馬太福音 14章13節 到 14章21節 背景資料 上一筆 下一筆 |
第13到14節,耶穌ê名聲早to̍h傳遍加利利各鄉鎮,因為án-ne,無論耶穌行到toh位,lóng是有一大陣民眾tùi各地蜂擁來chhōe伊,跟tòe伊,想beh聽伊傳講上帝國度ê信息。耶穌看見in中間有破病ê人,伊就生出憐憫ê心,醫好in。有時耶穌看tio̍h群眾渴望聽tio̍h天國信息,mā是仝款生出「惻隱ê心」(參考馬太福音九:36)。 五餅二魚ê神跡,是唯一Tī四本福音書中lóng有記載ê一件神跡。 以色列人民計算人口ê標準是只有算cha-po͘人,而且是beh年滿二十歲以上ê cha-po͘人才算(參考出埃及記三十八:26)。Chit-pái享受耶穌用五餅二魚食到飽ê總人數,一定大大超過五千人,因為tī第21節特別強調講「除了婦女kah gín-á,約有五千」。M̄-nā án-ne,而且是有chhun落來ê碎屑「裝滿了十二個籃子」。Chit種籃子是猶太人外出時隨身帶ê。 |