經文：列王紀上 1:1-1:10 註釋:
列王記上、下分卷點是用北國以色列亞哈王朝ê結束（上卷廿二：37），kah南國猶大王約沙法王死後無久（上卷廿二：50）作分界。
Tùi第一章1節開始直到第十一章43節止，chit段lóng是用所羅門王ê記事為主軸。接落去tùi第十二章開始，就是描述以色列王國分裂做做南kah北兩國ê情形，而所有分裂ê經過kah了後ê情景，是tùi上卷第十二章起，一直到下卷第十七章41節止，交替紹介南、北兩國ê狀況，然後tùi下卷第十八章開始，記載南國猶大ê情景，直到第廿五章猶大王國被巴比倫帝國消滅，人民hông掠去做奴隸ê經過。
第一到二章，是記載大衛王kā王位傳承hō͘伊kah拔示芭所生落來ê kiáⁿ所羅王ê經過。Mā是tùi大衛王開始，王位tùi原本上帝揀選，變成做世襲ê制度。單是chit點已經teh暗示大衛脫離上帝原本ài先知揀選君王帶領以色列人民ê本意。
Chit段經文描述大衛晚年ê時，伊ê眾kiáⁿ開始有密謀篡位ê動作，特別是siōng有可能繼承王位ê亞多尼雅因為忍不住氣，就想beh擁兵宣告家己為王。這mā teh表示大衛晚年無法度巡視國政大事，眾kiáⁿ爭取王ê宮廷鬥爭浮出檯面上。
第1到4節，作者一開始就講「chit時chūn，大衛已經老邁」，所謂「老邁」，應該是「七十歲」。因為伊是tī三十歲ê時被膏立為以色列ê王，然後伊統治四十年，其中包括tī希伯崙統治猶大七年半，tī耶路撒冷統治以色列kah猶大共計三十三年（參考撒母耳記下五：3—5）。可能是因為年邁體衰，因為án-ne，伊ê臣僕替伊chhōe一位名叫「雅比莎」ê處女服侍伊，伊並m̄是被選來做bó͘ ê，卻是類似今á日ê看護工作仝款，這mā是第4節所講ê，大衛無kah伊親近ê意思。Chit點mā kah後來亞多尼雅請求所羅門kā chit位cha-bó͘-gín-á hō͘伊做bó͘有關（參考二：17）。這是古代社會一種特異ê看法，認為hō͘處女睏tī cha-po͘人身上thang取暖，hō͘身軀健康。M̄-koh作者mā特別強調，大衛「無kah伊發生關係」。
第5到8節，大衛ê大kiáⁿ暗嫩被押沙龍殺害，第二kiáⁿ基利押（只出現tī撒母耳記下第三章3節），而押沙龍因為叛變死去，chit-má大衛kiáⁿ中以亞多尼雅為伊ê kiáⁿ群中是siōng年長ê。伊第一個想beh ê就是得tio̍h王位繼承權。事實上當時伊ê條件siōng好，m̄-koh伊無經過大衛同意，就爭取到元帥約押、祭司亞比亞他ê支持，m̄-koh卻無得tio̍h「祭司撒督、耶何耶大ê kiáⁿ比拿雅，以及「先知拿單、示每、利以，kah大衛ê眾侍衛」ê支持，這表示伊雖然有得tio̍h約押ê軍方勢力支持，m̄-koh siōng重要ê，是大衛ê禁衛軍，特別是先知拿單等人ê支持，這真危險。
Tùi chit段經文看tio̍h亞多尼雅bē記得約押擁有兵權而且恃兵而驕，真oh駕馭，大衛是一直teh想辦法beh除掉伊（參考二：5-6）。因為án-ne，伊chhōe約押本身就是一步危險ê棋子。Á約押kah亞比亞他之所以支持伊，真可能是因認為亞多尼雅是大kiáⁿ，繼承王位乃是理所當然ê事。Mā tùi chia看出當時王宮裡有兩派人馬，一派擁護亞多尼雅，另外一派則擁護所羅門。擁護所羅門ê是用先知拿單為首，加上祭司撒督，以及大衛ê侍衛軍團，這mā形成非常堅強ê一股擁護所羅門繼承王位ê勢力。Á先知拿單是主導hō͘所羅門繼承王位ê主要人物。
第9到10節，有一工，亞多尼雅舉辦獻祭禮儀，而且排設筵席宴請大衛其他ê kiáⁿ，mā就是伊ê眾小弟kah王室大臣，m̄-koh卻獨漏先知拿單、比拿雅、同父異母ê小弟所羅門，以及王室ê侍衛軍。
經文：列王紀上 1:11-1:37 註釋:
Chit段經文描述先知拿單án怎策劃反制亞多尼雅chit種排設祭祀禮儀kah筵席ê舉動，mā thang看出先知tī大衛宮廷中扮演重要ê角色。
第11到14節，chia事(tāi)先提起「所羅門ê母親拔示芭」，kah「哈甲ê kiáⁿ亞多尼雅」，chit種用句，已經teh隱喻宮廷ê內鬥，是兩個大衛ê細姨，開始為家己kiáⁿ爭取王位繼承權ê開始。先知拿單對亞多尼雅舉辦獻祭kah排設筵席ê解釋，認為he是一種「立家己做王」ê舉動，已經危害到拔示芭kah所羅門ê性命安全。因為án-ne，伊建議拔示芭去見大衛王，到底大衛beh立甚麼人做王，並且答應當證人，證實亞多尼雅自立為王ê事。
第15到16節，拔示芭chiâⁿ實聽從先知拿單ê建議去見大衛王。
第17到19節，拔示芭提醒大衛bat chiù-chōa beh hō͘伊所生ê kiáⁿ所羅門繼承王位，而chit件「chiù-chōa」ê事，iáu是先知拿單提醒伊去向大衛提起ê。表示用上帝ê名chiù ê chōa言之重要性，是無法度更改。M̄-koh拔示芭向大衛提起，伊bat答應hō͘伊ê kiáⁿ所羅門繼承王位chit件事，聖經並無記載，真可能是大衛私相授受ê事。續落來伊提起亞多尼雅擅自宣佈家己是王，而且有祭司亞比亞他kah元帥約押參與，其實，拔示芭án-ne講，已經teh表明iáu未經過大衛宣佈王位繼承者chìn前，亞多尼雅chit種舉動，等於kah押沙龍家己宣佈為王ê舉止仝款，這mā teh警告大衛tī晚年行動不便ê時，是m̄是會koh一pái tú-tio̍h宮廷篡位ê慘痛經歷。
第20到21節，拔示芭真聰明，伊深知大衛就是殺害伊丈夫烏利亞而奪取伊為細姨，若無保護伊，伊會因chit pái亞多尼雅篡位ê事，kah kiáⁿ所羅門慘遭殺害。
第22到27節，先知拿單照chìn前設計好ê方式，就tī拔示芭進入宮廷面奏大衛關係亞多尼雅篡位ê事ê時，伊tòe後就跟tòe去見大衛，tòe後講亞多尼雅ê舉止，等於是見證了拔示芭所講屬實。拿單聰明ê所在，並m̄是只有講亞多尼雅確實有án-ne做，卻是質問大衛若是允准chit件事，怎樣會無公開宣佈。伊ê意思是hō͘大衛知影，chit件事若趕緊阻止是iáu會赴。Á拿單就是清楚知影大衛犯姦淫罪ê先知，而且約押又koh是大衛心中ê痛。因為án-ne，拔示芭kah先知拿單lóng特別指出約押參與chit pái亞多尼雅ê篡位行動，用chit種方式增加大衛ê無安全感。
第28到31節，大衛隨時用上帝ê名chiù-chōa，beh hō͘所羅門繼承伊ê王位。換句話，chìn前指出大衛已經發過ê誓言並無算數。Á這mā看出晚年ê大衛，神智並m̄是真清楚。
第32到35節，這是大衛王採取積極行動，mā是一種反制亞多尼雅想beh篡位ê計謀，這可能kah押沙龍帶hō͘伊ê傷害經歷有關。大衛ài伊忠心ê部屬，包括先知拿單、祭司撒督、耶何耶大，以及軍事第二號將領比拿雅等人， ài所羅門騎上大衛ê驢á，這真有象徵性ê意義，表示所羅門有繼承王位ê資格，然後ài先知拿單kah祭司撒督膏立所羅門為以色列kah猶大ê王。膏立ê地點為甚麼選tī基訓水泉邊，並無清楚，有可能是為tio̍h beh先行潔淨禮，然後chiah舉行膏立ê儀式。M̄-koh重要ê，是當完成chiah-ê禮儀了後，tńg來到耶路撒冷王宮，hō͘所羅門坐tī王座上，án-ne chiah表示所羅門已經繼任為王。第35節講所羅門是beh當「以色列kah猶大ê統治者」，這是因為第一任ê國王掃羅出tī北部便雅憫支族，而大衛則出tī南部猶大ê支族，因為án-ne，南北兩大族群一直lóng心存芥蒂。
Tio̍h注意在第34、39節，lóng講大衛ài祭司撒督kah先知拿單去膏立所羅門為王，卻m̄是上帝親自對先知á是祭司ê啟示，卻是出tī大衛ê指令。這kah大衛、掃羅lóng是上帝向先知撒母耳啟示揀選、膏立出來ê，完全無仝。Mā tùi chia開始，以色列人民以後ê國王lóng是世襲，而非上帝向先知啟示而膏立ê。這tī信仰上ê意義非常無仝款。
第36到37節，比拿雅聽tio̍h大衛án-ne宣告了後，就表示全力支持所羅門繼承王位。這真清楚說明大衛身邊ê禁衛軍擁護所羅門為王。
經文：列王紀上 1:38-1:53 註釋:
Chit段經文描述亞多尼雅聽tio̍h大衛已經立所羅門為王，chiah知影大勢已去，續落來演變ê就是進行報復kah剷除異己ê行動。
第38到40節，這是一場全國性ê正式宣告所羅門被膏立為王之儀式，是tùi基訓水泉一路行tńg來耶路撒冷，hō͘沿路民眾lóng知影chit件事，特別是耶路撒冷民眾lóng清楚知影所羅門chiah是大衛王位ê繼承者，這mā表示亞多尼雅chìn前ê動作，只不過是虛晃一招而已，無被承認。
第41到42節，thang看出大衛chit pái無koh像頂pái押沙龍叛變ê時，家己離開王宮，卻是家己快速地舉行反制行動，tī亞多尼雅進行篡位舉動ê時，伊就馬上緊急安排膏立所羅門繼任王位ê行動。Á就tī亞多尼雅hit-pêng筵席尚且iáu未結束，所羅門被膏立為王ê信號已經響徹了kui個耶路撒冷，chit種宣告聲響，大tio̍h驚了所有參加亞多尼雅筵席ê要員。
第43到48節，亞比亞他ê kiáⁿ約拿單趕緊tùi耶路撒冷趕來隱‧羅結水泉報告chit件所羅門已經被膏立為王ê消息，伊特別強調「連所有宮廷ê官長mā去朝見大衛王」，表示支持大衛王膏立所羅門為繼任者，而且大衛mā祈禱祝福所羅門。
第49到51節，當大家聽tio̍h約拿單傳報chit-ê消息了後，所有參加亞多尼雅筵席ê賓客開始不安起來，這表示in lóng會hō͘列為密謀叛變ê人，一定會有性命ê危險。因為án-ne，大家趕緊各自散去。Á亞多尼雅mā發見大事不妙，伊趕緊走去聖幕ê至聖所約櫃處，「掠tiâu祭壇ê角」，因為伊開始「驚惶所羅門」會對伊採取懲罰動作。伊希望用chit種方式換來所羅門不刣伊。照摩西律法規定，聖殿祭壇突出ê角，是塗有獻祭之牲祭ê血，用來表示贖罪ê路用，hō͘ hiah-ê因為m̄是故意殺害別人ê人，thang得tio̍h不被報復ê保護（參考出埃及記廿一：12—14）。亞多尼雅用chit種方式來表示伊走chhōe上帝ê庇護。有人kā chit件事kā所羅門講，伊聽tio̍h了後，ài亞多尼雅宣告效忠伊。
第52到53節，所羅門派人去掠亞多尼雅，伊向所羅門跪拜，所羅門就tháu放伊tńg去厝裡，這就hō͘伊本來想beh做王ê祭祀禮儀、筵席等lóng變成一場鬧劇。
經文：列王紀上 2:1-2:12 註釋:
Chit章ē-sái講是一幕一幕血淋淋ê宮廷鬥爭記錄，記載所羅門繼任王位後，照老父大衛所交帶，開始剷除異己，甚至，kā兄哥亞多尼雅殺害。
第二章1到12節：Chit段經文ē-sái講是大衛ê臨別遺言kah往生，m̄-koh這遺言m̄是赦免hiah-ê得罪伊ê人，而是beh繼任伊王位ê kiáⁿ所羅門去進行報復、剷除ê殺害動作。M̄-koh這並無表示伊ê雙手比較潔淨。
第1到4節，Tī chit段勉勵所羅門ê話，真清楚申命記作者ê教導，一定tio̍h嚴格遵守摩西律法冊上所有ê規定，án-ne chiah ē-tàng得tio̍h上帝ê賜福（參考申命記第八章）。
第5到6節，特別ài所羅門一定會注意約押，講伊「刣死無辜ê人」，á這責任卻hō͘大衛承擔。伊ài所羅門mài hō͘約押「善終」。其實，約押ē-sái講是大衛siōng忠心ê武官，一路上lóng是伊扶持大衛ê，m̄-koh taⁿ大衛卻ài kiáⁿ所羅門bē-tàng hō͘約押善終，理由是伊殺害無辜ê，m̄-koh大衛家己為tio̍h謀害無辜ê烏利亞，卻假借約押ê手殺害ê。
第7節，這是為tio̍h beh遵守伊答應好款待基列人巴西萊ê kiáⁿ ê諾言，chit節經文thang參考撒母耳記下第十七章27到29節。
第8到9節，是beh所羅門處理基拉ê kiáⁿ示每，chit件事ê背景thang參考撒母耳記下第十六章5到14節、18節b句到23節等等，顯然地，大衛並無照所講ê話，遵守不殺害示每，伊雖無殺害伊，卻ài所羅門「一定會想法子」去kā示每處死。Tùi chit點mā thang看出大衛是一位真會「記恨」ê人。
第10到12節，敘述大衛往生，執政四十年，伊kā以色列國交hō͘ kiáⁿ所羅門ê時，hit時以色列「國勢非常穩固」。
經文：列王紀上 2:13-2:25 註釋:
記載大衛siōng年長ê kiáⁿ，mā就是bat計謀奪取王位ê亞多尼雅被所羅門殺害ê經過。
第13到18節，記載亞多尼雅去chhōe拔示芭，希望伊ē-tàng替伊向所羅門王求，kā大衛年老陪伴在身邊ê書念cha-bó͘-gín-á雅比莎hō͘伊作bó͘。為甚麼亞多尼雅會要求娶雅比莎當伊ê bó͘？這可能有政治企圖心，因為當時中東地帶有一個風俗，就是宮中ê婦女，lóng是屬tī國王擁有。換句話講，甚麼人擁有宮中婦女，等於是擁有國王ê權力仝款。這mā是為甚麼當年押沙龍會聽從參謀亞希多弗ê建議，公開kah大衛ê妃嬪同床，表示伊繼承王位。亞多尼雅chit種要求，可能有含chit種用意。Á chìn前所羅門無殺害亞多尼雅ê時，有一個「但書」，就是beh「效忠」所羅門，而且bē-tàng「作惡」，這lóng teh表示對所羅門絕對忠實，bē-tàng有私念。Chia ê作惡，mā有含bē-tàng有任何背叛ê想法。
第19到22節，所羅門ê母親拔示芭chiâⁿ實照亞多尼雅ê請求，去chhōe所羅門，轉達chit項請求。M̄-koh伊ê請求聽tī所羅門ê耳裡，非常m̄是滋味。因為伊執政，政權並m̄是真穩固。因為án-ne，當拔示芭提出chit項建議ê時，所羅門非常無歡喜，認為亞多尼雅ê chit項請求，等於是有叛變ê企圖，這mā是所羅門tī chia提出ê，亞多尼雅iáu有約押將軍，以及祭司亞比雅伊擁護tio̍h，表示iáu威脅伊王權ê穩固。
第23到25節，伊認為亞多尼雅ê chit項請求，等於是「作惡」，無完全「效忠」tī伊。就án-ne下令耶何耶大ê kiáⁿ，mā就是禁衛軍總司令比拿雅kā亞多尼雅刣死。
經文：列王紀上 2:26-2:35 註釋:
記載所羅門處理擁護亞多尼雅ê祭司亞比亞他，以及老父大衛siōng懷怨tī心ê手下大將約押。
第26到27節，是處分祭司亞比亞他ê事，其實，亞比亞他對大衛有真chē貢獻（參考撒母耳記下十五：24、29）。伊ê父親和家族亞希米勒慘遭掃羅刣死，只有伊逃出來投靠tī大衛身邊（參考撒母耳記上第廿二章）。chit-má所羅門beh解除亞比亞他祭司ê職位，tú好應驗ā「上主tī示羅所講ê有關祭司以利kah伊後代ê話」，bē koh再有人當祭司，卻是會由別人取代（參考撒母耳記上二：27—36）。
第28到30節，tùi第28節開始到第35節是處置軍事大將約押ê事。約押kah亞多尼雅仝款，lóng是逃到khǹg約櫃ê所在，掠tio̍h約櫃前祭壇ê角，希望ē-tàng免除被處死ê厄運。作者特別說明雖然約押過去無擁護押沙龍，m̄-koh卻因為tī chit pái宮廷政爭中擁護亞多尼雅chiah慘遭chit pái ê清算。所羅門派去beh刣約押ê，是第二號大將，mā是宮廷侍衛司令比拿雅。M̄-koh因為約押是bih-tī khǹg約櫃ê至聖所，比拿雅以所羅門ê命令ài伊出來，伊表示寧可死tī khǹg約櫃ê至聖所。比拿雅m̄敢隨便進入緝拿、殺害。就án-ne tńg去請問所羅門。
第31到33節，是所羅門下令kā約押刣死tī祭壇處ê理由。所羅門就án-ne下令就照約押所講ê，kā伊刣死tī khǹg約櫃ê至聖所。所羅門會下chit-ê格刣令，是合法ê，因為摩西律法中，規定若有人存心謀刣，就算逃到至聖所ê祭壇，mā是仝款無法度免除死刑（參考出埃及記廿一：14）。這hō͘人認為存心謀刣別人ê事件，必定kah伊追殺北國以色列軍隊來投靠大衛ê押尼珥（參考撒母耳記下三：17—30）有關，koh講，就是另外一位被大衛任命取代約押ê將軍亞瑪撒（參考撒母耳記下二十：4—10）。其實，約押kah伊ê兄弟lóng是對大衛王權有極大貢獻ê 將領。
第34到35節，比拿雅就照所羅門ê話，kā約押刣死tī安置約櫃ê至聖所祭壇邊，並且由比拿雅取代約押，擔任以色列軍隊統帥，而且任命撒督取代亞比亞他ê大祭司職位。
經文：列王紀上 2:36-2:46 註釋:
是處置示每chit-ê掃羅家族ê後裔。伊ē-sái講是掃羅家族中siōng中心ê人。Tī大衛逃離押沙龍叛變ê事件ê時，伊bat當tio̍h眾人面前詛咒、侮辱大衛（參考撒母耳記下十六：5—9），後來大衛重新得tio̍h王權了後，示每bat向大衛表示悔意，並請求大衛赦免，得tio̍h大衛保證不殺害伊（參考撒母耳記下十九：18b—23）。
第36到38節，所羅門派人去kā示每召來，下令伊tòa tī耶路撒冷城內，「不准離城」，若無，就「非死不可」。示每表示會照所羅門ê命令做。所羅門chit種命令是有原因ê，因為這thang hō͘示每離開所羅門ê班底，就無法度koh一pái策劃叛亂ê事宜。
第39到40節，經過三年，示每可能忽略家己ê一舉一動lóng被監視tio̍h，為tio̍h beh chhōe tńg來兩個逃亡ê奴隸，伊竟然離開耶路撒冷去到非利士人ê城市迦特去，chit件事被所羅門王知影，雖然示每追tńg來兩個逃離ê奴隸，卻hō͘家己賠上了性命。
第41到46節，所羅門王聽tio̍h伊擅自離開耶路撒冷去非利士人城市迦特，因為án-ne，就派人去掠伊，並且質問伊。最後判處伊死刑，由手下大將比拿雅執行處死。
就án-ne，「所羅門完全鞏固了伊ê王國」，這表示伊已經剷除了所有可能會威脅伊政權穩定ê對象。
經文：列王紀上 3:1-3:15 註釋:
Tùi第三章開始teh紹介所羅門王朝ê興旺kah墮落ê原因。有關所羅門繼位，並且剷除了所有可能威脅tio̍h伊ê氣力了後，伊kah老父大衛siōng大ê無仝，就是大衛是率領以色列軍隊擴大疆土，hō͘外敵侵犯ê氣力削弱。Á所羅門是採取異國聯婚ê策略，m̄-koh這策略mā為伊帶來晚年背離上帝、拜偶像ê嚴重錯誤行為，結果致使後代分裂留落來了一個遠因。
Chit章是有關所羅門王真出名ê故事，teh講述所羅門向上帝祈求智慧ê經過。Tī第三章1到15節是講伊祈求ê經過，而tùi第16到28節是用一篇故事來形容所羅門充滿智慧ê表現。
Chit段經文mā同時記載tī歷代志下第一章3到12節。Tī chia，列王記作者先交帶所羅門tī國家政策ê態度kah大衛大無相仝。至少，chit段經文ê起頭就講，所羅門娶埃及國王ê cha-bó͘-kiáⁿ做bó͘，chit點mā講出伊用政治聯婚ê方式，擴張政治勢力，m̄-koh卻mā為伊後來棄sak上帝埋落來了一個伏筆。續落來，chia講伊對上帝真忠實不貪心，只祈求上帝賞賜hō͘伊智慧，好治理以色列國。Chit種態度hō͘上帝深受感動soah大大賜福hō͘伊。
