重新查詢
經文:

羅馬書 1:1-1:17

註釋:

Tùi第一章到第四章,使徒保羅kā重點khǹg tī hō͘人kah上帝和好ê恩典,就是tī耶穌ê身上,á這是lóng無代價ê恩典。聖經一講tio̍h恩典,意思是m̄是用任何條件á是代價ē-tàng來換得tio̍h ê。因為這是上帝賞賜ê,而且白白賞賜hō͘人。Koh khah特別ê所在是:使徒保羅強調上帝ê恩典是普世性ê,m̄是只針對猶太人,全世界ê人lóng是上帝拯救ê對象。因為上帝不偏待人。

Chit段經文ē-sái講是chit本羅馬書ê導言。Tī chit段經文中thang分做四個部分,一是收phoe人(第1到6節);二是致請安語(第7節);三是祈禱kah頌讚上帝(第8到15節);四是chit本書信ê中心主題:福音-就是上帝拯救ê大能(第16到17節)。

第1節,使徒保羅歡喜自稱是耶穌ê「奴僕」,而且「使徒」,伊寫書信ê踏話頭,差不多lóng用chit種方式自我紹介,mā因為án-ne ê時常hō͘當時一kóa人質疑,因為伊ê條件並無符合初代教會選「使徒」ê要件(參考使徒行傳一:21—22),ē-sái講是伊講家己作「使徒」,「m̄是因為人ê選召,mā m̄是受人ê委派,卻是耶穌基督kah Hit位hō͘祂tùi死裡koh活ê父上帝指派ê。」(加拉太書一:1)

Chia所講ê「奴僕」,chit-ê詞ê意思是teh指奴僕ê意思。使徒保羅kā家己看做是耶穌ê奴僕,伊甘願成做福音ê奴僕。耶穌就是伊ê主人,是伊性命ê主。Á這福音,tùi先知時代就開始了,就是為tio̍h講耶穌就是上帝ê Kiáⁿ,á使徒保羅受tio̍h呼召,就是beh傳揚這拯救ê信息。Mā因為án-ne,伊講家己若是無傳福音就有禍了(參考哥林多前書九:16),伊用án-ne teh表達一個重要信念:傳福音是伊成做奴僕ê使命,責無旁貸。

第2到4節,使徒保羅先tī chia說明福音ê中心就是tī耶穌ê身上,á耶穌thang tùi兩方面來看,一是tùi人ê身世來看,伊是屬tī大衛ê kiáⁿ孫,chit點mā是馬太福音作者ê寫法(參考馬太福音一:1),á路加福音作者teh紹介耶穌ê家譜ê時,用「tī人ê眼中,伊是約瑟ê kiáⁿ」(參考路加福音三:23)。二是tùi「聖潔ê神性」來看耶穌ê時,耶穌是上帝ê Kiáⁿ。

第5到6節,chit兩節使徒保羅表明家己傳福音ê立場kah異象,就是beh kā耶穌紹介hō͘各國ê人聽,hō͘所有ê人知影耶穌就是上帝救恩ê記號。使徒保羅bat teh寫hō͘加拉太教會書信中表明,這是耶路撒冷使徒會議後ê結論(參考加拉太書二:9)。Mā因為使徒保羅致力tī外國地區ê福音事工,chiah hō͘福音會得thang廣傳開來,hō͘ koh khah chē ê人ē-tàng認bat耶穌,並tùi án-ne信耶穌。伊特別強調chiah-ê外國人當然是包括了tī羅馬教會ê信徒。

第7節,這是一節請安句,mā祝福羅馬教會ê信徒得tio̍h上帝賞賜ê平安。

第8到9節,羅馬教會m̄知是甚麼人開設ê,使徒保羅o-ló該教會信徒有真好ê信仰見證。該教會ê信徒必定經過主後65年羅馬皇帝尼祿燒hit-ê城á嫁禍hō͘基督徒ê慘痛經歷,m̄-koh,ná事件顯然無擊倒in,因為án-ne,使徒保羅tī chia o-ló in,講in ê信心已經傳遍到所有信tùi耶穌救恩ê人中間。使徒保羅mā表示伊常tī祈禱中記念該教會,而且無論gōa chē傳福音lóng會記念tio̍h該教會,hō͘ koh khah chē ê信徒分享該教會美好見證。

第10到12節,是甚麼原因促成使徒保羅有kúi-nā-pái計畫去訪問in,咱m̄知,有可能是因為羅馬是當時西方世界ê中心,mā是影響力siōng大ê所在,有可能伊想如果ē-tàng改變羅馬,án-ne就koh khah容易kā福音傳到世界各地。Á chit種理想beh tī主後第四世紀,mā就是君士坦丁大帝統一羅馬帝國了後終其尾實現。M̄-koh Tī使徒保羅ê時代卻m̄是án-ne,he是一個迫害基督徒ê時代。因為án-ne,使徒保羅真想beh去羅馬教會kah大家分享福音ê信息,希望藉tio̍h彼此分享福音ê信息,hō͘大家tī信心上koh khah堅強。

第13到14節,chia真清楚講出使徒保羅一直希望ē-tàng去訪問羅馬教會,m̄-koh頭尾無成功。伊無講出是甚麼原因阻礙了chit-ê心願。M̄-koh伊表示想beh去羅馬訪問,是希望ē-tàng hō͘ koh khah chē人信耶穌。伊認為無論是對甚麼款ê人,伊lóng有傳福音hō͘ in ê責任,伊講chit種未完成ê責任,ná親像一種負債仝款,是欠福音ê「債」,這mā充分顯示出使徒保羅對福音事工ê使命感。

Chia所謂「開化ê,無開化ê」,是用當時西方世界ê瞭解:接受希臘文化教育思想ê,就是「開化ê」,反之則「無開化ê」。Á當時西方ê世界siōng通俗ê語文就是希臘文。

第16到17節,chit兩節ē-sái講是羅馬書siōng中心ê經文。為甚麼使徒保羅會講伊無用福音為恥?這必定是當時有人以福音為恥。所謂「福音」,意思是teh指好消息,是關係上帝拯救ê好消息。

Chit句話mā有另外一個意思,teh說明使徒保羅認為伊是用福音為光榮。Á甚麼款ê人會以福音做見笑?咱thang理解,就是hiah-ê一直teh迫害基督徒ê人,包括猶太當局,mā包括羅馬政府。使徒保羅chit句「我無用福音為恥」,其實mā是伊ê信仰告白。因為tī當時ê世界,kā十字架看做siōng大ê恥辱,he是羅馬政府專門teh對付看做siōng惡質ê犯人。Á使徒保羅卻講伊「除了耶穌基督kah伊死tī十字架頂ê事以外,甚麼lóng m̄提」(參考哥林多前書二:2)。伊會án-ne有chit種信仰告白,是因為有耶穌死tī十字架頂ê功勞,chiah hō͘人會得thang kah上帝有和好ê機會。M̄是因為人有甚麼值得上帝垂憐ê,卻是因為耶穌為人ê罪獻上家己ê性命ê緣故。
Koh講,福音是beh拯救所有信耶穌是救主ê人,因為耶穌降生tī猶太人中間,因為án-ne,就tùi猶太人開始,然後傳到外邦人中間去。相對ê,上帝ê審判mā是先tùi猶太人開始,然後chiah到外邦人(參考羅馬書二:9)。

經文:

羅馬書 1:18-1:32

註釋:

Tùi第一章18節到第三章20節,chit段經文lóng是teh談有關上帝對故意拒絕祂救恩ê人ê處置方式,以及講tio̍h怎樣kah上帝有合宜ê關係(因信稱義)。

Tùi第一章18節到第三章20節,chit段經文lóng是teh談有關上帝對故意拒絕祂救恩ê人ê處置方式,以及談起怎樣kah上帝有合宜ê關係(因信稱義)。
第18到23節,使徒保羅認為上帝造人ê時chūn,已經將祂家己啟示hō͘人了。因此,m̄是人m̄-bat上帝,卻是人ê罪hō͘人故意m̄-bat上帝。其實在人生活ê世界裡,tùi每一個受造ê身上lóng thang看tio̍h上帝奇妙ê恩典。當約伯teh受難埋怨上帝ê時,上帝就是以受造ê萬物來幫助伊反省(參考約伯記第三十八到四十一章),結果約伯tī最後講:「我早前耳孔聽tio̍h 祢,taⁿ 我ê 目睭看tio̍h 祢;所以,我討厭家己,tī 塵埃kah 火灰ê 中間悔改。(全民版)」(約伯記四十二:5—6)tī人類生活ê環境中,處處lóng thang看tio̍h上帝奇妙ê創造之愛,因此,講m̄-bat上帝只不過是一個藉口,並m̄是真實。

Á siōng無法度原諒ê,莫過就án-ne故意不敬拜創造ê上帝,卻去敬拜上帝所創造ê物,kā它當做神teh拜,án-ne chiah是嚴重ê罪惡。使徒保羅講chit種人lóng是自認為聰明,其實是愚昧無知。因為in所拜ê對象,lóng是會死、敗壞、無任何自主能力之受造物,ná親像先知耶利米所講ê,chiah-ê偶像神明,是用人ê手造出來ê,既bē講話,mā bē行路(參考耶利米書十:3—5),先知以賽亞有koh khah明確ê描述,講chit種人造ê偶像,ná親像用同一叢樹,有一部分雕刻成神明,另外一部分當柴火點to̍h來烘餅、烘肉(參考以賽亞書四十四:9—20)。

第24到32節,chit段經文中,使徒保羅一再使用「chhut-chāi」chit-ê詞,是teh指「無koh chhap」ê意思。另外一方面,chit-ê詞mā有「審判」ê意思。M̄是上帝「m̄-chhap」人,mā m̄是上帝只致意「審判」,卻是因為上帝一再苦勸,並且差遣祂ê奴僕來呼籲人tńg來到上帝ê恩典裡,m̄-koh,人m̄-nā m̄聽,而且iáu「故意」beh kah上帝對敵。這「故意」表現tī生活上ê,有各種ê惡行,就是做hiah-ê無應該做ê事。Á siōng嚴重ê是,m̄-nā家己做邪惡ê事,mā贊同別人án-ne做。M̄-koh,chit種人lóng會經歷到一件驚人ê審判,就是死亡,無koh活ê希望。

經文:

羅馬書 2:1-2:16

註釋:

Chit章thang分做兩個部分來看,一是tùi第1到16節,二是tùi第17到29節。Chit章主要是針對猶太人所認為ê得救kah律法關係,講tio̍h上帝ê審判問題。

Tī chit章中,使徒保羅講tio̍h一個重要觀念:m̄是知影甚麼重要就ē-tàng,siōng重要ê是知影ài做甚麼,chiah會得tio̍h上帝ê賜福。

猶太人一直認為家己kah上帝有特殊ê關係,常常認為上帝kan-taⁿ會愛猶太人。Tī in ê觀念中,lóng是認為上帝kan-taⁿ會審判外邦人,m̄-koh對猶太人則會因為in是選民ê關係,擁有特權,會對in特別保護,賜in外邦人所無ê恩典。M̄-koh使徒保羅認為無chit款tāi-chì,顛倒,所有做惡ê人lóng會受tio̍h上帝ê懲罰。如果上帝ê獎賞是tùi猶太人到外邦人,懲罰mā是án-ne,猶太人並m̄是特殊分子。「因為上帝是不偏待人ê。」

第1到4節,tī chit段經文中,使徒保羅用「評斷」chit-ê詞,chit-ê詞一再出現tī羅馬書中。Tī chia,使徒保羅提起猶太人歡喜評斷外邦人ê錯,m̄-koh in所做ê,卻kah in所評斷ê對象仝款,chit種人koh怎樣ē-tàng逃避上帝ê審判?

第4到6節,使徒保羅tī chia用三個詞表示上帝特殊ê疼(1)仁慈。這是teh指上帝lóng是hō͘人悔改ê機會。彼得後書第三章9節:「有人想講主teh 延chhiân 祂ê 應允,其實是teh 寬容lín;祂無ài 有人滅亡,是ài ta̍k 人lóng 悔改。(全民版)」(2)寬容。是teh指上帝將祂對人ê受氣暫時停止落來,為tio̍h是beh beh hō͘人有機會趕緊悔改。(3)忍耐。這是teh指一再堅持落去ê意思,表示講上帝對人犯罪ê嚴重,本來就beh懲罰了,m̄-koh祂iáu是一再忍耐落來,就是為tio̍h希望人趕緊悔改。Án-ne thang看出上帝ê疼就是希望人悔改。悔改,mā是kui本聖經ê信息,因為只有悔改chiah ē-tàng消除上帝ê受氣。

第6節,上帝會照人所做ê事、行為來「報應」,chit種觀念是來自舊約聖經ê教導(參考列王記上八:32;詩篇廿八:4、六十二:12;箴言廿四:12;耶利米書十七:10;以西結書十八:30、三十三:20)。

第7到11節,chit段經文真清楚說明一點:善kah惡之間,上帝看kah非常清楚。所謂恆心行善,就是teh追求tùi上帝來ê榮耀,kah永恆ê性命。換句話講,真實ê行善,並m̄是為tio̍h beh榮耀家己,因為án-ne,上帝對chit種人會hō͘ in「尊貴、榮耀,和平安」;相對tī hiah-ê自私ê人,就是kah追求行善ê人顛倒,chit種人kan-taⁿ會想beh榮耀家己,kā家己當做一切ê中心,chit種人甚至會kā家己偶像化,chit種人,kan-taⁿ會為家己帶來上帝憤怒ê審判á遭遇痛苦kah患難。無論是猶太人á是外邦人lóng仝款。原因是上帝並無偏待任何人,tī上帝面前,任何人lóng仝款,無族群之別,mā無社會地位ê高低,koh khah無所謂身分ê貴賤。所有ê人,khiā tī上帝面前接受審判ê時,lóng仝款。

第12到16節,tī chit段經文中,使徒保羅真清楚指出一個觀念:m̄是只有聽摩西律法ê人,就有免受審判ê保障,這是錯誤 ê講法。上帝ê審判是根據每一個人所講所行為根據。有摩西律法ê猶太人,上帝會根據律法ê基礎來審判,á無摩西律法ê人犯罪,上帝mā有另外一種方式來進行審判,á chiah-ê審判lóng是公正ê。真實ê律法並m̄是tī外面表ê文字頂面,卻是在內心ê省思。上帝hō͘所有受造ê人lóng有「良知」,chit種來自心內ê「良知」,會做為將來審判ê根據。


經文:

羅馬書 2:17-2:29

註釋:

Tī chit段經文中,使徒保羅提出猶太人心態上ê問題,這問題就是kā家己絕對化à。In認為家己siōng認bat上帝,m̄-koh卻一再做出違背上帝旨意ê事。Ná親像耶穌譴責ê法利賽人仝款,in siōng會曉摩西律法,卻lóng是利用摩西律法ê漏洞偽善家己ê行為。因為in做tāi-chìm̄是出tī自願,往往是為tio̍h beh hō͘人看ê,親像:祈禱、施捨、禁食等(請參考馬太福音六:1—18),lóng是為tio̍h beh hō͘人o-ló á做,並m̄是出tī心內ê反省kah動作。

第17到18節,使徒保羅認為身為猶太人,應該清楚kah上帝之間ê關係,因為án-ne,既然認bat上帝透過摩西頒布ê律法、誡命,就koh khah應該遵守á明辨是非chiah-tio̍h。

第19到24節,m̄-koh真正ê問題是:猶太人誇耀家己對摩西律法真清楚,thang指引別人看見性命ê亮光,認bat真理等等,m̄-koh家己並無ná親像家己所誇耀ê chit方面去行。使徒保羅tī chia提出幾個問題:包括有偷the̍h、姦淫、憎恨偶像等等,m̄-koh家己反tńg是去做chiah-ê無應該做ê事。Chit種人,明明是就是kā上帝ê聖名hō͘侮辱。因為án-ne,伊認為chit種猶太人應該先教導家己,á m̄是憑tio̍h家己對摩西律法ê認bat,就想beh去教導別人。

第25到29節,tī chit段經文中,使徒保羅提出割禮ê問題,這mā是伊teh傳道工作中siōng困擾ê一件事,因為真chē保守派ê猶太基督徒,一再堅持beh先受割禮,chiah ē-tàng成做基督徒。M̄-koh,使徒保羅講án-ne就是貶低了耶穌ê救恩。chit-má伊向猶太人提出割禮ê問題,主要teh強調真正割禮是:心靈上受割禮,á m̄是肉體上ê割禮。因為肉體上ê割禮是外表ê記號,獨獨心靈上ê割禮chiah是真正屬tī上帝ê。

Tī第25到26節,割禮是律法ê規定,因為án-ne,守割禮ê人,就一定tio̍h照律法ê規定活出世活規律。若無,割禮就無意義。顛倒,一個人若無受割禮,m̄-koh卻活出受割禮應該有ê律法行為,伊tī上帝眼中反tńg是受過割禮ê人。換句話講,割禮,m̄是只有肉體上ê記號,卻是tùi割禮延伸出來ê實際行動。其實,對猶太人割禮ê看法,先知耶利米有提出仝款ê呼籲,伊傳出上帝ê信息講:「猶大kah耶路撒冷人,lín tio̍h tī心靈上受割禮,kā家己獻hō͘我──lín ê上主。不然,lín ê惡行會激怒我,hō͘我怒火中燒,無人ē-tàng撲滅。」上主講:「有一工,我beh懲罰埃及人、猶大人、以東人、亞捫人、摩押人,kah tòa tī曠野hiah-ê剪短頭毛ê民族。In tī肉體上lóng受過割禮,m̄-koh in kah以色列人tī心靈上lóng無受割禮,m̄遵守割禮所象徵ê約。」(耶利米書四:4、九:25—26)

第27到29節,使徒保羅強調,一個真正猶太人,是tùi心內來看ê,m̄是tùi肉體上受割禮來斷定。無人ē-tàng看tio̍h別人ê心內,只有上帝chiah有chit種能力。

經文:

羅馬書 3:1-3:8

註釋:

Chit章是繼續第二章討論ê問題:猶太人kah外邦人有甚麼無仝?tī第二章17到29節這後半段,使徒保羅已經真清楚提起猶太人ê問題,m̄-nā是觀念iáu有待釐清,而且tī信仰ê認知上mā有真chē無正確ê想法。親像in kā割禮看kah非常重要,認為he是kah上帝之間bē-tàng切割ê記號,這是正確ê。M̄-koh真正割禮,並m̄是止tī肉體上ê,á應該是tī心靈上ê(參考耶利米書四:4、九:25—26)。因為「約」ê記號,無應該kan-taⁿ以肉體上ê割禮做記號號,á應該kā它寫tī「心版上」,而且tio̍h對上帝忠實,chiah是真實ê約(參考耶利米書三十一:33)。使徒保羅mā強調:一個真實ê猶太人,á是上帝ê選民,應該會落實上帝ê教導,á m̄是kan-taⁿ會教導別人,家己卻對所禁止ê行為一犯koh再犯。

Tī使徒保羅看起來,若是提起上帝ê救恩,無論是猶太人á是非猶太人,tī上帝面前lóng仝款ê,無差別,因為所有ê人lóng是罪人,chit點是非常基本ê論點。既然lóng是罪人,面對上帝「公義」ê審判,就無任何人ē-tàng例外。因為上帝是公義ê,á公義ê上帝,面對犯罪ê人,bē因為伊是屬tī特定族群,就kā應處ê刑責減輕。使徒保羅否定了chit種觀念,á chit點卻是猶太人久長以來所確信ê。In認為亞伯拉罕已經為in買了chit份「保單」──割禮,m̄-koh使徒保羅否定了chit項看法。

Tī使徒保羅ê觀念中,割禮當然有特別ê意義。它至少表達了兩個基本認bat:一是上帝ê應允—上帝是以色列人ê上帝;以色列人民是上帝ê子民。Á chit-ê應允就是透過割禮顯明了以色列人民kah上帝之間有「約」ê關係。二是律法ê要求。Chit-ê律法是上帝親自頒佈ê。M̄-koh chit-ê律法是根據第一項ê「約」而來。因為án-ne,無遵行律法ê規範、教導,等於無照「約」過生活仝款,mā就是破壞了kah上帝之間ê「約」ê關係。

使徒保羅並m̄是teh諷刺猶太人,koh khah m̄是鄙視(siùⁿ)猶太人tī信仰上ê堅持,顛倒,伊非常肯定猶太人kah上帝之間有特殊關係,m̄-koh伊koh khah燒熱切ǹg望,真實ê猶太人,bē總是tī肉體上是m̄是接受割禮á爭論不休,卻是tī言行舉止上,真正活出上帝選民ê樣式。

使徒保羅進一步用「對話」ê方式來說明伊ê看法,mā就是假設有人提出問題伊來回答。內容主要teh說明一點:若是猶太人無法度因為割禮á kah伊外族有所差別,án-ne,身為猶太人koh有甚麼特別ê所在?Á上帝揀選猶太人ê用意何在?使徒保羅真清楚ê Tī chit段經文中回答chiah-ê問題,伊是用肯定ê語句講「有」意義,而且「當然有」。

羅馬教會內一定有真chē猶太基督徒,in對使徒保羅ê「因信耶穌á得永恆ê性命」ê觀點無掠做當然。In認為chit種講法無疑是kā摩西ê律法kā它廢除。甚至有人mā認為按照使徒保羅ê講法,ná 會hō͘人koh khah容易犯罪,因為人會利用使徒保羅ê「上帝tī耶穌內面白白ê恩典」,強化犯罪ê動機,為tio̍h是beh hō͘耶穌ê救恩凸顯出來。因為án-ne,tī chit段經文中使徒保羅提出伊ê答辯。

第1到4節,使徒保羅非常肯定講猶太人必定有特別ê價值是贏過外邦人ê,伊提起一個真重要ê基礎:上帝kā祂拯救ê信息交託hō͘猶太人,這就是伊tī第一章16節所講ê,先是猶太人,á後外邦人,其意在此。Chia使徒保羅強調無論猶太人án怎棄sak上帝,上帝仝款「信實」,chit-ê詞表示上帝永遠守tiâu祂kah猶太人祖先之間所立ê約。因為上帝是真實ê,祂bē因為猶太人背信,祂就無koh chhap in,上帝不會án-ne,卻是會一再想辦法beh kā chiah-ê背信ê人導正過來。

第5到6節,公義ê上帝,祂ê審判絕對有根據,而且不偏左mā不偏右,祂是鑒察人心內ê上帝。為tio̍h beh強調上帝ê公義,使徒保羅對hiah-ê誤傳上帝信實ê疼ê講法,一再用「當然不」、「當然m̄是」等chit種用詞,tī羅馬書出現真chē pái(參考羅馬書三:6、31、六:2、15、七:7、13、九:14、十一:1、11)。

