重新查詢  A+放大  A-縮小
經文:

約翰福音 6:22-6:71

註釋:

17. 六:22—71節,ná親像咱一再提起過ê,眾人並無因為耶穌所行ê神跡á相信耶穌,大家「歡喜看」神跡,並m̄是tùi神跡ê出現學習認bat上帝ê慈愛kah救恩。耶 穌就真不細jī地指出眾人chhōe伊ê真實問題,結果in就露出了馬腳,要求耶穌koh再行神跡hō͘ in看(30節),m̄-koh,耶穌並無án-ne做。因為伊m̄是為tio̍h行神跡而來到世界。

A. 福音事工就是聖神teh做工,這是非常清楚ê,看,耶穌講:「若m̄是ná差我來ê老父吸引人,無人ē-tàng到我chia來。」伊無因為群眾聚集chhōe伊,就kā家己pôaⁿ過了應有ê角色。

B. 就ná親像在井邊kah撒馬利亞ê女人談話ê情形一般,當耶穌講祂就是活水ê時,hit-e5 cha-bou2人聽m̄-bat,現在耶穌對眾人講祂是性命ê食糧時,眾人mā是不明其意,甚至連門徒mā lóng感覺耶穌ê「教導太難了,什麼人聽得入去?」

C. 第63節應該是Chit篇講道ê重點:「Hō͘人性命ê是聖神,肉體是無啥路用ê。我kā lín講ê話就是賜性命ê靈。」

D.咱看tio̍h有人因為感覺耶穌ê教導siuⁿ oh得理解á離開祂。今á日mā有真chē人原本是基督ê信徒,後來mā離開了,原因kah當時ê人跟tòe耶穌ê情形差不多,多數ê人lóng是 歡喜看神跡,聽簡單ê道理,總感覺信仰無需要花siuⁿ-chē ê功夫,mā mài費siuⁿ-chē ê精神,希望進天國ê事,像買「麥當勞」仝款簡單siōng好。M̄-koh,信仰不是án-ne,基督教ê信仰需要咱用心、用力、用精神去追求。

經文:

約翰福音 12:27-12:50

註釋:

34. 十二:27—50節,chit段經文thang講是耶穌tī預言家己ê死to̍h是teh beh來臨。第35節mā是作者siōng歡喜用ê話句──光kah烏暗。光teh表明ê就是耶穌基督,烏暗則說明 撒旦掌權,為tio̍h是beh hō͘人拒絕上帝ê救恩。伊ài群眾好好á把握機會,知影伊就是來自上帝ê光。Ná親像本冊ê起頭作者所講ê,雖然烏暗beh掌權,m̄-koh,當「光照射烏暗,烏暗從來無贏過光」(一:5)仝款。

A. 第38節是引用自舊約以賽亞書第五十三章1節,第40節則引用自以賽亞書第六章10節。

B. 注意第41節,這mā是福音書共同ê特點,說明舊約先知ê預言,就是teh為耶穌ê來臨準備ê。Mā就是講,舊約預言新約,新約就是實現舊約ê預言,á耶穌就是新約ê記號。

經文:

約翰福音 13:1-13:20

註釋:

35.十三:1—20節,這是一段真出名ê故事──耶穌為門徒洗腳。福音書ê作者一再kā咱講,耶穌知影人ê心思意念(馬可福音二:6—8、十二:15,路加福音六:8),ná親像現在祂mā知影猶大beh出賣祂仝款。

A. 洗腳,這是中東地區ê風俗,因為當時ê人通常lóng是穿一種類似涼鞋ê便鞋,路上灰塵真chē,á是雨天就真容易hō͘腳沾滿了泥巴。因此,差不多每一個家庭ê門口lóng會放 置水缸,án-ne進入房屋chìn前就ē-tàng先kā腳洗清氣。Á接待人客siōng熱情ê方式,就是beh厝裡ê僕人出來替人客洗腳(請參考路加福音七:44),á是替人客擦乾腳上 ê水。耶穌tī chia扮演ê角色tú好是一個卑微ê僕人所ài做ê工作。這mā就是使徒保羅teh描述ê耶穌:「伊自願放棄一切,取了奴僕ê本質。」(腓立比書二:7)