第1到3節，chia一開始就講「所羅門kah埃及王結盟，娶埃及王ê cha-bó͘-kiáⁿ作bó͘」。這是一種大略上ê陳述，主要teh說明所羅門ê國家政策，採取政治聯婚ê方式，建構kah鄰國ê外交關係。作者tī chia用當時只有聖幕，無聖殿，因為án-ne，以色列人民lóng會tī「丘壇上獻祭」。Chit-ê「丘壇」一詞，表示比較高ê所在。卻mā是迦南地神明siōng普遍出現ê所在。因為án-ne，用「丘壇」一詞，mā隱含tio̍h以色列人民有ê時分bē清楚敬拜上帝kah拜迦南地神明ê區別。這mā是後來申命記作者一再強調tio̍h拆毀chiah-ê祭壇ê原因（參考申命記七：5、十二：3）。不過，chia而且講所羅門「敬疼上主，遵照in父親大衛ê訓示」，可惜是伊kah-ná mā分bē清楚「丘壇獻祭」kah tī聖幕獻祭之間ê差別。
第4到5節，講所羅門到「基遍獻祭」，這是設tī耶路撒冷西北pêng大約十公里ê所在，chia有「siōng出名ê丘壇」，所羅門mā bat tī chia「獻過成千ê燒化祭」。照歷代志下作者ê觀點，所羅門會去基遍獻祭，原因是當時聖幕tī基遍，雖然約櫃是排tī耶路撒冷，m̄-koh聖幕iáu未遷徙到耶路撒冷。真可能是為tio̍h beh建造聖殿ê緣故，並無積極遷徙聖幕。Teh獻祭後ê hit暗，上帝透過「夢」向所羅門顯現，問所羅門想beh上帝祈求甚麼。
第6到9節，chit段是所羅門siōng重要ê一段信仰告白。伊表示因為老父大衛對上帝「忠心、誠實，有純真ê心」，tùi án-ne得tio̍h上帝「大施慈愛」hō͘伊。chit-má所羅門表示家己少年，上帝就賞賜hō͘伊有chit種機會繼承老父大衛ê王位，伊懇求上帝賞賜hō͘伊「一粒真gâu識別ê心，ē-tàng判斷是非，好治理」人民。Chia所謂「一粒真gâu識別ê心」chit句話，意思是teh指「一粒遵守上帝旨意ê心」，這mā是kui本聖經ê主要信息，希望ē-tàng確實聽從上帝ê旨意。
第10到14節，因為所羅門chit種祈求，感動上帝，認為伊無親像一般人祈求「長壽」、「財富」，kah強大ê軍事武力，只祈求「明辨ê智慧，好公正治理人民」，因為án-ne，上帝決定beh成全伊所祈求ê。而且beh賞賜hō͘伊ê智慧，是前無古人，後無來者。M̄-koh上帝mā同時提醒所羅門一定tio̍h像in父親大衛仝款，對上帝忠實。
第15節，所羅門終其尾知影這是上帝透過夢向伊講話，因為án-ne，趕緊koh獻上「燒化祭和平安祭」表示感謝上帝ê恩典，並且排設筵席款待所有跟tòe伊去基遍獻祭ê臣僕。
經文：列王紀上 3:16-3:28 註釋:
Chit段經文是一則故事，mā是teh回應á是解釋前段經文所講ê，上帝答應賞賜hō͘所羅門有聰明ê智慧，ē-tàng明確辨別是非，好公正治理人民，taⁿ果然應驗ā。
第16到21節，「有兩個妓女來見所羅門王，khiā tī伊面前」，這表示是一件司法案件，用來形容所羅門怎樣公正地審理人民發生糾紛ê案件。當時ê社會，若人民有冤屈，thang上訴到siōng koân層次ê國王去伸冤，好ê國王會親自審理人民案件，押沙龍就bat用詭計設法tī公開場合，表示伊ē-tàng成做一個好ê國王審理案件（參考撒母耳記下十五：1—6）。
Chit段經文講兩個妓女各生一個男嬰，其中一個無小心「壓死去家己ê gín-á」，卻利用半暝趁另外一個iáu teh睏ê時，偷換了別人ê gín-á，kā死ê khǹg tī另外一個妓女身上，kā活ê抱行。
第22節，結果chit-ê案子送到所羅門手上，兩個妓女lóng吵講，活ê gín-á是家己ê，死ê gín-á是對方ê。
第23到25節，這是所羅門所下ê判決：為tio̍h beh表示公平起見，伊認為kā這活ê mā the̍h「一把刀來」，kā它「劈成兩半」，各分一半hō͘ chit兩個冤家ê母親。
第26節，這是所羅門teh試看，看甚麼人真正是活ê gín-á ê母親之方式。因為án-ne，當伊下命令beh kā活ê嬰á刣死分做兩半ê時，hit-ê gín-á ê母親馬上心疼表示寧可hō͘ gín-á活teh，m̄-thang刣死。因為伊原本就不是beh分gín-á，而是beh活teh ê gín-á。就án-ne伊對所羅門講，m̄-thang刣hit-ê gín-á，「Kā伊交hō͘ hit-ê cha-bó͘人！」。M̄-koh m̄是gín-á ê母親卻kā心掠坦橫，認為家己得bē-tio̍h，mā無想beh hō͘真正母親得去。因為án-ne，表示就kā gín-á「劈成兩半pah」，伊不是beh分一半，卻是講「m̄免hō͘我，mā m̄-thang hō͘伊」，chit句話清楚表示hō͘ gín-á死去無關係。
第27節，所羅門tùi兩個做妓女ê母親ê反應隨時清楚知影，就án-ne下令「m̄-thang刣這chit-ê gín-á」，kā這活teh ê gín-á交hō͘ hit位主張m̄-thang刣ê母親，因為hit-ê母親chiah是真正母親。
第28節，就是因為chit-ê判決，hō͘以色列人民lóng讚佩所羅門chiâⁿ實真有智慧。
經文：列王紀上 4:1-4:19 註釋:
Chit章mā是另外一種方式teh說明所羅門kā上帝賞賜hō͘伊ê智慧，運用tī伊治國ê行政事務上，作者用伊án怎任派工作內閣人員，以及分配轄區hō͘地方首長來說明伊確實是一個有智慧ê君王。
Chit段經文thang分做兩部分來看，一是第2到6節，chit部分是宮廷，mā就是所講ê內閣大臣名單，二是第7到19節ê地區首長，mā就是chia所講ê總督。
第1節，「所羅門是全以色列ê王」，chit句話已經清楚說明經過宮廷鬥爭了後，所羅門確定已經穩tiâu政權，以色列人民mā確認伊就是in ê王，而且是一個有上帝賞賜ê智慧ê王，thang hō͘伊安心治理國家大政。
第2節，伊任命所有臣僕，就是tùi大祭司開始，表示伊tī宮廷中佔有siōng重要ê角色。
「大祭司：撒督ê kiáⁿ亞撒利雅」，tùi chit句話就thang明白後來ê祭司，就是「撒督」後裔，新約福音書所記載ê「撒督該派」mā是伊ê後裔。
第3到6節，chit段經文ê名單包括：「書記」，這kah今á日ê「幕僚長」á是「秘書長」真接近。「史官」，是teh指類似國家ê總書記，官職真koân，擁有實權。「統帥」，有ná現代ê國防部長，á是參謀總長。「祭司」，是teh指掌管宗教事務，kah大祭司位階差真chē。「總督長」，就是掌管tùi第7節開始ê每一個區域有「總督」，chia ê總督長就是負責管理這十二個總督（第19節c句）。
「王室顧問」，這是所羅門siōng重要ê幕僚長，類似現今ê行政院長。
「宮僕監督」，有ná現今ê內政部長。
「奴工監督」，這表示所羅門時代已經有「奴工」，指買來ê奴隸，á是俘虜ê奴隸。這mā表示伊bē記得祖先時代，in bat tī埃及當過奴隸。後來，sàn-chhiah ê人民賣身為奴工，這mā為伊死後，kiáⁿ羅波安teh處理北部支派貧困生活問題ê時，因為無辦法體會奴工生活ê困境，結果hō͘勞工部長活活被phah死（參考十二：18）。
第7到19節，chit段經文是十二個行政區kah總督ê名單。In主要職責是「一定tio̍h tùi所管轄ê地區供應食物hō͘王kah王ê家族；各區總督每年負責一個月」。Chit種工作就是等於今á日所講ê負責稅務稽徵ê工作。Ài beh特別注意ê是，這十二個地區並m̄是根據約書亞分配給十二支族ê方式，因為十二支族ê地區各有無仝，生產力mā就有差別。如果根據約書亞ê方式，根據大細、生產力繳納稅額，án-ne就bē有siuⁿ大問題。Taⁿ是無論大細地區，每一個行政區lóng tio̍h負責一個月ê王室費用，對比較sàn-chhiah ê地區來講，就形成極大ê負擔，chit點可能就是引起後來所羅門死後，北部族群推舉耶羅波安，由伊代表去向所羅門ê kiáⁿ羅波安請求，減輕in ê稅賦ê背景（參考十二：4）。結果是要求減輕稅賦to̍h bē-sái得，最後變成王國分裂，實在可惜。
經文：列王紀上 4:20-4:34 註釋:
Chit段經文是teh描述所羅門因為有得自上帝特別賞賜ê智慧，因為án-ne國勢非常強盛。伊m̄-nā是一位有外交能力、擴張疆域版圖ê君王，而且mā是一位真有才華ê統治者，除了會做詩，會寫箴言，mā ē-sái講是以色列建立國家ê君王制度以來，siōng出色ê一位君王。
第20到21節，「猶大kah以色列ê人民像海邊ê沙hiah-ni̍h chē」，chit句話已經teh表示chit段時間是上帝賜福以色列人民，hō͘ in「生湠chē-chē，遍滿世界」（參考創世記一：28、十三：16、十五：5、廿二：17、廿八：14）。M̄-nā án-ne，伊ê國勢強到附近所有ê族群、國家lóng來向伊進貢。
第22到23節，chit兩節說明kui個宮廷ê開銷確實是非常龐大，單單lim食ê需要就是真大ê負擔。
第24到25節，chit兩節koh一pái強調所羅門治理以色列國ê時代，人民是過豐衣足食，而且歡樂ê日子。M̄-nā án-ne，chia mā強調所羅門tī外交事務處理得非常順利，因為án-ne，thang「kah鄰國和平相處」。
第26到28節，chit三節其實就是teh反應頭前所羅門任命ê chiah-ê官員，in lóng真盡責地teh執行in被付託ê任務，hō͘伊無任何缺失。
第29到34節，這幾節經文差不多是kā所羅門hō͘神話化了，認為伊是當時全世界siōng有智慧ê君王。
經文：列王紀上 5:1-5:18 註釋:
Tùi chit章開始，直到第九章9節，chit段經文lóng是teh講述所羅門建造耶路撒冷聖殿，以及王宮ê情景。單單tùi伊用七年時間建造聖殿，用十三年時間建造王宮，就ē-tàng想像會tio̍h花費非常龐大，mā因為án-ne埋落來後來國力衰退ê主要因素。
第五章主要是teh記載以後所羅門建造聖殿kah宮殿所需要ê建材，特別是非常貴ê木材是tùi黎巴嫩進口ê香柏樹，因為有泰爾王希蘭ê協助而完成建築ê工程。
第1節，「泰爾」，這是腓尼基ê主要港口，tī西頓ê南邊約四十公里處。「希蘭」王執政ê時期大約是tī主前979到945年代。伊kah大衛ê關係親密，知影所羅門繼承大衛作以色列ê王，就真禮貌地差派特使去見所羅門。
第2到6節，chit段經文是所羅門請求泰爾王希蘭協助伊建造聖殿ê工程。伊表示chit-má ê以色列國已經國勢堅強，m̄驚有外國á是伊族人侵犯，kah老父大衛時代無仝款，需要不時出征。因為án-ne，伊決定建造一座聖殿敬拜上帝。伊請求希蘭王協助去黎巴嫩剉香柏樹，好做建造聖殿ê主要材料，而伊kā支付希蘭王所訂定ê工資。
第7節，希蘭王聽tio̍h所羅門án-ne講，表示「非常歡喜」，認為所羅門確實是一個真有智慧ê王。
第8到9節，tùi chit兩節thang看出泰爾王希蘭是真有經驗ê領袖，伊知影怎樣做ē-tàng符合所羅門ê需要，mā知影該怎樣kā所羅門需要ê黎巴嫩建材剉了後，用海路運送到耶路撒冷ê方式。M̄-koh伊mā清楚知影，家己ê國家所需要ê就是「食物」。
第10到12節，這幾節經文真清楚說明希蘭王是一個聰明ê君王，伊知影chit款tāi-chì情一定tio̍h有正式ê協約chiah thang。希蘭王因為án-ne tùi所羅門掌理下ê以色列國得tio̍h大量民生物資，包括有「兩千公噸麥á kah四十萬公升純橄欖油做伊宮廷ê食物」。雙方簽訂了「協約」，tùi án-ne「和平相處」。
第10節chia講「希蘭照所羅門ê要求供給香柏木kah松木」，這是因為希蘭王控制tio̍h黎巴嫩大部分ê土地。Á伊ê人民因為黎巴嫩多山，而且盛產這珍貴ê林木，因為án-ne真gâu伐木、製造木器以及建築ê工程。
第13到18節，chit段經文講出所羅門為tio̍h beh建造聖殿所用ê勞力，差不多就是全國總動員，單單是tùi以色列徵召ê工人就高達十八萬gōa，若koh加上泰爾ê工人，ná實在是非常大ê人力費用。以色列付出龐大ê工資，為tio̍h beh建造súi ê聖殿，全國承擔了重大ê稅賦，mā為以後南北分裂埋落來了遠因。
第17節chia ê「照所羅門王ê命令開鑿貴重ê大石，做聖殿基石」，chit句話mā thang參考馬可福音第十三章1節，門徒teh讚嘆聖殿是「jōa大ê石頭，多雄偉ê建築」，雖然這已經m̄是所羅門當年所建造ê聖殿，卻是主後538年，in tùi巴比倫tńg去故鄉重建起來ê聖殿，m̄-koh基石kah聖殿是完全照第一pái所羅門建造ê樣式重建起來ê。
經文：列王紀上 6:1-6:14 註釋:
Chit章是teh描寫聖殿建造ê過程。Tī瞭解chìn前，先有一個概念是必要ê，就是tī大衛kah所羅門時代，in lóng想beh建造聖殿，主要原因是：聖殿kah一般神明ê殿宇仝款，主要lóng m̄是用來禮拜ê，而是beh hō͘所敬拜ê神有一個「家」thang tòa，這就是希伯來文ê「殿」字，就是「家」ê意思。Ná親像國王有王宮，王所崇拜ê神，koh khah需要有「神宮」，觀念上是án-ne ê。這mā是後來先知以賽亞傳出上帝ê信息，做矯正以色列人民ê觀念ê時所講ê：「天是我ê 座位，地是我ê 腳踏椅。Lín beh kā 我起甚麼款ê 厝？甚麼款ê 所在是beh 做我安息ê 所在？ Chiah-ê lóng 是我ê 手所創造ê，所以，chiah-ê 就lóng 有。總是，我所看顧ê，就是hiah-ê 謙卑、痛悔，kah 因為我ê 話來phi̍h-phi̍h-chhoah ê 人。(全民版)」（以賽亞書六十六：1—2）而先知以賽亞傳ê chit-ê信息，已經是回鄉重建聖殿完成了後，伊koh一pái警告以色列人民m̄-thang陷入迷信，認為重建聖殿完成，就ē-tàng安然無恙，若m̄是遵守上帝ê教導，照祂ê旨意做tāi-chì，chit種聖殿iáu是仝款，有一工會koh再像主前586年仝款被巴比倫帝國hō͘摧毀。
Chit段經文說明整座聖殿ê基本結構，包括有三層樓高，以及整座聖殿ê寸尺大細。
第1節，chit節真重要，講出所羅門建造聖殿ê開工日期，是tī伊登基ê第四年二月，mā是「以色列人離開埃及後ê四百八十年」。若kā chit-ê「四百八十年」ê數字，koh加上所羅門登基ê年代是tī主前966年，共計是1446年，這就kah一般學者考據以色列人出埃及大約是tī埃及第十九王朝蘭塞二世ê時chūn，mā就是主前1290年左右（參考創世記四十七：11），相差真chē。因為án-ne，有kóa聖經學者認為chit-ê年代無一定是正確ê時間，只是講出一個整數ê年代，á是「象徵」性ê數字，mā就是「 12」乘以「40」，chit兩個數字lóng真有特殊意義，因為「12」表示以色列民族十二支派，「40」表示一段「tú好」ê時間，ná親像摩西tī埃及「40」年，tī丈人葉特羅ê厝「40」年，然後受命帶領以色列人民tī曠野漂流「40」年，摩西tī西奈山頂領受上帝ê誡命tio̍h「40天」等等，lóng teh表示以色列人民離開埃及kah「40」有關ê特殊意義。
因為án-ne，chia ê「四百八十年」並m̄是beh說明確實時間，這是一個「整數」，kā建造聖殿kah出埃及ê時間連結起來，主要用意teh說明建造聖殿，beh表明ê是kah上帝拯救有關。Mā用來表明：有上帝ê拯救，in chiah ē-tàng脫離奴隸ê鎖枷，而成做有性命尊嚴kah自由ê人。因為án-ne，重要ê，不是beh去推算距離到chit-má tī toh一年。
第2到10節，chit段經文描述聖殿建築體ê結構，大部分起來講，聖殿是仿照會幕ê樣式建造ê，是長方形，分做三個主要部分，一是至聖所、二是聖所、三是外院。包括有內部長「二十七公尺，寬九公尺，高十三公尺半」，共有三層樓高。第7節特別說明建造聖殿ê過程中，無大鎚子ê聲音，mā無斧頭kah其他鐵器ê響聲，原因是所有ê「石料是tī石礦場裡開鑿ê」。Mā thang án-ne講，建造聖殿ē-tàng聽tio̍h ê，是只有鋸木材ê聲音，kah工人搬運建材ê聲音。
第11到13節，chit段經文koh一pái說明kui個以色列民族邁向自由ê一個基本信念：就是beh以色列人民一定會遵守上帝ê律法誡命。只有án-ne，chiah ē-tàng hō͘上帝kah以色列民族連結做伙。相對ê，若是棄sak上帝，無遵守上帝ê律法誡命，就算有koh再堅固ê聖殿，mā是枉然。因為ná親像先知以賽亞所講ê，上帝並不住tī人ê手所建造ê厝裡。上帝是kah遵守祂ê教導ê人同在。
第14節，「所羅門起殿已經完成。(全民版)」chit句話是一種概略ê講法，表示頭前講述ê聖殿外型結構體，就是照ná方式建造起來ê。
經文：列王紀上 6:15-6:38 註釋:
Chit段經文是teh描述聖殿ê內部。
第15到18節這幾節是講tio̍h「聖殿內牆」部分，tùi地板到天花板，全部lóng是用「香柏木」，地板全部lóng用「松木」。Án-ne，整座聖殿ê內部就看bē-tio̍h石頭。
第19到22節，chia特別提起關係至聖所ê部分，因為是beh安放約櫃ê所在，所有牆壁lóng用「純金」貼起來。
第23到28節，chit段經文是關係約櫃ê蓋子部分，雕刻有兩個「基路伯」，這基路伯就是天使。有兩隻翼股，mā lóng是用金子包裹起來。
第29到30節，chit兩節講聖殿內部kah至聖所ê地板，lóng貼上黃金。
第31到35節，聖殿ê入口所在ê門上、牆壁頂lóng有雕刻tio̍h基路伯，mā有雕刻tio̍h棕樹、花朵，chiah-ê lóng是用金子包裹起來。
第36到38節，tùi建造奠基日ê所羅門在位第四年二月，到chit-má完工是伊在位第十一年八月，án-ne共計用了七年六個月ê時間。所用ê建材súi，品質lóng是上上之選。
經文：列王紀上 7:1-7:12 註釋:
Chit章主要是teh描述所羅門建造聖殿了後，續落來就是建造王宮ê情形。特別tio̍h注意ê是，所羅門花七年六個月ê時間建造聖殿，卻用加出接近一倍ê時間，mā就是十三年chiah完成王宮ê建造，thang想像知影所花ê費用kah人力koh-khah重。這mā暗示了，建造王宮比聖殿iáu重要。
Chit段經文是描述有關所羅門建造王宮ê情形。
第1節，chit段經文起頭就講所羅門「起家己ê 厝，用十三年厝chiah 起好(全民版)」，表示時間是比聖殿差不多加出一倍，因為án-ne，tùi聖殿到王宮完成，共計花費二十年時間。M̄-koh有一種講法，是聖殿kah王宮同時進行，不過chit種可能性應該無koân。
第2到5節，chia有特別提起「黎巴嫩林宮」，意思是teh指王宮裡舉辦典禮用ê大廳，因為全部lóng是用香柏木建造，因為án-ne koh稱做「黎巴嫩林宮」。
第6到7節，chia有所羅門專用ê審判案件ê所在，稱 為「審判廳」，頭前有一個行廊大道thang通這審判廳。
第8節，tī審判廳ê後面，就是王宮，同時伊mā為所娶ê埃及公主（參考三：1）建造特有ê宮室。
第9到12節，chit段經文描述王宮ê基地所採用石頭，lóng是經過精工細鑿而成，kah聖殿所用ê石頭是仝款材質。
經文：列王紀上 7:13-7:51 註釋:
Chit段經文描述為tio̍h建造完城ê王宮之內部裝飾，所羅門iáu特別派人到泰爾去chhōe名匠來幫忙，mā thang看出所羅門對這王宮ê重視。