第7到8節,使徒保羅提出一個真實ê問題是:猶太人豈m̄是一再犯罪?即使in已經受過割禮了,mā是仝款繼續犯罪,ē-sái講是上帝並無因為án-ne就停止祂ê慈愛。上帝ê疼,並無因為人ê因素有增減,祂ê疼是永遠ê、bē改變ê。因為án-ne,做一個人明白上帝ê疼了後,chit-ê人kan-taⁿ會感覺見笑kah不配,á bē koh再想beh繼續犯罪,是beh hō͘上帝ê疼顯得koh khah chē。使徒保羅講,如果人存有chit種「繼續犯罪,顯明上帝ê疼」ê想法,chit種人是絕對無法度得tio̍h赦免ê。這是因為有人反對使徒保羅,就藉機講使徒保羅講過人犯罪koh再得赦免,thang彰顯上帝ê疼koh khah chē,使徒保羅講故意曲解伊講chit種話ê人,一定會hō͘上帝定罪。

經文:

羅馬書 3:9-3:20

註釋:

Chit段經文真清楚說明使徒保羅所強調ê一點:無一個人是好人,大家tī上帝ê面前lóng仝款是有罪ê人。

第9節,thang對照第1到2節來看。使徒保羅tùi人ê罪來看猶太人ê時,伊強調每一個人khiā tī上帝審判ê面前,是lóng仝款ê,無任何差別。

第10到12節,chit段詩歌是引用詩篇第十四篇1到3節,tī chit-ê短短ê三節經文中,連續出現四次「無XXX」,像「無義人」、「無明智ê人」、「無走chhōe上帝ê人」、「無行善ê人」等,chiah-ê用詞lóng teh表明人ê罪,是逃避不了上帝ê審判ê。

第13節,chit節是引用自詩篇第五章9節,這說明人心中ê罪惡。雖然人知影律法上禁止ê事,卻iáu是照樣去做無應該做ê事,為tio̍h beh圖利家己,mā會故意去陷害別人。

第14節,chit節是引用自詩篇第十篇7節。

第15到17節,引用以賽亞書第五十九章7到8節。Chit段經文是先知以賽亞傳出上帝譴責以色列人語。In teh聚會ê時chūn,向上帝祈禱祈求上帝ê拯救,kah-ná真敬虔ê款,其實,in手上流tio̍h真chē無辜ê人ê血。Tī chit-ê前提之下,上帝怎樣ē-tàng聽得下in祈禱ê聲音?無錯,in照律法規定參與聚會、祈禱,m̄-koh這lóng kah in所做出來ê事相違背。In濫殺無辜ê性命,就是做律法所禁止ê事。第17節ê「平安」,意思是teh指無戰爭,á是戰爭已經結束。人ê性命不koh受到威脅。先知以賽亞是teh指in ê行為「不公正」、造「邪僻ê路」、行ê路「無安全」,chiah-ê lóng會威脅tio̍h性命ê安全。

第18節,thang參考詩篇第三十六篇1節。使徒保羅ê看法,人真正罪就是tùi「m̄知敬畏上帝」開始。Chit種人ê態度是「m̄驚上帝」,表明ê是「無上帝」,甚至koh khah嚴重ê是家己扮演起上帝ê角色,自認為是上帝。

第19節,chit節是kā頭前ê詩歌、經文做一個總和,就是引用詩篇第一四三篇2節b句所講ê:Tī上帝面前,無任何一個人thang講家己是無辜ê。

第20節,這是引用詩篇第一四三篇2節ê詩歌:「求你mài審判我—你ê奴僕,因為tī你面前無無辜ê人。」使徒保羅tī chia引用chit句詩篇ê語意。「hō͘ 上帝宣佈」,意思等於上帝審判了後ê宣告仝款。當上帝宣告一個人是「義人」ê時,就是等於宣告chit-ê人無罪仝款。M̄-koh人若想beh óa靠律法來得tio̍h上帝chit種宣告,是愚戇ê想法。即使上帝有chit種宣告,mā m̄是因為chit-ê人完成了律法ê規定,卻是因為上帝ê恩典。

使徒保羅Tī chit段經文中強調:律法hō͘人koh khah知影家己犯了罪。Tī第七章7節,使徒保羅koh一pái重複一pái chit句話ê意思。

經文:

羅馬書 3:21-3:31

註釋:

Chit段經文使徒保羅詮釋「kah上帝和好」ê意思。基本上,聖經ê教導是:人因為犯罪,致使kah上帝ê關係破壞à。taⁿ,上帝hō͘人有機會thang藉tio̍h耶穌á kah上帝有和好ê契機。使徒保羅終其一生就是beh hō͘大家知影,tńg來到耶穌內面,就等於tńg來到上帝ê恩典中。

Chit段經文開始進一步說明,tī耶穌來到世間,而且為世人獻上性命做贖罪祭了後,一切lóng改變à。M̄-nā世人thang藉tio̍h耶穌tī十字架頂ê死,會得thang kah上帝和好,而且耶穌ê救贖恩典,是分享hō͘世間所有ê人,並無對猶太人á是外邦人ê分別。因為上帝是愛世間所有ê人,á m̄是只有愛猶太人。

第21節,使徒保羅先說明上帝「chit-má」親自向人啟示kah祂和好ê正確途徑,並m̄是因為律法,chit點tú好kah「過去」摩西kah先知ê教導大無相仝。
第22到25節,chit段經文中非常清楚強調兩個基本要點:一是每一個人lóng是罪人,罪hō͘人kah上帝ê關係破壞了,而且hō͘上帝ê榮耀失去光彩。M̄-koh,taⁿ上帝beh親自修復chit種關係,就是第二點:透過耶穌來改善、修復chit種原本已經分裂ê關係。

第24節是非常重要ê一節,chia講上帝藉tio̍h耶穌kā拯救ê恩典白白賜hō͘人,chit種恩典是無任何代價ê,是無價ê,m̄是人用任何代價ē-tàng來換,á是取代á得來ê。使徒保羅tùi chia beh表明一個基本ê信仰認bat:人無法度用任何方法來取代上帝tī耶穌內面ê救恩。即使是累積真chē行善ê功勞mā無法度換來得tio̍h,chit點對真chē人來講和-ná真困難,m̄-koh,使徒保羅就是beh表明,如果人ē-tàng用行善來換上帝tī耶穌內面ê救恩,chit種救恩就m̄是所講ê「白白賜恩典」。

第25到26節是chit章經文ê中心思想。使徒保羅講耶穌乃是人性命ê「贖回祭」。這是tùi摩西律法提煉出來ê論點,因為摩西律法規定人犯罪了後,tio̍h用獻祭ê方式來贖回家己ê罪(參考利未記第十六章)。使徒保羅講耶穌就是代替人ê罪á獻身ê「祭」。換句話講,耶穌tī十字架頂ê死,就是贖回了人ê罪。Chia講耶穌ê犧牲是teh「顯明上帝ê公義」,注意「公義」chit-ê詞,指ê是上帝ê疼,這是憐憫ê疼、疼惜ê疼。另外一方面,「公義」,mā是teh指上帝正確ê審判,無冤枉、偏袒、歪曲等。意思是teh指人犯罪,hō͘ 上帝審判,審判ê結果lóng是正確ê。M̄-koh上帝有愛,願意藉tio̍h耶穌ê死,hō͘人原本應該被定罪ê懲罰,藉tio̍h耶穌當做「贖罪祭」á赦免、憐憫人,對人「無罪」tháu放。

第27到31節,tī chit段經文中,thang清楚看tio̍h使徒保羅思想ê中心:所有ê人lóng是罪人。既然是有罪ê人,就無甚麼好誇口ê。即使遵行律法,mā無法度hō͘人kah上帝之間有合宜ê性命關係,因為人是真軟弱ê,ná親像路加福音第十章25到37節所記載「好撒馬利亞人」ê故事中所講,hit位教律法ê經學教師,即使非常明白律法ê意義,mā是無法度確實遵行律法所規定對厝邊ê疼。

Koh講,非猶太人ê人,並無摩西律法thang循,並無表示上帝無疼in,上帝並無只是猶太人ê上帝,卻是所有人ê上帝。上帝愛所有ê世人(參考約翰福音三:16),因為án-ne chiah有耶穌降生tī世界上,為tio̍h是beh hō͘所有ê人lóng因為伊得tio̍h上帝ê救恩。不過使徒保羅強調伊án-ne講,並m̄是輕視摩西律法,顛倒地,伊講án-ne是koh khah強化摩西律法ê重要性,ná親像耶穌講伊來到世間ê目的,並m̄是be̍h廢除摩西律法kah先知教示,á是beh成全(參考馬太福音五:17—18),原因是kā猶太久長以來ê誤解hō͘導正過來。使徒保羅ê努力就是tī chia,ài當時ê人kā重點khǹg tī摩西律法kah得救親密結合ê chit-ê結phah開。Hō͘人tńg來到上帝ê kiáⁿ耶穌身上,信耶穌,就是kah上帝重新和好ê關鍵。Á m̄是遵守律法ê要求。

使徒保羅án-ne講法,並m̄是teh否認律法ê重要性,卻是講人想beh óa靠遵行律法得tio̍h拯救,根本是行無通ê事。Ná親像伊tī第20節所講ê,律法ê效用,是hō͘人知影家己有罪,á m̄是透過律法kah上帝重建和好ê關係。伊強調kah上帝重新建立和好關係,是「只藉tio̍h信」。就是信耶穌,chit點mā thang講是使徒保羅所有思想ê中心,mā是基督教信仰siōng中心ê基礎。

經文:

羅馬書 4:1-4:12

註釋:

Tùi chit章ē-tàng看出使徒保羅kā kui個論述焦點lóng khǹg tī亞伯拉罕身上,伊強調一個中心思想:亞伯拉罕是因為「信上帝」,上帝chiah稱伊為「義人」(參考創世記十五:6)。伊信,是因為上帝hō͘伊ê應允,á chiah-ê應允是伊當時lóng看bē-tio̍h ê,一直到伊ê後代kiáⁿ孫約書亞ê身上chiah實現。Tùi亞伯拉罕到約書亞帶領以色列人進入迦南地,chit段時間真長,至少超過五百年以上,雖然亞伯拉罕看bē-tio̍h,mā摸bē-tio̍h,ē-sái講是伊確實相信,這是hō͘上帝認定伊是「義人」ê主要原因。Á m̄是因為亞伯拉罕有甚麼好行為,chiah得tio̍h上帝ê喜愛。使徒保羅ê chit-ê論點,mā是猶太人無法度否認ê。

Chit段經文有一個基本前提需要注意,當使徒保羅提出亞伯拉罕來做伊論述ê重點ê時,已經說明一項重要ê認bat:舊約kah新約之間有bē-tàng分割ê關係。

第1到4節,使徒保羅特別以亞伯拉罕為例,猶太人只要講tio̍h亞伯拉罕就會引認為榮。M̄-koh猶太人清楚知影,亞伯拉罕並m̄是因為有甚麼好行為á被揀選,kahhō͘ 上帝稱呼為義人,卻是因為伊信上帝對伊ê應允。Ná親像頭前已經講過ê,聖經只要講tio̍h「恩典」,就表示he是上帝白白ê賞賜,á m̄免人ê任何條件來換。因為án-ne,伊用大家生活上所熟悉ê,就是工人得tio̍h工資ê時,伊會認為he是伊應該得tio̍h ê。M̄-koh,如果是恩典就m̄是án-ne了;因為真正恩典是:原是不應該得tio̍h ê,卻tī lóng無條件之下得tio̍h,án-ne chiah是恩典真正意義。上帝ê救恩就是chit種恩典。

第5節,chit節ài beh特別注意,上帝會宣判一個罪人為無罪,是因為chit-ê人信上帝。因為án-ne,當上帝差遣伊ê kiáⁿ耶穌到世間來,甚麼人相信,甚麼人就會得tio̍h上帝赦免ê恩典。M̄-koh聖經真清楚講上帝bē kā不義ê人、犯罪ê人當做義人。換句話講,對tī有罪ê人,上帝一定會有公正ê審判、懲罰(參考出埃及記廿三:7),án-ne chiah ē-tàng顯示公義ê上帝ê特性。就是因為án-ne,上帝chiah會hō͘耶穌降生到世間來,為有罪ê人當贖罪祭。

第6到8節,大衛感覺家己是一個hō͘ 上帝赦免ê人,因為án-ne,chiah ē-tàng kah上帝有合宜ê關係。一個真正悔改ê人,是不會kah伊所得罪ê人討價iáu價,ná親像大衛知影家己m̄-tio̍h,伊無kah上帝計較,因為伊認為上帝iáu存留伊ê性命,就是極大ê恩典。第7到8 chit兩節是引用詩篇第三十二篇1到2節ê詩歌。使徒保羅引用chit兩節詩歌ê主要目的,是teh強調一個基本信念:若上帝chiâⁿ實beh追究人ê罪,無任何一個人ē-tàng安然khiā立tī上帝面前,這mā是伊tī第三章23節所強調ê:「人人lóng犯罪,虧欠了上帝ê榮耀。」

第9節,這是真重要ê一節,使徒保羅koh一pái提起上帝赦免ê恩典,m̄-nā tī猶太人中間,mā tī外邦人身上。這mā表示上帝ê疼,大大超過所有猶太人所想像ê範圍。使徒保羅koh一pái說明亞伯拉罕並m̄是完人,á是完全無犯罪,卻是有上帝賞賜hō͘伊特別恩典,因為伊對上帝有絕對ê信心,因為án-ne,上帝「就算伊為義人」。換句話講,亞伯拉罕kah所有外邦人仝款,lóng是罪人。
第10到12節,chit段經文強調一個認bat:亞伯拉罕並m̄是tī受割禮了後chiahhō͘ 上帝認為是義人,卻是tī伊受割禮chìn前就已經被認定à。所以,割禮m̄是伊成做義人ê條件。伊án-ne講,是beh說明割禮m̄是上帝kah一個人有合宜關係á無ê要件,這要件是在tī信耶穌。使徒保羅進一步說明,對猶太人來講,亞伯拉罕是in ê祖先,m̄-koh對外邦人來講,則傳承屬靈ê「父子」關係。

經文:

羅馬書 4:13-4:25

註釋:

Tī chit段經文中,使徒保羅繼續討論著有關亞伯拉罕kah上帝之間ê關係。因為猶太人kha̍p-bē-tio̍h就以亞伯拉罕當做量信仰ê準則。因為án-ne,使徒保羅tùi亞伯拉罕來切入說明,chit對猶太人來講,有可能會koh khah容易清楚。

第13到14節,tī希臘文裡,「應允」一詞有兩個字;一是「huposchesis」,是teh指有條件ê應允。另外一個字「epagelia」,是完全無條件ê。無論對方怎樣,我就是beh án-ne對待伊,á是hō͘ in好處。使徒保羅tī chia所用ê「應允」一詞,就是用「epagelia」chit-ê字,真清楚是teh指完全無條件ê賞賜、hō͘ in。這mā是第三章24節所提起ê「白白賜恩典」ê意思。

Koh講,使徒保羅tī chia強調,如果chit種應允是藉tio̍h遵行摩西律法,就無koh是一種信心ê表現,因為信心是超過律法之外,而且比律法高出真chē。Mā tùi chia thang理解一件事:道德ê規範,比律法khah koân;倫理比道德khah koân;信仰ê層面比倫理道德khah koân。若無chit種認bat,信仰就會失去意義kah動力。

第15節,「無律法,就無犯罪」,chit句話thang參考第五章13節。所指ê是:律法hō͘人知影甚麼是犯罪。M̄-koh卻mā因為án-ne會刺激人產生犯罪ê意念,人會想beh sńg鑽律法漏洞ê遊戲,並且tī律法漏洞外,自認無罪。M̄-koh卻已經造成了別人ê傷害,這mā是惹起上帝憤怒ê原因。

第16到17節,使徒保羅對亞伯拉罕ê信仰koh一pái作了確認:伊是信仰之父。是屬tī大家共有ê屬靈之父。M̄-koh這既m̄是律法之父,mā m̄是遵行律法ê規矩,卻是tī信仰ê基礎上。

第18到22節,tī亞伯拉罕ê事蹟中,siōng值得大家學習ê是,伊tī無ǹg望ê時,並無因為án-ne對上帝失去信心,特別是tī上帝ê應允上,直到一百歲ê時,iáu是ǹg望tio̍h得tio̍h親生ê kiáⁿ,無失去á是削弱了對上帝ê信。對上帝有絕對ê信心,不懷疑,這是亞伯拉罕ê信仰見證。
第20節講出基督教信仰可貴ê所在,就是jú有信心ê人,jú知影榮耀上帝。Chit種人koh khah知影謙卑,伊知影m̄是家己有甚麼能力thang完成美好ê事,卻是因為上帝ê手扶持,上帝ê恩典hō͘伊有夠額ê氣力去完成,因為án-ne koh khah會榮耀上帝。相對ê,只有信心不足ê人,chiah會抱怨上帝ê疼無夠、恩典siuⁿ少。

第23到25節,使徒保羅強調:上帝既然認定信靠伊ê亞伯拉罕為「義人」,仝款ê,mā會對信靠hiah-ê hō͘主耶穌tùi死裡koh活ê上帝ê人,上帝會認定伊為義人,ná親像亞伯拉罕仝款。Á信靠耶穌ê人lóng ē-tàng kah上帝有合宜ê關係,這是上帝賞賜hō͘所有人ê應允。

經文:

羅馬書 5:1-5:11

註釋:

羅馬書tùi第五章開始到第八章,是另外一個主題。使徒保羅提起一個重要ê信息:因為信á kah上帝有和好關係ê人,必定會得tio̍h永恆ê性命。Tī chit段長到四章ê經文中,使徒保羅進一步強調:「信」,一定tio̍h kah koh活ê耶穌結連做伙。因為耶穌就是上帝hō͘人類siōng大ê恩典。是人kah上帝之間ê唯一橋樑。無耶穌,人就無法度kah上帝重新和好,á耶穌就是為上帝帶來祂特別ê「愛」。因為án-ne,tī chit段經文中,ē-tàng看出使徒保羅強調tio̍h:有上帝ê疼ê所在,就有「生」。Tī chit-ê四章中,伊以第五章講「生」ē-tàng脫離上帝ê「憤怒」;第六章講「生」就是脫離「罪惡」ê纏絆;第七章講「生」脫離「律法」ê鎖枷;第八章講「生」脫離「死亡」ê要脅。

Chit段經文相當重要,特別是tī第6到11節,使徒保羅講出基督教信息siōng重要ê精華:當咱iáu是罪人ê時chūn,基督已經為咱死去!換句話講,m̄是因為咱有甚麼好,上帝chiah疼咱,卻是咱iáu是罪人ê時chūn,上帝已經先疼咱。Chit種ê疼,是無法度估算ê,mā是無法度取代ê。因為án-ne,伊講這是上帝無比ê疼。

第1節,一開始,使徒保羅就肯定信耶穌ê人lóng會hō͘ 上帝認定tio̍h義人。Chit種義人,就是kah上帝有和好關係ê人。

第2節,「活tī上帝ê恩典裡」ê「活」字,是「引chhōa」、「紹介」ê意思,後來用tī禮拜ê時,以chit-ê字來表示帶領人來認bat耶穌ê救恩。使徒保羅用chit-ê字表示:耶穌就是引chhōa人來認bat上帝ê慈愛,mā因為耶穌,人chiah會知影上帝ê疼jōa-ni̍h-á寬闊、廣大、深奧。

另外,chit-ê「活」字mā teh表示海港ê引水人帶船入港仝款。耶穌就是án-ne ê角色,伊幫助人ê性命進入上帝ê「港口」,因為耶穌,人ê性命得tio̍h真正安息。

「分享上帝ê榮耀」,chia ê「榮耀」一詞,thang對照第三章23節所講ê,人因為犯罪,會失去「上帝ê榮耀」。chit-má因為有耶穌,chiah重新tńg來到本來上帝創造人ê時所hō͘ in人ê「形像」ê榮耀。起初上帝創造ê世界是歡欣ê,因為上帝創造萬物後,「賜福」hō͘所有受造物「繁殖」ê氣力,這表示受造物本身充滿tio̍h性命力,是「好」ê表現(參考創世記一:20—22、26—28)。可惜,後來則因為人犯罪,hō͘ kui個受造ê大地連帶受tio̍h懲罰(參考創世記三:17)。chit-má tī主耶穌內面,一切萬物重新受造(參考以弗所書四:24)。這「榮耀」一詞,一再出現tī羅馬書中(參考三:23、八:17-18、21、30、九:23)。意思是teh指人ê kui個存在,lóng hō͘ 上帝ê榮耀所hip亮。Chit種「榮耀」mā ē-sái講是上帝ê「面」、上帝ê「慈悲憐憫」(參考出埃及記三十三:18—19)。

第3到5節,chit段經文是基督徒不時引用ê經文。Chia使徒保羅強調基督徒ê信仰,是因為耶穌卻ē-tàng hō͘人得tio̍h性命ê氣力,hō͘一個人「tī患難中」mā會有喜樂。原因是tī耶穌內面,性命會有ǹg望。因為án-ne,即使有苦難,mā會歡喜。因為知影將來有性命ê ǹg望teh thèng候(參考羅馬書八:18)。

「忍耐」,是teh指ē-tàng承受壓力,m̄是逃避,卻是用喜樂ê心接受(有含「忍受」ê意思)。

「患難培養忍耐」,tio̍h注意chit-ê「忍耐」,意思並m̄是真無奈ê接受,卻是有堅定ê信心teh等待。因為知影tī苦難ê背後有美好ê應允teh thèng候。

「忍耐蒙上帝褒獎」,《中文和合本》用「忍耐生老練」,所謂「老練」,chit-ê詞tī希臘文原文是teh指teh冶鑄貴重金屬,經過不斷火煉,kā其中所含ê雜質除掉,hō͘金屬變kah koh khah精純(參考約伯記廿三:10 ê「考驗」、「純潔」)。使徒保羅tī chia用「褒獎」一詞,tī哥林多後書第二章9節用「考驗」、第八章2節「考驗」、第九章13節「證據」。Tùi chia thang明白:信仰就是需要chit種鍛鍊、考驗,並m̄是安安適適,kah-ná lóng甚麼事情無發生就ē-tàng得tio̍h。

「上帝ê褒獎帶來ǹg望」,這「ǹg望」並m̄是憑空得tio̍h,卻是teh經歷過真chē ê測試、磨練、考驗,等通過考驗了後chiah會有ê果子。

「ǹg望bē致使落空」,chia ê「ǹg望」一詞,是teh指對上帝有信心。做一個人對上帝有信心ê時,上帝ê靈會tī伊ê性命裡,chit種人bē對性命失望,koh khah bē感覺孤單、無助(參考以賽亞書廿八:16)。因為伊知影上帝愛伊,會kah伊同在。

