重新查詢  A+放大  A-縮小
經文：

創世記 1:1-1:31

註釋:

通常chit段經文hông稱做是第一個創造ê故事。
Tī創造開始ê第一件事，就是上帝先運行祂ê「靈」tī「水面」。這真重要，因為以色列文化認為「大水」、「海」lóng是威脅性命ê氣力。因為án-ne，上帝創造萬物chìn前，一定tio̍h先kā chit種威脅性命ê氣力kā它控制落來，á是kā它降服，了後，chiah開始祂奇妙ê創造。這mā說明真tú好ê創造，就是帶來性命。

這第一個創造ê故事有幾個特色：

第一個特色是上帝用「命令」來創造宇宙萬物（參考第3節、第6-7節、第9節、第11節、第14節、第20節、第24節、第30節）。上帝創造萬物無材料，唯一ê就是祂（命令）。

第二個特色是除了第二工ê創造，因為iáu未全部完成，因為án-ne無講「好」之外，其餘每工創造後，上帝lóng有經過自我評鑑，了後就會講「上帝看XX是好ê」，表示完成（參考第4節、第10節、第12節、第18節、第25節、第31節）。Tio̍h注意ê所在，是tī第三工上帝連續講了兩pái「是好ê」（參考第10節、第12節）。這mā說明只要是上帝創造ê，lóng是好ê。

第三個特色是每項創造lóng是「各種各類」分kah真清楚。Ē-tàng看出上帝創造之初，lóng是真有秩序ê，bē混雜、混亂，卻是分類清楚（參考第11節、第12節、第21節、第24節、第25節、第26節），m̄-nā植物án-ne，動物mā是án-ne。

第四個特色就是真有秩序，作者tī上帝每工創造後，lóng會用chit句「晚間過去，清早來臨」（參考第5節、第8節、第13節、第19節、第23節、第31節）來形容上帝創造ê秩序。

第五個特色是上帝創造chiah-ê動、植物了後，就會賜福hō͘ chiah-ê生物，上帝ê賜福是hō͘伊延續性命，因為án-ne，作者tī第11到12節用「有產五穀ê，mā有結果子ê」chit句話來形容植物繁延性命，然後用「繁殖」一詞來形容動物（參考第20節、第22節、第24節），á用「生湠chē-chē」形容人類（參考第28節）tī性命上ê延續。

第六個特色是顯示出對照ê成果：有光kah暗、日kah夜、天空kah大地、陸地kah海洋、日頭kah月娘、星辰、有男有女等。

第七個特色是只有造人ê時chūn，是用上帝ê「形像」來創造，而且同時造「男」、「女」，主要目的，是beh人參與上帝ê工作，好管理一切受造物，這mā是上帝用祂ê形像造人ê原因。

Tī chit章ê創造中，咱thang kā它分做二個組別：

第一組（第一到第三工）：
第3到5節ê光kah暗。
第6到8節ê穹蒼kā水分做頂下。
第9到10節ê陸地、海洋。

第二組（第四到第六工）：
第14到19節ê光體分開了日kah瞑。
第20到23節ê地下ê水裡有生物，以及空中有飛鳥。
第24到25節ê地上有人，有動物、植物。

Tùi chia thang看tio̍h一個明顯ê創造秩序：就是tī第一組是先造出基礎，然後第二組tī基礎上有加添需要ê物品。親像先造光kah暗（第一工），然後第四工造光體強化光kah暗ê區別（第四工）。

以上是六天ê創造情形kah特色。
經文：

創世記 2:1-2:17

註釋:

創造中以「第七工」達tio̍h高峰。作者講上帝因為「完成了伊創造ê工作就歇工」，這表示第一章所敘述ê創造已經全部完工，因此tī chit-ê「第七工」歇工歇睏，m̄-koh上帝特別「賜福」、「聖化」chit工。這mā是第一個創造故事siōng重要ê中心思想。

「安息日」就是tùi chia延伸出來ê（參考出埃及記二十：8—11）。作者講chit工是帶有上帝「賜福」ê日子，mā就是tī chit工所有ê人lóng tio̍h停止一切工作，專心敬拜上帝，用chit種方式來回應上帝ê疼，mā因此得tio̍h上帝ê賜福來加添性命ê氣力。

Chit段經文通常hông稱做是第二個創造ê故事。

Chit份創造ê資料來源，比頭前第一章創造ê資料來源會khah早。Tī chit份創造故事中，作者以「地」做基礎，以「人」做中心，人是一切受造物ê開始，然後地上所有受造物lóng是為tio̍h人ê需要來造。Chit-ê觀念kah第一章所表達ê人是萬物最後chiah造出來，為tio̍h是beh替上帝管理受造物，二者之間看法完全無仝。

作者用「擬人法」chit種特殊筆法寫創造ê故事，親像：上帝用捏土ê方式造人，這就ná親像一個陶匠teh捏造陶器仝款。Kah下一章kah人講話ê景況，lóng是kā上帝以「人ê型態」表達出來。

第5節，chia有一個關鍵ê字眼，就是「無」。作者以「無」當做創造ê開始，表明ê kah第一章是仝款ê基本信仰：上帝是tùi從來m̄-bat有來開始祂ê創造。作者特別強調tú開始之初，地上無草木、菜蔬、雨水等，意思是teh指一切生物lóng iáu未開始，mā無生存ê條件。

第7節，chit節講上帝造人了後，「Kā性命ê氣pûn入去」人ê鼻孔，hō͘人「成做有性命ê人」。重點tī上帝「pûn氣」。Chia所講ê「氣」並m̄是指「靈魂」，卻是teh強調人會「有性命」，是kah上帝有bē-tàng分離ê關係。Á第一章則重視tī人ê身上有「上帝ê形像」（參考一：26—27）。

第8到15節，chit段經文開始紹介「伊甸園」，意思是teh指「樂園」。有含「快樂」、「歡喜」、「滿意」ê意思，mā thang講是一種性命ê泉源ê意思（參考以賽亞書五十一：3），ná親像顧羊人牧放牛羊四界chhōe青草水源時，發見一大片綠洲ê心情般，hit種興奮之情，表達出來ê是ná親像chhōe-tio̍h一片「伊甸園」。

Tī「伊甸園」中有「相對」ê存在，一是賜性命ê樹，二是hō͘人辨別善惡ê樹。所謂「辨別善惡」是teh指：hō͘人遠離認bat上帝。

Chit段經文為第三章人犯罪先埋一個案底，因為人並無注意tio̍h tī siōng súi ê伊甸園中有「約」。

第15節，是chit-ê創造故事ê中心經文：chia講上帝造人，為tio̍h是beh人「種作」，看守「伊甸園」。這kah第一章所提起ê上帝ài人管理萬物ê意思仝款。

第16到17節，chia真清楚提起禁止令，就是「絕對bē-sái食」園中hit叢「ē-tàng hō͘人辨別善惡ê樹所結ê果子」，若食了，「hit工一定會死」。Chia所講ê「死」，表明kah上帝創造ê本意相違背，會hō͘上帝隔離出來。
經文：

創世記 2:18-2:25

註釋:

Chit段講出上帝創造cha-bó͘人，以及女人kah cha-po͘人之間ê親密關係。

第18節ê「人單獨生活無好」，這表示上帝創造人了後，經過一段時間ê評鑑後所下ê結語。所以上帝決定beh替人chhōe「伴侶來幫助」chit-ê人。

第19到20節，上帝kā所有ê受造物lóng帶到人面前，hō͘人選取，並且mā hō͘人為受造物「號名」。這號名ê動作表示人thang「管理」、「贏過」這一切受造物。因為tī希伯來文化中，ē-tàng為某一個對象號名，表示對受號名者有「掌控」之權，ná親像父母對幼年ê子女有管理之權kah責任仝款。M̄-koh，tī所有受造物中，卻chhōe bē-tio̍h「一個適合」thang kah人做伴，thang「幫助」人ê。

第21到23節，上帝tùi本來造出來ê「人」身上「the̍h下伊ê一條胸坎á骨」，用chit支「胸坎á骨」造出另外一個人來。Chit-ê人就是「女人」。然後kā chit「女人」帶到「男人」面前。所以chit-ê cha-po͘人就kā chit-ê beh來幫助伊ê人稱做「女人」。Chia所講ê「幫助」，是teh指hō͘性命koh khah完美。Mā就是講，欠缺女人，男人ê性命是「無好」。男人ê性命之所以ē-tàng延續落去，是因為有女人ê緣故。所以男女相結合是「一體」，無法度分開。

第24到25節，chit兩節講出一個家庭ê開始，就是tùi夫妻結合開始，夫妻ê性命是「一體」ê，無法度分開（參考馬太福音十九：5—6）。

第24到25節，chit兩節講出一個家庭ê開始，就是tùi夫妻結合開始，夫妻ê性命是「一體」ê，無法度分開（參考馬太福音十九：5—6）。
經文：

創世記 3:1-3:13

註釋:

這是非常重要ê一章，因為tùi chit章開始，充分表達聖經一個主題：人ê性命為甚麼會有苦難？這是kah人違背上帝ê命令有密切關係。Kui本創世記ê中心主題，就是tùi chit章5節ê人想beh「親像上帝」仝款thang掌管一切chia開始，然後直到創世記第五十章19節，約瑟對伊眾兄哥講，伊「無法度代替上帝」作結束為止，其中所串做伙ê，竟然lóng是人犯罪ê記錄，mā說明人性命苦難ê原因。

Chit段經文描述人怎樣tī奸巧ê蛇ê誘惑下，做違背上帝旨意ê事。

第1節，蛇是萬物中siōng「奸巧」ê，chit-ê詞mā有另外一個意思是「赤身露體」。如果是相親相疼，就是「赤身露體」，是ân-ân地貼做伙。M̄-koh如果「心懷鬼胎」，he就是「奸巧」ê意思，是有含「故意扭曲」ê意思。Chia蛇就是故意扭曲上帝，thang食ê果子lóng m̄提，á故意講做「園á內任何果子樹ê果子」。

第2到3節，cha-bó͘人陷入蛇ê陷阱，就是kah它對話。

第4到5節，chit兩節是kui個故事ê中心。蛇否定了上帝ê命令──bē死。並且提出只要人食了hit-ê分辨善惡ê果子後，就會「親像上帝」，這是相當有誘惑力ê一句話。

第6到7節，cha-bó͘人聽蛇誘惑，果然伸手摘落來絕對bē-tàng食ê辨別善惡ê果子來食，然後koh kā它交hō͘丈夫食。結果，果然無死，chit點tú親像蛇所講ê，m̄-koh卻因為án-ne開了目睭，看見家己無穿衫，「赤身露體」，只好the̍h無花果樹葉來遮身，表示見笑。

第8到10節，雖然是hit尾蛇所講ê chiâⁿ實無死，ē-sái講是另外一種「死」卻出現，he就是kah上帝ê關係斷裂à。In開始逃避上帝，閃躲上帝ê來臨。因為驚惶，這是死亡ê另外一種記號。犯罪者共同ê態度，就是驚tú-tio̍h上帝。Chit對夫妻躲避上帝ê方法，就是用掩遮ê方式，隔離kah上帝ê關係。M̄-koh上帝開始來chhōe人，並且發出詢問「你tī tó位」，希望ē-tàng喚醒人ê心。

第11到13節，講出人犯罪了後ê具體行為反應：推諉責任。Chia cha-po͘人講是cha-bó͘人誘惑伊；cha-bó͘人講是蛇誘惑伊。M̄-koh無論án怎講，lóng逃bē過上帝ê審問。
經文：

創世記 3:14-3:21

註釋:

上帝開始執行祂ê審判。懲罰是嚴厲ê，而且先由蛇開始，續落來是cha-bó͘人，最後是cha-po͘人。Ē-sái講是因為人是生活tī大地上，結果人所生存ê環境──大地，mā因為人犯罪受tio̍h連累被罰。另外一方面，人因為是用土粉做ê（參考二：7），因為án-ne，懲罰人mā hō͘土地tùi án-ne受tio̍h懲罰。

第19節，chit節提起「死」。原本上帝造人ê時chūn並無講「死」，chit-má開始因為違反上帝soah帶來性命ê死亡。

第20到21節，chia說明亞當kah夏娃，就是人類ê開始。
經文：

創世記 3:22-3:24

註釋:

Chit兩節講出基督教信仰siōng重要ê根源：kah上帝ê關係切斷à。原因是人被懲罰ê結果是hō͘ 上帝逐出伊甸園，這表明性命無koh是興奮、喜樂、快樂，卻是變成了苦難，終生辛勞chiah會得thang生存。因為不聽從上帝á付出siōng koân ê代價。

第四章mā是屬tī siōng早期ê資料。Ná親像teh「認bat創世記chit本古老經冊」文中所講ê，這是一本描述罪ê代價，以及罪ê擴散之經冊。第四章說明chit-ê主題，人ê罪jú來jú嚴重。Tùi人違背上帝ê命令，續落來是人對性命採取殘害ê手段。
經文：

創世記 4:1-4:16

註釋:

Chit段經文描述該隱刣死家己ê小弟亞伯ê經過，以及上帝怎樣懲罰該隱。

第1到2節，「同房」，chit-ê詞講出kui章故事ê重點，上帝雖然對人違抗命令有嚴厲ê懲罰，m̄-koh iáu是賜hō͘人有延續性命ê氣力。「同房」mā講出夫妻之間ê關係，m̄-nā kan-taⁿ是「性」事，chit-ê字本身就是teh指「認bat」、「知影」ê意思。夫妻tio̍h彼此認bat chiahē-tàng算是夫妻，chiah ē-tàng「赤身露體」mā bē見笑。Chit節mā提供另外一個重要ê信息：性命是上帝所賞賜ê。無上帝ê祝福，性命bē出現。有上帝ê幫助，chiah有性命。因為án-ne，亞當kah夏娃就是tī上帝賜福下 kā「該隱」生落來。

「該隱」ê名ê意思是「得tio̍h」，而且歡歡喜喜得tio̍h，表示性命ê喜樂。Á「亞伯」ê名有兩種意思：一種意思是teh指「目nih-á」。Mā就是講「亞伯」ê性命所帶來ê喜樂時間是目nih-á久。另外一種意思是teh指「苦難」，表示死亡，是被謀殺來死。

第3到7節，該隱是「作穡人」，這表示是真進步ê時代。Á亞伯是「顧羊人」，表示比較困苦。M̄-koh上帝看重亞伯ê奉獻，卻「拒絕該隱kah伊ê祭物」。為甚麼上帝會歡喜亞伯ê獻祭，卻無接受該隱ê奉獻？聖經無說明，只表示該隱無「做該做ê事」（第7節）。

第7節是kui個故事ê重點，作者說明一點：做應該做ê事，chiah是siōng重要。真正ê問題是該隱無去做該做ê事，á是講伊做無應該做ê事。Ē-sái講是作者並無說明伊忽略甚麼，á是做甚麼無應該做ê事。

第8節，該隱果然是kah上帝所講ê仝款，繼續去做無應該做ê事，就是刣死小弟亞伯。

Chit節講出第四章siōng重要ê一件事：罪已經擴大到殘害上帝用祂ê形像所創造ê性命。原本上帝創造萬物ê性命是看做好，人卻用殘酷ê手段kā它殺害，這講出人ê罪之重。

第9節，上帝問該隱，該隱回答「m̄知」，chit-ê字tú好就是「同房」（認bat）ê反意，意思是：我根本就「m̄-bat」亞伯。意思是伊表示家己無義務照顧伊ê小弟亞伯。

第10到11節，chit兩節講出一個真重要ê希伯來生活文化觀念：血，teh代表性命。因為án-ne，in m̄食帶血ê食物（參考利未記十七：11）。Koh講，上帝創造ê萬物是有性命ê，土地就是其中之一。受冤屈ê性命ê血流入去土地，土地會替受冤屈ê伸冤。

第12節，thang看出該隱所受tio̍h ê懲罰比以前亞當所受tio̍h ê懲罰koh khah嚴重，因為人tùi伊甸園hông驅逐出來了後，chit-má soah連上帝ê面mā見bē-tio̍h。見bē-tio̍h上帝ê面，等於性命無保障仝款。

第13到14節，該隱知影chit種懲罰會hō͘伊成做被報復ê對象，因為án-ne，伊向上帝傾訴無法度承受án-ne重ê懲罰。

第15到16節，聖經一再強調慈悲ê上帝，會縮短á是降低祂ê懲罰。祂tī該隱「額頭做記號」，當做保護，免得伊遇tio̍h殺害。
經文：

創世記 4:17-4:24

註釋:

這是第一份族譜。創世記tī編輯上ê特色，就是用族譜來區隔，表明一個舊ê時代beh過去，kah另外一個新ê時代to̍h是teh beh來臨。

第17節，thang看tio̍h建築工程，á tī第21節thang看見藝術ê發展，有「彈琴、吹笛ê人」出現。

特別tio̍h注意是第22節ê族譜，提起「土八‧該隱是鑄造鐵器、銅器ê人ê祖師」，chit句話已經真清楚說明，這是一個真進步ê時代，有冶鑄工業出現。

第23到24節，看tio̍h該隱ê後代一直充滿tio̍h殺戮之氣，而且報復之心非常重，這絕對m̄是上帝所喜樂ê事。尤其是「tio̍h賠上七條命」kah「賠上七十七條命」，chit-ê「七」ê數字，lóng teh表明趕盡殺絕。若此，chit種族群必無法度永續存活落去。因為án-ne，上帝hō͘該隱ê後代滅絕。
經文：

創世記 4:25-4:26

註釋:

這是另外一份新ê族譜。

因為該隱ê kiáⁿ孫kah該隱真類似，殺戮、暴力ê事件不斷，殘害上帝創造性命ê尊嚴。因為án-ne，上帝hō͘該隱ê族群結束。另外一個全新ê時代開始，就是「塞特」。路加福音第三章38節是採取塞特chit-ê族譜，無用該隱ê。

第26節真重要，chit節講塞特ê kiáⁿ「以挪士」開始，chit-ê新ê世代「開始求告耶和華ê名」，表明人會聽從、意愛上帝，知影kah上帝維持和好ê關係。
經文：

創世記 5:1-5:2

註釋:

Chit章是屬tī「祭司文獻」ê資料。Chit種資料有一個特色，就是對數字、族譜真講究。另外一點，祭司文獻所提供ê族譜會一再重複「生男育女」chit種語句，這表示ê意義是：上帝有賜福。因為若無上帝賜福ê恩典，就無生男育女ê能力，án-ne，性命是無辦法延續落去ê。Koh講，族譜lóng記載tio̍h每一個時代ê人最後lóng「死」了（以諾除外）。這說明一個性命ê定律：人因為同房chiah有娠、生kiáⁿ、最後死亡。Tī chit-ê性命之定律中，用人ê名kah歲數構成了人類歷史ê內容。

Tùi chit份族譜中，咱mā看tio̍h性命。

Ná親像頭前已經講過ê，對性命採取殺戮、報仇ê態度，m̄是上帝所歡喜ê。因為án-ne，該隱ê kiáⁿ孫結束。Chia重新開始講述亞當ê kiáⁿ孫，就是tùi塞特開始，並且koh一pái強調這是「上帝用家己ê樣式」來造人，chit種「樣式」就是創世記第一章26節所講「上帝ê形像」，同時創造「有男有女」，並且是「賜福」hō͘人類，這賜福teh代表延續性命ê氣力。
經文：

創世記 5:3-5:32

註釋:

Chit-ê族譜就重新開始，因為án-ne，tùi亞當開始講述起。Tī chit份族譜中ê第七代是「以諾」，作者特別強調以諾「kah上帝有密切ê交往」，因為án-ne，上帝kā伊「接去，伊就phah m̄見去」，這mā是聖經中記載兩個無死ê人ê一，另外一位是以利亞（參考列王記下二：11—12）。

第十代是「挪亞」，伊ê名表示「安息」、「安慰」ê意思。人原本因為犯罪受懲罰了後，一定tio̍h kui世人辛勞（參考三：17）甚至辛勞種作，「土地mā不生產」（參考四：12），m̄-koh chit-má終其尾thang得tio̍h「安息」。挪亞ê出現，說明一個拯救時代ê來臨。因為án-ne，chit份族譜mā為以後第六到九章挪亞ê故事做事前ê準備。Tio̍h注意，chia並無講挪亞死ê時chūn是幾歲，chit部分tio̍h一直等到第九章28節記載：「大水以後，挪亞koh活了三百五十年。伊死ê時chūn是九百五十歲。」án-ne chiah算完整。

真chē人ài問一個問題：古代ê人kám真正有活hiah-ni̍h久？以色列民族tī時間ê計算上，kah台灣人ê農民曆真接近。是m̄是真正有活到hiah-ni̍h久？咱m̄知。不過，chiah-ê數目kah以色列文化tī數目ê象徵觀念上極密切，親像每一階段ê歲數lóng kah「五」kah「七」合起來有關。Á chit兩個數目lóng teh表示「好」ê意思。

Tùi第六章到第八章是另外一個單元。用挪亞為主軸，teh說明另外一個新ê世代ê來臨。Chit-ê新ê世代是用上帝為主。
經文：

創世記 6:1-6:8

註釋:

Chit段是siōng早期「耶和華文獻」ê資料。創世記chit本經冊是teh講述人犯罪，以及上帝ê拯救恩典ê冊。因為án-ne，每一個故事ê開始到結束是用chit種結構：人犯罪，上帝受氣，會懲罰；m̄-koh上帝有恩典，tī伊ê懲罰中，上帝mā會憐憫人ê軟弱。因為án-ne，人ê性命會得thang生存落去。

第1節開始就講tio̍h「人口開始增多，分佈全世界」。Chit句話已經說明上帝有賜福，mā是上帝原本創造時就賜福hō͘人類ê恩典（參考一：28）。

第2到4節，「神子」，原本用ê「神」字，是複數ê。表示真chē ê神ê意思，是teh指hiah-ê khiā tī上帝左右ê眾天使（參考列王記上廿二：19—22、約伯記一：6—12、詩篇八十二：1）。Chiah-ê「神子」kah hit位創造ê主宰、獨一ê神無仝。第3節特別強調人因為tiāⁿ-tiāⁿ犯罪，因為án-ne上帝特別縮短了人tī世間ê歲月，tùi第五章所講ê用百計算，縮成siōng koân年限「一百二十歲」，chit-ê歲數mā是東方社會公認siōng koân ê年限，ná親像台語所講ê「活到百二」仝款。

第4節提起「巨人」，tio̍h怎樣解釋in tú-tio̍h身材高大ê「巨人」問題，thang參考民數記十三：31—33，撒母耳記上第十七章 4到7節，記載大衛王kah巨人歌利亞ê戰爭，描述歌利亞ê身高、型態已經超過以色列人ê經驗，soah hō͘ in產生驚惶。另外一點tio̍h處理ê是：天頂靈界侵犯人類ê世界，致使上帝ê不滿。因為án-ne，hō͘人koh khah痛苦，因為上帝ê靈永遠離開了人類。Chia說明一件重要ê信息：規律、限制。上帝造人以及萬物時，是tī一定ê空間中。Pôaⁿ過應該有ê空間對性命就是一種生存ê危險（第十一章1到9節巴別塔ê故事koh一pái表達了chit種訊息）。因為he是違背上帝旨意ê。因為án-ne，人kah「神子」通婚，hō͘人超越人ê界限，帶來ê就是性命ê負擔，m̄是賜福。

第5節，「人類ta̍k個邪惡，頭尾心懷惡念」，chit句話成做上帝beh毀滅大地先做一個伏筆。Chit節講上帝「看見」，這是teh指長期觀察後所得ê。親像上帝觀察以諾，伊一世人lóng是kah上帝交往，chiah會得thang hō͘ 上帝接去。

第6節，chia ê「後悔」一詞，是teh指上帝痛心、艱苦心（憂傷）ê意思。上帝會án-ne悲傷，是因為人類逼祂做祂siōng無歡喜做ê事──審判人類。因為審判人類會koh牽連到hō͘人類生存ê土地受傷。換句話講，審判人類，等於是上帝對家己創造ê宇宙萬物kā in否定仝款。這就kah-ná人否定了家己所努力、用心工作ê結果時，hit種心中ê艱苦心是仝款ê。

第7節，chit節kā以後ê大水故事做序言。說明大水ê由來乃是因為上帝懲罰ê緣故。因為人受造是為tio̍h beh管理萬物，chit-má人既然無法度管理家己，受造ê萬物一定會失序，因為án-ne，萬物連帶受拖累。Chiah-ê觀念lóng kah第三章17節ê「土地會因為你違背命令來受詛咒」ê講法是一致ê。

第8節，「上主kah意挪亞」tī犯罪到「人類ta̍k個邪惡」ê時，獨獨挪亞是上帝所歡喜ê對象，這就為kui個拯救工作先埋落來伏筆。因為挪亞hō͘ 上帝歡喜，伊就成做上帝揀選kah立約ê對象。
經文：

創世記 6:9-6:12

註釋:

Tùi第9節開始，直到最後ê第22節，lóng是屬tī「祭司文獻」ê資料。

第9到10節，chia講挪亞是「當代惟一ê好人」、「無缺點」。「好人」是表明「正直」ê意思。這是一個社會名詞，說明挪亞kah當代社會所要求ê規律相符合。「無缺點」，chit-ê是宗教名詞，意思是teh指獻祭ê牲禮一定tio̍h是án-ne。換句話講，挪亞tī當代社會m̄-nā tī道德規律上真「正直」，而且tī信仰上mā是「照上帝ê吩咐一一去做」ê人（參考第22節、第七章5節）。

第11節，chit節kah前兩節所講ê是kah挪亞相對，指出其餘ê人lóng是「邪惡ê」。

第12節，koh一pái重述第5節所講ê。
經文：

創世記 6:13-6:22

註釋:

Chit段經文記載上帝hō͘挪亞ê命令thang分做兩個部分；一是第14到16節，建造一艘船；二是第18到21節，船內beh裝載ê內容，包括人kah其他動物。

第13 節、第17節，chit兩節lóng是說明上帝對挪亞下達chiah-ê命令ê主要原因，就是上帝「決定滅絕人類」，並且包括「地上ê一切lóng會滅絕」。

第18節，「m̄-koh，我beh kah你立約」，這是真重要ê經文，因為chia講tio̍h上帝kah挪亞「立約」，立約ê主要目的是拯救。這就是kui本聖經siōng主要ê內容，beh說明上帝kah人之間有約，chit-ê約tio̍h是上帝ài beh進行拯救ê工作。Chia講上帝beh拯救挪亞、伊ê全家，mā包括beh拯救進入船艙裡ê所有「牲畜、爬蟲、飛鳥」等。

注意第19到20節，chia講所有ê動物lóng tio̍h「各一對，一公一母地帶到船內」，這kah第七章所提起ê有分別清氣kah無清氣ê大無相仝。

第22節，「挪亞照上帝ê吩咐一一去做」，chit句話tú好反映出挪亞「kah上帝有密切交往」ê基本態度：伊照上帝ê旨意（命令）去做事。關係性命ê問題，就一定tio̍h án-ne。特別若是想beh得tio̍h上帝拯救ê恩典，就一定tio̍h照上帝ê吩咐去做。
經文：

創世記 7:1-7:5

註釋:

Chit章是由siōng早ê資料kah晚期ê「祭司」文獻資料交hō͘編輯而成ê。

Siōng早ê資料講進入大船內ê是「公母七對」，á「祭司」文獻ê資料則講「一公一母」。雖然無仝款，m̄-koh講出一個重要ê信息：上帝雖然相當受氣，因為世人表現出來ê竟然是「ta̍k個邪惡，頭尾心懷惡念」，m̄-koh祂iáu是顧念人以土粉所造，tī極大ê受氣中，iáu是有保存人ê性命，並且hō͘人ê性命會得thang延續落去。

Chit章thang看tio̍h「七」kah「四十」ê數字一再使用。「七」表示「完整」、「神聖」。Á「四十」表示「適合」、「完美」、「tú好」ê意思。

Chit段經文表示挪亞已經kā上帝命令ê方舟造好了，因為án-ne，上帝命令挪亞kah「全家ê人lóng tio̍h進入來船內」去，原因是上帝發見「只有」挪亞tī伊hit世代「行為正直」。

第2到3節，chia講「宗教禮儀定tio̍h潔淨ê」tio̍h帶「七對」入船，「無清氣ê」只帶「一對」，包括牲畜kah飛鳥。會án-ne，是因為獻祭時需要ê是「潔淨ê」chiah thang。

第4節，chit節講上帝beh降「大雨四十暝日」，這「四十」ê數目表示大雨kā繼續落到人kah萬物lóng無法koh再承受落去ê階段，直到上帝kā家己所「創造ê一切生物lóng消滅」為止。M̄-koh相對ê，chiah-ê進入大船內ê一切動物，lóng ē-tàng保全落來。

注意第5節，chia koh一pái講「挪亞遵照上主ê命令一一做」，表明挪亞確實是聽從上帝ê人。Mā因為挪亞是chit種人，m̄-nā伊kah伊ê全家得救，kah伊同齊生活tī土腳ê動物mā lóng得tio̍h拯救。這mā講出一個信仰理念：人犯罪，人、土地、萬物就lóng受詛咒。顛倒，人稱義，人、土地、萬物就lóng受祝福。
經文：

創世記 7:6-7:10

註釋:

第6節開始就講「挪亞六百歲ê時chūn，大水氾濫大地」，chia先作簡單ê敘述，然續後落來tī第11節，連月日lóng標示出來。

第7到9節，chia講挪亞kah伊ê全家，以及所有揀選出來ê七對潔淨kah一對無清氣ê「牲畜、飛鳥、爬蟲」等，lóng按照「上帝ê命令」跟tòe「挪亞上船」，這mā說明，無論甚麼人，想beh存活，就一定tio̍h照上帝ê命令做tāi-chì。Chit段mā說明上船lóng是真有秩序ê。無秩序，就kan-taⁿ會帶來死亡。

第10節，「七工後」，表明ê可能是確實ê數字，m̄-koh可能是teh指所有該進入大船ê生物，lóng已經進入，而且穩定落來了後，「大水氾濫大地」就開始à。
經文：

創世記 7:11-7:16

註釋:

Chit段經文特別強調地下深淵ê水冒出來，天空ê水閘門mā phah開，án-ne天頂kah地下腳互相夾攻人類khiā起ê大地，表示必定毀滅殆盡無疑。

第11到12節，chia講出挪亞六百歲ê hit年「二月十七日」，大水開始氾濫，ē-sái講是一發bē-tàng收拾。天頂ê水閘門phah開後，就「傾盆大雨」倒落來，á地下ê「泉源lóng裂開」，án-ne時間長到「四十暝日」，表示天頂降落ê水kah地下腳冒出來ê水，連續無停，直到飽和為止。

第13到15節，ná親像重新創造仝款，所有進入大船中ê挪亞一家人，kah「野獸、牲畜、爬蟲，kah飛鳥mā各照牠ê類」，這mā表明非常有秩序tī大船中。大船本身ná親像新ê創造一般。

第16節，「上帝替挪亞kā船門關起來」，這表示有上帝保護、看守，一定真安全，水bē滲透到船ê內面去。
經文：

創世記 7:17-7:24

註釋:

大水，原本就是希伯來文化中認為對性命威脅siōng大ê氣力。

「四十」表示ê意義，就是適當，因為án-ne，chiah會「hō͘天下所有siōng koân ê山峰lóng淹密」，浸tī水內。這mā表示無任何野獸、牲畜、飛鳥ē-tàng生存，人類mā是仝款，「lóng死了了」。

第22節，「地上一切有氣息ê生物」，chit句話回應了第二章所提起，上帝用土粉造人kah所有動物ê時，上帝吹了氣息，hō͘ chiah-ê用土粉造出來ê動物因為上帝ê氣息chiah存活，成做有性命ê活物。chit-má lóng消滅à。

第23節，chit節koh一pái強調「只有挪亞以及kah伊tī船內ê會得thang存活」。

第24節，天頂、地下出來ê大水，氾濫四十工久，然後大水淹無大地長到「一百五十工」，這表示無任何一個所在無tī水下腳。
經文：

創世記 8:1-8:5

註釋:

Chit章主要teh說明：經過一百五十工浸tī水內後，水終其尾停了，而且開始退à。

第1到5節，chit段經文講水開始退à。是因為上帝會記得大船內ê一切，這lóng是祂揀選ê對象，mā是上帝beh拯救ê對象。

第1節，「上帝絕對無bē記得挪亞kah所有kah伊tī船內ê動物」，chit句話kā kui個大水故事講出上帝拯救工作ê動力來源。當上帝「bē記得」人ê時chūn，he是苦難以及性命死亡ê開始。M̄-koh，當上帝記tiâu人ê時chūn，性命就有希望。

創造ê上帝， ē-tàng命令「風吹大地，水就開始消退」。所有受造物lóng會聽從上帝，連風mā聽祂ê命令做tāi-chì。

第2節，回應第七章11節，ē-tàng phah開á是關密天頂水閘門，kah地下深淵水泉ê，lóng只有上帝chiah有辦法。因為án-ne，水無koh降落mā無koh冒出來。經過風一吹，就開始退。

第3節，chit節回應第七章24節。

第4到5節，tùi二月十七日到七月十七日，整整五個月ê時間。船會「擱」tī山頂，表示水退到露出山峰。
經文：

創世記 8:6-8:19

註釋:

Chit段經文講述挪亞開始測試外面ê水消退ê情形。

第6到12節，chia講第一pái放出ê「烏鴉」，並無tńg來。表示水iáu未退到完全thang歇，烏鴉是飛到倦tah-tah soah死去。M̄-koh mā可能因為汪洋一片soah迷路，chhōe bē-tio̍h船擱淺ê所在。

第二pái放出ê是「粉鳥」，仝款chhōe bē-tio̍h歇腳ê所在，只好飛tńg來。

第10到11節，chia講經過「七工」，這表示開始有上帝賜福，因為án-ne，chit-pái放出去ê粉鳥嘴中「叼tio̍h新ê橄欖葉á」，表示樹木已經露出來，而且puh出新芽。這是第三pái。

第12節，koh一pái經過「七工」，chit-pái粉鳥無koh tńg來，表示整片大地lóng露出來，而且ē-tàngchhōe-tio̍h歇腳ê所在à。這是第四次。

第13節，講tio̍h「挪亞六百零一歲hit年，正月初一，大水全部消退」，chit句話真有意思，因為chit句話說明一個全新ê年代開始，新ê世代mā因為án-ne開創出來。

