê kiáⁿ米沙利kah以利撒反進入聖幕中，kā拿答kah亞比戶ê屍體抬出送到以色列人民紮營區域ê外面去。

第6到7節，摩西吩咐亞倫ê叔父（m̄是祭司）去處理屍體ê事，同時禁止亞倫kah伊ê kiáⁿ接觸屍體，為tio̍h是beh保持聖潔ê緣故。而且bē-tàng為家己ê親人舉哀，因為in是干犯獻祭ê聖潔工作，換句話講，如果in舉哀，表示是對上帝懲罰違反神聖ê人不滿。不舉哀，表示拿答kah亞比戶兩人是罪有應得。摩西koh一pái利用chit-ê機會嚴厲警告亞倫kah伊ê kiáⁿ，強調in既然被設立為祭司，就已經「成聖了」，一定tio̍h頂真地遵照上帝ê命令辦理祭司禮儀。其實，拿答kah亞比戶ê行為已經提供一個非常重要ê信息：祭司一定tio̍h嚴格遵守聖潔ê規律，如果無án-ne，就是污穢了上帝ê祭壇。這mā是對所有祭司嚴厲警告。

利未記 10:8-10:20

註釋:

摩西koh一pái告誡亞倫kah伊ê kiáⁿ，需要注意祭司ê聖潔kah規律，若無一定會koh再出問題á遭遇上帝ê重罰。

第8到11節，真清楚規定祭司teh執行獻祭ê時是禁酒ê，無論是淡酒á是烈酒lóng嚴禁。為tio̍h是驚lim酒會hō͘ in tī神聖ê祭壇頂亂了規律。這mā就是有人認為拿答kah亞比戶真可能就是因為lim醉酒ê緣故，干犯了獻祭ê禮儀，後來chiah訂出chit-ê條例。

第12到15節，規定祭司接受獻祭ê物件，一定tio̍h注意食ê所在是tī祭壇邊，因為hiah-ê食物是「至聖ê」。M̄-koh in ê家屬所得tio̍h之祭物，一定tio̍h tī經過潔淨禮儀ê所在食用。換句話講，祭司kah in ê家屬，mā tio̍h重視聖潔禮儀無法度隨便。

第16到20節，繼續teh說明祭司tio̍h保持聖潔ê心，bē-tàng有隨便ê態度，若無真容易hō͘敬拜上帝ê事變成輕浮、隨便。因為拿答kah亞比戶ê事件，hō͘亞倫kah伊ê另外兩個kiáⁿ感覺不安、驚惶，in內心mā因為chit種事感覺艱苦心，因為án-ne，乾脆kā所有獻祭之物lóng燒化掉，m̄食。雖然摩西有譴責，m̄-koh mā接受亞倫ê解釋，因為伊遇tio̍h喪子之痛。

利未記 11:1-11:12

註釋:

Tùi第十一章到第十五章，lóng tī說明清氣kah無清氣之間ê區別。

詳細說明二者之間ê差別，為tio̍h是beh教導以色列人遵守，好hō͘家己真正成做「分別為聖」ê民族（參考十一：45）。如果kā第十六章1節「亞倫ê兩個kiáⁿ因向上主獻凡俗ê香火被殺以後」，續接tī第十章了後，讀起來mā真順暢。因為án-ne，有聖經學者認為這五章可能是為tio̍h beh教導人民嚴格遵守潔淨、神聖ê禮儀，免得koh再犯拿答kah亞比戶ê事件á加入ê。若此，mā thang看出當時祭司ê主要工作，就是teh分別潔淨á無ê事，因為chit關係tio̍h人民是m̄是ē-tàng進入聖幕（á是聖殿）敬拜上帝ê資格。Chiah-ê區別所講ê「聖俗、清氣kah無清氣」主要目的，mā是teh對抗外邦人宗教信仰ê侵犯，hō͘以色列人完全tńg來到耶和華上帝ê領域中，真實地敬拜上帝。

Chit章是有關潔淨食物方面ê條例。大概ê區別方式如下：各種外邦人所敬拜ê動物，á是hiah-ê因迷信認為有魔力ê動物，lóng屬tī無清氣ê。肉食ê動物kah鳥類是屬tī無清氣ê。想像中屬tī無清氣ê動物，親像：鰻、鱔魚之類ê，因為款式真親像蛇，mā tī無清氣ê食物之列。

其實，teh看chit章經文ê時chūn，mā tio̍h對照一下馬可福音第七章15節、使徒行傳第十章9到16節、羅馬書第十四章等經文ê教導，整體chiah會比較明白。

Chit段經文是有關平時常見ê動物，以及魚類ê潔淨á無之別。

第1到8節，chia列出家畜動物有腳蹄ê，其腳蹄一定tio̍h是分瓣，iáu有其胃一定tio̍h反芻，án-ne chiah ē-tàng列為潔淨動物á食之，若無，就列入無清氣ê動物，bē-tàng食。

對台灣人歡喜食用ê豬肉tī當時是禁止食用ê，tī chia講豬是屬tī無清氣ê動物bē-sái食，原因是豬無反芻。這可能kah中東地帶bat發生食豬á發生瘟疫，á是可能是因為豬tī中東地帶，常常hông用來獻祭hō͘異教神明ê路用，為tio̍h beh區隔有ê規定。Chit種規定對tī歡喜豬肉ê台灣人並無合適。

第9到12節，chia清楚寫出魚類一定tio̍h是有鰭、鱗ê chiah thang食。M̄-koh今á日ê科技已經hō͘遠洋漁船ē-tàng撈捕各種深海魚類，親像：鮪魚、土魠等，lóng是無鱗ê魚。Iáu有台灣人siōng kah意ê鰻魚、鱔魚等，因為樣式真親像蛇á被列入無清氣ê行列，因為蛇被看做是誘惑者、撒旦、魔鬼。

利未記 11:13-11:23

註釋:

Chit段經文是屬tī鳥類kah昆蟲類。

第13到19節，規定hiah-ê是屬tī bē-tàng食ê鳥類，相對ê，無列出來ê鳥類，就是thang食ê。

第20到23節，規定「有翼股ê昆蟲，除了會跳ê，lóng是無清氣」ê，mā bē-tàng食。

利未記 11:24-11:38

註釋:

Chit段經文提醒摸到動物ê屍體，就算是無清氣，並且詳細說明chiah-ê無清氣ê動物屍體觸(tak)tio̍h ê物件，lóng算無清氣等規律。

第24到28節，進一步說明，任何人只要觸(tak)tio̍h頂面所講chiah-ê無清氣動物ê時，lóng算無清氣，伊一定tio̍h「Kā衫褲洗盪清氣，ē-sái講是伊猶原無清氣到beh暗á」。

第29到38節，koh khah進一步說明，chiah-ê無清氣ê動物觸(tak)tio̍h ê物件mā算無清氣，一定tio̍h慎重處理。

利未記 11:39-11:47

註釋:

Chia談ê是屬tī自然死去ê thang食動物，iáu有被禁食ê爬蟲包含用腹部爬ê動物在內。

第39到40節，雖然是潔淨thang食ê動物，m̄-koh卻因為自然死去，就一定tio̍h看做無清氣，無論摸到，á是不注意á食了，lóng算無清氣，需要洗盪衫褲，mā tio̍h無清氣到beh暗á。

第41到43節，是屬tī爬蟲類，用「腹肚爬ê」，ná親像tō͘-kún等lóng bē-tàng食。

第44到45節，thang做kui章經文ê結語，表示會án-ne強調，是因為上帝是聖潔ê，以色列人mā一定tio̍h án-ne聖潔（參考十九：1—2）。

第46到47節，koh一pái強調頂面所講chiah-ê「動物、鳥類、魚類，kah爬蟲類」等，thang食á無，lóng一定tio̍h清楚注意tio̍h，免得玷污家己，mā影響tio̍h kah聖潔上帝之間ê關係。

Chit章lóng一再重複強調，只要是無清氣ê，m̄-nā bē-tàng食，連摸tio̍h lóng bē-tàng。

利未記 12:1-12:5

註釋:

Chit章講tio̍h有關產婦ê潔淨問題。早期社會對tī婦女生kiáⁿ ê事感覺有神秘感，真可能kah當時gín-á ê死亡率真koân有密切關係。因為án-ne，總會有一kóa規律、要求，好hō͘產婦tī該段時間內kah一般人區隔出來，免得因為嬰á受tio̍h不必要ê感染發生意外。表面上看起來，kah-ná teh生男育女ê事頂面有「不平等」ê規定──生男ê，總共歇睏四十工；生女ê，共歇睏八十工，這提供了一個信息：男嬰比女嬰壯。Koh講，因為男嬰出世後第八工tio̍h接受割禮，因為án-ne，第八工就潔淨à。

Tī chit段所謂「無清氣」ê時間內，不准夫婦有性行為發生，若無連丈夫mā變成無清氣。Án-ne，對產婦確實是真大ê幫助，thang達tio̍h充分ê歇睏。

Chit段經文是關係生男女嬰á ê產婦，需要保持潔淨ê規定。

第1到4節，chia講產婦生男嬰，只有七工無清氣，因為第八工，男嬰就一定tio̍h接受割禮（參考創世記十七：12），á割禮表示聖潔，是kah神聖ê上帝立約之記號。因為án-ne，割禮了後，男嬰就屬tī聖潔ê子民。M̄-koh為tio̍h產婦ê安全，一定tio̍h chiah koh等三十三工，等流血停止了，chiah算潔淨。

第5節，若生女嬰，無清氣時間加出男嬰一倍，有十四工。而且tio̍h等六十六天，mā是比生男嬰加出一倍ê時間，是屬tī無清氣。

會有chit種差別，真可能對男女之間ê認知有關，mā可能是因為女嬰後來會有月經，需要koh khah chē歇睏。M̄-koh thang看出hō͘ in臨盆ê婦女有koh khah chē歇睏時間，對in ê復原是有好處。

利未記 12:6-12:8

註釋:

Chit段經文是規定產婦生育潔淨了後，一定tio̍h獻上感恩ê祭。

第6到7節，產婦獻上感恩ê祭，chit種祭被看做是潔淨禮。

第8節，特別為tio̍h hiah-ê貧困家庭ê婦女設想，thang用兩隻斑鳩á是粉鳥當做感恩kah贖罪祭ê路用。

利未記 13:1-13:8

註釋:

Chit章kah第十四章lóng是記載關係癩ko病患，以及發霉ê衣物ê問題。Tī chit-ê兩章中，有一部分是屬tī祭司ê職責，伊tio̍h檢驗病患是m̄是確實有癩ko病。仝款ê，伊mā tio̍h檢驗病患是m̄是痊癒（參考馬可福音一：40—45）。另外一部分是記載關係病患得tio̍h復原後，應該tio̍h有ê「手續」。

癩kochit種病，tī古代被當做siōng嚴重ê傳染病，tī當時患此病ê人ná親像被判死刑仝款，因為hit時chūn ê人認為chit種病會傳染，mā無法度醫，甚至會看做是上帝嚴重責罰ê一種病（參考民數記第十二章）。患chit種病ê人，m̄-nā無法度參加聖殿ê敬拜，mā無法度進入會堂，koh khah嚴重ê是，beh tùi人群中被隔離出來，不准khiā起tī社區裡（參考第45到46節）。Mā因為chit種病被當時ê人看做差不多就是「死罪」，所以用chiah-ni̍h長ê篇幅詳細記載相關ê規定。

這是第一種被列為可能是癩ko病症ê人。

第1到3節，皮膚上有腫皰、癬，á是發炎，是屬tī癩ko病徵，一定tio̍h嚴格檢查。

第1到6節，chit種嚴格檢查時間，分做兩個階段，每一個階段七工，án-ne共計長到十四工。前一段beh tùi家庭kah人群社區中隔離出來，若無惡化，mā無蔓延ê現象，後七工重複檢視，若成（chiâⁿ）實m̄是，就ē-tàng宣佈chit-ê人是潔淨ê。Chit-ê人就一定tio̍h「洗盪衫褲」。