「伊ê疼灌ak tī咱心內」,使徒保羅tùi「信心」講tio̍h「ǹg望」;koh再tùi「ǹg望」講tio̍h「愛」,chiah-ê用詞lóng是環環相扣tio̍h。換句話講,對上帝ê拯救有絕對信心ê人,性命中必定會體驗tio̍h上帝拯救ê「愛」。

請注意,chia使徒保羅是第一pái tī羅馬書用「愛」(agape)chit-ê字。使徒保羅每pái講tio̍h上帝對人類ê「愛」ê時,所用ê就是chit-ê「agape」。這是teh指犧牲、奉獻、無私、無換來代價ê「愛」(參考約翰一書三:16)。Chit種tùi上帝來ê「愛」,是透過「聖神」來「灌ak」tī人ê心內,是lóng無保留,是源源不斷、無停止ê,甚至到滿溢出來ê樣式(參考詩篇廿三:5)。

第6到9節,chit段經文ē-sái講是羅馬書siōng精華ê一段。使徒保羅講上帝愛世人,á世人原是罪人。上帝並m̄是因為人好,chiah愛;相對ê,是因為人iáu teh罪惡中沉淪、痛苦tio̍h,chit時,上帝就先疼咱à。Chit種疼是甘願hō͘祂ê獨生kiáⁿ耶穌犧牲性命來救贖人。請注意,chia是講當咱iáu是「罪人」ê時chūn,á m̄是講「當咱iáu是外邦人」,á是「當咱iáu是猶太人」。使徒保羅是故意beh án-ne講,為tio̍h是beh突破「猶太人」kah「外邦人」之間ê差別。因為tī上帝ê面前,所有ê人lóng是「罪人」,無「猶太人」kah「外邦人」之間ê分別。猶太人並無否認家己是「罪人」,m̄-koh in不時有一個錯誤觀念,認為有亞伯拉罕當in ê祖先,thang hō͘ in免tī上帝ê懲罰。Mā因為án-ne,行洗禮約翰大聲指出in chit種想法kah認知是嚴重ê 錯誤(參考馬太福音三:9)。

第10到11節,使徒保羅講出一個人如果kah上帝有和好ê關係,性命就開始有變化,伊會以耶穌為性命siōng大ê喜樂,因為是tī耶穌內面,人看tio̍h上帝ê救恩充滿tio̍h伊ê性命。

經文:

羅馬書 5:12-5:21

註釋:

Chit段經文是第五章ê第二部分,使徒保羅進一步說明前一段經文所討論ê結語。真chē人ài kā chit段話看做是基督教講「原罪」ê基礎經文。其實,基督教信仰並無講「原罪」,卻是講罪。罪hō͘人kah上帝ê關係破壞à。

因為猶太人一直有一個觀念:罪,所代表ê就是「死亡」。因為án-ne,使徒保羅用「亞當」犯罪chit-ê眾人lóng知ê故事來說明:tùi「亞當」開始,人類就生活tī「死亡」中,性命是無希望ê。M̄-koh tī耶穌內面,人卻thang ǹg望性命ê koh活,kah上帝之間重建和好ê關係。

第12到14節,tùi chit段經文thang看tio̍h使徒保羅講亞當是犯罪ê源頭ê時,伊指ê是人犯罪ê動機ná親像亞當仝款,想beh脫離上帝ê疼kah教示。人想tio̍h ê就是家己ài做上帝,這是罪誘惑人棄sak上帝ê主因。每一個人lóng有亞當chit種意念。Á上帝ê疼大大超過人chit種意念,祂差遣耶穌到世間來,hō͘人藉tio̍h耶穌á會得thang kah上帝kā破壞 ê關係重新修好,耶穌chit種救贖恩典,大大超過tùi亞當延續而來ê罪惡。

Koh講,tio̍h注意ê是,當使徒保羅tī chia講「亞當」ê時chūn,是用複數名詞,是teh指人類ê意思。因為án-ne,它所代表ê是整體ê,m̄是單一ê。Mā因為án-ne,聖經teh講罪ê時chūn,它m̄-nā是講個人ê罪,mā同時講人類共同ê罪性kah表現。戰爭就是一個例,是共同體ê犯罪。

「亞當是預表以後beh來ê hit位」,這是一種對照性ê講法;因為亞當帶hō͘全人類ê是毀滅,á耶穌則帶來全人類得tio̍h拯救ê恩典。Chit種講法tī第18節koh一pái出現。所謂「預表」,chit-ê詞原本ê意思是teh指「記號」、「模型」、「像」。Tī chia用「預表」,表示亞當kah基督之間有一個「平行」ê狀態,意思是teh指亞當犯罪帶來人類死亡;基督ê死卻帶來人類koh活ê希望。因為án-ne,掠準講是「預表」,真正意思是「對表」,是一種相對性ê現象。M̄是一頭ê兩端,卻是兩種完全無相仝、無交集ê平行狀態。

第15節,確實,tī犯罪ê亞當kah救贖ê耶穌之間,有極大ê鴻溝,二者根本就無相仝。Chia強調上帝ê疼,tī耶穌ê身上顯示出來ê,是khah贏過亞當犯罪帶來ê死亡。因為,藉tio̍h耶穌,人thang看見koh活ê性命,這koh活就是超越死亡ê威脅。

第16到17節,chit兩節koh一pái說明亞當帶來死亡,chit種死亡ê罪,支配了全人類。M̄-koh卻tī耶穌內面,thang看見上帝koh khah浩大ê救恩,beh透過耶穌hō͘所有人類藉tio̍h祂來得tio̍h性命ê再生─—koh活。

第18到19節,說明亞當帶來ê罪過,繼續tī眾人中間擴大。M̄-koh mā因為耶穌ê救恩,hō͘所有信靠伊救恩ê人,lóng ē-tàng因為án-ne而成做上帝眼中ê義人。

第20到21節,猶太人久長以來有一個觀念:只要遵守摩西律法,就是kah上帝ê關係和好。M̄-koh問題是:人為tio̍h beh維護本來ê律法,卻訂出koh khah chē ê律法,結果因為律法koh khah chē,犯罪ê人mā koh khah chē。原因是人ê罪,hō͘人歡喜去chhōe律法所無規定ê,去做無應該做ê事。M̄-koh當人心中有基督ê疼了後,所想ê,就不會án-ne,卻是會改變想法,無koh是chhōe律法上所欠缺ê,卻是想beh用疼去補足律法上ê漏洞,á是bē合宜ê部分,好hō͘人kah上帝之間ê關係koh khah和諧、接近。這mā就是伊tī chit-ê節最後所講ê「上帝ê恩典koh khah豐富」chit句話ê意思,指出當人藉tio̍h律法想beh「稱義」ê時,卻jú墮落。M̄-koh當人tńg來到上帝tī基督拯救之愛ê內面ê時,就會發見上帝救恩滿溢,而且超過人所ē-tàng想像ê chē。

第21節ê「公義」,是teh指憐憫ê疼。Chit種愛,是對人類世界苦難ê性命發出慈愛ê呼叫、安慰之聲,而且有實際醫、疼惜ê動作(參考馬可福音一:41;馬太福音十四:14;路加福音十:33、十五:20)。使徒保羅非常清楚表示,人是藉tio̍h「主耶穌基督得tio̍h永恆ê性命」,這「永恆ê性命」mā就是約翰福音ê中心信息(參考約翰福音三:15、16、五:24、六:40、47、十七:2-3)。

經文:

羅馬書 6:1-6:14

註釋:

羅馬書tùi第一章18節開始到第三章20節,是講tio̍h有關人犯罪,致使kah上帝之間出現隔閡。然後tùi第三章21節起,直到第四章25節,lóng是teh談一個人ē-tàng kah上帝重新和好,是因為耶穌十字架救贖ê緣故。續落來tī第五章講咱是因為信耶穌á得tio̍h上帝拯救ê恩典,這恩典是tùi上帝來白白ê賞賜,並m̄是人ê努力á是功勞換來到ê。

羅馬書ê第六章到第八章39節,是使徒保羅teh解釋一個信耶穌ê信徒,應該有ê信仰態度kah認知。Tī chit段長到三章篇幅ê經文中,伊tī第六章細講人án怎tùi罪ê奴役中脫離,得tio̍h性命ê真自由。然後第七章伊koh再解釋怎樣tùi律法ê詛咒下得tio̍h真正自由,同時,伊mā kā家己ê心靈做一個徹底告白,hō͘咱知影人有多軟弱。續落來tī第八章,伊講tio̍h怎樣tī聖神ê帶領下,成做一個有真實性命ê人。

使徒保羅tī第六章講tio̍h一個性命有基督同在ê人,是有koh活性命ê人,伊講chit種人就是脫離罪惡ê人。使徒保羅真正用意,是beh指出當人透過律法,知影所犯ê罪jōa-ni̍h-á重,就會想tio̍h上帝賞賜ê恩典,而且白白得來ê時,就koh khah應該tio̍h知影謙卑,而且會用感恩ê心來領受,án-ne chiah是正確ê態度。

使徒保羅Tī chit段經文中,一再強調一個信耶穌ê人,等於kah耶穌ê性命相連結,m̄-nā kah耶穌同死,mā將kah耶穌同koh活(參考第8節)。使徒保羅強調:信仰,是性命ê連結。若是將信仰kah性命分離,hit種ê信仰就ná親像穿衫仝款,隨時thang更換。M̄-koh若是將信仰kah性命連結做伙,án-ne就等於人ê身軀kah靈魂仝款,是bē-tàng分割ê。所以chit段經文ê主題就是teh kah耶穌「合做一個」ê基督徒。一個真正信靠耶穌ê人,無koh是原來ê家己,卻是性命中有耶穌ê形象,kah耶穌親密結合做伙ê人,伊kah耶穌同齊同釘十字架,mā同齊koh活。Chit種人會拒絕作罪惡ê奴隸,因為伊已經kā家己獻hō͘上帝à。這mā是使徒保羅所常用ê:成做「新造ê人」(參考哥林多後書五:17、加拉太書六:15、以弗所書二:15、四:17—24)。

第1到4節,tùi第1節就thang看tio̍h有人確實是誤解,á是講故意扭曲使徒保羅所講ê上帝tī耶穌內面拯救恩典ê意思義。原因是tī第五章20節所提起ê「罪jú增多,上帝ê恩典mā koh khah豐富」chit句話。這mā tùi第三章8節伊mā bat提起chit種問題。使徒保羅真清楚表明,罪,hō͘人ê性命死亡。死去ê人怎樣ē-tàng繼續犯罪?無可能ê事。伊講,一個真正kah耶穌連結ê人,就是kah耶穌同死tī十字架上,m̄-koh卻因為耶穌ê koh活,mā 跟tòe齊koh活,chit種koh活就是teh過新ê生活樣式。

第5到10節,chit段經文一再強調kah耶穌「合做一個」ê重要性,表明ê是一個人若真正信耶穌是性命ê救主,chit-ê人就是kah耶穌無分離ê人,伊必定tī信仰上真清楚,是kah耶穌同死,mā會kah耶穌同koh活。Chit種人,就是脫離了死亡威脅ê人。是一個無死ê人,á chit-má活teh,是「為上帝á活」。使徒保羅chit種講法tī加拉太書第二章20節mā出現,伊講:「Án ne,chit-má teh 活ê 我m̄ 是原來ê 我,是基督tiàm-tī 我內面teh 活;我chit-máteh 活,是靠信上帝ê Kiáⁿ teh 活;基督疼我,為tio̍h 我放sak 性命。(全民版)」

第11節,使徒保羅強調一個kah耶穌連結ê人,就一定tio̍h kā家己當做是已經是死去ê人仝款,是過去tī罪惡中ê人已經死去à,chit-má活teh ê我,是因為有上帝tī耶穌內面ê救恩á活。伊一再用「為上帝á活」,chit句mā thang講做「tī上帝內面活着」,因為上帝就是行偉大神跡者,祂hō͘死á埋葬ê耶穌,koh活起來。Koh活,就是永恆ê性命。所以做一個人kah耶穌「合做一個」了後,藉tio̍h耶穌ê koh活,信ê人,mā就跟tòe耶穌koh活起來,這就是tī上帝內面活着。因此thang án-ne了解,一個信耶穌ê人,就是時刻會想tio̍h上帝就tī伊性命中,就ná親像使徒保羅siōng歡喜講ê,是有耶穌活tī伊ê性命裡。

  第12到14節,chit三節經文thang講為頭前ê經文做一個總結。使徒保羅beh釐清一個重要ê觀念,並m̄是講一個信耶穌ê人已經脫離了罪,就認為tùi án-ne bē koh再有罪ê問題出現。Ná親像頭前已經講述過ê,脫離罪ê束縛,是離開了罪ê主宰,m̄-koh卻tùi án-ne成做罪ê對敵者。所以需要不時kah罪對抗。伊講一個信耶穌ê人,是無koh作「邪惡ê工具」,卻是成做「公義ê器皿」。這是相對ê話句,「工具」kah「器皿」lóng是teh指「武器」ê意思。使徒保羅甚至講beh穿上帝所賜ê「全副武裝」,為tio̍h是beh對付罪惡ê誘惑(參考以弗所書六:10—13)。注意這處聖經所講ê「公義」,指ê就是「規範」,mā是屬tī上帝教示ê準則。上帝ê「規範」包含憐憫、赦免、慈愛、公正。「公義」包括了基督徒應該有ê siōng基本之倫理行為。


經文:

羅馬書 6:15-6:23

註釋:

第六章ê中心思想,是結構tī第14節所講ê,信耶穌ê人會tùi án-ne無koh生活「tī律法之下,卻是tī上帝恩典下」,chit句話說明性命ê轉變,特別是tī kui個性命óa靠ê基礎上,有完全顛倒ê支柱。

律法,是人訂來維護生活規範ê,á恩典是上帝ê拯救,會hō͘人有心存感恩ê態度來做行為準則,對人產生出來ê結果是完全無仝款ê。M̄-koh thang理解使徒保羅會án-ne用chiah-ni̍h長ê篇幅一再論述,是因為有人回應使徒保羅講,認為只要信耶穌,一切就lóng無關係à。使徒保羅khah強調真正信耶穌ê人,是會用感恩ê心來改變性命態度。Koh講,伊強調耶穌就是上帝拯救ê恩典,並m̄是用人ê氣力á是任何代價thang換來得tio̍h。Mā就是上帝恩典並m̄是商場上ê物件,只有以謙卑、感恩ê心領受,chiah會對人ê性命產生意義。

Tī chit段經文內底,有兩個真大ê特色,其一是差不多每節lóng是「相對句」ê型態;親像:
(1)第15節:無tī律法之下vs.tī上帝恩典之下。
(2)第16節:做罪ê奴僕,結果就是死vs.順服上帝,就ē-tàng成做義人。
(3)第17節:lín bat vs.chit-má lín。
(4)第18節:tùi罪中被tháu放vs.成做義ê奴僕。
(5)第19節:以前放縱、為非作pháiⁿ、做罪ê奴僕vs.chit-má beh奉獻家己、做義ê奴僕、成做聖潔ê器皿。
(6)第20到22節:以前做罪ê奴僕vs.chit-má作上帝ê奴僕。
(7)第23節:罪ê代價是死亡vs.在主耶穌基督內面得永恆性命。

第個特色,是用「奴僕」chit-ê詞chē kah九pái,而且lóng是用對照句ê方式出現,就是tùi「罪ê奴僕」到「上帝ê奴僕」,使徒保羅用chit種詞teh表明一個人性命ê轉變,而且完全ê轉變。這mā是基督教信仰所講ê,一個人性命ê改變,tùi pháiⁿ轉換到好;tùi惡變成善;tùi死亡到得tio̍h新性命;tùi失落到得tio̍h(參考路加福音十五:7、10、24、32)。明白chit-ê信息了後,對基督教信仰就是有透徹ê瞭解à。

經文:

羅馬書 7:1-7:6

註釋:

Chit章是tùi摩西律法ê觀點teh談信仰kah性命ê問題。使徒保羅先tùi人性軟弱ê一面切入,而且kā人性ê弱點刻畫得非常清楚,mā對罪分析siōng-kài透徹。伊講:「我無去做我所意愛ê 好,顛倒tńg 去做我無意愛ê pháiⁿ。(全民版)」(第19節)伊提起人心內深處有兩個「律」,一個是chiap-chiap誘惑人棄sak上帝法則ê「律」,另外一個是一再警告人bē-tàng棄sak上帝法則ê「律」,ài人知影節制,mā會知影家己ê軟弱。使徒保羅講chit兩個「律」一直存在tī人心內深處,m̄是一般外人ē-tàng看會tio̍h。伊講出人ê軟弱是:人無法度排除誘惑犯罪ê氣力,明明知影án-ne bē-tàng,卻真想beh去試看māi,結果人輸了,這是性命中siōng大ê苦楚。M̄-koh伊mā講siōng值得感謝ê,就是因為有主耶穌基督,人才ē-tàng因為án-ne soah tùi罪惡中得tio̍h拯救(參考第25節)。得救,這是性命ê一線希望,mā是基督教信仰siōng重要ê信息,hō͘人原本會死亡ê性命得救。

Tī chit段經文中使徒保羅用婚姻ê關係teh講述人kah上帝ê關係。對猶太人來講,使徒保羅chit種譬喻真清楚,因為以色列民族ê信仰文化中,會kā上帝kah in民族間ê關係,用夫妻來表示(參考以賽亞書六十二:4—5,耶利米書三:20,以西結書十六:8,何西阿書二:19—20)。因為án-ne,當使徒保羅用夫妻關係來討論信仰ê問題ê時,對猶太人來講,一點mā不生份,真容易瞭解。
第1節,chit節開始是對律法做出定義:表示律法只對活teh ê人才有效力。M̄-koh信仰就m̄是án-ne;信仰會談論到人死後ê事。

第2到3節,使徒保羅用婚姻ê關係來形容律法效力之限制。猶太人ê社會是用男性做中心,只有cha-po͘人才ē-tàng對cha-bó͘人提出離婚ê要求,cha-bó͘人根本無chit種機會(參考申命記廿四:1)。In ê觀念中,cha-bó͘人是附屬tī cha-po͘人ê。使徒保羅tī chia想beh表明一點:夫妻因為律法有婚姻ê關係。M̄-koh,如果丈夫往生後,bó͘就是自由ê人,她 thang koh再kah別人結婚。

第4到6節,使徒保羅kā用婚姻關係舉例來說明罪kah人ê關係。一個kah基督連結ê人,因為耶穌已經死tī十字架頂了,人ê罪就跟tòe死去。chit-má耶穌是有koh活,因為án-ne,連結tī基督內面ê人,mā tòe koh活,無koh附屬tī罪,á是一個自由ê人,ē-tàng kah上帝重新和好ê一個契機,thang照聖神ê指示重新過新生活ê人,而且ē-tàng成做上帝ê同工。



經文:

羅馬書 7:7-7:13

註釋:

Chit段經文使徒保羅koh一pái強調律法並m̄是無好,基本上伊強調律法是好ê,因為有律法,chiah會hō͘人知影罪是甚麼,m̄-koh律法並bē-tàng救人tùi罪中脫離。因為人ê問題是:明明知影bē-tàng做ê事,卻iáu是去做,伊tī下一段mā講出親身ê體驗。

Tī chit段經文中使徒保羅講tio̍h一個基督徒ê「過去」,然續後落來tī第14到25節,伊講tio̍h基督徒ê「chit-má」。伊用「過去」kah「chit-má」ê差別,形容一個人tī「信」kah「未信」之間ê無仝。背景是kah伊tī大馬士革途中遇tio̍h koh活ê耶穌所經歷ê改變,伊親身體驗到性命ê轉變。

Koh講,tī chit段經文中,使徒保羅論到有關「律法」ê問題。使徒保羅談律法ê時,就是teh指「過去」。因為伊講律法hō͘人知影罪惡koh khah chē,而且罪惡ê代價是死ê(參考羅馬書六:23),就án-ne有人提出chit種質疑:既然律法就是chhōa人進入「死亡」,chit種律法豈m̄是kah「罪」仝款,án-ne,律法對人有甚麼用?因為án-ne,chit段經文mā是使徒保羅teh解釋律法對人ê功用。

第7到8節,tī chia使徒保羅舉「貪心」為例來解釋。Bē-tàng貪心,這是十誡ê第八誡ê「bē-tàng偷the̍h」(參考出埃及記二十:15、17)。「貪心」,mā是teh指一切bē合法ê慾望(參考羅馬書一:24)。Tùi律法頂面來看,這是teh指表面上看會出來ê物質品,是thang摸會tio̍h、the̍h會tio̍h、看得tio̍h等物件。M̄-koh罪卻tùi chia滲透進入人ê心內誘惑tio̍h人引起貪慾,會hō͘人想beh用各種方法得tio̍h koh khah chē。因為罪是隱藏tī律法中,當它chhōe-tio̍h thang切入ê破口ê時,就會開始活躍,引誘人想出所有ê辦法beh chhōe-tio̍h犯罪ê藉口。

第9到11節,使徒保羅強調律法本來是「beh hō͘人得tio̍h性命」(參考利未記十八:5),結果tú好倒反。這是tùi創世記第三章亞當、夏娃犯罪ê情節隱喻而來。本來上帝設立hit條規律—bē-sái食園中hit叢樹ê果子—如果m̄去動它,就會生存,bē死亡。Ē-sái講是,當chit條規律一設落來,罪chhōe-tio̍h了切入ê機會,誘惑人去想beh「試看māi」是m̄是有kah上帝所講ê仝款:人會「死」。使徒保羅會認為因為有律法反tńg hō͘罪活躍起來,真可能是teh指tī伊悔改信主chìn前。當時伊並無罪ê感覺,顛倒,伊認為家己就是完全了律法規定,ná親像伊tī腓立比書第三章6節所講ê仝款,如果以摩西律法來講,伊是「無甚麼thang指責ê所在」。M̄-koh當伊認bat了耶穌了後,伊了解到原來hiah-ê律法是催促伊去犯罪—迫害耶穌ê信徒—ê主因。這就是伊tī chia所講ê,發覺家己被律法hō͘騙去。

第12到13節,第12節是回應第7節。使徒保羅無希望有人故意曲解伊ê意思,認為伊反對摩西律法ê重要性。本身是一個猶太人,而且bat是摩西律法ê宗教師,伊m̄-nā m̄是否定律法,卻是非常肯定講「摩西ê律法是神聖ê」。因為摩西律法是出tī上帝,m̄是摩西家己設立ê。Á上帝mā是聖潔ê(參考利未記十一:45、十九:2),因為án-ne,祂ê誡命、律法條例mā是聖潔ê。使徒保羅koh khah強調講,律法是「良善ê」,表示是對性命有幫助,á chit種「良善」to̍h是上帝ê本質。因為án-ne,tī chia使徒保羅非常清楚提出伊ê觀點:真正ê問題是出tī律法被罪附身所帶來ê結果,並m̄是律法本身,卻是罪藉tio̍h律法tī人ê性命中做主。

