以赛亚书 48章12节 到 48章22节   背景资料  上一笔  下一笔
Tī chit段诗歌中,诗人先知以赛亚koh一pái强调,并且呼吁以色列人民,一定tio̍h听从上帝ê话,因为这是in得tio̍h拯救ê唯一途径。上帝m̄-nā期待in会听从他ê旨意、命令,同时mā会hō͘ in所应允ê福气。

第12到13节,「雅各ah,听我讲pah!」chit句话kah第1节a句是仝款ê意思,对象就是以色列人民。Chia koh一pái强调chit位拯救ê上帝「是开始,是终结」,表示chit位上帝是永恒ê主宰,他是「天kah地」ê创造者。

第14到15节,大家lóng beh听上帝ê话。Chia上帝已经清楚表示beh呼召波斯ê塞鲁士皇帝作他ê奴仆去攻打巴比伦(参考以赛亚书四十五:1)。因为hō͘上帝呼召而顺服ê人,必定会得tio̍h上帝ê赐福而得tio̍h「兴盛」ê福气。

第16节,上帝ê奴仆,一定tio̍h面对上帝。领受上帝ê命令、旨意,就是面对上帝,上帝会亲自下命令并且赐力量hō͘他所拣选、差派ê奴仆,hō͘ in有能力完成使命。

第17到19节,koh一pái出现「以色列神圣ê上帝」,chit-ê词beh表达ê意义,是teh指chit位上帝就是救赎主,chit位救赎主一再呼吁他ê子民听从「命令」,án-ne「平安ná亲像河水滔滔不绝」来到in中间,听从上帝ê话ê社会,mā会享受「公义」像「水涌滚滚而来」,充满tio̍h性命ê喜乐,chit种社会、国家就bē被敌人「消灭」。

第20到22节,chia讲tio̍h上帝伸出救助ê手,带领以色列人民离开奴隶之地巴比伦,án-ne大好ê消息会传遍到「天涯海角」hō͘所有受掠ê人民知影,m̄-nā án-ne,上帝mā会引chhōa他ê子民「行过沙漠」旷野之地,而且会tùi「石磐流出水来」hō͘ in bē致使干渴,而ē-tàng平安地tńg去故乡巴勒斯坦,ná亲像当年带领以色列人民ê祖先离开奴隶之地埃及仝款。Á上帝会弃绝作恶ê人。

重新查询 专卷研经 以赛亚书系列
错误回报,请联系comm[@]fhl.net