这是第二pái耶稣kan-taⁿ带门徒中ê彼得、雅各kah约翰等三个门徒，第一pái是tī去叶鲁ê厝医伊ê cha-bó͘-kiáⁿ（参考马可福音五：37）。

第2到3节讲：「耶稣chhōa彼得、雅各，kah约翰，悄悄地上了一座高山。」为甚么耶稣只带in三个？可能是chit三个门徒tī早期教会相当活跃（参考使徒行传十二：2），而且早期教会ê重要干部，有真chē关系耶稣ê事迹mā是tùi in口述传出来。

「耶稣ê形像变了」，并且讲耶稣身上ê衫裤洁白光亮到无法度比拟。Chit时有「以利亚kah摩西teh kah耶稣讲话」，以利亚是teh代表先知，玛拉基书第四章5节讲tī上帝审判日子来临ê时，先知以利亚会先来。因为án-ne，先知以利亚ê出现，mā是teh暗示耶稣就是hit位先知预言beh来临ê拯救者。Á摩西是teh代表律法。通常in两人ê名放做伙，就是teh表明旧约圣经ê意思。

Chia无说明in kah耶稣讲kóa甚么话，路加福音第九章31节讲in是kah耶稣谈论伊kātī耶路撒冷用死来完成使命。

第5到6节，彼得koh表示意见讲，ài beh tī hia盖三座帐棚hō͘耶稣、摩西kah以利亚。「帐棚」，这是以色列人出埃及入旷野ê时，表明上帝kah in同在ê意思（参考撒母耳记下七：6）。M̄-koh彼得kah雅各、约翰lóng m̄知该怎样回应chit时ê情景，因为in看见这景象lóng真惊惶。真可能彼得mā m̄知家己为甚么讲hit种。

第7到8节，「这是我亲爱ê Kiáⁿ，lín tio̍h听从他！」chit句话thang对照马可福音第一章11节。表明上帝kah耶稣之间无法度分开ê关系。约翰福音用「成做一体」来表明（参考约翰福音十七：11、21、22）。

第9到10节，耶稣ài chit三位门徒bē-tàng kā chit-pái所看见ê景象kā任何人讲，一定tio̍h等到他koh活了后。In遵守耶稣ê教导，m̄-koh却m̄知「koh活是甚么意思」，chit点就thang看出耶稣ài in严守chit项秘密，是因为连这三位门徒对koh活ê事mā bē明白，若kā耶稣tī山顶变形像，以及摩西kah先知以利亚出现ê tāi-chì迹传出去，kan-taⁿ会引起koh khah chē chhōe测kah误传。

第11到13节，门徒提出有关经学教师对玛拉基书第四章5节ê教导，讲tī上帝审判ê日子来临前，先知以利亚会先来，门徒表示对这节经文ê含意m̄-bat。Á耶稣则kā chit件事kah伊受难ê事连结同齐，伊hō͘门徒知影，先知以利亚已经来到，照马太福音第十七章13节ê记载，耶稣真清楚地讲先知以利亚已经来到，就是行洗礼约翰，m̄-koh并无被大家珍惜保护。