第14節，「到à二月二十七日，地面全部乾了」，chit句thang參考第七章11節，tùi開始出水，到水全lóng退了，大地koh乾了，án-ne足足一年ê時間。

第15到17節，上帝命令挪亞tio̍h chhōa所有船內ê厝內人kah一切kah伊進入船內ê動物出大船。

第17節ê chit句「hō͘ intī土腳繁殖，佈滿大地」，chit句話已經講出上帝對船內所揀選ê一切lóng kā in賜福，hō͘ in lóng有豐富ê性命力。

第18到19節，挪亞聽從上帝，就chhōa全家kah所有一切lóng離開大船。第19節用「所有ê牲畜、爬蟲，kah飛鳥mā各照牠ê類，成群出船」，頂pái進入船艙ê時chūn，mā是án-ne，chit-má出船艙mā仝款，lóng是真有秩序「各照牠ê類」地行出來，這表示新ê秩序是án-ne開始ê，ná親像原始創造ê時chūn，mā lóng是「各照牠ê類」（參考一：12、21、25）仝款。
經文：

創世記 8:20-8:22

註釋:

短短幾節經文，講述挪亞對上帝ê敬虔。

第20節，挪亞表示對上帝救恩ê感謝，就「建造一座祭壇」，用潔淨ê動物獻祭hō͘上帝，表示感恩。獻祭就是敬拜，表示人ê心中有上帝。Bē敬拜ê人，心是遠離上帝ê，因為獻祭mā是teh表示感恩。知影感恩ê人，chiah會知影謙卑。挪亞深深知影，伊kah全家以及所有ê動物之所以ē-tàng保存性命，乃是因為上帝憐憫ê緣故。伊用獻祭表明kah上帝之間有密切ê關係。

第21到22節，上帝知影「人自細漢就心思邪惡」，chit句話表示人ê軟弱kah有限。因為án-ne，上帝決定絕對無koh親像chit-pái仝款，毀滅大地。M̄-nā án-ne，四季ê 替換lóng會照原本創造ê樣式，真有秩序流轉。
經文：

創世記 9:1-9:7

註釋:

Chit段經文記載上帝kah挪亞立約ê經過。

第1節，tī大水了後馬上提起上帝ê賜福，伊ài挪亞kah伊ê眾kiáⁿ「生湠chē-chē」，thang hō͘ in「遍滿世界」。這mā是創世記第一章28節所講ê，上帝創造人類了後ê賜福。因為án-ne，咱tùi chia看tio̍h大水了後所代表ê時代就是一個重新創造ê時代。

第2節，提起人類beh「管理」所有一切受造物，這mā是kah創造之初上帝對人類ê交帶仝款（參考一：28）。

第3節，chit節kah本來創造之初有差別，是人tùi原本食菜蔬、五穀，開始有肉食。Tī第七章2節講tio̍h進入船內ê動物，潔淨ê動物有「公母七對」時，已經為chit節經文設落一個伏筆，chit-ê伏筆m̄-nā為tio̍h beh hō͘人有肉食，而且mā為第九章1節挪亞出船後獻祭ê tāi-chì留了一筆。因為有「七對」，chiah有夠額ê潔淨動物thang來獻祭kah食用。

第4節，「bē-sái食帶血ê肉」，chit節thang參考利未記第三章17節。Tio̍h注意ê是chit條禁令，乃是teh保護hiah-ê被殺ê受造物。因為血有含性命ê意思，因為án-ne，chit節正確ê瞭解是：你bē-tàng同時食動物ê性命，koh同時食牠ê肉。 

第5到7節，koh一pái強調性命ê重要性，就是用血來表示延續性命ê記號。第7節mā是teh回應第1節所講ê。
經文：

創世記 9:8-9:17

註釋:

立約，這是kui本聖經中siōng重要ê信息之一。上帝m̄-nā是kah人立約，mā kah所有一切受造物立約。立約ê主要內容是beh保護一切受造物。

第8到10節，chia講tio̍h上帝beh kah挪亞立約，chit種約真特別，是會延續到伊ê「kiáⁿ-kiáⁿ孫孫」。這mā說明約是延續性ê。Koh講，上帝m̄-nā kah挪亞以及後代kiáⁿ孫立約，mā kah「所有ê動物」，mā就是tùi船內出來ê一切動物「立約」。

第11節，這是teh回應第八章21節。

請注意，chia ê「立約」，m̄是雙方面ê，因為如果是雙方面ê，he是一種所講ê「協約」。M̄-koh chia ê「立約」是單方面ê，而且包括動物在內。因為án-ne，正確瞭解chia ê立約是teh指「保護」ê意思，上帝beh保護人kah動物。Á咱知影，人kah動物ê生存空間需要植物，換句話講，是teh指一切受造物lóng包括à。

第12到17節，chit段經文講上帝用「虹」當做立約ê記號，只要出現虹，就知影bē koh再有大水出現，bē親像chit-pái仝款消滅大地所有ê動物kah人類。
經文：

創世記 9:18-9:27

註釋:

Chit段來自古老資料ê經文，中心主題在tī：(1)閃、含、雅弗chit三個人ê名，所代表ê是人類ê意思。作者kā人類分做三大族群。(2)beh描述一個既有ê事實：為甚麼以色列民族kah迦南人之間有極大ê衝突。

第18到19節，tùi大船出來ê只有挪亞一家人，因為án-ne，chia講挪亞ê三個kiáⁿ，就是人類分佈「全世界」ê祖先。

第20到23節，chit段經文主要teh說明兩件中心信息：一是挪亞開始teh過作穡人ê生活。表示這是非常進步ê時代，已經進入農業社會，有安定ê生活，chiah有土地種作、栽種。

第22節，chia講含因為看見老父挪亞赤身露體，就去kā兩位兄弟講，chia所講ê「kā xx講」是有含輕視ê語詞。

第23節，chit節講閃kah雅弗m̄敢用輕視ê態度看老父。因為án-ne，in遮老父ê身軀。

第25到27節，chit三節一再重述迦南ài做其他兄弟ê奴隸。這可能ê背景是因為以色列人民teh進入曠野時代，kah迦南人有極大ê衝突。Koh講，in khiā起tī迦南ê時，mā因為受當地文化ê影響真深，致使一再背棄上帝。因為án-ne，用chit種語句描述in二者之間無可能同時平等做伙。第三，做一個兄弟成做其他兄弟ê奴隸，he mā是真大ê侮辱。為甚麼含beh受án-ne ê詛咒？除了是本來ê衝突之外，mā teh暗示當伊看tio̍h老父挪亞赤身露體之時，無為老父遮蓋，卻是用「侮辱」ê態度teh渲染老父ê裸態。
經文：

創世記 9:28-9:29

註釋:

Chit兩節補足了第五章32節，有關挪亞族譜中無完成ê部分。Chia講挪亞共計活到九百五十歲chiah死。
經文：

創世記 10:1-10:32

註釋:

Chit章是一般siōng常受疏忽ê族譜。Chit章ê作者認為之所以有無仝口音、語言，是因為in khiā起ê所在無仝ê緣故（參考第5節、第20節、第31節），chit-ê看法kah第十一章ê作者對tī族群分散在地面上ê看法差別真大。第十一章用巴別塔ê故事說明一個重要ê問題：人會彼此之間有語言上ê差別，乃是因為受tio̍h上帝懲罰ê緣故。M̄-koh tio̍h注意ê是tī第5節、第20節、第31節ê經文，其背景lóng是比巴別塔故事ê來源khah慢ê作品，mā是屬tī「祭司」文獻ê資料。巴別塔故事是出tī古老ê資料，差了約四百年ê時間。可見二者之間對tāi-chì ê瞭解有極大ê差別。
另外一點，第6節特別說明含ê kiáⁿ包括埃及人kah迦南人。Tī第九章一再強調「迦南」會做其他兄弟ê奴隸。換句話講，chit種講法所beh表示ê就是無包括「埃及人」在內。Tī申命記第廿三章7節講：Tī申命記第廿三章7節講：「M̄ -thang 怨恨以東人，因為伊是你ê 兄弟。M̄ -thang 怨恨埃及人，因為lín bat 出外tī hia。(全民版)」

Chit份族譜ê特色是，用族譜ê方式描寫國家ê形成。民族kah國家分bē開，國家親像一個民族，mā親像一個大家族。

Chit份族譜另外有一點值得注意ê是：作者用族譜ê擴大，表明上帝就ná親像祂kah挪亞立約時所講ê仝款，beh賜福hō͘人類，hō͘人類有能力生湠chē-chē，遍滿全世界（參考九：1）。上帝是信實守約ê上帝。Koh講，舊約族譜中ê名，特別是tī創世記、出埃及記中出現ê名，通常m̄是只代表一個人，mā是代表一個家族、民族、地區、城邦，甚至是國家。Chit份族譜總共提供「七十個」國家ê名稱，m̄-koh全世界m̄-nā chiah-ê國家而已。而且chit份族譜中，lóng無提起中國、日本、韓國等等chiah-ê亞洲國家。

第十章32節後半句講：「Chiah-ê lóng 是挪亞ê kiáⁿ ê 宗族，各照in ê 世系，in ê 邦國。大水以後，in tī 地上分做邦國。(全民版)」咱需要有chit種認bat：這是當時作者ê世界觀。因為伊所接觸ê範圍就是chiah-ni̍h大。當時ê交通kah今á日ê科技時代無仝，所ē-tàng知影ê mā受限tī當時ê環境。人類有比較寬闊ê世界觀，是tī文藝復興了後chiah有ê。因為án-ne，thang án-ne了解，聖經作者用族譜beh表達一件中心信息：無上帝ê賜福，性命就無法度延續落去。性命是tī上帝ê賜福中得tio̍h氣力。
經文：

創世記 11:1-11:9

註釋:

Chit章主要分做兩個部分，一是巴別塔ê故事（第1到9節），二是提出一份族譜，m̄-koh chit份族譜是「閃」族ê（第10到26節）。如果kā巴別塔ê故事編排tī第十章chìn前、第九章了後，án-ne讀起來會比較順暢些。因為in被分散tī世界各地，所以有無仝ê文化、生活習慣、語言，以及形成無仝ê國家。

Chit-ê建築高塔ê故事，中心點是hē tī：人想beh突破家己，hō͘受造ê人原本hông安置tī一定ê空間中，改變成做「向上」發展。這tú好kah第六章開始teh描述ê「有kóa神子」，突破了空間，「向下」來到人間娶súi ê cha-bó͘-gín-á做bó͘（參考六：1—8），有異曲同工之妙，二者lóng是屬tī古老ê資料，mā thang看出作者有一貫ê思想：上帝所創造ê、規劃ê，lóng是siōng好ê。想beh改變上帝ê創造，等於是kā人ê性命帶來痛苦。因為án-ne，chit段巴別塔ê故事並m̄是beh解釋人類語言變遷做目的，卻是beh說明人是án怎地想beh kah上帝爭奪統治宇宙萬物ê主權。

另外一方面，chit-ê故事mā講出一個重要ê問題：人想「親像上帝」（參考三：5），這是蛇誘惑人所講，á上帝ê干預是為tio̍h beh防止人「想beh án怎to̍h án怎	」。

Koh講，作者mā透過chit-ê故事講出一個事實：人自認真偉大ê成就「塔之高，高入雲霄」，m̄-koh tī上帝看起來，差不多是渺小到看bē-tio̍h，iáu tio̍h落來chhōe（參考第5節）。Chit二個之間ê cheng差實在無法度量，mā無法度估計，這tú親像先知以賽亞tī伊ê作品中所講ê，人ê思路kah上帝ê無仝；人想行ê道路也kah上帝ê計畫無仝款（參考以賽亞書五十五：8—9）。
第1節，「起初」，ná親像章回小說常用ê「話講」，是引言。Tī chit-ê引言中，特別強調講當時ê天下只有「一種語言，使用一種話」。

第2節，「流浪」，表示有chit種經驗ê口述歷史者，是teh過 bē穩定ê生活，ná親像游牧民族仝款，四界chhōe安定ê所在。然後來到「巴比倫平原」，認為這地方真好，就「定居」落來。

第3到4節，表示ē-tàng集合全體ê氣力做共同想beh做ê事，chit件事就是「城裡ài有塔，高入雲霄，thang好來顯明咱家己ê名」，chit種講法已經真清楚teh表明in無認為上帝siōng偉大。人thang用建築來顯示家己ê能力，夠額kah上帝相抗衡。

第5節，是真關鍵ê一節。Chit節說明人起造ê高塔已經進入雲霄，m̄-koh上帝卻m̄知是m̄是已經koân到天頂à。就án-ne，祂beh落來「看」一個究竟，到底人起造ê高塔是有多高？這真正真諷刺，就ná親像先知以賽亞所講ê（參考以賽亞書五十五：8—9），人看做偉大ê，tī上帝眼中甚麼lóng無。

「落來」，chit-ê詞特別用tī上帝beh拯救以色列人民chìn前，會先進行祂審判ê工作（參考出埃及記三：8）。

第6到7節，chit兩節表示上帝審判已經結束，chit-má ài beh進行司法行動。主要目的是beh防止人集合起來所代表ê氣力，大到夠額「想beh án怎to̍h án怎」。因為án-ne，上帝決定無koh hō͘人有共同語言，反tńg應該tio̍h擾亂。

第7節，chit節講「咱」，表示上帝帶領天使進行審判ê工作。上帝採取ê方式，就是變亂了in ê語言。

第8到9節，結果因為語言ê變亂，致使「無法度溝通」，逼kah建造城ê人無法度合作，工程因為án-ne soah停止落來。
經文：

創世記 11:10-11:26

註釋:

Chit份族譜顯示出「祭司文獻」ê特色，kah第五章所記載ê族譜之筆法有幾點仝款ê所在，ná親像tī第五章所記載ê族譜，tī第十代是挪亞，tùi挪亞開始，是一個全新ê世代來臨。Tī chia mā是仝款，第九代是亞伯蘭出現，伊mā是帶來一個全新ê時代來臨。第五章寫挪亞生三個kiáⁿ：閃、含、雅弗。然續後落來ê是用閃族做中心。Chit章mā是án-ne，寫他拉生三個kiáⁿ：亞伯蘭、拿鶴、哈蘭。然後，tùi第十二章開始，用亞伯蘭做主軸寫族長史。

Koh講，每一個時代lóng用「生男育女」當做結語，這mā teh表示上帝賜恩典hō͘人類，hō͘人類有延續性命ê氣力。Chit份族譜mā thang看tio̍h族長ê年歲已經kah第五章所提供ê歲數cheng差相當chē，而且有逐代減少ê現象（除了第八代拿鶴活得siōng短以外）。作者有意思beh藉這來引chhōa讀者進入第十二章揀選亞伯拉罕ê故事，hō͘亞伯拉罕ê故事kah人類實際生活經歷到ê年歲真接近。

Ná親像第五章32節記載挪亞ê資料無完成，直到第九章28節chiah結束挪亞ê族譜。Chia第26節mā是án-ne，只記載他拉七十歲hit年生「亞伯蘭、拿鶴、哈蘭」，tī第32節chiah用「他拉兩百零五歲ê時chūn死tī哈蘭」，án-ne結束他拉ê族譜。
經文：

創世記 11:27-11:32

註釋:

第27到28節中特別記載羅得ê出世kah in老父哈蘭往生，原因是beh為第十二章記載亞伯蘭帶領羅得出哈蘭ê事留一個伏筆。

羅得ê名ê意思是：隱藏，有自私ê意思。

第30節，chia講「撒拉無法度生育，無gín-á」，chit句話mā是為tio̍h後來記載上帝tī她身上行奇妙神跡做一個伏筆。

第31到32節，chia講他拉kah亞伯蘭等一厝內人lóng tòa tī「哈蘭」，in tī哈蘭「拜別ê神明」（參考約書亞記廿四：2）
經文：

創世記 12:1-12:9

註釋:

第十二章開始到第五十章，是創世記ê第二部分。Chit-ê部分是用四個族長ê歷史為主軸，說明上帝kah所揀選子民之間ê關係。Tī chit四位族長中，以亞伯拉罕kah雅各ê份量siōng重，記載篇幅siōng簡短ê是用撒，用約瑟結束族長歷史，m̄-koh，約瑟並無被列入tī後代ê族譜中，卻是用雅各ê第四個kiáⁿ猶大當做族譜傳承ê代表（參考馬太福音一：1，路加福音三：34），有可能就是一般所講ê「人對家己ê祖先之記憶，只限tī三代」。Chit三代就是teh指亞伯拉罕、以撒kah雅各。雖然án-ne，族長歷史lóng環繞tī一個重要ê主題：上帝ê揀選kah拯救。

族長歷史mā呈現出創世記編撰者想beh處理人類社會ê基本問題，就是家庭所延伸出來ê各種關係。Tī第十二章開始到第廿五章，chit段有關亞伯拉罕族長ê歷史中，編撰者kā重點khǹg tī上帝揀選ê族長，怎樣回應上帝揀選ê呼召，以及tùi立約得tio̍h上帝賜福。Mā thang án-ne講：族長歷史，就是teh討論上帝ê揀選kah永bē改變ê約ê關係。

族長ê歷史mā關係tio̍h性命ê生kah死ê問題，而且mā thang看見家庭制度ê建立，包括處分財產、律法條文，kah盟約ê問題。Tī最後約瑟族長ê記事中，mā thang看見家庭kah王朝之間ê互動關係。族長歷史mā thang看出家庭延伸出來ê是族群，續落來是國家。Chi̍t中間，以家庭kah家族之間關係為重。

第十二章一開始就講tio̍h上帝揀選亞伯蘭。亞伯蘭（á是亞伯拉罕）被揀選ê記事，mā ē-sái講是以色列民族歷史ê開始。

聖經談論揀選，表明ê意思是kah「約」有關係，á揀選必定帶來ê是「拯救」。因為án-ne，tùi約→揀選→拯救→上帝ê恩典，這是連結做伙ê。每pái講tio̍h上帝ê恩典ê時，就會提起上帝ê拯救，並tùi拯救看出上帝揀選kah立約ê背景。

亞伯蘭á是亞伯拉罕，chit兩個名詞ê意思lóng是teh指「崇高ê父」。這表達了兩個層面ê意思，一是teh指亞伯蘭會成做萬民、萬邦ê老父。二是teh指伊所信仰ê上帝，就是眾人ê上帝。這mā是為甚麼後來teh紹介耶和華上帝時，通常lóng會用「亞伯拉罕ê上帝」，原因tī-chia。

上帝揀選亞伯蘭ê第一個命令，就是ài伊離開本來ê一切。換句話講，這是一個全新ê開始，需要kā舊ê放棄掉，án-ne chiah會有新ê開始。就親像上帝揀選挪亞仝款，全部tùi頭開始做起。亞伯拉罕一定tio̍h「離開故鄉、親族，kah老父ê厝」，這對一般人來講卻m̄是一件容易ê事。

Koh講，離開本來ê故鄉kah親人，照約書亞記第廿四章2節ê記載，原本亞伯拉罕所khiā起ê所在哈蘭，是一個「拜別ê神明」之地。因為án-ne，上帝ài伊離開崇拜虛假神明之地，ē-tàng專心一意忠實tī上帝。

第三點，離開親人、家族，mā teh說明kā人所óa靠ê氣力放落，只有án-ne，人chiah會專心óa靠上帝。後來以色列人出埃及進入曠野，mā說明chit-ê意義。

第四點，值得注意ê是上帝並無明確講出beh帶領亞伯蘭去tó位，只有講tio̍h去祂所beh「指示ê所在」，希伯來書ê作者因為án-ne講亞伯蘭確實是對上帝有絕對ê信心（參考希伯來書十一：8—10）。

第2節，chit節是說明上帝為何揀選亞伯蘭，siōng重要ê意義就是beh藉tio̍h亞伯蘭賜福hō͘萬民。受上帝揀選，並m̄是beh kā上帝ê恩典獨占來享受，á是beh成做上帝ê同工，hō͘ koh khah chē人得tio̍h利益。

Koh講，上帝講beh「賜福」hō͘亞伯蘭，這是一種應允，mā是一種特有ê福氣。這「賜福」一詞kah創世記第一章28節所用ê詞仝款，表明hō͘亞伯蘭有充沛ê性命力，thang延續性命到後代kiáⁿ孫。

第3節，充分顯示上帝kah亞伯蘭同在，因為án-ne，甚麼人祝福亞伯蘭，等於teh回應上帝ê疼。相對ê，若是「詛咒」亞伯蘭ê，等於kah上帝相對抗仝款。因為án-ne，第3節mā thang án-ne了解：亞伯蘭ê朋友，就是上帝ê朋友；亞伯蘭ê敵人，就是上帝ê敵人。

第4節是非常重要ê一節，kā亞伯蘭對上帝ê信心完全顯露，伊「遵照上帝ê指示」去做，然後第5節講伊就帶tio̍h bó͘、家當，以及伊ê姪á羅得同齊離開哈蘭。

第6到9節，亞伯蘭對上帝ê忠實，tùi伊到示劍ê時起祭壇敬拜上帝thang看出來。然後到伯特利mā是仝款起造祭壇敬拜上帝。

起造祭壇代表兩種意義：一是表示家己ê勢力範圍，二表示kah上帝ê關係親密結連。上帝對亞伯蘭顯現，mā teh表明祂一直kah亞伯蘭同在，雖然並無說明到底beh去tó位，m̄-koh卻一直teh陪伴伊、保護伊，帶領伊。
經文：

創世記 12:10-12:20

註釋:

Chit段經文ê記事tī第二十章、第廿六章lóng重複出現，因為án-ne，tī聖經學界引起真chē議論。真有可能是仝一件事，經過真chē無仝ê傳述後有差別，m̄-koh lóng表明聖經beh說明ê一個道理：有上帝同在，並無表示lóng bē tú-tio̍h困境，卻是有夠額ê性命力，ē-tàng超越困境，甚至贏過困境。Tī chit段經文中描述亞伯蘭tú-tio̍h饑荒，tùi án-ne進入埃及，m̄-koh mā同時面臨性命危險。

第10節第一pái提起埃及對以色列民族ê「貢獻」，因為án-ne，摩西律法清楚ài以色列人民「bē-tàng輕視埃及人」（參考申命記廿三：7）。聖經真chē pái提起埃及常常是以色列民族「避難」ê場所，親像：後來雅各家族因為饑荒ê緣故進入埃及（參考四十二章起）；耶穌降生時，希律王下令殺滅所有猶太人兩歲以下ê男嬰，耶穌ê父母為tio̍h避難mā進入埃及，直到大屠殺事件過了後chiah tńg來（參考馬太福音二：13— 23）。

Chit段經文mā thang看tio̍h亞伯蘭不誠實，而且因為chit-pái ê不誠實換來到「真chē牛、羊、驢、駱駝，kah奴隸」，chit種不義之財真緊to̍h teh kah羅得分地時消失à。Koh khah嚴重ê是，原本亞伯蘭受呼召是beh hō͘ koh khah chē人得tio̍h上帝賜福，m̄-koh卻因為伊不誠實， hō͘幫助伊ê埃及王國m̄-nā無得tio̍h賜福，反tńg帶來災難，這是真值得深思ê一件事。

另外一方面，亞伯蘭會án-ne做，mā是一種權宜之計，因為當時有chit種風俗：為tio̍h beh奪取對方ê bó͘，可能會動用武力強奪。亞伯蘭知影家己無法度贏過埃及國王，為tio̍h要求得生存，只好用chit種方式保護kui個家族。M̄-koh上帝為tio̍h beh實現祂對亞伯蘭揀選ê應允，因為án-ne，hō͘埃及發生傳染病，hō͘埃及國王明白家己所犯ê 錯誤。

另外一種看法：埃及發生傳染病，埃及國王卜卦了後知影kah伊娶撒拉做bó͘有關係。因為án-ne，認為撒拉是一個禍首，怪罪亞伯蘭無告知，並且趕緊kā它驅離出境。
經文：

創世記 13:1-13:13

註釋:

Tī第十二章10到20節提起亞伯蘭因為bó͘撒拉ê緣故，得tio̍h真chē埃及國王hō͘ in ê「無妥當」之財。chit章就隨時講出，這並無為伊帶來koh khah大ê財產á是安寧，反tńg因為án-nekah家己ê姪á之間有鬩牆之變。財產多並無一定是福氣，m̄-koh有寬大ê心胸，就ē-tàng解除chit種危機。

第1到4節，離開埃及了後，tńg來到本來bat紮營過ê所在，亞伯蘭koh一pái向上帝獻祭，繼續保持kah上帝之間親密ê關係。

第5到9節，作者用輕鬆ê筆法，描述亞伯蘭有寬大ê心胸，hō͘家己ê姪á羅得先作選擇。伊強調親人之間bē-tàng有紛爭，以和為貴。伊mā顯示出長輩ê度量，無kah晚輩羅得計教。

第10到13節，人ài看目chiu前ê財富，卻無想tio̍h比財富koh khah重要ê是擁有上帝。因為上帝chiah是性命ê主。選擇好ê財富，真可能成做遠離上帝ê誘因。羅得就是看tio̍h目chiu前土地ê美，m̄-kohsúi ê表面往往隱藏tio̍h罪惡tī其中，第13節講羅得選擇siōng美ê土地，m̄-koh卻是接近邪惡之城所多瑪。
經文：

創世記 13:14-13:18

註釋:

Chit段koh一pái說明上帝堅守祂對亞伯蘭ê應允。當羅得離開亞伯蘭，去伊所選擇siōng súi ê土地，chit時chūn，上帝koh一pái對亞伯蘭說明祂ê應允。Chia說明上帝beh賞賜hō͘亞伯蘭ê，就是伊腳所踏ê土地，並且hō͘伊有親像土沙hiah chēê kiáⁿ孫，這表示hō͘伊有充沛ê性命力，這是第一pái上帝hō͘ 伊明確ê應允。
經文：

創世記 14:1-14:16

註釋:

Chit章mā ē-sái講是聖經中第一pái記載有關戰爭ê記事，是四國kah五國對抗，mā說明人類犯罪ê特徵，就是集體殘殺、掠奪。表面上看起來，chit段經文kah-ná是四王kah五王ê對敵作戰，其背後真正原因是kah爭奪通商要道有關。換句話講，是為tio̍h經濟利益來戰。In爭奪ê是通往紅海ê要道，chit條要道後來mā是以色列民族出埃及進入迦南地，想beh借路通過ê路徑（參考民數記二十：17、廿一：22）。自古以來，人類引發ê chit種爭奪財富利益之戰爭，到taⁿ從來m̄-bat停止過。

Chit段經文siōng主要是teh說明亞伯蘭是一個真有智慧，而且知影怎樣幫助家己親人ê大族長。Koh一pái說明上帝揀選亞伯蘭ê用意，就是beh hō͘別人因為伊得tio̍h祝福。

第1到12節，chit段經文說明四王phah敗五王ê聯軍，á chit五王包括了羅得所khiā起ê所多瑪在內。換句話講，羅得因為選擇美好ê土地á擁有財富，卻tī chit-pái 相戰中失敗soahlóng總失去。

第13到16節，亞伯蘭一聽tio̍h家己ê姪á受掠，而且lóng總失去財物，伊無顧性命地出面，結合伊ê盟友以實各kah亞乃,tùi án-ne聯軍出擊四王。這說明兩個重點：一是亞伯蘭有真好ê外交關係，二是伊並無因為羅得選擇了美好土地就對羅得懷恨，顛倒，伊無bē記得tī家己ê親人有難ê時出手相救。

Koh講，chit段經文講亞伯蘭ē-tàng用少少ê「精壯戰士三百十八人」，kah四王相戰，而且phah贏，mā說明上帝揀選伊，kah伊同在，hō͘伊有堅強ê氣力。
經文：

創世記 14:17-14:24

註釋:

Chit段經文真類似第十三章記載亞伯蘭kah羅得分開ê情況，充分顯示亞伯蘭對錢財ê態度並無貪婪，而且擁有寬大ê胸襟。伊無想beh奪取別人ê財富，知影分享財物hō͘別人，kah怎樣感謝祝福伊ê人。

Tī chit段經文中提供一個真重要ê資料，就是有關「麥基洗德」ê事。聖經中只有三處談起麥基洗德，其一是chit所在，另外一是tī詩篇一一○篇4節，講伊是「祭司」。另外是tī希伯來書第七章談起麥基洗德，講伊是「掖冷王，mā是至高上帝ê祭司」。

另外，chit段經文mā特別提起「十分之一」hō͘麥基洗德，原因是麥基洗德祝福亞伯蘭。這十分之一數字，mā是當時人民繳交hō͘國王ê稅金（參考撒母耳記上八：15—18），mā是後來摩西法律規定以色列人民需要繳交ê宗教稅（參考利未記廿七：30—32）。

9.第十五章主要ê資料來源是由古老ê資料kah比較晚期ê（比「祭司文獻」早一點）文獻合編而成。Chit種資料稱做「以羅伊文獻」ê資料。包括第1到2節、5節、16節。Chit種資料ê特色，是上帝kah人對話時，無koh是直接ê，卻是透過天使、夢，á是異象來啟示人。

Tī chit-ê章經文中，主要談起兩個問題：一是上帝應允hō͘亞伯蘭一大片土地；二是上帝應允hō͘亞伯蘭有數不盡ê後裔。其實，tī亞伯蘭ê族長史中，chit兩個應允一直重複出現。
經文：

創世記 15:1-15:6

註釋:

Chit段經文主要是講tio̍h上帝對亞伯蘭ê應允，beh賜hō͘伊有真chēkiáⁿ孫。M̄-koh亞伯蘭清楚知影家己ê bó͘撒拉並無有娠，而且in兩人年紀lóng已經真大，beh想有娠生kiáⁿ，kám講hiah容易？M̄-koh聖經一再表明，tī上帝手中無無法度成就ê事（參考十八：14）。因為án-ne，tī亞伯蘭家己為tio̍h beh傳承á選擇家己ê忠實奴僕大馬士革人以利以謝ê時，上帝明確表示beh賞賜hō͘亞伯蘭有親生ê kiáⁿ來繼承伊ê產業。

第5節，上帝koh一pái指天頂ê星ài亞伯蘭詳細算，用chit種方式表示伊會擁有極大ê性命延續氣力。

第6節，chit節ē-sái講是kui個亞伯蘭族長歷史中siōng重要ê一節，chit節講，tī上帝眼中亞伯蘭是一個「義人」，表示伊kah上帝ê關係非常好。Mā就是使徒保羅tī羅馬書中一再使用「有合宜關係」仝款。亞伯蘭ná親像挪亞，tī上帝眼中是一個「好人」，kah上帝有密切交往（參考六：10），因為án-ne，上帝揀選挪亞，拯救伊kah全家，延續了性命到後代。創世記作者用chit節mā teh說明，上帝揀選了亞伯蘭，beh透過伊來進行拯救ê工作。
經文：

創世記 15:7-15:21

註釋:

Chit段經文指出上帝beh賞賜hō͘亞伯蘭ê土地ê所在。

Chia提起迦南地十個族群，包括基尼人、基尼洗人、kah摩尼人、赫人、比利洗人、利乏音人、亞摩利人、迦南人、革迦撒人，kah耶布斯人等，上帝明確指出chiah-ê人所khiā起ê土地，lóng beh賞賜hō͘亞伯蘭kah伊後代kiáⁿ孫所khiā起。這明確ê地點，ē-tàng解開第十二章4節所無指出ê地點之謎。

對亞伯蘭來講，目前上帝ê應允lóng iáu未實現，一則伊ê bó͘ iáu是無有娠，二則伊iáu teh漂流中，m̄知tó位thang歇腳。因為án-ne，當上帝講beh賞賜hō͘伊頂面所講chiah-ê物件，對伊來講是真大ê應允，大大超過伊所ē-tàng承受ê範圍。因為án-ne，伊想beh知影怎樣明明確知影上帝對伊ê應允果然會成真，這是chit章ê主要用意。

Chit章mā說明人想beh明白上帝ê旨意，thang用獻祭ê方式來詢問，這mā是早期宗教信仰ê方式之一，ná親像今á日ê人用祈禱來詢問上帝ê旨意仝款。

Tī chia亞伯蘭用獻祭ê方式來走chhōe上帝賞賜hō͘伊應允之記號，á上帝是用火降臨燒獻祭物，表明應允必定會實現。

注意第18節，chia表明因為接納亞伯蘭ê獻祭，而成做「正式」ê立約。這mā說明獻祭mā是kah立約有關連。
經文：

創世記 16:1-16:4

註釋:

第十六章則由古老ê「耶和華文獻」、稍晚ê「以羅伊文獻」，kah「祭司文獻」合編而成。其中「祭司」ê資料只出現 tī第1、3、15到16節，á「以」典ê資料mā kan-taⁿ出現 tī第9、10兩節，其餘lóng是「耶」典ê文獻。

創世記chit本經典其實mā是一本講以色列chit-ê家族發展ê一本經典。Tùi第十六章開始，真具體講tio̍h chit-ê家族裡所發生ê各種人、事ê問題。親像有亞伯蘭kah 伊ê bó͘撒拉ê問題；有以撒kah伊ê gín-á以掃、雅各ê事；有雅各kah十二個gín-á之間ê互動關係，以及這十二個gín-á彼此之間互動所延伸出來ê問題。Mā有撒拉kah夏甲 ê糾紛，有利百加kah家己所疼ê kiáⁿ雅各之間發生ê問題。串連其中ê是利亞kah拉結兩位姊妹之間爭奪丈夫之戰。作者用chit種材料構成以色列十二支族間ê關係，同時用上帝立「性命ê約」來說明上帝ê揀選，kah祂拯救工作ê信仰意義。

續落去tī十五章了後，chit章說明亞伯蘭ê信心出了狀況。雖然上帝有應允，而且mā真清楚kā伊講，只有伊親生ê kiáⁿchiah是伊真正繼承人（參考十五：4b）。M̄-koh，無kiáⁿ續接產業，á是家族性命，tī當時ê社會乃是一件大事。因為án-ne，亞伯蘭ê bó͘撒拉對伊獻計，hō͘婢女夏甲來kah亞伯蘭同房，thang延續下一代ê性命。撒拉chit種作法，mā同時teh表明伊對上帝ê應允並無信心，á亞伯蘭會接受撒拉ê獻計，mā說明伊對上帝hō͘伊ê應允，無堅定ê信心。人用家己ê方式，取代上帝ê應允，結果kan-taⁿ會為家己帶來koh khah chē ê煩惱而已。