經文:

羅馬書 7:14-7:25

註釋:

這是一段非常重要ê心靈剖析,使徒保羅tī自我反省了後,對性命siōng深沈ê告白。伊講每一個人ê心內lóng會有兩個「律」,一個是引誘人犯罪ê「律」,另外一個則設法想beh阻擋人接受誘惑ê「律」。值得注意ê是chit段經文所用ê動詞lóng是chit-má式ê,是表示chit-má iáu繼續án-ne,m̄是已經過去à。為甚麼使徒保羅tio̍h用chit種動詞型態?因為伊發見人性命中siōng大ê無奈,就是對罪lóng無抵抗能力。Chit段經文mā ē-sái講是伊對人性命深處siōng深刻ê體驗──「我所願意ê,我偏m̄去做;我所恨惡ê,我反tńg去做。」「我所願意ê善,我偏m̄去做;我所無願意ê惡,我反tńg去做。」伊講這就是因為罪tī人性命裡作祟ê緣故。M̄-koh伊講,值得感謝ê是因為有耶穌,hō͘人ê性命就tī chit種lóng無希望中,看tio̍h siōng大ê ǹg望,因為耶穌ē-tàng救人ê性命脫離chit種死亡ê威脅。

第14節,即使摩西ê律法是聖潔ê、屬靈ê,ē-sái講有罪ê人是無法度完成律法所規定該做ê事,反tńg是利用律法隱藏家己ê罪惡,去做無應該做ê事。

第15到17節,chit三節講出人siōng大ê軟弱,就是無法度控制家己,雖然心內是想beh做美好ê事,ē-sái講是往往做出無應該有ê事。Á koh khah嚴重ê是連做錯事lóng bē明白,iáu會為家己所做ê錯事做辯解。如果是án-ne,使徒保羅認為chit種人就是tī罪ê控制之下。

第18到20節,使徒保羅ê觀念中,人有兩部分,其一是屬tī肉體ê,這部分伊kā它稱做「本性」,另外一個是屬tī理性ê,伊kā它稱做「屬靈」。理性ê部分,是上帝賦予人ê靈性,hō͘人知影是非、善惡。屬tī肉體ê是人ê「本性」,這是滿足人慾望ê需要。使徒保羅tī-chia強調,人ê「本性」siōng大ê軟弱,就是Tī該做ê善事頂面,表現出來眼高手低ê結果。

第21到23節,tī chit段經文中,使徒保羅一再用「法則」chit-ê詞,描述人心內痛苦掙扎ê經歷,其實,這mā說明伊遇tio̍h koh活ê耶穌了後,á bat有過性命轉折之痛苦。伊用兩種無仝ê「法則」,來形容存在tī人心內深處互相鬥爭ê現象;其中一種,是心內喜愛上帝法則,m̄-koh身軀卻m̄聽hō͘喚。Chit兩種「法則」彼此相鬥,tī人心內深處一直無停teh交戰。

第24到25節,「我真苦ah!甚麼人ē-tàng救我脫離這hō͘我死亡ê身軀?」這是性命Tī痛苦中siōng大ê吶喊,期望呼求上帝ê拯救。使徒保羅一直有一個真清楚觀念:身軀,是上帝所創造ê;因為án-ne,身軀是上帝ê殿,á上帝ê靈就khiā起tī人ê身軀中(參考哥林多前書六:19)。使徒保羅tī chia已經講出一個性命現象:人ê心內若有鬥爭、不安、爭吵,就會攪亂人ê心思,chit時,人ê身軀所表現出來ê行為就跟tòe亂à。耶穌講人心內ê惡念,會hō͘人做出真chē犯罪ê行為來(參考馬可福音七:21—23)。雖然án-ne,使徒保羅講信耶穌為性命救主ê人,siōng大ê福氣就是知影耶穌ē-tàng救伊,這表示只有tī耶穌內面,chiah ē-tàng hō͘人脫離hit-ê會致使人脫離上帝ê教導ê罪。伊無否認家己tī心靈上,kah肉體之間是有真大ê cheng差。因為án-ne,伊講tī心靈上,伊是順服tī上帝ê旨意ê,m̄-koh tī實際行動上,所表現出來ê是軟弱ê,無法度脫離罪ê鎖枷。

經文:

羅馬書 8:1-8:17

註釋:

Chit章是teh說明一個信耶穌ê人,怎樣得tio̍h永恆ê性命。Tī chit章,使徒保羅主要teh說明一個真正以耶穌為伊性命中心ê人,無任何力量ē-tàng kā伊kah上帝之間ê關係切斷,原因只有一點:因為有耶穌。使徒保羅tī chit章中,伊用「屬tī聖神」kah「屬tī本性」chit種詞句來做區隔「信」耶穌kah「m̄信」耶穌之間ê差別。Tī chit章,使徒保羅繼續teh說明一個活tī耶穌內面ê人,kah活tī律法之下ê人之間ê差別。

Chit段經文使徒保羅提出一個重要ê觀念:當人無法度自拔ê時chūn,上帝ê聖神卻是人óa靠ê氣力來源。聖經是上帝做工ê氣力,mā是上帝顯示hō͘人邁向永生之道ê氣力。使徒保羅強調:聖神是hō͘咱kah耶穌結連做伙ê氣力。相對ê,人ê本性則是beh hō͘人tùi kah耶穌結連ê環節上脫離。因為án-ne,伊認為聖神kah人ê本性是相對ê,甚至是對敵ê。伊特別提起信耶穌為性命之主ê人,會有真大ê福氣,就是上帝ê聖神會kah chit種人同在,hō͘伊擁有新ê性命。Á聖神,是上帝改造人心ê氣力。

Koh講,使徒保羅用老父kah子女之間ê關係,來形容基督徒ná親像上帝ê Kiáⁿ仝款。Chit種觀念其實是tùi以色列民族tī信仰上ê認知延伸來ê。以色列人民一直自認為是上帝ê Kiáⁿ,上帝就是in ê老父(參考出埃及記四:22)

第1節,使徒保羅一開始就斬釘截鐵地講活tī耶穌內面ê人,bē被定罪。因為tī耶穌內面ê人,已經向罪宣告死亡,是kah耶穌同齊同釘十字架à。耶穌ê十字架siōng大功勞,就是hō͘人tùi罪ê奴隸中得tio̍h tháu放。

第2到4節,使徒保羅強調,一個人ē-tàng kah耶穌聯合做伙,並m̄是人家己有chit種能力,卻是因為「聖神ê法則」所帶來ê結果。聖神能 kā人tùi罪惡中「tháu放」出來,hō͘人kah耶穌連結做伙。伊講摩西律法所無法度成就ê事,上帝親自差遣伊ê kiáⁿ耶穌來成就chit件事,就是hō͘人tùi罪ê中間脫離出來。

第5到8節,使徒保羅koh khah清楚表明聖神kah人ê本性之間siōng大ê差別,乃是聖神hō͘人得tio̍h性命,á人ê本性則chhōa人進入死亡(第6節)。第8節講「順服本性ê人無法度得tio̍h上帝ê歡喜」,意思ná親像第十四章17到18 節講ê:「上帝ê主權無在tī lim食,á在tī聖神所賜ê公正、和平、喜樂。Án-ne事奉基督ê人必定得tio̍h上帝ê歡喜kah人ê o-ló。」chia ê「公正、和平、喜樂」,mā是聖經ê中心信息,信耶穌ê人會tī生活上顯示出chit種力量,á chit種力量m̄是tùi律法學習tio̍h ê,卻是來自聖神ê引chhōa。

第9到10節,這短短三節中,使徒保羅提起信耶穌為性命之主ê人,會有真大ê福氣,就是上帝ê聖神會kah chit種人同在,hō͘伊擁有新ê性命。Tī猶太人看起來,一個人ê性命如果無「上帝ê靈」同在,chit-ê人ê性命就算是「死」ê,因為hō͘人成做「有性命ê人」,就是因為「上帝ê靈」pûn入去人ê內面(參考創世記二:7)。因為án-ne,做一個人「死」ê時chūn,就是表示chit-ê人ê性命已經無了上帝ê靈tī伊ê身軀內面。第10節ê「上帝ê靈beh hō͘ lín活」,chit句話thang參考羅馬書第八章2節,使徒保羅講這是因為人順服「聖神ê法則」ê緣故。當人順服「聖神法則」ê時,就是新ê性命開始,等於是「新造ê人」(參考哥林多後書五:17)。

第11節,使徒保羅真清楚teh表達一個基本信念:kah耶穌相連結ê人,就會kah耶穌同齊死,mā同齊koh活(參考羅馬書六:8),chit點ē-sái講是伊寫羅馬書ê基本思想結構,mā ē-sái講是使徒保羅kui個思想ê主軸。

第12到13節,chia所講ê「負債」,而且強調m̄是「欠本性ê債」,因為「本性」是teh指肉體。Án-ne,使徒保羅tī chia ê意思是teh指:若tī耶穌內面,人ê性命(心靈)tùi原本是罪ê奴隸中被贖回,chit-má是屬tī上帝ê à。因為án-ne,人只有óa靠聖神ê氣力,chiah ē-tàng抵擋罪ê誘惑。

第14到16節,使徒保羅Tī chit段經文中,上帝所賜ê靈,是beh hō͘人「有上帝kiáⁿ ê名份」,án-ne,一個信耶穌ê人,就ná親像hō͘ 上帝用高價贖回來ê仝款,贖回ê方式是耶穌死tī十字架,hō͘信ê人有新ê身分,tùi過去做罪ê子女,換做領有「新ê身分」ê人。這「新ê身分」就是tī上帝ê靈ê引chhōa之下得tio̍h ê。

第17節,chit節ē-sái講是kui本羅馬書ê中心思想之一。Chia提起一個領有新ê身分之kiáⁿ,mā就是基督徒,就是一個kah耶穌完全連結ê性命。因為án-ne,m̄-nā kah耶穌同受苦難,mā tio̍h分享基督koh活ê喜樂kah福氣(參考羅馬書六:8)。

經文:

羅馬書 8:18-8:30

註釋:

Tī chit段經文中,使徒保羅提出一個非常重要ê觀念:tī苦難中有ǹg望。一個有聖神同在ê人,伊ê性命雖然看起來是苦難,其實是充滿tio̍h希望。這ǹg望是kah耶穌koh活ê性命相結合。伊tī一段經文中mā講tio̍h tī耶穌內面,身為基督徒擁有將來性命ê榮耀,這榮耀是teh指性命ê koh活。使徒保羅並m̄是teh否定現今生活ê重要性,卻是teh提醒信徒注意,現今ê世界,是一個多變、不可靠ê環境。若是beh chhōe永恆ê榮耀,就一定tio̍h tńg來到耶穌koh活ê恩典中,he chiah是上帝對人性命siōng大ê獎賞。

第18到19節,使徒保羅認為「chit-má ê苦難」是目nih-á ê,這kah聖經一再提起人tī chit-ê世間ê性命目nih-á ná親像泡影有關係。聖經ê作者一再提起咱tī世間ê性命是ná親像「做一睏」而已(參考約伯記七:7、八:9、十四:1,詩篇三十九:5、11、九十:4—6、一四四:4,傳道書二:3、六:12)。M̄-koh上帝ê榮耀是永恆ê,因為祂是永恆ê存在,無終結(參考出埃及記四:14,啟示錄一:8、十一:17、十六:5)。使徒保羅一再勸勉基督徒,ài kā性命ê目標khǹg tī he永遠ê獎賞,m̄是世間ê獎賞,卻是天頂ê(參考腓立比書三:14)。因為天頂ê獎賞chiah是永恆ê,世間ê獎賞lóng是目nih-á ê。Tī第19節「燒熱切地ǹg望」,chit-ê詞是由三個字組合起來,包括「來自」(apo)、「頭」(kara)、「觀看」(dokeo),意思是「引頸以待」。意思是teh指kā一切注意力lóng集中tī一個鮮明ê目標上,然後用極大ê耐心teh等待。

第20到21節,使徒保羅kā創世記第三章描述上帝懲罰人違背祂旨意ê結果,引用tī chit所在。Tī上帝創造萬物之初,賜福hō͘所有ê受造物,hō͘一切生物lóng有能力延續性命(參考創世記一:22),包括人類在內(參考創世記一:28)。這是上帝創造宇宙萬物ê「本意」。M̄-koh後來因為罪ê緣故,上帝決定改變chit種賜福,卻是hō͘ in「毀滅」,成做「虛空」,這是teh指無成果(參考創世記三:17—19,詩篇三十九:6、一二七:2,傳道書一:13—14)。雖然是án-ne,使徒保羅認為tī所有chiah-ê虛空之下,所有ê受造物lóng tī期待ē-tàng藉tio̍h基督耶穌得tio̍h kah上帝和好ê機會,ná親像成做「上帝ê Kiáⁿ」一般,「擺脫hit-ê會朽pháiⁿ ê鎖枷」。

第22到25節,所有受造物tī「haiⁿ-haiⁿ叫」,原因是性命tú-tio̍h苦難。上帝對chit種性命苦難所發出ê「haiⁿ-haiⁿ叫」聲音非常重視,祂一定會伸出救助ê手(參考出埃及記二:23—25)。聖經不時用chit種「生產ê陣痛」之詞句來描述性命ê苦難,就ná親像產婦tī臨盆ê時hit種痛苦ê kah大聲呼叫仝款(參考列王記下十九:3,詩篇四十八:6,以賽亞書十三:8、廿一:3、廿六:17、三十七:3,耶利米書廿二:23,彌迦書四:10,馬可福音十三:8)。Chit種詞句用來形容國家、民族等遇tio̍h極大ê危險。使徒保羅tī chia強調講:性命有苦難,是來自人生存環境ê罪,以及性命中ê罪惡。Á ǹg望則來自koh活ê耶穌,透過伊ê救恩,人ê性命kā充滿聖神ê氣力。

第26到27節,既然罪是hō͘人生活tī苦難中,甚至到連haiⁿ-haiⁿ叫ê聲音mā無法度發出來,m̄-koh上帝是慈愛ê,祂ê聖神知影人ê苦難,即使人連haiⁿ-haiⁿ叫ê聲音lóng無法發出ê時,聖神mā會替人「親自用言語所無法度表達ê吐氣為咱向上帝祈求」。甚麼款ê人會連haiⁿ-haiⁿ叫ê聲音mā發bē出來?豈m̄是已經相當軟弱ê ?tī人看起來豈m̄是連一點希望mā無?即使是親像án-ne軟弱ê人,tī耶穌拯救ê疼裡,iáu是充滿tio̍h希望,á chit點就m̄是摩西律法ē-tàng得tio̍h ê。一個人生存siōng重要ê要素,就在tī對性命有ǹg望,無ǹg望ê性命是死ê。

「洞察人心ê上帝」,聖經一再kā咱講,上帝是觀察人ê心內,並且審察人心ê意念(參考申命記三十一:21,撒母耳記上十六:7,詩篇十一:4、廿六:2、九十四:11、一三九:23,箴言廿一:12,耶利米書十一:20)。

第28到30節,tī chit段經文中,有ê人kā它看做是「預定論」ê主要經文。認為每一件事lóng是上帝已經事先就預備好ê,包括上帝beh揀選甚麼人,hō͘甚麼人得救等,lóng是早已經計畫好ê。Chit種講法真容易hō͘人產生一個錯覺,認為既然án-ne,人iáu需要怎樣努力?人iáu需要做甚麼?無需要,因為一切事lóng是上帝已經安排好ê。其實這m̄是使徒保羅ê觀點。對使徒保羅來講,伊因為tī大馬士革遇tio̍h koh活ê耶穌了後,有真深刻ê性命經驗,因為án-ne,伊認為,並m̄是伊有甚麼好、特別ê所在,卻是上帝揀選伊,ài伊為耶穌koh活ê福音做見證。這ná親像先知以賽亞、耶利米lóng有共同ê經驗,講in tī老母ê懷中,上帝就已經揀選了in仝款,這lóng是後來看見m̄是in有甚麼特別條件,卻是出tī上帝ê特別旨意,耶利米發見家己被揀選做上帝奴僕(參考以賽亞書四十九:1,耶利米書一:5),並m̄是in有甚麼值得上帝ê喜愛,卻是上帝為福音ê緣故揀選了伊。一個真正體驗tio̍h上帝揀選之愛ê人,回頭去看家己行過ê路ê時,伊一定會用充滿感恩講,一切lóng是上帝ê旨意,chiah有今á日ê成果。

第28節ê「疼上帝ê人」,是teh指上帝所選召ê人。Chit種人有一個基本特質,就是會遵行上帝旨意。「萬事互相效力」,講出基督教信仰ê根本認bat:每一件事lóng有上帝ê特殊旨意在,即使是苦難、悲傷、困境、失敗,á是成功、得意等等,chiah-ê lóng有上帝奇妙ê安排,為tio̍h是beh hō͘ hiah-ê真正疼上帝ê人得tio̍h益處。

第29到30節,chit兩節經文thang參考以弗所書第一章4節,耶利米書第一章4到5節,詩篇第一三九篇15到17節。上帝揀選人,並且「宣佈in為義人」,這就親像上帝宣佈亞伯拉罕為「義人」仝款(參考創世記十五:6),意思是講上帝所揀選ê人,會kah上帝建立和好ê關係,上帝會hō͘祂所揀選ê人分享榮耀,這mā說明hō͘ 上帝揀選ê人,確實是領受了tùi上帝來極大ê恩典。

經文:

羅馬書 8:31-8:39

註釋:

Chit段經文是tùi第一章18節開始談論ê「kah上帝有合宜ê關係」ê總結。這mā是使徒保羅siōng富詩意ê一段經文,mā是使徒保羅重要ê信仰告白。Tī chit段經文中,伊特別強調無任何力量thang阻擋上帝tī耶穌內面對人類ê疼,切斷人kah上帝之間ê關係。上帝ê疼是lóng無保留hō͘咱,如果連祂所疼ê獨生kiáⁿ耶穌lóng為咱捨命,就是為tio̍h beh hō͘咱kah祂重建合宜ê關係,án-ne iáu有甚麼阻礙會隔離咱kah上帝ê疼?無lah,即使是天頂ê使者、靈界ê掌權者mā無法度破壞咱kah上帝ê關係,因為咱就是上帝siōng疼ê。

第32節,chit節是相當關鍵ê一節經文。使徒保羅講上帝kā祂ê獨生kiáⁿ耶穌賞賜hō͘人類,就是表明一個基本認bat:上帝既然lóng kā siōng好ê禮物送hō͘世人,koh khah án怎都無其他「物件」ē-tàng贏過tī耶穌身上所顯明ê koh khah珍貴ê禮物à。「Kā萬物白白賜hō͘咱」chit句話,主要teh說明上帝是hiah-ni̍h-á疼人類,hō͘人類來管理、享受祂創造ê一切萬物。Chia所指ê「萬物」,mā就是第28節所提起ê,tī chia指ê是「世界」ê意思。

第33到34節,使徒保羅講出有關耶穌ê三件事:一是耶穌死去;二是耶穌已經tùi死內底koh活;三是耶穌成做所有óa靠伊救恩ê保證人(參考約翰福音六:38—40),伊beh為所有信靠伊ê人向上帝祈求(參考約翰福音十七:9,約翰一書二:1)。耶穌向上帝祈求憐憫ê疼,贖回信靠伊ê人所犯ê一切過錯(參考以賽亞書五十三:12)。

第35節,使徒保羅tī chia所描述ê「患難、困苦、迫害、iau餓、sàn-chhiah、危險、刀劍」等七項,chiah-ê lóng是人類世界生活中一再出現ê性命苦難。M̄-koh使徒保羅講chiah-ê性命ê苦難,m̄-nā bē拆散耶穌kah信靠伊ê人之間ê關係,反tńg是koh khah親密地連結做伙。

第36節,thang參考詩篇第四十四篇22節。使徒保羅引用chit-ê詩歌,是beh hō͘羅馬教會ê信徒知影,tī信仰ê旅途中tú-tio̍h苦難,而且威脅tio̍h性命,這並m̄是新鮮事,早tī詩人ê時代就已經有。其實,使徒保羅親身經歷過類似ê苦難,伊tī傳福音ê過程中就有chit種經歷(參考哥林多後書十一:24—28)。

第37到39節,使徒保羅非常肯定講,所有ê迫害lóng無夠額來切斷óa靠耶穌ê人kah上帝之間ê關係。伊tī chia特別提起:
「死」,表明tio̍h性命中所經歷到ê siōng大痛苦,「活」,是teh指性命中siōng有成就、榮耀ê事,á是siōng興奮ê事。

「天使」,是teh指邪惡ê天使,ná親像撒旦、魔鬼就是屬tī chit類ê天使(參考約伯記一:6、二:1)。

「靈界ê掌權者」,這是teh指誘惑ê氣力,想beh阻止上帝拯救世人ê氣力(參考哥林多前書十五:24)。Tī使徒保羅觀念中,靈界有階級層次上ê區分,m̄-koh使徒保羅強調,耶穌ê氣力,會kā chiah-ê氣力lóng消滅(參考以弗所書一:21、三:10,歌羅西書二:10、15)。

「chit-má」、「將來」,這講出一個無限ê時間,耶穌永遠是上帝kah人之間ê調kah者。

「高天」、「深淵」,這是古代占星術ê一種術語,意思是teh指每一個人出世,lóng受tio̍h天頂ê某一個星球控制tio̍h。這是古老東方社會ê思想。用現代術語則kah「星球磁場」真接近。這ná親像詩人所講ê,日時頭,日頭bē傷害,夜間,月娘mā bē害你仝款(參考詩篇一二一:6),因為有上帝ê保護,性命必定是安全ê。

使徒保羅頂面所講ê chiah-ê用詞,lóng teh強調一個基本觀念:kui個宇宙之間,lóng充滿tio̍h上帝tī耶穌內面拯救ê疼。無任何力量ē-tàng破壞人kah上帝之間ê關係。

經文:

羅馬書 9:1-9:18

註釋:

Tùi chit章到十一章使徒保羅lóng tī談論有關猶太人ê問題,tī伊ê看法裡,拒絕承認耶穌為救主ê猶太人,就是hō͘上帝所棄sak ê。這問題m̄-nā發生tī猶太人拒絕耶穌,甚至mā發生tī hiah-ê已經承認耶穌為救主ê猶太人身上,in主張tio̍h先以摩西律法所規定ê割禮做基礎,來要求其他非猶太人mā遵守,並且強調講如果無守割禮就無法度得救。因為後者chit種論調已經矮化了耶穌ê救恩。

