馬太福音 26章26節 到 26章30節 背景資料 上一筆 下一筆 |
Chia所記載ê最後晚餐形式,kah Pôaⁿ過節暗頓ê規定已經無仝,卻是簡略了真chē,而且比較接近早期教會守聖餐ê樣式。使徒保羅tī哥林多前書第十一章23到25節mā寫落來當時聖餐ê狀況。 耶穌the̍h起「餅,先獻上感謝ê祈禱」,這是真典型ê Pôaⁿ過節暗頓之方式。M̄-koh耶穌已經kā chit-ê餅ê意義重新詮釋,講he是teh代表伊ê身軀。 「phâng起杯」,mā是仝款先感謝,伊講he是teh代表伊ê「血」。利未記第十七章11節講血teh代表性命,thang用來贖罪。當耶穌án-ne解釋時,已經teh表明伊beh犧牲性命來救贖人類ê罪à。 第30節講in「唱了一首詩」,通常是詩篇第一一三篇到一一八篇中ê一首。 |