第7到8節，即使宣佈chit-ê人是潔淨ê，以後若發見有「koh再蔓延」ê現象出現，經過檢查確實，就是屬tī癩ko病，負責檢查ê祭司就beh宣佈hō͘大家知影。

利未記 13:9-13:17

註釋:

Chit段經文是關係癩ko病人，一定tio̍h被帶到祭司hia去做進一步ê檢查確認。

第9到10節，提起皮膚患ê所在變成「白色，毛mā變白，koh有膿」，這就是屬tī慢性癩ko病。M̄-koh，chit種人thang m̄免隔離出來。

第11到15節，經過祭司檢查了後，有發見患者癩ko病散發到表皮，而且蔓延全身、「傷口有裂開」，這確認是「長了癩ko」。M̄-koh tī第13節kah第15節等等，lóng提起若只停留tī皮膚上，這無法度算是無清氣。除非患ê所在已經深入，hō͘傷口裂開，就算無清氣。

第16到17節，若有人後來好轉，就一定tio̍h tńg來到祭司ê所在重新檢驗，若證實癩ko病徵已經消除，就beh宣佈chit-ê人潔淨à。這mā是為甚麼被耶穌醫好ê癩ko病人，耶穌ài伊趕緊去hō͘祭司檢驗ê原因（參考馬可福音一：44）。

利未記 13:18-13:23

註釋:

Chit段經文講tio̍h有關皮膚上長瘡ê問題。

第18到20節，長瘡ê病復發，有發腫、白色而且帶有紅白斑點，而且有蔓延ê情形，chit時經過祭司檢查後確認，就是屬tī癩ko病。

第21到23節，若患ê所在無惡化、蔓延，只是瘡皰而已，án-ne是屬tī潔淨ê。

利未記 13:24-13:37

註釋:

這是因為被火燙傷，以及皮膚有介癬ê現象之規定。

第24到28節，若是因為被火燙傷，致使傷口有變白á是有紅白斑，傷口ê毛變白，傷口陷入皮膚，chit種就是癩ko病徵。若無chit種現象，就一定tio̍h先隔離觀察七工，若確實有蔓延ê現象，就是屬tī癩ko。反之，就是潔淨ê。

第29到37節，因為頭部長癬ê現象是男女lóng會有，因為án-ne，chia就真清楚描述檢查ê規定。若症狀尚且不明顯，有懷疑ê時，就beh先隔離七工。而且為tio̍h beh檢查清楚，患者一定tio̍h先剃掉頭毛á是鬍鬚，來便利明確檢查。Tī隔離七工了後，若無蔓延現象，皮膚mā無凹陷落去，就無算是。反之，就是癩ko病。

利未記 13:38-13:46

註釋:

Chit段經文提起掉頭毛ê現象，以及頂面所講病症被確定是癩koê時，應該tio̍h辦理ê規定。

第38到39節，提起皮膚上有白色斑點，就beh接受祭司ê檢查。

第40到44節，若單純掉頭毛，he是無問題。M̄-koh若禿髮所在ê皮膚有「白中帶紅ê症狀」之病變，經過檢查確認後，就是癩ko病。

第45到46節，chit兩節提起只要是癩ko病人，就一定tio̍h隔離出來。Hō͘ in khiā起tī「營外」，每pái遇tio̍h人，就beh喊叫：「無清氣，無清氣！」這是為tio̍h避免傳染hō͘別人。

利未記 13:47-13:59

註釋:

Chit段經文講tio̍h有關癩ko病人所穿ê衫褲、蓋過ê棉被等，lóng需要檢查清楚是m̄是有留落來病菌。Á檢查ê過程lóng kah檢查癩ko病人仝款。其實，衫褲、棉被等物bē傳染。M̄-koh，tī古代醫藥欠缺ê時代，為tio̍h beh預防傳染致使瘟疫發生，án-ne做mā是一種防範ê措施。

第47到52節，chia講癩ko病人穿過á是用過ê衣物，無論是麻紗á是羊毛，以及皮革物件，若有發霉ê現象，就beh先行隔離七工，若發見chiah-ê霉菌有蔓延，就確定是無清氣之物，一定tio̍h燒毀。

第53到59節，反之，就beh先清除清氣，經過七工了後，koh一pái檢查，確定m̄是ê時，chiah-ê有發過霉ê物件mā是無清氣ê，ài kā發霉ê部分撕落來，其餘ê thang用。M̄-koh若確定蔓延了，就beh燒毀。

利未記 14:1-14:32

註釋:

Chit章一開始就講tio̍h癩ko病被當時ê人認為是一種會傳染ê疾病，因為án-ne，一定tio̍h先kā病患隔離出來。甚至祭司mā bē-tàng tī社區裡檢驗，一定tio̍h城外檢查。

Chia就牽涉tio̍h一個問題，如果癩ko真正無藥物thang治，ná怎樣可能會得tio̍h醫（如果無tú-tio̍h像耶穌hit種有行神跡能力者出現）？咱thang án-ne瞭解：因為祭司m̄是醫生，發生「誤診」是常有ê事。因為án-ne，先kā thang疑ê病人隔離起來觀察，過一段時間了後，就比較ē-tàng確定是m̄是癩ko病了，若皮膚lóng恢復正常，就thang認為是「痊癒」，chiah恢復chit種人「潔淨」之身。

Chit段經文是有關癩ko病症好了後，應該有ê處理方式。Chit段經文thang分做兩個部分來看：一是第3到9節，主要ê方式是用血kah水，表示人ê罪已經被洗淨並贖回。二是第10到32節，獻上贖罪祭ê禮儀。Tī祭司ê看法裡，像癩koán-ne嚴重ê病症，m̄是一般禮儀就ē-tàng得tio̍h平衡，因為án-ne，tī潔淨ê禮儀上，除了用「贖罪祭」之外，iáu ài khah上三分之一ê「量」來表示重要性。這是因為古代觀念中認為：疾病是因為犯罪所延伸出來ê懲罰，因為án-ne，獻「贖罪祭」乃是理所當然ê方式，mā是siōng好ê方法。

第1到2節，ná親像第十三章所記載ê，若是有人發見身上皮膚有異樣，就需要帶去hō͘祭司檢驗，看是m̄是癩koê症狀。仝款，若被診斷並m̄是癩ko病，mā需要tńg來到祭司hia去確認chiah thang。

第3到9節，chit段經文真清楚說明所有檢驗ê過程，其中siōng主要ê，就是祭司tio̍h chhōa chit-ê人「到營外檢查」，這mā是一種預防措施，萬一無完全痊癒，thang避免擴大感染。Koh講，照第十三章46節ê規定，被判定是癩ko病ê人，原本就需要tòa tī營外。因為án-ne，當chit-ê人發見家己ê病已經好了，伊iáu無法度入城內，需要留tī營外等祭司去檢查，通過了後chiah thang入城去。

除了獻祭ê鳥兩隻外，mā需要香柏木、一條朱紅線、一條牛膝草ê嫩枝。鳥ê血tio̍h hiù tī病人ê身上「七pái」，表示完全潔淨ê意思。然後伊需要kā身上所有ê毛髮lóng剃掉，然後沐浴、洗盪衫褲，tòa tī帳棚外七工。了後koh一pái剃掉身上所有ê毛，然後koh一pái洗盪衫褲、沐浴等，án-ne chiah算完成潔淨禮。

第10到20節，當祭司宣佈chit-ê人已經完全痊癒了後，chit-ê人就一定tio̍h照必要ê禮儀獻上感恩ê祭，除了獻燒化祭ê兩隻小公羊、一隻小母羊外，mā需要獻素祭ê三公斤調kah tio̍h橄欖油ê細麵粉、三分之一公升ê橄欖油。Á潔淨禮中間，非常重要ê一點，就是用橄欖油倒tī he人頭殼頂，並且用獻牲祭ê血抹tī he人ê右耳垂、正手大頭拇、正腳ê大頭拇上，用chit種方式表示潔淨。Á chit-ê禮儀mā就是所講ê潔淨禮。

第21到32節，chit段經文是針對hiah-ê sàn-chhiah人家所規定ê潔淨禮。Kah頭前ê差別，是chia thang用一隻小公羊作贖過祭to̍h ē-sái，koh講細麵粉只需要一公斤。另外是用兩隻粉鳥á是斑鳩取代一隻小公羊、一隻小母羊。其它動作lóng仝款。

其實，就算一隻小公羊，對sàn-chhiah人來講mā是真大ê負擔。M̄-koh ē-tàng被宣佈潔淨是一種性命鎖枷ê解脫，至少chit-ê人thang tńg到厝裡，ná親像被法官宣判無罪獲釋仝款，是性命極大ê喜樂。

利未記 14:33-14:57

註釋:

除了身軀ê問題外，mā有關係khiā起厝方面ê潔淨問題。當時ê人認為厝mā會有被癩ko感染ê情形出現，因為hit時chūn ê人無法度瞭解潮濕，á是空氣流通不佳會對身軀健康有影響。不過今á日ê人已經知影，如成（chiâⁿ）實是傳染病，則m̄-nā是人需要被隔離出來，連居家環境mā需要消毒，來預防繼續傳染hō͘出入該場所ê人。

第33到42節，「厝有發霉ê現象」，祭司就beh命令kā厝內所有ê物件lóng搬出來，然後緊閉「七工」，了後若是發見有繼續蔓延、擴大發霉範圍ê情況，án-ne就需要kā hiah-ê石頭移開，石頭殼頂外層ê石灰層刮掉，kā刮落來ê塵埃hō͘倒tī糞埽堆ê所在。然後tio̍h換上新ê石頭，而且塗上新ê石灰層。

第43到47節，如果換上新ê石頭，抹上去ê石灰層繼續發霉，這就表示該厝ê問題真正真嚴重，需要kā kui間厝phah掉，重新建造。因為he是無清氣ê厝，當然就不准任何人入去khiā起á是觸(tak)tio̍h。

第48到53節，相對tī前一段經文ê無清氣，chit段是潔淨ê厝，tio̍h舉行潔淨禮，仝款ê需要用獻祭來表示，祭物包括兩隻鳥、一塊香柏木、一條朱紅線，kah一條牛膝草ê嫩枝，ùn鳥ê血hiù厝七pái。

第54到57節，頭前敘述ê lóng是kah清氣kah無清氣ê規定有關。Tùi人到厝，lóng需要hiù血七pái，用chit種方式表示潔淨。七pái，表示完美，有上帝賜福ê意思。

利未記 15:1-15:18

註釋:

這是有關cha-po͘人、cha-bó͘人生理方面，而且lóng是kah性器官之功能有關ê問題。

Chit段落是屬tī男性ê疾病，真可能kah梅毒有關。這算是嚴重ê病，需要被隔離起來，chit種隔離雖然m̄是親像癩ko仝款到營外區域，卻無法度kah別人接觸，因為凡是kah伊接觸ê人lóng是屬tī無清氣ê人。

第1到4節，所謂「遺漏症」，是teh指男性ê精液，m̄-koh mā可能是因為淋病引起ê分泌物。Chit-ê cha-po͘人就是屬tī無清氣ê，因為án-ne，伊摸過、躺過、坐過等，lóng算是無清氣。

第5到12節，除了當事人是屬tī無清氣之外，任何人觸(tak)tio̍h chit-ê人所接觸過ê物件mā lóng算無清氣。觸(tak)tio̍h者一定tio̍h沐浴、洗盪衫褲等，而且無清氣到「hit工beh暗á」，mā就是hit工結束。若是hō͘病人本身觸(tak)tio̍h，被觸(tak)tio̍h ê人lóng屬tī無清氣，連伊觸(tak)tio̍h ê物件lóng屬tī無清氣。