Chit段經文說明撒拉並無因為hō͘夏甲 kah亞伯蘭同房á hō͘家己ê計謀成功來歡喜，顛倒，卻為家己帶來koh khah大ê困擾，因為家己無法度有娠soah hō͘夏甲看bē起她。早期東方社會對cha-bó͘人hō͘ in ê評價，是看她是m̄是ē-tàng有娠生kiáⁿ來決定，一個cha-bó͘人ē-tàng有娠生kiáⁿ，chiah有存在ê價值。
經文：

創世記 16:5-16:8

註釋:

撒拉雖然無法度有娠生kiáⁿ，m̄-koh卻對亞伯蘭有真大ê影響力。她強調是因為身為cha-po͘人ê亞伯蘭縱容婢女夏甲，chiah會致使夏甲傲慢看bē起她。亞伯蘭則表示無chit款tāi-chì，伊眼中ê夏甲 iáu-koh是撒拉ê婢女，thang隨在撒拉處置。結果夏甲就án-ne tī撒拉ê虐待之下逃離家門。夏甲遭遇chit款變故，唯一ê面對方式就是哭訴。性命tī苦難中哭訴，上帝必定會垂聽被欺負者ê聲音。
經文：

創世記 16:9-16:16

註釋:

15.第十六章9到16節：
因為上帝聽tio̍h夏甲受難ê哭聲，祂差遣天使來關心受難ê夏甲，應允夏甲 ê kiáⁿ孫mā會ná親像沙灘上ê沙á是天頂ê星仝款，chē到無法度詳細算。Koh khah重要ê，是tī第11節清楚說明夏甲生落來ê kiáⁿ tio̍h號ê名，就是「以實瑪利」。Chit-ê名ê意思，就是「我ê上帝已經聽見」。第12節mā描述以實瑪利ê個性。由上帝親自號名，mā teh說明chit-ê人kah上帝之間有特別親密ê關係。

第13節，chit節說明上帝kah人之間ê極大cheng差，hō͘人無法度正面看見上帝ê面。M̄-koh夏甲認為家己已經親自看tio̍h上帝，這hō͘伊ē-tàng勇敢koh一pái tńg來到亞伯蘭ê身邊，承受來自撒拉各種方式ê欺負。
經文：

創世記 17:1-17:14

註釋:

第十七章全部lóng是出tī「祭司文獻」。chit章主要teh說明上帝親自kah亞伯蘭立約，而且chit-ê約是永遠ê約，koh thang延kah後代kiáⁿ孫ê約。

第1節開始就講亞伯蘭chit-má ê年齡已經是「九十九歲」，離伊當年接受呼召ê時（七十五歲），已經過廿四年ê時間。Chit節mā清楚說明chit位呼召伊離開哈蘭ê上帝之特性，就是全能ê上帝。Chit句話已經說明一件重要ê信息：tī人看起來無可能ê事，「tī上帝，事事lóng ē-tàng」（參考馬可福音十：27）。

第2節，koh一pái強調上帝用立約來表明一定會實現chìn前hō͘亞伯蘭ê應允，就是kiáⁿ孫chē到無法度詳細算。

第3到6節，chit段經文非常重要ê所在，就是上帝hō͘亞伯蘭一個新ê名，叫亞伯拉罕，表示亞伯拉罕kām̄-nā是一個家族ê族長，mā是多國之父。換句話講，伊ê kiáⁿ孫會建造真chē國家。

第7到8節，koh一pái提起另外一個應允，就是會賞賜hō͘亞伯拉罕擁有迦南地當做後代kiáⁿ孫khiā起ê所在。Án-ne，上帝ê應允jú來jú明顯，清楚知影土地所在，只欠gín-á來繼承。

第9到14節chit段經文提供非常重要ê立約記號，就是割禮。所謂割禮，就是割去cha-po͘人生殖器ê包皮。Chit種行為其實在當時ê中東地帶等地真盛行（參考耶利米書九：25），是為cha-po͘人舉行成人禮ê一種儀式。M̄-koh，以色列民族kā chit-ê行為hō͘ in信仰化，m̄-nā提升割禮ê含意，mā提升kui個民族ê結合力，因為割禮變成是kah上帝立「永遠之約」ê記號。Chia規定所有cha-po͘-gín-á出世ê第八工tio̍h舉行割禮。這表明以色列人民會kah迦南地ê人無仝款，因為迦南地ê cha-po͘人lóng是tī十三歲ê時chiah舉行割禮（參考第25節），m̄-koh以色列人民是tī出世後ê第八工，表示in tùi出世就已經分別為聖à。

第 14節是真重要ê一節，以色列chit-ê民族一定tio̍h遵守ê約定，就是每一個cha-po͘人lóng tio̍h行割禮，用來表明in kah上帝之間無法度分開ê關係。而且範圍包括厝裡所有ê奴隸在內。這mā說明割禮，是一種「潔淨」ê記號。無割禮ê，就是無清氣、lah-sap，甚至thang當做罪人來看待。
經文：

創世記 17:15-17:22

註釋:

chit段經文是kah撒拉會有娠生kiáⁿ有密切關係，mā是teh回應第1節上帝對亞伯拉罕所講ê，祂是一個全能ê上帝。

	Ná親像第5節上帝kā亞伯蘭ê名改做亞伯拉罕，chit-má第15節提起上帝kā撒萊ê名改做「撒拉」，其實chit兩個名ê意思lóng仝款，指ê是「公主」á是「王妃」ê意思。因為亞伯拉罕是萬國之父，撒拉就有王后ê含意。

	第16節特別提起上帝beh「賜福」hō͘撒拉，ná親像頭前所提起過ê，賜福表明ê就是有性命力，mā teh表示有延續性命、生育性命ê意思。

	第17到18節，當上帝kā亞伯拉罕講chit件事ê時，伊ê態度是懷疑ê，伊tī心底「偷笑」，伊tùi過去beh hō͘家己ê奴僕以利以謝繼承家族，chit-má伊認為以實瑪利thang做伊ê繼承人，雖然是tùi婢女夏甲得tio̍h ê，mā算是伊親生ê。M̄-koh全能ê上帝清楚知影亞伯拉罕ê心思意念。

	第19到22節，上帝koh一pái向亞伯拉罕確定講，撒拉一定會為伊生一個kiáⁿ，而且名mā是由上帝號名，叫作「以撒」，意思是teh指亞伯拉罕「笑笑á」。以實瑪利mā是由上帝號名，chit-má以撒mā是由上帝親自號名，這lóng teh表示kah上帝之間有bē-tàng分開ê關係。

	第19 kah 21節，上帝清楚表明beh堅守kah亞伯拉罕之間所立ê約，chit-ê約就是賞賜hō͘亞伯拉罕多子多孫，mā tio̍h賞賜hō͘伊迦南地當做後代kiáⁿ孫khiā起ê所在。

	第20節，chit節表明上帝並無疏忽以實瑪利，而且beh賜福以實瑪利有chē kah「十二個kiáⁿ」，而且每一個kiáⁿ ê kiáⁿ孫lóng會成做部落、族群ê領導者。

	第22節，是回應第1節所提起ê，上帝親自顯現tī亞伯拉罕面前，祂kā chit-ê重大信息傳hō͘亞伯拉罕了後，就tńg去到天頂。這mā說明上帝kah亞伯拉罕之間有特別密切ê關係，chiah ē-tàng親自面對面見tio̍h上帝。
經文：

創世記 17:23-17:27

註釋:

Chit段經文清楚說明亞伯拉罕ná親像挪亞仝款，對上帝lóng完全遵守，照上帝吩咐ê去做（參考六：22、七：5）。伊帶領厝裡所有ê cha-po͘人，包括in中間ê奴僕lóng實行割禮。這割禮表明ê就是kah上帝立落來永遠ê性命ê約。
經文：

創世記 18:1-18:15

註釋:

第十八到十九章全部lóng是「耶和華文獻」ê資料。Chit種文獻tī創世記中佔有真大ê份量，包括第二章、第三章、第四章、第十二章、第十三章、第十五章，kah第十六章lóng是屬tī chit種文獻。這兩章lóng是講tio̍h有關上帝毀滅所多瑪城ê故事，hō͘讀者印象相當深刻。頭前有提起過，「耶和華文獻」ê特色，就是用「擬人化」ê筆法teh講述上帝kah人之間ê關係。Ná親像第三章，講上帝tī伊甸園裡kah人直接對話。這兩章mā是án-ne，上帝親自kah亞伯拉罕講話，甚至thang討論有關所多瑪城發生ê問題。Á這兩章ê重點就tī第十八章17到19節所提起ê，上帝kah亞伯拉罕有特別親密ê關係，因為án-ne，上帝kā準備ài懲罰所多瑪城ê計畫kā亞伯拉罕講。

上帝親自顯現tī亞伯拉罕ê面前，chit種筆法就是「耶」典資料ê特色，mā說明tī上帝眼中，亞伯拉罕確實是無仝款ê族長。作者並無說明上帝是用怎樣ê形式出現 tī亞伯拉罕面前，thang hō͘伊一看就知影he是上帝。作者beh表明ê一個信念：kah上帝有親密關係ê人，只要一看，就會清楚知影三個人中間必定有上帝ê天使，kah上帝親自在中間。因為án-ne，當伊一看見這三人行過來，就趕緊趨向前去，而且用「坦覆 (thán-phak）在地」ê方式迎接in三人。Chit種態度tú好說明亞伯拉罕知影in三人m̄是一般人，而且有上帝現身tī伊目chiu前。

第3到5節，第3節chia用「我主」一詞，表示單數。亞伯拉罕清楚知影這三人中間有一位是領導者，á是主要ê對象。伊beh接待in，希望in ē-tàng留落來做客。In接受亞伯拉罕ê邀請，成（chiâⁿ）實留落來接受招待。Mā因為án-ne，希伯來書ê作者勸勉早期教會ê信徒，講：「M̄-thang bē 記得接待出外人，因為án-ne 做會tī 無意中接待tio̍h 天使。(全民版)」（希伯來書十三：2）這ē-sái講是亞伯拉罕ê親身經歷。

洗腳，這是中東地帶非常重要ê待客禮節。耶穌bat受邀請去一位法利賽人西門ê厝作客，m̄-koh西門卻無the̍h水hō͘耶穌洗腳，ē-sái講有一位hō͘人認為是「罪人」ê cha-bó͘人，卻用伊ê目屎kā耶穌洗腳，然後用珍貴ê香油膏耶穌ê腳（參考路加福音七：37—39）。Tī最後晚餐ê時，耶穌親自the̍h水為門徒洗腳（參考約翰福音十三：5），然後希望門徒mā kah伊仝款ê態度學習謙卑家己（參考約翰福音十三：14—15），m̄是beh做別人ê領袖，是beh成做眾人ê奴僕（參考馬可福音十：45）。

第6到8節，重點並m̄是在tī亞伯拉罕án怎煮食佳餚待客，卻是伊真誠ê熱情，說明伊kah上帝之間美好ê關係。

第9到15節，chit段經文koh一pái說明上帝對亞伯拉罕ê應允並無改變，祂清楚kā亞伯拉罕講，一年後chit-ê時chūn，撒拉一定會有娠生kiáⁿ。Chìn前亞伯拉罕偷笑，chit-má換做撒拉bih tī帳棚後面「偷偷á笑」，原因是伊清楚知影家己ê 更年期已經過，因為chit時她已經八十九歲ā，用人ê理解kah能力，是絕對無可能有娠生kiáⁿ。M̄-koh聖經作者就是beh強調tī上帝手中，無無法度成就ê事，這mā是第十七章1節所強調ê，上帝是全能ê意思。

Chit段經文siōng主要是teh表明上帝對亞伯拉罕ê應允teh beh實現，而且已經訂出時間表，就是tī一年後。這kah以前只有kā亞伯拉罕講beh賜hō͘伊kiáⁿ，ná親像天頂ê星辰、海邊ê細沙hiah-ni̍h chē，真無仝款。Chit-pái是kā伊講明確ê時間是tī一年後，伊ê bó͘撒拉會生一個kiáⁿ。聖經作者一再強調一件事：上帝所應允ê約必定會實現，而且實現ê時間mā是tī祂ê計畫中，m̄是人ē-tàng替上帝決定時間。性命ê事，lóng是tī上帝手中，上帝決定性命ê時間，生kah死lóng是tī上帝ê手中決定。
經文：

創世記 18:16-18:19

註釋:

Chit段經文非常重要，說明上帝揀選人來做祂ê同工、奴僕，是有重要任務ê，並m̄是ài被揀選者家己享受各種福氣，卻是帶有社會責任ê。因為án-ne，第19節清楚講tio̍h上帝ài亞伯拉罕指示伊ê後代服從上帝ê命令，而且一定tio̍h「主持公道、伸張正義」，án-ne chiah ē-tàng顯示出上帝真實ê疼，chit種認bat是非常重要ê。先知以賽亞mā傳出chit種信息（參考以賽亞書四十二： 6、21）。

因為只有án-ne，chiah ē-tàng見證上帝ê慈愛（參考以賽亞書四十五：19、21）。Á hō͘ 上帝揀選ê人若beh達成上帝揀選之目的，就一定tio̍h先行公義chiah thang，若無，就無能力、資格主持公道，伸張正義。若無án-ne做，就是teh踐踏上帝揀選ê恩典。
經文：

創世記 18:20-18:33

註釋:

這是一段頂港有名聲下港有出名ê故事，說明亞伯拉罕kah上帝商量討論有關beh懲罰所多瑪城、焚毀hit-ê城ê事。

第21節講上帝beh「落去看māi」，意思是teh指上帝已經清楚知影hit-ê城ê實況，chit-má是beh落去進行懲罰ê工作。M̄-koh tī懲罰chìn前，祂beh koh等待看māi hit-ê城是m̄是有悔改ê現象出現。

亞伯拉罕掠tiâu chit-ê機會，提出一個重要ê問題：公義ê上帝，是m̄是不分無辜êkah有罪ê人？聖經作者一再表示：上帝bē kā無辜êmā列入懲罰對象。聖經作者甚至講上帝siōng討厭有權勢ê人，殺害無辜ê，流無辜ê血，上帝一定會追究（參考列王記下廿四：4）。

上帝ê回答非常清楚，是一定分別清楚。因為án-ne亞伯拉罕就一再懇求上帝kā hit-ê城「無辜ê人」hō͘ in放寬，下修制限ê數目，上帝mā照亞伯拉罕ê意思放寬à。

Chia所講ê「無辜ê人」，若以「知影悔改ê人」ê意思來瞭解會比較khah正確些。基本上，hit-ê城是已經無所講ê「好人」了，特別是創世記作者bat用chit種筆調描述人類ê行為景況：「上主看tio̍h 人tī 地上，罪惡真大，心內所想ê 念頭ta̍k 日lóng 是pháiⁿ ê。」「我無beh koh因為人ê 緣故咒詛地，因為人tùi 細漢ê時，心所想ê 就是pháiⁿ。(全民版)」（創世記六：5、八：21b）。因為án-ne，無辜ê意思，若用「知影悔改」是比較接近原來ê意思。Ná親像約拿書所beh表達ê意思仝款，只有悔改chiah ē-tàng挽回上帝ê受氣。先知以西結mā提出仝款ê看法（參考以西結書三十三：11）。

第26到32節，tī chit段經文中，thang清楚看tio̍h亞伯拉罕是tùi「五十」、「四十五」、「四十」、「三十」、「二十」、「十」等數目kah上主討論，而且制限漸漸減少。Á chiah-ê數目lóng kah「五」ê倍數有關。另外一方面，提出chiah-ê數目的主要含意是：一個公義、慈悲ê上帝，kám真正會tī有無辜êkhiā起hit內面á毀滅kui座城市？答案是：絕對bē！

此外，chit段經文mā thang看tio̍h，上帝beh懲罰犯罪ê對象，並m̄是無緣無故，卻是經過詳細調查，而且親臨訪視chiah做出決定。這mā是「耶」典ê作者一再beh表達ê信息。
經文：

創世記 19:1-19:11

註釋:

除了第29節是「祭司文獻」外，其餘ê lóng是「耶和華文獻」ê作品。第29節mā講出「祭司文獻」ê特色：上帝是一個遵守「約」ê上帝。祂kah亞伯拉罕立「約」，必定會照「約」去行。

有關所多瑪、蛾摩拉這兩城毀滅ê記事，mā是kui本聖經中kúi-nā pái引用作警語ê素材（參考申命記廿九：23、三十二：32；以賽亞書一：9—10、三：9、十三：19；耶利米書廿三：14、四十九：18、五十：40；耶利米哀歌四：6；以西結書十六：48；阿摩司書四：11；西番雅書二：9）。通常lóng是用來警告犯罪ê結果會親像chit兩個罪惡ê城市仝款，遇tio̍h上帝徹底ê毀滅。

Chit章mā傳達了兩個重要信息：罪惡ê結果會帶來上帝嚴厲ê懲罰；á tī上帝嚴厲懲罰ê毀滅中，會看見上帝仁慈ê作為，進行拯救ê工作。

Chit段經文詳細描述所多瑪城犯罪嚴重ê景況，差不多是到人人lóng是罪惡ê共犯。Mā同時回應了第十三章13節所提起ê，hit-ê城ê人邪惡，大大得罪上帝。

第1到2節，chit三位來到亞伯拉罕厝裡作客ê人中間，tùi第十八章17節真清楚講出有一人是上帝，另外兩個就是天使。Chit兩位天使來到所多瑪城，hit時「羅得坐tī城門口」，這表示羅得tī hit-ê城已經有社會地位。因為城門口mā是聖經時代ê法院、貿易ê所在。羅得對生份人ê動作，ná親像伊ê伯父亞伯拉罕仝款，好款待出外人。伊像亞伯拉罕仝款，看見chit兩位生份人竟然「坦覆 (thán-phak）tī in面前」，kah-ná感覺in是特別ê生份人，因為án-ne用相當熱情、誠懇ê態度接待。

第3節，雖然這兩人本來是無phah算beh tī羅得ê厝過暝，m̄-koh因為羅得「堅持邀請」，後來伊chiah有得tio̍h有拯救ê機會。羅得用水替in洗腳，mā烘餅hō͘ in食。

第4到5節，chit兩節說明所多瑪城人惡質ê面貌，mā回應了第十八章20節所記載ê，講hit-ê城kah蛾摩拉城ê人民真正是惡貫滿盈。

第6到8節，古代中東社會有chit種風俗，只要是接待出外人入室，就beh保護in ê安全，甚至tio̍h犧牲家己ê性命mā無teh可惜。為tio̍h beh保護chit兩位天使，羅得甚至願意犧牲家己iáu是處女ê cha-bó͘-kiáⁿ任in蹂躪。

第9到11節，m̄-kohhit-ê城ê人顯然不買帳，甚至清楚表示in眼中ê羅得，並m̄是in尊敬ê人。雖然伊位居重要職務（坐tī城門口，有ná長老身分），in甚至恐嚇伊，tio̍h用koh khah凶悍ê方式對待伊。Chit兩個天使終其尾出手保護羅得，並且hō͘民眾「chheⁿ-mê眼，chhōe bē-tio̍h門」。
經文：

創世記 19:12-19:22

註釋:

Chit段經文除了teh回應亞伯拉罕對上帝ê懇求，就是如果只有ē-tàng chhōe-tio̍h十個無辜ê人時，上帝mā會毀滅hit-ê城？答案是：bē。M̄-koh chit段經文卻真清楚指出hit-ê城是連十個mā chhōe bē-tio̍h！即使是án-ne，上帝iáu是因為亞伯拉罕ê緣故，救出了伊ê姪á羅得，以及羅得ê厝內人。

第12到14節，chit時chūn chit兩個人露出身分，in hō͘羅得知影in是來執行「毀滅」所多瑪城ê上帝使者。In ài羅得去chhōe厝裡ê人，包括kiáⁿ、kiáⁿ婿，á是其他親人。可惜當羅得去chhōe in時，in lóng m̄相信羅得，認為伊是teh「講sńg笑」。

第15到17節，因為無人相信羅得，天使只好催促羅得趕快帶tio̍h伊ê bó͘ kah兩個cha-bó͘-kiáⁿ離開所多瑪城。M̄-koh羅得有iáu豫，表示伊戀棧tio̍h所多瑪城ê榮華富貴生活。是因為chit兩位天使拉tio̍h羅得kah伊ê bó͘，兩個cha-bó͘-kiáⁿ，ài in趕快走，而且警告in bē-tàng tńg來頭看，mā bē-tàng停留tī山谷， tio̍h走去到山頂。

第18到20節，chit時chūn，羅得chiah發覺事態嚴重，m̄-koh伊懇求天使憐憫in，hō͘ in thang得tio̍h喘息ê機會。

第21到22節，天使答應in，hō͘ in走到附近ê瑣珥城to̍h ē-sái。
經文：

創世記 19:23-19:29

註釋:

Tùi第23到25節來看，kah-ná火山爆發ê款，火燒ê硫磺淹無了所多瑪kah蛾摩拉chit兩個城，而且摧毀了所有地上ê一切。

第26節，可惜ê是因為羅得ê bó͘無聽苦勸，「tńg來頭觀看」所多瑪城á喪失性命。

第27到29節，亞伯拉罕看見所多瑪kah蛾摩拉這兩座城hō͘ 上帝摧毀ê實況。Á第29節mā回應了當初上帝揀選亞伯拉罕ê時所應允ê，人會因為伊蒙福（參考十二：2）chit句話。

這說明一件非常重要ê信息：看起來繁華ê城市，卻往往是hō͘人犯罪ê陷阱。羅得選擇看起來「kah-ná伊甸園，koh像埃及ê土地」（參考十三： 10），卻是hō͘伊離開上帝ê主因，這是值得深思ê功課。
經文：

創世記 19:30-19:38

註釋:

Chit段經文主要是teh講述摩押人kah亞捫人ê祖先是tùi何而來ê。Koh講，chit段經文mā提供一個重要ê題材：以色列人民kah摩押人、亞捫人之間ê深仇大恨之背景，chit點tùi民數記第廿二到廿五章，申命記第廿三章3到6節，以及士師記第三章12到30節等等，thang看tio̍h以色列民族kah chit兩個民族之間ê對敵狀態。M̄-koh，當以色列人民對摩押人、亞捫人帶有歷史情結ê仇恨、歧視時，路得記chit本經冊ê作者提供了另外一個觀點，是非常值得大家注意ê。

Chit段經文mā是有關羅得記事ê結束，tùi第十一章記載伊喪父，到第十二章伊跟tòe伯父離開哈蘭，然後選擇看起來真肥美ê土地khiā起，卻因為án-ne遠離了上帝透過亞伯拉罕帶來ê賜福，á kah罪惡tòa做伙，結果是喪失了所有ê一切。

Koh講，醉酒sià面子，這mā是挪亞事件了後ê另外一個例（參考九：21—27）。聖經作者一再提醒bē-tàng醉酒，因為會亂了該做ê事（參考箴言三十一：4，以賽亞書廿八：7，羅馬書十三：13，哥林多前書五：11、六：10）。

第二十章除了最後一節（18節）是「耶和華文獻」ê資料以外，其餘所有ê 17節lóng是屬tī「以羅伊文獻」ê資料。

Ná親像頭前已經敘述過ê，有關亞伯拉罕kābó͘撒拉當做家己ê小妹看待，chit件記事應該kah第十二章、第廿六章可能是仝一件事，m̄-koh，經過無仝ê流傳kah資料ê收集有差別。因為如果照經文ê編輯順序看，chit時ê撒拉應該mā有八十九歲了，而且已過了更年期，根本無算是所講ê súi、少年。M̄-koh，ná親像tī前段所講ê，這是「以」典提供ê資料，á第十二章則koh khah古老ê「耶」典資料，表明he是無仝資料ê來源。

Tio̍h注意ê是：kui個故事ê中心內容是tī第3到13節ê對話、辯解等chit部分。重點在tī beh釐清tāi-chì ê真相：到底是甚麼人tio̍h、甚麼人m̄-tio̍h。

Chit段經文mā提供一個真重要ê信息：上帝會阻止人犯罪，bē hō͘無辜ê陷入罪惡中。只要人ê心中保持純潔ê心仰望上帝，上帝必定會設法阻止無辜ê犯罪。
經文：

創世記 20:1-20:7

註釋:

「基拉耳」，這是設tī非利士人ê境內，大概就在地中海岸邊ê迦薩城kah別示巴之間。這附近地區ê人對亞伯拉罕並無生份，因為tī第十二章9節、第十三章1節等等lóng有提起亞伯拉罕行到「迦南南部」ê所在。

第2節，chit節是為tio̍h第3到13節之間ê對話chhōe切入口。亞伯拉罕會kā家己ê bó͘講做小妹，其實這mā是早期游牧民族來到一個新ê所在，保護家己家族成員ê一種方式，mā m̄是每pái lóng需要án-ne，卻是tú-tio̍h地主á是強勢者出現時，普遍採用ê一種方法。

第3到5節，chit段經文說明亞比米勒並m̄是故意，á是tùi亞伯拉罕手中強奪伊bó͘撒拉。Koh講，chia講上帝tī「夢」中出現對亞比米勒講話，這tú好是「以」典資料ê特色，說明上帝會透過天使、夢、異象等向人啟示祂ê旨意。Á無親像「耶」典上帝是直接kah人面對面講話。

亞比米勒真清楚向上帝表明家己ê「無辜」，mā同時確信上帝絕對bē hō͘無辜ê受tio̍h懲罰。

第6到7節，上帝是無所不知ê神，祂當然清楚甚麼人是有意á是無辜。上帝回應亞比米勒ê擔憂，mā hō͘伊知影上帝確實知影伊是無辜ê，因為án-ne chiah出現阻止chit件事。

第7節是真特別ê一節，mā是第一pái提起亞伯拉罕是「先知」，mā說明先知會替上帝ê子民祈禱（參考耶利米書七：16、十一：14、十四：11、三十七：3）。上帝嚴厲警告亞比米勒一定tio̍h隨時kā撒拉還hō͘亞伯拉罕，若無，會帶來嚴重ê後果。
經文：

創世記 20:8-20:18

註釋:

亞比米勒召集宮廷官員，hō͘ in知影上帝向伊啟示ê經過，大家lóng驚惶因為chit件事受tio̍h天譴。伊mā同時譴責亞伯拉罕欺騙ê行為，差一點á害伊kah伊ê人民受難。

第11到13節，chit三節是亞伯拉罕回答亞比米勒kah伊ê臣僕ê話。第11節，亞伯拉罕承認家己掠做是亞比米勒是一個m̄敬畏上帝ê君王，伊承認家己tī認知上錯誤。這表示亞比米勒心中是敬畏上帝ê，而且伊ê人民mā是，chiah會有聽tio̍h上帝譴責時，心中lóng非常驚惶，這只有心中有上帝ê人chiah會有ê反應。

第12節記載亞伯拉罕講撒拉是伊ê同父異母小妹，tī東方社會chit種兄妹結婚ê例真chē。大衛王ê kiáⁿ暗嫩，就是愛上家己ê同父異母小妹她瑪，後來為tio̍h同房ê事á發生慘劇（參考撒母耳記落來第十三章）。

亞伯拉罕表示當年離開哈蘭時，伊就bat kā撒拉講過需要伊用「小妹」ê身分kah伊同行，好保護伊。

第14到16節，chit三節充分顯示亞比米勒是一個真善良ê君王，伊接受亞伯拉罕ê道歉，同時好款待亞伯拉罕。伊提供真chē財物表示歉意，m̄-koh chiah-ê物件mā同時teh表示因為避過一pái災難á應該獻上ê禮物。因為亞伯拉罕是先知，有替亞比米勒kah伊ê人民向上帝祈求，表示一種祈福ê酬勞。亞比米勒特別對撒拉講，伊hō͘亞伯拉罕「一千塊銀á」，當做「證明」伊是「清白ê」，án-ne，以後亞伯拉罕kah撒拉若留tī基拉耳，會lóng受尊重，無人會欺負in。

第17到18節，beh表明亞伯拉罕有先知ê身分，因為án-ne，伊ê代禱會蒙上帝垂聽。Mā因為án-ne，亞比米勒宮廷ê cha-bó͘人mā因為亞伯拉罕ê代禱，帶來真大ê賜福，ē-tàng有娠生kiáⁿ，這是真大ê福份。
經文：

創世記 21:1-21:8

註釋:

第廿一章大部分是用「以羅伊文獻」ê資料為主軸。除了第1到2節、7節、28到30節、33節是屬tī「耶和華文獻」資料，第3到5節是屬tī「祭司文獻」外，其它ê lóng是屬tī「以羅伊文獻」。因為án-ne，mā thang看tio̍h kui章是用chit三種文獻混合編輯而成。

Chit段經文講述撒拉終其尾有娠生kiáⁿ，tùi亞伯拉罕七十五歲hit年離開哈蘭開始，chit期間上帝雖然一再表示beh賜福hō͘伊有ná天頂ê星hiah-ni̍h chē ê kiáⁿ孫，m̄-koh撒拉lóng是無出現有娠ê現象。雖然亞伯拉罕bat想beh用家己忠實ê厝僕以利以謝繼承產業，撒拉用女婢夏甲生kiáⁿ來續接家族傳承，m̄-koh這lóng m̄是上帝ê旨意。上帝是beh tùi亞伯拉罕kah撒拉家己來生kiáⁿ，上帝並且已經替chit-ê gín-á取以撒ê名（參考十七：19）。Chit段經文就是teh說明上帝所應允ê事，必定會成就，果然以撒出世。

「以撒」，chit-ê名就是「歡笑」ê意思。Mā teh表示無論是亞伯拉罕kah撒拉，lóng bat因為聽見上帝hō͘ in應允beh親自有娠生kiáⁿ á笑出來，chit種笑mā是teh懷疑上帝ê應允。

第4到5節，亞伯拉罕照kah上帝之間立約ê規定，tī以撒出世後ê第八工hō͘ in「施行割禮」（參考十七：12）。Á當以撒出世ê時，「亞伯拉罕一百歲」，這距離伊出哈蘭時七十五歲，已經經過廿五年ê時間，á chit時ê撒拉已經九十歲。這說明tī人看起來是無可能ê事，tī上帝無無法度成就ê事（參考十八：14）。

第6到8節，歡笑kah大pái筵席成正比，表示這是一件聽tio̍h ê人lóng會歡笑á暢飲ê大事。Tī當時東方社會，gín-á斷奶是tī二到三歲ê時chūn。
經文：

創世記 21:9-21:13

註釋:

Chit段經文主要內容講tio̍h兩件事：一是家庭衝突，另外一個是tī曠野中，上帝對夏甲 ê眷顧。

以撒斷奶若是用二歲算，he就是亞伯拉罕一○二歲。Á以實瑪利是tī伊八十六歲時出世ê（參考十六：16）。Án-ne，chit-má ê以實瑪利已經有十六歲，應該是一個大人à。伊陪chit位年尚幼年ê小弟以撒sńg，是真正常而且應該ê。M̄-koh撒拉想tio̍h ê卻無是án-ne，伊想tio̍h家己年老，亞伯拉罕mā年老，若是用實瑪利一直teh身邊，萬一亞伯拉罕老邁á去，家產ê繼承權必定會落tī以實瑪利ê手上。因為án-ne，伊第一個想tio̍h ê，是堅持beh斷絕以實瑪利將來繼承產業ê可能。Tī是beh亞伯拉罕kā女婢夏甲 kah gín-á以實瑪利驅逐離家伊去。

創世記編輯者就是用chit種方式teh描述人kah人之間ê衝突，往往是tùi嫉妒、爭奪財物而來。Thang看tio̍h以撒ê出世，雖然為亞伯拉罕chit-ê家庭帶來喜樂，m̄-koh mā帶來分裂kah仇恨。Á chit件事hō͘亞伯拉罕「非常苦惱，因為以實瑪利mā是伊ê kiáⁿ」。基本上chit件事mā為今á日以色列民族kah阿拉伯民族之間ê衝突寫落來一記重要ê伏筆。

第12到13節，上帝既然賞賜hō͘亞伯拉罕有家己親生ê kiáⁿ以撒，就會有真好ê安排。因為án-ne，祂ài亞伯拉罕「照撒拉」去做，原因是上帝beh hō͘亞伯拉罕ê應允，是tùi以撒來傳承得tio̍h。M̄-koh上帝mā hō͘亞伯拉罕知影，祂會看顧kah賞賜hō͘夏甲 ê kiáⁿ孫「真chē kiáⁿ」，mā會成做「一國」。
經文：

創世記 21:14-21:21

註釋:

Chia講亞伯拉罕kā簡單ê食物kah水hō͘夏甲了後，mā「Kā gín-á hē tī夏甲背上」，ná親像頭前講過ê，chit時ê以實瑪利至少mā有十六歲，無可能是幼年ê gín-á tio̍h hē tī老母ê背上。其實，chit句比較重要ê含意，表示以後以實瑪利ê事，就由夏甲負責。Chia mā無提起亞伯拉罕對這母kiáⁿ ê祝福。M̄-koh人所疏忽ê，上帝一定注意而且會垂聽tio̍h苦難性命ê呼求聲音。

夏甲 kah以實瑪利離家進入曠野ê記事，mā為後來以色列人出埃及進入曠野留落來一個伏筆。

第16到17節講夏甲「放聲大哭」，原因是面對死亡威脅，因為水lim了à，食物mā無ā。M̄-koh chit時chūn，上帝ê天使koh一pái出現，ài她「mài驚，上帝已經聽tio̍h gín-á ê哭聲」，m̄-nā是老母夏甲哭，連gín-á以實瑪利mā向上帝哭訴受tio̍h如chit時薄ê待遇。

第18到21節，人所遺棄、欺負ê，上帝會有公義ê回應。上帝答應beh hō͘以實瑪利ê後代「成做大國」，這是真大ê賜福。Koh khah重要ê，是第20節所提起ê上帝beh kah in母kiáⁿ同在，因為án-ne tī hit種惡質ê環境中，以實瑪利ē-tàng成做一個「熟練ê獵人」，表示伊tī生存ê事頂面無任何問題。
經文：

創世記 21:22-21:34

註釋:

Chit段經文kah第廿六章以撒kah亞比米勒ê族群爭奪水井ê記事有類似ê所在。水井，對當時游牧民族來講是相當嚴肅ê事，因為這牽涉tio̍h生存ê問題。早tī亞伯拉罕kah姪á羅得之間就有chit種問題（參考十三：1—9）。當時亞伯拉罕就真有大族長ê風度，hō͘羅得家己選擇伊想beh ê區域。