使徒保羅tī羅馬書中有兩個主要ê論點:一是每一個人lóng生活tī罪ê掌控下,無一個人tī上帝面前ē-tàng靠tio̍h遵行摩西律法á得救,無論是猶太人á是外邦人lóng仝款。二是上帝顯明祂ê大愛,透過耶穌ê救贖,hō͘所有信耶穌ê人會得thang因為án-ne soah重新建立kah上帝和好ê關係,這是透過耶穌得tio̍h ê,無論猶太人á是外邦人lóng仝款,無任何人是特別ê。這就是羅馬書第九到十一章中所談論ê問題。因為以往猶太人是kā摩西律法看做是得救ê準則,離開摩西律法就kah得救無望。M̄-koh,使徒保羅beh kā in講,siōng重要ê是tī耶穌內面,m̄是tī摩西律法中。

Tùi chit段經文thang看tio̍h有人對使徒保羅所講ê話感覺相當不滿,特別是猶太人,因為伊bat講過:「Án-ne 講起來,做猶太人有甚麼優點?受割禮有甚麼利益?(全民版)」(羅馬書三:1)以講到tī血統上作為亞伯拉罕ê kiáⁿ孫,並無表示有甚麼特別(參考羅馬書四:1),chit種觀點lóng hō͘猶太人感覺深受傷害。因此,有bē少猶太人認為使徒保羅根本就是teh侮辱猶太人,有辱猶太人ê榮耀。因此,使徒保羅用chit段話beh向猶太人表達一個基本心意:期待tio̍h家己ê同胞猶太人,ē-tàng相信耶穌,因為耶穌就是in期待已久、是hit位beh來ê彌賽亞。若是ē-tàng hō͘猶太人相信耶穌,就算因此á hō͘伊受tio̍h上帝ê憤怒、詛咒,伊lóng願意接受。

第1到3節,使徒保羅並無否認猶太人是上帝選民,尤其是因為kah上帝之間有立約ê關係,因為án-ne,in是特別照顧ê民族,ná親像先知阿摩司所講ê「tī全世界hiah-ni̍h chē國家內面,我揀選tio̍h lín」(參考阿摩司書三:2)仝款。不過,因為猶太人拒絕耶穌成做in ê救主,因為án-ne,使徒保羅苦勸伊ê同胞,希望in ē-tàng接受耶穌,伊甚至講如果為tio̍h chit-ê tāi-chì,「縱然我家己hō͘ 上帝詛咒,kah基督隔絕,我mā願意」chit種熱情kah苦心,thang看出伊迫切ê心情。

第4到5節,tī chit兩節經文中,使徒保羅提出猶太人幾點特別ê所在:
(a)In是上帝ê「選民」(參考申命記七:6,以賽亞書四十九:7,約翰福音十五:16)。

(b)「有kiáⁿ ê名份」(參考耶利米書三十一:9,何西阿書十一:1)。

(c)「分享上帝ê榮耀」(參考以賽亞書三十五:2),指ê是上帝奇妙ê作為,祂ê子民mā享受這奇妙作為ê光輝,就是hō͘人讚嘆。

(d)kah上帝有「約」,chit-ê約thang tùi亞伯拉罕kah上帝立ê「約」來看(參考創世記十五:17—21、十七:1—8);上帝透過摩西kah全體以色列人所立ê「約」(參考出埃及記十九:5—6、申命記廿九:10—15);約書亞chhōa以色列人民kah上帝立約(參考約書亞記廿四:14—18;耶利米書三十一:31—34)。

(e)上帝賜hō͘ in「律法」(參考出埃及記二十:1-17)。表明生活有頂真ê規律。

(f)有敬拜上帝ê知識,參考利未記中規定敬拜ê禮儀,表明人對上帝ê敬崇。

(g)應允拯救ê恩典(參考以賽亞書九:6—7、五十五:3、耶利米書廿三:5—6、以西結書三十四:23—24、使徒行傳十三:23)。

(h)猶太人kah耶穌lóng是「仝一個族ê」,意思是teh指上帝beh藉tio̍h猶太人來拯救所有ê世人,mā表示上帝特別意愛猶太人chiah會án-ne。

這mā說明使徒保羅並m̄是看輕猶太人,卻是重視身為猶太人ê身分kah榮耀。

第6到9節,tùi chit段經文thang想像會tio̍h,使徒保羅ê án-ne講法,必定hō͘猶太人感覺相當震撼,因為伊講「以色列人並無lóng是上帝ê選民」,這kah in久長以來ê認知有cheng差。原因是猶太一直是tùi血緣ê層面看in kah上帝之間ê關係,m̄-koh使徒保羅是tùi上帝揀選ê角度來看。伊引用創世記第廿一章12節「你會tùi以撒得tio̍h我所應允ê後代」chit句話。因為án-ne,第7節ê講法是tùi信仰ê層面看亞伯拉罕ê kiáⁿ孫,á tī chia特別指明以撒就是上帝所揀選ê。Á以實瑪利雖然mā是亞伯拉罕ê kiáⁿ,卻m̄是上帝所揀選ê對象。

Án-ne問題就出來à;上帝beh揀選甚麼人?這是上帝ê主權,m̄是猶太人ē-tàng影響上帝ê決定。就親像上帝無揀選以實瑪利,m̄-koh揀選了以撒,chiah有今á日ê雅各kiáⁿ孫猶太人仝款。Á這揀選m̄是根據人ê條件,完全是上帝ê「恩典」,意思是teh指原本m̄是人ê條件ē-tàng配得上,卻是因為上帝ê厚愛,hō͘人lóng無條件得tio̍h。因為án-ne,揀選,這是上帝hō͘人ê特殊恩典。換句話講,上帝「應允」hō͘祂所揀選ê人有甚麼恩典,這是上帝ê主權,m̄是根據人ê任何條件所達成。續落來伊引用創世記第十八章10節,天使對亞伯拉罕所講ê應允。chit-ê應允teh表明,性命ê主,是上帝;人看做無可能ê事,tī上帝就是可能,因為tī上帝手中,無做bē到ê事(參考創世記十八:14)。仝款ê,使徒保羅引用chit種經文,就是beh hō͘猶太人知影,只要是上帝ê應允,任何人lóng有性命得tio̍h拯救ê ǹg望。

第10到13節,使徒保羅Tī chit段經文中koh再進一步引用創世記第廿五章22到23節,雅各kah以掃出世ê事,m̄-koh上帝卻揀選小弟雅各,á m̄是大kiáⁿ以掃。Chiah-ê lóng teh表明:上帝ê揀選m̄是根據人ê條件來論。因為án-ne,猶太人無法度因為án-ne認為上帝bē揀選外邦人,án-ne chiah是使徒保羅ê中心思想。

第14到18節,「上帝beh憐憫甚麼人,就憐憫甚麼人」chit句話連續出現兩pái;續落來koh講祂「beh hō͘甚麼人固執就hō͘甚麼人固執」,使徒保羅chit種講法已經真清楚teh表達一個基本認bat kah觀念:揀選ê主權是tī上帝。上帝beh揀選甚麼人,lóng m̄是人thang決定ê。這mā表示上帝ê決定tāi-chì,並m̄是根據人ê任何條件。換句話講,猶太人並無比任何其他族群koh khah有資格。

Tī使徒保羅ê觀點裡,有兩點是無法度改變ê事實,一是上帝對以色列人有應允,因為án-ne,上帝絕對bē廢棄祂所應允過ê諾言。二是使徒保羅khah強調ê,上帝ê chiah-ê應允已經tī耶穌內面完成à。使徒保羅以上帝揀選雅各為例說明,上帝ê揀選kah人ê行為好bái無關係,卻是上帝beh透過所揀選ê人來幫助koh khah chē ê人認bat祂tī耶穌內面ê救恩,這救恩正thang說明上帝憐憫ê疼。Ná親像咱所知影ê,雅各並m̄是個誠實ê人,卻是上帝beh透過雅各來彰顯祂ê疼。上帝bat揀選巴比倫成做祂ê奴僕來懲罰以色列人民。仝款ê,上帝mā揀選波斯帝國帶領以色列人民重回家鄉重建家園kah聖殿,chiah-ê lóng tī說明一件事:上帝ê揀選是為tio̍h beh顯明祂ê慈愛,kah人ê條件無關。


經文:

羅馬書 9:19-9:33

註釋:

當使徒保羅提起kui個拯救工作之主權,lóng是由上帝決定,因為án-ne,有人認為chit種上帝,是不公平ê。因為這會hō͘人感覺家己根本就無存在ê價值,mā無努力向善ê動力kah意念。就án-ne,使徒保羅用chit段經文來解釋伊為何會有chit種主張。

第19到21節,因為使徒保羅提起上帝揀選是早tī祂chìn前ê計畫,因為án-ne有人認為既然是án-ne,án-ne,上帝就無應該對hiah-ê無受揀選ê子民受氣,á是發出責難。使徒保羅對chit種問題感覺艱苦心,因為提出chit種問題ê人,是故意chhōe藉口。使徒保羅引用自耶利米書第十八章1到6節有關陶匠kah陶土ê關係做譬喻,主要teh說明上帝ná親像陶匠,祂ē-tàng隨心所beh照家己ê計畫,á是喜愛ê方式,kā磁土捏成各種造型。伊khah強調ê是:捏陶ê主權在tī上帝,á無在tī人。Á chit種主權表達siōng重要ê方式,就是用揀選來表明。先知以賽亞mā提出chit種看法(參考以賽亞書四十五:9—13)。

第22到26節,chit段經文講出上帝ê憐憫kah慈悲,祂無kā hiah-ê無好ê瓷器棄sak、擊碎,是因為祂ê慈愛、憐憫,因為án-ne,koh khah應該心存感謝chiah-tio̍h。使徒保羅引用何西阿書第二章23節ê詩歌,以「意譯」ê方式表示出來。使徒保羅引用先知何西阿寫ê chit-ê詩歌,來表明原本m̄是屬tī上帝揀選ê族類,chit-má上帝tio̍h用寬容無比ê疼,kā它列為祂所揀選ê子民之一。伊用chit種譬喻,主要teh說明非猶太人(所講ê「外邦人」),會成做上帝心中ê子民。「本來m̄是我子民」,chit句話mā是先知何西阿ê kiáⁿ「羅‧阿米」ê名ê意思。意思是teh指對丈夫無忠實á生落來ê kiáⁿ。因為先知何西阿ê bó͘是一個淫婦。續落來tī第26節引用何西阿書第一章10節,仝款是採用「意譯」ê方式,主要teh說明上帝ê決定是會改變ê,á hō͘上帝改變ê原因是人認罪、悔改。

第27到29節,chit句話是引用以賽亞書第十章22節。以色列人一直相信所有ê以色列人民lóng會得救,m̄-koh,先知以賽亞卻有無仝ê看法,認為只有少數人ē-tàng得救。耶穌mā bat提出chit種看法,伊講真正chhōe-tio̍h得救之道ê人少kah會驚人(參考馬太福音七:13—14)。這mā說明得救並m̄是以色列人民ê專利á是特權,koh khah重要ê,是人tio̍h努力走chhōe正確ê得救門路。Koh講,先知以賽亞tī chia指出「chhun落來ê少數得救」,tú好表明上帝憐憫ê恩典。因為上帝若照人所犯罪ê情景來審判,無一個人是「善」ê(參考羅馬書三:23),就是因為上帝ê疼,留落來一部分人享受祂拯救ê恩典(參考以賽亞書一:9)。Á使徒保羅引用chit句話,主要是teh說明這「chhun落來ê少數」,就是相信耶穌是救主ê人,á chiah-ê人是包括猶太人kah非猶太人在內。

第28節,這是引用以賽亞書第十章23節、第廿八章22節。注意chia所用ê「迅速」,指ê是審判ê時刻to̍h是teh beh來臨。Chit對主後第一世紀ê基督徒來講,意義真深重。In lóng認為上帝teh beh展開全面性ê審判,這kah koh活ê耶穌teh beh koh再臨ê觀念有密切關係。「徹底審判全人類」,chit句話mā說明上帝會展開全面性ê審判工作,無一個人ē-tàng逃避(參考希伯來書四:13)。然後tī第29節使徒保羅引用以賽亞書第一章9節,chit句經文ê歷史背景,是發生tī主前701年,當時亞述帝國ê國王是西拿基立,伊率兵攻打耶路撒冷城,hō͘耶路撒冷城面臨被摧毀ê危機,若m̄是先知以賽亞輔佐猶大國王希西家,猶大國早就被亞述消滅à。Chit段歷史thang參考以賽亞書第三十六到三十七章,列王記下第十八章13到27節。使徒保羅引用這歷史背景,主要teh說明上帝有祂拯救ê計畫,kah奇妙ê旨意,á chiah-ê事件lóng tī說明上帝對人ê憐憫kah慈愛,chiah會保存hit-ê「chhun落來ê少數」。

第30到33節,使徒保羅提起耶穌傳福音ê主題:上帝ê主權。人m̄-thang想beh用家己ê氣力來改變上帝拯救ê旨意,人唯一thang做ê事,就是悔改、順服上帝ê引chhōa,相信耶穌是上帝拯救人類siōng大ê記號。第33節是摘錄自以賽亞書第八章14節、第廿八章16節。Chia ê「絆腳石」,就是拯救者,tī舊約是teh指彌賽亞,使徒保羅強調就是耶穌。

經文:

羅馬書 10:1-10:4

註釋:

使徒保羅繼續講tio̍h猶太人kah上帝之間ê關係,伊iáu是一本初衷地強調:耶穌,chiah是人kah上帝之間建立合宜關係ê唯一途徑。對一個受過相當頂真法利賽派訓練ê使徒保羅(參考使徒行傳廿二:3、廿三:3)來講,這並m̄是一件簡單ê事。因為猶太法利賽派ê人是非常強調遵行摩西律法ê重要性,並且認為只有án-ne chiah ē-tàng hō͘人看tio̍h得救ê ǹg望,á使徒保羅因為遇tio̍h koh活ê耶穌,hō͘伊對性命ê得救有完全無仝ê體驗,mā因為án-ne,改變了伊本來ê性命觀念(參考腓立比書三:7—8)。一個得救ê人,就是性命態度改變ê人,會kā本來看做「貴重」、「好」、「價值」等,重新量、評估。「改變」性命ê態度kah觀念,這是非常重要ê信仰見證。Chiâⁿ如使徒保羅一再強調ê,tī耶穌內面,成做一個「新造ê人」(參考哥林多後書五:17),kah chit-ê世界ê腐敗有所距離、差別,因為心靈有更新ê心思意念(參考羅馬書十二:2,以弗所書四:23)。使徒保羅真清楚把握tio̍h伊討論ê主題──上帝tī耶穌內面ê恩典kah摩西律法之間ê差別。

使徒保羅明確指出猶太人ê問題,是無想beh靠上帝tī耶穌內面ê救恩,卻是想óa靠家己ê好行為來自救,伊指出chit種觀念、想法、作法,是錯誤 ê,無真正了解上帝ê救恩。

第1節,chit節thang參考第九章1到3節,koh一pái表明使徒保羅ê心境,伊是jōa-ni̍h-á期待家己ê猶太同胞ē-tàng信耶穌á重新kah上帝和好。為tio̍h án-ne,伊不斷來祈禱上帝ê靈ē-tàng感動猶太人ê心。

第2到3節,使徒保羅明確指出猶太人真正ê問題所在,就是對上帝真熱心,m̄-koh卻無一定是有「真知識」做基礎。Chia所講ê「真知識」是teh指tio̍h對耶穌ê認知來講,mā就是正確認bat耶穌是基督,是性命ê主,á m̄是óa靠摩西律法(參考使徒行傳廿二:3—5)。另外一點,使徒保羅已經指出猶太人ê問題是:認為只要藉tio̍h完成摩西律法,就ē-tàng修好kah上帝之間ê關係,m̄-koh卻bē記得上帝已經差遣耶穌成做拯救ê óa靠,m̄是用家己ê氣力,卻是知影謙卑tńg來到耶穌身上。伊tī chia指出「律法ê義」kah「信ê義」之間差別;前者說明人想beh用家己ê行為完成,後者明示人ê有限、軟弱,需要上帝ê救恩,á這救恩就tī耶穌身上,可惜ê是猶太人拒絕接受。

第4節,「終止」,指ê就是「完成」、「成全」、「結束」ê意思。Kā它比較馬太福音第五章17節,耶穌講:「M̄-thang 想講我來ê 目的是beh廢除摩西ê 律法á 是先知ê 教示。我來m̄ 是beh 廢除,是beh 成全。(全民版)」ē-tàng看出使徒保羅beh表明ê就是:tī耶穌內面已經完全了律法所需要ê一切。Tī伊ê內面,人就會發見律法真正內涵,而且koh khah容易kā它實踐出來。Tùi馬可福音第十章17到23節所記載,hit位財主來問耶穌有關永恆性命之道ê問題ê時,伊是自細漢就遵守摩西律法ê規定,m̄-koh伊卻無tùi摩西律法中看tio̍h、體驗tio̍h永恆性命之道,chiah會來問耶穌。這tú好teh說明:想靠摩西律法得tio̍h永恆性命ê想法是錯誤 ê。



經文:

羅馬書 10:5-10:21

註釋:

Tī chit段經文中,使徒保羅引用了kúi-nā pái舊約聖經語,包括有利未記第十八章5節;申命記第三十章12到14節;約珥書第二章32節等等經文,使徒保羅確實是一個對經典真有研究ê人,伊引用chiah-ê經文主要teh說明一件事:信耶穌,就是hō͘性命有得救ê ǹg望。既然信耶穌就會得救,甚至只要呼求耶穌ê名,承認耶穌就是救主ê人,就會得tio̍h救恩,án-ne,傳福音就是所有信耶穌、領受耶穌救恩ê恩典ê人應該盡力去做ê事。使徒保羅Tī chit段經文中khah強調一個基本觀念:只要有人傳,必定會有人因為án-ne聽信á得tio̍h福音ê信息。M̄-koh Tī chit段經文中,使徒保羅則真清楚表明,並m̄是無人傳,卻是猶太人心硬,拒絕接受ê緣故。

Koh講,當時聽見使徒保羅ê見證後,可能是馬上有人提出chit種疑問:in從來無聽見過有人傳福音ê信息hō͘ in。既然聽bē-tio̍h,怎樣ē-tàng ná親像使徒保羅所講ê「凡若呼求主名ê人必定得救」?就án-ne,使徒保羅kā hiah-ê提出ê問題寫落來,然後Tī chit段經文中,伊一一解答chiah-ê問題。

其實猶太人ê律法教師家己mā真清楚,in明明知影摩西律法就算講beh真正去實踐,mā m̄是一件簡單ê事。In bat為tio̍h beh實踐摩西律法,就kā律法ê內容hō͘ in koh khah「具體」ê細節條文化,結果擬出了一套「米示拿」(Mishinah)ê規律來。M̄-koh ná親像耶穌teh譴責chiah-ê律法教師ê仝款,連chiah-ê宗教師lóng無法實踐家己所訂定出來ê律法規章,koh怎樣ē-tàng期待民眾去遵行?(參考馬太福音廿三:2—4),這是無可能ê事。這清楚說明一件事:人無法度完成律法ê規定,卻反tńg kā律法ê重擔koh khah重地khǹg tī肩頭殼頂,致使律法誡命離人jú來jú遠。

第5節,chit節thang參考利未記第十八章5節,參考路加福音第十章28節。仝款chit節經文,使徒保羅mā koh一pái引用tī加拉太書第三章12節。使徒保羅引用chit節經文,主要teh beh說明人想beh óa靠家己ê氣力來完成kah上帝和好ê關係,這是真oh達成ê。Chit種觀點是連接第4節ê經文來看。因為第4節已經出現一個主軸思想:kui個救恩就是tī耶穌,伊是所有摩西律法ê總結。

第6到8節,這是引用申命記第三十章11到14節。使徒保羅引用chit段舊約經文,主要teh說明上帝ê教示,人ê心內lóng明白,該做些甚麼事、無應該做些甚麼事,人ê心中真明白(參考羅馬書一:20)。只要人確實去遵行,就會得tio̍h存活ê氣力(參考申命記三十:15—16)。M̄-koh真正ê問題無在tī律法ê問題,卻是tī人確實遵行律法ê心志真軟弱。使徒保羅khah強調一個非常簡單而且明確ê觀念是:只要信耶穌,án-ne就對了,就是chiah-ni̍h簡單,因為án-ne,人實在無chhōe藉口ê餘地。因為這救恩kah人ê距離,ná親像口kah心之間ê距離hit種近仝款,而且lóng是tī人ê身上。只要咱伸出手,就垂手可得。所謂信,就必得tio̍h,它ê意思tī chia。

第9到10節,chit兩節chit章ê中心經文。講出早期教會siōng重要ê信仰態度,mā是每一個接受洗禮者一定tio̍h公開ê信仰告白。Tī早期教會公開信仰耶穌ê事是真嚴重ê,因為可能會hō͘羅馬帝國認為是叛亂分子掠入監獄、投入競技場。Mā就是講,甚麼人敢公開講家己信耶穌,就有可能為家己ê性命帶來危險。M̄-koh,使徒保羅tī chia強調,一個真正信耶穌ê人是bē以福音為恥(參考羅馬書一:16),顛倒,伊是會以福音為榮耀,因為這是上帝siōng大ê恩典。

第11節,chit節是引用以賽亞書第廿八章16節。Tī羅馬書第九章33節已經引用過一pái。使徒保羅引用這經文,主要意思是只要是相信耶穌ê人,一定會得tio̍h榮耀。Chia所講ê「失望」,是teh指「見笑」ê意思。

第12節,chit節是非常真重要ê一節,因為chit節是使徒保羅一貫ê思想準則(參考羅馬書三:22)。伊之所以khah強調上帝ê恩典透過耶穌降臨tī人身上,而且無論任toh一種族。因為耶穌來到世間,已經kā原本chit種隔離ê「牆」hō͘推倒了(參考以弗所書二:14、19—22),無koh有族群間ê差別。

第13節,chit節是引用約珥書第二章32節。原本先知約珥tio̍h講tī he「大koh thang驚畏ê日子來到以前」,mā就是末日審判ê時刻來到ê時,凡是óa靠上帝、呼求上帝ê名ê人,lóng會得救。使徒保羅引用這經文,就是beh強調呼求耶穌ê名,願意公開承認耶穌是救主ê人,一定會得救。相對ê,無呼求耶穌ê名ê人,就會失落這難得ê恩典。