第13到14節，chia紹介所羅門派人去泰爾chhōe-tio̍h一位有名ê工匠名叫「戶蘭」，伊是一個專門鑄造銅器ê名匠。Tùi歷代志下第二章11到14節知影伊ê母親是以色列人，老父是泰爾人。戶蘭是一個「非常聰明koh有經驗ê名匠」。所羅門特別聘請伊「監督所有ê銅器工程」。
第15到22節，chit段經文是關係戶蘭鑄造兩條銅柱，並且kā它「立tī聖殿ê進口」處，其中一支稱做「雅斤」，意思是上帝建立ê。另外一支稱做「波阿斯」，一是teh指「tī上帝內面就是力量」。
第23到26節，chit段經文是關係製造銅海ê情景。所謂「銅海」，意思是teh指用來裝水ê容器。Tī歷代志下第四章6節有說明，這是提供給祭司洗滌in ê手、腳，甚至是衫褲。Chit-ê容器真大，ē-tàng裝「四萬公升」ê水。有十二隻銅牛環繞tio̍h chit-ê銅器。
第27到39節，chit段經文是戶蘭做十個thang移動ê銅盆座，chia特別強調座腳、鑲板、座身、輪軸等lóng是用kui塊ê銅鑄成ê。這表示銅座是非常堅固，無可能折斷。會鑄造chit種銅座，主要目的是thang移動。Chit-ê thang khǹg tī銅座上ê銅盆，thang容納八百公升ê水。M̄-koh tùi khǹg ê位置來看，卻是固定排，並m̄是為tio̍h beh移動之需。
第40到47節，chit段經文記載戶蘭為聖殿所鑄造ê一切物件，作者kā它列出一份清單，tú好說明戶蘭確實是一位真有學問而且手藝高超ê工匠。因為數量確實siuⁿ chē，所以無kā戶蘭鑄造出來ê chiah-ê銅器hō͘ in秤重。
第48到51節，所羅門koh另外請人為聖殿製造金器，包括有金壇、供餅ê桌á、十個燈臺、碟á、盛火炭ê盆子、至聖所門上ê門鈕，kah聖殿ê外門等，lóng是用金子製造ê。然後，所羅門kā大衛獻hō͘上帝ê金銀kah其他器物lóng khǹg tī聖殿ê庫房裡，chiah-ê物件絕大多數lóng是戰利品（參考撒母耳記下八：7—12）。
經文：列王紀上 8:1-8:13 註釋:
Chit章主要是記載有關迎接約櫃進入聖殿ê至聖所情形，mā就是完成建造聖殿ê主要目的，因為in認為上帝是kah約櫃同在。當kā約櫃安放妥當了後，所羅門帶領所有ê以色列人民khiā tī祭壇前，向上帝祈禱，然後chiah舉行奉獻聖殿大典。
Chit段經文是有關運約櫃進入聖殿ê情景。
第1到2節，所羅門召集「所有以色列ê眾長老kah各支族個宗族ê族長到耶路撒冷」，然後選tī Tòa棚節ê時chūn舉行奉獻聖殿ê大典。
第3到5節，chit項扛約櫃ê重責是交由祭司負責，iáu包括聖幕，kah聖殿用ê一切器皿lóng搬進聖殿裡khǹg妥當。因為這是一項重大ê典禮，所以各支族所奉獻ê牛羊等牲祭，是「加得tio̍h無法度計算」。
第6到8節，約櫃khǹg tī有基路伯ê雕像下底，這兩座基路伯ê翼股tú好ē-tàng遮kui個約櫃。
第9節，chit節講約櫃內面只khǹg tio̍h「兩塊石版，無其他物件」，這兩石版是上帝頒布hō͘摩西轉hō͘以色列人民知影ê誡命（參考出埃及記三十四：28）。這兩石版mā teh表示上帝kah以色列人民立約ê記號。Koh講，kā上帝ê約櫃迎接入耶路撒冷聖殿，mā表示以後ê聖殿成做以色列人民新ê宗教中心。
不過，希伯來書ê作者講約櫃內面除了放tio̍h兩塊寫tio̍h十誡ê石版外，iáu放tio̍h「貯滿嗎哪ê金罐，koh有亞倫ná根發過芽ê柺á」（參考希伯來書九：4）。
第10到11節，chit兩節thang參考出埃及記第十六章10節、第廿四章15到17節等等，lóng是teh表明上帝顯現ê時ê光輝。這表示上帝確實kah跟tòe約櫃，它khǹg tī tó位，上帝就tī hia。
第12到13節，所羅門一看見這景象，隨時唱詩歌頌。第12節是引用詩篇第十八章11節、第九十七篇2節等等詩人ê觀念，表明上帝通常lóng bē直接顯示祂ê光芒，lóng是隱藏tio̍h，hō͘人看bē-tio̍h，m̄-koh祂卻ē-tàng看見人。M̄-koh chit-má，因為所羅門已經kā聖殿蓋好，而且kā約櫃搬進了至聖所ê所在，上帝就tī chit時顯示祂ê光輝，因為án-ne，tī所羅門看起來這表示上帝已經接納所羅門所建造ê聖殿，而且「願意」khiā起tī聖殿裡。伊祈願上帝「永遠khiā起」tī chit聖殿裡。這mā是後來以色列人民一直存在ê觀念：有約櫃tī teh ê所在，等於有上帝同在。M̄-koh siōng重要ê基本前提是：hiah-ê人真正忠實tī上帝所頒布ê律法誡命。因為約櫃內面khǹg兩塊法版，就是beh表明chit-ê意義。
經文：列王紀上 8:14-8:21 註釋:
Chit段經文是所羅門對以色列全體會眾所講ê話，這mā是一種奉獻聖殿ê宣告詞。
第14到16節，雖然chia講是所羅門為以色列人民向上帝祈福，其實，是伊teh代表以色列人民向上帝告白建造聖殿ê目的，這mā等於是teh向以色列人民宣告建造聖殿ê用意。伊說明上帝確實是「信守」應允ê神，koh講，伊藉chit-ê機會mā向以色列人民說明，上帝親自揀選伊ê老父大衛來統治以色列人民。
第17到19節，所羅門表示m̄是家己想beh建造聖殿，卻是in父親大衛原本就想beh建造聖殿，m̄-koh上帝無答應大衛建造，而是beh大衛ê「kiáⁿ」來建造。
第20到21節，所羅門強調上帝信守應允，chiah hō͘ chit間聖殿thang順利建造完成。Á伊mā kā代表立約記號ê約櫃安置tī聖殿ê至聖所裡，tī約櫃內面有kah上帝立約ê石版。
經文：列王紀上 8:22-8:53 註釋:
這是所羅門ê一篇祈禱文，主要是teh祈求上帝祝福以色列人民。Tī chit段祈禱文中，伊主要提出七點：祈求上帝繼續帶領以色列人民（第25到30節）；祈求上帝作in ê審判者，hō͘ pháiⁿ人無法度逍遙法外，好人得tio̍h祂ê垂憐（第31到32節）；懇求上帝赦免懺悔ê以色列人民，hō͘ in tùi敵人手中ē-tàng tńg來（第33到34節）；祈求上帝眷顧以色列人民khiā起ê土地有甘霖（第35到36節）；hō͘以色列人民tī chit塊土地頂面會得thang安居，免除災禍（第37到40節）；mā為外族人祈求上帝ê賜福（第41到43節）；祈求上帝幫助以色列人民tī戰爭中得勝（第44到45節）；為得罪上帝，á是被俘虜ê以色列人民祈禱（第46到51節）等。
第22到24節，這是歌頌上帝確實信守kah以色列人民所立ê約。伊講上帝所應允ê每一件事，lóng有實現。
第25到26節，所羅門祈求上帝，祂bat應允老父大衛，講伊後代kiáⁿ孫若lóng會順從上帝ê命令，in就永遠作以色列ê王，希望chit項應允lóng會實現。
第27到30節，雖然聖殿並m̄是ē-tàng hō͘上帝khiā起得下，m̄-koh祈求上帝ē-tàng垂聽伊kah以色列人民tī-chia聖殿ê祈禱。祈求上帝日夜看顧這間聖殿，hō͘伊成做名符其實ê祈禱殿宇。
第31到32節，祈求上帝成做以色列人民ê審判者，hō͘作惡ê人會受tio̍h應該得tio̍h ê懲罰，hō͘被冤枉ê人會得thang得tio̍h伸冤。
第33到34節，如果以色列人民得罪上帝而被敵人phah敗，被俘虜伊去。若是in悔改認罪，祈求上帝赦免、憐憫，並且chhōa in tńg來chit塊上帝所賞賜ê土地。
第35到36節，若是以色列人民因為得罪上帝，致使發生乾旱ê時，若是in知影悔改認罪，懇求上帝赦免in ê罪，並且教導in行正確ê道路，koh一pái落雨tī in所khiā起ê chit塊土地頂面。
第37到40節，如果有發生大災難，á是飢荒、瘟疫等等，甚至被敵人包圍，chit時，若有人tùi心內發出真實哀求ê聲音，懇求上帝會垂憐，照in各人應得ê賞賜hō͘ in，án-ne，以色列人民就會知影敬畏上帝。
第41到43節，如果有外族人聽tio̍h上帝奇妙ê作為，而願意向上帝祈求ê時，懇求上帝mā會垂聽這外族人ê聲音，án-ne，全世界ê人就lóng認bat真神上帝，知影敬畏上帝，並且知影這聖殿就是敬拜上帝ê所在。
第44到45節，若是因為上帝旨意而出征，懇求上帝會保守in，hō͘ in tī戰場上ē-tàng得勝。
第46到到51節，若是以色列人民得罪上帝，而被phah敗並俘虜到異鄉去，若是in知影悔改認罪，懇求上帝ē-tàng因為in真心悔改而赦免in，垂聽in ê祈禱，hō͘俘虜in ê人生出慈悲ê心好款待in。
以上chiah-ê祈禱，lóng有一個共同中心點：以色列人民無論tī tó位，只要in是向聖殿祈禱，期待上帝會垂聽，並且伸出救助ê手。換句話講，chit座聖殿就是上帝khiā起ê所在，而且上帝kah以色列人民立約ê記號，是一座實實在在用來祈禱ê殿宇。
後來，先知以賽亞tī以色列人民tùi巴比倫被tháu放回鄉了後，伊就一再強調重建起來ê聖殿，應該是「稱做萬民祈禱ê殿」（參考以賽亞書五十六：7）。M̄-koh tī耶穌ê時代，聖殿反tńg因為hiah-ê虛假ê宗教領袖，變成耶穌所譴責ê「賊窩」、「市場」了（參考馬太福音廿一：13，馬可福音十一：17，路加福音十九：46，約翰福音二：16）。
第52到53節，所羅門向上帝祈求永遠看顧以色列人民，因為in是上帝tùi萬民中揀選出來ê子民。
經文：列王紀上 8:54-8:66 註釋:
Chit段經文是所羅門繼續向上帝祈求賞賜恩典hō͘以色列人民，mā同時勸勉所有以色列人民tio̍h對上帝忠實，遵守上帝ê律法誡命。然後，就tī守Tòa棚節ê節期活動，舉行慶祝聖殿ê落成。
第54到55節，所羅門跪tio̍h向上帝祈禱後，轉向所有以色列人民，koh一pái向以色列人民宣告，mā是一種信仰告白ê方式。
第56到57節，伊kā以色列人民講，m̄-koh願上帝永遠kah以色列人民同在，m̄-thang棄sak in，ná親像過去kah in祖先同在仝款。
第58到59節，伊祈願以色列人民真正會遵守上帝頒布hō͘以色列人民祖先ê律法誡命，並懇求上帝會記得伊今á日ê祈禱，每工賜福hō͘以色列人民。
第60到61節，伊祈願m̄-nā是以色列人民知影這世間只有一位上帝，無別ê神，mā期待所有ê以色列人民lóng會對上帝忠實。
第62到64節，這是以色列人民為聖殿舉行「奉獻禮」，所奉獻ê牲祭數量之多，包括「兩萬兩千頭牛kah十二萬隻ê羊作平安祭」，這數目是非常chē。以色列人民用chit種方式來表示in對上帝無限ê感恩。
第65到66節，因為所羅門召集各宗族kah支派ê代表到耶路撒冷集會ê時間，就是tī Tòa棚節（參考第2節），chit節期前後共計八天，因為án-ne，就tī kui個節期結束ê時，大家lóng高歡喜興地tńg去厝裡。
經文：列王紀上 9:1-9:9 註釋:
Chit章thang分做三個部分來看，第一部分是第1到9節，上帝回應所羅門建造聖殿ê用心，第二部分是第10到14節，提起有關所羅門因為大興土木工程興建聖殿kah王宮，m̄-koh卻mā因為án-ne負債真chē，結果因為付bē出工資，只好割hō͘二十座城。第三部分是第15到28節，chit段經文講述所羅門怎樣使用國內ê奴工進行chiah-ê大工程ê工作，並且成立一支海軍。Á頂面所講chiah-ê段落ê經文記事，mā lóng分別記載tī歷代志經冊中。
Chit段經文是上帝回應所羅門完成聖殿建築ê祈禱kah奉獻，mā記載tī歷代志下第七章11到12節。Tī chit段經文中，thang清楚看tio̍h真正重要ê m̄是tī富麗堂皇聖殿ê建築，koh khah m̄是奉獻ê chē少，siōng重要ê是「誠心誠意地事奉上帝，並且遵行祂ê旨意」，án-ne chiah是siōng基本ê。
第1到2節，這是上帝第二pái向所羅門顯現，時間是tī伊建造聖殿kah王宮了後。因為tī聖殿完成ê時，所羅門有舉行奉獻典禮，並且祈求上帝賜福。因為án-ne，chit pái上帝ê顯現，是kah伊tī奉獻ê時ê祈禱有密切關係。
第3到5節，上帝真清楚kā所羅門講，祂已經聽tio̍h所羅門ê祈禱，並且接納聖殿做敬拜ê場所，因為án-ne，會庇護chit間聖殿。M̄-koh有條件：所羅門一定tio̍h像伊ê老父大衛仝款，「誠心誠意地事奉」上帝，並且「遵守」上帝ê律法誡命，上帝就會繼續照顧伊kah伊ê後代。
第6到9節，chit段經文ê內容是相對tī上段經文所提起ê事。上帝先表示祂一定會遵守對所羅門ê老父大衛下ê諾言，就是伊ê後裔會繼續統治以色列。M̄-koh若是所羅門kah伊ê後代不順從上帝，m̄遵守上帝ê律法誡命，去拜別ê神明，m̄-thang講想beh保護聖殿kah王宮，連in所khiā起ê土地，lóng會被外族人hō͘佔領，in會hō͘人驅逐出去，in會hō͘人譏笑、嘲諷。
其實，chit段經文有bē少聖經學者認為是tī亡國了後，in tī巴比倫做奴隸ê時所做ê信仰反省有ê結語。In就是因為棄sak上帝，結果是國家被滅亡，人民hông掠去做奴隸，hō͘人嘲諷譏笑講，in ê上帝無koh疼in，mā不庇護inà。
經文：列王紀上 9:10-9:14 註釋:
Chit段經文講述所羅門tī推動大工程ê工作，以及付出ê國庫代價非常高。仝款ê chit段記事，mā記載tī歷代志下第八章1到2節。
第10節，chia講所羅門「用了二十年ê時間建造聖殿kah王宮」，這二十年中間，有七年是建造聖殿（參考列王記上六：38）。Án-ne，建造王宮等於用了十三年時間，接近建造聖殿ê一倍，thang想像會tio̍h王宮ê富麗、奢華khah贏過聖殿。
第11節，chia講希蘭王供給hō͘所羅門建造聖殿kah宮殿所需要ê黎巴嫩香柏木kah松樹，而根據第五章11到12節ê記載，所羅門beh給付hō͘希蘭王ê，是每年「兩千公噸麥á kah四十萬公升ê純橄欖油，做伊宮廷ê食物」，而且這是一項有簽訂合約ê國際關係。chit-má卻變成所羅門kā「加利利地區ê二十座城hō͘了希蘭」，有chit種解釋，認為並m̄是「hō͘」，卻是做抵押，因為tī歷代志下第八章1到2節án-ne記載講：「到二十年ê 年尾，就是所羅門起上主ê 殿kah 王宮完工ê 時。所羅門koh 起希南所 hō͘ 所羅門 hiah-ê 城，hō͘ 以色列人tòa tī hia 。(全民版)」án-ne讀起來，kah-ná所羅門後來有錢了，iáu清債務，希蘭王kā chit二十座城鎮送還hō͘所羅門。
不過這已經真清楚說明一件事：建造聖殿kah宮殿，確實是耗費了所羅門治理之下國家ê財力。
第12到13節，希蘭王巡視了加利利二十座城了後，對所羅門表示真不滿意，原因是hiah-ê城是貧瘠ê。M̄-koh卻mā thang看出因為這兩項工程，致使所羅門國庫枯竭，無法度付hō͘希蘭王所需要ê食物，因為án-ne，改由kā chit二十座城當做酬勞。引起希蘭王ê不滿。不過，因為所羅門ê國勢甚強，希蘭即使不滿意，mā m̄敢siuⁿ過表露，因為伊iáu是需要所羅門ê貿易合作（第26到28節）。
第14節，chia特別強調為tio̍h beh建造聖殿kah王宮，希蘭王差不多付出約四千公斤ê金子，這mā是真大ê代價。
經文：列王紀上 9:15-9:28 註釋:
Chit段經文描述所羅門利用奴工整建真chē城邑，chiah-ê奴工lóng是tī戰爭中所俘虜ê，這mā是伊tī大臣內閣中設有「奴工監督」（參考四：6）ê原因。因為人數實在是siuⁿ chē，為tio̍h便tī管理之故而設置chit-ê部會首長，監督所有ê「監工」。
Koh講，chit段經文路尾mā提供了一則真重要ê訊息，就是所羅門透過希蘭王ê協助，建構了一航海艦隊，chit對以色列國ê發展有真重大影響。
第15到16節，因為大衛開始，耶路撒冷就成做以色列國ê首都，因為án-ne，加強安全是非常重要ê防禦工作。所羅門徵召勞工建造耶路撒冷城牆，mā同時整建幾個重要ê城邑，包括有「夏瑣、米吉多，kah基色」等城鎮。夏瑣chit-ê城，thang當做北部ê防衛城市，米吉多用來防衛西部，而且基色是thāng防衛南部ê城邑。
第17到19節，所羅門繼續進行防衛工程，chiah-ê防衛m̄-nā用tī軍事武力上，而且用tī民生物資ê儲存工程上，這mā是伊真聰明ê所在。
第20到23節，chit段經文說明所羅門大興土木工程ê另外一個背景，就是利用大批奴工來進行chit項工作，而chiah-ê奴工lóng是戰俘，因為án-ne，thang節省真chē工資。Chiah-ê戰俘包括有「迦南人」、「亞摩利人、赫人、比利洗人、希未人，kah耶布斯人」等，chiah-ê lóng是tī迦南地ê原住民族。為tio̍h管理chiah-ê奴工，伊iáu設置「五百五十名監工」teh管理in。
第24節，chit節有兩種看法，一是埃及王ê cha-bó͘-kiáⁿ，mā是所羅門特別喜愛ê bó͘，所羅門為tio̍h表示對伊特別ê疼，為伊建造新ê王宮，是離開耶路撒冷城ê一座行宮。二是所羅門會án-ne做，mā teh表示耶路撒冷是上帝ê聖城，m̄准有外族人ê宮殿tī其中。M̄-koh這mā表示，當chit位埃及bó͘ beh獻祭hō͘她ê神明ê時，tī耶路撒冷城外ê後宮中，就無人看見，而所羅門就tùi chia開始漸漸棄sak了上帝（參考十一：4）。
第25節，chia提起所羅門「一年三pái tī伊為上主建造ê祭壇頂獻燒化祭和平安祭」，chit三pái應該是teh指Pôaⁿ過節、五旬節、Tòa棚節等等。
第26到28節，chit段經文真重要，說明所羅門為tio̍h擴張國家ê活動疆域，伊請希蘭王替伊訓練一支航海隊伍，chit支隊伍thang航行到阿拉伯半島ê南部「俄斐」ê所在，這支航海隊伍，mā為所羅門帶tńg來了大約「一萬四千公斤金子」，表示得tio̍h koh-khah chē ê利益。
經文：列王紀上 10:1-10:13 註釋:
Chit章thang分做兩個段落來看；第一段是第1到13節，描寫所羅門ê智慧遠近馳名，大家lóng想beh來kah伊學習。Chia紹介一位女王示巴，因慕名而特別遠tùi非洲來kah所羅門認bat、學習。第二段是紹介所羅門ê財富，mā講出tī伊執政下，以色列國勢到à siōng顛峰ê時代。
這是一段非常頂港有名聲下港有出名ê故事，mā同時記載tī歷代志下第九章1到12節。Chit段有關示巴女王訪問所羅門ê事，連耶穌基督tī教示ê譬喻中，mā有提起（參考馬太福音十二：42），就thang知影chit件事tī以色列人中非常廣傳。比較受爭議ê是，真正有「示巴」女王chit-ê人mah？怎樣可能千里迢迢去訪問所羅門，只是為tio̍h beh測試伊ê智慧？tī創世記第十章28節，提起閃族ê後裔中，有「示巴人」。Tī約珥書第三章8節mā提起「遠方ê示巴人」。有kóa聖經學者認為「示巴」，就是設tī阿拉伯西南部ê所在，今á日ê葉門國境內。當時是一個tī商業、文化上lóng真發達ê國家，tùi伊所帶ê禮物kah隨從之多，thang看會出伊ê國家tī經濟發展上是非常bē-bái ê。因為án-ne，有kóa學者認為伊來訪問所羅門，正是kah通商有關。