Chit-má是亞伯拉罕kah亞比米勒之間ê奴僕，為tio̍h爭水井ê問題á卯上à。Tio̍h注意ê是亞伯拉罕先用「七」隻小母羊當做代價，然後chiah講in是證明該水井是屬tī亞伯拉罕ê證物。Chit種作法mā是一種技巧kah謀略。人類社會ê問題，小ê tùi家庭中ê地位、爭家產，大ê到kui個家族地位、祖產，甚至到國家、區域ê領導權、經濟利益等。Chit段經文teh說明人kah人之間ê問題就是在tī經濟利益。

第22到24節，chit段經文說明亞伯拉罕因為有上帝同在，因為án-ne tī「每一件事」lóng顯示興旺ê氣力。亞比米勒ê元帥出面講話，mā teh暗示亞伯拉罕族群ê發展，已經威脅tio̍h基拉耳ê安危。因為án-ne，用chit種方式mā teh表明雙方和平共存ê約定。

第25到31節，chit段經文說明亞伯拉罕真有技巧地用「七隻小母羊」kah「一kóa牛羊」作禮物kah證物，當做家己挖到ê井ê權利，免得koh再有任何糾紛出現。

第32到34節，種樹mā teh表示佔有ê記號，m̄-koh亞伯拉罕真清楚，若無上帝帶領，伊ê努力會付諸流水。因為án-ne，敬拜上帝，mā teh表明需要上帝ê帶領kah看顧，特別是寄居tī異域之地koh khah需要上帝ê保守。
經文：

創世記 22:1-22:10

註釋:

第廿二章mā是屬tī「以羅伊文獻」典ê資料khah-chē，tùi第1到14節、19節lóng是。

到18節是屬tī「祭司文獻」ê資料，20到24節則「耶和華文獻」。

Chit章mā是大家所熟悉有關亞伯拉罕獻以撒ê故事，是創世記中非常頂港有名聲下港有出名ê故事之一。早期ê社會，獻孩童hō͘神明ê儀式，tī宗教行為上是真普遍ê事，特別是tī迦南地ê宗教祭典行為中，chit種獻孩童hō͘神明ê事件並無稀罕。Mā因為án-ne，摩西ê律法清楚明文禁止以色列人民有chit種行為（參考利未記十八：21、二 十：3，申命記十八：10a），chiah-ê律法規定ê背景一定kah當時、當地ê人民ê宗教行為有密切ê關係。因為án-ne，chit件亞伯拉罕獻以撒ê事件，mā是用來解釋為甚麼以色列人民m̄免孩童獻祭ê主要緣由，以區別以色列人民kah迦南地人民tī信仰上ê差別。可惜ê是，以色列人民有kóa君王並無遵照摩西律法ê規定做tāi-chì，in甚至用家己ê kiáⁿ獻hō͘迦南地ê神明（參考列王記下十六：3、十七：17、廿一：6）。

Koh講，chit件事mā進一步teh說明亞伯拉罕對耶和華上帝ê絕對忠心kah順服。Tùi伊tī哈蘭被呼召離開到chit-má，創世記作者lóng是繞tio̍h chit-ê主軸：亞伯拉罕確實是信心之父，伊對上帝ê命令絕對聽從。Tī伊ê觀念中，上帝既然有辦法tī伊一百歲ê時chūn，hō͘伊得tio̍h gín-á，taⁿài伊kā chit-ê gín-á獻tī祭壇上，伊mā ē-tàng m̄免擔憂甚麼，因為性命既然是tùi上帝賞賜而來，chit-má上帝ài the̍h去，祂家己就會有所安排。

Chit件記事ê開始就講上帝「考驗亞伯拉罕」，chia ê考驗，並m̄是講上帝m̄知亞伯拉罕是m̄是忠心ê問題，mā m̄是懷疑伊ê忠chiâⁿ度。卻是一種測驗，是beh促成hō͘伊koh khah上一層樓，堅定伊ê信心。

第2節真清楚描述以撒對亞伯拉罕ê重要性，是伊所「疼ê獨子」，而且hit年老ê時chūn真無簡單chiah chiah得tio̍h ê。Chia講「摩利亞」，chit位詞kah「看見」、「觀看」、「預備」等詞ê字根仝款。

「燒化祭」，這表示是一種宰殺了後，khǹg tī祭壇上燒獻hō͘神ê獻祭方式。換句話講，上帝ài亞伯拉罕kā以撒刣死當做祭品獻祭。

第3到8節，chit段經文描述以撒聽從並kah老父亞伯拉罕上山，á亞伯拉罕卻一直隱瞞beh kā伊當做獻祭用品獻hō͘上帝ê事。

第5節講亞伯拉罕kā奴僕留tī山下，伊家己帶tio̍h以撒上山去，有可能為tio̍h是beh防範奴僕搶救以撒á阻礙了獻祭ê事。

第8節亞伯拉罕回答以撒ê詢問講「上帝家己會親自預備」，就是第15節所講ê「耶和華以勒」ê意思。

第9到10節，chit兩節說明亞伯拉罕一屑á 都無遲疑地就準備beh kā以撒刣死當做祭品獻hō͘上帝。
經文：

創世記 22:11-22:19

註釋:

Chit段經文說明亞伯拉罕確實是tī信仰上真堅定，對上帝ê話確實遵守。伊通過了上帝ê考驗。

第11到12節，是kui個事件ê轉捩點，上帝ê天使出現to̍h是刻阻止了亞伯拉罕刣死以撒ê行動，並且肯定亞伯拉罕tī chit件考驗上通過了，確認伊心中一直是「敬畏上帝」。

第13到14節，「一隻公羊」ê出現，並m̄是亞伯拉罕準備ê（參考第7節），是上帝親自預備hō͘亞伯拉罕用ê。

第15到18節，chit段經文thang看見上帝對亞伯拉罕堅定信心ê回應，就是koh一pái表明祂對亞伯拉罕ê應允一定會實現。第18節mā是koh一pái回應第十二章2到3節，上帝揀選亞伯拉罕ê應允。

第19節，chit節本是緊接14節後面，插入第15到18節，主要teh說明上帝對忠實tī祂ê子民，lóng會有明確ê賞賜。
經文：

創世記 22:20-22:24

註釋:

這是一份簡單ê族譜，其siōng主要ê目的，是為第廿四章以撒娶利百加做bó͘作一個伏筆，說明利百加mā是屬tī亞伯拉罕家族家己ê人。另外一方面，chit-ê族譜mā是teh回應第廿一章1到7節，說明撒拉生以撒，á蜜迦mā hō͘ 拿鶴生gín-á。

Koh講，族譜ê出現mā當teh說明撒拉ê時代結束，續接而來ê kā是利百加時代來臨。
經文：

創世記 23:1-23:9

註釋:

第廿三章kui章lóng是屬tī「祭司文獻」。Mā是為亞伯拉罕chit位siōng早ê族長歷史劃下一個句點。Chit章mā是創世記中第一pái提起有關喪葬ê問題。

以色列人民後來真關心土地，這kah in想安葬已往生ê親人有關。即使出外人來到in khiā起ê所在死去，mā tio̍h為in安葬chiah thang（參考馬太福音廿七：7）。 比較特別是用後創世記tī記載有關埋葬往生ê人ê時，lóng會提起chit塊由亞伯拉罕向赫人購買ê土地（參考廿五：10、三十五：27－29、四十九：30－31、五十：13）。

Chit段經文開始就提起撒拉享年共計有「一百二十七歲」，chit-ê歲數是用「一百二十」加「七」；前者是十二ê倍數，表示完美無缺，後者ê「七」表示有上帝賜福ê意思。雖然án-ne，亞伯拉罕iáu是為撒拉ê往生「哀慟號哭」，表示哭得非常哀傷ê意思。

第3到4節，因為往生ê所在是tī「希伯崙」，因為án-ne，亞伯拉罕決定就近買地安葬bó͘撒拉。聖經時代ê東方社會有種觀念，siōng悲慘ê人，是死無葬身之地。因為無地方thang埋葬，chit種身軀會hō͘野獸吞食。因為án-ne，安葬親人是一件美好ê事。亞伯拉罕決定向土地所有人赫人購買土地。

第5到9節，因為亞伯拉罕是寄居者，無購置土地ê財產權，除非當地ê人同意，若無伊所寄居ê土地無論做án怎用途，lóng隨時有可能被索取tńg去。希伯崙ê人對伊真好，mā表示亞伯拉罕kah當地ê人之間ê互動真密切，有美好ê關係。In願意提供土地hō͘伊作墳地ê路用。M̄-koh亞伯拉罕清楚知影án-ne土地iáu-koh像寄居者仝款，不屬tī家己ê，隨時有hông驅逐ê可能。因為án-ne，伊堅持beh買「麥比拉洞」，而且伊真清楚無法度要求任何減免，只有照「實價」購買，chiah bē發生糾紛。
經文：

創世記 23:10-23:16

註釋:

Tùi第10到11節thang看tio̍h chit件買賣交易是非常正式ê，土地所有人是瑣轄ê kiáⁿ以弗崙，伊kah其他赫人lóng「坐tī城門口聚會ê所在」，這ná親像今á日ê法院公證處仝款。在場出席ê人lóng會成做證人，證明chit項買賣是m̄是公正。

瑣轄ê kiáⁿ以弗崙態度表現出來hō͘聽見ê人lóng認為伊真善良，伊表示願意kā「ná整塊田地連同田裡ê洞送」hō͘亞伯拉罕去埋葬bó͘撒拉。其實，伊先講chit段話就是beh hō͘伊ê同胞lóng看見，伊並無貪財ê意思。

第12到13節，亞伯拉罕真清楚一個寄居tī伊人ê所在ê人，無可能得tio̍h chit種禮遇，伊清楚in ê生活文化。因為án-ne，伊無被án-ne甜美hō͘沖昏了頭，伊真清楚表示是beh買，無想beh接受贈與。

第14到16節，chia真清楚主以弗崙心中ê策略，就是beh用極高ê價錢出售hi̍t 所在。因為án-ne，伊出了一個價，就是「四百塊銀á」，這是當時ê天價。比起暗利王購買整座撒馬利亞山是用「六千塊銀á」（參考列王記上十六：24），chit塊小小ê墳地竟然beh討價四百塊銀á，這真正是teh kā出外人揩油。而且iáu特別tī公眾面前講：「你我之間，ná算得了甚麼？」這顯示伊清楚亞伯拉罕ê經濟狀況，而且知影亞伯拉罕非買bē-tàng。果然，亞伯拉罕二話不講，就買了落來。當時錢幣是計算重量ê。Á chit塊埋葬撒拉ê墳地，後來mā埋葬了亞伯拉罕家己、以撒、利百加、雅各等親人kiáⁿ孫。taⁿmā成做以色列人民kah阿拉伯人民共同緬懷先人ê仝一個處所。
經文：

創世記 23:17-23:20

註釋:

這是亞伯拉罕第一pái用錢買迦南地當做安葬撒拉ê墳地。伊m̄是用武力侵入迦南地，是用極高ê價錢買會tio̍h，mā因為án-ne，lóng受迦南人ê尊重。
經文：

創世記 23:23-23:35

註釋:

Chit位指揮官隨時採取嚴密ê措施，一是派出「步兵兩百，騎兵七十，長槍手兩百」，chit-chūn容真正是真大，只為tio̍h beh保護一位引起暴亂ê使徒保羅。二是伊決定kā使徒保羅移送到該撒利亞hō͘總督腓力斯（Tiber ius Claudius Felix），伊是tī主後52年開始統治猶大省，直到主後60年。Tī該撒利亞有羅馬駐軍，tī安全上koh khah周密，而層次mā比較高，由in去守護，án-ne伊mā thang安心，m̄免負責任。三是利用暗時九點移送使徒保羅，án-ne thang避免因為日時頭來hông發見ê風險。

第26到30節，chit位指揮官名叫「呂西亞」，為tio̍h beh移送使徒保羅到該撒利亞總督腓力斯手中，伊特別寫呈文，內容是描述使徒保羅有羅馬公民身分，因為kah猶太人之間有爭執，m̄-koh後來接獲消息，講有猶太人想beh暗殺伊，因為án-ne，伊採取保護措施，hō͘總督腓力斯審案，伊mā有吩咐原告直接到該撒利亞控訴。Tī呂西亞ê呈文中，第29節是真值得注意ê，tī chit節提起兩件真重要ê內容：（1）使徒保羅並無該囚禁á是該死ê罪。（2）指揮官呂西亞認為使徒保羅ê事件，基本上是屬tī猶太人內部信仰紛爭ê問題。換句話講，chiah-ê猶太人領袖所控訴使徒保羅ê罪狀，並m̄是屬tī政治性ê，卻是屬tī宗教性ê問題。因為猶太人對tī政治性ê議題無審問權，只有牽扯到政治性ê議題，kah引發社會動亂ê重大事件，chiah會引起羅馬政府ê重視。

第31到35節，羅馬指揮官是真有智慧ê人，伊teh保護使徒保羅ê措施上做得真完美，伊利用暗時下令押解使徒保羅先往「安提帕底」，這是羅馬ê一處軍事基地，距離耶路撒冷大約有五十公里。然後步兵tńg來營，騎兵帶使徒保羅繼續前往該撒利亞。總督腓力斯先問使徒保羅tó位人，這主要kah管轄權有關。知影使徒保羅是基利ê厝內人了後，就決定thèng候原告來到了後，開庭審問。原因是呂西亞tī呈文信函中有提起交帶控訴者上該撒利亞去上訴。
經文：

創世記 24:1-24:9

註釋:

Kui章lóng是屬tī「耶和華文獻」ê作品。chit章長到67節ê經文，mā是創世記中siōng長ê一章，是一篇讀來真hō͘人開心ê故事，講以撒娶bó͘。雖然是用相當有趣味ê方式teh描述亞伯拉罕ê老奴僕替以撒去娶新婦tńg來，koh khah重要ê，它mā是teh說明亞伯拉罕已經老邁，新ê族長以撒kā繼承伊帶領族群命脈ê角色，ná親像頭前bat提過ê，創世記是用族譜當做朝代ê 替換、界線。

以撒ê族長史篇幅thang講是創世記中四個族長史siōng短ê，只到第廿七章就結束loh。Á tī chit-ê四章中，伊ê bó͘利百加soah koh扮演相當重要ê角色，真正關係以撒ê部分，作者tī-chia寫了並無chē。Chia編撰者mā提供一個有意義ê認bat：女性（母性）ê角色tī族長歷史演進中ê bē-tàng疏忽。Ná親像夏娃tī伊甸園中所造成ê影響仝款，koh親像撒拉tī亞伯拉罕ê厝裡之影響力。

Chit章開場白就說明亞伯拉罕已經老邁，厝裡ê事其實就是kiáⁿ以撒teh接棒管理。作者強調亞伯拉罕「一生所做ê事lóng蒙上主賜福」，chit句話是為亞伯拉罕故事作一個完結。因為án-ne，chit章mā ē-sái講是亞伯拉罕族長史故事ê結束。

第2到4節，chia講亞伯拉罕ài chit位老管家kā手下tī伊ê雙腿之間chiù-chōa，chit種動作是teh指kā手hē tī生殖器chiù-chōa。這mā是古老東方社會一種發性命之誓ê方式，是因為當時ê人看生殖器是神聖ê器官，kā手hē tī生殖器上chiù-chōa，表明：一定會按照所chiù ê chōa去執行，如果無，就ná親像會有「斷絕後代」、「絕子絕孫」ê嚴重後果。

亞伯拉罕ài這位忠心ê老奴僕去故鄉替以撒娶bó͘，á bē-tàng娶「迦南ê cha-bó͘-gín-á」，這mā說明tùi挪亞事件延續而來ê，對迦南人是屬tī「含」ê kiáⁿ孫有關係。Koh講，為tio̍h宗教信仰上ê理由，認為會受tio̍h迦南人chē神信仰ê影響（參考出埃及記三十四：15—16）。

第5到9節，老奴僕問清楚亞伯拉罕ê原則，á亞伯拉罕則認為信仰ê純度之重要性，khah贏過娶bó͘ ê事。這kah伊領受上帝ê賞賜得tio̍h以撒之經驗有密切關係，伊深信上帝會有美好ê安排。
經文：

創世記 24:10-24:27

註釋:

老奴僕所帶ê禮物mā ē-sái講是當時ê聘金，而且是真豐富ê聘金。伊tńg來到亞伯拉罕ê故鄉哈蘭去，到拿鶴khiā起ê城。Chit位老奴僕kah亞伯拉罕仝款，對上帝有絕對ê óa靠，伊深信上帝一定會替伊安排。

第12到14節，老奴僕向上帝祈求一個應允ê記號，ná親像第十五章亞伯拉罕向上帝祈求應允ê記號仝款。

第15到20節，chit段經文講述這老奴僕所祈求ê記號果然出現 tī利百加ê身上，伊是亞伯拉罕小弟拿鶴ê kiáⁿ彼土利ê cha-bó͘-kiáⁿ。伊成（chiâⁿ）實像老奴僕期待看見ê，m̄-nā取水hō͘老奴僕lim，mā取水hō͘伊ê駱駝lim，這lóng teh說明利百加是一個聰慧ê cha-bó͘-gín-á。

第21到27節，老奴僕除了the̍h出金環hō͘利百加當做見面禮外，mā期待ē-tàng認bat利百加ê身世背景，無想tio̍h果然是主人亞伯拉罕ê親人。因為án-ne，伊確定這就是上帝hō͘伊ê記號。
經文：

創世記 24:28-24:49

註釋:

Chit段經文說明忠心ê老奴僕如何在利百加厝裡講述亞伯拉罕ê期待。

Tùi第29節開始，出現一個重要ê角色，就是拉班，顯然地，chit時chūn ê彼土利已經往生，拉班算是拿鶴厝裡ê主人。作者用拉班「看見小妹戴tio̍h金鼻環kah金手鐲」chit句話，已經teh暗示伊是一個貪婪ê人。

老奴僕kā主人亞伯拉罕所講述hō͘伊聽，重複而且詳細地講述一pái，以及伊tú-tio̍h利百加後ê情景mā描述一下。

第48到49節，koh一pái說明這老奴僕mā是一個真敬畏上帝ê人，雖然上帝hō͘伊ê記號是hit種明顯，伊無bē記得用chit種上帝ê記號，走chhōe拉班kah伊老母ê同意這樁婚事。
經文：

創世記 24:50-24:61

註釋:

注意第50節，kā拉班名排tī in老父彼土利ê頭前，tú好說明chit時ê拉班已經是彼土利家庭ê家長。伊有權決定小妹ê婚事。

當拉班表示願意促成這樁婚事時，老奴僕希望趕緊tńg去交差。Tī徵求利百加ê同意了後，無加停留，老奴僕就chhōa利百加kah她ê女僕同齊tńg去亞伯拉罕厝裡。
經文：

創世記 24:62-24:67

註釋:

Chit段經文無提起亞伯拉罕看見利百加tńg來，只有講以撒看見伊，mā teh表明chit時亞伯拉罕已經無koh負責家務，卻是用撒續接chit間族ê重擔。
經文：

創世記 25:1-25:6

註釋:

Chit章是由chē種資料混合編輯而成ê。第1到5節、18節、21到26節a句、28節等等，lóng是屬tī「耶和華文獻」ê資料；第6 節、27節、29到34節等等是屬tī「以羅伊文獻」；á第7到17節、19到20節、26節b句等是屬tī「祭司文獻」。chit章比較特別ê所在是提供了兩份族譜，是亞伯拉罕分別kah非正房bó͘夏甲（第12到18節）、基土拉（第1到6節）所生ê。另外一份族譜是伊kah正房bó͘撒拉所生ê以撒。M̄-koh，kui章ê重點就tī第5節，表示tī亞伯拉罕ê眼中，以撒chiah是beh繼承伊產業ê kiáⁿ。

頭前bat講過，創世記tī編撰上是用族譜當做世代ê區隔。因為án-ne，有頂面所講兩份族譜ê出現，mā是teh說明基土拉kah以實瑪利ê時代過去，續落來ài kā焦點hē tī以撒ê身上，因為án-ne，用第19節來當做以撒世代ê開始。

Chia並無交帶為甚麼亞伯拉罕會「koh娶一個」名叫「基土拉」ê「bó͘」。

有關基土拉ê事，除了chia提起她ê名以外，並無任何關係她ê記事。

「基土拉」，chit-ê名ê意思是teh指「香氣」á是「香料」，意思是teh指伊是一個súi、hō͘人意愛ê cha-bó͘-gín-á。

第2到4節，chit三節經文中，總共出現16個人名。Chiah-ê族群kah kiáⁿ孫thang講lóng是khiā起tī阿拉伯地區。

第5到6節，chit兩節是作者想beh強調ê，亞伯拉罕只看重上帝賞賜hō͘伊kah撒拉所生ê kiáⁿ以撒。這beh表達一個中心思想：以撒chiah是亞伯拉罕ê「獨生kiáⁿ」，因為án-ne由伊繼承產業。因為án-ne，雖然亞伯拉罕koh娶基土拉作第三房，m̄-koh chiah-ê生落來ê kiáⁿ孫，伊lóng tī「活teh ê時chūn」kā產業處理好，hō͘ chiah-ê人「遠離」以撒。這ná親像伊同意撒拉ê觀點，kā以實瑪利kah夏甲驅離伊ê厝仝款（參考廿一：10、14）。
經文：

創世記 25:7-25:11

註釋:

Tùi第7到8節chit兩節講tio̍h亞伯拉罕往生ê年紀，表示亞伯拉罕ê時代正式結束。這「一百七十五歲」，mā就是「一百七十加五」，chit三個數字lóng teh說明亞伯拉罕活tī上帝賜福之下，相當幸福。Án-ne，tùi伊七十五歲時hō͘ 上帝呼召離開哈蘭後到chit-má，koh活了一百年。Tī chit-ê一百年間，就是tī上帝引領之下行過人間ê歲月。

「伊ê kiáⁿ以撒kah以實瑪利kā伊埋葬tī麥比拉洞」，chit句話講出兩件真重要ê事：一是用撒ê家族地位比以實瑪利koh khah重要。二是雖然以實瑪利被驅離，m̄-koh伊kah以撒之間ê關係iáu是和好ê。Chit點mā thang tùi第11節講以撒khiā起tī夏甲被虐待á逃離家門後，遇tio̍h上帝ê所在「庇珥‧拉海‧萊」（參考十六：14）看出來。

亞伯拉罕tùi赫人以弗崙所買ê麥比拉洞，是伊當初用來埋葬撒拉ê墳地，chit-má mā用來安葬伊家己kah kiáⁿ孫。

第11節，chit句「亞伯拉罕死了後，上帝賜福hō͘伊ê kiáⁿ以撒」，表示以撒傳承家族產業以外，koh khah重要ê，是上帝ê帶領kah看顧一直陪伴tī伊身邊。因為án-ne，用伊khiā起ê「庇珥‧拉海‧萊」這地名來表示。
經文：

創世記 25:12-25:18

註釋:

Chit段經文是有關以實瑪利族譜，mā teh表示tùi chia了後就無koh出現伊ê事，創世記作者kā所有ê焦點hē tī以撒ê身上。

第13到15節，chia總共列出十二個名單，mā回應了第十七章20節上帝對亞伯拉罕ê應允，講beh賞賜hō͘以實瑪利有kiáⁿ孫做「十二個族長」 。

第16節，chit節講「in所tòa ê庄頭、營地lóng是按照in ê名號名」，這表示in ê名kah城市、鄉鎮，甚至族群á是國家ê名，是有關係ê。Mā thang知影舊約聖經中ê名，往往有三種意義：一是teh指個人，二是teh指族群、部落，三是國家、地方。

第17節，chit節表示以實瑪利ê事就交帶到chia結束，伊活teh ê年歲mā是充滿了上帝ê賜福。

第18節，說明以實瑪利chiah-ê kiáⁿ孫分佈ê情景。M̄-koh chit句話koh khah重要，就是用實瑪利ê kiáⁿ孫「無kah亞伯拉罕其餘ê後代tòa做伙」，chit句話說明以實瑪利ê chiah-ê kiáⁿ孫，kah以撒ê kiáⁿ孫，並無khiā做伙á是混合做伙。
經文：

創世記 25:19-25:26

註釋:

Tùi第廿五章19節開始，一直到第三十六章43節，chit段經文就是有關雅各chit-ê族長ê歷史。Á中間第廿六章有關以撒ê記事，只是beh凸顯一件事：伊確實得tio̍h上帝ê賜福，就ná親像伊ê老父亞伯拉罕仝款。

第19節，chit節講tùi chia開始，是有關「以撒ê記載」，其實是雅各ê記事chiah-tio̍h。為tio̍h beh紹介雅各出世ê情形kah背景。

第20節，chia講以撒結婚ê時是「四十歲」，chia象徵性ê意義遠比實際年齡khah重。

第21到23節，「利百加不孕」，chit句話koh一pái說明性命是上帝所賞賜ê，因為án-ne，當以撒向上帝祈求，上帝垂聽伊ê祈禱，就賞賜hō͘利百加有娠，而且是懷「雙生á」。M̄-koh這雙生á tī老母ê腹肚裡就開始有爭吵，這mā teh暗示後來chit兩個人ê kiáⁿ孫tī發展中，一再有相爭ê事發生。

第24到26節，chit段經文講出以掃kah雅各這兩族群身軀上ê差別，m̄-koh khah重要ê是tī第26節所講ê，雅各爭奪ê心，因為án-ne伊ê名叫作雅各，指ê就是會爭。Á tùi以撒四十歲結婚，到伊生chit對雙生á，是經過二十年了後。
經文：

創世記 25:27-25:34

註釋:

Chit段經文用來解釋chit對雙生á彼此之間ê爭吵ê原因。

第27到28節，講出兩個族群ê差別，m̄-nā是頭前提起ê外表特徵，koh khah tī人格特質上有無仝；以掃ài phah獵ê「戶外活動」，雅各卻是「好靜」。M̄-koh khah tio̍h注意ê是：「以撒偏愛以掃」，「利百加偏愛雅各」，這已經講出兩個族群之間ê問題，是kah父母ê態度有密切關係。

第29到33節，chit段經文講出雅各ê奸巧，趁兄哥以掃ê飢渴，伊用siōng sio̍k ê「紅豆湯」來換兄哥以掃siōng貴重ê「大kiáⁿ ê名份」。

第34節，大kiáⁿ名份tī東方社會是真貴重ê身分，表示thang得tio̍h老父兩份ê財產（參考申命記廿一：15—17）。M̄-koh以掃為tio̍h一碗紅豆湯，出賣了家己大kiáⁿ ê身分。表示伊看輕上帝所賞賜hō͘伊ê chit-ê「大kiáⁿ ê名份」。

Chit段經文mā teh描述傳說中有關顧羊人kah獵人之間彼此輕視、對敵ê因素，被引用來解釋以色列人民kah以東人民之間ê緊張關係。
經文：

創世記 26:1-26:15

註釋:

Chit章mā是由三種無仝文獻混合編輯而成ê。其中以「耶和華文獻」為主軸，只有第1節a句、第2節b句、第3節b句到5節、34到35節是屬tī「祭司文獻」，第15、18 chit兩節屬tī「以羅伊文獻」外，其餘lóng是屬tī「耶」典ê作品。Chit種「耶」典作品真大ê特色之一，就是kā上帝以「擬人化」ê方式表達出來。親像：上帝會kah人面對面講話，關係親密。

Chit章比較詳細紹介族長以撒ê事蹟，作者以兩件主要事蹟來紹介以撒，m̄-koh，這兩件事蹟lóng是亞伯拉罕bat有過ê經驗。Thang發見作者有意思beh表明tī以撒ê身上ē-tàng看見in老父亞伯拉罕ê影像。

Chit段經文kah第十二章10到20節，以及第二十章ê記事真類似。頭前敘述過，這可能是仝一件事，m̄-koh有無仝ê傳統敘述故事發展。主要teh說明，tī亞伯拉罕身上發生ê事，mā發生tī以撒ê身上。

第1到5節，chit段經文真重要，講述上帝向以撒顯現，並且應允伊會有真chē kiáⁿ孫，「親像天頂ê星hiah-ni̍h chē」，而且mā tio̍h賞賜hō͘伊chit-má所寄居ê土地，續落來是「萬國lóng tio̍h」因為以撒ê後代得tio̍h上帝ê賜福，chiah-ê應允lóng是上帝親自向亞伯拉罕講過ê應允，chit-má傳承到以撒ê身上à。

第6到11節，chit段經文講以撒寄居tī非利士人ê地基拉耳，hi̍t 所在ê王亞比米勒發見以撒kah利百加原來有親密ê夫妻關係，就受氣以撒bat欺騙伊講利百加是伊ê小妹。為chit件事，以撒坦白解釋伊是驚惶因為bó͘利百加súisoah hō͘家己受殺害。為chit件事，亞比米勒下命令保護利百加，這等於是保護以撒kah伊ê全家。

第12到13節，chit兩節講出上帝照祂對以撒ê應允，賜福hō͘伊。

第14到15節，tùi第14節開始，講出非利士人因為看見以撒ê發達á嫉妒，因為án-ne，一再破壞以撒kah家族賴以維生ê井。作者主要用chit兩節說明續落去ê記事，就是有上帝同在，就算有人進行各種干涉攪擾，mā bē阻斷上帝kah伊揀選子民之間ê關係。
經文：

創世記 26:16-26:25

註釋:

第16節mā為後來以色列人民tī埃及寄居後ê興盛做一個伏筆。

因為以撒ê厝興盛，引起亞比米勒ê不安，伊ài以撒kah全家遷離伊ê所在。因為án-ne，伊就遷離原本有屏障ê山區，往山谷地區紮營khiā起，chit種地方欠缺自然屏障，容易受tio̍h侵犯。Mā因為án-ne，tùi第18到21節一再講述無論以撒挖到jōa-chē口ê井，lóng是被非利士人破壞。非利士人chit種態度，mā致使以後以色列人民進入迦南地了後，一再發生爭奪、衝突之遠因。

第22節，chit節講出只要有上帝同在，人ê干涉攪擾lóng是會hō͘上帝阻擋落來。以撒終其尾得tio̍h一口無koh被非利士人阻擋、干涉攪擾ê井，thang hō͘伊kah全家安心khiā落來。

第23到25節，chit段經文koh一pái敘述第3到5節所講ê，上帝應允beh kah以撒同在，而且對in老父亞伯拉罕ê應允，繼續延續到以撒ê身上。以撒kah in老父亞伯拉罕仝款，聽tio̍h上帝ê應允，隨時就用「起造祭壇，敬拜上主」chit種方式回應上帝ê疼kah賜福。上帝koh一pái賞賜hō͘伊一口井，這對當時ê游牧民族來講，是siōng大ê賜福。
經文：

創世記 26:26-26:33

註釋:

第26到31節，chia所講ê「顧問」，就是高級幕僚ê意思。Á元帥，指ê是「國防部長」chit種身分。亞比米勒帶chit兩位高級幕僚去chhōe以撒談判，原因是in發見無論怎樣限制以撒，伊lóng是有上帝ê同在，家族興旺，足以造成基拉耳城安全ê威脅。因為án-ne，若是無簽訂和平條約，以撒真可能會來侵犯in。因為án-ne，亞比米勒希望kah以撒簽訂和平條約，希望用chit種方式保護家己ê城池。

第32到33節，上帝一直賜福hō͘以撒，hō͘伊一再挖掘到出水ê井，這mā說明以撒kah伊ê家族tī基拉耳ê山谷khiā起，上帝ê恩典豐富超過in所需要ê一切。
經文：

創世記 26:34-26:35

註釋:

簡單ê兩節經文，其實mā是一個族譜，說明以掃hō͘伊老母利百加不滿ê原因，就是伊娶迦南cha-bó͘-gín-á做bó͘。Chit種記載方式，lóng teh說明一件基本問題：以色列人民後來kah迦南人之間ê不和諧，原因是bó͘誘惑丈夫棄sak上帝去拜偶像。Chit種記事tī後來in tùi巴比倫tńg去故鄉了後，以斯拉kah尼希米ê「淨化宗教」運動中呈現出來。
經文：

創世記 27:1-27:29

註釋:

Chit章mā是由頂面所講三種文獻混合編輯而成ê。chit章mā是大家所熟悉ê有關以撒ê兩個雙生á kiáⁿ，以掃kah雅各兩位兄弟之間ê問題。Chit章之所以重要，是因為由此開始，創世記ê編者將族長ê主軸開始chhōa入雅各ê系統。Mā tùi chit章開始，一直到創世記結束，創世記ê作者紹介雅各──（koh稱做以色列）kah伊ê家族之所以被揀選ê經過，以及怎樣進入埃及，kah後來會án-ne有摩西受上帝揀選，去帶領以色列人出埃及ê事件背景，lóng記載tī第廿七到五十章chit段經文中。

Chit段經文koh一pái說明以掃kah雅各兄弟之間衝突ê原因，kah雅各欺騙in老父，奪取大kiáⁿ ê名分，引起以掃極大ê不滿，soah準備beh殺害雅各。

第1到4節，以撒準備ài kā伊ê財產傳承hō͘伊「偏愛」ê kiáⁿ以掃。所以伊ài以掃去準備伊siōng愛ê口味佳餚。

祝福，這mā講出一個重要觀念：分離。老父年老ê時，kā gín-á祝福，表示伊teh beh kah gín-á分離。

第5到10節，chit段經文說明利百加設計beh kā丈夫以撒對偏愛ê kiáⁿ以掃ê祝福，搶奪到家己偏愛ê kiáⁿ雅各身上。關鍵ê經文是tī第8節，利百加ài她偏愛ê kiáⁿ雅各去做她a̍i伊去做ê事，就是用羊代替兄哥以掃獵取ê野味，thang欺騙以撒，thang奪取以撒ê祝福。

第11到17節，雅各提醒偏愛伊ê老母利百加，chit種欺騙行為若是被老父以撒發見，m̄-nā得bē-tio̍h祝福，反tńg是帶來詛咒。

M̄-koh利百加表示為tio̍h奪取chit份重要ê祝福，就算因為被發見á需要承擔詛咒，伊mā甘願。這tú好說明父母鼓勵gín-á作無正確ê事，甚至溺愛到願意承受性命ê詛咒。「照我ê話去做」（參考第8節、第13節、第43節），果然雅各就照老母ê話去做。創世記作者beh表達一件事：人會犯罪ê基本原因，就是無照上帝ê話去做，卻是照誘惑ê欺騙話語去做，像第三章蛇對人ê誘惑仝款。Mā因為án-ne，雅各足足有二十年ê時間，受盡伊丈人拉班ê欺騙、受苦。