第13到15節，若是chit-ê病人已經痊癒，就需要thèng候「七工」時間，這七工中間，伊一定tio̍h每工lóng照規定洗盪衫褲、沐浴。然後tī第八天才ē-tàng帶tio̍h獻祭ê粉鳥á是斑鳩去hō͘祭司，為伊舉行潔淨禮。

第16到17節，這是夢洩ê事，因為是自然生理ê事，只要沐浴kah洗潔衫褲就ē-tàng。

第18節，是關係男女性交ê事。

利未記 15:19-15:32

註釋:

Chit段是有關cha-bó͘人ê生理週期來ê時，hō͘人認為是屬tī無清氣ê。M̄-koh若是超過生理週期ê期間猶原繼續流血，這就有「犯罪」ê問題，需要行潔淨禮。若是tī正常ê期間內，屬tī生理上ê自然現象，就無需要行潔淨禮。

第19到23節，cha-bó͘人月經ê問題。因為是屬tī自然生理ê現象，有七工ê時間是屬tī無清氣，tī chit段期間，伊觸(tak)tio̍h過、坐過、躺過ê，lóng算是無清氣，m̄-koh chiah-ê並m̄是病症。因為án-ne，只要沐浴to̍h ē-sái潔淨。

第24節，禁止kah經期間ê cha-bó͘-gín-á性交，若無kah之接觸ê cha-po͘人mā算是無清氣，仝款有七工ê無清氣。Tī chia講是七工ê無清氣，m̄-koh tī第二十章18節則有koh khah嚴厲ê規定：「若有人kah經期內ê cha-bó͘-gín-á有性關係，兩人lóng tio̍h被趕出社區，因為in lóng觸犯了有關無清氣ê條例。」

第25到30節，是屬tī血漏症ê病，親像經期過了，卻iáu未停止流血ê問題。這就是屬tī一種病症。Tī新約馬可福音第五章25到34節chit段經文中，記載一位患tio̍h血漏症長到十二年ê cha-bó͘人，chit段期間伊是非常痛苦ê，因為無法度接觸tio̍h任何物件，若無被伊摸tio̍h過ê物件lóng會變成無清氣。M̄-koh伊摸到耶穌ê衫褲，m̄-nā無hō͘耶穌變成無清氣，顛倒，伊ê血漏病反tńg好起來。有chit種病症ê cha-bó͘人康復了後，就需要舉行潔淨禮，牲禮真簡單，只要準備兩隻粉鳥á是斑鳩to̍h ē-sái。

Tùi頂面所講情形thang清楚看出，只要是屬tī正常ê生理現象，則用沐浴就ē-tàng潔淨。M̄-koh，若屬án-ne ê病症ê一種，則需要用獻祭ê行為表示悔改，並且感謝上帝憐憫ê恩典。

利未記 16:1-16:19

註釋:

Chit段經文講述贖罪日獻祭ê條例，包括祭司應該tio̍h遵守ê獻祭禮儀、規矩，以及表達ê意義。

第1到4節，tī chia開始就講會設立「贖罪日」ê緣由，是kah亞倫ê兩個kiáⁿ獻祭違反規定有關，這thang參考利未記第十章1到3節。

Chia規定亞倫beh進入上帝ê至聖所chìn前，一定tio̍h先用一頭小公牛作贖罪祭、一隻公綿羊作燒化祭了後，chiah thang進入聖幕ê至聖所ê所在。然後，亞倫tio̍h穿祭司ê整套禮服chiah thang，表示這是一個神聖ê節日。Thang án-ne了解：平時大祭司是不進入至聖所ê，只有每年ê贖罪日chit工，一定tio̍h進入至聖所。為tio̍h beh進入這至聖ê所在面見上帝，小khoá無注意可能會死去。

第5到10節，全體以色列人民tio̍h準備ê獻祭牲禮是兩隻公山羊作贖罪祭、一隻公綿羊作燒化祭。第8節提起亞倫beh tī聖幕門口「抽籤」，這可能就是用「土明」kah「烏陵」。用chit種抽籤方式來看toh一隻公山羊tio̍h獻hō͘上帝，toh一隻tio̍h獻hō͘「阿撒瀉勒」，chit-ê名表示「徙開」、「解散」。因為án-ne，chit隻beh獻hō͘「阿撒瀉勒」ê羊，所象徵ê意義就是kā罪徙開、解散， mài牽纏tī人ê身上，án-ne，贖罪祭獻完了後，mā teh表示chit-ê人就tùi罪惡中得tio̍h脫離à。

第11到14節，chia規定亞倫進入至聖所beh晉見上帝ê時，一定tio̍h用點to̍h ê香之煙遮tio̍h「約櫃ê蓋子」，因為上帝就tī he地方kah主祭者見面。Chit種方式teh表明無法度親目見tio̍h上帝ê面，若無，會死亡（參考出埃及記三十三：20）。

第15到19節，chia強調聖幕是tī以色列人民營區ê中間，á tī亞倫進入聖幕到出來期間，lóng m̄准有人進入聖幕中，只有亞倫一個人tī其中。羊羔ê血用來潔淨聖幕內ê約櫃蓋頂面kah約櫃前，用chit種方式表明贖罪。免不了ê，公牛ê血tio̍h抹tī祭壇ê四角，á祭壇頂hiù血需要*七pái，chiah-ê lóng teh表明贖罪日獻祭ê kui個禮儀。

利未記 16:20-16:28

註釋:

Chit段經文是kah被抽籤決定出來ê hit隻teh代表人ê罪，用來獻hō͘「阿撒瀉勒」ê公山羊之運命。

第20到22節，因為「阿撒瀉勒」表示挪開、解散，thang離開ê意思。因為án-ne，祭司就beh kā雙手khǹg tī chit-ê隻公山羊ê頭殼頂，承認家己ê罪過kah所有邪惡ê事。然後指派一個人kā chit隻公山羊帶到曠野去放行，án-ne，chit隻公山羊就會走離以色列人民，逃到無人去ê所在。

第23到28節，獻完贖罪日ê祭典禮儀了後，亞倫就beh換上另外一套衫褲，he是為人民獻燒化祭ê服裝。Á hit位負責kā獻hō͘「阿撒瀉勒」公山羊趕到曠野ê人，一定tio̍h洗盪衫褲、潔身沐浴chiah ē-tàng tńg去，原因是伊kah充滿tio̍h罪過記號ê hit隻公山羊接觸過，所以已經無清氣à。

利未記 16:29-16:34

註釋:

Chia清楚說明贖罪日該遵守ê規矩，特別強調禁食，bē-tàng工作，舉行潔淨禮儀。Mā就是beh kui工不進食、停工，然後全心全意地遵守祭祀禮儀，差不多就kah Pôaⁿ過節仝款。

第29到31節，chia規定贖罪日ê時間是tī每年七月10日。除了全體以色列人民外，包括tòa tī in中間ê外僑等，lóng一定tio̍h禁食，mā bē-tàng工作。用chit種方式表示非常神聖ê意思。這是一個「至聖ê日子」，因為án-ne，只有ē-tàng專心敬拜上帝。並且tio̍h kā chit-ê重大ê節日列為「應該永遠遵守ê」日子。

第32到34節，有關大祭司kah祭司tī贖罪日該做ê事，一點mā bē-tàng疏忽，kā它列為「一定tio̍h永遠遵守」ê禮儀規定，因為這是為tio̍h贖罪之需。若是無chiah-ni̍h頂真遵守，就得bē-tio̍h上帝ê赦免，mā無法度贖罪à。

利未記 17:1-17:9

註釋:

Chit段經文是利未記ê第二部分，被稱做「聖潔ê法典」。Tī chit-ê十章中，lóng是用「耶和華上帝講，lín聖潔，因為我是聖潔ê」chit種話句為主軸，論述整部「聖潔ê法典」ê內容。

聖潔，有另外一個意義，就是「禁忌」。Mā就是bē-tàng隨便ê意思。因為án-ne，任何違反聖潔規律ê人，lóng「一定tio̍h tùi上帝ê子民中除名（á是開除）」。

Chit章主要teh說明兩件kah獻祭相關而且非常重要ê規律，一是獻祭一定tio̍h tī聖幕ê所在舉行。以前是tī曠野ê所在舉行，chit-má一定tio̍h tī聖幕門口，kā它交hō͘祭司執行獻祭ê禮儀（第5節）。因為曠野m̄是聖地，聖幕chiah是。曠野是當地原住民敬拜神靈ê所在，聖幕是以色列人民敬奉上帝ê處所。二是動物ê血絕對bē-tàng食，mā bē-sái食帶有血ê動物肉，因為血是性命，有贖罪ê功能。

Chit段經文詳細描述一定tio̍h遵守宰殺獻祭動物ê地點，就是只有ē-tàng tī聖幕門口ê所在，bē-tàng隨便tī其他所在。

第1到4節，chia真清楚，m̄是kā獻祭動物ê血流出來就算了，宰殺be̍h獻祭ê動物，一定tio̍h tī聖幕ê門口，這kah迦南地以及曠野居民，是tī各自厝裡宰殺獻祭ê牲畜無仝。這mā是一種分別為聖ê方式，表示耶和華宗教信仰ê特別所在。獻hō͘耶和華上帝ê牲禮，連宰殺ê地點lóng一定tio̍h聖化chiah thang。

第5到7節，tī無聖幕chìn前，in設立祭壇獻祭，chit-má聖幕已經造好了，聖幕內面有約櫃，因為án-ne，聖幕ê所在，就成做神聖ê所在，á獻祭就是敬拜上帝。因為án-ne，所有beh獻祭ê牲禮lóng一定tio̍h帶到聖幕前準備。

Koh講，祭司一定tio̍h用宰殺動物流出來ê血，hiù tī祭壇ê四周，這mā有聖化ê用意。注意第7節所提起ê「山羊鬼」，這是teh指曠野ê鬼神，是曠野游牧民族所敬拜ê神。嚴厲禁止以色列人民mā向chit-ê鬼神獻祭。

第8到9節，chit兩節真清楚說明，除了tī聖幕門口獻祭以外，其他所在lóng bē-tàng當做獻祭之地，包括khiā起tī in中間ê外僑mā tio̍h遵守chit-ê條例。

利未記 17:10-17:16

註釋:

這經文提起動物ê血ê意思義，是teh代表性命，因為án-ne，禁止任何人食帶有血ê肉。

第10到12節，tùi第10節就thang看出chit條禁令ê嚴肅性，若有發見以色列人民，á是khiā起tī in中間ê外僑食了「帶血ê肉」，等於是kah上帝對敵，這表示teh抵抗上帝，ē-sái講是相當嚴重ê行為。Chia特別強調會hiah-ni̍h嚴厲禁止ê原因，是因為血代表性命，thang用來「為人民贖罪」。

第13到14節，chit兩節進一步說明狩獵得tio̍h ê潔淨野獸á是鳥，一定tio̍h tī phah獵得tio̍h了後，隨時就放血，而且是beh「放盡牠ê血，用土掩蓋起來」，原因是血teh代表性命，無法度hō͘之暴露tī日光之下，án-ne完成了後chiah thang宰殺來食。Á án-ne做，mā等於是teh表示hō͘性命「tńg來歸土粉」ê意思，因為動物mā是上帝用土粉製造ê（參考創世記二：19）。

第15到16節，chia提起自然死去，á是被野獸撕裂來死去ê動物，因為肉中有含血，食了chit種肉，等於是無清氣，就一定tio̍h照規定洗盪衫褲、沐浴，若無，就tio̍h承擔家己犯罪ê後果。

利未記 18:1-18:18

註釋:

Chit章是有關兩性之間ê性關係。Tùi chit章ê第3到5節就真清楚指出，以色列人民一定tio̍h kah別ê民族有無仝款ê生活態度。當埃及人tī「性」ê方面隨便ê時，以色列人民bē-tàng學in。taⁿ已經進入迦南地了，m̄-nā bē-tàng kā tī埃及所看tio̍h ê帶入生活中，mā bē-tàng tùi迦南人學習in tī性方面ê風俗，án-ne要求ê主要目的，是beh hō͘以色列人民「分別為聖」，因為上帝是聖潔ê上帝。Koh講，以色列人kā上帝kah in ê關係譬喻做夫妻關係，因為án-ne，信仰上非常堅持一定tio̍h忠貞tī上帝。Kā chit種忠貞思想帶入生活倫理範圍中，mā是以色列人民ê特色。

Chit段經文講tio̍h有關怎樣維護親人彼此之間ê關係，絕對禁止有亂倫ê現象出現。因為亂倫表示婚姻關係不正常，這mā會影響tio̍h以色列人民對上帝（丈夫）ê忠實。

第1到5節，無論以色列人民過去tī埃及看tio̍h ê、學tio̍h ê是甚麼風俗，á是後來上帝會帶領in進入迦南地，mā是仝款，bē-tàng kā tī埃及學tio̍h ê風俗，á是kā迦南人ê生活樣式帶入以色列人民中間。Á是beh遵守上帝頒hō͘以色列人民ê典章律例過生活。Án-ne chiah ē-tàng得tio̍h上帝ê賜福來「存活」落去。

第6節，以chit節做基礎，直到第18節止，lóng是講tio̍h bē-tàng kah家己ê近親有任何性ê關係。若是有，lóng被列入tī亂倫ê範圍內。

第7到8節，chia講bē-tàng kah家己ê老母，以及老父ê細姨有任何性行為，he是屬tī亂倫ê事。雅各ê大kiáⁿ呂便就是做chit件事，引起雅各相當ê忿怒（參考創世記三十五：22），後來雅各iáu為tio̍h án-ne事詛咒呂便，廢了伊大kiáⁿ ê名份（參考創世記四十九：3—4）。

第9到11節，bē-tàng kah家己ê姊妹有任何性行為，即使是同父異母ê姊妹mā tī禁止之列，這mā同時包括了家己ê孫女。因為這牽涉tio̍h亂倫ê問題。

第12到14節，chia規定bē-tàng kah家己ê姑媽、姨媽、a-chím、伯母等有任何性行為，若有發生，mā是屬tī亂倫ê範圍。

第15到16節，家己ê新婦、阿嫂、弟新婦等，mā bē-tàng有任何性關係。

第17節，chit節tio̍h注意，所謂「有過性關係hit-ê cha-bó͘人ê cha-bó͘-kiáⁿ、孫女á是外孫女」，chiah-ê lóng列入禁止，這是為tio̍h beh防範kah母女同時有性行為，這mā可能牽涉tio̍h買賣cha-bó͘-gín-á賣淫ê事。

第18節，chia規定bē-tàng同時娶姊妹做妻妾。

利未記 18:19-18:30

註釋:

Chit段經文是禁止不正當ê性行為。

第19到20節，因為cha-bó͘人ê經期hō͘人認為是無清氣ê，若是kah無清氣ê cha-bó͘人有性關係，mā等於hō͘家己mā污穢à。若是kah別人ê bó͘有性行為，等於是通姦，這是犯姦淫罪。

第21節，thang看tio̍h當時ê迦南人teh獻祭hō͘ in ê神明ê時，會kā家己ê kiáⁿ刣死當做獻祭ê物件獻hō͘ in ê神摩洛。先知耶利米bat譴責以色列人民bat學習chit種方式（參考耶利米書三十二：35）。表示以色列人雖然清楚摩西律法嚴格禁止，人民iáu是會bē記得，á是學習異族ê宗教禮儀。

第22到23節，chit兩節lóng清楚規定，bē-tàng有錯誤 ê性行為關係，特別是人kah野獸ê行為。

第24到25節，chit段經文講出上帝會án-ne kā迦南人驅逐離開，hō͘以色列人民進入khiā起，主要理由就是亂倫嚴重，性關係混亂。Khiā起tī當地ê人若無正當ê性關係，就等於teh侮辱上帝賞賜土地ê聖潔。因為khiā起ê土地若是有秩序，就bē有亂倫ê事發生，chit種社會，chiah會健康。

第26到29節，以色列人民kah迦南地ê人無仝款，in是上帝分別為聖ê選民。若是無見證出上帝選民ê特別ê所在，上帝就bē hō͘ in擁有迦南地thang khiā起。若有人án-ne做，表示chit-ê人是藐視上帝ê命令，chit種人，一定tio̍h tùi以色列人民中間開除。

第30節，上帝ài以色列人民一定tio̍h嚴格遵守祂ê命令，只有án-ne chiah ē-tàng永遠生存在上帝賞賜hō͘ in khiā起ê土地上。

Tùi獻祭ê禮儀來看：
Siōng早出埃及進入曠野ê時，是每行到一個所在停留落來，摩西就帶領以色列人民起造祭壇敬拜上帝。chit-má利未記則看見以色列人民tī曠野ê移動，kah本來快步移動已經有大轉變，in有時會tī一個有水泉之地停留一段時間。因為án-ne，開始有建造聖幕敬拜上帝，á所有獻祭之家畜、動物lóng一定tio̍h tī聖幕門口ê所在宰殺，物件mā一定tio̍h帶到聖幕門口去燒獻hō͘上帝。直到申命記，則清楚指出獻祭一定tio̍h指定敬拜上帝ê所在去辦理。

利未記 19:1-19:10

註釋:

Chit章ē-sái講是規範了家庭、社區等生活ê態度，是一本道德教示手冊，差不多十誡裡所有ê規定lóng出現tī chit章中。Tùi chia thang看出摩西對以色列人民ê信仰要求，重視一定tio̍h落實在生活中。因為án-ne，一再強調以色列人民一定tio̍h有聖潔ê生活，因為上帝是聖潔ê上帝。新約時代，使徒保羅mā án-ne強調：「M̄ -thang koh hō͘ 世俗同化，tio̍ h hō͘ 上帝 kā lín 改造，心志得 tio̍ h 換新，hō͘ lín thang 明白甚麼是上帝ê 旨意，甚麼是良善、純全，上帝所歡喜ê。(全民版)」（羅馬書十二：2）。雅各書第一章27節án-ne講：「看顧苦難中 ê 孤兒寡婦，koh 保守家己，無 hō͘世俗ê 腐敗污染，tī 天父上帝ê 眼中，這chiah 是清氣無lah-sap ê 敬虔。(全民版)」Tùi頂面所講經文就ē-tàng看出早期基督教會對信徒ê社會生活之要求mā是真koân。

Tī chit章中mā另外有一個特色，就是每一個段落lóng會重複敘述一句：「我是上主—lín ê上帝。」chit句話其實就是約ê基本模式。換句話講，上帝用chit種句型teh kā以色列人民講：一定tio̍h嚴格遵守chiah-ê生活規律，chiah ē-tàng證明以色列人民kah上帝之間是有立約ê子民，in是屬tī上帝ê。

Chit段經文開始就講tio̍h聖潔ê基礎，因為上帝是聖潔ê，所以上帝揀選ê子民就一定tio̍h聖潔。

第3節，「每一個人lóng一定tio̍h孝順父母」，chit句話是十誡ê第五誡（參考出埃及記二十：12）。Á chit句「嚴守安息日」，chit句話是十誡ê第四誡（參考出埃及記二十：8—11）。

第4節，chit節是十誡ê第一kah第二誡，thang參考出埃及記第二十章3到6節。

第5到8節，chit段經文thang參考利未記第三章1節、第七章15到18節等等。Tī第廿二章29到30節koh一pái強調。

第9到10節，chit兩節特別強調對貧困人家ê關心， tio̍h留田邊ê穀物kah掉落ê穗hō͘ sàn-chhiah人，葡萄園ê果子mā是仝款，掉落tī土腳ê葡萄，是留hō͘ sàn-chhiah人拾（khioh）ê。這主要用意，就是tùi in過去tī埃及做奴隸kah客旅ê經驗來學習，知影怎樣幫助貧困者ê需要。

利未記 19:11-19:22

註釋:

Chit段經文iáu-koh以十誡為主軸，ài以色列人民嚴格遵守chiah bē致使侮辱上帝ê聖名。

第11到12節，這是十誡ê第三誡、第八誡，kah第九誡。「講白賊」、「發假誓」等，lóng牽涉tio̍h亂使用上帝ê名，以及做假見證等違背誡命ê行為（參考出埃及記二十：7、15、16）。

第13到14節，這是對同胞基本ê疼，á工人每工ê工資是伊全家生活ê需要。延遲發放，等於是陷該家庭tī困境。Mā tùi chit兩節看tio̍h非常進步ê（現代化）思想，包括對工人ê照顧，in微薄ê收入一定tio̍h應付每工生活ê需要，因為án-ne，延遲付工資乃是不道德ê事。馬太福音第二十章1到15節記載耶穌ê譬喻，講日頭一落山，葡萄園主人馬上就發工資hō͘工人。

第15到16節，施行公義，hō͘ in公道ê審判，這是維繫kui個社會安寧ê基礎，mā teh表示人ê心中有上帝。因為上帝是公義ê，祂一心ài伸張正義（參考以賽亞書四十二：21、四十五：19），mā要求所揀選ê子民beh維護公道、伸張正義（參考創世記十八：19，以賽亞書四十二：1、6）。

第17到18節，對親人kah鄰舍ê疼，就是坦白、誠實以對。隱瞞事實真相，kan-taⁿ會帶來koh khah pháiⁿ ê結果。Tī社區生活中，律法ê基礎就是用第18節作結構，bē-tàng有報復ê心，只有ē-tàng「疼家己ê厝邊，親像疼家己仝款」，這是siōng基本ê態度。Chia講tio̍h「tio̍h疼家己ê厝邊，親像疼家己仝款」，chit句話koh khah貼切ê譬喻出現tī路加福音第十章30到37節，耶穌回應來詢問得tio̍h永恆性命之途徑ê律法教師所講ê譬喻。

第19節，chit節thang參考創世記第一章所提起ê，上帝創造萬物lóng各有其類，分門別類非常清楚。混亂了chiah-ê類別，kan-taⁿ會帶來koh khah chē ê混亂而已。

第20到22節，保持對奴僕ê基本尊敬，這是非常重要ê態度，bē-tàng因為對方是奴僕，就ē-tàng隨便性侵。

利未記 19:23-19:37

註釋:

Chit段經文koh khah明確說明進入迦南地了後，應該顯明身為以色列人民kah其他民族ê無仝，mā就是beh「分別為聖」，án-ne chiah ē-tàng顯明上帝選民ê意義。

第23到25節，這是牽涉tio̍h租田地ê規律，因為tú栽種ê果子樹lóng需要經過三年chiah會結出果子。因為án-ne，無收成ê前三年，就無應該收租金，第四年算是初熟果子，應該tio̍h獻hō͘上帝，第五年chiah是屬tī家己所得。Chit種租賃方式，比現今ê社會koh khah進步。

第26到28節，注意第26到31節lóng是kah迦南人ê民間宗教信仰行為有關，mā tī被嚴禁之列，包括念咒、占卜、招魂、問巫師、當神廟娼妓、紋身避邪等等，主要原因是：性命ê主宰是上帝，m̄是某一kóa宗教師。用chiah-ê方式來詢問性命意義ê人，乃是對聖潔上帝ê污辱，一概被禁止。

Tùi第26到28節chit三節thang清楚看出迦南地人ê風俗，包括食帶有血ê肉，mā看tio̍h當地宗教風俗有占卜、念咒等宗教禮儀。剃掉頭毛kah修鬍鬚，chiah-ê lóng是kah當地ê宗教行為有關，因為án-ne，分別為聖，就是kah當地宗教行為無仝款。Á tī身上刺花紋、割傷家己ê身軀，lóng kah違背上帝用祂ê形像造人有關。

第29節，這是迦南地宗教行為，mā是淫亂ê行為。當地人認為ē-tàng tī神廟裡男女性交，會hō͘田地物產koh khah豐富。M̄-koh真正hō͘物產豐富ê，是tùi上帝來賞賜ê雨水、日光kah涼風，m̄是通過性交來得tio̍h。