B. 為甚麼耶穌beh án-ne做?原因真可能kah chit件事有關,就是tī往耶路撒冷ê途中,門徒一直lóng tī爭tio̍h什麼人比較大,chit件事路加福音比較特別,講門徒kah耶穌同齊守Pôaⁿ過節晚 餐ê時chūn iáu teh爭(廿二:24),因此,伊就利用ná機會the̍h水替眾門徒洗腳,並用án-ne卑微ê角色教導in,ài in「mā應該彼此洗腳」。

C. 請注意,耶穌mā替猶大洗腳ah!因為tī第30節記載猶大是tī耶穌為伊洗過腳後chiah離開ê。這就hō͘咱thang思考真chē事,一是耶穌替猶大洗腳,mā是希望猶大ē-tàng tńg來心 轉意。伊koh一pái提供了機會,可惜猶大並無pái脫撒旦ê誘惑。Koh講,耶穌並無因為猶大án-ne對待伊,就馬上拒絕伊,á是當眾拆破伊ê真面目,伊希望用chit種方式 轉變猶大ê念頭,結果iáu是失敗了。三是耶穌已經講出了「Hit-ê kah我同齊食飯ê人竟然用腳踢我」(比較詩篇四十一:9)chiah-ni̍h重ê話,m̄-koh並無喚醒猶大ê心,可見一 個人如果被撒旦附身,想beh挽tńg來有時lóng真oh neh。

D. 第9到10節,當彼得要求耶穌連伊ê手、頭lóng tio̍h洗ê時chūn,耶穌講只要洗腳。洗腳是siōng基本ê,m̄-koh,身軀就一定tio̍h家己去洗。Ná親像洗禮是siōng基本ê信仰告白,á是接受基督教信仰ê siōng早階,其他就一定tio̍h家己來,總無法度家己lóng m̄做,lóng beh靠別人ah。
36. 十三:21—30節,當猶大iáu是不醒悟ê時chūn,耶穌koh一pái用公開宣告ê方式,主要目的iáu是希望猶大ē-tàng tńg來轉心意。Tùi第26節ē-tàng看出猶大顯然是坐tī耶穌ê身旁 無遠,chiah ē-tàng真輕易地the̍h ùn過佐料ê餅hō͘猶大。Koh講,比較第27到29節,耶穌對猶大講「你ài做ê,快去做pah」,其他門徒顯然並無清楚耶穌對猶大講了些甚麼, án-ne看起來,耶穌是非常貼近猶大ê耳邊講chit-ê話,mā thang證明猶大是坐tī耶穌身邊。

第30節講猶大出去ê時chūn,「to̍h是烏夜」,這是約翰福音書作者siōng歡喜用ê筆法,作者用「烏夜」表明「罪惡」,á是「惡勢力」ê猖獗。相對ê,用「日時頭」表明「光明」ê意思。

經文:

約翰福音 13:31-13:38

註釋:

37. 十三:31—38節,kui本約翰福音書ê重點就是tī第34節,上帝疼咱,chiah會kā祂ê獨生kiáⁿ耶穌賜hō͘咱,主要目的就是ài咱mā會彼此相疼。基督教ê信仰 就是tùi chia開始ê。如果無愛,就無法度見證上帝拯救ê信息。約翰一書ê作者án-ne講:「咱tio̍h彼此相疼,因為疼是tùi上帝來ê。Hit-ê有疼ê,是上帝ê kiáⁿ兒,mā認識上帝。Hit-ê無疼ê,m̄-bat上帝,因為上帝是愛。」(約翰一書四:7—8)