第18到29節，chit段經文說明雅各成（chiâⁿ）實tī老母利百加ê設計下，成功地欺騙過、奪取tio̍h老父以撒ê祝福。

以撒為tio̍h beh防止家己因為年老、目睭chheⁿ-mê，確實真詳細地檢驗雅各ê身分，chiah-ê詳細ê檢驗，lóng tī說明過去家庭生活中，伊一再領教過雅各不斷來欺騙。

第18到20節，這是用撒第一pái因為聽覺所帶來ê懷疑，理由是聲音無親像以掃ê。Á雅各用上帝ê名來欺騙以撒，伊將家己ê欺騙行為，講是上帝ê賜福。

第21到23節，這是第二pái用觸覺檢視雅各ê身分，因為看bē-tio̍h m̄-koh對聲音有懷疑，因此to̍h想beh用觸摸身軀來辨別。因為以掃出世ê時， 全身lóng是毛（參考廿五：25）。M̄-koh因為利百加有事先準備，用羊毛皮來欺騙看bē-tio̍h ê以撒。

第24到25節，這第三pái是用味覺來測試，伊透過詢問認定身分，了後又ài雅各將準備好ê肉the̍h hō͘伊食。

第26到27節a句，這第四次是用嗅覺來測試，以撒ài雅各用chim嘴來表示。

以上四次lóng因為以撒ê目睭chheⁿ-mê soah hō͘雅各ê欺騙成功。

第27節b句到29節，這是用撒對雅各ê祝福，tī chit-ê祝福中主要有三件事：一是天頂有甘露，二是地上有肥沃ê土地，三是成做領導者，mā就是大族長ê意思。
經文：

創世記 27:30-27:40

註釋:

Chit段經文是說明以掃chiah發見伊大kiáⁿ名分應得ê老父珍貴之祝福，被小弟雅各欺騙得去，伊努力地向老父爭取，結果iáu是失敗，作者用chit種方式teh說明：輕視上帝賞賜ê恩典（以掃大kiáⁿ ê名分，參考廿五：34），就會失去老父往生後所有ê福氣。

第30到32節，以掃phah獵tńg來，照伊過去kah老父做伙生活中學習得到ê，mā照老父所kah意ê口味，親自煮食hō͘伊食。第31節就是teh回應第4節，主要是為tio̍h beh得tio̍h老父以撒臨終前ê祝福。M̄-koh就tī chit時，以撒chiah發見伊因為chheⁿ-mê hō͘ 雅各欺騙去。

第33到36節，以撒mā發見伊竟然因為chheⁿ-mêáhō͘ 雅各欺騙，致使「全身phi̍h-phi̍h-chhoah」，因為這是無法度彌補ê嚴重錯誤。原來中東地帶有種觀念：長輩臨終前ê祝福，只有一pái，而且無法度改變。Koh講，in深信只要講出來ê祝福á是詛咒就會實現。taⁿ，伊竟然因為無法度查明雅各ê身分，á被騙去伊臨終前hō͘家己偏愛ê kiáⁿ以掃ê祝福，tùi án-ne全身lóng 不安起來。Á以掃則確定雅各m̄是第一pái án-ne欺騙伊。

第36節講雅各「第二pái欺騙」伊，意思是teh指連續欺騙。「搶去我做大kiáⁿ ê名份」，第一pái是tī第廿五章34節，chit-má是第二pái，lóng是kah大kiáⁿ ê名份有關，表示雅各一再謀略ê，就是beh搶大kiáⁿ ê名份，這tī伊出世ê時就已經充分顯示出來（參考廿五：26）。

第37到40節，tī以掃苦苦哀求下，以撒iáu是一再表示無辦法koh再為伊祝福。因為已經講出去ê祝福，是收bē tńg來ê。伊kan-taⁿ ē-tàng hō͘ in ê，就是第40節所提起ê，伊一定tio̍h一再努力「óa靠刀劍」、「反抗」來過生活。後來tī列王記下第八章20到22節，記載以東脫離猶大國ê轄制，宣告獨立。
經文：

創世記 27:41-27:45

註釋:

以掃決定報復，m̄-koh beh等到老父以撒往生後chiah採取行動。結果chit件事hō͘ 利百加探聽tio̍h，為tio̍h雅各ê安全，伊koh一pái ài雅各聽伊，tńg去伊ê故鄉哈蘭「投奔」阿舅拉班。

利百加顯然清楚知影，雅各chit chōa去哈蘭，若是ē-tàng tńg來，伊mā會無法度koh再見伊ê面à。Á以掃卻因為老母利百加參與chit項策略騙取伊ê大kiáⁿ名份，mā心內懷恨，kah老母關係降到谷底，這mā是利百加語重心長講：一工內失去兩個kiáⁿ。

其實，tùi第廿七章ê內容mā thang看tio̍h創世記作者有意思beh降低雅各tī chit件欺騙ê行為上應該負擔ê責任，á kā chit件欺騙行為hē tī老母利百加ê身上，認為伊chiah是kui個事件ê主謀者，這可能kah雅各tī以色列民族中佔相當重要地位有關。
經文：

創世記 27:46-28:5

註釋:

Chit段經文thang看tio̍h一件事實：欺騙所得tio̍h ê，無一定是上帝ê祝福，顛倒，所帶來ê是beh付出koh khah chē ê代價。Tùi雅各身上所看tio̍h ê就是真好ê例。chit-má chit章開始ê逃走，以及以後伊tī丈人拉班厝內受tio̍h ê欺負、剝削等等ê生活經歷，到處lóng teh說明伊性命大部分時間是活tī無安全感中，而且一再受欺騙ê生活中。M̄-nā hō͘伊所óa靠ê 阿舅，mā是伊ê丈人拉班所欺騙，晚年iáu hō͘家己ê kiáⁿ欺騙等等，chiah-ê lóng是真好ê教示。

Koh講，咱看tio̍h聖經作者á是編者一個非常好ê所在，就是一再kā人性上ê缺點暴露出來，所beh表明ê一個重要信息：無一個完美ê人。只要是人，lóng有缺點，即使親像亞伯拉罕、雅各等chit種偉大族長mā是仝款，有人ê軟弱。上帝m̄是beh揀選一個完美ê人，卻是揀選一個人來成做祂拯救世人ê器皿。用chit-ê角度看揀選ê意義就會比較容易明白做基督徒受揀選，m̄是因為基督徒比別人khah好，卻是因為上帝beh透過基督徒kah教會來完成祂拯救ê計畫。

第廿八章開始進入紹介第三位族長雅各ê歷史。主要資料是「祭司文獻」，tùi第廿七章46節起到廿八章9節。然後是「以羅伊文獻」ê作品，有第11到12節、17到18節、20到22節。Iáu有古老ê「耶和華文獻」ê作品，包括有第10節、13 到16節、19節。

如果小khóa注意一下就會發覺「祭司文獻」作品顯然對tī雅各kah老母利百加合作欺騙以撒ê事件並無清楚，á是講忽略à。因為án-ne，伊tī記述雅各到阿舅拉班hia娶bó͘ ê事，kah第廿七章所描寫ê理由完全無仝。Ko̍h kā以撒無歡喜以掃ê事件看做kah娶迦南cha-bó͘人做bó͘有關。Á第9節ē-tàng看出以掃是一個真會體貼老父感受ê gín-á。

第46節thang kah第廿六章34到35節連起來看，lóng teh說明以色列人民kah迦南cha-bó͘-gín-á之間ê bē合，kah以色列人民棄sak上帝去拜巴力神明ê背景有密切關係。

第廿八章1到4節，這是用撒叫雅各去外公彼土利ê厝娶bó͘，ná親像亞伯拉罕ài老奴僕tńg去哈蘭kā以撒娶bó͘ ê事件仝款。「mài kah迦南cha-bó͘-gín-á結婚」，這說明雅各tio̍h離開老父ê厝，kah第廿七章41到45節所記載ê理由完全無相仝。

第3節，以撒祝福雅各tī chit件婚姻ê事頂面有美好ê結果，ē-tàng得tio̍h上帝ê賜福來「生湠chē-chē，作真chē民族ê祖先」，chiah-lóng teh表明以撒祝福雅各有充分ê性命力。

第4到5節，整節ê中心思想，就是kā亞伯拉罕tùi上帝ê賜福傳承到雅各身上。這表明雅各就是亞伯拉罕chit-ê家族kah kiáⁿ孫ê傳承者，m̄是大kiáⁿ以掃。這mā說明傳承家族ê，並無一定是大kiáⁿ。雅各是第二kiáⁿ，雖然是欺騙得tio̍h大kiáⁿ名份，m̄-koh真正揀選kah大kiáⁿ名份並無直接關係。
經文：

創世記 28:6-28:9

註釋:

Ná親像頭前所提過ê，以掃mā希望ē-tàng取悅家己ê老父以撒，當伊聽tio̍h無歡喜迦南cha-bó͘-gín-á，m̄-nā是老母利百加，卻是老父以撒mā是時，伊koh一pái娶以實瑪利ê cha-bó͘-kiáⁿ「瑪哈拉」，chit-ê名ê意思是teh指「溫和」。伊會án-ne做，其實mā是teh努力修復kah父母之間ê關係。因為tī第廿六章35節，記載伊就bat因為娶赫人ê cha-bó͘-gín-á，致使老父以撒kah老母利百加「不止煩惱」。
經文：

創世記 28:10-28:22

註釋:

Chit段經文thang講tī創世記中佔有真重要ê地位。Chit段經文mā是傳統上所講ê「雅各天梯」ê經文，主要ê內容是beh說明為甚麼tī以色列人民ê心目中「伯特利」佔有非常重要ê地位（參考士師記二十：18，列王記上十二：25—33）ê原因。

Tī chit段經文中mā是teh說明上帝kah人之間並無距離，卻是上帝一直kah祂所揀選ê子民同在。當雅各teh「逃走」ê途中，上帝並無棄sak伊，mā無bē記得伊，卻是無論伊行到tó位，上帝就跟tòe伊到hia。
第10到11節，雅各照老父以撒ê吩咐，出發去阿舅拉班ê厝。Tī旅途中伊睏去。

第12到14節，雅各「夢見」天使kah上帝，chit種透過「夢」kah上帝相會ê寫法，tú好是「以羅伊文獻」ê特色，說明上帝無koh直接kah人面對面，卻是透過「夢」來啟示人明白祂ê旨意。第13節koh一pái說明上帝直接對雅各說明祂ê應允，á chit-ê應允mā是上帝hō͘亞伯拉罕kah以撒ê應允。這說明雅各就是亞伯拉罕、以撒ê傳承者。

第15節，chit節說明上帝揀選雅各，必定會保護伊。上帝並且強調一定會實現祂對雅各ê應允。

第16到17節，雅各第一pái經歷到上帝竟然陪伊行到chit-ê伊歇睏ê所在。因為án-ne，伊講hi̍t 所在是「上帝ê殿」。這就是後來伯特利成做聖地ê原因。

第18到22節，雅各用石頭作記號，並且向上帝獻祭、下願，伊下願了四種內容：一是上帝kah伊同在；二是tī旅途中保護伊；三是hō͘伊生活上ê需要無缺乏；四是帶領伊平安tńg來到故鄉。果若án-ne，伊就beh用上帝賜hō͘伊ê「十分之一」獻hō͘上帝。
經文：

創世記 29:1-29:14

註釋:

Lóng是記載有關雅各寄居tī伊阿舅拉班ê厝ê生活kah工作。Mā tùi chit三章經文中，thang看tio̍h雅各十二個gín-á ê出世背景，chit對tī認bat以色列民族支派ê歷史有真大ê幫助。Ná親像頭前講過ê，tùi欺騙得來ê祝福，無一定是福氣，有時反tńg tio̍h付出koh khah chē ê代價。Tī chit三章中mā看tio̍h雅各確實是án-ne tam盡了欺騙所得tio̍h ê苦楚。Tī chit三章中，「祭司文獻」ê資料相當少，siōng重要ê是用古老ê「耶和華文獻」kah「以羅伊文獻」ê資料來源互相編輯而成。

Chit段經文ê背景kah亞伯拉罕ê奴僕去拉班ê厝娶利百加tńg來hō͘以撒做bó͘ ê經歷真接近。主要lóng teh說明上帝teh帶領kah保守雅各，hō͘伊tī旅途中有好ê境遇。

Tùi利百加顧羊群取水，kah拉結顧羊群，以及出埃及記第二章記載摩西tú-tio̍h米甸ê祭司葉特羅ê cha-bó͘-kiáⁿ顧羊群，去井邊取水ê記事，lóng thang看出當時游牧民族cha-bó͘-gín-á顧羊群kah phah水ê艱苦生活。

當雅各明明確知影拉結就是伊阿舅拉班ê cha-bó͘-kiáⁿ後，激動koh興奮kah伊chim嘴，á拉結就kā chit-ê重大消息走tńg去kā老父拉班講。拉班看見雅各，講伊是「骨肉之親」，chit句話是表示拉班tī聽雅各「Kā一切ê經過lóng kā拉班講」了後，證實雅各是家己ê親人ê意思。Á「這一切ê經過」，tī以後ê經文中，描述拉班án怎欺騙雅各，咱thang明白，雅各kā家己逃到拉班ê厝依親ê原因，就是伊欺騙老父以撒kah兄哥以掃，lóng bat向拉班說明kah真清楚。
經文：

創世記 29:15-29:30

註釋:

Chit段經文第一pái講tio̍h拉班欺騙雅各ê經過，m̄-koh mā是teh說明雅各是jōa-ni̍h-á愛拉結，以及伊一定tio̍h娶拉班ê兩個cha-bó͘-kiáⁿ，就是利亞kah拉結做bó͘ ê原因。

拉班對雅各表示願意付伊工資，m̄-koh雅各愛拉結做bó͘，因為án-ne，伊願意用「做工七年」來當做工資，娶拉結。

第19到25節，說明雅各第一pái hō͘家己ê 阿舅，mā是丈人拉班欺騙，kā原本講好ê娶拉結做bó͘，換做長女利亞。雅各為tio̍h án-ne非常不滿，質問伊ê丈人拉班「為甚麼欺騙」伊。M̄-koh伊bē記得家己就bat欺騙家己ê老父和兄哥。

第26到30節，因為寄人籬下，雅各無法度反抗，只有ē-tàng利用家己ê聰明做條件，koh再用七年時間替拉班做工，來換拉結做bó͘。因為án-ne，為tio̍h娶拉結，伊總共用去十四年ê時間。這mā看tio̍h「七」chit-ê數目的重要性。為tio̍h beh娶tio̍h拉結做bó͘，雅各koh付出「七年」ê代價。換句話講，拉結thang講是雅各tī 阿舅拉班ê厝工作、生活siōng重要ê目的。
第27到28節thang看出當時中東地帶ê婚宴，是長到七工（一週）ê時間。

第30節，chia講雅各「愛拉結贏過愛利亞」，chit句話mā teh暗示雅各mā傳承來自父母對子女ê偏愛。Mā為後來伊疼拉結生ê約瑟，贏過其他ê kiáⁿ記落來一個伏筆。
經文：

創世記 29:31-29:35

註釋:

Chit段經文說明一個非常重要ê信息：賞賜性命ê是上帝，用人ê氣力beh取代上帝對性命ê賜福是無可能ê。以色列人民一直保持一個基本ê信仰觀念，就是一個性命ê誕生，除了夫妻ê努力之外，iáu需要有上帝ê賜福。這tùi撒拉九十歲生以撒ê事件thang說明這信息ê意義。

上帝會垂聽、俯視人類世界ê景況，mā說明人所愛ê，可能m̄是上帝所歡喜ê。雅各愛拉結贏過利亞，引起上帝ê關注。祂賜福hō͘利亞，hō͘伊ē-tàng有娠「生育」，相對ê，卻hō͘拉結「無法度生育」。

Tī東方社會，cha-bó͘-gín-á無法度有娠生kiáⁿ，被看做是上帝ê詛咒，á相對ê，ē-tàng有娠生kiáⁿ則是tùi上帝ê賜福。因為án-ne，無法度有娠生kiáⁿ ê cha-bó͘-gín-á tī社會中ê地位真低。

上帝特別賜福hō͘利亞，hō͘伊ē-tàng有娠生kiáⁿ，因為án-ne，伊連續生四個kiáⁿ，依序是：呂便、西緬、利未、猶大等。Chit四個kiáⁿ ê前後出世，lóng講出利亞tī雅各家庭ê境遇，包括她有苦情，mā因為無受寵á艱苦心，期待丈夫雅各koh khah愛她，kah因為ē-tàng生kiáⁿ á歡喜到歌頌上帝。
經文：

創世記 30:1-30:24

註釋:

Chit章是繼續第廿九章31節後面，記載利亞kah拉結兩姊妹之間爭寵、生kiáⁿ ê經過。

Chit段經文描述拉結為tio̍h家己無法度有娠，向雅各抱怨，甚至用死來威脅雅各，一定會hō͘伊有娠。第2節雅各對拉結受氣，講：「Hō͘ 你無生ê 是上帝，我kám ē-tàng 代替祂？」(全民版)」Tùi創世記第三章5節，蛇引誘人犯罪ê時所講ê「Lín會親像上帝」，到chit句「我無法度代替上帝」，然後用第五十章19節約瑟對伊兄弟所講ê「我無法度代替上帝」作結束，thang看tio̍h創世記作者ê用心非常明顯：人ê性命是相當軟弱ê。無上帝ê賞賜，人所得tio̍h ê kā是一場空。

第3到8節，拉結ê作法kah撒拉仝款，kā家己ê女婢辟拉kah雅各同房，主要目的是希望藉tio̍h辟拉為伊「生gín-á」，thang hō͘她mā ē-tàng「做老母」，表示hō͘她tī丈夫ê厝內擁有尊嚴kah地位。Án-ne，辟拉連續替雅各生兩個kiáⁿ，chit兩個kiáⁿ ê名「但」kah「拿弗伊利」，lóng teh代表拉結kah阿姊利亞之間爭奪丈夫ê疼ê心境。

第9到13節，利亞發見家己已經無法度繼續有娠，因為án-ne，就照拉結ê方式mā kā家己ê女婢悉帕送hō͘雅各同房，mā是仝款生兩個kiáⁿ，號名「迦得」kah「亞設」，仝款ê，in名lóng有含利亞心中ê感受。

第14到21節，chit段經文講述利亞因為看見雅各iáu-koh深愛拉結，無因為伊生真chē kiáⁿ á hō͘雅各寵愛伊，á拉結iáu-koh照常希望家己ē-tàng有親生ê kiáⁿ。因為án-ne，伊希望用「催情果」來hō͘家己有娠，利亞則利用催情果當條件，換來雅各ê同房，果然，伊koh一pái有娠。Tùi第9節ê停止「生育」，到第17節向上帝祈禱後á有娠，chiah-ê lóng tī說明性命ê出現，是因為上帝ê賞賜chiah得tio̍h。

第18到21節，記載利亞koh一pái為雅各生「以薩迦」、「西布倫」，kah cha-bó͘-kiáⁿ「底拿」。Ná親像頭前所講ê，chiah-ê kiáⁿ ê號名lóng teh代表伊心中ê聲音。

第22到24節，是一個極大ê逆轉，上帝垂聽拉結ê祈禱，hō͘伊ē-tàng有娠，伊生落來第一個kiáⁿ約瑟。伊講：「上帝除去我ê見笑。」可見當時ê婦女無法度有娠ê性命苦難，就是見笑。伊因為家己ē-tàng有娠生kiáⁿ，就繼續祈求上帝koh再賞賜hō͘她一個。
經文：

創世記 30:25-30:43

註釋:

Chit段經文主要teh說明雅各想beh脫離丈人拉班ê厝。原因是伊深深體驗tio̍h家己一再受欺騙。

第25到26節，伊向拉班說明希望得tio̍h ê是十一個kiáⁿ kah一個cha-bó͘-kiáⁿ底拿。伊講這是伊應得ê工資。

第27到28節，拉班同意家己ê興旺，lóng是因為上帝賜福tī雅各身上。因為án-ne，伊願意koh一pái付出工資，為tio̍h是beh kā雅各留落來。

第29到30節，雅各mā認為拉班所增加ê真chē財產lóng kah伊ê工作有密切關係，á這mā lóng是上帝藉tio̍h伊賞賜hō͘拉班ê。M̄-koh伊beh為家己ê「前途phah算」，想tio̍h離開。

第31到33節，chit段經文講述雅各ê聰明，mā是伊經過長到十四年ê磨練，有ê智慧。

第34到36節，拉班iáu是繼續用家己欺騙ê技巧，想beh hō͘雅各無法度離開伊ê厝，繼續為伊工作落去。拉班kā所有看起來肥壯、仝一個色系ê羊lóng帶走，離開雅各有三工ê路程，這表示雅各無法度偷the̍h-tio̍h強壯ê羊來交配。M̄-koh伊bē記得經過這十gōa年時間ê努力，雅各確實有真chē心得kah經歷。

第37到43節，雅各利用伊過去顧羊ê心得，hō͘家己ê羊群漸漸增加。聖經作者用chit種方式teh說明：tī雅各ê身上有上帝同在。有上帝同在ê人，所做ê事，lóng會有上帝ê賜福。

Koh講，聖經ê編者mā有意思beh透過chit段故事來改變雅各本來「奸巧」、「詐欺」ê形象。用辛苦工作十四年，卻無計較工資，m̄-koh用智慧得tio̍h工資──羊群，這kah伊原本tī老父ê厝，趁兄哥以掃無tī厝裡，侵佔了大kiáⁿ ê福份，實在有差大碼。
經文：

創世記 31:1-31:13

註釋:

Chit章繼續teh描述雅各想beh脫離拉班ê用心kah計畫，伊用心想出所有ê辦法脫離拉班ê控制，mā同時beh hō͘家己bē空手離開。

第1到3節，說明雅各知影有危難teh beh發生，因為聽tio̍h拉班ê kiáⁿteh抱怨。這是一種危險ê訊息。

第3節是雅各堅定beh逃離拉班ê厝ê一個重要根據：上帝對伊講話，並且表示beh kah伊同在。這mā ē-sái講是一種安全保證。

第4到13節，雅各向家己ê兩個bó͘拉結kah利亞說明，伊ê苦情kah計畫。注意第7節，雅各講伊被拉班欺騙「十pái」。「十」是「五」ê倍數。換句話講，拉班是一pái koh一pái欺騙雅各，無停地欺騙伊，改變伊ê工錢。Hō͘伊無法度得tio̍h公道ê待遇。這mā是teh說明：拉班之所以ē-tàng累積hiah-ni̍h chē ê財富，並m̄是伊有甚麼聰明智慧，á是努力工作，卻是因為欺騙所得。taⁿ，雅各決定tio̍h離開，伊向家己ê兩個bó͘說明會án-ne用無仝方式hō͘羊群交配ê原因，是得tio̍h上帝啟示chiah有ê，並m̄是家己有甚麼智慧、能力。

第13節，thang講是kui個回鄉行動主要ê因素：kah上帝ê立約有密切關係。Chit節mā是第廿八章18到22節，雅各tī伯特利設立石頭記念碑，祈求上帝帶領ê一個回應，表明上帝永遠遵守kah人所立ê約。
經文：

創世記 31:14-31:21

註釋:

拉結kah利亞兩位姊妹聽家己ê丈夫雅各講述了後，mā同意雅各ê講法，in仝款認為老父貪愛錢財，甚至kā in當做「外人」，m̄是當做cha-bó͘-kiáⁿ。因為án-ne，in支持丈夫雅各脫離老父ê厝ê計畫。

第17到18節，雅各利用拉班去剪羊毛ê慶祝季節，偷偷á準備好所有ê家伙，帶tio̍h bó͘、kiáⁿ，kah所有ê牲畜、奴僕離開伊寄居長到二十年ê丈人mā是阿舅拉班ê厝。

第19節，chit節真重要，說明拉結kā老父拉班厝裡ê一kóa「家族神像」mā偷the̍h去à。Chiah-ê神像其實mā是teh代表守護神。這會引起拉班ê恐慌kah不安。另外一方面，這mā是用來占卜用，偷the̍h chiah-ê神像，就會hō͘拉班無法度測知in逃亡ê方向。

第20到21節，就án-ne雅各帶tio̍h家己身上所有ê一切，離開拉班ê厝。
經文：

創世記 31:22-31:44

註釋:

利用拉班無tī厝ê時chūn，雅各帶tio̍h全家大細kah所有ê財產「偷偷á走去」，離開伊khiā起長到二十年久ê丈人mā是阿舅拉班ê厝。

第22到25節，「三工」，這表示有一段真長ê距離ê意思，拉班chiah得tio̍h消息知影chit件事。所以伊需要用一倍ê時間七工來追趕，chiah tī「基列山區」jiok-tio̍h雅各。拉班帶領「族人」來jiok，而且ē-tàng jiok-tio̍h，表示伊ê能力iáu-koh比雅各khah強真chē。M̄-koh第24節是真重要ê一節，chit節講上帝警告拉班，「bē-tàng隨便威脅雅各」，表示上帝一直teh庇護tio̍h雅各，只要拉班出手攻擊，上帝一定會反擊。

    第26到30節，chit段經文是拉班對雅各ê譴責。Tī chit段譴責ê話中，主要有兩項：一是雅各為甚麼無告別to̍h離開？二是為甚麼beh偷伊ê神像？其實拉班chit種譴責mā包含兩件事：一是雅各chit種作法，hō͘拉班tī宗族之間面子sià了à。因為連tī in-tau工作二十年ê kiáⁿ婿lóng會瞞伊來離開，甚至包括伊ê cha-bó͘-kiáⁿ、孫á，竟然無一個人kā伊講、向伊告辭。二是伊認為雅各kā貴重ê財產mā偷偷á帶走了（參考三十二：13—15），hō͘伊損失非常重。原因是神像有保證財產權ê含意。Á雅各卻kā伊ê神像mā偷，意思是teh指神像若是被偷，等於伊無法度證明雅各手中所有ê牛、羊、駱駝、驢等，是屬tī伊ê。最後伊強調有能力傷害雅各，m̄-koh因為有上帝阻止，chiah hō͘伊決定bē出手。

    第31到32節，chit兩節是雅各ê回答。伊承認家己真驚拉班「用武力」，因為伊知影拉班比伊ê氣力khah強。M̄-koh伊強調家己並無「偷」拉班ê財物（神像）。伊願意在拉班ê親族面前接受搜查。原來伊並m̄知拉結暗中偷the̍h老父ê一kóa神像。

    第33到35節，雅各因為m̄知拉結偷the̍h伊老父ê一kóa神像，因此隨在拉班搜查。Á拉結則因為偷the̍h神像，一定tio̍h想辦法隱藏。伊利用中東地帶視婦女生理週期來無清氣，bē-tàng接觸做理由，阻擋老父拉班搜查伊kah伊ê行李。拉結chit種坐tī裝神像ê袋子上ê行為，mā teh表示chiah-ê神像並m̄是真正神。所以用chit種方式侮辱in，mā bē有任何反應。

    第36到42節，雅各因為拉班搜chhōe bē-tio̍h任何贓物，就用強硬ê語氣質問拉班，伊當tio̍h拉班帶來ê親友面前提出兩項反控：一是拉班指控伊偷the̍h物件，一定tio̍h提出搜查後ê證據，hō͘親族作公親審判。二是拉班非常刻薄，欺負伊。因為過去二十年tī in-tau工作，拉班並無好款待伊，而且iáu tī最後六年期間，有chē kah「十pái」改應該有ê工錢，這tú好thang證明是拉班偷伊ê錢。最後，雅各強調是因為上帝kā伊庇護、帶領伊，chiah hō͘伊bē致使「空手離開」，意思是teh指hō͘伊bē致使淪為奴隸。第42節是雅各脫離災難ê中心經文，伊強調若m̄是有上帝ê保護，伊無可能逃離拉班ê手。

    第43到44節，拉班所講ê話，tú好說明雅各心中ê忿怒kah giâu疑。

注意第43節，拉班強調包括利亞、拉結，kah所有ê孫á lóng是屬tī伊ê。原因是當年雅各是「逃走」到伊hia去「避難」ê。所以這二十年來，雅各tī拉班ê眼中一直是「奴隸」ê身分，並無真正kā伊當做姪á á是kiáⁿ婿看待。奴隸ê財產是屬tī主人ê，即使伊結婚所生落來ê gín-á mā是（參考出埃及記廿一：3—4）。不過有一點無仝款ê所在，就是當年雅各娶bó͘ kah得tio̍h有斑點ê羊群、牛群等，lóng是kah拉班事先講好ê「約」。這mā就是為甚麼當雅各向兩個bó͘解釋想beh逃離丈人ê厝時，兩個bó͘同時講老父拉班kā in「當做外人，賣了咱，koh吞食賣咱ê身價」ê理由。
經文：

創世記 31:45-31:55

註釋:

Chit段是拉班家己知影無理，只好kah雅各立約講和。Tī chia thang koh一pái看tio̍h用石頭當做立約ê記號，kah雅各當年tī伯特利用石頭立碑做kah上帝立「約」ê記號仝款。Chiah-ê堆起來ê石頭，無論是kā它稱做「E-gal-sa-ha-tu̍t」，á是「Gal-è-t」，意思lóng是teh指「hō͘阮來想ê石堆」，表示雅各kah拉班tī chia立和平條約，chiah-ê石頭thang幫助記憶。Koh khah重要ê，是強調chit-ê約有上帝作證。

Koh講，chit-ê約mā表示tùi-án-ni了後，雅各kah拉班ê關係隔開無koh來往（第52節）。

有趣味ê是拉班為tio̍h beh掩蓋(khàm)家己ê無理，伊特別強調立chit-ê約， ài雅各保證兩件事：一是tio̍h好款待拉結kah利亞。二是bē-tàng koh再娶別ê cha-bó͘人做bó͘。伊用chit種方式beh向cha-bó͘-kiáⁿ表示伊對in ê疼。

第46節kah第54節lóng有提起立約時，雙方同齊食飯。作者用同齊食飯kah同齊過瞑，來表示in彼此之間已經和好。
經文：

創世記 32:1-32:12

註釋:

頭前講上帝警告拉班，ài伊bē-tàng傷害雅各。chit-má是上帝ê天使出現 tī雅各ê面前，hō͘雅各知影上帝teh帶領、teh保守伊。這就是希伯來文ê「瑪哈念」ê意思，表示有兩支軍隊tī頭前teh帶領雅各，hō͘雅各放心繼續朝ǹg 回鄉ê路去。

第3到5節，雅各無bē記得當年是因為伊欺騙兄哥以掃，hō͘以掃放話ài tī老父以撒死後採取報復行動（參考廿七：41）。所以伊先派奴僕tńg去故鄉向兄哥以掃通報，為tio̍h beh探聽以掃是m̄是iáu teh受氣。第5節真重要，雅各ài奴僕kā兄哥以掃講家己擁有「牛、驢、綿羊、山羊kah奴僕」，這m̄是teh展寶財富，á是beh hō͘以掃知影伊並m̄是beh tńg來奪取「大kiáⁿ名份」ê財產。Á後chit句「希望得tio̍h我主ê歡心」，意思是teh指希望以掃ē-tàng盡棄前嫌，mài koh再記念伊過去所犯ê過錯。

第6到8節，chit段奴僕回報告雅各ê內容，明明是hō͘雅各嚇tio̍h驚。因為奴僕kā雅各講伊ê兄哥帶「四百人」beh來kah伊「相會」。這用腳頭u想mā知，beh迎接雅各kám需要chiah-ni̍h chē人？「四百」，這是「四」ê倍數，表示真chē ê意思。Mā說明以掃已經發展到真「強壯」ê意思。雅各聽tio̍h，是一股極大ê壓力，莫怪伊會「koh驚惶koh操心」。所以伊第一個想tio̍h ê，是怎樣保護家族kah本身ê安全。

第9到12節，chit段經文是雅各kui個行動中心，除了說明雅各ê信心，mā說明一個人無論家己ê能力有jōa-chē，重要ê是認bat上帝對人性命ê主權。雅各充分表明chit種信仰態度：m̄是家己ē-tàng抵擋兄哥以掃ê報復，只有tī上帝ê指引下，chiah ē-tàng hō͘性命ê危機化除。伊祈求上帝hō͘伊脫離以掃ê手，特別是伊提起上帝bat應允過伊，beh hō͘伊「事事順利」，mā tio̍h「賜hō͘」伊「多子多孫，親像海灘ê沙粒，chē kah無人ē-tàng算」。
經文：

創世記 32:13-32:21

註釋:

Chit段經文mā看出雅各確實是一個細膩ê人。當伊看見危機來臨ê時並m̄是躲避，卻是tùi óa靠上帝帶領性命ê經歷，做siōng好ê安排。

第13到15節，chit段經文講雅各準備相當豐厚ê禮物beh送hō͘兄哥，意思是講伊tio̍h賠償以掃喪失老父hit-pêng ê「大kiáⁿ名份」。Chiah-ê家畜動物共計五百五十隻，是相當可觀ê一筆財富。若ē-tàng因為án-ne soah保全性命，hō͘以後ê生活安定落來，mā thang chhōe機會koh再thàn倒tńg來，這mā說明雅各聰明ê所在。

Koh講，chit段經文mā thang看出雅各確實是一個真有組織能力ê人，凸顯伊做族長ê角色，表示伊ê能力已經ē-tàng kā亞伯拉罕、以撒ê傳承接落來。伊tī每一個隊伍中，lóng有安排忠實ê奴僕，而且教導chiah-ê奴僕看見以掃時，該講chit句：「chiah-ê lóng是你奴僕雅各ê；伊beh送hō͘伊ê主人以掃作禮物。伊本人就tī阮後頭。」用chit種方式想beh phah消以掃心中ê受氣。雅各koh kā家己卑微落來，而且卑微到極點。伊稱呼以掃是伊ê「主人」，表示以掃iáu-koh是老父以撒ê大kiáⁿ。這會hō͘以掃因為心歡喜來 bē記得雅各過去欺騙ê事，伊希望án-ne mā允准用得tio̍h以掃ê「赦免」。
經文：

創世記 32:22-32:32

註釋:

Chia siōng重要ê是teh說明為甚麼以色列人民m̄食「大腿ê筋」ê背景。
M̄-koh，chit段經文koh khah重要ê所在是tī第28節，說明雅各ê另外一個名「以色列」ê由來。

第22到23節ê「雅博河」，是約旦河東邊ê一個支流。雅各kā所有ê bó͘-kiáⁿ lóng安置好了後，家己留tī河邊。

第24到25節，chia並無講甚麼人來kah雅各「相ián」，koh為甚麼beh kah雅各相ián？而且雅各ē-tàng贏過chit-ê人。直到最後，chit-ê人kan-taⁿ用簡單ê方法，就是tī雅各ê「大腿臼頂面phah了一下」，雅各ê大腿「就lut臼」，這說明雅各變成瘸腿ê原因，mā tùi chia解釋了後來以色列人民「m̄食大腿ê筋」ê原因。