第1到5節，chia真清楚看tio̍h所羅門因為tī上帝賞賜ê智慧治理之下，國勢日蒸有盛名，真chē慕名而來ê訪問者，「示巴女王」就是其中之一。其實，示巴女王來訪問，並無純粹是想beh瞭解所羅門到底有甚麼特別ê智慧，tùi伊ê隨從所帶來ê大批物件，就ē-tàng看出這是一chōa附帶貿易談判ê事務。當然示巴女王mā tùi所羅門建造ê聖殿、宮殿等，lóng看tio̍h一個全新ê以色列國之國勢強大，而知影以色列國已經kah過去士師時代，不時被外族人侵犯ê時代，已經大無相仝。
第6到9節，chit段經文是示巴女王對所羅門ê o-ló。其實，這mā是一段真典型ê國際禮儀中讚譽外交國領袖ê官方話語。第9節記載示巴女王位所羅門祈福ê話，並無表示伊mā相信上帝，卻是因為古代ê人相信每一位國王lóng是kah其所信ê神ê氣力有關。偉大ê君王往往被譬喻為「神」。示巴女王tī o-ló賞賜恩典hō͘所羅門ê上帝ê時，其實就等於是o-ló所羅門。
第10節，tùi示巴女王送hō͘所羅門ê禮物，mā看會出伊ê國家mā不弱，chit點tùi伊送「四千公斤中ê黃金」hō͘所羅門就thang看出來。
第11到12節，chit段thang連連tī第九章28節後面。希蘭王照約束kā貴重ê「檀香木」運送到以色列來，供應所羅門建造聖殿kah王宮ê路用，同時iáu有真chē「珠寶」。其實，作者kā chit兩節編撰tī chia，mā有一個用意，beh表示就tī示巴女王造訪所羅門ê時chūn，希蘭王ê船隊mā照約束來到以色列，hō͘示巴女王大開眼界，說明所羅門tī外面交上ê能力。因為伊所看tio̍h ê是hit種貴重ê檀香木，hiah-nih-chē珠寶，以及高等ê建材等等，chiah-ê lóng ē-tàng顯示一個國家ê富強。
第13節，chit節講所羅門mā tńg來贈禮物hō͘示巴女王，雖然chia並無列出禮物ê內容，m̄-koh貴重是想像會tio̍h ê。作者用一句「凡是示巴女王要求ê」，所羅門「lóng hō͘她」。
經文：列王紀上 10:14-10:29 註釋:
Chit段經文是描述所羅門ê財富之多，用一句簡單ê話，就是富thang敵國。Chit段記事mā記載tī歷代志下第九章13到28節。
第14到15節，chit兩節講出所羅門每年tùi各種無仝管道進帳ê財富就非常可觀。Chia講tio̍h每年tùi各地收tio̍h ê黃金就高達「兩萬三千公斤」，這數目teh表達並m̄是字面上ê數字，卻是象徵性ê數目，表示非常ê富裕，收入真豐富ê意思（原文是用「六百六十六伊連得」），因為古代「伊連得」表示ê是重量，這重量tī無仝ê地區á是ê時空，有無仝ê等值。Iáu有商人「繳納ê稅金」、「貿易所得ê利潤」，加上附近國家諸侯「進貢ê禮物」，kah以色列各區域「總督ê貢禮」等，chiah-ê lóng tī說明所羅門收入之多，差不多是無法度估計數算。
第16到22節，chit段經文thang看出所羅門因為太富裕，所以mā開始過奢華ê生活，而chit段經文mā為tio̍h伊後來敗壞生活ê留落來一個伏筆。Koh講，值得注意ê是tī第21節講「tī所羅門時代，銀á無算貴重」，這表明tī伊時代，黃金已經成做貴重ê金屬物件，價值已經高過銀á。M̄-koh銀á iáu是當時普遍ê貴重貨幣基礎。Tī新約時代，耶穌基督ê譬喻中，iáu是繼續用銀á ê價錢講譬喻（參考馬太福音二十：2、10，路加福音十五：8）。Á第22節回應了第九章26到28節，希蘭王替所羅門建造ê一支遠航船隊，hō͘以色列ê商業貿易興旺起來，mā thang看出當時ê船隻製造技術已經非常進步。
第23到25節，富裕ê國家、王室，即使tī今á日mā是人人羨慕，想beh攀結ê對象。
第26到27節，所羅門m̄-nā tī經濟、商業貿易上非常用心，tī國防上mā是m̄放鬆。伊知影ài有富裕ê商業經濟動力，mā一定tio̍h有堅強ê國防做基礎。古早時，國kah國之間ê關係，往往是看軍事武力強弱；強國擴展貿易真緊，相對ê，弱國往往tú-tio̍h到剝削。想保護貿易線ê暢通，就一定tio̍h有堅強ê軍事武力作後盾。
第28到29節，tùi chit兩節thang看出所羅門時代，以色列m̄-nā是一個通商大國，mā是一個貨物轉運中心，這mā表示以色列就是kui個中東地帶ê樞紐。
經文：列王紀上 11:1-11:13 註釋:
聖經一再提起，對人siōng大ê誘惑，就是財富。有財富，就一定tio̍h koh khah小心。若是無堅定ê信仰做基礎，真緊to̍h會棄sak上帝，結果就是遺禍到下一代kiáⁿ孫。耶穌bat提醒講，一定tio̍h tī上帝kah財富之間作一個明確選擇（參考馬太福音六：24），這m̄是無原因ê。因為伊看出人性ê軟弱。以色列人民會棄sak上帝，主要原因mā是因為tī迦南過富裕ê物質生活所致。
Chit章真清楚講出過去反對所羅門統治之下ê仇敵，開始利用所羅門荒廢政事ê時，起來反抗伊，造成以色列人民ê不安，而北部ê族群mā因為án-ne開始思考獨立伊去ê運動萌芽起來。
Beh解讀所羅門棄sak上帝ê原因，á是解釋所羅門死後王國分裂ê原因真chē，包括伊是大衛犯姦淫罪所生ê kiáⁿ；m̄是上帝親自差遣先知膏立ê國王等等，chiah-ê lóng thang講是所羅門雖然開創了以色列王國ê帝業，卻mā為伊死後ê分裂帶來暗伏ê遠因。Chit章ê作者提供另外一個觀點：所羅門無遵守上帝ê話，伊娶外邦ê cha-bó͘-gín-á做bó͘，致使對上帝忠實ê信仰喪失，是伊棄sak上帝ê主要因素。伊總共娶一千個cha-bó͘-gín-á做bó͘，大多數lóng是外邦ê cha-bó͘-gín-á，這lóng tī說明一個重要ê訊息：伊ê政治婚姻是為tio̍h圖謀政治利益而結婚，m̄-koh卻無kā上帝ê話khǹg tī心中。真正hō͘一個國家ē-tàng安定ê，m̄是單靠政治ê氣力，而是beh有謙卑ê心靈忠實tī上帝ê話。因為若是無上帝ê話語做基礎，就bē有上帝ê賜福，連帶ê就無安定ê日子thang期待，chit點是聖經ê作者一再khah強調ê。
第1到3節，除了娶埃及國王ê cha-bó͘-kiáⁿ做bó͘，所羅門koh娶赫人、摩押、亞捫、以東，kah西頓ê cha-bó͘-gín-á等做bó͘，這明顯違背摩西律法ê規定（參考申命記七：3—4）。而且伊m̄是只有娶幾個而已，卻是因為富裕到「娶七百個公主，此外iáu有三百個妃嬪」，這等於teh暗示伊開始過窮極奢華ê生活，甚至是荒淫無度à。當然chit種行為mā是違背摩西律法ê規定（參考申命記十七：17）。
第4到6節，結果chiah-ê妃嬪「引誘伊去拜別ê神明；伊無親像in父親大衛hit種一心忠於上主—伊ê上帝」。Á tī伊奉獻聖殿hō͘上帝ê祈禱後，上帝回應伊ê祈禱中，真清楚告誡伊，講如果伊棄sak上帝去拜偶像，上帝mā會棄sak伊kah伊ê人民，hō͘ in被鄰國ê人民譏笑，人民受掠伊去（參考列王記上九：6—9）。M̄-koh所羅門顯然已經bē記得上帝ê話，伊ê chit種行為mā為以色列人民後來敗壞留落來pháiⁿ ê模樣kah害。
第7到8節，chit兩節說明所羅門去拜偶像神明ê證據，就是伊iáu為所有ê妃嬪建造in原本tī故鄉所拜ê神明之祭壇，換句話講，所羅門m̄-nā家己對上帝無夠忠實，甚至iáu因為án-ne kā偶像神明ê祭拜行為引進以色列，hō͘以色列人民mā tòe學樣去做，án-ne chiah是siōng大ê敗筆。
第9到10節，chia真重要ê，是上帝為tio̍h beh阻止所羅門不要犯chit種siōng令上帝痛心ê事，上帝iáu特別向伊顯現「兩pái」，「命hō͘伊bē-tàng拜別ê神明，m̄-koh所羅門無聽從上主，反tńg棄sak了」上帝，這是非常可惜ê事。
第11到13節，chit段經文是上帝對所羅門chit種m̄聽苦勸所講ê話。上帝決定採取懲罰ê行動，beh「奪回」所羅門治理ê以色列國，chia ê「奪回」一詞，是teh指「撕成碎片」ê意思，意思就是分裂。M̄-koh chit件事bē tī伊有生之年出現，會tī伊死後發生。原因是上帝看tī祂忠實奴僕大衛ê緣故。作者tī chia強化第11節所講ê，所羅門是「故意」棄sak kah上帝ê約。聖經講做一個人「故意」棄sak上帝ê時，已經有含「褻瀆」ê意思。Mā就是明明知影he是bē-tàng ê事，卻偏偏去做，就等於是侮辱上帝ê神聖仝款。
經文：列王紀上 11:14-11:25 註釋:
Chit段經文記載兩個所羅門ê仇敵ê記事，一是以東王哈達，二是敘利亞王利遜。Chiah-ê lóng tī說明上帝ê懲罰並無會隨時出現，m̄-koh卻會tī不知不覺ê中間，tī背逆者ê身上發生。
Chit段經文有關以東王哈達ê記事，mā thang參考撒母耳記下第八章13到14節，有記載大衛戰勝了以東，並且hō͘以東臣服tī伊ê統治下。chit-má則講以東王哈達成做所羅門頭殼痛ê人物，因為伊想beh「復仇」，後來一直到猶大王約蘭ê時代，mā就是大約主前849到842年間，以東得tio̍h獨立ê機會（參考列王記下八：20）。諷刺ê是，伊kah所羅門mā有姻親關係（參考三：1），chit-má卻成做死對頭。包括後來逃到埃及去避難ê耶羅波安，以及對所羅門有敵意ê領袖lóng tī埃及ê庇護之下，這mā就說明一件重要ê事實：單靠政治手段──即使是婚姻ê方式，beh走chhōe永久ê和平、繁榮是無可能ê，除非有上帝ê賜福kah保護。Chit-ê認bat即使tī今á日ê世界mā是仝款。
第14到18節，chit段經文補充了撒母耳記下第八章13到14節ê記事，說明大衛統治了以東了後，派軍進駐以東。Chia soah講是hō͘派去駐軍tī以東ê是約押，伊tī以東駐軍六個月，m̄-koh用真殘酷ê手段殘殺以東ê cha-po͘人。哈達是王室ê後裔，伊會得thang逃脫到埃及去避難，並且得tio̍h埃及王hō͘ in ê政治庇護，供給伊生活上所有ê需要。
第19到20節，chit兩節講埃及王m̄-nā hō͘ in以東ê哈達王儲庇護，koh kā家己ê小姨嫁hō͘哈達，án-ne，哈達kah所羅門仝款lóng是埃及王ê kiáⁿ婿，身分lóng仝款。M̄-koh兩人卻是有非常大ê冤仇。
第21到22節，大衛往生，約押mā往生，這兩消息對哈達來講是非常重要ê。因為至少tī伊看起來，所羅門kah伊lóng是埃及王ê kiáⁿ婿，必定m̄敢隨便對伊出兵。Koh講，伊tī埃及chit段時間，mā培養了真chē實力。因為án-ne，伊向埃及請求tńg去以東，準備ài對抗以色列。
第23到25節，chit三節記載另外一位反抗所羅門ê仇敵，就是敘利亞ê以利亞大ê kiáⁿ利遜。伊ê事件背景thang參考撒母耳記下第八章3-8節，就thang知影敘利亞臣服tī大衛ê時代背景。
Tī所羅門iáu活teh ê時代，並無lóng真太平，至少哈達帶領以東、利遜帶領大馬士革對以色列進行攪擾，hō͘所羅門真oh安寧，原因是伊背逆了上帝ê命令。
經文：列王紀上 11:26-11:43 註釋:
Chit段經文是描寫北pêng十個支派ê領袖耶羅波安，伊是屬tī以法蓮支派ê領袖，tī先知亞希雅傳達上帝ê信息下，伊帶領北pêng十支派想beh脫離所羅門ê統治，耶羅波安ê事件，thang講是「叛變」ê行動。因為án-ne，引起所羅門決定beh殺害耶羅波安，伊只好逃走去埃及避難，一直到所羅門去逝chiah tńg去以色列。
第26到28節，chit三節紹介尼八ê kiáⁿ耶羅波安，伊是用法蓮族ê洗利達人。有真好ê能力而得tio̍h所羅門ê賞識，派伊「監督所有tī瑪拿西kah以法蓮支族地區ê勞工」，真可能伊ê工作hō͘伊發見所羅門ê勞工政策kah第九章22節所記載ê有cheng差。
第29到32節，chia講示羅人亞希雅先知帶來上帝hō͘耶羅波安ê信息，伊用肢體語言做象徵，向耶羅波安表示上帝beh tùi所羅門手中kā伊ê國分裂做做兩部分，而beh hō͘耶羅波安ê是「十個支族」，hō͘所羅門ê soah只有「保留一個支族」，chia講一個支族，是因為西緬已經被猶大併入à。Á便雅憫支族已經非常軟弱（參考士師記第二十到廿一章），mā是掃羅王ê後裔族人。因為án-ne，所羅門後代統治ê範圍，mā kan-taⁿ tī象徵性ê「正統傳承」而已，其他十族ê版圖lóng脫離了南部猶大ê管轄獨立去à。無論án怎，北部ê十支派應該是比南部ê猶大為領導中心ê大部分à。
第33到36節，chit段經文繼續講tio̍h上帝會án-ne處置所羅門，是因為伊違背上帝無遵守上帝，ê律法誡命。M̄-koh上帝iáu是留落來一個最後機會hō͘伊，chit-ê機會kah耶路撒冷有密切關係。因為tī chit城有聖殿，聖殿裡有上帝kah以色列人民立約ê約櫃，teh代表上帝ê榮耀。上帝希望留落來大衛ê後裔繼續管理聖殿，敬拜祂。希望猶大ê子民會因為án-ne而清楚明白上帝chiah是in性命ê主宰。其實，第36節mā是teh提醒耶羅波安，若是無敬拜上帝，就算上帝賞賜hō͘伊十個支派，mā會失去上帝ê帶領而失去所有ê一切。
第37到39節，先知亞希雅提醒耶羅波安，上帝揀選伊，就是beh伊帶領北部十支派ê人民會記得敬拜上帝，忠實tī上帝，ná親像大衛仝款，只有án-ne，chiah ē-tàng hō͘伊kah伊ê後裔永遠統治chiah-ê支派。先知亞希雅特別提醒耶羅波安tio̍h聽從上帝ê命令，做上帝歡喜ê事。Á上帝懲罰所羅門並m̄是永遠ê，意思是teh指若是耶羅波安不聽從上帝ê話，而所羅門ê後裔悔改，上帝iáu是會改變chit項懲罰ê。
Tùi第32節開始ê chit段經文一再強調，上帝之所以iáu保留一部分hō͘所羅門ê後代，是因為上帝對大衛ê疼。因為án-ne，thang看出kui個重點就是用大衛為主體。大衛ê一生，chiah是以色列人民所beh學習ê，m̄是所羅門。
第40節，可能因為耶羅波安開始有beh對抗所羅門ê動作，引起所羅門ê不滿，決定beh刣耶羅波安。
第41到43節，chia講所羅門統治以色列共計四十年，kah大衛仝款，羅波安繼承伊當以色列ê王。
經文：列王紀上 12:1-12:24 註釋:
Tùi chit章開始直到列王記下第十七章，chit段經文lóng是記載以色列分裂做南北二國ê經過，以及chit兩個兄弟國家各自發展ê情形。
第十二章主要teh說明北部十支派會脫離分裂伊去ê原因，以及羅波安原本準備大軍beh去攻打脫離ê北部十支派，m̄-koh因為上帝派先知示瑪雅去kā猶大kah便雅憫講，m̄-thang去攻打北部十支族，in聽從了先知傳達上帝ê話而撤兵，續落來就是耶羅波安當第一位北國以色列ê王。
Tī第十一章提供三個對所羅門政權有威脅ê人ê記事ê時，就已經teh暗示晚期ê所羅門時代，是一個不安定、紛亂ê時代。像利遜就是專門以phah游擊ê方式teh製造社會紛亂，作者用「伊加增以色列ê禍患」來形容所羅門為tio̍h chit-ê tāi-chì而煩惱不安。
Chit段經文主要teh說明北部十支派會脫離ê主要原因，是因為所羅門過奢華ê生活，雖然收入真chē，mā是入不敷出，因為án-ne一定tio̍h óa靠重稅來增加收入，致使北部ê民眾生活koh khah困苦。因為án-ne請求羅波安減輕稅賦，m̄-koh被拒絕後，決定脫離分裂伊去。
第1到4節，羅波安算是有意走chhōe北部十支派ê支持，á是好感。因為án-ne，伊繼任為王後，就去北部ê宗教中心示劍kah十支派ê代表聚集會面。Á chit時，耶羅波安因為聽tio̍h羅波安做王(所羅門王往生)，mā tùi流亡ê埃及地趕tńg來。就án-ne北部支派ê人mā派人去請伊代表出席，同齊去見羅波安，並向伊提出一個重要ê議題：若是減輕稅賦，in就順服羅波安ê領導。
第5到8節，羅波安回應北部代表，hō͘伊「三工」時間考慮。伊先去請問幾個元老，lóng bat是所羅門王ê顧問，in建議羅波安用服務人民ê精神，好款待人民，必定會得tio̍h人民ê支持。
第9到11節，羅波安顯然聽不進chiah-ê元老ê建言，伊koh去詢問tio̍h kah伊同齊長大ê少年人ê意見，chiah-ê人lóng是伊聘請進入王宮當顧問ê官員，結果in hō͘羅波安ê建議，m̄-nā不減輕稅賦，反tńg iáu koh khah加重稅賦。其實，羅波安teh回答ê時，已經吐露了in父親所羅門ê時，hō͘ in以色列人民ê稅賦就真重了，chia用「鞭子」來形容所羅門ê稅賦政策，ná親像the̍h鞭子phah人民仝款ê沉重kah疼痛。
第12到15節，結果羅波安不採取元老ê意見，而採取少年顧問ê意見，講beh加重稅賦，「m̄-chhap人民ê要求」。
第16到17節，北國十支派ê以色列人民就án-ne決定脫離伊去，羅波安就只有統治猶大kah便雅憫。
第18到19節，羅波安為tio̍h beh挽回北部支派ê分離，特別派「勞工總管亞多蘭到以色列人hia去」，有意想beh kah in洽商。Chit位亞多蘭應該就是第四章6節所講ê「亞多尼蘭」，伊bat管理三萬名勞工參與建造耶路撒冷聖殿ê工程。原本認為伊去，可能有安撫作用。M̄-koh無想tio̍h亞多蘭去了後，就被北部憤怒ê以色列人民hō͘用石頭phah死，羅波安因為án-ne慌亂了，伊趕緊逃tńg來耶路撒冷，就án-ne，北部正式脫離了耶路撒冷做中心ê大衛王朝之統治。
第20節，北部十支派ê代表共同聚集，in邀請耶羅波安出席大會，並且立伊做北部十支族成立ê以色列國為王。Á南部ê只chhun猶大kah便雅憫，m̄-koh因為便雅憫非常弱小。因為án-ne，就用猶大國來稱呼南部兩支派ê國家。
第21到24節，羅波安想用武力懲罰北部十支派，因為án-ne號召了猶大kah便雅憫支族派出siōng精銳ê兵丁共計十八萬人，beh去攻打北國以色列。M̄-koh上帝差遣祂ê奴僕先知示瑪雅去阻止in，hō͘ in知影這有上帝ê旨意在其中，ài in tńg去。In聽從了先知示瑪雅ê苦勸，免除了一場兄弟殘殺ê悲劇。
經文：列王紀上 12:25-12:33 註釋:
Chit段經文是為後來北部以色列國無法度長存久安下了個伏筆，因為in lóng棄sak了上帝ê命令，去敬拜偶像神明，而帶頭ê mā是國王耶羅波安，ná親像所羅門帶領人民棄sak上帝仝款。這mā說明in進入迦南地後，深受當地宗教信仰以及風俗ê影響，主要原因是kah外族人結婚有密切關係。這mā就是為甚麼摩西律法一再強調bē-tàng kah外族人通婚ê背景。
第25到27節，分裂後成立國家，領導者第一件想tio̍h事ê，就是積極投入國防ê工程，耶羅波安先tī「示劍城築堡壘設防」，然後koh tī「比努伊勒築堡壘」。M̄-koh伊iáu是發見人民lóng真習慣tńg去耶路撒冷聖殿向上帝獻祭，伊甚驚有人因為常tńg去耶路撒冷，而被羅波安買收成做殺手。
