出埃及記 7章8節 到 7章13節 背景資料 上一筆 下一筆 |
Chit段經文是繼續teh描述上帝ài摩西kah亞倫去執行上帝hō͘ in ê命令,帶領以色列人民離開埃及。 第8到9節,上帝先賞賜hō͘摩西有行神跡奇事ê能力。就是ē-tàng hō͘手中顧羊ê杖變成蛇,用chit種方式來證明in確實是領受上帝ê命令去ê。 第10到12節,就án-ne in就án-ne去見埃及國王,而且照指示kā手中ê杖變成蛇用來證明in ê身分。M̄-koh國王身邊ê術士mā有chit種能力,只是chiah-ê術士變成ê蛇被亞倫ê杖hō͘吞食。其實,chit種「吞」一字,mā teh表明埃及國王身邊hiah-ê有聰明koh有法術ê術士,無法度對抗上帝ê能力。M̄-koh顯然地,埃及國王並無án-ne認為。 第13節,「國王ê心猶原剛硬」,表示埃及國王對摩西痛恨ê心當teh剛硬中。 |