诗篇 43章1节 到 43章5节 背景资料 上一笔 下一笔 |
连结第四十二篇,chit首诗篇就是chit两篇ê第三首诗歌。 敌人teh讥笑这诗人ê时,lóng会讲伊因为得罪上帝,chiah致使上帝弃sak了伊。M̄-koh诗人想beh表白ê是,不beh hō͘ chit种耻笑伊ê话,继续出现。 第2节kah第四十二篇9节仝款,如果上帝是thang óa靠ê,为甚么诗人chit-má陷入了险境中,却iáu看bē-tio̍h上帝伸出手来救助? 第3节,chia诗人恳求上帝用「真理kah亮光」作伊ê引chhōa。所谓真理,指ê就是上帝ê话,只有上帝ê话chiah ē-tàng永远存在(参考以赛亚书四十:8),其它世间一切虽然看起来súi如花朵hit种hō͘人羡慕,lóng会凋谢、过去。Mā只有上帝ê话chiah是性命ê亮光(参考一一九:105)。 第4节,诗人讲上帝若ē-tàng用他ê真理kah亮光引chhōa,诗人就ē-tàng tńg来到敬拜上帝ê所在,弹琴歌颂上帝拯救ê疼。换句话讲,若是无上帝ê引chhōa,就无可能出现chit种ǹg望。 第5节kah第四十二篇5节、11节等等仝款。 |