第14到17節,第15節是引用以賽亞書第五十二章7節ê經文。Chit節經文原本teh說明hiah-ê傳達以色列人民kātùi受掠ê巴比倫得tio̍h tháu放,傳達這美好消息ê人,所作ê見證真是美好極à。使徒保羅引用chit節經文,主要teh說明並m̄是無人傳福音ê信息,有,in ná親像chìn前傳達以色列人民kā得tio̍h tháu放ê好消息仝款。伊án-ne強調,主要mā teh說明ná親像伊家己傳耶穌ê福音hō͘猶太人,m̄-koh猶太人m̄-nā拒絕,甚至iáu想出所有ê辦法beh殺害伊(參考使徒行傳十七:3—5、十八:5—8)。第16節,chit節引用以賽亞書第五十三章1節。使徒保羅講出猶太人並m̄是無聽tio̍h福音ê信息,卻是in中間有人拒絕。「並m̄是每一個人lóng接受福音」,這是一句真確實,即使是tī今á日絕大多數ê人lóng聽講過耶穌ê信息,仝款ê,並m̄是聽tio̍h ê人lóng願意聽從,有ê iáu故意chhōe機會反對,甚至迫害聽信福音ê人。猶太人mā是án-ne;in m̄是無聽講過,若無,就bē有先知以賽亞án-ne講:「咱所聽tio̍h-.ê,有啥人相信?上主ê 手是ǹg 啥人顯明?(全民版)」(以賽亞書五十三:1)Tī使徒保羅ê看法裡,m̄是無人傳,卻是聽見ê人無願意相信,án-ne chiah是真正ê問題所在。

第18到21節,是分別引用自下列經文:
第18節,是引用詩篇第十九篇4節。
第19節,是引用申命記第卅二章21節。
第20節,是引用以賽亞書第六十五章1節。
第21節,引用以賽亞書第六十五章2節。

使徒保羅引用頂面所講chiah-ê經文,主要是teh說明猶太人m̄是m̄知上帝ê慈愛,卻是故意chhōe藉口拒絕、棄絕上帝ê救恩。


經文:

羅馬書 11:1-11:12

註釋:

Chit章是繼續第九章teh討論有關以色列人民,kah上帝之間ê關係。使徒保羅一再表明家己對猶太同胞得救ê siōng大關懷,甚至講出為tio̍h猶太同胞,「縱然家己hō͘ 上帝詛咒,kah基督隔絕」,伊mā願意接受(參考羅馬書九:3),伊一再懇求上帝,ē-tàng開啟伊猶太同胞ê心門,m̄-koh顯然伊chit種期待並m̄是真如意(參考十:1)。Tī chit章裡,使徒保羅一開始就真清楚表明伊對外邦人ê關注,而且強調上帝對外邦人拯救ê疼。M̄-koh這並無表示伊輕視以色列人民tī上帝眼中重要ê地位。伊只是beh強調一點:上帝愛所有ê人,並且揀選以色列人民來成做祂拯救ê同工。

Tī chit段經文中,使徒保羅一再強調:上帝並無因為以色列人民拒絕上帝ê救恩,就棄絕了in。上帝反tńg想beh盡一切辦法,beh hō͘以色列人民明白,祂是一個有豐富慈愛ê上帝,祂kah以色列人民ê祖先立約,上帝絕對信守chit-ê約。真清楚ê,使徒保羅引用了舊約先知ê觀念,講述上帝是信實ê,祂絕對bē放棄kah祂立約ê子民(參考撒母耳記上十二:22,列王記上十九:18,以賽亞書十:20—22)。

Tùi chia看出使徒保羅Tī chit段經文中為家己tī外邦人中傳福音ê感受。伊表明是因為猶太人拒絕耶穌,所以伊chiah有機會行向外邦。Tī伊看起來,taⁿ伊會得thang tī外邦人中傳福音,乃是因為猶太人拒絕耶穌,chiah致使外邦人因為án-ne得tio̍h福氣。另外一方面,使徒保羅mā透過chit種觀點teh講述一個重要ê信息:上帝是想藉tio̍h外邦人得福音來刺激猶太人ê悔改。Án-ne講起來,外邦人ê得救,mā是猶太人ê一種福氣,因為in thang透過外邦人ê得救,反省家己kah上帝之間ê關係,並進一步koh接納耶穌為in ê救主,án-ne chiah是上帝拯救計畫ê目標。
第1節,使徒保羅作一個簡單ê自我紹介,表明伊家己mā是猶太人,m̄-koh伊深信耶穌就是伊性命ê救主。

第2到4節,「上帝無棄絕伊tùi遠古就揀選ê子民」,chit句話是引用撒母耳記上第十二章22節,mā thang參考詩篇第九十四篇14節。使徒保羅引用chiah-ê經文,主要teh強調上帝絕對bē放棄任何人,因為祂疼所有ê人。續落來使徒保羅引用列王記上第十九章10到18節經文。Chit段經文說明上帝憐憫、慈悲ê疼,hō͘以色列人民tī亡國ê困境中,尚且留落來了殘存ê「餘民」(參考以斯拉記九:8,耶利米書廿三:9、三十一:7,彌迦書二:12、四:7,撒迦利亞書十三:9),chiah-ê人是一陣對上帝絕對忠貞ê人民,因為棄sak上帝、背叛上帝ê人真chē,m̄-koh這一陣人堅持遵守上帝ê教示,所以上帝揀選了chit群人,chit種揀選所表明ê,是上帝對in ê憐憫kah愛(參考羅馬書九:27—29)。使徒保羅Tī chit段經文引用先知文獻中ê chit種看法,主要teh說明tī所有ê猶太人中,必定iáu有一kóa人是上帝所喜樂ê猶太人,ná親像伊家己仝款,因為上帝並無完全棄絕猶太人(參考以賽亞書十:20—22)。

第5到6節,koh一pái說明上帝上帝揀選ê恩典,並m̄是根據人ê行為,á完全是出tī上帝ê疼,而且無價ê疼。

第7節,koh一pái強調真正得tio̍h上帝恩典ê人是少數,因為多數人對上帝選召ê恩典置之不理,á會失去這性命ê機會。

第8到10節,chit段經文分別引用以賽亞書第廿九章10節,以及詩篇六十九篇22到23節。「直到chit-má」,指ê是到使徒保羅時代,猶太人拒絕上帝救恩ê信息照常無改變。使徒保羅表示hiah-ê心已經硬化ê猶太人,會受tio̍h嚴厲ê懲罰。雖然猶太人聽見過上帝拯救ê信息,卻故意裝作m̄-bat聽過,á是m̄-bat, án-ne,上帝mā只好「chhut-chāi」in去,然後tī外邦人中,上帝興起了祂救恩ê記號,hō͘ hiah-ê走chhōe上帝ê拯救ê外邦人比起猶太人koh khah快得tio̍h拯救ê恩典。

第11到12節,這thang當做是一種激kā法,為tio̍h hō͘猶太人知影怎樣tńg來珍惜上帝tī耶穌內面ê救恩。


經文:

羅馬書 11:13-11:24

註釋:

Tùi第13節開始,使徒保羅講tio̍h外邦ê基督徒應該有ê信仰態度。Tī前段經文伊講tio̍h因為猶太人拒絕福音,反tńg hō͘外邦人得tio̍h機會,chit-má則講tio̍h外邦人應該用怎樣ê態度看猶太人,以及看上帝ê拯救。伊只有一個期待:外邦人mài看輕猶太人,á是beh抱tio̍h感恩ê心看上帝拯救ê恩典。

第13到15節,使徒保羅講家己是「外邦人ê使徒」(參考加拉太書二:7—9,使徒行傳九:15),tī伊ê看法中,無論是甚麼人,只要有人渴望得救,伊就有責任傳福音hō͘伊(參考羅馬書一:14—15,哥林多前書九:19—22)。Tùi chia來看tī羅馬教會內,必定有真chē信徒是外邦人,因為án-ne,使徒保羅chiah一定tio̍h án-ne寫。伊mā一再強調:猶太人hō͘ 上帝遺棄,並m̄是永遠ê事,卻是暫時ê,因為上帝一再想出所有ê辦法beh拯救in。Á hō͘外邦人得tio̍h福音信息,就是beh刺激猶太人回轉過來信耶穌。第15節ê chit句「已死ê人m̄是會重獲性命mah」,意思是teh指:原本無希望得救ê,chit-má變成ē-tàng得救,ná親像「死á是koh活」一般。

第16到19節,使徒保羅tī chia用「麵團ê頭一塊」kah樹根當做譬喻,這是照摩西律法ê規定,ài kā初熟ê麥á磨成細粉做餅獻hō͘上帝(參考民數記十五:17—21)。Chit種初熟ê麥á磨成而做出來ê餅,mā kā它稱做「新麵」,用以表示「聖潔」ê意思。「樹根」,是一叢樹ê性命代表。如果子樹枝腐朽,一定tio̍h砍掉(參考馬太福音七:19,路加福音三:9、十三:6—9)。相對ê,如果「樹根」是聖潔ê,án-ne,其樹枝頂生出來ê果子就是聖潔ê。

第17到18節,chia看出使徒保羅ê用心,使徒保羅ê用心,伊用「橄欖樹」teh代表猶太人,用「野橄欖」teh代表外邦人。這「野橄欖」是「插枝」á是「接枝」tī猶太人ê橄欖樹上。Chit種譬喻相當巧妙、寫實。因為tī巴勒斯坦khiā起ê人lóng清楚知影,用「野橄欖」ê枝子接tī老橄欖樹上,就ē-tàng hō͘老橄欖koh再恢復它ê性命力。使徒保羅teh吐氣猶太人拒絕福音信息之ê時,mā同時teh提醒外邦人tio̍h小心,千萬bē-tàng因為得tio̍h福音信息á驕傲,因為in ê條件kah猶太人仝款,所有人tī上帝面前lóng無特殊身分,大家lóng是「枝子」,性命ê源頭是tī樹幹本身,m̄是tī chiah-ê「枝子」。Á這樹ê源頭就是耶穌。這mā是耶穌對伊門徒所講ê,伊是「真葡萄樹」,一定tio̍h連接tī伊身上chiah有性命ê來源(參考約翰福音十五:1)。伊強調,重要ê並並m̄是在tī是栽種ê橄欖,á是野橄欖,á是beh ē-tàng結出果子。耶穌講:「Bē 結好果子ê 樹,就kā 它剉起來,hiat 落去火裡燒。(全民版)」(馬太福音七:19)

第19到24節,chit段經文thang看出使徒保羅是真用心teh提醒外邦人ê信徒,m̄-thang驕傲,上帝是公義ê。伊看ê是真正悔改信祂ê kiáⁿ耶穌ê人,祂上帝會揀選hit人成做祂ê子民,取代hiah-ê拒絕耶穌成做伊ê救主ê猶太人。若是猶太人知影悔改á接納耶穌,mā仝款會hō͘重新接上原本被砍落來ê橄欖樹上。
經文:

羅馬書 11:25-11:36

註釋:

Tī chit段經文中,使徒保羅繼續講tio̍h有關猶太人應該知影耶穌拯救福音信息奧秘ê問題。伊khah強調一個點:因為以色列人民拒絕福音,結果hō͘福音有機會往外邦傳揚出去。會有chit種變化,是因為福音ê主權是tī上帝手中。

第25到26節,tī第26節ê chit句「全部ê以色列人終必得救」,teh代表下列幾個層面ê意思:
一是teh指所有雅各ê kiáⁿ孫,mā就是血統上所認定ê以色列人民。

二是teh指所講ê「餘民」ê意思,就是iáu有「七千」個忠實tī上帝ê教導,無背叛上帝ê以色列人民(參考列王記上十九:18)。

三是teh指包括外邦人在內ê總數,mā就是世間萬民ê意思。因為án-ne,chia ê「全部ê以色列人」,mā thang講是teh指所有信耶穌ê人。

其實,tùi使徒保羅ê觀點來了解,伊tī chia所講ê「全部ê以色列人」,應該是teh指第三個意思,是包括所有相信耶穌基督ê人lóng會得救,á無猶太人kah外邦人ê分別。

Koh講,「拯救者beh tùi錫安出來」,chit句話thang參考以賽亞書第五十九章20節。使徒保羅一再強調福音是tùi猶太人開始,然後koh再擴展到外邦地區去(參考羅馬書一:16)。Mā是teh指tùi耶路撒冷傳到外邦城市(參考路加福音廿四:47)。

第27節,chit節是引用耶利米書第三十一章34節。先知耶利米講上帝beh kah以色列人民訂立新ê約,而且chit-ê約kah舊ê約無仝;新ê約會寫tī以色列人民ê「心版上」,無koh是外表ê肉體上(參考耶利米書九:26)。寫tī心版上ê約,會永遠留存,記念kah上帝之間永bē改變ê關係。

第28到29節,chit兩節講出使徒保羅一再堅持ê看法:雖然猶太人拒絕耶穌,m̄-koh上帝iáu是teh等待in 回心轉意tńg來,並無完全割開、切斷,chit點tú好是上帝ê恩典。

第30到32節,chit段經文非常有意思,講tio̍h以前因為猶太人拒絕順服上帝ê救恩,結果hō͘外邦人得tio̍h救恩;chit-má外邦人ê蒙恩,是為tio̍h beh hō͘猶太人mā因為án-ne得tio̍h上帝ê慈愛kah救恩。使徒保羅chit種講法,真清楚ê是beh kā大家講,猶太人kah外邦人lóng是上帝所拯救ê對象,上帝用順服祂ê人,來幫助hiah-ê不順服ê人有一工也ē-tàng歸順tī祂ê名,因為上帝無願意有人墮落。

第33到36節,chit段經文是一段o-ló ê詩歌,ē-sái講是第九到十一章ê總結,m̄-koh mā ē-sái講是第一到十一章ê總結。使徒保羅用chit段詩歌來歌頌上帝豐富無比ê恩典,遠khah贏過人所ē-tàng想像會tio̍h ê。使徒保羅強調講:上帝ê疼透過耶穌顯示tī眾人面前,因為án-ne,看見耶穌,等於看見上帝ê救恩。耶穌ê救恩並m̄是隱藏ê,卻是顯露tī眾人面前。M̄-koh上帝ê chit種救恩,m̄是一般人ē-tàng了解,這to̍h是祂對人類愛ê奧秘。因為上帝是連無kah祂立約ê子民(外邦人)mā tio̍h拯救,而且同等對待。Chit種ê疼,已經超越人ê言語、字彙所ē-tàng表達出來ê。

第34節,chit節是引用以賽亞書第四十章13節。Tī哥林多前書第二章16節,使徒保羅koh一pái引用。意思是講beh用人ê知識認bat上帝,he是非常愚戇ê想法。特別是上帝tī耶穌內面ê救恩,he是siōng大ê奧秘,非常難理解。第35節ê詩句講出基督教信仰ê基本觀念:咱所有ê一切才華能力,lóng是tùi上帝來ê賞賜。Á m̄是咱先hō͘上帝甚麼,chiah hō͘上帝願意用救恩來回報咱。第36節講「萬物lóng出tī伊」,這ē-sái講是基督教信仰siōng基本ê認bat—宇宙萬物,lóng是tùi上帝來ê創造。

經文:

羅馬書 12:1-12:8

註釋:

使徒保羅ê書信有一個共同特色,就是teh談完信仰ê問題了後,lóng會勸勉收phoe ê眾信徒,tī日常生活上,tio̍h好好á活出信仰ê見證。第十二章開始到,直到第十五章13節止,這四章lóng是講tio̍h有關基督徒ê社會kah倫理生活。

Chit段經文使徒保羅講出兩個基本重點:成做基督徒,一定tio̍h teh過頂真而且kah屬世ê社會有無仝ê生活。Koh講,每一個人lóng有上帝賞賜ê chiah ē-tàng,應該好好á用chiah-ê才華、能力做見證,傳揚上帝拯救ê信息。

第1節,使徒保羅用猶太人所熟悉ê獻祭禮儀來講基督徒應該有ê信仰態度:就是kā家己當做獻祭ê祭品。Á基督徒ê生活就是「活祭」,kah獻tī祭壇上ê牲祭無仝;牲祭是已經刣死ê動物,獻tī祭壇上。「活祭」tú好kah這顛倒,這祭是用耶穌koh活做基礎,為tio̍h是beh hō͘人成做一個新造ê人,是活ê、是聖潔ê,是為上帝á活ê性命,這是thang看會tio̍h而且是活活ê見證。

第2節,「beh hō͘上帝改造lín,更新lín ê心思意念」,這ē-sái講是使徒保羅思想ê中心。Tī伊ê書信中就bat講:「無論甚麼人,若kah 基督結聯,就是新創造ê 人;舊ê tāi-chì 已經過去,taⁿ lóng 變做新ê。(全民版)」(哥林多後書五:17)「Lín ê 心思意念mā tio̍h 換新,tio̍h 成做新ê 人,就是照上帝用真理所產生ê 公義kah 聖潔來創造ê 新人。(全民版)」(以弗所書四:23—24)伊指出一個真正信耶穌ê人,會有新ê性命觀,生活ê態度是積極ê,而且無私ê。

第3節,伊kā羅馬教會ê信徒講一定tio̍h謙卑,原因是羅馬城是kui個帝國ê中心,ē-tàng tī hit-ê城khiā起ê人大部分是屬tī社會上層階級者,難免有一份自視比別人iáu koh khah koân,m̄-koh使徒保羅勸勉in無法度án-ne。因為所有身上ê恩賜lóng是上帝賞賜ê。「恩賜」,是teh指原本m̄是家己擁有ê,是上帝賞賜ê。

第4到5節,tī chit段經文中,tī使徒保羅ê書信中,伊一再強調基督徒團契(á是kā它稱做教會),應該ná親像一個家庭。伊寫hō͘哥林多教會ê書信中,就用身軀ê各種肢體來表示,無任何一個肢體ē-tàng對其他ê肢體講,家己重要,別ê肢體不重要。因為所有ê肢體lóng是連結tī耶穌ê身軀上(參考哥林多前書十三:12—31)。伊寫hō͘以弗所教會ê書信中,mā提起chit種講法(參考以弗所書四:2—7、11—12)。chit-má使徒保羅Tī chit段經文中mā是chit種方式來表達,伊強調每一個基督信徒lóng有上帝hō͘ in ê恩賜,chiah-ê恩賜lóng是beh用來見證上帝拯救ê疼。伊講「每一個肢體有它無仝ê功用」,chit句話真清楚teh說明所有ê人tńg來到上帝救恩chìn前,lóng仝款ê。換句話講,tī基督ê信仰團契中,所有ê人,無貧賤富貴之分,mā無社會地位之別。「咱tī基督內面成做一體」,使徒保羅用chit句話用來說明信仰團契ê中心,是tī耶穌身上。因為耶穌chiah是性命ê救主。因為án-ne,一個真正屬tī耶穌ê信仰團契,bē kā某一個人抬高、凸顯出來。

第6到8節,chit三節ē-sái講是chit段經文ê中心思想:每一個人ê恩賜無仝,應該善用這無仝ê恩賜,tī每一個無仝ê工作領域裡見證福音。Tī chia,使徒保羅列出了無仝恩賜ê例,包括有:傳講信息ê、有服務、教導、勸勉、施與、慷慨、領袖、憐憫人ê等等。


經文:

羅馬書 12:9-12:21

註釋:

Chit段話真親像哥林多前書第十三章ê內容。使徒保羅強調一個真誠ê心內,m̄-nā是用來敬拜上帝,mā tio̍h仝款用來對待所有kah咱同齊過信仰團契生活ê兄弟姊妹。如果tī信仰團契中,無法度án-ne對待仝款信仰ê兄弟姊妹,就真oh講出信仰ê意義tī tó位。

第9到12節,chit段經文真類似哥林多前書第十三章ê內容。主要teh強調基督徒chit-ê信仰團契,ná親像一個家庭中ê兄弟姊妹,有手足之情,應該彼此相疼,會彼此分享。Tī患難中有喜樂,而且存 ǹg望。Chiah-ê勸勉對早期受迫害ê基督徒有真大鼓舞作用。

第13節,chit節thang參考利未記第十九章33到34節,以及申命記第十五章7到8 節。Lóng是teh強調tio̍h好款待外出ê人,mā就是sàn-chhiah人。

第14節,chit節thang參考馬太福音第五章44到46節,路加福音六:27到28節。Lóng是耶穌教導祂ê門徒kah跟隨者所講ê話。

第15節,chit節ē-sái講是「愛人如己」siōng好ê寫照。

第16節,「同心彼此關懷」,這清楚講出一個信仰團契,ē-tàng維持而且bē變質,á是發生分裂,就是建構tī chit種基礎之上。「bē-tàng心高氣傲」,chit句話thang參考第3節。使徒保羅勸勉基督徒,無論是甚麼身分,lóng應該存謙卑ê心。。M̄-thang自高,因為有ê才華lóng是tùi上帝來ê賞賜。

第17到18節,「M̄-thang以惡報惡」chit句話,tī帖撒羅尼迦前書第五章15節koh一pái出現。這kah摩西ê教示—「以牙還牙、以眼還眼」無仝(參考出埃及記廿一:24—25)。耶穌就是教導祂ê門徒,tio̍h用疼來贏過仇敵(參考馬太福音五:38—42),使徒保羅傳承耶穌chit種教導。Mā只有án-ne,chiah ē-tàng tī信仰團契中,大家和睦相處,並且擴大到所khiā起kah工作ê環境中。

第19節,thang參考利未記第十九章18節;詩篇第九十四篇1到2節、第一三五篇14節;箴言第二十章22節。因為人ê判斷會有誤差,m̄-koh上帝明白所有ê一切,特別是上帝鑒察人ê心內,知影人心內真正計謀,只有上帝ê審判chiah是公正ê,á這m̄是人ê能力所及。Chit節mā teh強調對上帝ài有信心(參考申命記三十二:34)。聖經mā一再提起上帝是會「報應」ê,這報應mā teh表明上帝是會懲罰迫害、陷害、欺壓別人者。

第20到21節,thang參考箴言第廿五章21到22節。「羞慚交加」,chit句話tī《中文和合本》ê翻譯是用「Kā火炭堆tī敵人頭殼頂」。這是古代ê人懲罰仇敵ê方式之一。另外,古埃及ê時代,做一個人表明懺悔ê時chūn,就是the̍h-tio̍h一爐火炭khǹg tī家己ê頭殼頂,表示真心懺悔。使徒保羅強調ê是用「善」勝惡。Mā就是用疼來贏過仇敵,因為報仇,kan-taⁿ會帶來koh khah chē ê仇恨,bē解決彼此之間ê問題。

經文:

羅馬書 13:1-13:7

註釋:

