撒母耳記下 6章12節 到 6章23節   背景資料  上一筆  下一筆
Chit段記載大衛王koh一pái遷徙約櫃進入耶路撒冷城。因為有頂pái ê經驗,chit pái遷徙ê動作就顯得非常謹慎,m̄-nā照摩西律法規定用扛ê方式,kā約櫃扛入耶路撒冷,大衛甚至是親自跳舞迎接。雖然後來米甲為tio̍h án-ne事iáu用言語諷刺了大衛一下,m̄-koh大衛並無認為意。Chit段經文記事mā同時記載tī歷代志上第十五章25節到第十六章6節、43節。M̄-koh無論是撒母耳記下作者á是歷代志上作者,lóng強調chit pái迎接約櫃入城,是用「扛」ê,無koh像頂pái是用牛車載ê。而且歷代志上作者特別指出扛約櫃ê是利未人。撒母耳記下ê作者特別記載大衛王對bó͘米甲諷刺伊脫衣跳舞ê事有所解釋。

第13到15節,大衛聽tio̍h約櫃停留tī俄別‧以東ê厝而賜福伊ê厝,這mā表示上帝已經無koh發受氣。就án-ne伊就beh用隆重ê典禮,kā約櫃tùi俄別‧以東ê家將約櫃接tio̍h耶路撒冷。所謂「用隆重典禮」,這teh表示一切照規定來。歷代志上特別強調m̄是只有大衛王去,卻是kah以色列長老、軍事眾將領同齊前往。而且是「chiah行了六步」,大衛就要求停落來舉行獻祭典禮。Chit種「chiah行了六步」mā有另外有一種講法是:「每行六步,就獻祭一pái」。可能kah頂pái ê經歷有關,án-ne頻繁ê獻祭,是為tio̍h保證扛約櫃ê利未人ē-tàng得tio̍h性命ê保障。M̄-koh是m̄是每行六步就獻祭一pái?若是,chit段tùi「俄別‧以東」到耶路撒冷之路,雖然m̄是真遠,m̄-koh mā夠額浪費真chē時間,tio̍h獻祭ê牛、羊之數,soah非常可觀。M̄-koh卻足以顯示出隆重ê意思。

Chiah-ê獻祭禮儀mā講出一項非常重要ê信息:約櫃表明是上帝同在,就一定tio̍h一切照規矩來,而且以非常敬虔、隆重ê態度。

Koh講,大衛「盡情跳舞,榮耀上主」,用跳舞迎接約櫃。Chia所用ê動詞,表示是一種「旋轉」ê方式,而且是繞tio̍h約櫃「旋轉」(參考列王記上十八:26)。這mā是古代中東地區迎神賽會ê時siōng常見ê舞姿。大衛甚至tī腰裡「圍一領麻紗以弗得」,通常chit種衫褲只有祭司tī舉行獻祭禮儀ê時chiah穿(參考撒母耳記上二:18),m̄-koh chit-má大衛是脫掉王服,換上祭司ê服裝,表明大衛mā扮演祭司參與獻祭ê工作。M̄-koh mā有一種看法,認為大衛並m̄是teh扮演祭司角色kah執行祭司ê工作,卻是因為頂pái發生烏撒ê意外事件,大衛一直用chit種方式teh向上帝祈求,懇求上帝mài受氣「刣死」chit pái參與扛約櫃ê利未人。因為án-ne,chia作者用「榮耀上主」,表示chiah-ê lóng是為tio̍h beh榮耀上帝。

第16到19節,值得注意ê是,撒母耳記上kah歷代志下兩位作者,都無講大衛ê bó͘米甲,卻是用「掃羅ê cha-bó͘-kiáⁿ米甲」chit-ê詞。真顯然地,米甲tī大衛ê家族中地位已經被貶低真chē。真可能是kah chit pái ê事件有關,因為伊用「蔑視」大衛ê態度看chit pái迎接約櫃入城。Koh講,伊留tī王宮中,無出來參與迎接ê行列,被以色列人民對伊形像ê觀感產生不良ê影響。

因為chit時chūn iáu未建造聖殿,因為án-ne,大衛準備ê「帳棚」應該是kah早期tī曠野時代ê「會幕」相接近。大衛teh獻祭了後,奉上帝ê名「祝福人民」,ná親像頭前已經敘述過ê,這是祭司chiah有ê動作。大衛確實是扮演祭司ê角色。M̄-nā án-ne,並且「分發食物」hō͘人民,這tú好就是祭司beh做ê工作。

第20到23節,米甲顯然真無歡喜大衛穿插以弗得ê衫褲,而且一件麻紗製造ê以弗得,只有圍tī腰邊,其它部位lóng是赤裸tio̍h身子,對當時一個國王來講,這是非常暴露ê。大衛可能因為穿kah少,而且細麻紗製品,隱約可見身軀,加上伊忘形ê舞動身軀,chiah hō͘米甲認為chit種君王,已經完全暴露tī民眾面前。因為án-ne,當大衛tńg到厝裡ê時,伊就kā它侮辱大衛,講伊是「親像一個戇子」,暴露家己ê身軀tī「女婢面前」。其實,重要ê m̄是tī頭前ê迎接約櫃之舞,卻是因為tī女婢面前暴露身軀,hō͘米甲無法度接受。

大衛ê回應米甲,伊認為家己tio̍h繼續用án-ne歌頌歡舞ê方式來榮耀上帝,mā tio̍h用chit種方式來顯明家己ê「卑賤」。Tī大衛看起來,任何人tī上帝面前,即使是君王,mā是真「卑賤」。Mā只有「卑賤」家己ê人,chiah會看出上帝ê榮耀。可能因為chit件藐視大衛迎接約櫃ê是,大衛決定無koh kah米甲同房,致使「米甲一生無生養kiáⁿ」。Mā tùi chia thang看出米甲tī大衛心目中,比宮廷女婢koh khah差,可見in之間ê婚姻關係已經破壞à。

重新查詢 專卷研經 撒母耳記下系列
錯誤回報,請聯繫comm[@]fhl.net