第28到31節，tùi頂面所講經文thang看tio̍h雖然南北已經分裂，m̄-koh teh分裂之初，人民tī宗教信仰上iáu是照樣tńg來到南部ê耶路撒冷去敬拜上帝。因為一再tńg來到耶路撒冷去敬拜，無形中lóng會有「權威中心tī耶路撒冷」ê心態，chit對新ê王國──北國「以色列」來講，確實是無安全ê。因為án-ne，重建家己ê宗教中心tī某一kóa層面起來講是必要ê。M̄-koh這mā產生另外一個問題──宗教信仰ê分裂。耶羅波安鑄造兩頭金牛，並且chhōa人民敬拜，這ná親像以前in ê祖先tī曠野拜金牛仝款（參考出埃及記第三十二章、士師記八：27），這就明顯而且非常嚴重地違背上帝ê誡命。
耶羅波安特別鑄造兩隻金牛，一隻khǹg tī伯特利，另外一隻khǹg tī「但」，並且iáu teh「一kóa山頭殼頂建造祭拜ê神殿」。伊kā北部ê以色列人民講chiah-ê金牛就是帶領in出埃及ê神明，這明明是ná親像亞倫tī曠野時代為以色列人民鑄造金牛仝款，受tio̍h上帝嚴懲。In顯然bē記得chit件事，而利未人當年就是kah摩西khiā tī仝一個戰線，chit pái利未人真可能無支持耶羅波安chit種鑄造偶像行為，而被耶羅波安廢除當祭司，另外tùi「利未支族以外ê家族中選立祭司」，chit點mā是違背摩西律法kah誡命。
第32到33節，耶羅波安iáu選定一個重要節期，就是「八月十五日為宗教節期，像tī猶大ê節期仝款」，這就是Tòa棚節。原本以色列人民ê Tòa棚節是tī「七月十五日」，改變慢一個月舉行，tú好符合北部氣候比南部收割完成會慢ê需要。希望用chit種方式，漸漸脫離以南國做中心ê思想。耶羅波安m̄-nā家己帶頭tī chit Tòa棚節去獻祭，而且koh kā利未人當祭司ê資格kā它廢除。
經文：列王紀上 13:1-13:10 註釋:
這是一章非常奇特ê故事。值得注意ê是tī第32節提起撒馬利亞城鎮，其實，tī耶羅波安時代，撒馬利亞城iáu未建立，因為án-ne，這ē-sái講是先編排tī chia，做預言北國以色列會因領導人民ê君王棄sak上帝，而遇tio̍h滅亡，留落來一個伏筆，主要teh警告北國以色列ê領導者kah人民，一定會遵從上帝ê話，若無，國家就會滅亡。
這是一位奉差遣ê先知，去對耶羅波安警告，伊所設立ê祭壇，以及祭司lóng會遇tio̍h上帝ê懲罰。Koh講，tī第十二章33節記載耶羅波安特別延後訂定Tòa棚節ê節期，並且親自去伯特利舉行獻祭禮儀，chit章就續接耶羅波安teh獻祭ê時chūn，發生神ê人去對伊講預言chit件事。
第1節，chit節講chit位奉差遣ê先知，是tùi「猶大到伯特利」，kah-ná有意思beh表明：tī政治上ê分裂，並m̄是允准宗教信仰上ê分別。Chia並無記落來chit位神ê人ê名，m̄-koh伊真清楚講tio̍h會發生ê事。這mā說明政治上ê事，是上帝teh主導，tī宗教信仰ê事頂面，上帝絕對bē容許kah祂立約ê子民棄sak所立ê約。
第2到3節，chit位無記落來名ê先知提起「大衛ê家族會生一個gín-á，名叫約西亞」。Chit位無被記名落來ê先知，就tī耶羅波安beh獻祭ê時chūn，講出上帝beh伊講ê預言，表示：tī chit祭壇獻祭ê祭司會被殺害，而且in ê身軀會tī祭壇上火燒。然後koh對耶羅波安講該祭壇會倒塌，壇上ê灰會掖落來。Chit件事發生tī主前621年，距離耶羅波安ê時代，相差約有三百年（主前930年左右），可見chit份資料是真晚期ê作品。
第4到6節，結果耶羅波安聽了後，大怒，指神ê人命令侍衛kā伊掠，結果耶羅波安ê手股頭馬上半遂ā，無法度動。M̄-nā án-ne，tú親像chit位神ê人所傳達ê信息實現，祭壇忽然倒塌，壇上ê灰掖了落來。Chit時耶羅波安受tio̍h嚇(heⁿh)驚，請求chit位神ê人為伊向上帝祈求，醫伊ê手股頭，神ê人án-ne做，醫了伊ê手股頭。
第7到10節，耶羅波安想邀請chit位神ê人tńg去厝裡食飯，m̄-koh被chit位神ê人所拒絕。因為上帝有警告伊「甚麼lóng m̄-thang食、m̄-thang lim」，mā無法度tùi原來ê路tńg去。伊聽從上帝ê話，拒絕耶羅波安ê邀請，mā無照原來ê路tńg去厝裡。
Kui個故事ê內容真親像先知阿摩司ê經歷仝款；先知阿摩司mā是tùi猶大到伯特利去傳上帝ê信息，結果被伯特利ê大祭司亞瑪謝阻止，而且認為伊是為tio̍h beh餬口而傳上帝ê話語，並且狀告到國王耶羅波安二世hia，m̄-koh被先知阿摩司責備。Chit位無記名ê先知mā是拒絕耶羅波安ê邀宴。
經文：列王紀上 13:11-13:34 註釋:
Chit段經文講述chit位神ê人ê另外一面。Tī頭前，伊面對國王耶羅波安ê邀請，勇敢地拒絕，而且當面指責mā m̄驚。M̄-koh tī chia，有假先知冒用上帝ê話邀請伊，伊卻信認為真，無真實地遵守上帝ê話而接受邀請lim食，結果是死tī非命。Chit段故事真明顯teh說明一件事：上帝ê命令，絕對服從。無論是甚麼人，á是假藉上帝ê名（第18節），lóng無法度bē記得上帝親身ê啟示。特別是對tī上帝ê奴僕，tī一個棄sak上帝誡命ê世代中，koh khah應該tio̍h隨時注意有人會利用宗教信仰ê名義，胡亂發出信息，chit點koh khah須明白謹記在心。上帝ê奴僕一定tio̍h忠實tī上帝，這是非常重要ê一點，無法度妥協。
第11到15節，chit位神ê人tī伯特利對耶羅波安所講ê話kah醫ê事，傳開à。Hō͘一位老先知ê kiáⁿ知影，tńg去kā老先知講。老先知知影神ê人tńg去ê路徑，馬上騎驢á趕去chhōe chit位神ê人，並且請伊跟tòe老先知tńg去厝裡用餐。
第16到18節，原本神ê人拒絕，m̄-koh chit位老先知講家己mā是先知，得tio̍h上帝ê天使啟示，ài神ê人跟tòe伊tńg去厝裡同齊lim食。作者真清楚說明chit位「老先知是teh講白賊」。伊m̄-nā無聽神ê人ê話，反tńg是用講白賊teh試探chit位神ê人。Mā thang án-ne講，即使是先知，若是無上帝傳達hō͘伊信息，伊mā無法度假冒上帝ê名講話，chit點tī先知耶利米時代就是一個真清楚ê例。有bē少人就是冒用上帝ê名傳話，結果害猶大滅亡。
第19到22節，上帝ê聲音傳到chit位神ê人，kā伊譴責竟然違背上帝ê話語。因為án-ne，伊會「被刣」，而且屍體無法度葬tī厝族ê墳墓內。當chit位神ê人聽tio̍h上帝chit種信息了後，伊無趕緊悔改認罪，祈求上帝ê憐憫赦免，ná親像耶羅波安請求伊代禱，懇求上帝憐憫後，半遂ê手隨時恢復。M̄-koh chit位神ê人並無án-ne做。這mā說明神ê人mā會有bē記得上帝ê命令ê時chūn。
第23到25節，chit隻獅mā是奉差遣來咬死chit位無遵守上帝命令ê神ê人，獅並m̄是因為iau餓而攻擊神ê人，卻是執行上帝ê命令，懲罰神ê人。因為án-ne，當獅咬死神ê人ê後，並無食神ê人，m̄-nā án-ne，獅iáu khiā tī屍體邊á，有護守tio̍h ê意思，hō͘神ê人ê屍體容易被看出來。
第26到28節，chit位試探神ê人老先知得tio̍h chit-ê消息，清楚知影神ê人並無完全遵守上帝ê命令chiah會有chit種結果。就án-ne伊就趕緊出門去看，果然發見驢á無被咬傷，神ê人ê屍體完好。
第29到32節，老先知就kā神ê人ê屍體帶tńg來埋葬tī家己ê墳墓內，並且交帶伊ê全家，以後mā kā伊埋葬kah chit位神ê人做伙。老先知mā告知伊ê全家，chit位神ê人所傳達ê信息一定會發生tī北國以色列。
第33到34節，耶羅波安並無因為親身體驗到上帝ê懲罰，kah聽tio̍h神ê人所警告ê話而悔改歸向上帝，伊iáu-koh繼續我行我素，家己設立祭司tī祭壇向偶像神明獻祭。這mā說明北國以色列後來滅亡ê主要原因，就是拒絕順從上帝。
經文：列王紀上 14:1-14:20 註釋:
Chit段經文是記載北國以色列王耶羅波安ê kiáⁿ往生ê tāi-chì。Mā提起耶羅波安一再帶領以色列人民去拜偶像神明，卻等到家己ê kiáⁿ害病嚴重ê時，chiah會想beh tùi先知ê嘴中探知kiáⁿ害病可能帶來ê結果。這thang看出伊心中極大ê矛盾。Koh講，chit段經文mā提起上帝知影人心ê險惡，透過先知傳達祂ê旨意，即使先知亞希雅已經chheⁿ-mê，上帝ê話卻清楚hō͘伊知影耶羅波安想beh隱藏ê事，mā無法度躲過上帝對人心內ê鑒察，透過先知亞希雅明確指出伊ê錯誤，害死去伊ê kiáⁿ，hō͘伊失去tùi上帝得tio̍h王位kah傳承hō͘後代kiáⁿ孫ê恩典。
第1到3節，chit段經文一開始就講耶羅波安ê kiáⁿ亞比雅害病嚴重，耶羅波安想beh知影kiáⁿ會有án怎ê結果，這必定kah伊準備王位傳承有密切關係。因為án-ne，ài伊ê bó͘打扮成一般ê婦女，去北國以色列ê敬拜中心示羅chhōe先知亞希雅；伊是示羅人，mā是預言耶羅波安會得tio̍h北國以色列十支派擁護為王ê一位先知。
第4到5節，先知亞希雅雖然已經年老，而且目睭已經盲了，看bē-tio̍h，m̄-koh上帝卻叫耶羅波安ê bó͘化裝成做一般平民來探望伊關係gín-á害病ê事。
第6節，即使是化裝成做一般平民，上帝卻清楚知影人tī暗中所做ê事。因為án-ne，啟示年老而且chheⁿ-mê先知亞希雅知影來敲門ê人就是耶羅波安ê bó͘，並且一屑á 都無假思考地，開門見山就講出伊ê kiáⁿ會死ê pháiⁿ消息hō͘伊。
第7到11節，chit段經文是先知亞希雅傳達上帝beh伊講ê話。Tī這話語中講tio̍h幾點重要ê信息：
1.耶羅波安ē-tàng當上北國十支派ê王，是因為上帝ê揀選。
2.hō͘ 上帝揀選ê人lóng應該遵行上帝ê旨意，行上帝beh伊做ê事。
3.耶羅波安竟然鑄造偶像帶領人民去拜chit種偶像神明，惹怒了上帝。
4.上帝決定beh除滅耶羅波安厝內所有cha-po͘人，因為cha-po͘人就是繼承王位者。這清楚指出伊ê家族bē有人繼承王位。
5.伊ê厝內人即使往生mā bē有人替in埋葬得tio̍h安息ê機會。
這真清楚說明就是耶羅波安chit-ê代統治而已，結束loh上帝kā結束對伊特別ê恩典。M̄-koh伊bē珍惜，認為lóng是家己ê能力chiah有ê結果，這是真可惜ê事。
第12到16節，這是先知亞希雅繼續對耶羅波安ê bó͘所講ê話，因為伊打扮成一般婦女，只為tio̍h不beh hō͘人認出伊就是王后ê身分，m̄-kohchheⁿ-mê先知亞希雅tī上帝啟示下，當伊敲門ê時就已經認出來à。chit-má伊kā耶羅波安ê bó͘有幾講點重要ê事：
1.伊tńg到厝以前，gín-á就會死去，m̄-koh卻是所有gín-á中間siōng好字運ê。因為iáu有人埋葬伊（chit句tú好回應第11節）。
2.耶羅波安ê王朝就án-ne結束，無gín-á thang繼承。
3.上帝beh懲罰悖逆ê以色列人民，hō͘ in成做伊族ê俘虜。原因是in棄sak上帝，而且崇拜家己ê手所鑄造ê偶像。
這懲罰已經清楚說明是因為國家領袖帶領人民犯罪ê緣故。
第17到18節，當耶羅波安ê bó͘一tńg到厝裡，所看見ê lóng kah老先知亞希雅所對伊講ê完全仝款。
第19到20節，這是一種記載王朝結束ê公式化記載方式。在列王記á是歷代志ê寫法，lóng是用chit-ê模式記載。Chia講耶羅波安往生後，伊ê kiáⁿ拿達繼任為王，m̄-koh 拿達kan-taⁿ統治兩年時間，就被以薩迦族人亞希雅ê kiáⁿ巴沙叛變殺害（參考列王記上十五：27），耶羅波安ê王朝就án-ne結束。
經文：列王紀上 14:21-14:31 註釋:
Chit段經文是記載南國猶大羅波安ê事蹟。Chit段經文記事mā同時記載tī歷代志下第十一章5到12節、15節等等。
第21節，chit節補充了第十二章有關羅波安繼承所羅門王位了後，所欠缺ê資料。Mā是tùi chia開始，記載南國猶大ê事蹟，lóng是用「猶大」chit-ê名稱，而chit-ê名稱所代表ê，只是猶大支族kah便雅憫支族而已，版圖範圍小，人口mā少了真chē。Chia真清楚講羅波安擔任猶大王統治耶路撒冷，hit年伊是四十一歲，統治時間有「十七年」。值得注意ê是，伊ê母親是亞捫人叫「拿瑪」，這表示所羅門娶外族人做bó͘。Á這簡單ê一句講羅波安ê「母親是亞捫人」，mā講出所羅門透過婚姻關係所建立ê王國霸業，並m̄是成功ê例，如果無上帝ê賜福，無上帝ê話語做基礎，即使用koh khah巧妙ê外交、政治手段，lóng無法度久長存在，所有ê努力mā會是枉然ê。
第22到24節，短短三節ê經文，就thang看出南國猶大ê問題並無比北國以色列輕。In mā是仝款敬拜偶像，而且iáu tī各地敬拜地點設有男娼，這是非常嚴重ê事，已經說明以色列人tī迦南地差不多完全被當地同化了，特別是tī宗教信仰上koh-khah是án-ne。已經分bē清楚耶和華宗教信仰kah偶像神明之間ê差別。
第25到28節，這是真重要ê一段經文，講tio̍h埃及王示撒帶兵攻打耶路撒冷，並且是進入聖殿奪取所羅門時代所鑄造ê金盾牌（參考列王記上十：16—17），而且mā進入所羅門建造起來ná奢華ê王宮搜刮所有ê寶物。有關埃及王示撒帶兵攻打耶路撒冷城以及奪取聖殿、王宮中ê財寶ê tāi-chì，thang參考歷代志下第十二章1到12節。作者講因為羅波安知影悔改認罪，上帝特別赦免伊，無kā受氣傾倒tī耶路撒冷城。換句話講，如果m̄是因為國王認罪，恐驚所講ê「聖城」、「聖殿」lóng會毀滅tī敵人ê手。當埃及kā chiah-ê金盾牌奪行了後，羅波安改用「銅盾牌」，每pái伊去耶路撒冷聖殿獻祭ê時，守衛王宮ê衛兵就the̍h-tio̍h chiah-ê銅盾牌護衛tio̍h，這已經teh暗示南國猶大ê國勢已經衰弱真chēà。無koh像所羅門王時代hit種à。
第29到31節，統治猶大十七年了後，羅波安mā往生à。然後由伊ê kiáⁿ亞比雅繼承伊做王統治耶路撒冷。Chia第30節真重要，講「羅波安kah耶羅波安之間不斷發生戰爭」，chit句話已經真清楚講出分裂後ê南北二國，彼此之間不時有戰爭ê事發生，而這mā是造成國力衰退ê主要因素之一。
經文：列王紀上 15:1-15:8 註釋:
列王記作者tùi第十四章開始，撰寫王國歷史ê特色，就是紹介南、北兩國ê君王治國之情景交替編撰做伙，而且lóng有一定ê格式，親像：「以色列王XXX在位第X年，XXX登基做猶大王。」這是紹介猶大王用ê句話。仝款ê，紹介北國以色列王ê時，就會án-ne寫tio̍h：「猶大王XXX在位ê第X年，XXX登基作以色列王。」
列王記上第十五章分別記載猶大亞比雅（第1到8節）kah雅撒（第9到24節）chit兩個王，然後紹介以色列拿答（第25到32節）kah巴沙（第33到34節）chit兩個王。
Chit段經文是記載猶大王羅波安死後，伊ê kiáⁿ亞比雅繼承伊ê王位。作者只有短短ê八節篇幅記載亞比雅當猶大王ê事蹟。仝款ê記事mā記載tī歷代志下第十三章1節到第十四章1節。Tùi歷代志下第十三章ê資料就會知影，亞比雅執政期間bat kah北國以色列ê耶羅波安王有過一場大戰。北國出兵八十萬，南國出兵四十萬，tú好是北國ê一半。M̄-koh，南國猶大走chhōe上帝ê幫助，tī祭司pûn號筒聲中，上帝出力協助南國猶大，hō͘兵員只有一半ê南國猶大大勝北國以色列ê八十萬大軍，並且iáu消滅了北國以色列五十萬精兵。Koh khah重要ê是，chit pái戰役，猶大王亞比雅佔領了北國ê城市：伯特利、耶沙拿、以弗倫，kah附近庄頭。
第1到2節，chit兩節記載亞比雅登基作猶大ê王，m̄-koh伊統治ê時間真短，只有短短「三年」而已。比起伊ê老父羅波安統治耶路撒冷長到十七年，確實是短了真chē。其實，認真講起來，伊在位尚且不滿三年，只有兩年gōa而已。
Ē-sái講是第2節chia有點á問題，因為chia講亞比雅ê母親叫「瑪迦，是押沙龍ê cha-bó͘-kiáⁿ」。M̄-koh根據撒母耳記下第十四章27節ê記載，押沙龍有三個kiáⁿ，一個cha-bó͘-kiáⁿ，而這cha-bó͘-kiáⁿ ê名叫「她瑪，非常súi」。Án-ne，瑪迦kah她瑪應該是仝一個人。M̄-koh若koh再對照歷代志下第十三章2節ê記載，瑪迦是「基比亞城烏列ê cha-bó͘-kiáⁿ」。Án-ne看起來，比較正確ê看法是：烏列娶押沙龍ê cha-bó͘-kiáⁿ她瑪，然後生瑪迦。所以，瑪迦應該講是押沙龍ê孫女。
第3節，列王記作者ài用「無親像伊a祖大衛hit種一心一意忠於上主—伊ê上帝」chit種句型，來形容歷代君王是m̄是順從上帝ê旨意。Á大衛是成做列王記作者衡量一個君王ê標準。無達tio̍h chit-ê標準，就是棄sak上帝，去拜偶像神明。
第4到5節，chit兩節特別提起大衛，表示大衛因為對上帝忠實，因為án-ne上帝應允大衛ê kiáⁿ孫ē-tàng繼續統治耶路撒冷，雖然大衛ê kiáⁿ孫一再悖逆上帝ê旨意，m̄-koh上帝iáu是賞賜hō͘亞比雅有一個kiáⁿthang繼承伊ê王位，這mā講出上帝永遠信守應允。Chia特別指出大衛有做錯一件非常錯誤ê事，就是有關「赫人烏利亞」ê事件（參考撒母耳記下第十一章）。作者認為chit件事以外，大衛並無棄sak上帝ê旨意。
第6到8節，第6節只提起tī亞比雅活teh ê時chūn，伊ê老父「羅波安kah耶羅波安」之間常有戰事（參考十四：30），tī歷代志下第十三章則有提起羅波安用少tī耶羅波安一倍ê軍力，phah敗北國以色列，並且kā伊龐大軍隊之精兵「消滅了」chē kah「五十萬」。Á chit種戰事，並無因為時間ê消失去，以及北國以色列bat有過慘敗而收斂，亞比雅iáu是tio̍h不時kah耶羅波安統治ê北國以色列發生戰爭，這可能mā是致使伊chiah統治三年就往生ê原因。伊ê kiáⁿ亞撒繼承伊作猶大ê王。
經文：列王紀上 15:9-15:24 註釋:
續接亞比雅繼任為猶大王ê亞撒，ē-sái講是分裂後猶大王國中siōng被o-ló ê一位國王，mā因為án-ne，伊執政ê時間長到四十一年之久（主前910到869年）。這mā表示伊治理之下南國猶大，雖然iáu是親像伊ê阿公羅波安仝款，不時kah北國以色列ê王巴沙之間常相戰，m̄-koh因為伊像祖先大衛hit種做上帝看做對ê事，上帝賞賜hō͘伊有非常穩定ê政情，chit種穩定ê政情，就是透過外交手路，促成hō͘敘利亞kah以色列交惡，解除以色列侵犯in ê危機。Chit段經文thang參考歷代志下第十五章16節到第十六章6節，mā tùi歷代志作者ê資料中，看tio̍h亞撒án怎進行宗教改革，hō͘猶大人民全部lóng對上帝忠實。亞撒ê成功，siōng主要就是進行宗教改革，hō͘ hiah-ê混淆純潔信仰ê偶像神明，kah污穢上帝祭壇ê異端信仰無立足之地。
第9到15節，tùi chit段經文thang看tio̍h當時拜巴力偶像ê宗教信仰行為中，已經出現「男娼」，而chit種行業一定會影響tio̍h以色列人民對上帝忠實ê聖潔態度。為tio̍h beh進行宗教改革，伊大力剷除了祖母瑪迦時代所引進ê巴力偶像神明崇拜ê行為，拆毀神像、祭壇等。列王記作者認為亞撒ê老父亞比雅失敗ê原因，就是因為伊ê祖母瑪迦引chhōa in父親棄sak上帝。因為án-ne，tī伊執政ê時chūn，就kā祖母ê「太后」地位hō͘廢掉。