第30節，這是十誡ê第四誡（參考出埃及記二十：8—11）。

第31節，這是迦南地ê宗教行為。Tī台灣民間宗教裡mā相當盛行。

第32節，尊敬年老者，這是普世ê社會生活法則。

第33到34節，摩西五經中一再提起以色列人民ài會記得家己過去bat tī埃及當過奴隸，用chit種方式來愛寄居tī in中間，特別是賣身為奴ê人，因家己有受苦ê經驗，就知影無應該重複chit種苦難tī別人身上。因為án-ne，好款待外僑就成做重要ê生活功課。

第35到36節，「公平ê度、量、衡」，m̄-nā是用tī買賣行為上，koh khah需要用tī司法ê事務上，án-ne chiah ē-tàng建立一個公平ê社會生活秩序。

第37節，是chit章ê總結，tio̍h知影這是上帝所吩咐ê，一定會確實遵守。

利未記 20:1-20:8

註釋:

Tī第十八到十九章講tio̍h社會生活規律後，chit章講tio̍h違反前述ê規律ê時，應該有ê刑罰，á siōng koân ê懲處條例若m̄是死刑，就是tùi以色列人中開除，只有án-ne chiah bē侮辱了上帝ê聖名。

Chit段經文以及27節，lóng是kah忠貞ê信仰有密切關係，一定tio̍h用石頭處死ê死刑來懲罰。
第1到3節，這是迦南地宗教信仰ê行為，in會獻祭kiáⁿhō͘神明，尤其是發生天然災難，á是瘟疫等傳染病ê時，chit種獻人為祭ê宗教祭祀就會發生。為tio̍h beh嚴格執行禁止之令，chia講一定tio̍h用石頭phah死來懲罰。

第4到5節，chit兩節清楚說明，若是有發見chit種行為á不舉發，kā連累kui個族群，這thang看出每一個人lóng有社會責任，kā hiah-ê違背律法規範ê人舉發出來。

其實，後來以色列人民進入迦南地了後，就發生國王親自án-ne做（參考列王記下十六：3、十七：17、廿一：5），á人民並無起來抗拒，甚至連祭司lóng無盡責任，結果是kui個國家棄sak上帝jú來jú遠來致使滅亡。

第6到8節，「召鬼魂á是問巫師」，chiah-ê lóng是迦南地宗教行為，以色列人民一定tio̍h嚴格區別出來，無法度有chit種類似ê宗教行為出現。一定tio̍h「聖化」家己，因為上帝是聖ê。

利未記 20:9-20:21

註釋:

Chit段經文就是kā第十八章有關防範淫亂ê規範進一步說明懲治方式。

第9節，「咒罵父母」是kah違背十誡ê第五誡「tio̍h孝敬父母」誡命有關。
第10到16節，chit段大部分lóng kah第十八章6到23節相關。Tī chit段經文中包括：通姦罪（第10節）、亂倫（第11到14節）、同性相姦（第13節）、kah獸類苟合（第15到16節）等。

第17到18節，chit段落講tio̍h近親ê問題，包括有：禁止kah家己ê姊妹結婚，因為是一種亂倫ê行為，á kah家己異父á是異母之姊妹結婚mā tī禁止之內，kah經期內ê婦女有性關係，被看做無清氣。懲治ê方式，就是公開侮辱in，á是kā in趕出社區，以維護社區ê潔淨。

第19到21節，chia包括有：kah家己ê姑媽、姨媽、伯母、叔母、阿嫂á是弟新婦等有性關係，chiah-ê lóng是亂倫ê行為。亂倫，就是唯一死刑。

利未記 20:22-20:27

註釋:

Chit段經文真清楚說明以色列人民一定tio̍h確實地tùi迦南人中間區別出來，án-ne chiah ē-tàng表明上帝子民ê聖潔。

第22到23節，koh一pái強調bē-tàng隨從迦南地人ê風俗，只有án-ne chiah ē-tàng hō͘以色列人民謹守上帝ê命令á不偏離。

第24節，上帝賞賜hō͘以色列人民khiā起ê迦南土地，是美好ê。因為án-ne，以色列人民應該知影怎樣hō͘家己像美好ê土地仝款，顯示出美好ê樣式。

第25節，聖潔ê子民，應該知影怎樣辨別潔淨á無ê食物。Án-ne，tī日常生活中就會保持聖潔ê樣式。

第26節，以色列人民一定tio̍h聖潔，因為上帝是聖潔ê，以色列人民是分別為聖ê子民。

第27節，chit節thang參考第6節ê禁令。

利未記 21:1-21:9

註釋:

Chit章kah第廿二章lóng是講tio̍h有關祭司應該tio̍h遵守ê條例，á這第廿一章主要teh強調祭司ê聖潔行為。因為祭司teh代表以色列人民獻祭hō͘上帝，因為án-ne，若是祭司無遵守聖潔ê條例，就會teh獻祭ê禮儀上隨便，á是無夠忠心，án-ne，延伸出來ê必定會hō͘以色列人民teh敬拜上帝ê事頂面輕忽，不慎重，甚至會棄sak上帝去拜偶像，chit種情形後來teh進入迦南地一段時間後就出現。因為án-ne，對祭司有嚴格ê要求是正確ê，因為in是以色列人民宗教信仰ê領導者。

因為以色列人民認為屍體是無清氣ê。因為án-ne，除非是kah祭司為仝一個家庭中ê關係者，若無祭司是bē-tàng摸tio̍h任何屍體ê。會有chit種限制，lóng是圍tī一個基本思維：上帝是聖潔ê，因為án-ne，事奉ê祭司mā一定tio̍h聖潔。保持聖潔就beh先tùi生活上siōng可能tú-tio̍h，而且會致使祭司tī祭祀禮儀上有無清氣ê事開始注意，喪禮就是其中siōng直接，siōng容易tú-tio̍h，mā是siōng需要特別注意ê事。

第1到4節，chia真詳細寫出容許祭司參與葬禮ê對象，包括有「父母、kiáⁿ、兄弟，á是未出嫁ê姊妹等近親」，m̄-koh bē-tàng「參加姻親ê葬禮玷污了家己」。

第5到6節，tī第十九章27到28節就已經有清楚記載，bē-tàng tī親人往生ê時，有chit種「剃頭、修鬍鬚，á是割家己ê身軀」等行為來表示哀悼，真可能因為he是迦南地人民ê風俗。特別是割傷家己ê身軀，真chē民間宗教會有chit種行為，表示有神力附身，ná親像台灣廟會中ê童乩。這tī耶和華宗教信仰中是嚴厲禁止ê。

第7到9節，祭司tī性行為上一定tio̍h嚴守聖潔規定，mā就是tī婚姻生活上一定tio̍h絕對忠實，因為祭司是代表以色列人民敬拜上帝，á上帝kah以色列人民之間有ná夫妻一般，需要絕對忠實。

Chit種忠實，包括祭司cha-bó͘-kiáⁿ ê工作mā是仝款，絕對bē-tàng有人去做妓女。其實，m̄-nā是祭司ê cha-bó͘-kiáⁿ bē-tàng淪為妓女，包括一般人民ê cha-bó͘-kiáⁿ mā lóng tī禁止之列（參考十九：29）。因為若是做妓女，就真容易成做廟妓，tī廟宇中服事迦南地ê人，這等於侮辱上帝子民ê聖潔記號。Chia真清楚規定，若是發見祭司ê cha-bó͘-kiáⁿ成做妓女，就beh用火燒死伊。

利未記 21:10-21:15

註釋:

Chit段經文是特別針對大祭司ê規定，比起一般祭司是beh嚴格koh khah chē。

第10節chia開始就規定大祭司就算親人往生，mā bē-tàng隨便，儀容一定tio̍h保持和平時仝款。因為「蓬頭散髮、撕裂衫褲」等等chiah-ê舉動lóng teh表示高度哀傷。

第11到12節，chia規定就算家己ê到親往生mā是仝款，bē-tàng tī聖幕輪值ê時chūn，tńg去奔喪，因為大祭司tī輪值期間是屬tī上帝ê。保持聖潔之身，bē-tàng接觸tio̍h往生者ê身軀，siōng好ê方式，就是不tńg去。這主要觀念teh表明：大祭司m̄是屬tī家己，卻是屬tī上帝。因為伊穿tī身上ê衫褲有分別為聖ê油膏過。

第13到15節，大祭司tī婚姻上一定tio̍h頂真，結婚ê對象一定tio̍h是處女，簡單來講，就是bē-tàng是寡婦、離過婚ê cha-bó͘人、被玷污過ê cha-bó͘人，á是妓女。只有án-ne，chiah bē hō͘家己ê kiáⁿ成做hō͘人閒言閒語ê對象。

利未記 21:16-21:24

註釋:

Chit段經文強調祭司ê條件一定tio̍h身軀健康、四肢五官lóng完整者。這就kah tī聖幕祭壇獻祭ê祭牲仝款。因為有殘缺就表示無完美，祭司就ná親像是「獻祭hō͘上帝」ê對象，因為án-ne一定tio̍h有完整無缺點ê身軀，chiah ē-tàng有當祭司ê資格。換句話講，一定tio̍h kā siōng好ê獻hō͘上帝。

第16到20節，chia真清楚說明雖然祭司是tùi亞倫後代ê利未族人中挑選出來，m̄-koh ná親像teh挑選獻祭ê牲畜仝款，一定tio̍h是無殘缺ê人chiah thang。這是「世世代代該遵守ê條例」，只要是身軀小khóa有缺陷，就bē-tàng當祭司接近祭壇主持獻祭ê工作。因為in獻祭ê lóng是完美、無殘缺之物件。

第21到23節，身軀有殘缺ê利未家族ê人雖然bē-tàng獻祭，á是連靠近祭壇lóng bē-tàng，m̄-koh伊卻ē-tàng分享獻祭後留落來hō͘祭司食用ê物件。因為利未族人就是óa靠chiah-ê獻祭物件過生活。

第24節，chia真清楚交帶一定tio̍h kā chiah-ê應該tio̍h遵守ê規矩傳hō͘後代kiáⁿ孫。包括所有以色列人民lóng一定tio̍h清楚知影，án-ne，就ē-tàng舉發任何違背頂面所講規定ê祭司。

利未記 22:1-22:16

註釋:

Chit章是繼續第廿一章所講tio̍h ê關係祭司應該遵守ê規定。特別規範了祭司ê食物kah對食物應有ê態度。

Chit段經文真清楚嚴格規定祭司kah祭司家屬thang食獻祭ê食物，m̄-koh，如果無清氣，親像摸到屍體等之類ê tāi-chì，就bē-tàng食獻祭之物。

第1到3節，祭司主要工作就是透過獻祭，帶領以色列人民用聖潔ê心敬拜上帝。因為án-ne，對上帝保持敬虔ê心境，這是siōng基本ê要求。Á任何會玷污上帝神聖ê名ê行為舉動á是獻祭，lóng tī嚴厲禁止之列。Mā就是祭司本身一定tio̍h自律甚嚴，家己一定tio̍h絕對忠實、不欺。

第4到8節，chia清楚規定只要是一般民眾á是祭司被列入無清氣ê，親像患有癩ko病、遺漏症ê祭司，就bē-tàng參與服事獻祭ê工作。仝款ê，為tio̍h beh保持潔淨，若摸到無清氣ê物件，mā bē-tàng。Lóng tio̍h等到潔淨了後chiah thang進入聖幕參與獻祭ê禮儀。因為有參與獻祭，所以thang食獻祭之物。M̄-koh無被放血過á自然死去á是被野獸撕裂ê動物之肉是bē-tàng食ê，這m̄-nā適用tī祭司身上，mā包括一般民眾。因為chit種肉中會帶有血。

