使徒行傳 13章42節 到 13章52節 背景資料 上一筆 下一筆 |
使徒行傳mā tùi chia開始記載猶太人對使徒保羅等人傳福音ê事大表不滿。因為án-ne,保羅tī各地傳福音,lóng會有猶太人鬧場ê記錄。 第42到43節,使徒保羅kah巴拿巴等人tī猶太人會堂傳講信息受tio̍h歡迎。會堂ê民眾邀請使徒保羅「下一個安息日koh來向in講解」福音ê信息。 第44到47節,果然,當今個安息日一到,彼西底ê安提阿民眾,差不多lóng來到會堂聽使徒保羅in傳講ê信息。M̄-koh mā有猶太人心生嫉妒,當場kah in辯論。M̄-koh in並無因為án-ne而懍neh,卻是koh khah勇敢地見證福音信息。 第48到49節,外邦人聽使徒保羅kah巴拿巴ê見證後,lóng大受感動,真chē人因為án-ne信了耶穌,成做信徒。 第50到51節,ná親像頭前已經提起過ê,有猶太人開始去煽動hit-ê城有社會影響力ê人來反對使徒保羅kah巴拿巴,甚至最後koh kā in「驅逐出境」。In只好用當時流行ê一種身軀語言表現,就是跺掉腳上ê土粉,表示警告in beh為家己拒絕福音而自負責任。 第52節,hit-ê城ê信徒因為聽信福音而心內充滿了歡喜。 |