羅馬書第十三章是一再受tio̍h爭議ê一章經文,特別是chit章ê 1到7節。原因是有kóa基督徒主張bē-tàng參與政治活動,in常引用chit段話來譴責hiah-ê關心國家政事,kah社會問題ê基督徒á是教會。使徒保羅大約是tī主後57 á是58年左右寫做羅馬書,hit時羅馬帝國tú好是由尼祿皇帝掌權,tī伊手中bat kā燒羅馬城ê罪嫁禍hō͘基督徒,藉這全面掠基督徒入獄,kā in賣hō͘奴隸市場,á是送入競技場娛樂大眾,有koh khah chē人被釘死tī十字架頂。M̄-koh tī羅馬書完成ê時代,尼祿皇帝尚且iáu未全面性ê展開迫害,卻是猶太人激進份子迫害基督徒甚厲,in甚至故意攪亂社會秩序,造成羅馬統治者誤解是基督徒所為。因為án-ne,使徒保羅寫chit段經文,有意思beh hō͘基督徒kah猶太人之間有一個明顯區隔,hō͘羅馬統治當局認清基督徒是真善良,kah猶太人ê激進黨派非常無仝款。

早期教會tī tú開始之初,羅馬政府分無清楚基督教kah猶太教之間ê差別;tī羅馬統治者看起來,he是猶太教內部分裂ê問題,因為tú開始ê時,信徒差不多lóng是猶太人(參考使徒行傳廿一:20),m̄-koh大多數猶太人真排斥基督徒。使徒保羅為tio̍h beh防止有人kā叛亂行為嫁禍hō͘基督徒,因為án-ne,使徒保羅希望基督徒tī政治問題上保持中立ê態度。這mā造成有一種講法:認為使徒保羅之所以堅持beh上訴到羅馬皇帝ê法庭,主要原因是想beh hō͘羅馬皇帝明白:基督徒並m̄是猶太教徒,是支持羅馬皇帝ê。M̄-koh使徒保羅是m̄是真正án-ne,並無清楚。不過有一個事實是,使徒保羅每到一個所在傳福音,就有猶太人跟tòe tī後面攪局、煽動人民作亂(參考使徒行傳十三:50、十四:2、19、十七:5)。因為án-ne,如果基督徒支持羅馬政府,至少thang減低羅馬政府對基督徒ê敵意,則猶太人煽動、鼓譟ê事件,就bē牽連到基督徒身上。

使徒保羅本身是羅馬公民(參考使徒行傳十六:37—40、廿二:25—29),因為án-ne,帶hō͘伊真chē方便,即使伊上訴到羅馬去,mā得tio̍h真chē禮遇,ē-tàng繼續傳福音(參考使徒行傳廿八:30—31)。

另外有一種看法:認為Tī眾使徒ê觀念中,基督徒是屬tī天頂ê公民(參考腓立比書三:20),因為án-ne天頂ê公民應該是超越世間王國ê主權。對世間ê政治事物,應該有koh khah超脫ê觀點,mā就是並無在意世間ê權勢團體。因為基督徒是用耶穌為主,m̄是聽從世間chiah-ê君王(參考使徒行傳五:29)。

Tùi chit段經文mā thang看出,早期教會就已經kah統治者之間,有真大ê緊張。使徒保羅雖然並無去過羅馬,m̄-koh伊一定聽tio̍h真chē有關基督徒kah統治者之間ê緊張事件。Tī主後49年,就bat發生羅馬皇帝「克勞第命令所有ê猶太人離開羅馬」(參考使徒行傳十八:2),chit件事m̄-nā hō͘基督徒lóng受冤屈,mā hō͘猶太人對基督徒懷有敵意。因為án-ne,使徒保羅tī chia強調統治者ê政權,tùi上帝來ê「允准」。Chit種講詞有舊約時代ê觀念背景,就親像上帝揀選巴比倫做奴僕,來管理祂ê子民仝款(參考耶利米書廿五:9)。

第1到2節,真清楚,tī chit兩節經文內底,使徒保羅勸勉羅馬教會信徒tio̍h順從掌權ê羅馬政府,主張羅馬政府ê權力是tùi上帝來ê,甚至認為「抗拒當權者就是抗拒上帝ê命令」。使徒保羅m̄-nā是對羅馬教會提出chit-ê觀點,伊對門徒提多mā講出類似(參考提多書三:1),仝款mā要求提摩太一定會教導信徒為執政者祈禱(參考提摩太前書二:2)。另外,門徒彼得mā提出仝款ê觀點,認為tio̍h beh順服世間ê掌權者(參考彼得前書二:13—15)。

使徒保羅會有chit種看法á是允准以án-ne理解:(1)伊有羅馬公民ê身分(參考使徒行傳十六:37—40、廿二:25—29),因為án-ne tī宣教事工上帶hō͘伊bē少利便,至少羅馬官員對伊是相當禮遇。(2)迫害早期教會siōng嚴厲ê是hiah-ê猶太教激進派分子,in lóng是反對羅馬政府者。使徒保羅無希望基督徒被牽連,hō͘羅馬政府認為基督徒就是hit群猶太教激進黨派ê人。如果基督徒順服羅馬政府,反tńg是一個安全保障,同時thang凸顯猶太教激進黨派者ê搗亂問題,減輕基督徒被迫害ê壓力。

第3到5節,注意第3節使徒保羅已經teh暗示統治者m̄是上帝,只不過是上帝ê奴僕,是beh執行上帝所交託ê使命。換句話講:如果統治者m̄是teh執行上帝所交託ê使命,則人民無「服從」ê必要。統治者執政ê態度kah方針,應該是獎善懲惡。若m̄是án-ne,chit種政府就bē是使徒保羅所講,應該tio̍h「服從」ê對象。Tī使徒保羅ê看法中,所有ê人,lóng應該成做上帝完成拯救工作ê同工,á m̄是家己扮演拯救者ê角色。M̄-koh tio̍h注意,使徒保羅認為服從一定tio̍h是tùi良心做起,mā就是誠實ê心,m̄是虛假應付ê態度。

第6到7節,使徒保羅tī chia提起tio̍h納稅,而且應該ê,chit點mā是後來使徒保羅令一kóa激進派ê猶太人感覺討厭ê原因之一。因為in bat用抗稅來表明對羅馬統治者ê不滿,而且kā抽稅ê人當做叛國賊看待。Tī使徒保羅ê觀點中,統治者ài面對ê是上帝ê審判,因為án-ne,若統治者是照上帝ê旨意行公義,則必定會得tio̍h人民ê尊敬。若是無án-ne,伊就一定tio̍h驚惶上帝嚴厲ê審判。因為伊領受比一般人koh khah chē ê權柄,就beh承受koh khah chē ê懲罰。

經文:

羅馬書 13:8-13:14

註釋:

使徒保羅Tī chit段經文中,特別講tio̍h基督徒應該有ê信仰責任—愛人。伊強調án-ne chiah是每一個基督徒應該展現ê信仰能力kah態度。

第8到10節,使徒保羅tī chia所講ê「債」,thang指兩方面ê。一是teh指財物方面ê「債」,另外一個是teh指對人ê疼。對tī前者,伊認為應該bē-tàng tī財物上對人有虧欠。Chit種財物上ê「債」,iáu包括了稅賦方面ê。欠稅,kan-taⁿ會帶來牢獄之災。Á欠人ê債,則會致使人kah人之間ê衝突kah不和諧。特別是tī基督信仰團契中,koh khah容易因為án-ne造成仇恨、分裂。講到後者,使徒保羅ài咱自認teh疼人ê方面一直做得無夠chē、無夠好。Kah-ná lóng無完成應該做到ê結果。續落來,伊提起十誡中ê第六、七、八、十等誡命,chit部分lóng是屬tī人kah人之間ê關係。使徒保羅指出,遵守chiah-ê律法ê基本態度,就是kā chiah-ê上帝禁止ê事,看做是自身ê感受kah需要。Á ē-tàng遵行chiah-ê,就是ná親像耶穌所講ê,達tio̍h à「愛人如己」ê使命。

第11到12節,chit兩節真清楚ê提起「末世」ê觀念,mā thang看出使徒保羅思想ê主軸之一。伊ài用「烏暗kah光明」對比ê方式,來說明hit-ê末日時刻來到ê景象(參考哥林多後書六:14,以弗所書五:8—9,歌羅西書一:12—13,帖撒羅尼迦前書五:4—11)。伊提醒信徒「bē-tàng koh做曖昧ê事」,所謂「曖昧ê事」是teh指無清氣、bē看kháu得ê事。Á「武器」,是teh指屬靈ê氣力,為tio̍h是beh kah魔鬼、誘惑人棄sak上帝ê邪惡勢力對抗(參考羅馬書六:13,哥林多後書六:6—7,以弗所書六:11—17)。

第13節,使徒保羅強調基督徒ê生活應該有所節制,因為身軀乃是上帝ê殿(參考哥林多前書三:16—17、六:19),是做獻祭用ê(參考羅馬書十二:1),應該是屬tī潔淨ê祭品。因為án-ne,伊提出幾項生活準則:
(a)「做tāi-chì為人tio̍h光明正大」,意思是teh指bē暗算別人,貪圖別人ê利益。

(b)「bē-tàng放蕩醉酒」,「放蕩」(komois),原本是teh指得意kah歡樂ê景象。後來是teh指狂歡到深夜mā無停止ê情形。「醉酒」(methais),是teh指lim酒超過身軀所ē-tàng負荷ê量,因為醉酒容易hō͘人亂性,這會敗壞基督徒ê形像。

(c)「邪淫放蕩」,邪蕩(aselgeiais),是teh指非常邪惡ê態度。Mā是講人犯錯,卻m̄知見笑。

(d)「紛爭」(eridi),不考慮別人,只想tio̍h家己。「嫉妒」(zelois),意思是不滿別人ê成就,故意用不實在毀謗別人。

第14節,chit節是chit段經文ê總結。Chit節mā thang參考加拉太書第三章27節,使徒保羅講基督徒ná親像「穿基督」,teh代表基督ê形像,就是chia所講ê「tio̍h以主耶穌基督裝備家己」ê意思,表示基督徒應該teh生活態度上顯示出基督ê樣式(參考以弗所書四:17—24),hō͘人看tio̍h he是一種新性命ê記號。


經文:

羅馬書 14:1-14:12

註釋:

使徒保羅所寫ê書信有一個特色,就是會用一kóa篇幅討論有關信仰kah生活ê關係。Chit種kah生活相關ê問題,m̄-nā是tī家庭、社會,同時mā tio̍h用tī教會共同信仰團契中。教會就是一個用信仰建立起來ê團契,有來自各種無仝社會、家庭生活背景,對事物ê看法真自然tek mā會有所差別。Koh khah值得注意ê是,當使徒保羅tī外面邦地區開拓教會後,教會內ê信徒就開始有所謂「猶太人」kah「外邦人」。Á猶太人信了耶穌了後,真自然mā會kā傳承自猶太人ê風俗、信仰認知帶入來。仝款ê,外邦人mā有in家己傳承落來ê風俗,這二者之間存在真大ê差別,卻beh因為共同信耶穌ê關係來相處做伙,這就需要真大ê容忍心胸chiah有辦法,若無,單單是食ê問題,就會引起真chē爭端。

羅馬教會雖然m̄是使徒保羅所開拓ê,mā仝款有類似頂面所講ê問題發生,ná親像食物ê問題,發生tī哥林多教會ê事(參考哥林多前書八:7—12),mā仝款發生tī羅馬教會。食物ê問題tī猶太人看起來,就有真chē ê限制,摩西律法寫得真清楚,分做清氣kah無清氣ê物(參考利未記第十一章),真自然tek,猶太人雖然信耶穌,m̄-koh對食物ê看法,必定受tio̍h傳統觀念ê影響。彼得tī異象中ê反應就是一個真好ê例(參考使徒行傳十:9—16)。相對tī外邦人來講,猶太人認為無清氣ê物,外邦人看法可能無仝。

Tùi第十四章開始,直到第十五章13節,使徒保羅lóng鎖定一個主題:tī基督ê信仰團契中,大家tio̍h彼此接納,互相扶持。用體諒別人ê軟弱,這就是tī耶穌內面愛ê一種表現方式。

第1到4節,chit段經文是討論到有關食物ê問題。Tī第1節ê「信心軟弱」,並m̄是因為tī性命中tú-tio̍h極大困難,á是因為發生挫折,致使對上帝ê信心產生懷疑、搖動,並m̄是án-ne,卻是指tī良心上ê感覺kah信仰之間有衝突,卻m̄知該án怎chiah好有giâu疑,á是良心上ê不安。Chit種情況差不多每一個人lóng會tú-tio̍h,因為án-ne,使徒保羅ài大家學習「接納」,á m̄是用爭論ê方式。Chia是tùi生活中每工lóng會tú-tio̍h ê問題講tio̍h,就是lim食ê事。聖經ê教導是所有上帝賞賜ê物,lóng是潔淨ê(參考使徒行傳十:15)。使徒保羅希望大家lóng ē-tàng接納彼此之間對食物看法ê差別,á m̄是一味地批評。

第5到6節,chit兩節是關於守toh一天才算是「安息日」ê問題。Chit點確實困擾tio̍h初代教會,即使tī今á日mā有chit種問題,只是無hiah-ni̍h明顯而已。耶穌講:「安息日是為tio̍h 人來設立,m̄ 是人為tio̍h 安息日來創造。(全民版)」(馬可福音二:27)使徒保羅強調每一個人lóng應該有家己ê見解,m̄-koh重要ê是無論食á是選擇聚會ê時間,lóng是為tio̍h尊崇主ê救恩chiah-tio̍h。

第7到9節,使徒保羅提供一個基督徒一定有ê觀念:為tio̍h基督á活。因為基督就是為tio̍h咱來死,mā為咱來koh活。因為án-ne,每一個領受基督恩典ê信徒,lóng應該有chit種認bat,無論是生、是死,lóng是為tio̍h kah基督連結。

第10到12節,chia真清楚講出一個重要ê信仰認知:每一個人lóng tio̍h向上帝交帳,接受審判(參考希伯來書四:13)。第11節是引用以賽亞書第四十五章23節。使徒保羅mā引用chit節詩歌tī腓立比書第二章10到11節,強調耶穌就是主,大家lóng beh向伊「下拜」。

經文:

羅馬書 14:13-14:23

註釋:

使徒保羅Tī chit段經文koh一pái kā問題giú tńg來到原來討論ê主題:甚麼是thang食ê食物?伊以一個基本ê原則來討論chit-ê問題,就是第19到20節所講ê:「tio̍h追求hit-ê促進和睦、彼此建立群體生活ê事。M̄-thang因食物來破壞上帝ê工作。」所謂「上帝ê工作」,指ê就是救贖ê工作。

第13節,chit節thang參考第1節。使徒保羅ài信徒tī團契生活中,m̄-thang成做別人接近福音ê絆腳石。意思是teh指對tī因為傳統á teh生活kah信仰上表達無仝看法ê兄姊,應該用koh khah寬闊ê心胸看待。

第14到16節,使徒保羅koh一pái指出食物ê問題,伊強調食物本身是潔淨ê,m̄-koh心思意念可能kā原本潔淨ê食物看做是無清氣,án-ne,食物就是無清氣。Tùi第15節就ē-tàng看出使徒保羅ê態度:只要團契中有人對某種食物有忌諱,就beh因為án-ne寧可m̄食這食物,這mā是伊寫hō͘腓立比教會書信所提起ê,m̄-thang只顧家己ê事,mā tio̍h關心別人ê事(參考腓立比書二:3—4)。

第17到18節,chia伊提起「上帝ê主權無在tī lim食,á在tī聖神所賜」ê各種恩典,chit點非常重要。使徒保羅提起聖神所賜ê有「公正、和平、喜樂」這三項。這lóng是基督教信仰siōng重要ê內涵。所謂「公正」,簡單地講,就是teh指誠實、不欺。「是,就講是,m̄是,就講m̄是」(參考馬太福音五:37)。「和平」指ê是kah上帝有合宜關係,chit關係ê基礎是tī耶穌。「和平」mā是teh表明有秩序。「喜樂」,乃是指ē-tàng帶hō͘大家性命力ê信息,是幫助別人kā性命重新建造起來。

第19到23節,使徒保羅Tī chit段經文中強調:若是因為食某種食物á hō͘軟弱ê人跋倒,就mài食hiah-ê食物。一個人若ē-tàng tī省思信仰ê功課上,心安理得,he是真大ê福氣,因為án-ne就ē-tàng坦然面對上帝ê審判。

經文:

羅馬書 15:1-15:6

註釋:

羅馬書tùi第十四章開始,直到第十五章13節,lóng是講tio̍h tī信仰團契中,大家應該彼此互相關懷、扶持ê責任,尤其是對tī hiah-ê tī信心上比較軟弱ê兄姊,koh khah應該用寬闊ê心胸對待。伊特別強調tio̍h以耶穌做榜樣來學習,án-ne,就ē-tàng hō͘信仰團契koh khah有見證,á siōng好ê見證方式,就是彼此相疼,án-ne chiah ē-tàng hō͘外邦人因為án-ne認bat上帝拯救ê疼。

做一個基督徒應該為別人ê需要設想,á m̄是單想家己ê需求kah滿足,這是使徒保羅對信徒ê勸勉。特別是tī共同ê信仰團契裡,chit種觀念koh khah應該堅持。第十五章一開始,伊koh講:「信心堅強ê人應該幫助信心軟弱ê人,分擔in ê重擔,á不求滿足家己。」chit句「信心堅強ê人」,tú好kah第十四章1節ê「信心軟弱ê人」成對照句。Tī第十四章使徒保羅解釋了「信心軟弱」者ê特徵。Tī chit章則向「信心堅強ê人」講in應該有ê信仰行動。

Tī chit段經文中,使徒保羅一再強調每一個人lóng應該為其他ê信徒設想,á m̄是只想tio̍h家己ê利益。

第1節,chit節kah第十四章1節成相對話句。真清楚thang看出使徒保羅kā家己列tī「信心堅強」者ê一方。伊認為信心堅強ê人,有義務kah責任幫助軟弱ê人。換句話講,信心是用來分享,á m̄是用來誇耀家己ê能力。「信心堅定ê人」應該有ê態度是mài kah「信心軟弱ê人」爭辯。Á是beh接納in所持有ê無仝見解。伊進一步強調講,tio̍h「幫助」「信心軟弱ê人」。Tī加拉太書第六章2節,使徒保羅強調tī教會中,tio̍h學習ê功課,就是「tio̍h彼此分擔重擔」。

第2到3節,ē-sái講是第十四章ê總結。使徒保羅認為建造信仰團契ê基本原則,就是學習耶穌ê榜樣,伊連性命lóng奉獻出來à,因為án-ne,學習「彼此分擔苦難、分享喜樂」就成做一個信仰基督團契ê指標。第3節ê b句是引用詩篇第六十九篇9節b句ê詩歌,表明基督徒tio̍h學會曉忍耐,而且甘心承受這世間ê苦難,ná親像耶穌mā是án-ne。

第4到6節所講ê「聖經」,指ê是舊約聖經來講。Siōng好ê信仰,就是tùi耶穌ê身起來學習,á m̄是建構tī人ê基礎上,án-ne,大家就ē-tàng同心歌頌上帝tī耶穌內面ê救恩。

經文:

羅馬書 15:7-15:13

註釋:

Tī chit段經文中,使徒保羅引用了kúi-nā段經文,只有一個用意,希望羅馬教會ê信徒ē-tàng合一,同心頌讚上帝tī耶穌內面ê救恩。Chiah-ê信徒是包括猶太人kah外邦人。Tī頭前伊以「信心軟弱ê人」kah「信心堅強ê人」做對照,主要teh說明一件事:耶穌,是所有人ê救主,因為伊tùi上帝來ê差遣,是上帝ê Kiáⁿ,是所有世人ê ǹg望。

第7到8節,chit三節講出使徒保羅寫此書信真正目的,是beh hō͘所有猶太人基督徒知影, tio̍h接納外邦人基督徒成做in ê兄弟姊妹,如仝一個信仰團契。Tī羅馬教會內,必定有猶太人基督徒,mā有外邦人基督徒,因為án-ne,勸勉in彼此tī耶穌內面互相接納。因為上帝m̄-nā是愛某一個族群,伊愛所有ê人。第8節講「上帝ê信實」,主要teh說明上帝是信守kah猶太人祖先所立之「約」ê神,對tī這「約」,上帝tùi無放棄á是改變。

第9節,chit節是引用詩篇第十八篇49節。詩人講beh在列國中宣揚、歌頌上帝ê救恩,án-ne,所有ê人lóng ē-tàng聽見上帝拯救ê信息。Chia ê「慈愛」,表明ê意思是teh指「永遠無變ê疼」,這mā是kui本聖經所beh傳達ê信息(參考民數記十四:19,詩篇十三:5、廿五:6、廿六:3、三十一:16、八十五:7)。

第10節,引用自申命記第三十二章43節。使徒保羅引用這詩句,主要是teh說明,當人看tio̍h上帝ê救恩臨到身上,就會主動出去宣揚,hō͘ koh khah chē人lóng知影,無論聽tio̍h ê人是m̄是為上帝ê子民,只要聽tio̍h,就lóng會發生歌頌o-ló ê聲音。

第11節,引用詩篇第一一七篇1節。主要teh說明,無任何人會bē記得、忽略了頌讚上帝,因為大家lóng領受tio̍h上帝ê救恩。

第12節,引用以賽亞書第十一章10節。「耶西」是大衛ê老父(參考馬太福音一:6)。因為án-ne,當先知以賽亞預言說「耶西ê後代beh出來」,並且講是beh「起來統治外邦」,意思是teh指chit位tī族譜上傳承大衛家族ê系統,m̄-koh卻beh hō͘所有ê世人lóng歸順tī上帝。

第13節,說明tī上帝ê國度裡,就是「喜樂、平安」。Á chiah-ê恩惠lóng是因為來自聖神ê引chhōa。是聖神ê氣力,m̄是來自人ê ē-tàng,因為ē-tàng賜hō͘人平安心靈ê是上帝。

經文:

羅馬書 15:14-15:21

註釋:

Tùi第十五章14節開始,直到第十六章結束chit段經文是chit本經冊ê結語。Tī第十五章14到21節ê chit段經文中,使徒保羅提起個人ê tāi-chì,mā提起伊寫chit封信主要ê目的,就是beh hō͘羅馬教會ê兄姊知影:伊並m̄是beh tī羅馬城開拓教會,á是beh hō͘羅馬教會信徒知影:伊沿路行來lóng是teh「傳揚關係基督ê福音」(參考第18節)。

第14到15節,使徒保羅o-ló羅馬教會ê信徒是真有信仰見證ê。雖然有真好ê見證,m̄-koh tī伊看起來mā是有需要提醒ê所在。

第16到17節,是使徒保羅表明家己tī福音事工上ê角色,伊講家己是一個「祭司」,是專門為外邦人而作祭司,主要目的是beh hō͘外邦人也ē-tàng成做上帝所喜樂ê子民。這就kah猶太人認為只有in chiah是上帝所歡喜ê人民之觀點非常無仝款。而且伊講家己就是因為chit項工作á深覺光榮,因為伊參與了上帝拯救世人ê工作。

