馬可福音 14章66節 到 14章72節 背景資料 上一筆 下一筆 |
Chit段經文是描述彼得án怎三pái否認伊kah耶穌之間ê關係。Mā是續接第54節所講ê,彼得是混tī大祭司府邸警衛群中間被發見ê。 第十四章30節耶穌bat提醒彼得「雞啼兩遍以前」,伊會有三pái不認伊。chit-má chit段經文中,tī第68節提起第一pái雞啼。然後tī第72節提起第二pái。 Tī kui個否認ê過程中,siōng嚴重ê是tī第71節,彼得否認家己kah耶穌之間ê關係ê時,iáu teh kí上帝ê名chiù-chōa,這等於是亂使用上帝ê名仝款ê嚴重。M̄-koh當雞啼第二pái ê時,伊忽然醒悟過來,chiah知影家己所做ê嚴重錯誤。 因為只有彼得tī大祭司府邸,chit段記事必定是彼得tī早期教會ê坦承告白。Chit種勇tī認錯ê信仰態度真值得學習。 |