38.Tùi第十四 章開始到第十七章等四章,lóng是記載耶穌對門徒所講ê話。我tī前面「讀約翰福音書」乙文中mā講過,約翰福音書ê特色就是歡喜記載耶穌ê言論,對耶穌所做ê事 工並無啥重視,這kah頭前三本福音書差異真大。因為頭前三本福音書是偏重耶穌所做過ê事工,對祂ê言論記錄並無啥chē。

A. chit段話mā是tī最後ê暗頓(Pôaⁿ過節ê暗頓)中講ê,這mā是約翰福音書siōng大ê特色,因為tī前面三本福音書lóng無記載耶穌tī最後暗頓講甚麼話,除了講tio̍h關於「聖 餐」ê事外,其他差不多lóng未記載。M̄-koh,約翰福音書ê作者卻用長到四章ê篇幅記載耶穌對眾門徒ê諄諄教導。比較特色ê所在是,chit段教導中,伊真清楚kā眾門徒講,性命是有ǹg望ê,並且是bē孤單ê,á chit種ǹg望kah充滿性命之力,是上帝tùi天起來ê賞賜。

B. 耶穌會án-ne kā門徒講們chiah-ê話,siōng主要ê原因是伊知影家己teh beh受掠受難,因此,當祂對門徒講「Lín中間有一個人beh出賣我」 ê時chūn,必定tī門徒中間造成真大ê大tio̍h驚kah騷動。然後祂繼續對門徒講祂beh去一個所在,是in無法度跟tòe祂去ê,chit-ê話mā必然引起眾門徒ê憂慮。因此,祂開始講出真chē安慰、鼓勵門徒ê話。

經文:

約翰福音 14:1-14:14

註釋:

39.Tī chit-ê四章中間,每一章lóng有它特別強調ê內容:
A. 第十四章,一、祂一再強調疼祂ê人,就beh遵守祂ê命令(第15、21、23、24、31節)。二、祂kā咱講,奉伊ê名,無論求甚麼,祂lóng會成全(第 13、14 節)。三、祂去了後,iáu會koh再tńg來,去是為咱預備地方ê(第3、18、28節)。四、祂kah天父之間ê關係親密結合做伙,認bat祂,就是認bat天父。祂tī天父性命裡,天父mā tī祂內面(第7、10、11、23節)。

B. 第十五章,一、以葡萄樹做譬喻描述祂kah咱之間ê關係。二、天父──耶穌──咱,這三者之間結聯做伙。三、特別提起,奉祂ê名,無論向天父求甚麼,天父定會賜hō͘咱(16節)。

C. 第十六章,一、祂koh一pái提起祂teh beh離開tńg去天父ê所在,並且用真慎重ê語句講:「我鄭重地kā lín講,lín奉我ê名,無論向老父求甚麼,伊一定賜hō͘ lín。」( 23節)二、koh一pái強調祂kah咱是結合做伙,藉tio̍h祂,天父mā kah咱結合做伙。

D. 第十七章,是耶穌基督ê祈禱文,總共有26節。Mā是四本福音書中siōng長ê一篇祈禱文。Thang分做三部分,就是先為家己祈禱(1到4節),koh講為門徒代禱(5到19節),最後是為所有信ê人祈禱( 20到26節)。

40. 十四:1—14節,耶穌對門徒siōng大ê應允就是祂去了後,iáu會koh再tńg來。Chit點一直是基督教會堅持基督耶穌會koh再臨ê主要ê因素,因為這是耶穌親嘴講ê。當祂beh升天ê時chūn,mā「有兩個穿白衫ê人khiā tī門徒身邊」,對門徒講:「加利利人nah,為甚麼khiā tī chia teh仰望天空?Chit位離開lín、被接升天ê耶穌,lín看見祂怎樣升天,祂mā會怎樣tńg來。」(使徒行傳一:11)問題是甚麼時chūn chiah是耶穌會koh來臨ê時刻?是koh活了後?iáu是tī人死去ê時chūn?á是世界末日ê時刻?這一直是真chē人想beh知影ê,m̄-koh,耶穌並無說明。