第9到13節，chit段經文規定祭司kah厝裡ê人thang食獻祭hō͘上帝ê食物。M̄-koh若m̄是屬tī祭司厝裡ê人就bē-tàng，包括外出來寄居ê人，iáu有雇工嫁出去ê cha-bó͘-kiáⁿ mā bē-tàng。因為嫁出去ê cha-bó͘-kiáⁿ就無算是祭司厝裡ê人，除非這cha-bó͘-kiáⁿ是守寡，á是離婚，而且無kiáⁿthang óa靠á tńg來後頭厝ê chiah ē-tàng。

第14到16節，若有無小心食了祭司chiah thang食ê祭物，就beh懲罰，chit種懲罰是beh賠償，用獻祭之物ê原始價碼加上五分之一做賠償 hō͘祭司。M̄-koh祭司m̄是beh得tio̍h chiah-ê錢，卻是一定tio̍h用chiah-ê錢替chit-ê人辦理贖罪ê禮儀。

利未記 22:17-22:33

註釋:

Chia koh一pái強調無論是甚麼人，只要是獻祭牲，siōng重要ê規定就是bē-tàng獻有殘缺ê。這lóng是beh表達siōng基本ê宗教情操：獻siōng好ê hō͘上帝。

第17到25節，chit段經文中真清楚說明，任何祭品lóng一定tio̍h是無殘缺ê，只有án-ne chiah ē-tàng取悅上帝。若是獻上有瑕疵ê祭品，上帝會拒絕。Chit種獻上有瑕疵祭品之行為後來被先知瑪拉基公開指責，原來in bat用偷來ê動物，mā獻上跛腳ê（參考瑪拉基書一：13—14），chiah-ê行為等於是teh藐視上帝ê神聖仝款，是非常錯誤 ê。

Siōng特別ê所在是tī第25節，規定tùi外國人得tio̍h ê祭牲bē-tàng作獻祭品，chit種祭牲ná親像是有殘缺ê一般，原因是kah飼養ê習慣有密切關係。Koh講，外國人飼養ê祭牲，mā有可能已經敬拜過偶像神明，如果無小心買來當做祭牲ê時，就變成the̍h無清氣ê祭品獻hō͘上帝仝款。

第26到30節，chia規定tú出世未滿八天ê幼牛、幼羊等lóng bē-tàng當做牲禮獻祭，mā bē-tàng tī仝一工之內，kā母牛kah小牛，á是母羊kah小羊hō͘宰殺獻祭hō͘上帝，而且獻祭過ê肉一定tio̍h tī hit工食完。

第31到33節，koh一pái提醒是上帝帶領in離開埃及奴隸之地，chit位拯救者耶和華上帝，是kah in立過約ê上帝。以色列人民一定tio̍h嚴格遵守chit-ê約，永遠成做上帝ê子民。

利未記 23:1-23:4

註釋:

Chit章是關係以色列人民重要ê節期。Chiah-ê節期lóng kah上帝ê賜福有密切關係，因為án-ne，in kā chiah-ê節期看做是感恩ê活動。人ê性命，就是beh感恩，因為上帝是愛ê上帝，如果無上帝ê賜福，人即使有掖種，mā會因欠缺雨水、涼風、日照á無收成，人因缺乏糧食á iau餓，性命kā遭遇死亡ê威脅。因為án-ne，每過一段ê時日，就一定tio̍h透過節期提醒人民會記得上帝ê恩典，獻上感恩。Á感恩ê方式，就是敬拜上帝。若是用今á日來看，感謝上帝siōng好ê方式，就是參加敬拜。

Chit段經文是kah守安息日有關係。遵守安息日mā是十誡ê第四誡（參考出埃及記二十：8—11），背景kah創世記第二章1到3節有關。

第1到2節，chia真清楚說明tio̍h遵守「宗教節期」，無論是甚麼節期，lóng tio̍h去敬拜上帝。當時是聖幕ê時代，以及後來延伸出來ê聖殿，敬拜ê方式lóng是用獻祭為主。後tī主前586年，以色列人民被掠到巴比倫去做奴隸，聖殿被摧毀了後，發展出「會堂」ê聚會，就無法度koh再以獻祭為敬拜ê方式，改為用祈禱kah讀聖經注意聽上帝語為主要方式。

第3到4節，非常清楚提起守安息日，tio̍h停止一切工作，專心敬拜上帝。安息日是屬tī上帝ê。Chit種概念tī今á日ê基督徒心中已經jú來jú薄弱。

利未記 23:5-23:14

註釋:

Chit段經文是關係守Pôaⁿ過節kah除酵節有關ê規定，相關ê記事mā記載tī民數記第廿八章16到25節。Chit兩個節日是緊接做伙無法度分開。因為Pôaⁿ過節mā是beh食無酵ê食物，加上緊接落去ê七工除酵節，因為án-ne，前後共計八天lóng是beh食無酵之物。

第5節，Pôaⁿ過節，mā是每年ê「正月十四日」。Chit節日ê背景thang參考出埃及記第十二章1到11節。

第6到8節，這是除酵節，共計有七工。Tī chit-ê七工中間lóng bē-tàng食有酵之食物。而且第一工kah第七工lóng是屬tī上帝ê，因為án-ne，tio̍h停止工作。

第9到14節，注意第11節提起ê「安息日ê次日」，意思是teh指Pôaⁿ過節ê安息日，á是除酵節ê安息日，kah平時ê安息日無仝款，tio̍h獻上初熟ê農作物hō͘上帝。Pôaⁿ過節是tī春分了後ê第一個月圓了後，á Pôaⁿ過節後ê七個禮拜就是五旬節，開始收割農作物。M̄-koh mā有kóa早熟ê農作物，tī春分了後就ē-tàng收割了，chit時tio̍h kā它獻hō͘上帝。Kah農作物同時獻上ê，iáu有一隻無殘缺ê小公綿羊。

利未記 23:15-23:22

註釋:

是關係五旬節ê慶典活動，這相關ê節日之規定，mā同時記載tī民數記第廿八章26到31節。五旬節mā thang稱做「七七節」（參考出埃及記三十四：22，申命記十六：10），是tī Pôaⁿ過節後ê七個禮拜。因為一旬是10天，五旬就是五十工；這是tùi Pôaⁿ過節過七個禮拜ê隔工。Mā是tú beh開始收割成熟ê農作物，chit時tio̍h舉行感恩大會，了後chiah收割。

第15到18節，收成ê穀物ài做是素祭獻hō͘上帝。Chiah-ê素祭包括做好ê餅，並準備七隻一歲大ê小綿羊、一頭小公牛、兩隻公綿羊等，同齊獻hō͘上帝。請注意，chiah-ê lóng是teh指kui個部落、族群，á m̄是個人。每一家只要帶兩塊餅。

第19到20節，另外iáu koh khah獻上贖罪祭。Chit部分獻祭了後， tio̍h歸屬祭司所有。

第21節，五旬節只有一工，主要是teh敬拜了後，隔工就開始積極採收。Á五旬節hit工是屬tī安息日，bē-tàng做任何工作。

第22節，chit節特別提起tio̍h照顧sàn-chhiah人kah外僑，hō͘ in thang拾ka-la̍uh ê穀物，á是收割田邊ê穀物。

利未記 23:23-23:25

註釋:

Chit三節是有關新年ê節期。新年是tī秋天ê時間開始，chit工tio̍h吹號角，聚集敬拜上帝，並且獻祭hō͘上帝，kui工lóng bē-tàng工作。這kah今á日教會舉行「新春感恩禮拜」仝款。

利未記 23:26-23:32

註釋:

這是關係贖罪日ê條例，tī民數記第廿九章7到11節mā有記載。Tī第十六章有非常清楚ê資料說明chit-ê節日ê內容，包括獻祭ê規例，以及應該遵行ê條例。Chia強調，如果無遵行chit節日，bē得tio̍h上帝ê接納。Chit工mā被列為「安息日」，而且tio̍h禁食。除Pôaⁿ過節外，koh來就是贖罪日siōng重要。

第26到28節，chia強調「贖罪日」mā是屬tī安息日，意思是停止所有ê工作，為tio̍h是beh專心行「贖罪禮」。

第29到30節，chit兩節真清楚表明贖罪日是beh禁食ê，mā tio̍h停止工作，若無，會hō͘ 上帝所遺棄。

第31到32節，守chit節日有一工時間，m̄-nā án-ne，iáu beh kā chit節日傳承到後代kiáⁿ孫，無論khiā起tī tó位，lóng tio̍h遵守。

利未記 23:33-23:44

註釋:

這是關係Tòa棚節ê規定，有關chit節日ê記事mā記載tī民數記第廿九章12到40節。Chit節日thang講和 Pôaⁿ過節加上除酵節hit種，前後lóng是長到連續八天ê時間。

Chit節日mā thang kā伊稱做「收藏節」，是因為農作物收成完畢，tio̍h獻上感恩hō͘上帝ê活動。

第33到36節，chit節日ê第一工是安息日，bē-tàng做任何工作。而且tī chit-ê七工中間，tio̍h ta̍k工向上帝獻火祭。第八工iáu beh koh再聚集一pái敬拜上帝，mā是安息日，bē-tàng做任何工作。

第37到38節，因為是收割完成，準備ài收藏穀物，因為án-ne，活動節期中必定有真chē人會為來年下願，mā有是舊年下願，taⁿtio̍h還願ê等等，lóng thang tī chit-ê節期中獻祭hō͘上帝。

第39到41節，第一工是特別ê安息日，因為án-ne，ài kā收成siōng好ê果子獻出來。Koh講，因為有收成，所以歡喜慶祝是免不了ê，大家會the̍h棕樹枝、茂密ê樹枝載歌載舞地慶祝。

Tio̍h注意第42節所提起ê，大家tio̍h tòa tī「棚子裡七工」，這是搭帳棚tòa tī田地裡。因為án-ne，thang清楚知影，這是進入迦南地了後chiah有ê慶典活動。因為進入迦南地了後，chiah有農事thang講。Tī曠野漂流ê時期是無ê。

第43節是非常重要ê一節，chit節表示Tòa棚節已經改變了本來農作物收成ê歡樂日子，á是beh後代kiáⁿ孫會記得上帝帶領以色列人出埃及，進入曠野漂流ê日子，上帝lóng kah in同在。後來chit句話mā被先知拿單用來禁止大衛王建造聖殿ê路用（參考撒母耳記落來七：6—7）。

利未記 24:1-24:4

註釋:

Chit章講tio̍h幾個重要ê主題，一是有關聖幕裡使用ê燈臺，kah燈臺裡ê油，koh講mā講tio̍h獻hō͘上帝ê供餅，最後是講tio̍h有關傷害別人ê人，一定tio̍h負擔ê刑責。

Chit段有關聖幕裡燈臺tio̍h用ê油，tī出埃及記第廿七章20到21節有明確ê記載。

第1到2節，聖幕裡用ê油，是siōng純淨ê橄欖油，而且一般家庭bē-tàng用仝款ê油質。Án-ne chiah ē-tàng分別出聖俗之間ê差別。

第3節，這燈一定tio̍h tùi下晡日頭落山開始點to̍h，一直到隔工日頭出來，絕對bē-tàng hō͘它熄滅。因為燈光表示有上帝ê同在，因為án-ne，大祭司tio̍h負責注意管理，隨時lóng tio̍h查看是m̄是iáu有燈油。

利未記 24:5-24:9

註釋:

Chit段經文是有關獻供餅ê條例。Tī出埃及記第廿五章23到30節是有提起聖幕內面需要供桌，m̄-koh卻無提起供餅ê事。chit-má chia提起，mā彌補了出埃及記記載ê不足。

第5到7節，chia講beh用「十二公斤細麵粉烤成十二塊餅」，thang了解這「十二」，teh代表以色列民族十二個支派。然後tio̍h tī chiah-ê餅頂面掖kóa siōng好ê乳香，表示它是siōng好、siōng香ê餅。

