利未記 23章1節 到 23章4節   背景資料  上一筆  下一筆
Chit章是關係以色列人民重要ê節期。Chiah-ê節期lóng kah上帝ê賜福有密切關係,因為án-ne,in kā chiah-ê節期看做是感恩ê活動。人ê性命,就是beh感恩,因為上帝是愛ê上帝,如果無上帝ê賜福,人即使有掖種,mā會因欠缺雨水、涼風、日照á無收成,人因缺乏糧食á iau餓,性命kā遭遇死亡ê威脅。因為án-ne,每過一段ê時日,就一定tio̍h透過節期提醒人民會記得上帝ê恩典,獻上感恩。Á感恩ê方式,就是敬拜上帝。若是用今á日來看,感謝上帝siōng好ê方式,就是參加敬拜。

Chit段經文是kah守安息日有關係。遵守安息日mā是十誡ê第四誡(參考出埃及記二十:8—11),背景kah創世記第二章1到3節有關。

第1到2節,chia真清楚說明tio̍h遵守「宗教節期」,無論是甚麼節期,lóng tio̍h去敬拜上帝。當時是聖幕ê時代,以及後來延伸出來ê聖殿,敬拜ê方式lóng是用獻祭為主。後tī主前586年,以色列人民被掠到巴比倫去做奴隸,聖殿被摧毀了後,發展出「會堂」ê聚會,就無法度koh再以獻祭為敬拜ê方式,改為用祈禱kah讀聖經注意聽上帝語為主要方式。

第3到4節,非常清楚提起守安息日,tio̍h停止一切工作,專心敬拜上帝。安息日是屬tī上帝ê。Chit種概念tī今á日ê基督徒心中已經jú來jú薄弱。

重新查詢 專卷研經 利未記系列
錯誤回報,請聯繫comm[@]fhl.net