历代志上 7章1节 到 7章5节   背景资料  上一笔  下一笔
Tùi第七章1节到第八章40节是记载约旦河西岸其他六个支族ê族谱。族谱ê名有kóa所在ê记载掠准它经典ê记载有差别;亲像第七章6节有关便雅悯ê族谱,tī chia只有记载比拉、比结、耶叠等三个名,m̄-koh tī民数记第廿六章第38到39节则记载有比拉、亚实别、亚希兰、册反、户反等五个,就无比结、耶叠ê名。Á tī创世记第四十六章21节则记载便雅悯ê kiáⁿ有十个,in是:比拉、比结、亚实别、基拉、乃幔、以希、罗实、母平、户平、亚勒等。这说明一件事实:亡国后ê文士tī收集祖先ê资料ê时,有kóa已经遗失,koh tī口传上mā失去联系。另外,mā有可能其中有kóa宗族已经kah其他宗族合并à。因为án-ne,无仝ê资料来源显示出不同时代之间社会晓背景ê差别。像tī第七章chia,就是绍介tī军事行动上有战功ê人为主要对象,因为án-ne,会一再强调in是「ē-tàng作战ê战士」(第2节、第5节、第7节、第9节、第11节、第40节)。

Chit段经文是记载以萨迦ê后代族谱。Chit段族谱thang参考创世记第四十六章13节;民数记第廿六章23到25节。

第1到2节,chia写落来以萨迦ê四个kiáⁿ,m̄-koh延续记载ê只有大kiáⁿ陀拉ê kiáⁿ孙,讲陀拉有六个kiáⁿ,而且后来lóng成做「族长」,chiah-ê人tī大卫王时代lóng是「英勇ê战士」。Á紧接chit句话ê是「in ê后代有两万二千六百名」。表示chiah-ê人lóng是用ē-tàng相战ê为计算人口,而且时间lóng是tī大卫时代。

第3到5节,chit段经文是延续陀拉ê大kiáⁿ乌西,伊ê后代koh khah兴旺,m̄-nā「有真chē bó͘ kah细姨kah子女」,而且in ê「后代中有三万六千名ē-tàng作战ê战士」。然后tī第5节作一个简单ê结论,讲以萨迦支族ê族谱上,共计列了「八万七千名ē-tàng作战ê战士」。Kā chit句话对照士师记第五章15节,就会发见该支族ê首领bat率领ē-tàng相战ê勇士参与底波拉kah巴拉联合对抗迦南族ê人。

重新查询 专卷研经 历代志上系列
错误回报,请联系comm[@]fhl.net