約書亞記 2章15節 到 2章24節 背景資料 上一筆 下一筆 |
Chit段經文記載喇合伊照所講ê話,幫助chit兩個探á安全脫離耶利哥城ê情治人員之追緝。 第15到16節,喇合ài chit兩個探á bih起來tī山裡三工ê時間,了後chiah thàng上路趕tńg去約旦河東岸。 第17到21節,chit兩個探á koh一pái向喇合保證,一定會照約束tī以色列軍隊攻入耶利哥城ê時,庇護伊kah伊家族ê安全。第18節講chit兩個探á將「紅索á」hō͘喇合縛tī窗口中計做記號,這就有ná以色列人出埃及ê時,用羊羔ê血塗tī門框頂做辨識ê記號仝款(參考出埃及記十二:7、13)。 第22到24節,果然,耶利哥王派出緝the̍h探á ê安全人員並無完成使命,而兩個探á安全tńg去以色列營區,kā所有經過lóng向約書亞報告,並且確信上帝已經將迦南地賜hō͘以色列人民,這kah chìn前摩西時代ê探á之回報完全顛倒。 |