出埃及記 23章1節 到 23章9節 背景資料 上一筆 下一筆 |
Tùi第廿二章19節開始,直到第廿三章19節止,lóng是用「bē-tàng」當做生活kah工作規範ê準則。 Chit段經文是kah社會公義有關。 第1到3節,提起公義是非常重要ê社會生活準則。除了重申十誡ê第九誡外,mā bē-tàng偏袒任何人,特別是若發見多數意見錯誤,mā bē-tàng隨從,就算sàn-chhiah人有錯mā仝款。 第4到5節,若編輯tī第廿二章15節後面,讀起來會koh khah順暢。Chia講牛kah驢,lóng是真珍貴ê社會資產,就算是屬tī「仇敵」ê,mā bē-tàng見死不救。Án-ne做,mā等於teh消除á是降低彼此之間ê仇恨。 第6到8節,kah十誡ê第九誡有仝款ê意思。第8節koh一pái回應第2到3節所提ê社會公義。 第9節,「滋味」,表示心中ê感受。Beh提醒以色列人寄居tī埃及ê時所受ê虐待,現若有人寄居tī in中間,á是被賣hō͘ in做奴隸,就應該tńg來想家己bat tī埃及當過奴隸ê經驗。 |