A. 多馬,這是門徒中hō͘咱印象深刻ê一位,因為伊bat講beh親手摸到耶穌,chiah beh相信耶穌是真正koh活(約翰福音二十:24—25)。伊問耶穌,既然m̄知影耶穌beh去ê所在,「怎樣會知影ná條路?」懷疑,並m̄是têng-tâⁿ,重要ê是會提出來,á m̄是隱藏tī心裡不講。另外一點,對懷疑siōng好ê解惑方式,就是chhōe,努力chhōe。耶 穌講chhōe必定會chhōe-tio̍h。如果kan-taⁿ會懷疑,卻m̄知chhōe,懷疑永遠bē解開,答案bē家己出現。

B. 「我是道路、真理、性命;若m̄是藉tio̍h我,無人ē-tàng到老父hia去。」這thang講是耶穌對門徒,mā是對咱siōng重要ê宣告。Mā就是頭前我講過,耶穌一再強調ê,認識伊,就是認bat上帝仝款。Chit句話mā表明耶穌kah上帝之間有bē-tàng分ê關係。其實在猶太人ê觀念中,所謂真理、道路kah性命是聯做伙ê,無法度分開。Mā就是講,有 真理ê所在,chiah有性命thang講,因為真理是人性命生存之道。詩人án-ne寫講:「上主ah,求你指示我該行ê道路,我beh順服你ê真理;求你教導我怎樣敬畏 你。」(詩篇八十六:11)咱thang tùi詩篇中看tio̍h真chē類似ê詩句,lóng是寫tio̍h上帝就是真理,祂ê話就是性命ê亮光(一一九:105),是性命ê道路(十六:11)。耶穌用chit句「若m̄是藉tio̍h我,無人ē-tàng到老父hia去」,已經明白講出,伊就是上帝tī世上ê記號。就是ná條通往上帝之家ê道路。

C. 第13到14節,耶穌重複地講以伊ê名向上帝祈求,必定會有所得。因為伊就是祈禱ê保證者。這就是咱今á日祈禱ê時chūn,奉靠主耶穌ê名求ê原因。

經文:

約翰福音 21:1-21:14

註釋:

61.廿一:1—14節,chit段經文是koh一pái記述有關耶穌koh活hō͘祂ê門徒看見ê經過。故事ê經過真像路加福音第五章1到11節,耶穌呼召彼得兄弟kah雅各兄弟ê情景。

A. 原先,耶穌被釘死tī十字架上後,包括彼得在內,「所有ê門徒lóng離棄耶穌,逃走了。」(馬可福音十五:50)眾門徒以彼得帶頭,koh tńg來到加利利去重操舊業── 掠魚。In kah-ná想用chit種方式忘掉耶穌被釘死tī十字架上ê悲傷,á是講心中ê極大失望。因為in bat棄sak一切所有ê跟tòe耶穌去了(路加福音五:11)。結 果耶穌被釘死tī十字架上。這bē hō͘人失望chiah怪。M̄-koh,就tī chiah-ê時chūn,koh活ê耶穌顯現在in面前。

B. tùi第二十章kah chit一章記載有關耶穌koh活hō͘門徒看見ê記事來看,咱發現:眾門徒是tī生活、工作中,一再發現耶穌無死,祂是活活地tī in ê生活、工作中。

Mā thang講,in每一工ê生活、工作,到處lóng ē-tàng看tio̍h耶穌就tī in身邊,kah in同在。雖然耶穌是被釘死tī十字架上了,而且mā埋葬了。M̄-koh,tī門徒ê經驗中,耶穌卻是活活kah in做伙。連食飯lóng是án-ne感受。
C. 第14節講chit-pái是第三pái顯現。第一pái是tī第二十章19節,第二pái是tī第26 節。

重新查詢