Chit-pái ê相ián，mā是teh暗示雅各m̄免驚以掃，伊會贏過以掃。
第26到29節，雅各要求chit-ê人祝福伊，chiah願意放chit-ê人離開。結果chit-ê人改變了雅各ê名為「以色列」。Chit-ê名意思是teh指「kah上帝相ián」。

Á雅各mā想beh知影chit-ê改伊名ê人ê名。M̄-koh chit-ê人拒絕回答，不過，伊祝福雅各了後，就離開。

以色列人民一直有一個傳統：一個人若是thang為別人號名，表示chit-ê人ē-tàng指導被號名ê人。Koh講，作者mā透過chit-ê hō͘ 雅各新ê名，表明此後ê雅各，會有全新ê形象出現。

第30到32節，「我面對面見了上帝，猶原活teh！」這是雅各講出家己所面對ê相ián者，是上帝。照當時ê人ê觀念，當人見了上帝ê面，一定會死（參考出埃及記三十三：20，士師記六：22—23、十三：22）。

Chia mā講出雅各後來變成瘸腿ê原因，就是因為kah chit-ê人相ián ê結果。
經文：

創世記 33:1-33:11

註釋:

Tī長到十二章有關雅各ê篇幅中，以第三十三章siōng ē-tàng看出以掃ê特性，kah雅各心中不安ê實況。Mā因為有chit章，對以掃ê瞭解有真大ê無仝；伊m̄-nā是一個bē記得仇恨ê人，而且是一個心胸相當廣闊ê兄哥。Ē-sái講是為甚麼上帝無揀選伊做族長，卻是選雅各？這是一個好問題，卻無人ē-tàng回答chit種問題。因為揀選ê主權是tī上帝。

第三十三章1到17節lóng是屬tī「耶和華文獻」ê資料，後頭第18到20節則「以羅伊文獻」ê資料。Chit章主要是由兩個情節來構成：一是第1到11節，兩兄弟相會面。二是第12到20節，兩兄弟分別順續tńg去厝裡。

Chit段經文繼續描述雅各對以掃是「心懷戒懼」，mā充滿tio̍h矛盾；伊一方面表現出真有「悔意」ê款，連續「七pái坦覆 (thán-phak）tī土腳」，hō͘伊ê兄哥以掃看tio̍h伊ê真誠，並且準備豐厚禮物做見面禮，希望ē-tàng因為án-ne得tio̍h兄哥以掃ê「赦免」。M̄-koh另外一方面，伊mā做完整防範ê準備，尤其是安排伊kah拉結、利亞生ê gín-á tī後壁，然後家己chhōa兩個細姨kah in所生ê gín-á行tī頭前。這明顯ê就是一種預防意外發生。

第1到4節，kā chit段續接tī第三十二章8節後面，讀起來會koh khah順暢。雅各kā gín-á分別由四個妻細姨帶tio̍h，然後細姨kah細姨所生ê kiáⁿ行tī頭前，續落來是利亞kah伊ê kiáⁿ，最後是拉結kah約瑟。Chit種隊伍真清楚，伊愛拉結kah約瑟贏過其他ê kiáⁿ kah妻細姨。萬一發生意外，siōng後面ê thang有koh khah充裕ê時間逃走。

雅各家己行tī siōng頭前，這mā表現出伊是一個大家長，有保護家族安全ê必要。

雅各看見以掃ê時chūn，伊ê第一個反應是「連連七pái坦覆 (thán-phak）tī土腳」，chit種方式表明伊尊敬以掃乃是當家主管、老大。Kah本來雅各騙取大kiáⁿ名份ê動作koh有完全無仝ê含意。雅各會有hiah-ni̍h大ê動作，lóng只有一個原因，希望ē-tàng因為án-ne得tio̍h以掃ê赦免。

第5到7節，可能是頭前hiah-ê進貢ê隊伍奏效，m̄-koh khah有可能是雅各chiah-ê卑微到極點ê動作感化了以掃本來忿怒ê心。以掃一看見雅各，隨時就「走來迎接伊，攬伊，kah伊chim嘴」，然後「兩人lóng哭了」。Chiah-ê動作lóng是當時中東地帶熱情歡迎親友ê一種方式，表示以掃已經kā過去所有ê怨恨lóng放棄了，伊真正原諒bat傷害過伊ê小弟雅各。

就án-ne伊問雅各身邊ê cha-bó͘人kah眾細kiáⁿ是甚麼人？雅各ê chit句「chiah-ê gín-á是上帝恩賜hō͘我ê」，mā說明性命tùi上帝來賞賜。Gín-á多，表示上帝賜福大。一方面teh向以掃表示：若是無上帝看顧、保守，伊無可能有chit種能力。續落來，伊一一紹介妻細姨kah kiáⁿ hō͘以掃認bat。

第8到9節，以掃詢問chìn前hiah-ê奴僕所帶領ê隊伍是作甚麼ê？mā就是第三十二章13到15節所提起ê hi̍t五百五十隻家畜動物，非常豐厚ê見面禮，hō͘以掃mā見識到雅各確實是有上帝賜福，力量絕對無法度看輕。

以掃ê「我甚麼lóng有」chit句話，tú好mā說明in老父以撒雖然無賜福伊，甚至用接近「詛咒」ê內容回應伊ê請求。M̄-koh上帝iáu是看顧伊，賜福hō͘伊，若無伊無可能有「四百人」kah跟tòe。伊向雅各懇辭chiah-ê豐厚ê見面禮。

第10到11節，雅各堅持ài伊兄哥以掃kā禮物收落來。因為chit批禮物實在是太豐厚leh，若以掃收落來，差不多每工lóng會看tio̍h chiah-ê家畜動物，而且iáu會繼續繁衍落去，án-ne，以掃就bē想起beh報復ê念頭。這mā是雅各聰明ê所在。伊tī拉班ê厝經歷二十年，深知培育羊群ê技巧。因為án-ne，若是以掃無beh kā伊打擾，而且ē-tàng以kah伊相安無事，伊就ē-tàng tī安定生活幾年後，koh重新繁殖koh khah chē羊、牛、驢等。
經文：

創世記 33:12-33:20

註釋:

Chit段經文描述以掃確實是一個有兄哥風範ê人，伊表示歡迎小弟雅各回鄉，而且beh成做伊ê幫助者。

第12到14節，以掃beh chhōa雅各kah伊ê家族tńg來故鄉。伊對雅各講「我做頭前行」，chit句話mā表示了以掃確實是大家長，ài做雅各ê保護者。

雅各並無án-ne想，伊用「眾細kiáⁿ iáu軟chiáⁿ」，以及真chē牛、羊尚且teh食奶，動作慢等等做理由。其實，chiah-ê理由lóng是teh防衛、保全。Tùi chit句「咱tī以東相會」thang看出來，因為chit種句型就是teh表示「咱後會有期」ê意思。雅各án-ne表示是非常禮貌ê講法，hō͘以掃知影「我會去看你，我kah我ê家庭會有家己ê khiā家」，主要是beh hō͘以掃知影，伊bē tńg去kah伊分家產。

第15到17節，以掃表現出家己做兄哥ê siōng koân 誠意，beh「留落來一kóa人護送」雅各kah伊ê家族，來預防被強盜欺負。雅各ê想法koh khah聰明，伊知影若án-ne，伊所有ê動作lóng會hō͘伊兄哥以掃窺知。因為án-ne，伊懇辭了以掃ê美意。就án-ne，以掃只好家己tńg去伊ê家鄉以東。雅各趁兄哥以掃離開，隨時向另外一個方向疏割行去。

所謂「替家己蓋了厝，mā為牲畜搭棚」，chit句話表示伊會tī chia安定khiā起一段時間。

第18到20節，chit三節講雅各koh移動來到示劍chit地區，mā就是伊阿公亞伯拉罕以前得tio̍h上帝應允beh賞賜hō͘伊kah kiáⁿ孫khiā起ê土地迦南。

第19節，chit節說明雅各kah伊阿公亞伯拉罕仝款，用錢買迦南人ê土地，這mā表示伊thang kah當地ê人和平共存。

第20節，「tī hia起祭壇」，表示雅各無bē記得，隨時隨地lóng感謝上帝ê帶領kah賜福。伊稱chit-ê地方名叫「伊利‧伊羅伊‧以色列」，意思是teh指「全能者，以色列ê上帝」。表示chit位上帝，是雅各ê上帝，mā是幫助雅各tī各種事頂面lóng順利ê上帝。
經文：

創世記 34:1-34:12

註釋:

Chit章是由「祭司文獻」kah「耶和華文獻」ê資料混合編輯而成。「祭司文獻」包括有第1到2節a句、第4節、第6節、第8到10節、第13到18節、第20到25節、第27到29節。其餘ê lóng是「耶和華文獻」ê資料。

Chit章ê編輯真特別，因為kah前後文lóng互相無符合。Ē-sái講是，chit章卻講出相當重要ê內涵，至少它講出幾個重要ê信息：

一是後來雅各臨死前，kā大kiáⁿ ê名份由原本ê呂便，改做由第四個kiáⁿ猶大傳承ê原因（參考四十九：8－12）。原因是大kiáⁿ呂便因為kah雅各ê細姨辟拉睏（參考三十五：22），á第二kiáⁿ西緬kah第三kiáⁿ利未，則是chit-pái大屠殺ê主謀者。因為án-ne，chit章有意交帶猶大繼承大kiáⁿ名位ê歷史背景。

二是原本是kah上帝立性命ê約ê割禮記號，tī雅各ê gín-á手中，已經變成血腥屠殺ê手段，偏離了kah上帝立割禮之約ê記號ê神聖意義。

三是底拿所代表ê是一個非常弱小ê族群，因為被外族人欺負、污穢à。伊ê眾兄哥派人出來保護，討tńg來公道。M̄-koh，手段比底拿被姦污ê事koh khah殘酷。

四是作者有意透過chit-ê事件說明雅各ê kiáⁿ孫以色列人民，為甚麼會kah迦南人以及tī迦南地ê原住民有非常大ê敵意。

五是整篇記事mā說明一個基本信仰認知：罪kah罰，是相連做伙，無法度分開ê。

Tī雅各ê子女中，可能iáu有其他ê cha-bó͘-kiáⁿ，m̄-koh因為cha-bó͘-gín-áTī聖經時代ê地位甚低，通常lóng bē被記名落來。底拿ê名會hō͘記落來，就是beh說明雅各ê 眾kiáⁿ犯罪ê事。

第1到4節，tī第三十三章13節講雅各ê子女iáu真細漢，chit-má soah講底拿已經長大，thang外出訪問朋友。

示劍城ê酋長是「希未人哈抹」，伊ê kiáⁿ名叫「示劍」。Tùi chia thang看出舊約聖經中，有bē少名teh代表個人，mā同時teh代表城鎮、民族。這「示劍」名就是真好ê例，是teh代表哈抹ê kiáⁿ，mā teh代表chit座城，同時代表tio̍h「示劍」族人。

示劍看見底拿súi，就kā她「姦污」，這mā表示有權勢ê人欺負出外、寄居ê人。作者mā用chit種方式teh說明迦南人淫亂ê行踏。後來示劍想beh娶底拿做bó͘，真可能是因為驚雅各ê家族報復。因為雅各有能力用「一百塊銀á」買土地，mā teh表示雅各是一個有能力ê人，伊ê家族龐大。因為án-ne，聯婚ē-tàng排除兩者之間ê仇恨，mā thang因為án-ne親密結連做伙，另外一點，示劍想藉這壯大家己ê實力。

第5到7節，雅各知影chit件事，不吭聲，原因是伊ê kiáⁿ無tī厝裡，勢弱。等伊ê kiáⁿ lóng tńg來了，mā知影chit件事後，眾kiáⁿ大動肝火，認為底拿被姦污，是一件家族被「侮辱」ê大事。

第8到10節，tùi強暴到愛上底拿，hō͘哈抹用城主ê地位，親自去向雅各提親。哈抹提出ê要件，m̄-nā是in-tau裡ê親事，伊甚至允准hō͘兩個家族通婚，而且提出特別好ê貿易協商，thang自由買賣，購屋置產，隨意chhōe所在tòa等，chiah-ê lóng teh說明雅各ê家族kah示劍城ê居民，thang合做一個。

第11到12節，chit兩節說明m̄-nā是城主哈抹顯示出誠意，連示劍家己mā親自表明siōng大ê 誠意，只要允准伊娶底拿做bó͘，雅各家所提出ê任何條件，伊lóng會答應。
經文：

創世記 34:13-34:24

註釋:

注意第13節ê chit句「就用白賊話回答示劍kah伊ê老父哈抹」，chit句話表示欺騙ê行為tùi雅各ê身上流傳到伊ê gín-á身上à。Mā teh暗示雅各ê 眾kiáⁿ並m̄是有真好ê行為，這tī第三十七章koh khah明顯。

第14到17節，雅各ê 眾kiáⁿ建議用「割禮」當做條件，認為無割禮，是一種「恥辱」。M̄-koh「割禮」原本是kah上帝之間有性命ê約ê記號，無法度用來當做婚姻ê聘金á是要件。

值得注意ê是第16節，雅各ê kiáⁿ表示若同意「割禮」，in就願意kah示劍族ê人「成做一族」，這kah上帝beh hō͘亞伯拉罕、以撒kah雅各有眾多kiáⁿ孫之應允，大無相仝。因為連以實瑪利lóng無法度直接成做亞伯拉罕ê繼承人，只有以撒傳承落來ê chiah是。Án-ne，雅各ê kiáⁿ若是kah示劍族ê人合成一族，這本來ê應允就會失去意義。Tùi chia mā thang看出隱藏tī其中ê詭計。

第18到19節，哈抹kah示劍認為這是「公道」ê條件，而且因為示劍確實愛底拿，老父哈抹就決定接受chit種條件當做聘金。Mā可能伊看見ê是伊ê族群thang kā比較弱小ê雅各家族「併入」tī伊ê管轄之下。

第20到24節，「城門聚會ê所在」，這mā是聖經時代城裡居民聚會ê場所，是法院審案ê所在。

第23節thang看出哈抹kah示劍chit對父子，以及雅各ê 眾kiáⁿ是各懷鬼胎，各自盤算tio̍h本身利益。哈抹kah示劍phah ê如意算盤是：只要接受雅各眾kiáⁿ提出ê割禮做聘金，就ē-tàng藉tio̍h chit-pái ê婚姻kā雅各「in ê牲畜kah一切財產」lóng變成示劍城人民ê，這是準備以大食小ê行為，thang明顯看出in心內存「貪」ê念頭。Á這絕對bē為in帶來上帝ê賜福。後來，hit-ê城ê「男子lóng接受割禮」。
經文：

創世記 34:25-34:31

註釋:

「過了三工」，這表示一個適當時間，tī chia指出示劍城ê男子，lóng因為割禮進入siōng疼痛ê時chūn。雅各ê兩個kiáⁿ，就是西緬kah利未，in兩人帶頭領家族ê人，趁機進入示劍城內進行大屠殺，kā所有男子，包括示劍在內lóng刣死，並且洗劫hit-ê城所有ê財物，mā俘虜了hit-ê城所有ê婦女kah gín-á，chit種行為是藉tio̍h kah上帝之間神聖之約ê「割禮」來進行，mā等於是teh侮辱、污衊、踐踏割禮ê意義。

另外一方面，mā tùi第26節看tio̍h，當時底拿是被示劍押tī厝裡，這mā可能是雅各ê kiáⁿ為tio̍h beh救底拿ê一種策略。M̄-koh，chit種策略卻是用欺騙、屠殺無辜ê性命來達成。

第30到31節，雅各清楚知影伊kiáⁿ做出siōng殘酷ê惡質ê行為後，表示出極大ê不安。因為殺害無辜ê，必定會帶來上帝ê懲罰。因為án-ne，為tio̍h beh保護家族ê安全，伊認為應該趕緊離開hi̍t 所在。伊ê kiáⁿ卻用「咱無法度hō͘人kā小妹當做娼妓」chit句話來合理化家己ê惡質ê行為。為tio̍h án-ne事，後來西緬kah利未hō͘ 雅各詛咒（參考第四十九章）。
經文：

創世記 35:1-35:15

註釋:

Chit章是由「祭司文獻」、「耶和華文獻」，以及「以羅伊文獻」等三種資料混合編輯而成。第1到4節、第7到8節、第16到20節，lóng是屬tī「以羅伊文獻」；第5到6節、第9到13節、第15節、第23到29節lóng是屬tī「祭司文獻」ê作品；只有第21到22節chit兩節是「耶和華文獻」ê資料。

Chit章mā是雅各族長史暫告一個段落，續落來就是beh講約瑟ê歷史。因為chit章用雅各ê十二個gín-á作為一份簡單ê族譜，區隔一個時代ê結束，新ê另外一個時代開始。同時mā交帶以撒往生。然後，第三十六章提供一份族譜外，mā tùi第三十七章開始講tio̍h第四位族長約瑟ê故事。

Chit章也kah第三十四章有密切關係，因為原本雅各是想beh tī示劍chit-ê城市khiā落來ê，m̄-koh，chit-má雅各感覺tī-chia khiā起已經無安全，伊深深感受tio̍h「人數無chē」，深驚外族人ê反撲攻擊，致使被消滅ê危險，因為án-ne，決定離開示劍。

Chia koh一pái提起「伯特利」，這原本是雅各逃亡ê時，親自經歷到上帝kah伊同在，而且向伊啟示表示beh保守伊、看顧伊ê所在。因為án-ne，tī chit-ê siōng無安全感、危機ê時chūn，雅各koh一pái得tio̍h上帝ê啟示，ài伊去伯特利，並且tī hia「起一座祭壇」敬拜上帝。這mā是後來伯特利成做敬拜ê聖地ê原因。

第2到4節，雅各帶領家族開始學習對向伊顯現ê上帝表示忠chiâⁿ，因為án-ne，命令家族ê人，bē-tàng koh再有任何其它神像之物。雅各深深體會tio̍h，若是無chit位全能ê上帝帶領，就算擁有世間數算不盡ê財寶mā是枉然。

第5節若是編輯tī第三十四章29節後面，有可能會koh khah清楚當雅各kah全家離開示劍ê時，無人敢去攔截，替示劍人報復ê原因。Á編輯tī-chia，主要是beh說明雅各帶家族離開示劍，tńg去伯特利重新敬拜上帝，因為án-ne，有上帝庇護in。

第6到8節，雅各照上帝ê吩咐，tī來到伯特利了後，就建造一座祭壇敬拜上帝。第8節ê底波拉，是利百加ê婢女，chit-má已經是老奴僕à。M̄-koh卻無說明底波拉為甚麼跟tòe雅各？kám講當時雅各逃離老父ê厝，á是老父以撒ài伊去拉班ê厝時，hō͘底波拉陪雅各同齊去？M̄-koh這無啥可能。

第9到12節，上帝koh一pái向雅各顯現，beh賜福hō͘伊。上帝ê賜福，就是改變伊ê名叫「以色列」，這是第二pái記載雅各被改名，第一pái是tī第三十二章28節，he是屬tī「以羅伊」ê資料。Chit-má chia ê改名，是屬tī「祭司文獻」ê資料。

第11節講出上帝ê特性：全能者。Chit句「我是全能ê上帝」，mā是上帝對亞伯拉罕應允ê時講ê（參考十七：1）。

第12節講上帝對雅各ê應允kah上帝應允hō͘亞伯拉罕、以撒ê仝款。Chia特別提起「賜hō͘亞伯拉罕、以撒ê土地」，表示雅各就是傳承祖先tùi上帝領受ê賜福。

第13到15節，為tio̍h beh記念上帝對伊ê疼，雅各koh一pái tī伯特利做記念碑，頂pái是用石頭做記號（參考廿八：22）。
經文：

創世記 35:16-35:21

註釋:

Tī第三十章24節記載拉結生約瑟ê時chūn，bat祈求上帝講：「願上主koh再hō͘我一個kiáⁿ。」上帝果然應允伊ê祈求。M̄-koh伊卻為tio̍h án-ne付出極大ê代價。

Chit段經文記錄了便雅憫出世ê經過。雅各siōng疼ê bó͘拉結因為難產就án-ne往生à。拉結為chit-ê可憐ê gín-á號名做「便‧俄尼」，表示可憐、愁苦ê意思。M̄-koh雅各感覺應該改成「便雅憫」，表示「運氣非常好」，意思是teh指chit-ê gín-á真好字運，「佳哉，無死去」。
經文：

創世記 35:22-35:26

註釋:

第22節，chit節記載呂便kah雅各ê細姨辟拉亂倫ê事，為第四十九章3到4節留落來一個伏筆。

第23到26節，這是一份簡單ê族譜，表示雅各ê時代tī-chia暫告一個段落。
經文：

創世記 35:27-35:29

註釋:

Chia講雅各tńg來到in老父以撒ê所在，kah伊ê兄哥以掃tòa做伙，tī第三十六章6到8節講後來因為兩個家族發展龐大，á koh分離。

以掃kah雅各同齊埋葬老父以撒，這表示兩人已經完全和好。
經文：

創世記 36:1-36:19

註釋:

Chit章全部lóng是「祭司文獻」ê資料。Chit種資料對族譜、年齡、數字、禮儀（約）等lóng真重視。

Chit章siōng大ê特色就是teh記錄以掃ê後代。作者用一句「以掃kah kúi-nā個迦南cha-bó͘-gín-á結婚」做chit-ê族譜ê開場白，mā同時講出以掃tī亞伯拉罕家世中成做旁支ê主要因素。

「以掃ê另外一個名叫以東」，後來舊約聖經lóng用「以東」來說明chit-ê族群發展ê情況。

第2到5節，顯然地，以掃並無堅守伊父母對迦南cha-bó͘-gín-á ê厭煩，m̄ kah迦南cha-bó͘-gín-á結婚，卻是繼續kah「kúi-nā個迦南cha-bó͘-gín-á結婚」，因為tī第廿八章1節，以撒對雅各吩咐講：「你m̄-thang kah迦南cha-bó͘-gín-á結婚。」以及「以掃án-ne chiah明白in老父以撒無歡喜伊ê迦南bó͘」（參考廿八： 8），就ē-tàng知影以後雅各ê家族（以色列民族）kah以掃ê kiáⁿ孫（以東人）之間ê疏遠，甚至變對敵ê背景。

第6到8節，chit段經文說明雅各確實是得tio̍h大kiáⁿ ê名份，繼承老父以撒ê家產。因為以掃離開老父ê厝。雖然伊mā是家族興旺，m̄-koh ná親像羅得仝款，離開亞伯拉罕身邊，等於遠離了上帝ê賜福kah應允。
第9到14節，chit段經文ê族譜，是以掃分別kah亞大、芭實抹、阿何利巴瑪等三個bó͘所生ê gín-á。

第15到19節，chit份族譜是以掃kah頂面所講三個bó͘所生ê kiáⁿ ê後代，mā就是伊ê孫á。
經文：

創世記 36:20-36:30

註釋:

Chit段族譜是teh紹介以東地區原住民族何利人西珥ê後代。申命記第二章12到22節記載以掃ê kiáⁿ孫，後來進入chit地區，征服chit地區，因為án-ne，kah chit地區ê人通婚。
經文：

創世記 36:31-36:43

註釋:

Chit份是統治以東ê君王名單，mā是歷史重要資料。第43節真清楚表示，chiah-ê名單lóng kah in支族ê名、khiā起地區仝款名。
經文：

創世記 37:1-37:11

註釋:

Mā是由三種文獻混合編輯而成ê。「以羅伊文獻」ê資料是主軸，siōng少ê是「祭司文獻」。

Tùi chit章開始是紹介第四位族長約瑟。chit章mā提供創世記ê一個主題：人ê對敵者，往往是家己ê親人、siōng親近ê人。親像：亞當kah夏娃、該隱kah亞伯、羅得kah伊ê cha-bó͘-kiáⁿ、以掃kah雅各、約瑟kah伊ê兄弟等等。

開始講約瑟十七歲發生ê事。伊kah其他兄哥並無和諧，原因是伊不時向老父雅各報告其他兄哥所做ê pháiⁿ事。

第3到4節，雅各偏愛約瑟，ná親像伊ê老母利百加偏愛伊。因為án-ne，引起約瑟其他眾兄哥ê嫉妒kah不滿。

第5到11節，是「以羅伊文獻」ê特色，用夢來說明上帝ê啟示。約瑟做兩個夢，lóng teh說明伊會成做中心人物，伊ê兄弟，kah伊ê老父，lóng會hō͘伊掌管。
經文：

創世記 37:12-37:24

註釋:

Chit段經文說明約瑟hō͘伊ê兄哥賣去埃及做奴隸ê經過。

第12到17節，說明約瑟ê眾兄哥對伊確實恨之入骨。因為án-ne，約瑟會奉老父之命去探望伊眾兄哥是m̄是「平安」、羊群是m̄是「安全」，lóng teh說明雅各ê gín-á不時引起伊ê煩惱。M̄-koh因為約瑟不時照實講出眾兄哥所做ê pháiⁿ事，因為án-ne，in chit-pái決定beh kā約瑟「刣死」，然後欺騙老父講「hō͘野獸食去à」，做洩憤ê方式。Chit種殺害親兄弟ê事件，就kah第四章所提起ê該隱殺害亞伯類似。

第21到24節，呂便是大kiáⁿ，伊有責任保護小弟約瑟。伊苦勸眾小弟bē-tàng án-ne對待親小弟約瑟，只有ē-tàng用懲罰性ê方式，kā它hē tī乾井內。呂便希望用chit種方式來救約瑟。果然約瑟就án-nehō͘ng剝去雅各送hō͘伊ê彩衣，然後hō͘ng hiat落去乾井內受苦。
經文：

創世記 37:25-37:30

註釋:

就tī hi̍t時，tú好有以實瑪利ê駱駝商隊經過，in tùi基列帶tio̍h珍貴ê香料beh去埃及交易。約瑟ê chiah-ê眾兄哥決定kā伊賣hō͘ chiah-ê商人。這是猶大提出ê意見，當時呂便不在場，當伊tńg來ê時，發見伊ê眾小弟用「二十塊銀á ê價錢」kā約瑟賣去，非常傷心地撕裂衫褲。Á in賣約瑟ê chit-ê價錢，比一個奴隸ê價錢三十塊銀á khah低（參考出埃及記廿一：32）。
經文：

創世記 37:31-37:36

註釋:

Ná親像雅各當年欺騙老父以撒，用羊皮包裝家己，hō͘以撒掠做he是以掃ê皮膚。chit-má雅各ê kiáⁿ用羊ê血抹tī約瑟ê彩衣上，欺騙老父講he是約瑟ê血，是被野獸吞食留落來ê血。

第32節，雅各ê chiah-ê kiáⁿthe̍h-tio̍h彩衣對雅各講：「這是lín kiáⁿ ê ？」chit句話已經顯明chiah-ê兄哥並無承認約瑟就是in ê小弟。

第33到35節，雅各哀傷到極點，無論甚麼人來安慰lóng被拒絕，伊表示家己mā想beh死去。

第36節，約瑟hō͘駱駝商隊chhōa到埃及，koh轉賣hō͘米甸人，然後賣hō͘埃及王ê一個官僚（侍衛長）波提乏ê厝裡去。。
經文：

創世記 38:1-38:11

註釋:

Chit章是「耶和華文獻」ê資料，mā是真完整ê一篇故事，主要除了teh說明猶大ê兩個kiáⁿ兒法勒斯kah謝拉ê由來，mā koh一pái提起一個性命ê觀念：上帝是性命ê主宰者。什麼人刻意阻擋性命ê延續，lóng會引起上帝ê憤怒。猶大ê次子俄南ê行為tú好說明了chit-ê重要ê信息。Koh講，猶大ê事件，mā teh說明每一個人對性命ê延續lóng負有責任，逃避，kan-taⁿ會帶來koh khah大ê性命負擔。

另外一方面，創世記第十九章記載羅得kah伊ê cha-bó͘-kiáⁿ發生亂倫ê事件，tī chia是看tio̍h猶大kah家己ê新婦發生亂倫行為，這lóng tī說明一個事實：無一個民族ê血緣是「純潔」ê，因此，用「民族淨化」作藉口，進行種族歧視á是殺戮是真荒謬ê舉動。Chit點tī當今世界koh khah值得政治人物、軍事強人省思，ná親像耶穌所講ê：「遵照上帝旨意ê 人就是我ê 兄弟、姊妹kah 老母(全民版)」（馬可福音三：35）chit句話chiah是上帝所期待看tio̍h ê人類社會。

Chit件猶大kah新婦她瑪亂倫事件ê背景，kah申命記第廿五章5到10節摩西法律ê規定有真重要ê關係，而且為摩西chit條「利未拉特婚姻條例」作了真好ê詮釋。

第1到2節，「猶大離開伊ê眾兄弟」，chit句話mā說明chit份資料是比較晚期ê作品。因為猶大就是雅各後裔ê領導者。Á chit句「遇tio̍h迦南人書亞ê cha-bó͘-kiáⁿ，就kah伊結婚」是一記暗筆，除了說明猶大kah迦南人之間關係親密外，伊mā做以前伊ê阿公以撒kah阿媽利百加看做討厭ê事，就是kah迦南cha-bó͘-gín-á通婚（參考廿六：34—35、廿七：46、廿八：1、8）。因為bē記得祖先ê叮嚀，chiah會有後來亂倫ê事件發生。

第3到5節，chit三節是一份簡短ê族譜，說明猶大三個kiáⁿ ê名包括有「珥」、「俄南」，kah「示拉」，m̄-koh最後只有示拉活teh。

第6到11節，猶大kā珥娶bó͘, 她ê名叫「她瑪」，chit-ê名有「豎立」、「棕樹」ê意思。Chia並無說明「珥」到底做甚麼事得罪上帝，致使「上主就取伊ê性命」，照聖經作者時常表達ê方式，就是離棄上帝，去拜偶像，chit種人是上帝所厭棄ê對象。

第8節回應了申命記第廿五章5到10節ê摩西律法「利未拉特婚姻條例」ê規定。猶大ài俄南娶阿嫂她瑪做bó͘，並且強調這是「義務」，為tio̍h是beh替「兄哥傳後」。

第9節，thang看出俄南並無想beh遵守律法ê規定，原因是無想beh hō͘兄哥珥有後代，án-ne，伊就ē-tàng繼承兄哥ê產業。這是貪婪。貪婪等於「拜偶像」（參考以弗所冊五：5，歌羅西書三：5）。上帝看俄南chit種意念kah行為是邪惡ê，因此mā取伊ê性命（第10節）。

第11節，猶大生三個kiáⁿ，前兩個lóng死去，原因lóng kah上帝ê懲罰有關係。Chhun落來這siōng小ê「示拉」，chia並無說明伊ê年紀，只有猶大向她瑪表示， ài她先tńg去後頭厝等，因為示拉iáu軟chiáⁿ，等伊長大「成人」後就會叫她瑪tńg來。M̄-koh作者tī chia特別註明，事實上是因為猶大驚示拉也kah兩個兄哥「仝款死去」。她瑪聽ta-koaⁿ ê話tńg來後頭厝。
經文：

創世記 38:12-38:19

註釋:

故事ê中心tī第12到14節，chia先講猶大ê bó͘死去，續落來就講出伊並無遵守伊對新婦她瑪ê約定，to̍h是示拉已經長大，卻無通知她瑪tńg來kah示拉同房。因為án-ne，當她知影ta-koaⁿ去亭拿參加「剪羊毛」ê節期後，就決定親自去亭拿 chhōe ta-koaⁿ。

第15到19節，因為她瑪ê打扮，hō͘猶大掠做是tī街路giú客ê妓女，雙方談好同床ê價錢是一隻小羊。她瑪叫猶大送小羊來付同房價錢chìn前，一定tio̍h先留落來擔保品。她ài猶大留落來ê擔保品是「印á、印á帶，kah柺á」，chit三項物件是刻有名ê證物。她瑪會án-ne做，是因為伊想beh討tńg來伊應該得tio̍h ê權利，以及生存ê空間。因為若是猶大一直m̄肯hō͘伊tńg去kah示拉結婚，伊會一世人成做寡婦，而且成做sàn-chhiah寡婦，這是非常悲慘ê事。

第14 kah 19節lóng thang看出當時寡婦有特別衫褲做記號，這主要是teh保護in，thang hō͘ in到果園á是去田裡拾（khioh）食物ê時，bē被欺負á是阻擋。
經文：

創世記 38:20-38:30

註釋:

猶大無bē記得tio̍h贖tńg來伊典押hō͘她瑪ê信物，就是第18節所提起ê印á等三樣。伊託朋友希拉去chhōe 掠做是「妓女」ê她瑪，m̄-koh遍chhōe bē-tio̍h。

第21節，chit節講「寺廟娼妓」，m̄-koh tī第15節講是「妓女」，這差別真大；因為「寺廟娼妓」tī咱人ê印象中，是高貴ê工作。M̄-koh妓女tī咱人眼中是不清氣ê工作。有可能猶大kah希拉講ê是伊kah「寺廟娼妓」發生關係，á m̄是講妓女。

第22到23節，既然chhōe bē-tio̍h，猶大認為錯不tī伊，伊是一個守信用ê人，beh盡力去歸還所欠ê債務。

第24到30節，三個月後，猶大聽tio̍h新婦她瑪「做妓女，而且已經有娠」，chia無說明是甚麼人去傳chit-ê消息hō͘猶大，真有可能是她瑪故意託人帶話hō͘猶大，因為當時猶大就是掠做是伊是妓女，上前去搭訕á上床ê。因為án-ne伊託人轉達hō͘猶大ê消息就是「她瑪做妓女」，用chit種方式來提醒猶大。

當猶大聽tio̍h她瑪做妓女koh有娠，成（chiâⁿ）實受氣衝天，ài人去kā她瑪「khiú出來，kā她燒死」。Tī摩西律法中有規定祭司ê cha-bó͘-kiáⁿ做妓女ê時，tio̍h用火燒死（參考利未記廿一：9）。若是有婦女kah cha-po͘人犯淫亂罪，就需要kā男ê kah女ê lóng判處死刑，而且是beh公開行刑（參考申命記廿二：22—24）。
M̄-koh，當beh kā她瑪執行火刑ê時chūn，她叫人the̍h猶大bat抵押hō͘她ê信物去hō͘猶大看，並且問猶大是m̄是知影chiah-ê物件是甚麼人ê，伊就是kah chit-ê物主同床有娠ê，應該連物主mā同齊判處死刑。因為印á、印á帶，kah柺á，chiah-ê物件頂面lóng刻有姓名。

