馬可福音 10章35節 到 10章45節 背景資料 上一筆 下一筆 |
眾門徒就是無明白,chiah會發生有雅各kah約翰chit兩位兄弟想beh爭奪位置ê事。第九章33節講門徒tī路上爭論甚麼人比較大,可能kah in兩人有關。 第37到40節,耶穌強調上帝國ê主權就是tī上帝,he是上帝ê恩典。做一個人願意以上帝為伊性命中心ê時,chit種人一定tio̍h先有謙卑ê心靈chiah有辦法,á m̄是用世間ê權位teh看上帝國ê事。 第41節真重要,chit節已經講出出現爭權位ê事,就會帶來分裂kah不滿。 第42到45節,耶穌講出基督教信仰ê教導:成做奴僕來服侍別人。這mā是基督教信仰團契kah一般社團完全無仝ê所在。 第45節mā是kui本馬可福音書ê中心,耶穌就是用奴僕ê角色降臨到世間來,伊tio̍h kah siōng卑微ê人做伙。明白chit點,mā當學習chit種角色,chiah會明白基督教信仰ê意義kah精髓。 |