出埃及記 32章30節 到 32章35節 背景資料 上一筆 下一筆 |
Chit段經文是有關摩西為以色列人koh一pái上山祈求上帝赦免以色列人所犯ê罪。 第30節,摩西譴責以色列人犯了上帝看做「嚴重ê罪」,伊hō͘以色列人知影,為chit件事,伊一定tio̍h koh一pái上山去向上帝祈求,這mā是beh hō͘ in知影,bē-tàng koh一pái因為伊無tī,就重犯拜偶像ê罪。 第31到32節,摩西祈求上帝赦免以色列人所犯ê重罪,伊甚至寧可用家己tùi上帝「子民ê名冊上除掉」伊ê名,thang hō͘上帝ē-tàng赦免以色列人。聖經講每一個人lóng有一本「性命冊」(參考詩篇六十九:28,腓立比書四:3,啟示錄二十:12、15)。希伯來書ê作者講:「無一件事ē-tàng向上帝隱瞞;一切被造ê lóng赤the̍h-the̍h暴露tī伊目睭前。咱lóng一定tio̍h向伊交帳。」chiah-ê帳lóng記載tī性命冊中。上帝bē冤枉好人,mā bē懲罰無辜ê人。因為án-ne,當摩西要求kā伊ê名刪除ê時,上帝ê回答是beh刪除hiah-ê「得罪」祂ê人,mā就是帶頭拜金牛偶像ê人。 |