Chit段经文thang参考列王记下第廿五章8到17节。记载ê内容差不多lóng仝款。

这是teh描写耶路撒冷城被毁坏、圣殿被烧毁ê经过。对以色列民族来讲，这是非常艰苦心ê一件事，因为久长以来，in lóng有一个看法：耶路撒冷城是无法度攻破ê，m̄-koh tī主前597年虽然m̄是被攻破，却是开门hō͘外国军队攻入。Koh khah严重ê是，自所罗门王建造圣殿以来，以色列人民一直认为：耶路撒冷圣殿乃是上帝khiā起ê所在，他为tio̍h家己ê荣耀，必定会固守该圣殿无受外族人ê侵犯，因为外族人进入圣殿，等于是亵渎了圣殿ê神圣仝款ê严重。M̄-koh tī主前597年巴比伦王尼布甲尼撒就已经差遣军队进入，并且搜刮了一切贵重ê物件。

第12节，「巴比伦王尼布甲尼撒ê第十九年五月十日」，在列王纪下第廿五章8节讲「七日」，真确ê日子bē-tàng而知。巴比伦王ê「顾问兼侍卫长尼布撒拉旦」率兵进入耶路撒冷。

第13到14节，chit节讲尼布撒拉旦下令tio̍h「放火烧毁圣殿、王宫，kah城里达官贵人ê大厝」。这mā是圣殿第一pái被烧毁，对以色列民族来讲是一个非常痛心ê事。撒迦利亚书第七章5节kah第八章19节等等，lóng记载以色列人民每年lóng有固定ê时间禁食哀伤。犹太历ê五月初7，mā就是耶路撒冷城沦陷、圣殿被烧毁ê日子，就是主前586年八月14日，以色列人民lóng会举行禁食祈祷，为tio̍h是beh表示哀伤。 

第15到16节，顶pái掠去巴比伦做奴隶ê人所chhun下ê，chia讲koh一pái kā向尼布撒拉旦「投降ê人，以及技工lóng掠到巴比伦去」。换句话讲，南国犹大ê以色列人民中，所有ê菁英尽数hông掠去巴比伦做奴隶，只chhun「siōng穷苦ê人留tī犹大」，然后chiah-ê siōng穷苦ê人会tī「葡萄园kah田里工作」，表示hō͘ chiah-ê人自生自灭ê意思。

第17到19节，顶pái，巴比伦军队是搜刮了所有贵重ê器物（参考列王记下廿四：13—17），chit-má尼布撒拉旦m̄-nā是进入圣殿，而且iáu「phah碎了圣殿ê铜柱、铜座，kah大铜海」，kā chiah-ê phah pháiⁿ ê铜片lóng「运到巴比伦」。Mā同时搜刮了所有「礼拜用ê各种铜器lóng带走」，chiah-ê器物lóng是用纯金、银、铜「铸造ê各种器具」等物lóng带走。In带去巴比伦供俸hō͘巴比伦人ê主神彼勒（参考五十一：44、五十：2）当做礼物。
 
第20到23节，chit段经文thang参考列王记上第七章15到22节。

Chit段经文讲所罗门王建造圣殿ê时，所有敬拜用á是装饰用贵重ê物件，一概lóng被搜刮殆尽，单单tī铜器方面，其数量ê chē，ná亲像作者tī chia所讲ê，「chiah-ê铜器ê重量无法度thang称」，意思是无够额ê磅秤thang秤出chiah-ê铜器ê重量。