重新查詢
經文:

哥林多後書 12:1-12:10

註釋:

34.第十二章:
Tī chit一章,使徒保羅進一步說明伊心內ê感觸,tùi伊ê書信中thang看tio̍h有兩個所在,伊講tio̍h hit-ê心內深處siōng發人省思ê經文,其中之一就是羅馬書第七章14到24節,伊談起家己心內有兩個法則teh鬥爭,hō͘伊感覺性命ê痛苦。另外一處是chit一章,伊談起家己被升到第三層天ê榮耀。M̄-koh卻同時mā講tio̍h家己身上有根the̍h bē掉ê「刺」,這「刺」ê時常tī伊身上,hō͘伊無法度誇耀、驕傲起來。另外,tī chit一章伊mā提起準備去哥林多進行第三pái ê訪問,m̄-koh卻mā有驚惶,擔憂去ê時chūn會koh受tio̍h無聊ê困擾而發生糾紛。伊ē-sái講是對哥林多教會「愛之深」,所以kā心內ê事mā表露無遺;伊同時對哥林多教會因愛而「責之切」,soah koh深驚in無法度接受,甚至受tio̍h傷害。

35.第十二章1到10節:
伊Tī chit段經文中,使徒保羅講上帝為tio̍h 無beh hō͘伊siuⁿ過驕傲,hō͘伊身上「有一種病像刺糾纏」tio̍h伊。到底是甚麼「病」,á是這只是teh象徵某種「試探」,無人知影。

第1到2節,使徒保羅tī chia伊明白表示,誇口無甚麼好處,koh khah m̄是伊ê心所願,只是因為被逼ê實在氣不過(第11節),所以決定ài the̍h一kóa事來講hō͘大家聽聽。使徒保羅就以第三人稱ê方式,講伊認bat「一個基督徒」mā有過chit種經驗。伊無說明這「一個基督徒」到底是甚麼人,m̄-koh真chē聖經學者認為chit-ê人就是使徒保羅家己。問題是使徒保羅tī chia只提起chit-ê人tī十四年前被上帝提起第三層天,卻無詳細敘述「異象kah啟示」ê內容。因為án-ne,無法度koh khah進一步明白所謂ê「第三層天」到底是怎樣一回事。

第3到6節,使徒保羅重複強調chit種被提升到天庭去ê經驗,伊無法度確認是「身軀上去,iáu是伊得了異象」,chit句話充分地表明使徒保羅家己tī認知上ê有限,因為這是屬tī上帝ê全能,tī人ê性命經驗中,有真chē事是無法度用語言、文字表達得出來,甚至tī認bat上mā會有界限。伊koh一pái表示除了家己ê軟弱以外,伊無為家己誇口。主要是免得有人kā伊捧得siuⁿ高,卻致使bē記得上帝ê榮耀。

第7到10節,使徒保羅是kā家己ê軟弱kah tú強同時放做伙,mā tùi chia看tio̍h tī伊心內ê世界,就ná親像伊tī羅馬書第七章14到24節所形容ê,有兩種法則一直糾纏tio̍h伊,hō͘伊感覺性命ê軟弱kah無力、苦難。Tī chia,伊講身上有根「刺」,這到底是teh指甚麼病症,á是問題,並無清楚。伊bat祈求上帝kā chit hō͘伊痛苦ê「刺」移除,m̄-koh卻無得tio̍h應允。因為上帝ê恩典已經滿足伊性命ê需要。M̄-koh因為這「刺」所帶來ê軟弱,chiah hō͘伊隨時知影tio̍h óa靠上帝tī耶穌內面ê救恩,而bē驕傲。

經文:

哥林多後書 13:11-13:13

註釋:

4.第十三章11到13節:
這是最後一段請安ê話。
第11節,使徒保羅ài哥林多教會信徒知影悔改,伊用「努力作完全人」,意思是teh指真心ê悔改,只有án-ne chiah ē-tàng體會出上帝tī耶穌內面憐憫kah拯救ê恩典。Mā只有án-ne,兄弟姊妹間chiah ē-tàng和睦相處。
第12節,所謂「聖潔ê chim嘴彼此請安」,是teh指帶有祝福對方ê請安方式,而這就一定tio̍h先有彼此互相赦免、接納了後chiah ē-tàng做會到。

第13節,伊對哥林多教會信徒ê祝福,是使徒保羅所寫書信中siōng完整ê祝福話句,mā是唯一同時提起「主耶穌基督」、「上帝」、「聖神」等詞句。Chit-ê句mā成做「三位一體神論」ê基礎。

重新查詢