第8到9節，每一個安息日tio̍h更換供餅一pái。Á chiah-ê供餅只有祭司chiah thang食，一般人是無法度食用ê。大衛王tī逃亡ê時，就是bat因為要求挪伯ê亞希米勒祭司hō͘伊食chit-ê餅，hō͘掃羅王因為hiah-ni̍h大為受氣，下令kā亞希米勒家族全部刣死（參考撒母耳記上廿一：6、廿二：18—19）。耶穌bat用大衛chit-ê例回應hiah-ê法利賽人質疑耶穌ê門徒tī安息日摘麥穗來食ê事（參考馬可福音二：23—26）。

利未記 24:10-24:16

註釋:

這是關係褻瀆上帝ê條例。Chit段經文特別舉出一個實例當做判定ê參考。以色列人有兩種死刑是用石頭phah死ê，一是chit段所講ê褻瀆上帝。二是淫亂罪。

第10到12節，這是用一個實例來說明甚麼款ê方式是褻瀆上帝ê名。Chia講「teh爭吵中」，示羅密「詛咒了上帝」，因為án-ne，被關了起來。

第13到16節，當見證者就一定tio̍h出來，tī眾人面前按手tī hit-ê人ê頭殼頂，然後大家the̍h石頭kā chit-ê褻瀆上帝ê人活活地phah死。Chit種懲罰包括khiā起tī in中間ê外僑mā仝款。

利未記 24:17-24:23

註釋:

Chit段經文ē-sái講是「報復法則」；mā就是「以命償命」。Chit種方式tī古老ê遊牧民族非常有路用。

第17節，刣死人者一定tio̍h償命，包括殺害別人ê動物，mā是仝款，一定tio̍h還動物，親像牛、羊等lóng tio̍h仝款ê賠償。

第18到22節，殺害動物ē-tàng賠償，m̄-koh殺害人ê性命，m̄是用賠償，卻是用性命抵性命，而且這律法適用包括寄居tī以色列人民中間ê外僑。

摩西teh講完頂面所講ê律法規定了後，隨時kā ná褻瀆上帝ê示羅密帶到營區外面，用石頭kāê所在死刑。

耶穌對chit項ê律法採取無仝ê看法，伊認為應該用疼赦免欺負咱ê人（參考馬太福音五：38—48）。

利未記 25:1-25:7

註釋:

主要講tio̍h兩個主題，就是安息年kah禧年。Ná親像每一個安息日仝款，kā它擴大到每七年有一年是安息年。Á禧年，則每七個七年，mā就是第七個年了後ê第五十年，kā它稱做禧年。這禧年提供了一個全新ê條例，就是kah「贖回」chit件事有關，包括贖回土地，mā包括贖回奴隸ê條例。

Chit段經文是tùi安息日延伸出來ê。

第1到3節，chia真清楚，有農地thang種作，he是進入迦南地了後，因為án-ne，摩西先教導以色列人民一定tio̍h學會曉hō͘土地「歇睏」，這就是所講ê「休耕」。土地是有性命ê，因為án-ne，mā需要歇睏。

第4到7節，休耕期間，就是beh「hō͘土地完全歇睏」。Tī休耕期間土地會自然tek生出真chē產品，chiah-ê自然生長出來ê土產lóng thang食，á厝裡ê奴僕、外僑，kah田裡ê野獸mā lóng thang因為án-ne有物件thang食。

利未記 25:8-25:17

註釋:

Chit段經文是關係「禧年」，所謂禧年，是teh指每tú-tio̍h五十年算一禧年。這是tùi「七」chit-ê數字延伸出來ê觀念。Mā thang講禧年是「大赦年」，hō͘大家lóng tńg來歸到原點，mā ē-sái講是所有律法中siōng特別ê法典。

第8到9節，chia提起「七個七年」，表示四十九年，這tī第四十九年ê「七月10日」，mā就是贖罪日hit工，就beh派人到各地吹號，提醒大家注意次年就是五十禧年。

第10到12節，chia真清楚規定，禧年就是「自由年」，所有過去買來ê產業，包括奴隸等，lóng tio̍h tháu放、歸還。換句話講，hō͘大家lóng重新koh來。Chit一年bē-tàng種作，beh hō͘土地完全歇睏，大家只有ē-tàng食土地自然生長出來ê糧食。

第13到17節，因為tī禧年所有賣出之產業lóng會歸還，因為án-ne，買賣ê時bē-tàng故意抬高物價，而且bē-tàng想beh佔家己同胞ê sio̍k，因為五十禧年ê時，所有chiah-ê土地lóng tio̍h還hō͘本來ê主人。

利未記 25:18-25:22

註釋:

這是屬tī安息年ê條例。設置chit條例，其實是為tio̍h beh hō͘以色列人民ê社會，貧富cheng差縮到siōng小ê狀態。因為án-ne，特別強調tio̍h遵守上帝所頒布ê律法kah誡命，tī chia就是安息年ê律法規定。

第18到19節，只要是照上帝ê法則去做，一定會得tio̍h上帝ê賜福。只要上帝賜福土地，土地就會生產穀物，hō͘聽從上帝教導ê人bē致使挨餓。

第20到22節，tùi第七日是安息日，延伸到第七年是安息年，土地tio̍h休耕，chit時，有人會擔心án-ne beh食甚麼？Ná親像第18節所講ê，只要遵照上帝ê命令做tāi-chì，上帝就會賜福hō͘土地生出豐富ê穀物，hō͘第六年所得tio̍h ê「夠額三年食用ê糧食」。因為第七年休耕，第八年chiah種作， tio̍h等到隔年chiah有收成。Án-ne，第六年收成會夠額第六到八三年ê需要。這mā是beh對上帝有絕對ê信心。

利未記 25:23-25:34

註釋:

這是關係房地產ê條例，對今á日ê人來講，iáu-koh是真先進ê律法規章。

第23節，「bē-tàng kā土地賣斷」，理由是土地屬tī上帝ê。今á日tī一kóa國家規定真嚴格，bē-tàng賣斷土地，除了以色列外，iáu有新加坡，lóng是禁止土地賣斷。以色列人民因為是上帝賞賜hō͘ in迦南地khiā起，所以禁止賣斷土地。

第24到28節，chit段經文講tio̍h親有義務kah責任，替家己sàn-chhiah á一定tio̍h賣掉土地ê親人贖回土地。Án-ne，宗族ê土地chiah bē流失。如果無能力贖回，就只好等到禧年ê時chūn來，所有買tio̍h土地ê人，就一定tio̍h主動地kā買來ê土地歸還 tńg去。Án-ne，ē-tàng看出購買土地，其實就是買來種作，á m̄是買來佔有，不thang án-ne做。

第29到30節，chit兩節經文是關係城內厝ê規定。厝kah土地無仝，除非賣厝ê人ē-tàng tī一年內贖回，若無該厝就變成買主擁有，即使是到à五十禧年，mā m̄免歸還，因為厝thang當做永久ê基業來保存。

第31節，chit節是關係城外厝，tī禧年ê時，就beh像土地仝款，還hō͘本來ê房主。

第32到34節，chit段經文是kah利未族人有關。In thang無受時間ê限制，任何時chūn，只要有能力，lóng ē-tàng贖回in賣出ê厝。就算in無能力贖回，tī禧年來ê時，買主mā仝款，tio̍h還hō͘伊。Á利未人khiā起ê城之四周牧場bē-tàng賣，因為he是in óa靠為生ê土地。

利未記 25:35-25:38

註釋:

Chit段經文是非常人道ê律法規定，即使tī今á日，mā無chit種律法出現。
第35節，任何以色列人民有義務kah責任幫助sàn-chhiah到無法度維持生活ê同胞。這m̄是關係愛心ê問題，卻是應盡ê責任。

第36到37節，借錢hō͘家己ê同胞，bē-tàng索取利息。Á賣糧食，mā bē-tàng索取無應該有ê利潤。Chiah-ê lóng是為tio̍h beh hō͘ hiah-ê sàn-chhiah ê同胞有生存空間。Án-ne，就bē有高利貸、地下錢莊ê出現。後來，申命記小khóa做修改，講借錢á是物件hō͘家己ê同胞bē-tàng計算利息，m̄-koh借錢hō͘外族人，就ē-tàng計算利息（參考申命記廿三：19—20）。

第38節，會有chit種規定，就是kah in tī埃及當過奴隸有關，hit時，in一無所有，是上帝賞賜hō͘ in，in chiah富裕起來。因為án-ne，想tio̍h今á日有人困苦，就當想tio̍h家己過去tī埃及做奴隸ê時，bat仝款困苦。

利未記 25:39-25:55

註釋:

頭前講tio̍h土地、厝，chit-má講tio̍h人ê問題。Mā就是有人因為sàn-chhiah á一定tio̍h典押kiáⁿ á是家己為奴ê時chūn應該tio̍h注意ê事。

第39到42節，是因為sàn-chhiah á一定tio̍h賣家己為奴ê時，任何人lóng bē-tàng看輕chit種sàn-chhiah人，尤其是伊家己為奴，買ê人卻無thang kā伊當做奴隸。原因是以色列人民過去是做奴隸，hō͘ 上帝拯救出來ê。特別是tī五十年ê禧年來到ê時，就beh hō͘ in自由地離開，包括伊tī賣身期間所有ê kiáⁿ lóng tio̍h kah伊同齊離開，tńg到家族、故鄉去。

第43到46節，chit段經文kah前段顛倒，chia是teh指向外族人買來ê奴隸，就ē-tàng當做「產業」一般，留hō͘家己ê kiáⁿ孫。因為是向外族人買來ê奴隸，chiah-ê奴隸就成做財產，m̄-koh以色列人民m̄是別人ê產業。

第47到55節，chit段經文是論到khiā起tī以色列人民中間ê外僑，若是因為富有á買了sàn-chhiah ê以色列人民做奴隸，mā一定tio̍h照規定，tī五十禧年來到ê時，tháu放in tńg去。若是伊ê親友有能力thang贖回，就應該tio̍h贖回，á是當事人家己有能力ê時，mā thang隨時贖回。買主要kā以色列人民看做雇工，á m̄是看做奴隸。

利未記 26:1-26:13

註釋:

利未記tùi第十七章到廿六章，是屬tī所講ê「聖潔法典」。第廿六章mā ē-sái講是chit部「聖潔法典」ê結論。Tī chit章結論中有共同ê主題中心，就是關係「約」ê事（參考第9、12、15、42、44、45節等等），而且以兩個面呈現出守約kah背約之間所帶來ê cheng差做主題詮釋，其一是論到以色列人民如果遵守kah上帝ê約，則上帝必定會賜福in。其二tú好顛倒，就是以色列人民如果背棄kah上帝ê約，則in kā失去上帝ê眷顧，遇tio̍h ê懲罰mā會koh khah嚴重。Mā就是tī賜福kah詛咒之間有鮮明ê對照。

Chit段經文是聽從上帝ê命令kah旨意做tāi-chì。

第1到2節，chit兩節ē-sái講是siōng基本ê信仰要件。第1節tùi文字上看起來kah-ná是講bē-tàng雕刻偶像，其實乃是講無任何其他神明thang成做敬拜ê對象。Mā就是講，除了上帝以外，bē-tàng有別ê上帝。Á第2節則講真正尊奉上帝為獨一上帝ê人，一定會遵守安息日，因為守安息日是表示人ê心中對賞賜性命ê上帝尊敬。Chit種人，會得tio̍h上帝ê賜福，包括充滿tio̍h性命力，m̄-nā土地是án-ne，人mā是án-ne。

先知以西結講遵守安息日，就是teh遵守kah上帝之間立約ê記號（參考以西結書二十：12、20）。

第3到5節，遵守上帝ê律法誡命，就會蒙上帝ê賜福。這賜福，表示無iau餓ê威脅，土地會生產夠額ê糧食。因為án-ne，遵守上帝ê命令，性命就會充滿力量，永遠bē缺乏。