第11節thang用來對照第3節，作者非常清楚說明一個國王是m̄是得tio̍h上帝ê喜愛kah祝福，就看hit-ê國王是m̄是有像in ê祖先大衛hit種地敬奉上帝，獨獨以耶和華上帝做中心。
第16到19節，chit段經文說明以色列王巴沙已經入侵猶大，而且切斷了猶大ê對外交通，chit對猶大來講是真嚴重ê威脅。因為án-ne，亞撒用財物去建立kah敘利亞王便‧哈達ê外交關係，雖然chia講亞撒用chit種方式，確實得tio̍h了敘利亞王便‧哈達ê善意回應，其實mā是teh說明亞撒雖然進行宗教改革，卻同時mā有心理上ê矛盾──對上帝ê信心無夠。
第20到21節，便‧哈達知影猶大亞撒王ê意思，kah猶大結盟了後，隨時派出伊ê bē落去攻打以色列ê城鎮，逼kah原本tī拉瑪築壘設防ê巴沙不得不趕緊將軍隊退tńg來到得撒去。
第22到24節，亞撒王chit pái ê外交是成功ê，而且伊mā趁猶大撤tńg來軍隊而留落來無完成ê拉瑪防線，kā所有建材全部運tńg來猶大，tī米斯巴kah迦巴做築壘設防ê建材。
晚年ê亞撒kah-ná有離開上帝jú來jú遠ê現象，根據歷代志作者tī第十六章ê記載，講伊晚年連先知哈拿尼kā上帝ê信息傳達hō͘伊聽，伊聽了後m̄是謙卑悔改認罪，卻是「非常氣憤」，然後就kā先知關起來，而且開始「虐待一kóa人民」，家己已經病重跛腳mā boài向上帝祈求幫助，kan-taⁿ求問醫生，結果兩年後就死去à。
經文：列王紀上 15:25-15:34 註釋:
短短幾節經文，講述北國以色列ê君王是由耶羅波安kiáⁿ拿答繼位，m̄-koh伊kah老父耶羅波安仝款，帶領人民做上帝看做邪惡ê事。列王記作者ài用chit種句話表示，這君王就是帶領人民棄sak上帝，去拜偶像神明，致使國婦人人民生活陷入困境之主因。
第25到26節，tùi大衛了後，無論北國以色列á是南國猶大，君王ê出現無koh是上帝揀選膏立，卻是改為世襲，若無，就是有勢力ê領袖篡位奪取，這mā teh暗示 in無上帝ê賜福。Ná親像南國大衛傳達hō͘家己ê kiáⁿ所羅門，所羅門傳hō͘羅波安，羅波安傳hō͘亞比雅，續落來是亞比雅ê kiáⁿ亞撒繼位。chit-má北國以色列mā是仝款，耶羅波安往生後，hō͘ kiáⁿ拿答繼位作以色列ê王，m̄-koh伊並無學tio̍h大衛敬畏上帝，卻是帶領人民棄sak上帝，「做上帝看做邪惡ê事，hō͘以色列人民陷tī罪中」，chit句話表示無上帝ê看顧、帶領ê意思。
第27到30節，耶羅波安是用法蓮支族ê人，chit-má是用薩迦支族ê人巴沙起來「陰謀背叛拿答」，利用出兵phah非利士人ê時，kā耶羅波安ê kiáⁿ拿答殺害，家己做王。因為án-ne，拿答統治北國以色列只有短短兩年。M̄-nā án-ne，chit種會篡奪王位ê人，絕對bē有憐憫之心，為tio̍h beh斬草除根，伊mā kā耶羅波安家族ê人lóng殺害，chit件事tú好應驗chìn前先知亞希雅所講ê預言（參考十四：10—11）。這mā說明上帝ê奴僕先知所傳達之信息，一定會注意聽，因為上帝ê話一定會實現。
第31到32節，短短兩節，清楚提起猶大亞撒王在位期間，不時kah北國以色列巴沙王ê軍隊相戰。這mā說明南北兩國兄弟不時不斷來相戰，消耗了以色列民族tī大衛王時代所培養起來ê國勢、力量。
第33到34節，巴沙並無tùi chìn前ê君王統治期間怎樣得罪上帝有警惕，仝款地，伊帶領北國以色列人民去「做上主看做邪惡ê事」，意思是teh指伊帶領以色列人民繼續去拜偶像神明，無koh聽從上帝ê話語。
經文：列王紀上 16:1-16:7 註釋:
Chit章真清楚講tio̍h上帝是會報應ê神，會殺害無辜ê人ê君王，上帝mā會出手用仝款ê方式對待chit種君王kah伊ê家族。Chit章主要談及北國以色列政局ê bē穩定，因為有強人續接篡奪王位ê事件發生，tùi心利到暗利，而且繼任為王ê一代比一代koh khah惡質。
Chit段經文記載上帝差遣先知耶戶去對巴沙講話，預言伊ê家族會遇tio̍h kah伊所殺害ê耶羅波安家族ê時遇仝款。這mā說明上帝是會報應ê，人怎樣對別人，上帝mā會用仝款ê方式對待伊。
第1到4節，chit段經文講上帝差派祂ê奴僕先知耶戶去傳達信息hō͘巴沙，信息ê內容kah第十四章10到11節，上帝透過先知亞希雅傳達hō͘耶羅波安ê仝款。巴沙原本是一個軍人，利用以色列王拿答帶領軍隊kah非利士人戰爭ê時chūn，殺害拿答，並kā耶羅波安ê家族全部lóng殺害。chit-má上帝ê先知耶戶傳hō͘巴沙ê信息mā是án-ne，講伊ê家族mā會hō͘全部殺害，發生tī耶羅波安家族ê慘況，mā會仝款發生tī巴沙ê家族身上。
第5到7節，因為歷代志作者是用猶大王國為主軸，因為án-ne，北國以色列王國ê記事都無出現，就真oh對照知影巴沙對北國以色列ê貢獻，á是伊「英勇ê行為」有toh一kóa。照第十五章33節ê記載，巴沙tī以色列執政長到廿四年ê時間，Tī chit段無算短ê時間內，伊所有ê行踏是koh khah「激怒」了上帝。
巴沙往生後，伊ê kiáⁿ以拉繼任為北國以色列ê王。
經文：列王紀上 16:8-16:14 註釋:
Chit段經文紹介以拉作以色列ê王chiah兩年，就hō͘家己王室ê一個指揮官心利篡奪王位à。列王記作者hō͘了一個經文模式，就是會講述發生chit種君王替換ê年代，是北國發生ê事件，tī南國君王執政ê年代；而發生tī南國猶大ê事件，是tī北國君王執政ê年代，án-ne查考歷史ê時，會koh khah清楚。
第8到10節，「猶大王亞撒在位ê第二十七年」，這大約是tī主前885年左右。以拉繼承老父巴沙ê王位，m̄-koh kan-taⁿ有兩年之久，就發生朝廷王室指揮官心利「圖謀背叛」，伊是利用以拉tī大臣亞雜厝裡宴席中lim醉酒ê機會，kā以拉刣死，然後奪取王位。
第11到14節，心利一上任王位，第一件是就是剷除巴沙全家族ê人，甚至範圍擴大到連伊ê親戚、朋友lóng無法度倖免，一律處死。這tú好應驗ā第1到4節，上帝差遣先知耶戶對巴沙所講ê預言。列王記作者認為一個棄sak上帝ê君王，就會做出殺害無辜ê性命。M̄-koh上帝一定會報應chit種可惡ê行為。
經文：列王紀上 16:15-16:20 註釋:
Chit段經文記載心利篡奪王位chiah kan-taⁿ有七工，並無得tio̍h軍隊ê支持，軍隊就支持暗利為王。
第15節，chit節thang對照第十五章27節，事件發生tī以色列軍隊對抗非利士人ê基比頓城ê時。發生ê時間就是tī「猶大王亞撒在位ê第廿七年」，mā就是主前大約tī 885年ê時chūn。心利chiah做王「七工」而已。表示伊做王，情勢並bē穩定。伊可能ná七工，lóng是teh對以拉ê家族進行殺戮行踏，卻無想tio̍h軍心不服。
第16到17節，目前線ê軍隊聽tio̍h心利刣王篡奪王位，in不服，改為擁護前線將軍暗利為王。暗利kā伊ê軍隊轉向，離開原本圍攻ê非利士人成是基比頓，tńg來朝去攻擊北國首府得撒。
第18到20節，心利一聽tio̍h chit-ê消息，知影家己無法度躲過被報復殺害，就tī王宮中放火「火燒宮殿，kā家己燒死」。Án-ne，mā thang講心利想beh篡奪王位ê事無成功，因為以色列ê軍隊並無擁護伊做王，in是擁護暗利。
經文：列王紀上 16:21-16:34 註釋:
Tùi第21節開始，一直到第廿二章40節止，lóng是記載有關北國以色列一個新ê王朝—暗利王朝時代ê事蹟。
第21到22節，雖然tī前線ê軍隊擁護暗利為王，m̄-koh並m̄是所有ê人lóng擁護伊，有另外一半ê人是擁護基納ê kiáⁿ提比尼為王，這mā thang看出爭奪王權ê燒熱烈，mā講出北國以色列政局ê動盪bē穩。不過，後來因為提比尼往生，暗利就真緊成做北國以色列ê王。列王記作者並無說明提比尼往生ê原因。
第23到24節，chit兩節非常重要，說明北國以色列原本首府是tī得撒，tī暗利執政時代，伊tī主前大約880年ê時，用「六千塊銀á tùi一個名撒馬ê人hia買來撒馬利亞山」，伊tī chit座山建造一座城，就kā它稱做「撒馬利亞城」，chia就成做後來北國以色列ê首府。後來，tī主前721年，亞述帝國消滅北國以色列後，kā人民俘虜去做奴隸，並移入外族人到撒馬利亞，強迫通婚，生落來ê後代，就被以「撒馬利亞人」之輕視語氣稱呼。
第25到28節，列王記作者用「做上主看做邪惡ê事」chit句話來形容敗壞ê君王，mā是帶領人民棄sak上帝ê君王。暗利統治北國以色列共計十二年，死後，伊ê kiáⁿ亞哈繼任為王。
第29節，tùi chit節開始，到列王記上卷第廿二章止，lóng是記載有關以色列王亞哈ê事蹟。Chit節講亞哈當北國以色列ê王共計長到「二十二年」。
第30到33節，chia詳細講述有關亞哈王犯罪ê事，用一句簡單ê話來形容亞哈王，就是伊「做上主看做邪惡ê事，比伊chìn前任何一個王koh khah甚」，chit句話就ē-tàng清楚伊到底做kóa甚麼事loh。伊m̄-nā娶外邦cha-bó͘-gín-á做bó͘，而且建造偶像神明，親自chhōa人民去拜chiah-ê偶像神明，包括巴力、亞舍拉等。
第34節，chit節講亞哈在位期間，命令伯特利人希伊勒重建重修耶利哥城，主要是在tī防禦工事。M̄-koh約書亞當年攻打耶利哥城後，就bat下過詛咒，不准有任何以色列人重建hit-ê城，約書亞ê詛咒講：「見若起來起造chit-ê 耶利哥城ê，tio̍h tī 上主ê 面前受咒詛。伊hē 地基ê 時，會死大kiáⁿ；hē 門ê 時，會死soah 尾kiáⁿ。」(全民版)」（約書亞記六：26）taⁿ這詛咒ê話語應驗tī希伊勒ê身上，伊ê大kiáⁿ亞比蘭，kah小kiáⁿ西割接踵來死，chit種咒語本身beh表明ê，就是無後代thang傳承家族命脈，因為án-ne，用「大kiáⁿ」kah「細kiáⁿ」來表示。Á這mā清楚表示亞哈已經bē記得約書亞警告ê話語，同時表明伊ê心中根本to̍h無上帝。
經文：列王紀上 17:1-17:7 註釋:
亞哈王mā thang講是以色列分裂做南北二國了後，北pêng以色列國諸王中被詳細記載ê一位國王。Tī chit段tùi第十六章29節開始直到第廿二章記載有關亞哈王ê經文中，主要ê事蹟lóng是關係上帝ê奴僕先知以利亞kah亞哈王ê御用先知，進行真假先知之「鬥」ê事件；亞哈王怎樣圖謀侵佔拿伯ê葡萄園，以及亞哈王拒絕聽從上帝先知以利亞ê信息而戰死戰場ê事件等。Tī中間穿插tio̍h北國teh beh面臨嚴重乾旱，先知以利亞受tio̍h迫害，以及伊求死ê事件。
第十七章就是記載先知以利亞對亞哈王提出警告，會有嚴重ê乾旱臨到，上帝怎樣用人所注意bē-tio̍h ê方式，包括有烏鴉送食物，kah一位tòa tī撒勒法ê寡婦幫助先知以利亞度過飢荒ê危機，以及先知以利亞救活了這撒勒法寡婦ê獨生kiáⁿ。
先知以利亞是舊約聖經中佔有真大份量ê一位先知，mā是舊約聖經中記載兩位無「死亡」，hō͘ 上帝直接接tńg來天頂ê人物之一，另外一位是kah上帝有密切交往ê以諾（參考創世記五：24）。舊約聖經先知瑪拉基書甚至預言先知以利亞是tī上帝進行終末審判來到chìn前，會先tńg來ê先知。Mā因為án-ne，傳統上，猶太人tī正式ê聚會場合，lóng會留落來一個空位，為tio̍h是beh讓hō͘先知以利亞來到ê時chūn有一個座位thang坐。以利亞，chit-ê名ê意思是「耶和華是我ê神」。Mā thang tùi先知以利亞ê言行看出伊chit-ê名ê特色。
第1節，先知以利亞是「基列ê提斯比人」，這是設tī約旦河東北部ê所在。其實，原本希伯來文是講伊「寄居」tī「提斯比」。伊teh kí上帝ê名用chiù-chōa ê語氣對亞哈講，除非伊祈求，若無，tī「以後ê幾年內」，天bē落雨，mā bē降落甘露。這真真明顯表示北國以色列會有極大ê乾旱來臨。
第2到4節，這幾節是上帝hō͘先知以利亞ê信息，上帝ài伊離開亞哈ê所在，到約旦河東邊ê「基立溪附近藏起來」，原因是上帝知影亞哈王會對先知以利亞採取報復行動。上帝hō͘先知以利亞知影，祂會差派「烏鴉送食物」來飼伊，而且會hō͘該溪水tī極大乾旱ê時iáu thang得tio̍h水。這ē-sái講是極大ê神跡，烏鴉會聽從上帝ê命令送食物來hō͘先知以利亞，這tī人看起來是無可能ê事，m̄-koh tī上帝ê手中每件事lóng可能實現。
第5到7節，siōng重要ê，就是聽從上帝ê話。先知以利亞聽從上帝ê話。烏鴉mā仝款，聽從上帝ê命令，「每工早起kah beh暗á lóng送餅kah肉」來hō͘先知以利亞。因為無落雨ê時間siuⁿ久了，這表示先知以利亞ê誓言成（chiâⁿ）實實現了，而且長到三年半ê時間（參考路加福音四：25，雅各書五：17）。基立溪ê水乾涸，無水thang lim。
經文：列王紀上 17:8-17:16 註釋:
前一段講上帝用烏鴉送食物hō͘先知以利亞，chit段則講上帝ài先知以利亞去撒勒法一位寡婦ê厝裡，chit-ê寡婦thang供養伊。
第8到9節，上帝ài先知以利亞到西頓附近ê撒勒法去，祂「已經吩咐tòa tī hia ê一個寡婦供養」伊。撒勒法，這是設tī西頓南方大約十三公里ê所在，mā是用來bih起來亞哈追緝ê一個khiā家。Á beh收留伊ê，卻是一個寡婦。
第10到12節，先知以利亞聽從上帝ê話去撒勒法，tú好到à hit-ê城ê城門口，就遇tio̍h了chit-ê寡婦當teh拾木柴。Chit-ê地方顯然iáu有kóa存水，因為án-ne，伊請chit-ê寡婦hō͘伊一kóa水，並hō͘伊一kóa餅，顯然地，chit時飢荒已經嚴重到連先知以利亞lóng餓到一定tio̍h向寡婦ài餅來食。M̄-koh chit-ê寡婦卻講，伊厝裡只chhun「一把麵粉kah一點橄欖油」，伊對先知以利亞講，這是伊用來準備kah伊ê gín-á「最後ê一頓飯了，以後只有等tio̍h餓死」。Chit句話koh khah顯現出飢荒ê嚴重性，必定有真chē人因iau餓來死。
第13到14節，先知以利亞傳出上帝ê應允hō͘ chit位寡婦，ài伊「免擔心」，儘管先去做餅hō͘伊食，並且hō͘ chit位寡婦知影，伊厝裡ê「麵粉用不完，瓶裡ê油mā用不盡」，這真清楚表示上帝會因為為先知以利亞ê緣故，賜福hō͘ in chit-ê寡婦永遠bē缺乏，特別是tī chit極大乾旱ê時刻。
第15到16節，chit兩節講出kui本聖經ê一個重要信息：只要上帝講出ê應允，一定會實現。果然，chit位寡婦厝裡ê麵粉kah油，從來m̄-bat欠缺過，hō͘先知以利亞、chit-ê寡婦，kah伊ê kiáⁿ lóng ē-tàng有「夠額ê食物食」。
Tùi烏鴉送食物到chit位撒勒法ê寡婦厝裡ê麵粉kah油從來m̄-bat欠缺ê神跡，這lóng tī說明一個重要ê信息：上帝忠實ê奴僕，即使tī he siōng困境ê時代內面，mā m̄免擔心，上帝自然會眷顧、帶領。Ná親像以色列人民tī曠野一般，人看做無法度生存ê環境中，上帝用嗎哪養飼，並tùi石磐中出泉水飼in四十年ê時間，hō͘ in ē-tàng安然地進入迦南地。
經文：列王紀上 17:17-17:24 註釋:
Chit段經文mā是聖經中記載第一件hō͘死人koh活ê神跡。作者mā用chit種方式teh表明：先知以利亞確實是一個偉大ê先知，tī伊身上充滿tio̍h上帝聖神同在ê氣力。
第17到18節，chia講「過了一段時間」，並無說明是jōa久。寡婦ê kiáⁿ破病，結果chit位寡婦認為是先知以利亞帶hō͘伊ê懲罰，上帝因為先知以利亞ê緣故「記起」伊ê罪。伊已經bē記得先知以利亞到伊家ê hit工，伊正準備ài kah kiáⁿ同齊食「最後ê一頓飯」，食過了後就「只有等tio̍h餓死」。Taⁿ因為先知以利亞，chiah hō͘ in母kiáⁿ lóng ē-tàng安然地活落去。chit-má卻因為gín-á破病日漸嚴重，反tńg怪起先知以利亞到伊家，chiah hō͘上帝記起伊ê罪而懲罰伊ê kiáⁿ。其實，chit位寡婦ê反應，tú好說明以色列人民ê態度。當以色列人民tī埃及做奴隸快死去ê時chūn，in呼求上帝拯救脫離災難。結果當上帝帶領in離開埃及進入曠野了後，in每pái缺乏食物kah水ê時chūn，就怪上帝kā in帶到曠野，beh hō͘ in死tī曠野。
第19到22節，chit段經文說明tī先知以利亞身上有極大ê能力。先知以利亞並無對chit位寡婦ê控訴表示任何意見，伊ài chit-ê寡婦kā gín-á交hō͘伊，然後kā之抱到樓頂去。伊努力祈禱上帝，賞賜性命hō͘ chit位寡婦ê gín-á ē-tàng koh活起來，連續三pái伏tī chit gín-á身上，每pái lóng向上帝祈求hō͘ chit-ê gín-á iáu魂tńg來。非常重要ê是tī第22節，上帝垂聽先知以利亞ê祈禱，gín-á活了過來。Ná親像頭前提起伊對亞哈所講ê，若是伊無向上帝祈禱，天bē落雨，而上帝mā確實聽伊所講ê誓言。這lóng teh表明：上帝一定會垂聽祂忠實奴僕祈求ê聲音。
第23到24節，當先知以利亞kā活起來ê gín-á交iáu hō͘ chit-ê寡婦了後，chit位寡婦確信先知以利亞就是「神ê人」，意思是teh指tùi上帝來所差派ê人。
經文：列王紀上 18:1-18:19 註釋:
Chit章ē-sái講是舊約聖經中siōng精彩ê一章記事，說明上帝ê先知，á是人以家己ê能力所雇用ê先知，這二者之間siōng大ê差別。其實，chit件有關先知以利亞kah亞哈御用ê先知、祭司之間ê事件，lóng tī說明一件事：人想beh脫離上帝，家己認為kah上帝仝款有能力。結果是有chit種想法ê人ê罪，kan-taⁿ會koh khah嚴重，hō͘上帝koh khah憤怒，對眾人一點幫助mā無，kan-taⁿ會連帶受拖累而已。
Chit段經文描述先知以利亞遇tio̍h亞哈ê事務官俄巴底ê經過。俄巴底是一個敬畏上帝ê人，因為án-ne，bat救助了一百個先知免遇tio̍h亞哈ê bó͘耶洗碧殺害。當俄巴底受亞哈差派去chhōe水源ê時，tú-tio̍h先知以利亞，伊ài俄巴底tńg去kā國王亞哈講tú-tio̍h伊，而且hō͘伊知影地方。俄巴底會驚惶ê原因，是伊知影上帝teh庇護先知以利亞，萬一伊tńg去通報國王亞哈，結果亞哈來chhōe而無tú-tio̍h，必定會刣死伊。M̄-koh先知以利亞hō͘ in保證絕對bē án-ne。這mā說明俄巴底確實知影先知以利亞身上有上帝ê靈同在。
第1到2節，chit節開始講上帝決定beh落雨了，因為已經飢荒到à「第三年」，迦南地區必定死亡慘重。