第18到19節,使徒保羅tī chia真清楚表現出「奴僕」ê角色,強調m̄是因為家己有甚麼能力,卻是耶穌「藉tio̍h」伊ê「言語行為」,koh用「神跡奇事kah上帝之靈ê能力」,án-ne伊chiah ē-tàng到外邦人地區傳福音,而且有收成thang kā它獻tī上帝面前。Chia ê所謂「言語行為」,thang tùi伊四界tī猶太人會堂kah人辯論有關耶穌救恩ê信息(參考使徒行傳十七:2—4、10—12、十八:5),以及伊tī雅典,kah當時羅馬社會ê思想界大師辯論有關耶穌ê死kah koh活之信息(參考使徒行傳十七:16—34)看會出來。使徒保羅因為有聖神充滿,hō͘伊tī傳福音ê旅程中,有kúi-nā-pái施行神跡(參考使徒行傳十三:8—12、十四:8—10、十九:11—12、二十:9—10、廿八:3—6)。伊講家己活動ê範圍,tùi耶路撒冷到chit地區,一直到「Í-lū-lī-kóng」,就是今á日ê「阿niâ巴尼亞」kah「南斯拉夫」ê所在。其實,使徒保羅並未達tio̍h南斯拉夫,伊只到馬其頓而已(參考使徒行傳十六:6—10)。可能伊原本有chit種計畫,只是無想tio̍h,當伊tńg來到耶路撒冷了後,就被掠了起來。

第20節,這是一節真值得注意ê經文,tī chia使徒保羅表示:為tio̍h hō͘ koh khah chē人認bat耶穌,伊只「tī iáu未聽見基督ê所在傳福音,免得我ê工作建立tī別人ê基礎上」,為tio̍h án-ne,伊四界旅行傳福音,伊並無佔領某一個地方,ná親像耶穌仝款周遊加利利湖附近ê城鎮傳上帝國度ê信息。

第21節,chit節是引用以賽亞書第五十二章15節。使徒保羅引用chit節詩歌,主要是teh說明伊傳福音ê目的,beh hō͘外邦人認bat耶穌。Mā tùi chit節詩歌,表明福音帶hō͘世人ê,是對性命有新ê認bat,並且聽tio̍h新ê信息。

經文:

羅馬書 15:22-15:33

註釋:

Tī頭前使徒保羅已經真清楚表明,伊並無想beh tī羅馬城開拓教會,因為羅馬城已經有人傳福音,伊深驚會hō͘人誤會。Koh講,tùichit-má chit段經文thang看出,伊寫chit本羅馬書信ê主要目的,就是希望透過chit種書信認bat,hō͘羅馬教會信徒全力支持伊到西班牙去傳福音,án-ne chiah是伊寫此書信ê目的。Kah伊寫其它書信teh處理教會內部發生ê糾紛非常無仝款。因為án-ne,chit段經文ē-sái講是伊清楚表示beh去羅馬城拜訪該教會ê原因。

為甚麼使徒保羅一直希望到羅馬去?伊並m̄是beh去羅馬開拓福音事工,mā m̄是beh tī hia開拓教會,因羅馬已經有教會,主要原因有可能是希望到西班牙去傳福音(第24、28節),beh藉tio̍h羅馬教會信徒ê氣力做支援。使徒保羅ê作法就是建立一間教會後,就以該間教會當做支援中心,繼續開拓另外一間新教會傳福音。

第22到24節,tī第一章13節,使徒保羅並無說明伊為甚麼「有kúi-nā-pái計畫訪問」羅馬教會,卻lóng受tio̍h阻礙ê原因。Á hō͘ chit項阻礙一直無kah早處理ê另外一個原因,是tī第20節已經提起ê,羅馬城已經有教會,就無親像hiah-ê iáu未建立教會ê地區hit種急迫。Mā可能iáu thang án-ne了解:使徒保羅寫羅馬書ê時,真可能是tī哥林多城寫ê。當時使徒保羅tú tī hia待了三個月ê時間,原本有意趕緊去耶路撒冷了後,就去羅馬訪問。M̄-koh當伊離開哥林chē到達以弗所,並且結束tī以弗所ê工作,這是伊ê第二pái旅行傳道。當伊正準備繼續計畫ê旅程ê時,卻因為hit-ê城發生暴動á延誤到哥林多ê時間(參考使徒行傳十九:21—23),hō͘伊繼續停留tī hit-ê城長到兩年以上ê時間。這mā是伊延遲到羅馬去ê原因。因為án-ne,伊希望tī工作有一個段落了後,就去羅馬教會訪問。

第25到26節,chit三節講出使徒羅伊無辦法chit-má就去羅馬城ê原因,是為tio̍h beh kā馬其頓kah亞該亞等地教會所捐出來beh救助耶路撒冷信徒ê錢趕緊送去耶路撒冷。

第27到28節,伊提出一個真重要ê信仰認知:分享。羅馬教會ē-tàng得tio̍h福音信息,是kah耶路撒冷教會有密切關係。因為,耶路撒冷教會分享了福音信息hō͘羅馬kah外邦地區ê教會信徒,chit-má外邦人已經知影耶路撒冷有貧困ê人民子弟,就有責任kah in同齊分享物質上ê需要。因為án-ne,伊希望羅馬教會也ē-tàng募款救助耶路撒冷ê信徒。伊表示下pái去羅馬城ê時,mā會kā福音ê信息分享hō͘羅馬教會ê信徒。

第30到31節,使徒保羅請求羅馬教會為伊ê行程代禱。尤其是關心伊kā前往耶路撒冷ê事。Chia提起「受tio̍h tī猶太hiah-ê m̄信ê人ê危害」,是因為有kóa頂真、保守ê猶太人,in對使徒保羅tī外面邦地區ê工作相當有意見,特別是使徒保羅並無堅持外邦人基督徒一定tio̍h先受割禮(參考使徒行傳廿一:20—22)。其實使徒保羅有一個心願:伊想用chit種救助耶路撒冷教會sàn-chhiah兄姊ê方式,來縮短猶太人基督徒,kah外邦人基督徒之間ê隔閡有關。伊ǹg望猶太人基督徒會感受tio̍h外邦人基督徒tī信仰上ê疼心,á koh khah願意接納外邦人信徒,mā會關懷同在耶穌救恩裡ê兄弟姊妹,並同時肯定伊tī外邦人地區工作ê意義。

第32節,chit句「上帝若允准」,mā說明使徒保羅心中有一個預感,he就是伊會tī耶路撒冷受tio̍h迫害,chit件事應該是kah先知亞迦布ê預言有密切關係(參考使徒行傳廿一:10)。

第33節,有bē少學者認為羅馬書到chia就結束loh。因為chia出現「阿們」(參考羅馬書十一:36),表示此書信ê段落結束。M̄-koh mā有另外一種看法,認為tio̍h án-ne書信真有可能是分做kúi-nā-pái chiah寫完(參考羅馬書十一:36、十六:27)。「賜平安ê上帝」,chit句話koh一pái出現tī哥林多後書第十三章11節c句;腓立比書第四章9節;帖撒羅尼迦前書第五章23節;帖撒羅尼迦後書第三章16節。Chia ê「平安」,並m̄是講一切lóng真順利、無事發生,卻是指tī苦難中,mā bē喪失對上帝ê信心,iáu有堅強ê意志。

經文:

羅馬書 16:1-16:16

註釋:

使徒保羅ê書信有另外一個特色,就是tī最後lóng用請安語作結束。像哥林多前書第十六章19到20節;腓立比書第四章21到22節;歌羅西書第四章15節;提摩太後書第四章19、21節;提多書第三章15節;腓利門書第23到24節等等。M̄-koh tī所有書信中,羅馬書ê請安句ē-sái講是siōng長ê。

羅馬書可能tī第十五章33節就結束loh,因為án-ne,這第十六章有可能是因為編輯上ê需要chiah加上ê。會有chit種看法,是因為chit章同時提出beh向真chē人請安ê話。Á chiah-ê人是分散tī伊旅行傳道ê各地,羅馬教會ê人並無一定lóng認bat in,何況使徒保羅家己mā m̄-bat去過羅馬教會。因為án-ne認為,羅馬書chit本書信是託菲比帶去ê,使徒保羅只要tī phoe中紹介菲比hō͘羅馬教會ê信徒就ē-tàng à。

M̄-koh mā有kóa學者認為,chit章可能是寄hō͘另外一間教會ê信,後來teh編撰羅馬書ê時,mā順續kā它編輯tī-chia,做書信ê結語,以符合使徒保羅寫phoe ê習慣。因為án-ne,有人認為chit章可能是寫hō͘以弗所教會ê信。不過,chit種講法mā欠缺夠額ê佐證。

Chit章是使徒保羅紹介伊ê同工siōng chē ê一章,總共看tio̍h廿七個名。Thang án-ne了解:新約聖經中有記錄出名ê chiah-ê人,可能tī早期教會中lóng真活躍,á是tī早期教會歷史中扮演重要ê角色。雖然有kóa人只有提起名,並無留落來任何事蹟thang供參考,hō͘人了解in所做ê事工。M̄-koh,in ê名會hō͘記錄落來,可見in tī早期信仰團契中必定常常hông提起。Koh講,就是tī chit份廿七個名單中,女性就佔了六個,包括有菲比、亞居拉、馬利亞、土非拿、土富撒、彼息等。可見女性tī早期教會福音事工上有美好ê見證。

Chit段經文是使徒保羅記念tio̍h tī伊傳道工作中,kah伊同工過ê兄姊,伊m̄-nā一一提起in ê名,並簡略講chiah-ê同工tī福音事工上ê努力kah用心,肯定in。Mā用chit種方式紹介in,來方便伊日chiah-ê同工有機會去拜訪其他教會ê時,大家thang因為án-ne認bat來好款待chiah-ê同工。

Koh講,tī chit段經文中,總共出現二十七個名,其中有六個女性,可見tī早期教會中,婦女tī福音事工上貢獻非常大,是bē-tàng忽略ê一股力量。Ná親像腓利ê四個cha-bó͘-kiáⁿ,無結婚,in lóng是「傳講起帝信息」ê難得人才(參考使徒行傳廿一:8—9)。使徒保羅開拓腓立比kah其它教會,就是得tio̍h賣紫色布匹ê呂底亞極大ê支持(參考使徒行傳十六:14—15,腓立比書四:14—16)。

第1到2節,chit兩節紹介「菲比」,伊是一位女「執事」,可見當時外邦人ê教會已經有女性參與教會管理ê事工。使徒保羅就是託伊kā chit封信帶去hō͘羅馬教會,因為án-ne,chiah會teh紹介上真chē所在寫了,並請求該教會好款待菲比,可見伊Tī使徒保羅心中是真被肯定ê同工之一。Chia講菲比是「堅革哩教會ê執事」,這是哥林多地區ê一個港口教會,菲比就是受使徒保羅之託,牧養該教會。

第3到5節a句,「百基拉kah亞居拉」是一對熱心福音事工ê夫妻。In kah使徒保羅仝款,lóng是用織帳棚維持生活(參考使徒行傳十八:1—3),而且使徒保羅tī哥林多地區福音事工ê siōng好伙伴。後來in搬家到以弗所去,就以家己ê厝作為聚會ê所在(參考哥林多前書十六:19)。使徒行傳第十八章24到26節ê記載,in夫婦兩人bat幫助過一位真熱心傳揚耶穌信息ê同工亞波羅,「koh khah準確地kā上帝ê道路向伊解釋」,hō͘亞波羅後來tī教會事工上有真突出ê表現(參考哥林多前書一:12、三:6)。使徒保羅tī第4節並無說明是甚麼原因,百基拉kah亞居拉chit對夫婦一定tio̍h「冒性命ê危險」保護伊ê安全。M̄-koh真有可能是kah使徒行傳第十九章21到41節所記載ê以弗所城之暴動事件有關。Mā tùi chia thang看見in tī信仰上ê熱心kah堅定。

第5節b句到7節,「以拜尼土,伊是亞細亞省第一個歸信基督ê人」。「以拜尼土」chit種人到底是甚麼人?chit-má已經chhōe bē-tio̍h資料。「亞細亞省」,這是包括了今á日ê土耳其、伊朗、伊拉克、阿拉伯、敘利亞、約旦、以及以色列等地區。第6節提起「辛苦工作ê馬利亞」,chit位婦女是甚麼人?無法度知影。M̄-koh thang知影她是積極投入參與福音事工ê姊妹。第7節講和使徒保羅「同齊坐牢ê猶太同胞安多尼古kah猶尼亞」,in是比使徒保羅iáu早歸屬耶穌ê信徒。為甚麼in會跟tòe使徒保羅「同齊坐牢」?無koh khah詳細ê資料。M̄-koh thang明明確知影「安多尼古」是希臘人ê名。有人講伊kah 猶尼亞是一對夫婦,m̄-koh是m̄是án-ne?mā無清楚。值得注意ê是,使徒保羅特別強調講,in兩位tī「使徒中有淡薄á有名望」,chit句話表示in兩人確實在早期教會非常認真,而且tī福音ê事工上有淡薄á受重視。

第8到11節,chia提起「暗伯利、耳巴努、士大古、亞比利」等chit四個人ê名,chiah-ê lóng是當時奴隸普遍ê名。如果in chiâⁿ實是奴隸,則對早期教會來講,就有真重大ê意義,這表示信徒中間mā有奴隸à。使徒保羅用「主內親愛ê朋友」、「事奉基督ê同工」、「經歷過考驗、對基督頭尾忠心」等等稱呼in,可見chiah-ê人雖然bat是奴隸,m̄-koh tī歸信基督耶穌了後,確實lóng有真好ê見證。「亞利多布一家人」,其原本ê意思是「請安亞利多布厝裡ê人」,chit種話,就無包括「亞利多布」在內。這有兩個意思,一是伊已經往生;二是伊並未信主。有kóa聖經學者認為,「亞利多布」chit-ê人是大希律王ê孫á,是希律亞基帕一世ê兄弟。因為án-ne,chia講beh請安「亞利多布一家人」,有可能是teh指亞利多布厝裡ê奴僕á是奴隸。Án-ne mā真有意思,伊無信主,m̄-koh卻允准伊ê奴隸去聽信福音ê信息,成做基督信徒。若是伊已經往生,m̄-koh,接受伊財產ê人,mā允准伊留落來ê chiah-ê奴僕(奴隸)寫phoe去耶穌。「希羅天」,有可能mā是kah亞利多布仝款,同屬希律家族ê奴隸之一,á是已經被tháu放成自由人。Á「拿其數一間信主ê兄弟們」,意思真清楚,就是teh指in-tau裡ê奴僕。有人認為chit位「拿其數」,可能就是提庇留革老丟王ê家僕。Án-ne看起來,tī使徒保羅等人ê努力下,基督教ê福音已經進入到權貴階層ê厝內à。

第12節,「土非拿」kah「土富撒」可能是雙生á姊妹。「彼息」chit-ê名意思是「波斯婦女」。使徒保羅講伊為傳福音ê事工,真「勤勞工作」。原本chit句「為主勤勞工作」是形容chit三個婦人,可惜《現代中文譯本》只有kā chit「為主勤勞工作」ê形容話句用tī「彼息」,無用tī「土非拿」kah「土富撒」身上。《中文和合本》譯文比較清楚:「koh問為主勞苦ê土非拿氏kah土富撒氏安。」

第13節,chit節真重要,因為chia紹介ê chit位「魯孚」,就是替耶穌背負十字架ê古利奈西門ê kiáⁿ(參考馬可福音十五:21)。「魯孚」chit-ê名ê意思,是teh指「紅色」、「紅髮」ê意思。使徒保羅講伊「是主內一位傑出ê工人」,chit句話真值得推敲,有可能就是魯孚ê老父古利奈ê西門先受感動了後,帶全家信主。然後全家lóng tī早期教會中相當活躍。另外有一種講法,是當古利奈ê西門被羅馬士兵強迫替耶穌背十字架ê時,tú好魯孚mā tī老父ê身邊,看tio̍h這情景就已經深受感動à。使徒保羅特別強調講魯孚ê老母,對伊真照顧,kā伊當做「像家己ê kiáⁿ仝款」看待。伊chit段話有深刻ê感恩心情。

第14到15節,chit節連續提起五個名,包括有「亞遜其土、弗勒干、烏米、八羅巴、烏馬」等人。Chiah-ê lóng是奴隸ê名,á是in原本是奴隸,chit-má已經是自由身。Án-ne看起來,早期教會成員中,有bē少信徒lóng是來自奴隸ê背景,in tī當時ê社會地位並無高。M̄-koh in卻kah hiah-ê有社會地位ê信徒同屬一間教會,chit種現象,過去án-ne,chit-má mā是。因為tī教會中,並無mā不應該有社會地位之別。Mā tùi chia ē-tàng看出早期教會kah近代教會ê經驗仝款,siōng快歸信耶穌基督ê人,大部分是社會中ê低階人民,出tī貴族ê家庭真少。

第16節,「用聖潔ê chim嘴互相請安」,這是早期教會聚會ê方式之一,表示大家lóng互相想念,彼此關係相當親密。Chit種話句mā常出現tī使徒保羅ê書信中(參考哥林多前書十六:20、哥林多後書十三:12,帖撒羅尼迦前書五:26)。


經文:

羅馬書 16:17-16:27

註釋:

Chit段經文是最後勸勉ê話。Tùi使徒保羅傳福音ê過程中所tú-tio̍h ê情形thang了解,每pái伊開拓一間教會,一離開後,馬上就有人跟tòe tī後面進入教會破壞伊所建立ê教會內部和諧。這mā是為甚麼伊雖然離開了當地ê教會,卻iáu tio̍h ê時常用書信處理教會所發生ê事務ê原因。因為án-ne,伊不時寫phoe去處理所發生ê問題。m̄-nā是信仰ê,mā包括了生活方面ê問題,以及信徒彼此之間ê糾紛。

羅馬書雖然m̄是為chiah-ê事所寫,m̄-koh使徒保羅擔心會有人故意去破壞該教會已經領受tio̍h ê福音信息。使徒保羅tī chia用「滿足家己ê腹肚」chit句話,來形容hiah-ê專門teh破壞福音事工者ê真正目的,就是kā福音事工看做是「職業」,á無想hō͘性命更新ê使命感。因為án-ne,使徒保羅tī chia ài羅馬教會ê眾信徒,一定tio̍h防範chit種人進入教會中。使徒保羅tī chia提醒羅馬教會ê信徒,講chiah-ê專門用花言巧語講「另外一種福音」ê人,乃是「職業傳道者」,in m̄是teh傳福音,卻是為tio̍h「滿足家己ê腹肚」。

第17到19節,羅馬教會雖然m̄是伊開拓ê教會,伊mā m̄-bat去過,m̄-koh伊ài in預防有人滲透進入該教會去攪亂in tī信仰上ê美好見證。因為chit款tāi-chì tī外面邦ê教會已經屢見不鮮了(參考哥林多後書十一:12—15,加拉太書一:6、9,腓立比書三:2、19)。使徒保羅指出會去騷擾、攪亂教會ê人,是kā福音當做一種職業,chit種人是為tio̍h肚腹之需,出賣良知、真理(參考哥林多後書二:17)。In並m̄是真正teh傳揚耶穌koh活ê信息,mā m̄是用耶穌為性命ê主。Tùi第19節thang看出使徒保羅o-ló羅馬教會信徒tī信心ê表現上,確實真有口碑。chit-má伊tī chit-ê封信ê結尾ê時,koh一pái表示對羅馬教會信徒ê堅定信心非常敬佩。第19節講in「tī好事頂面聰明,tī pháiⁿ事頂面無知」,所謂「聰明」,指ê是智慧,mā teh表示對tī信靠上帝ê事,ài有堅定ê信心。「pháiⁿ事」,是teh指棄sak上帝ê教導,chit種人是愚戇ê。「無知」,是teh指lóng bē,就算是有人teh教導、誘惑,mā bē去學、去接觸。

第20節,chit句「主耶穌賜恩典」,是teh指耶穌ê koh活kah救贖,這是tùi上帝來白白ê恩典,是上帝賞賜hō͘忠於祂ê子民,hō͘ chiah-ê忠實ê子民會得thang kah上帝和好。

第21節,「提摩太」,伊是使徒保羅第二pái傳福音ê時,tī路司得得tio̍h ê門徒。老母是猶太人,mā是信徒,á老父是希臘人。提摩太tī家己ê家鄉路司得kah附近ê以哥念一直有真好ê風評,表示伊是一個真頂真koh認真正青年。因為án-ne,使徒保羅決定帶伊同齊去傳福音。Tī出發chìn前,使徒保羅iáu特別為提摩太行割禮(參考使徒行傳十六:1—3)。「路求」,是使徒保羅tī第一pái旅行傳道ê時,tī安提阿教會tú-tio̍h ê宣教同伴,伊是古利奈人(參考使徒行傳十三:1—3)。「耶孫」,伊是Tī使徒保羅tī帖撒羅尼迦傳道tú-tio̍h暴亂ê時,收留使徒保羅kah西拉到in-tau裡避難ê人。因為耶孫幫忙使徒保羅kah西拉,暴徒們大表不滿,衝進伊ê厝,並控訴伊,beh掠伊去見地方官。結果伊被要求「繳款具保」後,chiah得tio̍h tháu放(參考使徒行傳十七:5—9)。「所西巴德」,伊可能就是使徒行傳第二十章4節中所講ê「所巴特」chit-ê人,bat kah使徒保羅tī馬其頓、希臘傳道。

第22節,chia講代寫此書信ê人是「德提」,伊真可能是使徒保羅ê秘書。

第23到24節,「該猶」,可能kah哥林多前書第一章14節所提起ê是仝一個人,伊是使徒保羅親自行洗禮ê信徒。該猶可能mā是一個富有ê人,chiah ē-tàng容納全體會友「tī in-tau聚集」。「以拉都」,伊是負責財務ê工作。「括土」,這是奴隸ê名,意思是「第四子」。

第25到26節,chit兩節是非常重要ê經文,清楚講出使徒保羅kā耶穌所傳「上帝國度福音」,轉變成「福音是關係耶穌基督ê信息」,伊kā耶穌kah上帝國度福音親密地結合做伙。

第27節,chia「全智」ê意思,是teh指一切決定lóng是tī上帝手中。Beh隱藏起來成做奧秘,á是beh掀開來hō͘眾人lóng清楚看見,這lóng是tī上帝ê決策,m̄是人ê能力ē-tàng左右。

重新查詢