第6到10節，chia koh一pái強調忠實tī上帝命令ê子民，lóng bē有性命ê威脅，因為上帝就是siōng好ê保護者，而且ē-sái遵守上帝命令ê人，充滿tio̍h性命力，thang生湠chē-chē，遍滿大地。

第11到13節，chia koh一pái強調立約ê重要性，上帝一定會遵守祂kah以色列人民之間所立ê約。祂beh成做in ê上帝，á以色列人是上帝ê子民，上帝絕對bē離開祂ê子民，m̄-koh以色列人一定會遵守上帝kah教導。

利未記 26:14-26:39

註釋:

Chit段經文kah前段tú好呈現顛倒ê結果，原因就是毀壞kah上帝ê約之關係者，會受tio̍h詛咒；原本kah上帝之間bē-tàng分開ê關係，mā變成「對敵」ê狀態。Chit段經文有一個特點，就是漸進式地講tio̍h上帝ê懲罰。Thang看出上帝m̄是一出手懲罰人就真重，卻是因為人不悔改á漸漸地加重，以「罪加七倍懲罰」方式（參考第18、21、24、28節），一一加添。Tī chit段經文中，mā看tio̍h聖經說明上帝懲罰人ê時，siōng典型ê方式是用「戰爭、饑荒、瘟疫」（參考19到20節、第25到26節）等三種方式進行。

第14到17節，chia講tio̍h背棄kah上帝之間所立ê約，必定會帶來災禍，這m̄-nā是身軀ê問題，mā包括了土地ê生產會有不足ê現象出現。而且，無法度保護家己ê同胞、部落，甚至民族、國家，會受tio̍h外族ê侵犯。

第18到20節，「若是lín經歷了chiah-ê災難iáu不聽從我」，chit句話真清楚表明頭前一段ê懲罰並m̄是siōng嚴重ê，卻是m̄知悔改ê時，上帝會出手koh khah嚴重。Chia講上帝ài kā chit種罪加重七倍算。懲罰就是加重七倍重。Tī chia，土地就完全無生產，án-ne，隨時就會發生饑荒ê事，會威脅性命ê安全。

第21到22節，「若是lín繼續固執，不聽從我」，這比前一段所描述ê koh khah嚴重，饑荒koh khah嚴重，iáu會食家己ê kiáⁿ、牲畜，過去所累積ê財富lóng會化做烏有。

第23到26節，前段講tio̍h上帝加重七倍ê懲罰，lóng是tī土地無出產、出現饑荒，chit-má則出現敵人來攻打，有戰爭ê事連續發生。只要發生戰爭，就會出現糧食短缺。

第27到35節，chit段koh khah嚴重，若是繼續違背上帝ê命令，以色列人民會tú-tio̍h無法度承受ê苦難，除了食家己ê kiáⁿ充飢外，mā會因為戰爭，hō͘所有城市lóng變成廢墟，甚至被外國人俘虜去做奴隸。重演過去tī埃及做奴隸ê痛苦生活。Chit時chūn，經文ê記載非常諷刺，它講因為只有án-ne，chiah ē-tàng hō͘土地真正休耕。這講出一個真重要ê事實，to̍h是：人若平時不守安息日，á利用安息日去工作，並無會因為án-ne得tio̍h koh khah chē，因為tī上帝懲罰ê日子，chiah-ê lóng會收取tńg來，而且是加倍ê收tńg來。

請注意第29節，chia提起上帝tī大受氣之下ê懲罰，是嚴重到「會餓kah得食家己kiáⁿ ê肉」，這表示饑荒á是因為戰爭缺糧ê情況，已經到à bē-tàng挽回ê地步，thang參考列王記下第六章29節、耶利米書第十九章9節、耶利米哀歌第四章10節、以西結書第五章10節等等經文lóng有提起chit種災難ê情況，後來確實發生tī以色列人民中。

第36到39節，chit段經文講出違背上帝命令ê子民，會被掠到國外去做奴隸，而且並無因為tī國外做奴隸，就ē-tàng安心，iáu是仝款，不時生活tī驚惶kah不安中。

利未記 26:40-26:46

註釋:

Chit段講出tī先知文獻中一個共同ê特色，就是tī懲罰了後，上帝lóng是有憐憫、慈愛，對祂所揀選ê人民會施hō͘恩典kah拯救。Á chit項拯救ê行動是奠基tī「約」ê基礎上。

第40到42節，「Lín ê後代kā承認家己ê罪過」，這表示tī奴隸之地受苦ê時，tùi反省中知影家己嚴重得罪上帝，á會謙卑落來，chit時chūn，上帝會koh一pái記念以色列人民祖先亞伯拉罕、以撒、雅各等kah上帝之間所立ê約，決定伸手救助。

第43到45節，m̄-koh重新立約ê要件，就是beh先清除khiā起tī hit-ê地上ê以色列人民，hō͘ in去外國做奴隸，hō͘土地會得thang安息。

第44節是真重要ê一節，就是上帝並無會因為án-ne受氣就無koh chhap被掠到國外去ê以色列人民，祂會繼續看顧in、照顧in，ná親像過去tùi埃及帶領in出來仝款。只要時間到，就會koh一pái伸手救助in。

第46節，chit節ē-sái講是利未記結束loh。Chit節mā thang講是整段「聖潔法典」（第十七到廿六章）ê總結。

利未記 27:1-27:13

註釋:

Chit章thang講是附加上去ê，thang kā它看做是附錄，m̄-koh mā thang看做是第六到七章ê一部分。Tī chit章中thang看tio̍h二個主要ê內容：一是關係還願ê條例（第1到29節），二是關係「十分之一」奉獻ê規定（第30到34節）。

Chit段經文真清楚說明下願了後一定tio̍h還願，還願ê方式tio̍h獻上感恩ê祭，若是下願ê對象m̄是事物卻是人，chit時chūn就需要審慎處理。因為若是下願ê對象是人，這就需要另外一種方式來還願，表示kā chit-ê人用「仝款ê代價」贖回。親像tī士師記第十一章記載，耶弗伊hō͘ 上帝揀選出來當士師，伊向上帝下願講：「祢若kā 亞捫人交tī 我ê 手中，hō͘ 我 tùi 亞捫人 hia 平安 tńg 來 ê 時，見若tùi 我ê 厝ê 門出來迎接我ê，beh 歸tī 上主，我beh 獻伊做燒祭。」(全民版)」（士師記十一：30—31）結果上帝成（chiâⁿ）實hō͘耶弗伊帶領以色列人民phah贏了亞捫人。

M̄-koh當耶弗伊tńg到厝裡ê時，第一個出來迎接伊ê，卻是伊ê cha-bó͘-kiáⁿ，這致使耶弗伊悲傷beh絕（參考士師記十一：34—35），m̄-koh伊cha-bó͘-kiáⁿ堅持beh照所chiù ê chōa遵行。因為án-ne，有一種講法，認為chit段經文ê規定，真可能就是「耶弗伊ê條款」，表示下願ê對象是人，就ē-tàng用一種計價ê方式代替。

第3到7節，chia一開始就用「聖所」一詞，表示chit章所訂出ê條例，是比較晚期ê，這mā符合了頭前所講ê，chit章是後來加添上去ê。

Chia分做幾個無仝層級算出對人贖回ê價碼，m̄-nā有男性，mā有女性。Chia ê銀á是用重量計算ê。這有幾個原因，一是hō͘民眾知影，bē-tàng隨便下願。亂下願，到時，就beh ná親像繳「罰款」仝款，代價koh khah高。二是有kóa學者認為是因為聖殿ê經費短絀，這mā當做另外一種補足ê方式。M̄-koh chit種講法不時受tio̍h質疑。不過，基本上thang接受chit種方式hō͘人約束家己不隨便向上帝下願。

第8節，這是針對sàn-chhiah ê人，因為無法度還願ê時，就需要chhōa in去見祭司，祭司tio̍h評估伊ê家庭經濟狀況做出還願ê方式。

第9到13節，chit段是關係物件方面ê條例。下願講甚麼牲畜，就是甚麼牲畜，無法度替換、取代。M̄-koh若是下願ê動物是無清氣ê，就bē-tàng當做牲祭獻hō͘上帝，chit時chūn，就一定tio̍h kā動物帶去hō͘祭司檢驗核價，然後用估定ê原價koh加上審核出來價錢ê五分之一為總價。

利未記 27:14-27:29

註釋:

Chit段經文講tio̍h關係下願不動產ê時，該án怎還願ê問題。

第14到15節，這是關係厝，需要由祭司去審察厝ê好bái來決定。估價了後，就確定。若是beh贖回，就需要照估價出來ê價碼koh加上五分之一。

第16到21節，chit段是關係繼承祖先留落來ê土地tio̍h獻hō͘上帝。祭司審核該土地ê價錢方式，就是用thang掖種jōa-chē量來估價。Chia講以「thang掖二十公斤大麥種ê土地值十塊銀á」為基礎單位。若是tī禧年後馬上就獻出來，chit種價碼siōng koân，若是tī禧年了後，而且經過一段時間chiah獻出來，土地ê價錢相對ê會照年份降低。M̄-koh下願ê人，若是需要贖tńg去，就一定tio̍h加上原價ê五分之一chiah thang贖回。若是無贖回土地，就賣hō͘別人，就永遠無贖回ê機會。即使是到à禧年mā仝款，完全無機會。

第22到25節，chia講ê m̄是繼承之土地，卻是購買得來ê土地獻hō͘上帝，祭司tio̍h先估算tùi奉獻之年到禧年ê時間是幾年，chit種人一定tio̍h hit工就付出價錢。Tī禧年ê時，土地就還hō͘伊á是伊ê後代。

頂面所講所有ê價錢，lóng是照聖所ê規定á定。

第26到27節，chia講tio̍h頭胎ê動物，原本就是歸屬上帝ê。M̄-koh若是因為有殘缺就無法度當做潔淨ê牲畜奉獻，á一定tio̍h用祭司核定ê價碼加上五分之一贖回。M̄-koh若是不贖回，thang kā它賣掉，kā賣掉ê錢作奉獻。

第28到29節，chit段經文是講tio̍h「無條件奉獻」，無論是人，á是物件，lóng無法度用任何代價贖回。Chit種所謂「無條件」，mā表示「切割」、「捨去」ê意思。這通常用tī戰爭ê時，親像kā戰利品全lóng奉獻hō͘上帝，表示所有得tio̍h ê動物、人等，lóng tio̍h tī祭壇前刣死。Chit種情形tī早期宗教信仰中非常chē。後來mā發展到用tī一般生活上，表示he是已經分別為聖ê對象，lóng m̄准koh再使用。牲畜就一定tio̍h完全燒化掉。人ê部分，原本thang用銀á代替，chit部分則bē-tàng。

利未記 27:30-27:34

註釋:

Chit段是有關十分之一ê奉獻，tī以色列人民ê要求上是相當嚴格ê。比較特別ê是chit段經文講tio̍h，十分之一奉獻ê物件，thang用koh加上「五分之一」ê價碼贖回。後來tī申命記規定chiah-ê「十分之一」ê奉獻，除了提供給利未族人ê需要外，iáu用來照顧sàn-chhiah ê孤兒、寡婦、外僑ê路用（參考申命記十四：27-29）。

第30到31節，chit兩節是講tio̍h五穀雜糧，以及果子等，收成ê十分之一是beh奉獻hō͘上帝ê。M̄-koh若是想beh留落來來自己用，就一定tio̍h按照實價koh加上五分之一贖回。

第32到33節，這是動物ê部分，只要祭司tī核算ê時，依序排列，第十隻就是屬tī上帝ê，無法度有替換對調。

第34節，講這是以色列人民tī西奈山ê時，上帝ài摩西頒布hō͘以色列人民遵守ê條例。M̄-koh ná親像頭前所提過ê，chit段應該是用來補頭前ê資料，是後代編撰ê時chiah加上去ê。