她瑪tī chit-ê過程中並無為家己伸冤求憐，mā無作任何辯護，卻是用信物證明物主就是hō͘伊有娠ê人。伊用chit種方式證明家己ê清白。

猶大一看就知影家己犯了嚴重ê 錯誤，因為án-ne伊m̄-nā無kā她瑪處死，卻是承認家己m̄-tio̍h。Tòe後kā她瑪娶tńg去厝裡，m̄-koh m̄敢koh再kah她瑪同房。

她瑪因為án-ne生雙生á，分別號名做「法勒斯」kah「謝拉」。她瑪mā因為chit件事，tī耶穌ê家譜被列入名單中間（參考馬太福音一：3）。
經文：

創世記 39:1-39:10

註釋:

Chit章thang續接第三十七章36節，講述約瑟受賣到埃及王ê侍衛長波提乏厝裡做奴隸。chit章除了第4節b句、第6節是「以羅伊文獻」ê作品外，其餘lóng是屬tī「耶和華文獻」ê資料。

Chit章ê主題相當清楚，是teh說明一個重要ê信息：一個人如果有上帝同在，即使tī siōng危難ê時chūn，mā會得tio̍h上帝所賜ê智慧、能力，hō͘伊ē-tàng贏過重重災難kah困難。

約瑟hō͘伊ê兄哥賣到埃及，真tú好賣到埃及王侍衛長波提乏ê家伙奴僕。

第2到3節，chit兩節一再重複一句「上主kah約瑟同在」，表示即使tī hiah-ni̍h惡質ê境遇之下，上帝mā無離開過約瑟，tùi伊受賣做奴隸，一直到伊tī波提乏ê家伙奴僕，lóng陪伴tī伊身邊。Mā因為有上帝ê同在，hō͘約瑟所做ê lóng ē-tàng「事事順利」、「成功」。

第4到6節，因為有上帝賞賜ê能力，約瑟tī波提乏厝裡lóng受重用，koh khah重要ê，只要kah約瑟相處做伙ê人，lóng會因為約瑟來蒙上帝賜福，chit點tú好kah亞伯拉罕蒙上帝揀選ê時，得tio̍h ê應允仝款。第6節ê chit句「約瑟體格健壯，iân-tâu飄撇」，表示這是上帝賞賜hō͘約瑟有特別ê恩典。

第7到10節，有上帝同在，並無表示lóng無誘惑。Ná親像亞當kah夏娃khiā起tī伊甸園裡，mā有奸巧ê蛇做誘惑者。波提乏ê bó͘就是一個誘惑者，一再想beh誘惑「勾引」約瑟kah伊同床。M̄-koh約瑟真清楚絕對無法度做chit種會「得罪上帝」ê事。這mā充分顯示出約瑟ê心中有真chiok厚ê信仰基礎。上帝是一個無所不在ê上帝，mā是鑒察人內心ê上帝。因為án-ne，約瑟bē tī暗中做上帝看做邪惡ê事。
經文：

創世記 39:11-39:18

註釋:

Chit段經文描述約瑟tú-tio̍h ê誘惑koh khah激烈，就是主人波提乏ê bó͘硬beh約瑟kah她同床，因為得bē-tio̍h，就誣陷約瑟beh kā她性侵，tī無人證thang幫助約瑟之下，伊只有ē-tàng恬恬承受chit種誣陷所帶來ê懲罰。

第17節，chit句「hit-ê希伯來奴chiah」用語，是一種極大ê侮辱（參考四十三：32）。
經文：

創世記 39:19-39:23

註釋:

主人波提乏聽tio̍h bó͘ ê控訴，相信bó͘ ，tī非常忿怒之下kā約瑟關進牢獄中。

M̄-koh值得注意ê是第19到20節，當波提乏bó͘對約瑟指控性侵ê時chūn，波提乏ê反應雖然是「非常受氣」，m̄-koh並無指明是對甚麼人受氣。表面上看起來kah-ná是針對約瑟，m̄-koh看伊懲罰約瑟並m̄是馬上拖出去斬首，á是鞭phah hō͘伊半遂。卻是送約瑟入「王室ê監獄」，這是關高級官員ê監獄，約瑟是一個奴隸，怎可能享受chit種特殊待遇？這mā teh暗示波提乏並m̄是真正相信bó͘ ，伊寧可相信約瑟是忠實ê奴僕，m̄-koh伊卻無法度對bó͘ ê指控採取輕視、m̄-chhap ê態度。

第21到23節，chia兩pái重複敘述「上主kah約瑟同在」，chit句話ē-sái講是chit章故事ê中心話句，說明就算是tī監獄中，只要有上帝同在，mā會有豐富ê性命內容。上帝hō͘約瑟tī監獄中，iáu是得tio̍h典獄長ê歡喜，得tio̍h典獄長授權，hō͘伊處理監獄ê事，而且hō͘伊所經辦ê事lóng真順利。
經文：

創世記 40:1-40:15

註釋:

Chit章lóng是「以羅伊文獻」ê資料，其中第1節、第3節、第5節、第15節，是編者加添入去ê資料。

這是約瑟tī埃及受難ê第二個記事。是用解夢來表達約瑟kah上帝有特殊ê關係。「夢」是「以羅伊文獻」特有ê資料，作者ài用夢來表示上帝對人ê啟示。「夢」是人人lóng有ê經驗，m̄-koh若beh「解夢」，一定tio̍h有相當ê智慧chiah有辦法。Á智慧卻m̄是人人lóng有，mā m̄是ē-tàng用錢買會tio̍h。箴言ê作者講智慧是認bat上帝ê意思（參考箴言一：7、九：10）。約瑟敬畏上帝，因為án-ne，上帝賞賜hō͘伊有明白上帝旨意ê能力，chit點認bat真重要。

M̄-koh古早時中東地帶ê人認為夢是thang用來kah神明交通、來往ê一種方式，mā是上帝對人啟示祂ê旨意ê方法之一（參考民數記十二：6），因為án-ne，有能力解夢ê人往往會hō͘人看做是神明ê代言人仝款。M̄-koh有ê人就會假借「解夢」當做欺騙ê手段。摩西ê律法中真嚴格地禁止chit種行為（參考申命記十三：2—6）。

Chit章開始就講埃及王身邊有兩個高級官員—酒政長kah廚房長，被關入王室監獄，tú好kah約瑟同監獄，因為án-ne，伊被侍衛長指定服侍chit兩位高官受刑人。

Chit種巧妙安排其實lóng teh暗示著有上帝ê旨意在其中。

酒政長，這是古代真重要ê官位，是國王身邊ê官員，國王ê三餐差不多lóng會有酒政長陪伴tī邊á。因為án-ne，如果小khóa khah用心，真可能會對國王造成影響力。尼希米就bat擔任過波斯亞達薛西皇帝ê酒政長（參考尼希米記一：11），後來回國了後當省長（參考尼希米記五：14）。廚房長，這mā是王宮裡重要ê官位之一，專門負責國王ê飲食、餐點ê安全。M̄-koh chia無講in「冒犯了王」toh一kóa事。M̄-koh in各做「一個夢」。

第5到8節，「酒政長kah廚房長」對各自所做ê夢並bē了解，因此致使「心神不安」。約瑟因為服侍in，就關心地問起in心煩ê事。

「無人ē-tàng替阮解釋夢ê意思」，原因夢是tùi上帝來ê啟示，因為án-ne，只有上帝賞賜ê人才有chit種能力。約瑟鼓勵in kā家己ê夢講hō͘伊聽。

第9到11節，這是酒政長ê夢，出現ê內容是kah葡萄樹有關，á kah葡萄樹牽連做伙ê，就是葡萄酒、葡萄汁，以及葡萄餅。

第12到13節，chit段經文是約瑟為酒政長ê夢境作解析。伊強調「三支樹枝」代表「三工」時間，國王會恢復伊ê職位，hō͘伊tńg來王宮服侍國王。

第14到15節，約瑟祈求酒政長一定tio̍h會記得伊，替伊tī國王面前講幾句好話，thang hō͘伊ē-tàng得tio̍h tháu放。原因伊是「被綁架來ê」，伊並無做過甚麼pháiⁿ事。
經文：

創世記 40:16-40:19

註釋:

Chit段經文是關係廚房長ê夢。當廚房長聽tio̍h約瑟解析酒政長ê夢真好，mā想beh知影家己ê夢境ê意思。因為án-ne，伊mā向約瑟講出家己夢tio̍h ê內容。仝款是有「三」ê時間出現，飛鳥來食掉廚房長頭殼頂ê麵包。

約瑟並無隱瞞廚房長ê夢會帶來噩運，á無親像酒政長是好消息，伊照實講了出來。伊kā廚房長講：「三工後，王會鏨你ê頭，kā你掛tī柴柱á頂」。咱thang理解廚房長一定犯了真嚴重ê錯誤。
經文：

創世記 40:20-40:23

註釋:

Chia koh一pái出現「三」ê數字，表示適當ê意思。

Chia提起國王tī眾臣僕面前審判chit兩位得罪伊ê大臣。伊tháu放了酒政長，m̄-koh卻處死廚房長。結果kah約瑟所解析ê，完全仝款。

第22節，作者特別強調酒政長kā約瑟拜託ê事hō͘「bē記得kah chheng-khì-liu-liu」（參考第14節）。人真容易bē記得幫助過伊ê人，m̄-koh上帝卻m̄是án-ne；祂會永遠會記得信靠祂ê人。
經文：

創世記 41:1-41:8

註釋:

Chit章用「以羅伊文獻」資料為主軸，kah「耶和華文獻」資料配合編輯而成。Tī chit章中，「耶和華文獻」資料出現 tī第31節、第34到34節b句、第45節、第46節b句、第49節、第56到57節。其它lóng是「以羅伊」ê資料。

Chit章ê主題中心mā是tī「眠夢」kah「解夢」ê問題上，beh凸顯約瑟確實是一個真有智慧ê人，á伊ê智慧tú好說明上帝ê同在；因為約瑟是一個敬畏上帝ê人。

續接第四十章23節所提起ê酒政長離開監獄了後，一下á就經過「兩年」時間。「埃及王做一個夢」，chit句話說明兩個重要ê意義：一是上帝啟示埃及王，to̍h是會有重要ê事發生。二是上帝會向埃及王啟示，表示上帝並m̄是獨愛某一個特定對象；上帝愛所有ê世人（參考約翰福音三：16）。

第2到7節，chit段經文是埃及王所做ê夢ê內容。數字lóng是「七」，表示真完整，有上帝特別ê旨意在其中ê意思。這「七」包括了「七隻koh肥koh壯ê母牛」、「七隻koh瘦koh弱ê母牛」、「七穗飽滿koh成熟ê麥穗」、「七個枯瘦、被東風吹焦ê麥穗」等。

第8節，埃及王因為bē了解chit兩個夢ê意義，chhōe來國內「所有ê巫師kah占星家」想beh解夢，ē-sái講是「無人ē-tàng替伊解夢」。Chit點hō͘伊感覺「煩惱不安」。

Mā tùi chit兩個夢中看見一個事實：上帝並無tùi夢中向埃及王說明祂ê旨意。
經文：

創世記 41:9-41:13

註釋:

Tùi頂pái約瑟提醒酒政長chhōe機會kah埃及王講伊是hō͘人綁架賣來埃及ê（參考四十：15），到落尾酒政長出監獄復職了後，kā約瑟ê事bē記得kah chheng-khì-liu-liu（參考四十：23），到chit-má因為埃及王連續做兩個夢bē-tàng解ê時，伊chiah想起家己tī王宮監獄tú-tio̍h約瑟會解夢ê事，án-ne已經經過兩年ê時間（第1節）。酒政長kā約瑟替伊kah廚房長解夢ê經歷kā埃及王講，主要目的是建議國王請約瑟來聽伊ê夢看māi，有可能會有解夢ê可能á無。

Tī chit段敘述中，酒政長無bē記得提醒埃及王，約瑟是一個「希伯來青年」。Chit種提醒真重要，因為tī埃及人眼中希伯來人地位相當低賤（參考四十三：32），何況koh是一個奴隸而且囚犯。高貴ê埃及王是m̄是ài beh見chit種對象？這只有國王家己chiah ē-tàng決定。
經文：

創世記 41:14-41:24

註釋:

埃及王為tio̍h beh知影hō͘伊困惑不安ê夢ê意思，只好下令去監獄提約瑟來見伊。

第14到16節，為tio̍h beh hō͘約瑟去見埃及王，in替約瑟整理tī埃及人看起來比較好看ê儀容，然後帶伊去見埃及王。

埃及王說明接見伊ê用意，是希望伊替王解夢。M̄-koh約瑟真清楚表示：「家己bē解夢，m̄-koh，上帝會hō͘國王吉祥ê解釋。」chia所講ê「吉祥」，是有含祝福ê意思；意思是teh指就算夢ê內容是災難，約瑟mā祝福國王ē-tàng得tio̍h上帝ê看顧。M̄-koh約瑟真清楚強調m̄是伊有能力，上帝chiah是夢ê主人，祂chiah會明白夢ê意思。

第17到24節，chit段經文重複敘述第1到7節埃及王所夢tio̍h ê夢ê內容。伊特別強調，bat kā chiah-ê夢kā巫師講，ē-sái講是無人ē-tàng替伊解夢。M̄-koh伊並無畏講聽講約瑟會解夢，這mā是伊請約瑟來ê原因。

Tī chit段重複敘述夢ê內容了後，埃及王特別kā伊ê了解做一個結語：chit兩個夢lóng有一個共同點，就是瘦弱ê母牛吞下肥壯ê母牛，kah枯瘦ê麥穗吞下飽滿ê麥穗了後，卻lóng無改變本來瘦弱、枯瘦ê款。
經文：

創世記 41:25-41:36

註釋:

Ē-tàng看出約瑟確實是有上帝同在，是一個真有智慧ê人，雖然伊是希伯來青年，m̄-koh m̄是埃及人眼中真低級ê人。

伊先kā兩個夢看做是一個，並且kā「七」這數字真清楚講出時間，就是「七年」，而且這七年所呈現出來ê，是kui個環境問題，包括有七年ê豐收kah七年ê嚴重乾旱。Á豐收是超過人所ē-tàng想像ê豐富，相對ê，乾旱ê嚴重性，是到人所無法度想像kah承受會tiâu ê狀況。

第25 kah第28節，約瑟兩pái強調上帝「已經kā家己ài做ê事預先kā國王講。」，chit句話充分表示上帝是透過chit兩個仝款ê夢，向埃及國王講話，同時mā表示夢裡所傳達出來ê信息必定會實現ê意思。這mā是約瑟tī第32節向國王所講ê。

第33到36節，chit段經文是約瑟對埃及王ê建議，可見約瑟m̄-nā解夢，iáu進一步提出án怎去預防以後七年嚴重乾旱所帶來ê問題。

伊提出幾點建議：1.是起用「有智慧有遠見ê人」，派chit種人「管理國政」。

是teh指派官員tī七年ê豐收年間徵收「農產物ê五分之一」。3.Tī豐收年中「儲備糧食，派人管理」。Án-ne，大量囤糧落來chiah有辦法tī飢荒年期間「thang供應全國人民」糧食ê需要，「hō͘人民bē致使餓死」。

約瑟chit種表現，m̄-nā是tī解夢，真正重要ê是伊kā tùi夢中看見ê異象，提出建議來預防beh發生ê災難。Án-ne chiah是真正智慧。
經文：

創世記 41:37-41:49

註釋:

Chit段經文mā講述了埃及王確實是一個聰明ê國王，伊隨時對約瑟ê解夢有真清楚ê回應，認為約瑟確實有上帝同在。因為án-ne，當機立斷下了幾個命令：

1.肯定約瑟就是siōng「有智慧」、「koh khah有遠見」ê管理埃及國政之人選。因為án-ne，決定派伊擔任埃及首相。

2.賦予伊極高ê「權力」，地位只tī國王之下，是埃及全國「第二號」人物。

3.若無約瑟允准，任何人bē-tàng「隨便行動」違背約瑟ê意思。

續落來，埃及王kā家己ê印á手指戴tī約瑟ê手上，並且hō͘伊象徵第二高位階ê坐騎御車，hō͘全國人民一看，就知影約瑟是首相ê身分。續落來koh hō͘伊尊貴ê外袍kah phōa鍊來相配chit-ê身分，最後是賞賜hō͘伊一個bó͘亞西納。Bó͘是祭司ê cha-bó͘-kiáⁿ，這象徵tio̍h約瑟ê身分，無koh是希伯來青年，卻是有貴族ê身分，ná親像祭司一般。

第46節b句，chia講約瑟ê年齡是三十歲。Tī第三十七章2節提起約瑟去看伊眾兄哥顧羊ê時，年紀是十七歲。Án-ne，伊tùi受賣到chit-má做宰相，已經經過十三個年頭。

第47到49節，約瑟成（chiâⁿ）實執行伊所解釋ê國王之夢，mā成（chiâⁿ）實出現豐收年，伊tī全國各地設置倉庫大量儲存五穀，而且豐收ê景況ná親像「海灘ê砂粒，無法度計量」。
經文：

創世記 41:50-41:57

註釋:

約瑟tī埃及王賞賜之下娶ê bó͘亞西納替伊生兩個gín-á瑪拿西kah以法蓮，後來chit兩個kiáⁿhō͘ 雅各認定是屬tī伊ê kiáⁿ，伊用chit種方式來表示約瑟chiah是伊心目中ê「大kiáⁿ」（參考四十八：5，歷代志上五：1）。

第53到57節，chit段經文講述tī七年異常豐收了後，埃及續接落來ê是異常乾旱á帶來ê饑荒。因為豐收ê七年間有準備，chiah bē致使因為缺糧致使死亡。M̄-nā án-ne，tī約瑟管理國政之下，埃及hō͘附近各國ê人lóng因為án-ne soah蒙福，thang向約瑟買糧食。
經文：

創世記 42:1-42:17

註釋:

Chit章mā是用「以羅伊文獻」為主軸，加上第2節、第4到5節、第7節、第27到28 節、第38節是用「耶和華文獻」ê資料編輯而成。

對雅各來講，約瑟ê事早已經過去，甚至認定伊已經被野獸所吞食（參考三十七：33）。換句話講，tùi第三十八章到四十一章，是插入「以羅伊」典ê大部分資料，致使雅各以及伊gín-á kah約瑟之間關係ê連續故事中斷à。編輯者利用chit段插入ê資料詳細紹介了約瑟受賣到埃及後ê發展。然後，tī第四十二章用迦南地大饑荒，hō͘原本雅各kah約瑟之間斷了ê音訊，開始有一絲連線ê發展。因為án-ne，chit章mā thang講是約瑟故事ê第二個階段。

Tùi chit章開始到第四十六章，lóng是用約瑟kah伊ê眾兄弟會面ê經過為主軸，以及後來連in老父雅各mā kah伊會面。Chit段故事mā tú好應驗了以前約瑟所作ê「夢」（參考三十七：9）ê實現。

開始chit句「埃及有糧食」，tú好回應了第四十一章49節，tī約瑟管理下ê埃及，kā七年豐收期間儲存起來準備饑荒來臨ê時thang用ê糧食。

埃及，自古以來一直是中東地區ê糧倉，á迦南地則不時發生饑荒（參考十二：10、廿六：1-2）。chit-má是koh一pái發生饑荒，迫hō͘雅各一定tio̍h差派gín-á去埃及買糧。

第1到4節，當雅各聽tio̍h「埃及有糧食」，就差遣伊ê 眾kiáⁿ去埃及購買。M̄-koh雅各kā伊疼ê拉結所生尾子便雅憫留tī身邊。這可能kah雅各認為約瑟已經往生，伊無法度koh再hō͘便雅憫koh死去有關。

第5到9節，雅各ê kiáⁿ一到埃及，就去見約瑟，beh向伊買糧食。因為伊已經是埃及首相，而且管理糧食政務，á這mā是當時siōng重要ê政務，伊thang決定賣á是m̄賣。當chiah-ê眾兄哥一下見tio̍h約瑟，隨時就「坦覆 (thán-phak）tī土腳叩拜」，chit句話tú好回應了第三十七章7節約瑟所做ê夢。Koh khah重要ê，是經過十gōa年時間，伊ê眾兄哥早已經bē記得伊，而且bē認得伊，m̄-koh約瑟卻一見面就認出是伊ê眾兄哥。因為án-ne，故意問in tùi tó位來？並且假做懷疑in是來做偵探，並m̄是真正beh來買糧食。

第10到13節，chiah-ê眾兄哥回答否認約瑟ê質疑，甚至自認是「老實人」。這聽tī約瑟耳中，一定會感覺真荒謬。因為án-ne，伊故意koh一pái強調in是「探子」，m̄是「老實人」。Chiah-ê眾兄哥為tio̍h beh證實家己ê清白，就kā身世背景小khóa說明一下，m̄-koh in講「有一個小弟已經死去」，in並m̄知hit-ê in眼中認為已經死去ê小弟，就khiā tī in面前。

第14到17節，chia約瑟第三pái指控伊ê眾兄哥是「探子」，並且ài in tńg去帶siōng小ê小弟便雅憫來hō͘伊看，若無，就無法度證明所講是真。為tio̍h án-ne，iáu拘禁in「三工」。約瑟chit種做法ē-sái講是hō͘伊ê眾兄哥一個下馬威。
經文：

創世記 42:18-42:24

註釋:

到à「第三工」，約瑟提出新ê條件，ài in留落來一個人做人質，其餘ê人kā買ê糧食帶tńg去，免得iau餓。Tī下pái koh來買糧食ê時，一定tio̍h chhōa hit位siōng細漢ê小弟便雅憫來見伊。約瑟chit種做法，是beh考驗chiah-ê兄哥是m̄是真正有疼惜siōng小ê小弟，mā是kah伊同父母ê便雅憫。

第21節，in聽tio̍h約瑟án-ne講，想起當年陷害小弟約瑟ê事，認為chit-má tú-tio̍h chit種情況，是因為上帝報應à。

第22到24節，呂便認為伊當時有苦勸阻止伊ê眾小弟，m̄-koh眾小弟不聽，這mā回應了第三十七章21節，伊本來確實有想過beh chhōe機會救約瑟ê計畫。Chiah-ê眾兄哥因為已經認bē出約瑟，因為án-ne，私下討論認為約瑟聽m̄-bat，最後挑出「西緬」做人質留落來。
經文：

創世記 42:25-42:38

註釋:

Chit段經文是約瑟第一pái故意用chit種方式折磨、懲罰伊ê眾兄哥；就是kā in買糧ê錢khǹg tī in ê糧袋中。這hō͘ in感覺相當大tio̍h驚，驚惶到hoah出：「上帝為甚麼án-ne款待咱？」In bē記得當年賣約瑟去做奴才ê時，約瑟心中mā bat án-ne teh哭teh-hoah。M̄-koh並m̄是只有一個人ê糧袋中有錢，tī第35節講每一個人ê糧袋中lóng有。

第29到34節，in tńg到厝，kā所有經過ê一切lóng向雅各說明。Hō͘雅各知影下pái去買糧，一定會kā便雅憫chhōa過去，mā同時hō͘雅各知影西緬hông留落來做人質。

第35到36節，原來每一個人ê糧袋中lóng有錢，就是in the̍h去買糧ê時ê錢包，chit-ê驚m̄是小khóa，連雅各lóng感覺chit下慘à，特別是當伊知影下pái一定tio̍h帶便雅憫去，chiah ē-tàng買tio̍h糧食kah贖tńg來西緬ê時，伊認為chiah-ê「災厄lóng歸到」伊ê身上，可能是伊想起了當年欺騙兄哥kah老父ê緣故。

第37到38節，這是呂便向老父雅各提議，伊ê提議是保證便雅憫安全tńg來，若無，thang刣死伊ê兩個kiáⁿ。M̄-koh雅各拒絕呂便ê提議，伊堅持m̄ hō͘便雅憫kah in去埃及。其實在雅各眼中，呂便因為bat kah雅各ê細姨辟拉同房，hō͘雅各非常受氣（參考三十五：22），對伊ê信任感無koân。另外，呂便chit種提議，等於是beh雅各刣死無辜ê，這koh khah是荒唐之議。
經文：

創世記 43:1-43:10

註釋:

這兩章只有第四十三章14節是「以羅伊文獻」ê資料，其他全部lóng是「耶和華文獻」ê資料。這兩章是描述雅各ê眾細kiáⁿ第二chōa去埃及買糧ê時發生ê經過，á chit chōa旅程是到第四十五章15節chiah結束。不過，這兩章主題teh講述雅各kah這十個眾kiáⁿ心中ê giâu疑，除非ē-tàng如約瑟ê要求，koh再去買糧ê時kā便雅憫mā同時帶去埃及見宰相約瑟，若無，西緬就會被殺。Ē-sái講是無一個人有絕對ê把握，雖然猶大有表示beh用伊「終生擔受罪責」來負起擔保ê責任，m̄-koh明顯ê，雅各同意hō͘便雅憫跟tòein去，並m̄是因為猶大ê擔保，卻是因為無án-ne，全家會陷入生存ê危機（參考四十三：8）。Koh講，mā需要kā頂pái去買糧被扣留落來ê人質西緬帶tńg來。

chit章主要teh說明雅各後來iáu是妥協了，因為糧食已經食完了，而且只有埃及chiah有糧食，逼kah雅各本來ê堅持mā一定tio̍h改變接受，hō͘ 眾kiáⁿ帶siōng小ê便雅憫去埃及。

第1到2節，開始就用「迦南地區ê饑荒jú來jú嚴重」，kah第四十一章57節仝款。回應了第四十一章30到31節埃及王夢中所看見會發生ê景象。

第3到10節，前一段講呂便提議用家己ê兩個kiáⁿ ê性命換來帶便雅憫去埃及買糧ê條件，m̄-kohhō͘ 雅各拒絕。M̄-koh chit段經文則講猶大提議，若是無法度hō͘便雅憫tńg來，伊願意「終生擔受罪責」，意思是隨在老父雅各處置伊lóng接受。Chit句話mā teh表示伊確實願意負擔全部責任，tùi第四十四章33節thang看出，伊甚至向約瑟提議，hō͘伊留tī埃及做奴隸，以換來便雅憫由其他兄弟chhōa tńg去交hō͘老父雅各。
經文：

創世記 43:11-43:14

註釋:

雅各只好勉強同意，因為無仝意，等於hō͘全家族ê人餓死。伊mā準備真chē豐厚ê禮物beh送hō͘埃及宰相約瑟，同時「mā帶雙倍ê錢」，這是包括頂pái tī糧袋中發見ê錢，beh帶去還hō͘埃及宰相。

注意第四十三章12節，chia提起雅各ài伊ê眾細kiáⁿ kā頂pái去買糧ê錢koh一pái帶tńg去，這表示chit-má ê雅各已經kah以前ê雅各無仝了；以前ê雅各會想出所有ê辦法tùi兄哥以掃ê身上奪tio̍h大kiáⁿ名份，後來去丈人ê厝，mā會使用技巧hō͘羊群變色á歸屬家己ê產業。taⁿ，伊清楚知影頂pái買糧ê錢，埃及無收，chit-pái則ài眾細kiáⁿ帶「雙倍ê錢」去，並強調he可能是因為埃及ê官員創m̄-tio̍h去。chit-má ê雅各是一個誠實ê人。無koh是奸巧、侵佔別人財產ê人。

第13節，伊同意in kā便雅憫帶去埃及見「hit-ê人」，因為伊m̄知埃及宰相是甚麼人。

第14節，這是雅各hō͘眾細kiáⁿ ê祝福，á伊家己mā下決心，beh接受siōng殘酷ê事發生。
經文：

創世記 43:15-43:22

註釋:

Chit段經文是雅各ê 眾kiáⁿ達tio̍h埃及買糧tú-tio̍h ê情景。

第15到17節，約瑟一看見kah家己同父母ê小弟便雅憫，就決定beh宴請chiah-ê已經bē認得伊ê眾兄哥。這是真戲劇性ê變化。

第18到22節，當約瑟ê管家chhōa chit群兄弟進入約瑟ê官邸ê時，in並無因為受寵á興奮，顛倒，是增加不安ê驚惶。因為án-ne，chiap-chiap向約瑟ê管家解釋頂pái糧袋中發見買糧ê錢包ê tāi-chì，chiah-ê lóng teh表示in是誠實ê人，bē貪、mā bē欺騙。
經文：

創世記 43:23-43:34

註釋:

Tùi第23節記載管家ê回答，必定koh khah hō͘雅各ê chiah-ê眾細kiáⁿ霧sà-sà，因為管家講頂pái ê錢已經收了，而且koh kā西緬帶出來還hō͘ in。

第24到25節，管家the̍h水hō͘ in「洗腳」，chit種待遇非常特別，m̄-nā是為tio̍h beh進入約瑟官邸必定有ê規矩，koh khah特別ê是管家iáu去飼in ê驢á。Tī接tio̍h通知講beh kah約瑟食飯ê時，in koh khah是擔心到極，因為án-ne先kā頂pái ê錢kah beh送hō͘約瑟ê禮物lóng準備好à。

第26節，kah第四十二章6節仝款，lóng是teh回應第三十七章7節約瑟ê夢，象徵伊ê兄弟lóng向伊跪拜。

第27到28節，thang看出約瑟kah老父雅各間ê特殊感情，伊開嘴第一句話就問「年老ê老父，伊老大人kám有好勢？Kám iáu健在？」

第29到30節，約瑟已經真久無看見便雅憫，相當激動，到家己ê房間啼哭。伊當年十七歲被眾兄哥出賣，hit時ê小弟便雅憫必定iáu真細漢，經過chit段歲月，看起來約瑟kah便雅憫兩人已經hō͘人bē認得à。

第31到32節，約瑟kah伊ê眾兄弟同齊用餐，mā有其他埃及官員陪同。M̄-koh約瑟礙tī家己ê官階，kah iáu未露出家己真實身分，所以伊並無kah眾兄弟同桌共食。第32節mā thang清楚看出埃及人眼中ê希伯來人，是地位甚低ê族群。

第33到34節，必定是由約瑟kā伊ê管家講，怎樣照大細ê次序排座位，而且tī第34節特別提起便雅憫分ê菜是其他眾兄哥ê「五」倍。Chia出現「五」，kah第四十一章34節約瑟建議埃及國王tī「七」個豐收年期間，「徵收全國農產物ê『五』分之一」稅賦，以及送hō͘便雅憫「五」套衫褲（參考四十五：22），kah後來伊帶「五」個兄弟去見埃及國王（參考四十七：1）等等，chiah-ê lóng teh表示chit-ê數目字ê含意──美滿、幸福ê意思。
經文：

創世記 44:1-44:5

註釋:

Chit章繼續第四十三章描述雅各因為存糧已經用盡，koh一pái差遣眾細kiáⁿ到埃及買糧ê情形，講述約瑟án怎設計以知影伊ê眾兄哥對待年老ê老父雅各kah年輕ê小弟便雅憫ê態度。chit章ê主題中心，是用猶大對約瑟ê表白做主軸，充分說明猶大後來繼承「大kiáⁿ」名份ê角色kah意義。Tī前一章提起猶大出面向雅各表示伊願意負起便雅憫安危ê責任，chit章則描述猶大就tī約瑟beh「扣」落來便雅憫ê時，伊出面解釋一定tio̍h負起擔保責任ê原因。猶大向約瑟表示願意「終生擔受罪責」做奴隸（第33節）。chit章內容有真大部分是重複敘述in出發前，tī厝裡雅各kah伊眾細kiáⁿ ê對話。

約瑟命令管家hō͘伊眾兄弟ê糧袋裝滿糧食，並且koh khah重要ê是「Kā各人ê錢khǹg tńg去袋子裡」，chit種情形kah第一pái去買糧ê時ê情形仝款（參考四十二：35）。Á chit-pái in帶去ê錢是雙倍，原因是beh kā第一pái買糧ê錢mā歸還（參考四十三：12）。chit-má約瑟koh一pái kā chiah-ê錢lóng全部khǹg tī in ê糧袋中，á in kah第一pái買糧ê時仝款，並m̄知約瑟koh kā全部ê錢khǹg tńg去in ê糧袋中。

第2到3節，因為約瑟ê命令，除了埃及國王ē-tàng改變外，全埃及國ê人lóng一定tio̍h遵守。約瑟命令管家除了kā雅各ê gín-á帶來ê錢全部lóng khǹg tńg去in ê糧袋，同時iáu beh kā約瑟專用ê「銀酒杯」hē tī便雅憫ê袋子中。管家只有ē-tàng聽從約瑟照án-ne去做。隔工就hō͘雅各ê 眾kiáⁿ離開tńg去厝裡。In終其尾順利地kā西緬kah便雅憫chhōa tńg來。

第4到5節，續落來約瑟koh命令管家帶人去追雅各ê眾細kiáⁿ，並問in為甚麼「以惡報善」，偷the̍h宰相ê「銀酒杯」，強調he是宰相mā用來「占卜」ê神器，講in「犯嚴重ê罪」。管家當然知影這一切經過，m̄-koh伊只有ē-tàng照宰相ê話去做。
經文：

創世記 44:6-44:13

註釋:

當管家kah帶去jiok ê人jiok-tio̍h in，並且kā約瑟ê話轉述過了後，in ê第一個反應是堅決否認，並且為tio̍h beh表示坦誠，in kā管家講「若tī任何奴僕ê袋子裡chhōe-tio̍h酒杯，hit人就該死；其餘ê mā願意作你ê奴隸」（第7到9節），chit種話是表示絕對bē有人做chit件偷the̍h宰相酒杯ê事。

第10到13節，管家表示同意in ê誓言，m̄-koh伊強調只需要the̍h酒杯ê人負責任就好。

管家當做m̄知ê款，tùi大kiáⁿ呂便ê袋子開始「詳細搜查」，結果到à siōng小ê便雅憫ê袋子中，查tio̍h酒杯。這當然是便雅憫眾兄哥所無法度料到ê事，in這下是悲傷到à極點，用「撕裂衫褲」表示極大哀傷，全部lóng tńg去埃及。
經文：

創世記 44:14-44:17

註釋:

當in tńg去埃及宰相約瑟hia，一看見約瑟就koh馬上「向伊跪拜」，這koh實現了第三十七章7節約瑟夢見ê結果。

第15節，約瑟假做真受氣，大聲責備in，並且強調家己ē-tàng「占卜」in ê行動。這koh khah hō͘伊ê眾兄哥驚惶無停。

第16節，這是猶大發言，表示猶大已經tī兄弟中扮演大kiáⁿ ê角色。伊表示無koh hoah冤枉，因為事證án-ne明顯，任何辯解lóng無用。伊表示全部ê兄弟lóng tio̍h留落來做奴隸。M̄-koh ná親像約瑟bat kā管家講過ê，只有留落來便雅憫，其餘ê人lóng thang tńg去。
經文：

創世記 44:18-44:34

註釋:

猶大koh一pái請求發言，tī chit段發言中，第一部分是tùi第19到23節，伊重複敘述第一pái來買糧ê時，約瑟堅持ài in帶siōng小ê小弟便雅憫來見伊，並且當時koh kā西緬押tio̍h做人質。In照約瑟ê要求chhōa siōng細漢ê小弟便雅憫來。伊特別強調chit位小弟便雅憫是「老父年老ê時chūn生ê」，而且伊有一個親兄哥已經「死去」（這是因為in m̄知khiā tī in面前ê，就是chit-ê被in出賣而且認為已經死去ê約瑟）。伊iáu特別講這siōng小ê小弟便雅憫「老父真疼」伊。

第24到29節，這是第二段話。猶大將 in tńg去後kah老父雅各講，照實地重複敘述一pái。伊強調老父疼ê bó͘拉結只有生兩個kiáⁿ，一個已經離開、「被野獸裂碎à」，chit-má只要便雅憫出任何差錯，in ê老父會「白髮蒼蒼、悲悲慘慘地進墳墓」，表示非常悲傷、m̄甘願死去ê意思。

第30到34節，猶大講ê第三段話。Tī chit段話中，伊表示老父雅各kah便雅憫ê性命是相連結ê。意思是teh指便雅憫若是無法度kah in tńg去，in ê老父雅各mā bē活落去。Án-ne，in chit群兄弟就是hō͘老父悲慘死去ê罪人。Koh講，伊bat向老父chiù-chōa過，若是無法度hō͘便雅憫tńg去，伊願意用終生受罪責ê方式來換。因為án-ne，伊請求約瑟hō͘伊用做奴隸來換便雅憫ê安全tńg去厝裡，來安年老老父雅各ê心。

猶大teh代表兄弟講話，mā充分顯示伊已經扮演大kiáⁿ ê角色。
經文：

創世記 45:1-45:15

註釋:

Chit章是由「耶和華文獻」kah「以羅伊文獻」chit兩種資料混合編輯而成ê。第1節a句、第2節b句、第4到5節a句、第9到11節、第13到14節、第19到21節a句、第28節lóng是屬tī「耶和華文獻」ê資料。其它lóng是屬tī「以羅伊文獻」。

Chit章主要重點khǹg tī約瑟kah伊ê兄弟相認，並且引起埃及國王ê重視，進一步koh正式邀請雅各家族進入埃及，hō͘ kui個約瑟族長ê故事達tio̍h siōng koân峰，mā是雅各家族進入埃及ê序曲。Koh講，chit章iáu有另外一個主要ê目的，是teh說明約瑟確實是真有信仰ê人，伊kah伊ê兄弟重新修好，並無因為今á日ê發達，就kā過去ê積怨the̍h來做報復ê手段，無，因為伊是一個信靠上帝ê人，知影這一切lóng是上帝ê安排。

約瑟聽完猶大講頂面所講ê經過，mā知影in兄弟確實疼便雅憫，以及對年老老父雅各ê忠實。伊深受感動，koh khah án怎都無法度忍tiâu內心ê激動，因為án-ne，命令所有身邊ê隨從lóng離開，伊向伊ê眾兄弟表白家己ê身分。

第2節，chit節是為第16節後面，埃及國王聽tio̍h約瑟kah兄弟相認ê事，做伏筆。Mā回應了第四十章14到15節、第22節約瑟向酒政長懇求落空ê事。原來伊講hō͘人綁架，犯chit種錯事ê就是伊ê兄哥。

第3到4節，約瑟向伊ê眾兄弟公開家己ê身分就是in出賣到埃及來ê約瑟。In聽當然會嚇到無法度講出話來，而且驚受tio̍h報復性ê懲罰。

第5到8節，chit段經文ē-sái講是約瑟故事ê中心。主要teh說明chit件出賣伊ê事，完全是出tī上帝ê旨意，「為tio̍h保存大家ê性命」，上帝「親自」差遣伊到埃及來ê。約瑟強調，一切lóng是出tī上帝特別ê旨意，ài伊來埃及管理糧荒年代ê事務，用chit種方法來救眾人，特別是救家族ê性命。Chit種講詞，tú好說明約瑟tī信仰上ê敬虔kah謙卑。第6節講大饑荒iáu有五年，表示iáu會真痛苦。

第9到15節，chit段經文為第四十六章先作一個序言，說明雅各後來帶所有家眷、一切所有進入埃及ê原因。

Chit-má約瑟ài伊ê眾兄弟趕緊tńg來到老父hia去，kā老父和全部家眷，包括家畜等所有財產chhōa過來埃及避難。伊叫眾兄弟tńg去照伊，以及in親目所見ê一切lóng向老父說明，thang hō͘老父雅各thang安心遷徙到埃及來。

約瑟siōng關心ê iáu是同母生ê小弟便雅憫，因為án-ne，兩人相攬大哭，然後伊koh kah其他眾兄哥相攬、chim嘴，chiah-ê動作lóng teh表明和好、親密ê意思。Mā表示約瑟無koh為過去ê事受氣、不滿。
經文：

創世記 45:16-45:28

註釋:

第16節，回應第2節所講ê，約瑟「號咷大哭ê聲音被埃及人聽tio̍h」，所謂「被埃及人聽tio̍h」，意思是teh指hō͘伊官邸ê隨從、侍衛、僕役等埃及人聽tio̍h，in真緊to̍h kā chit消息傳入王宮中，大家lóng非常歡喜聽tio̍h chit件事。

第17到20節，chit段是國王對約瑟講，mā用來表示伊代表全埃及國人民對約瑟ê感謝，kah報賞ê一種方式。就是beh kā全埃及siōng好ê土地hō͘ in生活khiā起，tī糧荒ê時代，這是siōng好ê獎賞à。

第21到24節，約瑟就照國王ê命令，派出車輛kah護衛陪伊ê眾兄弟tńg去迦南，準備ài kā伊ê老父雅各kah所有家眷lóng帶到埃及來。約瑟特別疼惜便雅憫，hō͘伊ê禮物比其他兄哥koh khah-chē。

第25節講約瑟特別叮嚀伊ê眾兄弟，bē-tàng tī路上爭吵，可見伊過去ê經歷，是眾兄哥不時冤家。

第26到28節，雅各明明是無法度相信，這mā表示過去伊hō͘ gín-á欺騙講約瑟被野獸撕裂吞食了，lóng是白賊。因為án-ne，當伊聽tio̍h koh看見約瑟派去ê車隊beh chhōa伊去埃及khiā起ê時，伊chiah願意相信kah接受去埃及看約瑟ê事。

到chia結束mā ē-sái講是約瑟故事暫告一個段落。因為續落來是用第四十六到五十章配合tio̍h雅各ê年老記事，同時結束雅各kah約瑟ê族長史。
經文：

創世記 46:1-46:7

註釋:

Chit章是由「耶和華文獻」、「以羅伊文獻」，kah「祭司文獻」等三種資料編輯而成ê。第1到5節是「以羅伊文獻」ê資料；第6到27節是「祭司文獻」ê資料；第28到34節是「耶和華文獻」ê資料。

Chit段記述雅各成（chiâⁿ）實beh去埃及，伊整理好所有ê家伙，kah所有ê家眷，來到別是巴chit-ê地方。這是伊ê阿公亞伯拉罕kah亞比米勒簽約ê所在，tī chia，亞伯拉罕種一叢柳樹記念上帝看顧伊（參考廿一：31－33）。

第2到4節，這是上帝koh一pái tī夜間ê眠夢中hō͘雅各ê異象。主要是teh kā雅各講，上帝會kā伊庇護，hō͘伊m̄免驚惶入去埃及。Ná親像當年伊tio̍h離開哈蘭丈人拉班ê厝仝款，上帝mā是應允beh kā伊庇護，kah伊同在（參考三十一：3）。chit-má上帝是應允雅各，beh帶領伊到埃及去，並且hō͘伊ê後代tī埃及茁壯起來成做大國。然後koh chhōa in tńg來「Chit塊土地」。

第5到7節，chia講雅各帶全部所有ê一切，包括厝裡大大細細ê人全部lóng去，以及所有ê財物。這mā表示in m̄-nā kan-taⁿ是去躲避饑荒，卻是有久長khiā落來ê phah算。Ná親像第4節所講ê，當雅各往生時，伊ê kiáⁿ約瑟會陪伴tī伊身邊。這表示伊會tī埃及終老。
經文：

創世記 46:8-46:27

註釋:

Tī第7節講雅各帶去埃及ê有「kiáⁿ、孫á、cha-bó͘-kiáⁿ，kah孫女」，tùi第8節開始ê chit段經文，則詳細地kā第7節所提起ê chiah-ê kiáⁿ孫等等，in ê名一一登錄落來。

第8到15節，chit段族譜是雅各kah利亞所生ê六個kiáⁿ，以及cha-bó͘-kiáⁿ底拿等人ê名單，包括chiah-ê kiáⁿ所生ê kiáⁿ。共計33個人。

第16到18節，這是雅各kah利亞ê女婢悉帕所生ê kiáⁿ，kah chiah-ê kiáⁿ ê kiáⁿ。共計16個人。

第19到22節，這是雅各kah拉結所生ê兩個kiáⁿ約瑟kah便雅憫，以及in所生ê kiáⁿ，共計14個人。

第23到25節，是雅各kah拉結ê婢女辟拉所生ê kiáⁿ，kah in ê kiáⁿ。共計有7人。

第26到27節，chia講chiah-ê名單lóng只是「直系kiáⁿ孫，無包括新婦」在內，án-ne共計有66人。加上雅各kah約瑟，以及約瑟tī埃及所生ê，加起來共計70人。

M̄-koh若是注意一下，就會發現tī雅各kah利亞所生ê kiáⁿ kah孫á中，猶大ê兩個kiáⁿ珥kah俄南已經往生，並無到埃及去。Tio̍h加上雅各ê cha-bó͘-kiáⁿ底拿kah她ê丈夫chiah有33人。另外雅各kah悉帕所生ê kiáⁿ、孫á中間，mā一定tio̍h kā悉帕所生ê cha-bó͘-kiáⁿ西拉加入去，chiah夠額16人。
經文：

創世記 46:28-46:34

註釋:

Chit段經文回應了第四十五章18節，埃及國王答應beh hō͘雅各家族khiā起tī埃及全國siōng好ê土地。chit-má chit段經文講in來到「歌珊」，chit-ê名是希伯來文，m̄是埃及文。意思是teh指邊疆，mā就是並m̄是埃及ê中心地帶，卻是tī邊緣地區，án-ne thang遠離埃及ê核心，chiah bē因為hō͘埃及人看bē起，á引起無必要ê糾紛。

第28到30節，雅各差派猶大去kah約瑟tī「歌珊」相見面，雅各講ē-tàng koh再看見約瑟，已心滿意足，這表示伊對約瑟懷念之深，mā表達了深切ê感謝。因為有約瑟，全家族chiah ē-tàng保存性命落來。

第31到34節，約瑟向in老父雅各以及厝內人交帶注意ê事項，因為in是到埃及寄居ê，因為án-ne，一定tio̍h小心謹慎，雖然埃及國王對in真好、細jī，m̄-koh埃及人普遍對希伯來人iáu是鄙視（siùⁿ）ê。對國王詢問in ê工作ê時，就tio̍h講是「以放牧牲畜為生」，án-ne，伊就會hō͘ in家族安居tī「歌珊」地帶。原因he是一個土地肥，水源充足ê所在，雖然講是埃及全國siōng好ê地區（參考四十七：6），m̄-koh卻是tī埃及偏遠地方，án-ne，bē hō͘埃及人感受tio̍h不爽快，á雅各ê眾kiáⁿ孫thang相對tek發揮in放牧ê所長，而且ē-tàng因為替國王放牧（參考四十七：6）á hō͘家族富裕起來。
經文：

創世記 47:1-47:12

註釋:

Chit章是由「祭司文獻」（第5到6節a句、第9到11節、第28節），kah其餘lóng是「耶和華文獻」ê資料混合編輯而成ê。

Chit章主要teh說明約瑟án怎辦理放糧ê政策，mā tùi chia看到落尾伊kā埃及全國人民lóng變成國王ê「奴隸」；意思是因為糧食缺乏ê問題，為tio̍h生存落去，大家lóng變成國王ê「財產」。

Chit段經文講tio̍h約瑟禮貌上一定tio̍h帶伊ê兄弟kah老父去晉見埃及國王。
第1到6節，chia講雅各ê家族是tòa tī「歌珊地區」。歌珊，chit-ê字tī希伯來文是「邊疆」意思，m̄-koh tī埃及人ê眼中卻是「國中siōng好ê地區」（參考第6節、11節，對照四十五：18）。根據民數記第十一章5節ê記載，以色列人民（雅各後來tī埃及ê kiáⁿ孫）tī埃及ê時，是「常食魚，m̄免開錢；iáu有黃瓜、西瓜、韭菜、蔥、蒜等好食ê物件」，因為這地方土地相當肥沃，chiah有án-ne豐富ê物產。Mā因為án-ne，雅各家族tī chit-ê地方chiah ē-tàng快速成長，「以色列人gâu 生koh gâu 湠，人口加添真chē koh 興旺，非常強盛，充滿hit-ê 所在。(全民版)」（出埃及記一：7）m̄-koh卻mā因為án-ne，後來遇tio̍h埃及人ê嫉妒、不滿。

第2到4節，當約瑟帶領伊ê「五個兄弟」去見埃及國王ê時，就ná親像約瑟所料到ê，國王問約瑟ê眾兄弟是「Lín做甚麼頭路？」？佳哉，約瑟有事先kā伊ê兄弟提起過，一定tio̍h講是「以放牧牲畜為生」。伊ê眾兄弟就照án-ne回答埃及國王，並且提請國王允准in tòa tī歌珊地區。

第5到6節，埃及國王一嘴就答應落來，並且mā ài in幫忙「看管伊ê牲畜」。這對雅各一家人來講，真正是非常難得ê好機會kah禮遇。

第7到8節，約瑟mā引領伊ê老父雅各去晉見國王。Chia講雅各看見國王ê時，就kā國王祝福，chit-ê意思是teh指禮貌上講祝福ê話。Koh講，因為雅各比國王ê年紀大，年長ê kā少年ê祝福，mā是當時中東地帶ê一種禮節。

第9到12節，埃及國王一下見tio̍h雅各，就問伊幾歲？雅各回答講「有一百三十歲」，m̄-koh伊強調講chit種年紀「koh短koh苦」，遠不如伊ê祖先。這是一種謙卑、禮貌ê回答，伊用chit種方式來表達生活ê境遇真苦，特別是chit-má koh tú-tio̍h大饑荒，佳哉有埃及國王收容in。

第12節ē-sái講是為雅各ê家族帶來極大ê福利，因為in tī糧荒ê時代，大家lóng需要用盡家產chiah ē-tàng兌換到糧食維生，á in卻thang得tio̍h免費ê配給糧食，同時因為替國王飼家畜，iáu有犒賞thang the̍h。
經文：

創世記 47:13-47:26

註釋:

Chit段經文講出約瑟ê糧食政策，tùi物件兌換，直到最後埃及人民lóng成做國王ê「奴隸」為止。

第13到14節，「饑荒非常嚴重，四界缺糧」，chit句話說明當年約瑟提起ê七年大糧荒確實應驗，嚴重到埃及人lóng餓到「體力衰弱」。In只好用金錢來向國王購買糧食，約瑟kā錢交到王宮，表示國王因為án-ne soah富裕起來。

第15到17節，這是第二個步數，約瑟ài埃及人無錢買糧ê，用「馬、羊、牛、驢」等牲畜來換糧食，結果民間ê牲畜lóng兌換糧食去à，á伊ê兄弟則為國王看管牲畜。

第18到19節，這是第三個步數，埃及人連家畜lóng無ê時chūn，只好變賣in ê田地kah國王交換糧食，á in就成做國王租田地hō͘ in耕耘ê佃農。Án-ne，全國ê土地lóng變成國王ê。

第20到21節，chit兩節ē-sái講是第13到26節chit段經文ê結論，kā它編輯tī chia，讀起來m̄是真順。主要teh說明，約瑟ê糧食政策，致使埃及人民後來lóng成做國王ê奴隸、財產。

Chia一開始就講「饑荒koh khah嚴重」，比起第13節饑荒顯然是koh khah嚴峻地臨到à埃及。

第22節，注意約瑟ê政策hō͘權貴階級ê人lóng享受佔有土地ê特權，chiah-ê人就是祭司，m̄-nā無需要變賣土地，iáu thang「tùi王領受生活津貼」，這mā造成了階級ê對立。

第23到24節，chit兩節應該編輯tī第19節後面會比較順。就是為tio̍h beh hō͘土地thang tī饑荒年代mā ē-tàng試種作落去，伊採取「五分之一」ê田賦，kah提供種籽hō͘農民去種作。其實，會有嚴重糧荒，就是因為種作無法度生產chiah會有ê結果。因為án-ne，即使提供種籽，mā種bē出糧食，就算有土地mā是枉然，最後，in只有ē-tàng做國王ê奴隸，因為全國糧食lóng是約瑟teh控制發放。

第25到26節，chit兩節主要teh說明埃及人變成國王ê奴隸，以及埃及有五分之一田賦ê背景來源。
經文：

創世記 47:27-47:31

註釋:

Chit段經文ē-sái講是為第四十八到四十九章做個序言。

第27節，chit節為出埃及記第一章先留一個伏筆。Chit節講以色列人民tī埃及ê歌珊地區發達得真緊，人口大增。因為in m̄-nā擁有土地，而且m̄免納稅。Mā是後來遇tio̍h埃及人忌恨ê原因。

第28到31節，雅各是一百三十歲舉家進入埃及，經過十七年後，teh beh面臨老邁。伊叫約瑟kā手下tī伊ê兩腿之間chiù-chōa，chit種情形kah亞伯拉罕差派奴僕去哈蘭替以撒娶bó͘ ê情景仝款（參考廿四：2）；表示這是用性命chiù-chōa ê意思。雅各堅持boài埋葬tī埃及，ài kah祖先埋葬做伙，he就是亞伯拉罕向赫人購買作墳地ê麥比拉洞（參考廿三：19—20）。後來約瑟確實照雅各ê吩咐án-ne做（參考五十：12—13）。
經文：

創世記 48:1-48:12

註釋:

Chit章kah第四十九章lóng是用雅各ê遺囑為主要內容。是用「祭司文獻」、「耶和華文獻」，kah「以羅伊文獻」ê資料互相交替編輯而成。

Chit章tī第四十八章1到2節、第8到9節a句、第10節b句到12節、第15到16節、第20到22節lóng是屬tī「以羅伊文獻」ê資料，á第9節b句到10節a句、第13到14節、第17到19節lóng是「耶和華文獻」ê資料，然後tī第3到7節是屬tī「祭司文獻」ê資料。

這是新ê故事節，講述雅各án怎處理伊臨終ê事。約瑟聽tio̍h老父雅各病重，所chhun時間無chē，因為án-ne，趕緊chhōa兩個kiáⁿ瑪拿西kah以法蓮去探望雅各。

第2到4節，chia講雅各勉強起牀，表示伊ê身軀已經有夠虛弱à。然後伊kā上帝ê應允轉述hō͘約瑟，這mā teh暗示上帝並無親自直接對約瑟啟示。因為tùi雅各改名成做以色列了後，以後所講ê以色列，lóng是teh指整體以色列民族kah上帝之間ê關係，á m̄是teh指某一個特定支派。

第5到7節，chit段經文koh一pái說明雅各對心愛ê bó͘拉結ê懷念。伊決定kā約瑟tī埃及娶bó͘所生落來ê兩個kiáⁿ瑪拿西kah以法蓮看做是家己ê kiáⁿ，án-ne，mā等於teh表示伊心中ê約瑟ná親像大kiáⁿ仝款，分tio̍h兩份財產（參考申命記廿一：15—17，歷代志上五：1）。伊表示會án-ne做ê原因，是為tio̍h拉結ê緣故。另外一方面mā teh表示感謝約瑟為kui個家族帶來貢獻。

第8到12節，chit段經文應該續接第1到2節會比較順。Chia講雅各年老「目睭花，看bē清楚」，chit種情形就kah in老父以撒年老ê時仝款（參考廿七：1）。雅各就kā兩個孫á攬óa來chim嘴，chiah-ê動作lóng teh表示接納、承認，ná親像伊chìn前所講ê，chit兩個孫á lóng算伊ê kiáⁿ，表示kah其他kiáⁿ擁有分配財產ê權利。

因為án-ne，若是講以色列十二支派，就有瑪拿西kah以法蓮，m̄-koh無利未kah約瑟，就是用in兩人取代。M̄-koh若是講雅各ê十二個kiáⁿ，就無瑪拿西kah以法蓮，卻是利未kah約瑟。
經文：

創世記 48:13-48:22

註釋:

Chit段經文講述雅各祝福約瑟ê兩個kiáⁿ瑪拿西kah以法蓮之經過。

雅各teh祝福約瑟ê gín-á ê時，是雙手交叉，表示原本瑪拿西是大kiáⁿ，應該正手tio̍h下tī伊ê頭殼頂，以法蓮是第二kiáⁿ，應該是倒手chiah-tio̍h。M̄-koh，雅各卻用雙手交叉ê方式祝福，就變成以法蓮成做老大，á瑪拿西就成做老二，這kah約瑟所期待ê tú好顛倒（參考四十八：13— 14），chit件事kah以撒當年teh祝福雅各kah以掃ê事件仝款。

第15到16節，chit兩節是雅各ê祝福，主要內容teh表明傳承tùi阿公亞伯拉罕，到老父以撒所得tio̍h ê上帝賜福，透過伊領受tio̍h ê福氣，繼續傳承到chit兩個gín-á ê身上。Chit種祝福，mā等於是祝福了約瑟傳承雅各tùi上帝領受tio̍h ê一切。

第17到20節，因為雅各年老目睭花，所以看bē清楚到底toh一個是約瑟ê大kiáⁿ，m̄-koh伊卻是用交叉雙手ê方式祝福chit兩個伊認為屬tī伊ê gín-á。約瑟想beh改變，卻hō͘ 雅各拒絕。雅各表示伊真清楚toh一個是大kiáⁿ，kah伊目睭花無關係，這mā表示其中有上帝ê旨意在引chhōa雅各án-ne做。

第21到22節，除了認領約瑟chit兩個kiáⁿ以外，雅各另外hō͘約瑟一份特別禮物，就是伊用一百塊銀á向示劍城哈抹ê後代購買來ê一塊土地（參考三十三：18—20），當做送hō͘約瑟ê禮物，其實雅各án-ne做，mā teh表示約瑟比其他ê兄弟加分一份，mā隱喻約瑟擁有大kiáⁿ ê名份。M̄-koh tio̍h注意ê是，chia講雅各是「用劍用弓tùi亞摩利人奪過來ê」，這表示兩種意義：一是雅各已經擁有家己ê武裝力量。二表示hi̍t 所在不時發生征戰，無安寧過。
經文：

創世記 49:1-49:2

註釋:

Chit章是雅各kā伊ê kiáⁿ祝福。chit章mā是用三種文獻混合編輯而成，第四十九章1到24節a句、第27到28節a句，lóng是「耶和華文獻」ê資料，第24節b句到26節是屬tī「以羅伊文獻」ê資料，第28節b句到33節是屬tī「祭司文獻」。

Chit章mā kah申命記第三十三章摩西祝福以色列民族類似，內容lóng kah以色列民族傳統口述有密切關係。Chiah-ê口述mā說明每一個支派ê特色，á值得注意ê是，chiah-ê特色lóng是用動物來象徵（參考第9節、第14節、第17節、第21節、第22節、第27節）。

Tī chiah-ê語錄中間有一個特色，就是只有讚譽kah譴責並無任何祝福tī其中，只有領受tio̍h祝福ê人只有一個，就是約瑟。Kui章語錄tùi第2節到第27節，lóng是用詩ê題材寫出來。

Chit兩節說明雅各最後採取公開祝福伊ê 眾kiáⁿ。其實，掠準講是祝福，不如講是讚譽kah指責交叉tī伊最後ê遺言中。

第1節，chia講雅各ài kā 眾kiáⁿ「將來會tú-tio̍h ê事」kā in講，語意上有「先知」ê警語tī其中。

第2節，chit節開始講這是老父雅各對眾kiáⁿ講，m̄-koh接落去講beh聽「老父以色列」，這已經teh說明接落去雖然是提起gín-á ê名，m̄-koh內容lóng是kah支派ê續後發展有密切關係。
經文：

創世記 49:3-49:4

註釋:

Chit兩節是關係大kiáⁿ呂便ê發展。

第3節是o-ló呂便原本就是雅各ê「第一個kiáⁿ」，身軀siōng強壯，hō͘雅各深感為榮。

第4節，chit節就清楚寫出呂便犯了重大ê罪過，就是亂倫ê事，「kah老父ê細姨同床」（參考三十五：22）。因為án-ne，雅各認為伊不配做大kiáⁿ。
經文：

創世記 49:5-49:7

註釋:

Chit兩節提起西緬kah利未chit兩個kiáⁿ。

第5到6節，講chit兩個兄弟「同謀用刀劍行兇」，這是teh指tī示劍城進行大屠殺ê事件（參考三十四：25—26）。雅各表示這m̄是伊想beh看tio̍h ê行為。

第7節，雅各詛咒了chit兩個kiáⁿ，所謂「分散」in tī「以色列全境」中，這thang tùi利未支派後來成做祭司一事看見，西緬支派則因被猶大支派合併á消失。
經文：

創世記 49:8-49:12

註釋:

Chit段是有關猶大ê部分。

第8到10節，tùichit三節thang看見猶大後來ê發展，是成做十二支派中siōng強盛ê一支。特別用「少壯ê獅子」來表示。

第11到12節，chia用kā「驢á-kiáⁿ」縛tī「siōng好ê葡萄樹頂」，用此表示猶大非常強壯，連葡萄樹頂lóng thang用來縛驢á ê路用，mā m̄驚會搖動。Mā用chit兩節teh形容猶大ê富裕，夠額hit支派ê人民用siōng好ê、食siōng好ê。
經文：

創世記 49:13-49:15

註釋:

Chit三節講到兩個支派，就是西布倫kah以薩迦。

第13節，chit節講西布倫支派，是用地理環境來描述chit-ê支派。M̄-koh事實上，chit-ê支派後來分配到ê土地lóng離海邊真遠；真可能是teh暗喻tio̍h hit支派後來ê發展真困難。

第14到15節，chit兩節是講以薩迦chit支派。說明chit支派原本khiā起ê所在真美，m̄-koh後來卻成做別人ê奴隸，chia用「驢」來代表chit支派。「驢」tú好表示chit支派ê人m̄是真聰明。
經文：

創世記 49:16-49:18

註釋:

第16到17節是講tio̍h但chit-ê支派。

第17節，chia用「蛇」來代表，表示chit-ê支派真「奸巧」，只有ē-tàng 親像phah游擊戰仝款，用偷襲別人ê方式來維護生存。Ē-sái講是因為分tio̍h ê土地是南北兩地，無法度親像其它ê支派仝款連做伙，hō͘族群ê發展強盛起來。

第18節，thang參考詩篇第一一九篇166節。Chit節編排tī chia，應該是teh指全部支派，表示 in後來lóng會hông掠去做奴隸，teh等待上帝ê拯救。
經文：

創世記 49:19-49:21

註釋:

Chit三節是關係迦得、亞設、拿弗伊利等三個支派ê事。

第19節，是關係迦得支派。表示迦得chit-ê支派會處tī戰爭中，無得安寧ê日子thang過。

第20節，chit節是關係亞設支派。Khiā起ê環境非常好，物產豐富。M̄-koh卻被控制tio̍h，á一定tio̍h ái服事統治者。

第21節，chit節是關係拿弗伊利支派。用「奔放ê母鹿」來形容，而且會生「小鹿」，說明chit支派是處tī自由自在ê環境中。
經文：

創世記 49:22-49:26

註釋:

Chit段是有關約瑟ê部分。

第22節chia用「野驢」，說明無受拘束，進一步用「小野馬」來表示chit支派ê活躍。

第23到24節，chia講雖然是不時tú-tio̍h敵人ê攻擊，m̄-koh因為有上帝庇護in，chit支派ê發展真順利。

第25到26節，這是kui個雅各ê遺言中，kan-taⁿ有兩節祝福話語，m̄-koh卻只tī約瑟ê身上。Mā thang看出雅各對約瑟確實真偏愛。Chia ê祝福話語，ná親像當年以撒對雅各ê祝福仝款，有天頂ê甘露，mā有地上ê肥土地。雅各o-ló約瑟是所有兄弟中siōng「傑出ê hit位」。
經文：

創世記 49:27-49:28

註釋:

第27節，chit節是關係便雅憫支派。用「豺狼」來形容，表示chit支派ê武力甚強，m̄-koh卻是手段兇狠，chit點tùi士師記第十九到廿一章ê事件thang看出來。

第28節，chit節指出雅各最後對眾kiáⁿ講soah。雖然最後chia講雅各iáu「照ta̍k人ê福份kā in祝福」，m̄-koh卻無說明講了toh一kóa「合適祝福」伊ê眾細kiáⁿ。因為tùi頂面所講記錄來看，除了約瑟以外，其餘ê差不多lóng無祝福。
經文：

創世記 49:29-49:33

註釋:

雅各koh一pái表示伊tio̍h kah祖先亞伯拉罕、以撒等長輩葬做伙。

第31節ê「我mā kā利亞葬tī hia」，chit句話mā交帶利亞往生，並且埋葬à。

第33節，結束雅各ê族長史。
經文：

創世記 50:1-50:14

註釋:

Chit章是由「耶和華文獻」ê資料（第1到11節、第14節、第18節、第22節a句）、「祭司文獻」ê資料（第12到13節），以及「以羅伊文獻」ê資料（第15到17節、第19到21節、第22節b句到26節）chit三種資料混合編輯成ê。

Chit章ê主題是描述約瑟án怎辦理老父雅各ê後事，以及說明約瑟往生á完結tùi第十二章以來，四位族長ê歷史概述。

Chit段經文描述雅各往生，mā完結了雅各ê族長史。

第1到3節，chit段經文thang看出約瑟對老父雅各ê真愛，伊用埃及人慣用處理屍體ê方式，就是防腐保存老父ê屍體，原因是beh運tńg來迦南地ê麥比拉洞去安葬。

第3節提起兩個數字「四十」kah「七十」，lóng表示 siōng大ê極限。Mā就是講tī雅各遺體上所做ê防腐工作，是相當周全，á埃及人為伊舉行ê哀悼，差不多就是ná親像國家元首一般。這當然lóng顯示了約瑟tī埃及ê權力á是貢獻。

第4到6節，約瑟請人向國王報告，請求國王准伊假期，去迦南安葬伊ê老父，伊表示iáu會tńg來。其實，chit時chūn，埃及已經度過了七年大饑荒，雅各家族應該mā thang tńg去。M̄-koh，in lóng無chit種想法，卻是決定安葬老父了後koh一pái tńg來。國王知影約瑟beh帶老父ê屍體tńg去埋葬，就准伊。

第7到11節，tùi第7節thang看出雅各ê葬禮接近國葬，因為全國大細官員lóng來參加出殯ê禮儀。當然約瑟kah伊兄弟ê家族，除了細漢gín-á kah牛羊家畜留落來以外全部lóng出動。因為in tī安葬雅各了後，iáu會tńg來。

第10節講in tī hia「舉哀七工」，這是以色列人民ê傳統時間（參考撒母耳記上三十一：13）。Án-ne隆重ê葬禮，用tī雅各身上，是因為約瑟ê官位是宰相。迦南人看見lóng肅然起敬。

第12到14節，雅各ê kiáⁿ遵照老父ê意思安葬伊tī祖先ê墳墓內，然後約瑟chhōa所有家眷lóng tńg去埃及，ná親像伊對埃及王所講ê會tńg去埃及。
經文：

創世記 50:15-50:21

註釋:

Chit段經文koh一pái重述約瑟kah眾兄哥修好ê記事，為tio̍h是beh khah強調雅各家族之所以ē-tàng tī埃及快速發展，主要原因就是在tī兄弟和睦相處。

Siōng重要ê是tī第19節，chit節約瑟對眾兄哥講「我無法度代替上帝」，chit句話tú好回應了第三章5節，誘惑者對人講「會親像上帝」，說明當人想beh扮演上帝角色ê時，犯罪所帶來ê性命苦難就會續接teh來，á對性命帶來ê死亡威脅mā會連連不斷來出現。因為án-ne，約瑟ê chit句「我無法度代替上帝」，tú好kā kui卷創世記ê中心思想串連起來：當人想beh代替上帝ê時，結果是換來死亡kah痛苦、災難。當人知影家己ê渺小、有限時，chiah ē-tàng體會出上帝奇妙ê救恩，kah無限ê恩典。約瑟真清楚kah伊ê兄弟講，伊知影這一切lóng是出tī上帝美好ê旨意，大家chiah ē-tàng保存性命落來。

第21節，約瑟向伊ê兄弟保證，一定會照顧in kah in ê家眷。
經文：

創世記 50:22-50:26

註釋:

Chit段經文結束loh約瑟ê歷史，mā等於結束loh四位族長ê歷史記事。

第22到23節，約瑟死ê時chūn，年紀是一百一十歲。這數字接近第六章3節所講ê，上帝縮短了人類ê性命到一百二十歲。伊抱過kiáⁿ ê孫á，表示伊是一個真有福氣ê人，有上帝ê賜福tī伊ê性命中。

第24到26節，chit兩節算是約瑟簡短ê遺言，除了祝福in，伊mā要求以色列人民ê kiáⁿ孫，一定tio̍h會記得kā伊ê骸骨埋葬tī上帝應允hō͘ in khiā起ê土地，mā就是講bē-tàng埋葬tī埃及。Tī出埃及記第十三章19節，記載以色列人民確實án-ne遵照約瑟ê吩咐做
重新查詢