第3到4節，亞哈ê囂張，必定kah伊ê bó͘耶洗碧有密切關係，因為伊敢殺害上帝ê先知，表示根本就m̄驚上帝。Chit種人往往會扮演上帝ê角色。Á俄巴底卻tī siōng危險ê時刻，敢tī暗中救助一百個先知免遭耶洗碧殺害，tú好表示伊確實是一個忠實tī上帝ê以色列子民。
第5到6節，tùi chit兩節thang看出乾旱帶來ê飢荒之嚴重性，已經到à一定tio̍h刣家畜動物chiah ē-tàng充飢。亞哈kah俄巴底分別到全國各地去chhōe青草，只為tio̍h beh hō͘家畜動物活落去。Chia特別提起「馬kah騾子」，chit兩種動物tī當時m̄-nā是主要交通工具，馬koh-khah是軍隊主要ê戰力之一部分。表示情況已經嚴重到連國防安全lóng受到à影響。
第7到8節，就tī路上，俄巴底tú-tio̍h先知以利亞，因為án-ne，先知以利亞ài俄巴底tńg去kā亞哈講伊遇tio̍h了先知以利亞，並告亞哈地點，意思是beh hō͘國王亞哈來chhōe伊。
第9到14節，chit段經文ē-tàng看出亞哈bat tī各地chhōe先知以利亞。原因是伊bat當面kah亞哈講除非伊祈禱，若無，上帝bē落雨。亞哈mā驚惶有他國ê人藏匿先知以利亞，hō͘伊無koh祈禱落雨，án-ne落去，會hō͘北國以色列不戰而亡。M̄-koh俄巴底真清楚，並m̄是別國á是某一個人隱藏先知以利亞，chiah hō͘亞哈chhōe bē-tio̍h，卻是上帝親自出手。因為án-ne，如果伊tńg去報告國王亞哈，講伊tú-tio̍h先知以利亞，並講出地點。萬一，上帝改變主意，kā先知以利亞帶到其他地方，國王亞哈來à而chhōe bē-tio̍h，必定會hō͘國王掠做是伊欺騙，會kā伊殺害。因為án-ne，伊向先知以利亞表示，伊m̄敢回報。伊特別向先知以利亞提出家己bat保護先知，m̄-koh無希望保護先知ê結果，卻被先知以利亞害死。
第15到17節，先知以利亞回應俄巴底，hō͘伊知影chit pái一定會見tio̍h國王亞哈。意思表示伊thang放心，chit pái bē藏匿起來。果然，chit pái亞哈看tio̍h先知以利亞，而且當面就責罵伊是「hō͘以色列受拖累ê人」。伊bē記得是因為伊聽從bó͘耶洗碧ê話，iáu帶領人民棄sak上帝，去拜巴力偶像，chiah會惹上帝憤怒。
第18到19節，先知以利亞真清楚指出，真正帶來災禍ê，就是國王亞哈家己。伊甚至ài亞哈kā伊供養ê「四百五十個巴力ê先知kah四百個亞舍拉女神ê先知同齊」帶到迦密山頂去，先知以利亞beh tī hia kah in見面。
經文：列王紀上 18:20-18:40 註釋:
Chit段經文描述先知以利亞án怎利用獻祭ê方式，hō͘ chiah-ê國王亞哈所供養ê巴力先知kah亞舍拉ê先知，lóng顯露出chiah-ê神明，是假ê神，m̄是真神。
第20節，亞哈果然照先知以利亞ê約定，就kā伊供養ê巴力kah亞舍拉chit兩個神明之先知lóng聚集tī迦密山頂。伊會同意án-ne做，就是beh hō͘先知以利亞知影，伊所供養ê巴力kah亞舍拉神明是真正。伊無認為耶和華上帝chiah是惟一ê真神。為tio̍h án-ne，伊mā召集以色列人民相接tio̍h迦密山頂去觀賞chit件先知世紀大對決ê戲碼。
第21節，chit節ná親像摩西kah約書亞當年對以色列人民所講ê話仝款（參考申命記三十：15、19，約書亞記廿四：14—15），lóng tī說明一件基本ê信仰態度：明確ê選擇。無phú色ê信仰地帶。M̄-koh作者tī chia講以色列人民聽先知以利亞講ê話了後，「一句話mā不講」，這表示in確實是kah亞哈王去拜巴力kah亞舍拉好一段時間了，chiah會對先知以利亞ê話無反應。
第22到24節，先知以利亞真明確地表明，chit-má上帝ê先知只chhun伊ê一個人，巴力kah亞舍拉ê先知加起來就有八百五十個。伊ài kā牛當做獻祭ê方式，看到底耶和華上帝chiah是真正，á是巴力神明是真實ê。M̄-koh chit pái ê獻祭bē-tàng點火，beh hō͘獻祭ê牛pái tī祭壇上，hō͘真正神家己來點火，表示án-ne chiah是真實ê。
火，這teh表示除去雜質ê一種方法。耶穌tī天國譬喻中，時常用「火」來表示末日審判ê方式（參考馬太福音十三：30、42、50，馬可福音九：49，路加福音十六：24）。
第25到26節，先知以利亞先hō͘巴力ê先知kā in ê牛khǹg tī祭壇上，然後開始大聲呼叫巴力，一直求到中晝，ē-sái講是都無任何反應出現。
第27到29節，直到中晝，chiah-ê巴力ê先知既跳koh叫，甚至用刀、短劍phut傷家己流出鮮血，m̄-koh都無得tio̍h巴力任何回應，祭壇iáu-koh lóng無動靜。先知以利亞以諷刺ê話對in講，可能in ê巴力kah亞舍拉神明無聽tio̍h，á是當teh無閒tio̍h，無閒暇。伊用chit種方式刺激chiah-ê假神明ê祭司、先知koh khah賣力tī祭祀禮儀上。M̄-koh直到下晡獻晚祭ê時iáu是仝款無效果。
第30到35節，chit-má tio̍h換先知以利亞獻祭。伊ài民眾khiā到伊ê身邊，然後kā已經荒廢毀壞ê祭壇修築好了後，用十二塊石頭，表示以色列十二支族。然後tī祭壇邊放水，而且吩咐民眾kākhǹg tī祭壇上ê祭物kah木柴lóng灑上水，hō͘祭壇頂ê水流滿祭壇四周ê水溝。這表示tī hiah-ni̍h tâm濕ê祭壇，就算要點燃火種mā非常困難。
第36到37節，先知以利亞行到祭壇前祈禱上帝，請求上帝一定會答應，kā祭壇點to̍h起火，燒掉獻tī祭壇上ê牛，用chit種方式來hō͘已經棄sak上帝遠遠ê以色列人民認出「上主是上帝，hō͘ in 回心轉意」，歸向上帝。
第38到39節，上帝果然垂聽先知以利亞ê祈禱，祂tùi天頂降落大火，m̄-nā燒了獻tī祭壇上ê牛，mā kā祭壇lóng燒了，包括祭壇邊溝渠內面ê水lóng燒乾了，就tī chit時chūn，以色列民眾chiah恍然大悟，講：「上主是上帝；獨獨上主是上帝！」
第40節，先知以利亞就án-ne隨時下令，kā所有巴力kah亞舍拉ê假先知lóng刣死，一個mā不許in逃脫。這mā是為hiah-ê被耶洗碧殺害ê先知報仇。
經文：列王紀上 18:41-18:46 註釋:
Chit段經文說明先知以利亞向上帝祈禱，果然上帝tùi天頂下起大雨，滋潤大地。解除以色列ê嚴重飢荒。
第41到43節，tùi chit段經文ē-tàng看出亞哈王因為chit pái ê「鬥」輸，只有ē-tàng聽從先知以利亞ê吩咐。想當然，伊一定嚇呆à。先知以利亞甚至kā伊講，上帝就teh要落雨à。然後伊命令奴僕向海ê hit-pêng望去，結果這奴僕來回七pái，都無看見甚麼。第43節chia講奴僕來回「七」次，這「七」表明ê是「神聖」、「完全」ê意思。Mā就是講，chit-má beh落雨mā是上帝ê旨意，m̄是因為某人ê需要。
第44到46節，án-ne直到第七pái，這奴僕才回報講有看見一朵小雲彩ná親像拳頭hit種大細而已。續落來，先知以利亞ài奴僕去通知亞哈，ài伊趕緊落山，因為teh beh下大雨。果然事就án-ne成à。這表明先知以利亞chiah是真實ê先知。真實ê先知，伊所信奉ê神必定是真正。上帝ê靈kah先知以利亞同在，hō͘伊有能力走得比亞哈坐馬車iáu koh khah緊。
Hō͘天乾旱，hō͘天落雨等，chiah-ê lóng tī說明只有真正造物主chiah有chit種能力。仝款ê，只有真正造物主，chiah有能力tùi天頂降火落來kā祭壇頂ê牲祭hō͘燒掉。Á先知以利亞就是chit位真正上帝之奴僕，伊深知上帝ê旨意，mā遵從上帝ê旨意做tāi-chì。因為án-ne，伊ê祈禱，上帝必定會垂聽。
經文：列王紀上 19:1-19:18 註釋:
Chit章講出上帝奴僕ê孤獨、無奈。因為以色列人民ê心已經剛硬，聽bē落去上帝奴僕先知以利亞所傳出上帝ê信息。伊bat表示寧可死去，因為非常痛苦。Mā同時向上帝控訴以色列人民ê悖逆行為。M̄-koh上帝iáu是照顧先知以利亞，並且為伊準備一位門徒以利沙。
這是一段難解ê經文，因為先知以利亞既然ē-tàng勇敢地「鬥」倒耶洗碧總共八百五十名御用ê先知，怎樣koh驚耶洗碧一個人？當伊恐嚇講beh刣伊ê時chūn，先知以利亞卻驚惶了起來，真奇怪。為甚麼會án-ne？mā可能kah耶洗碧是外邦cha-bó͘-gín-á有關，tī伊ê觀念中，根本to̍h無上帝，mā m̄驚上帝ê審判kah懲罰，因為án-ne，伊chiah敢恐嚇上帝ê奴僕先知。Á先知以利亞則暴露了人性siōng大ê弱點，當耶洗碧威脅beh殺害伊ê時chūn，伊認為性命已經有危險，因為án-ne，用死來向上帝控訴。Chit種用死表明當先知ê「孤獨心境」，伊講所有ê先知lóng已經被刣死，只chhun家己一個人，iáu被恐嚇kā遇tio̍h殺害。若是比較第十八章4節，俄巴底bat救出一百個先知，因為án-ne，m̄是lóng死去，至少iáu有一百個先知活teh。不過chit種用死來向上帝控訴，表明家己心內孤獨ê心境，先知耶利米（參考耶利米書二十：14－18）、約拿（約拿書四：3）lóng有共同ê經驗。
第1到4節，以色列王亞哈因為迦密山頂ê失敗，伊就kā先知以利亞tī迦密山頂所做ê每一件事lóng詳細kā bó͘耶洗碧講。一個真tú好ê王后，一定會幫助國王帶領人民趕緊tńg來到真實ê上帝身邊，悔改認罪。M̄-koh王后耶洗碧m̄是án-ne，卻是差遣使者去恐嚇先知以利亞，講「明á載」beh殺害先知以利亞。Chia ê「明á載」，表示真緊、馬上ê意思。因為án-ne先知以利亞驚惶，帶奴僕逃到南國猶大去避難。M̄-koh chit種逃亡ê生活，hō͘伊感覺真oh受，chìn前已經有為tio̍h避開亞哈ê追緝殺害，伊四界bih起來。chit-má是王后耶洗碧下令tio̍h殺害伊。因為王后耶洗碧已經刣死真chē先知，hō͘先知以利亞膽戰心驚。伊留落來奴僕，行到距離奴僕約有一工ê路程ê一個杜松樹下求死。伊向上帝表示家己已經「受不了了」，伊寧可死去。
第5到8節，真可能因為太thiám ê關係，先知以利亞就tī chit棵杜松樹下睏去à。上帝差派天使來服侍伊，有食物kah水。伊lóng食過、lim過，m̄-koh卻繼續躺落去，kah-ná表明死ê意願真強ê款。
天使第二pái出現，ài伊起來繼續食物件，就án-ne，hō͘先知以利亞有體力，ē-tàng繼續行長到「四十暝日」來到「何烈山」。Chia mā是摩西hō͘ 上帝呼召ê所在（參考出埃及記三：1）。
第9到10節，上帝親自對先知以利亞講話，問伊tī何烈山chia做甚麼？第10節是先知以利亞向上帝控訴以色列人民棄sak kah上帝所立ê約，m̄-nā拆毀上帝ê祭壇，而且iáu殺害上帝ê先知，chit-má只chhun伊一人。其實，俄巴底就bat救出一百位先知。因為án-ne，先知以利亞講只chhun伊一人，只是teh表示伊ê孤獨。
第11到12節，chit兩節描述上帝tùi以利亞面前經過ê情景，m̄-koh，無論是出現強烈ê大風、地動、火，都無看tio̍h上帝，只聽tio̍h上帝對伊講話ê聲音。換句話講，人無法度看見上帝ê面，ná親像摩西雖然上了上帝ê山，ē-sái講是就是無法度看見上帝ê面。人只有ē-tàng看tio̍h chiah-ê hō͘人性命感覺懍neh、驚惶ê景象。Á chiah-ê景象mā不過是因上帝ê命令出現。
第13到14節，這是先知以利亞第二pái聽tio̍h上帝ê聲音teh問伊。伊回答上帝ê話，lóng是teh控訴以色列人民悖逆上帝命令，無koh遵守kah上帝所立ê約。In刣死先知，只chhun伊一人。
第15到17節，chit段經文講述上帝賦予先知以利亞ê三項使命：一、ài伊膏立哈薛當敘利亞ê王；二、ài伊膏立耶戶當以色列ê王，這teh暗示亞哈王ê死期已經到à。三、膏立以利沙續接伊ê工作。這teh表明上帝準備ài接先知以利亞tńg去。
第18節，這是真重要ê一節經文，tī先知運動中一再出現chit種所謂「上帝餘民」ê觀念。這七千個人就是「上帝ê餘民」。M̄-koh，「七千」卻有含「神聖」、「夠額」ê含意。意思是講：上帝賜福hō͘忠心ê子民m̄免多，即使是「七千」人mā是真大ê氣力。另外一方面，「七千」mā thang當做龐大ê數目的意思。
經文：列王紀上 19:19-19:21 註釋:
Chit段經文講述先知以利亞tú-tio̍h先知以利沙ê經過。
第19到20節，tī上帝交帶ê三件工作中，以利亞tāi先達成第三件，就是膏立先知以利沙。當伊離開何烈山後，就tú-tio̍h「沙法ê kiáⁿ以利沙」，hit時伊當teh放牛。先知以利亞kā家己ê衫褲moa tī以利沙身上，用chit種動作表示膏立以利沙，hō͘伊成做先知，續接以利亞ê工作，同時mā是用chit種方式teh表示kā家己ê能力，轉移到以利沙ê身上。就án-ne以利沙馬上就向全家辭行，跟tòe了先知以利亞。
第21節，以利沙tńg去向全家辭行ê時chūn，mā同時表示beh放棄所有過去ê工作，伊宰了一對牛，續落來是kā牛ê枷擔當柴火燒了煮了，並且kā牛肉分hō͘大家食，了後就跟tòe先知以利亞去à。彼得kah安得列、雅各kah約翰mā是án-ne，in聽tio̍h耶穌ê呼召，就放落漁網kah全家，跟tòe了耶穌（參考路加福音五：11）。
經文：列王紀上 20:1-20:22 註釋:
這是一章描述敘利亞kah北國以色列之間衝突ê歷史經過。其中主要說明敘利亞想beh擴張邊界版圖，因為án-ne，tùi搜刮以色列ê資源財力之外，koh khah想beh kā它納入附庸國。原因是以色列kah腓尼基有真好ê外交關係，而且擁有通往猶大kah以東地區ê礦區，hō͘敘利亞感受tio̍h前往阿拉伯地區經商ê壓力，因為án-ne，beh控制以色列，進一步koh勒索猶大，án-ne mā ē-tàng逼腓尼基就範進一步koh分享採礦權。Á以色列則當teh昇平ê時，經濟財力發展得非常好，並無想beh相戰，亞哈王想ê是：如果ē-tàng用錢解決問題就好。Ē-sái講是敘利亞王並無以此為滿足，伊ài ê是以色列完全臣服tī伊。因為án-ne，激起以色列全國人民ê不滿，兩國因為án-ne而開phah。Tùi第15節kah第27節thang看出以色列軍隊確實不及敘利亞ê強壯，編制上mā非常弱小，根本就m̄是敘利亞ê對手。弱小國家面對強大鄰國ê威脅，惟一ē-tàng解套ê，就是智取，卻m̄是衝pōng、硬碰。敘利亞前後兩pái ê挑釁都無成功，原因是以色列tī chit兩次ê戰爭中，lóng得tio̍h上帝特別ê眷顧。聖經ê作者tùi chia說明一件事：有上帝ê幫助，等於得tio̍h「天兵天kā ê幫助」，即使是兵員短缺、弱小，也ē-tàng克服強敵ê環伺。這就是詩人所講ê：「君王bē-tàng 因為兵chē 就得tio̍h 救；勇士bē-tàng 因為氣力大就得tio̍h 救。Óa 靠馬，無一定會得tio̍h 救；靠大氣力mā 無一定ē-tàng 救人。(全民版)」（詩篇三十三：16—17）
Chit段經文敘利亞王便‧哈達準備侵犯以色列ê經過，同時說明以色列王亞哈án怎應變chit場戰爭ê情景。
第1到3節，chit章開始就講tio̍h敘利亞王便‧哈達率領伊屬下ê三十二個王kah in ê戰車、戰馬出征，這表示敘利亞ê軍隊陣容非常龐大，而且已經包圍了北國首都撒馬利亞。Chit時chūn，便‧哈達派使者去對亞哈恐嚇，一定tio̍h kā伊ê「金子、銀á」，以及亞哈ê 妻妾、健壯ê kiáⁿ lóng交hō͘伊，這是真重ê勒索。
第4到6節，為tio̍h beh解救撒馬利亞，mā thang講亞哈真清楚知影家己ê軍隊無法度對抗敘利亞龐大軍隊。因為án-ne，亞哈只有答應chit-ê條件，別無選擇。M̄-koh使者koh帶來便‧哈達ê訊息，表示án-ne iáu無夠，伊beh進入王宮kah大臣ê厝去搜查，只要看見值得ê物件lóng總ài the̍h去。
第7到8節，亞哈tī無奈之下，只好召開臨時國會，kā國內所有長老lóng召來，kā便‧哈達ê意思轉達hō͘大家知影。M̄-koh chiah-ê代表族群ê長老表示「不要理伊，m̄-thang答應」便‧哈達ê要求。
第9到10節，亞哈聽chiah-ê長老ê建議，表示只接受第一個條件，就是伊ê金子、銀á，bó͘ kah細姨、kiáⁿ lóng ē-sái hō͘伊伊，就是無法度隨便hō͘伊ê使者進入王宮kah大臣ê厝去搜查。便‧哈達聽chit種回應了後，非常憤怒，表示beh kā撒馬利亞城摧毀殆盡。
第11到12節，亞哈態度堅定，無受chit種過度ê勒索，而便‧哈達則下令部屬「預備攻打撒馬利亞」。
第13到15節，「chit時，有一個先知去見亞哈王」，chia並無講出先知ê名。M̄-koh這先知必定是tùi上帝來ê差派，因為亞哈所詢問ê問題，伊lóng真清楚講出，包括帶兵指揮司令官一定tio̍h是亞哈。而且beh由「各地區省長屬下ê少壯軍人」領先攻打敘利亞。就án-ne，共計召集了「少壯軍人共兩百三十二名，koh召集以色列軍隊七千人」。用chit種兵力beh對抗龐大軍伍ê敘利亞軍團，是真薄弱ê。M̄-koh這卻是上帝ê旨意。
第16到18節，就án-ne ê，chiah-ê少壯軍人聽從先知所發出ê信息，tio̍h先攻擊。Á敘利亞王便‧哈達聽tio̍h偵察兵警告有軍隊tùi撒馬利亞城出來，就下令tio̍h活掠chiah-ê人，伊ē-tàng用活掠chiah-ê人來做koh-khah chē ê勒索。
第19到22節，果然，chiah-ê帶上帝賜福ê以色列少壯軍兵，非常勇猛，phah敗敘利亞人，連便‧哈達mā tòe騎馬落荒逃逸。亞哈則趁勝追擊，而且奪取敘利亞軍隊ê真chē戰利品，包括戰車kah馬匹。敘利亞軍隊ē-sái講是潰敗。Chit位無記落來名ê先知tńg去kā亞哈王講，ài伊利用chiah-ê戰利品趕緊「擴建」以色列ê軍隊。並且提醒亞哈講敘利亞ê便‧哈達王明年ê春天會koh來攻打撒馬利亞。
經文：列王紀上 20:23-20:34 註釋:
Chit段經文講述敘利亞王kah伊ê臣僕商量討論tio̍h採取甚麼款ê新戰略，thang phah敗以色列軍隊。In認為前一pái會失敗是因為對以色列人ê上帝認bat不足。因為án-ne，in準備tī調整了後，beh展開第二波ê攻勢。
第23到25節，chit段經文說明敘利亞ê王便‧哈達kah伊ê臣僕對上帝ê認bat是，認為以色列ê上帝是一個「山神」，因為án-ne，tī山區kah以色列軍隊相戰，就會失敗。若是ē-tàng引誘以色列軍隊落去到平原來，in就ē-tàng phah敗以色列軍隊。In m̄-nā beh重新整軍備戰，而且決定戰爭ê地點是tī「平原」。
其實，kā以色列人民所敬拜ê上帝看做是山神，這是非常錯誤ê認bat，因為chit位上帝是創造宇宙萬物ê神，m̄-nā掌管山，連平地、海洋、日月星辰等lóng是祂所創造ê，而且lóng是tī祂ê管理之下而運行。
第26到27節，chit兩節說明敘利亞整軍成功，人數相當chē，相對ê，以色列軍隊kah之互相比較，明明是就是小巫見大巫。
第29到30節，chia並無記明chit位「神ê人」是甚麼人。M̄-koh伊傳達了上帝hō͘以色列亞哈王ê信息，kā伊講上帝beh hō͘敘利亞王便‧哈達tī chit pái戰役中慘敗，因為伊藐視上帝，認為上帝kan-taⁿ是一個「山神，m̄是平原ê神」。Chit場戰爭phah了七工，以色列軍隊刣滅了敘利亞步兵chē kah「十萬人」，而且活teh tńg來ê人躲進亞弗城ê時，城牆koh倒塌，壓死去「兩萬七千人」，最後，戰役結束，敘利亞軍隊死亡人數高達十二萬七千人，ē-sái講是慘敗。連敘利亞王便‧哈達mā藏入去亞弗城中ê一間屋子裡。
第31到34節，chit段經文講敘利亞ê臣僕因為chit pái戰役慘敗，知影繼續bih起來可能iáu是會喪命，因為án-ne，建議敘利亞王向亞哈王求和。敘利亞王便‧哈達以非常低ê姿態求和，伊同意歸iáu過去奪取ê以色列城鎮，並且hō͘以色列tī敘利亞首都大馬士革「設立貿易中心」，而果然得tio̍h亞哈王ê赦免。訂了chit項kah約了後，亞哈王就tháu放便‧哈達，結束loh chit場戰爭。
經文：列王紀上 20:35-20:43 註釋:
Chit段經文thang看tio̍h早期先知通常lóng會以講故事ê方式，á是用身軀語言來表達上帝ê旨意。親像先知以西結就是用身軀語言傳達上帝信息ê高手（參考以西結書第四到五章），而先知耶利米mā有過chit種方式（參考耶利米書第十三章）。chit-má chit段經文mā是，先知用身軀語言ê方式向以色列王亞哈講出上帝ê信息，hō͘以色列王亞哈知影，伊kā敘利亞王便‧哈達tháu放是一件嚴重ê錯誤。
第35到36節，chit兩節講出上帝ê奴僕先知，若是拒絕上帝ê命令，只有死路一條。因為in lóng是先知，而且同齊學習傳達上帝ê信息，聽tio̍h「奉上主ê命令」，這應該就tio̍h注意聽，而且去實踐，án-ne chiah是先知該有ê態度。
第37到40節，這是一段先知用身軀作語言，傳達上帝ê信息之方式。故事題材真親像先知拿單對大衛王犯罪了後，用講故事ê方式，hō͘大衛家己做出判決。Chia是以色列王亞哈看tio̍h chit段身軀語言了後，mā隨時做出判決，講chit-ê故事主角「非受懲罰bē-tàng」。這表示亞哈王並無清楚這是一齣先知ê「行動劇」。
第41到43節，當亞哈王講完判決後，先知真清楚指出亞哈王kā敘利亞王便‧哈達tháu放 tńg去，伊teh-beh付出代價，因為伊違背上帝ê旨意。亞哈王聽了後，心內「悶悶不樂地tńg來撒馬利亞ê王宮去」。
頭前ê兩pái敘利亞王挑釁以色列，結果lóng hō͘ 上帝phah了tńg去。M̄是以色列王á是人民本身有甚麼能力，因為in ê國勢kah國防力量lóng遠不如敘利亞，若m̄是上帝親自帶領，根本就無法度贏過敘利亞。因為án-ne，對以色列國來講，siōng重要ê就是國王kah全民lóng tio̍h忠實tī上帝，聽從上帝ê話，卻m̄是家己決定ài怎樣做就怎樣做。有關亞哈王違背上帝ê旨意ê tāi-chì，是tī tháu放敘利亞王便‧哈達ê事件上，無先詢問上帝ê旨意án怎。因為ē-tàng掠敘利亞王，是有上帝親自出征。雖然後來亞哈王得tio̍h外交上ê利益，包括設立貿易中心，m̄-koh伊無遵行上帝ê旨意，所得tio̍h ê一切lóng會成做泡影。
經文：列王紀上 21:1-21:16 註釋:
Chit章是有關亞哈王想beh佔有拿伯葡萄園ê事件。Chit章mā是舊約聖經中非常有名ê一篇故事，說明國王kah人民之間仝款lóng是上帝ê子民，國王無法度因為家己有權力，就想beh佔有á是貪圖人民ê土地、財產，反tńg koh khah beh知影保護人民ê財產chiah-tio̍h。何況，為tio̍h佔有人民ê土地，iáu做出用假見證謀害人民性命ê惡質ê行為，上帝絕對bē允准chit種事發生。
Chit段經文描述亞哈王看見拿伯ê葡萄園靠近王宮，真想beh得tio̍h該園。伊想beh用換地ê方式，á是用購買ê方法得tio̍h拿伯ê葡萄園，m̄-koh lóng被拒絕，結果hō͘伊真oh過。伊ê bó͘耶洗碧認為既然身為國王，ài the̍h人民ê土地有甚麼bē-tàng。就án-ne就設法用假見證陷害拿伯，講伊褻瀆上帝，而hō͘拿伯活活被phah死，然後kā伊ê葡萄園侵佔起來。這ê事件說明王后耶洗碧用殘酷ê手段奪取人民ê財產。這是上帝所無法度容忍ê事。
第1到3節，亞哈王希望拿伯kā伊靠近王宮附近ê葡萄園賣hō͘伊，á是用其它ê土地kah拿伯交換hit-ê葡萄園，m̄-koh拿伯拒絕亞哈王講：「上主不准我kā祖產讓hō͘你。」拿伯án-ne回答是根據摩西律法ê規定：「地m̄-thang 永遠賣斷，因為地是我ê；lín tī 我ê 面前是出外人，是寄腳ê (全民版)」（利未記廿五：23）這mā teh表示亞哈王已經bē記得上帝透過摩西設定律法ê命令à。
第4到6節，身為國王ê亞哈，因為無法度如心所願ê得tio̍h人民土地，chit件事hō͘伊「悶悶不樂」，甚至不食飯。伊ê bó͘耶洗碧因為án-ne問伊tāi-chì ê緣由，伊kā chit件事講hō͘ bó͘聽。
第7到10節，chit段經文講王后耶洗碧決定替丈夫亞哈王得tio̍h拿伯ê葡萄園。王后耶洗碧用假見證，m̄-nā買通了城裡ê「顯貴kah民間長老」，然後koh用「禁食」chit種有含認罪、哀傷意義ê宗教禮儀方式，koh進一步ài chiah-ê顯貴kah長老去「叫兩個流氓當面控告」拿伯，「講伊辱罵了上帝kah王」。因為照摩西律法，辱罵上帝beh用石頭phah死（參考利未記廿四：16）。這等於講，耶斯列城裡ê chiah-ê達官顯若是聽從王后耶洗碧ê話，卻m̄是遵行上帝ê命令。Koh tī謀害人民ê性命ê tāi-chì上，竟然thang án-ne做。
Tī第9節、12節lóng有提起耶洗碧ài眾長老宣告全國「禁食」，這是kan-taⁿ有tī國家tú-tio̍h危機，á是tú-tio̍h大災難ê時chūn chiah會通告全國人民遵行ê事。而且「禁食」通常是kah「祈禱懺悔」連結做伙，懇求上帝ê憐憫。M̄-koh耶洗碧án-ne做，卻是因為想beh圖謀得tio̍h拿伯ê葡萄園。Chit種圖謀私利ê事，卻掛tio̍h神聖ê宗教名義，就是亂使用上帝ê名（第三誡）仝款。因為án-ne，上帝無法度容忍chit種事發生。
第11到14節，果然，chiah-ê達官顯要並m̄是遵從上帝ê話，卻是聽從王后耶洗碧ê話。Kā用來懺悔、痛苦ê禁食the̍h來當做欺騙ê方式，包括用假見證誣告無辜ê人，án-ne chiah是真正褻瀆上帝ê名。In陷害拒絕出hō͘葡萄園ê拿伯，活活kā伊「用石頭phah死」，然後派人去kā chit件事報告hō͘亞哈王知影。
第15到16節，亞哈王m̄-nā無阻止王后耶洗碧做chit件絕對bē-tàng做ê事，反tńg是放手hō͘伊去做，koh tī伊做完後，iáu聽從伊ê話去「霸佔」拿伯ê葡萄園，身為國王ê亞哈竟然犯下án-ne謀財害命ê罪行！
經文：列王紀上 21:17-21:29 註釋:
Chit段經文說明人所做ê事，上帝lóng非常清楚chiah-ê tāi-chì背後ê陰謀。因為án-ne，就派出先知以利亞去指責亞哈王kah王后耶洗碧，並且傳出上帝beh嚴厲懲罰in ê方式。
第17到19節，上帝ài先知以利亞去chhōe亞哈王，指責伊thâi人iáu霸佔被害者ê財產，然後hō͘伊知影，上帝beh用亞哈王ê性命來抵償。
第20到24節，先知以利亞因為bat tī迦密山頂刣死亞哈王家己御養ê先知kah祭司，hō͘王后耶洗碧憤怒ê表明只要見tio̍h先知以利亞，就beh刣伊。Taⁿ先知以利亞家己到王宮來，因為án-ne，亞哈王開嘴就講先知以利亞是伊ê「冤家」，意思是teh指仇敵。先知是上帝ê奴僕，只聽從上帝ê命令。就算有性命ê危險mā tio̍h全力以赴完成上帝所付託ê使命。因為án-ne，先知以利亞真清楚指出亞哈王ê遭遇會親像「耶羅波安王ê厝仝款」，這表示伊ê全家族會「被殺害，無一個存活」（參考列王記十五：29），mā會親像「巴沙王ê厝仝款」，mā是「全家ê人」lóng被心利王沙光，甚至是「連伊ê親戚kah朋友，凡是男ê，lóng處死」（參考十六：11）。M̄-nā án-ne，王后耶洗碧因為是真正害死拿伯事件ê策劃者，因為án-ne，上帝絕對bē寬待伊kah伊ê「親屬」，in lóng會死得真慘。
第25到26節，chit兩節出kui個事件ê主要問題──存心做上主看做邪惡ê事。Ná親像頭前所敘述ê，明明知影是違反上帝ê誡命，卻iáu故意去做。即使he是王后耶洗碧所為，m̄-koh，卻是得tio̍h亞哈王ê允准，伊mā算是參與有份。Chia特別提起，亞哈「犯siōng 可惡ê罪」，上帝絕對無法度忍受伊kah bó͘耶洗碧ê惡質行踏。
第27到29節，亞哈一聽tio̍h先知以利亞傳出上帝beh嚴厲懲罰伊kah in家族ê信息，就知影tāi-chì嚴重，知影先知以利亞所傳出ê信息必定會實現，因為頂pái tī迦密山頂kah上帝ê先知對抗ê經驗，hō͘伊食盡了苦楚。因為án-ne，伊馬上就謙卑落來，脫掉王袍，改穿麻衣，iáu以禁食表示懺悔ê意思。上帝因為án-ne改變本來想beh懲罰ê時刻，不tī伊活teh ê時刻隨時懲罰，卻是hō͘懲罰tī伊ê後代中出現。其實，這mā表示上帝hō͘亞哈王機會去教導伊ê gín-á改變行為態度。只可惜，伊無確實án-ne做。
經文：列王紀上 22:1-22:9 註釋:
Chit章主要是紹介先知米該雅ê事蹟；另外，chit章mā teh描述北國以色列kah敘利亞之間ê戰爭。作者利用chiah-ni̍h長ê篇幅，teh說明北國以色列王亞哈，伊是jōa-ni̍h-á m̄遵守上帝ê旨意，甚至tī王宮內家己養了真chē聽伊ê話ê先知，就是為tio̍h beh抵銷上帝ê話，結果伊ê chiah-ê假先知m̄-nā無hō͘伊帶來幫助，iáu因為án-ne hō͘伊遇tio̍h性命ê危險，最後終到死亡。
Chit章經文記事mā同時記載tī歷代志下第十八章。
Chit段經文記載以色列亞哈王想beh出兵去攻打敘利亞，好kā祖先時代被敘利亞王佔去ê城市—基列ê拉末—奪tńg來。Chit時tú好猶大王約沙法正到北國以色列訪問，伊不得不表示mā願意參與chit項出兵ê重大做tāi-chì。M̄-koh，伊建議chit種軍事行動siōng好事先聽聽上帝ê旨意。亞哈想用家己所養ê先知來證明家己所做決定是正確，m̄-koh猶大約沙法王卻無án-ne認為，卻是主張應該聽聽上帝ê先知ê話chiah正確。亞哈王只好派人去帶上帝ê先知米該雅來，請伊問問上帝ê旨意。
第1到3節，若是照第二十章34節ê記載來看，顯然地敘利亞王答應kā伊所侵佔以色列ê土地，iáu有kóa無歸iáu。雖然敘利亞已經kah以色列之間簽訂了兩國和平條約，m̄-koh經過兩年ê和平了後，以色列亞哈王利用tú好到北國訪問ê猶大約沙法ê時，要求兩國聯盟出兵去攻打敘利亞，理由是希望ē-tàng奪tńg來基列ê拉末城。約沙法會去訪問北國以色列，照歷代志下第十八章1節ê記載，是因為兩人結為親家ê緣故。
基列ê拉末，這是設tī約旦河東岸，遠tī摩西時代就屬tī以色列人所有（列王記上四：13、申命記四：43），由迦得支族管轄。M̄-koh當時已經淪陷tī敘利亞人ê手中。
第4到6節，約沙法隨時表示同意兩國同盟出兵，m̄-koh要求一定tio̍h先問問上帝ê先知，thang知影上帝ê旨意。歷代志作者講，約沙法是一個敬畏上帝ê君王（參考歷代志下十七：1—9）。亞哈王隨時tùi王宮內召來「四百名先知」詢問in ê意見，結果這四百名lóng順tio̍h亞哈王ê意思，講上帝一定會hō͘伊得tio̍h勝利凱旋tńg來。其實，這四百名先知lóng是亞哈ê御用先知，多會講亞哈王歡喜聽ê話而已，因為án-ne，mā thang稱做假先知。因為真實ê先知，只有講上帝beh伊講ê話。
第7到9節，猶大王約沙法感覺無對tâng，伊要求應該聽「上主ê先知」。Á亞哈講chit位上主ê先知是「音拉ê kiáⁿ米該雅」，顯然地，亞哈王清楚知影伊家己所養ê先知，kah上帝ê先知無相仝。因為米該雅bē聽從伊，講伊歡喜聽ê話。亞哈王向約沙法表示，講上帝ê先知米該雅常向伊講「凶險ê話」，就是不吉利ê話，hō͘伊感覺討厭。M̄-koh約沙法iáu是認為beh聽上帝先知ê話，亞哈王不得已，只好同意，就派人去chhōe先知米該雅。
經文：列王紀上 22:10-22:28 註釋:
Chit段經文描述米該雅講述伊想beh傳達hō͘亞哈王上帝ê信息，就是伊若是帶兵出征，一定會死tī戰場，m̄-koh卻因為án-ne，hō͘伊被亞哈王下令hō͘關tī監獄裡。即使先知米該雅知影會有chit種結果，伊iáu是堅持先知ê基本責任，就是「上主對我講甚麼，我就講甚麼」。
第10到12節，chia講所有王室ê先知lóng聚集，其中有一個代表是「基拿拿 ê kiáⁿ西底家」，伊造一kóa鐵ê角teh代表力量，然後對亞哈王講，chit pái戰役一定會勝利。
第13到14節，亞哈王派去召上帝ê先知米該雅ê使者，要求米該雅也kah其他ê先知仝款，lóng tio̍h向國王講「吉祥ê話」。伊án-ne講，主要是teh向先知米該雅下馬威，ài伊bē-tàng隨便講話，只有ē-tàng跟tòe四百個假先知講仝款ê話。M̄-koh先知米該雅則回應講：「我指永生ê上主chiù-chōa，上主對我講甚麼，我就講甚麼。」chit句話mā為先知ê使命作了準確定義，表示先知只有講上帝beh伊講ê話，卻m̄是tio̍h講取悅人ê話。使徒保羅mā有chit種表示（參考帖撒羅尼迦前書二：4—6）。
第15到16節，chit節表面上看起來，米該雅講ê mā kah其他假先知仝款。M̄-koh亞哈王卻真清楚知影，ná絕對m̄是先知米該雅想beh講ê話。因為án-ne，亞哈王並m̄相信，伊ài先知米該雅既然「奉上主ê名」對伊講話，就beh講「誠實」ê話。換句話講，亞哈王mā知影伊所養tī王宮中ê先知，講ê並bē-tàng信。因為in並無奉上帝ê名傳講信息。
第17節，既然亞哈王beh聽誠實ê話，就án-ne米該雅就照王ê意思講出來。伊表示亞哈王帶兵出去，以色列軍隊會親像羊會失去顧羊人仝款，四散逃竄。伊用上帝ê話講，thang叫chiah-ê人平安tńg去厝裡。
第18節，亞哈王一聽tio̍h chia，就真無歡喜地對約沙法王講，米該雅lóng是對伊講「凶險ê話」。
第19到22節，chit段經文是先知米該雅傳達上帝hō͘伊ê信息，主要teh說明亞哈王歡喜聽假話，chiah-ê假先知就是beh騙伊上戰場去死。結成（chiâⁿ）實應驗ā。
第23到24節，chit群四百名假先知中ê代表就是基拿拿 ê kiáⁿ西底家，伊聽tio̍h先知米該雅講in是假先知了後，大大受氣，就上前賞了先知米該雅一巴掌。因為米該雅拆破了in ê假面具。伊一面phah先知米該雅，一面質疑地米該雅ê話m̄是真正。
第25節，米該雅並無想beh多作辯護，伊認為一個人是m̄是為真先知，就看伊所預言ê結果是m̄是實現。
第26到28節，亞哈王對先知米該雅非常受氣，就án-ne下命令部下，kā先知米該雅關tī監獄裡，而且beh惡待伊，kan-taⁿ hō͘伊「餅kah水維生」，亞哈王準備phah贏後，tńg來beh好好á懲罰先知米該雅。M̄-koh米該雅一點mā m̄驚，伊無妥協，因為伊是真實ê先知，只傳講上帝beh伊講ê話。伊講若是亞哈王ē-tàng平安tńg來，就表示伊講ê m̄是上帝hō͘伊ê信息。伊ê chit句話mā是teh回應第25節對假先知西底家所講ê。
經文：列王紀上 22:29-22:40 註釋:
Chit段經文主要teh描述亞哈王因為m̄聽先知米該雅ê話，伊聽家己養ê假先知所講ê話。就án-ne真正帶兵去phah敘利亞佔領ê拉末城。結chiâⁿ實如先知米該雅所預言ê，死tī戰場上。
第29到30節，雖然伊m̄聽先知米該雅ê話，m̄-koh心內卻擔憂tio̍h會死tī戰場。就án-ne化妝成一般兵，不穿王袍，m̄-koh伊建議約沙法穿插王袍，這表示伊ê坐騎是王ê專用馬車。
第31到34節，雖講亞哈王化妝成一般兵，而且坐騎mā是，m̄-koh卻因為一個敘利亞兵ê無心之箭射中伊，而且tú好是射tī護甲ê接縫處，致使伊「受重傷」，而決定退tńg來陣地。
第35到36節，亞哈王因為受重傷而流血siuⁿ過chē，結果就死tī伊坐騎ê車上。因為án-ne，就有命令下傳hō͘所有以色列士兵，ài in各自tńg去厝裡，這tú好是第17節記載先知米該雅所預言ê。
第37到38節，chit兩節mā應驗ā第廿一章19節ê記載：先知以利亞因為亞哈王刣死拿伯併吞伊ê財產，拿伯被石頭phah死了後，有狗來舐（chīⁿ）伊流出來ê血，chit-má是換做狗來舐（chīⁿ）亞哈王流出來ê血。
第39到40節，chit兩節thang看出亞哈王ê奢華，竟然用象牙做伊建造王宮ê建材，m̄-koh chiah-ê並無hō͘伊安享晚年，卻是戰死戰場。伊ê王位由kiáⁿ亞哈謝所繼任。
經文：列王紀上 22:41-22:53 註釋:
Chit段經文主要是teh紹介猶大王約沙法。伊thang算是一位bē-bái ê王，因為至少伊kā耶路撒冷聖殿hō͘ in潔淨à，這是非常難得ê事。歷代志下第二十章31節到第廿一章1節有詳細紹介伊án怎帶領人民敬拜上帝，óa靠上帝ê帶領。
第41到44節，chia真簡略地紹介猶大王約沙法，伊三十五歲做王，統治耶路撒冷廿五年，án-ne共計活了六十年。Tī伊當猶大王期間，做上帝看做歡喜ê事，真可惜ê是，伊並無kā以色列人民拜偶像神明ê行為hō͘斬草除根。不過tī伊做王期間，保持kah北國以色列之間ê和諧，chit點可能kah伊kah以色列王亞哈結為姻親有關。
第45到46節，chit兩節經文thang參考列王記下第十七到十九章，有詳細紹介伊治理之下ê猶大國。列王記作者tī chia特別強調約沙法努力剷除偶像神明廟中有男娼ê出現。
第47節，chit節說明以東當時是隸屬tī猶大統治，這是tùi所羅門時代就已經是附屬tī猶大治理之下（參考列王記上十一：14—25）。
第48到49節，照歷代志ê記載，是因為約沙法kah北國以色列ê王亞哈謝聯盟，這m̄是上帝所歡喜ê事，因為án-ne，in雖然造遠洋商船，m̄-koh，上帝並無祝福（參考歷代志下二十：35—37），結果chit項遠洋貿易ê計畫就無成功。
第50節，頭前已經有提起過，約沙法是三十五歲ê時作猶大ê王，統治耶路撒冷廿五年，án-ne，伊死ê時是六十歲。伊ê kiáⁿ約蘭繼承伊ê王位。
第51到53節，chit段經文簡略地紹介亞哈ê kiáⁿ亞哈謝繼承王位後，mā是kah伊ê老父亞哈學習pháiⁿ樣式，帶領以色列人民拜巴力這迦南人ê偶像神明，hō͘人民棄sak上帝，這是上帝siōng-kài憤怒ê事。
重新查詢