啟示錄 3章1節 到 3章6節   背景資料  上一筆  下一筆
Chit章是第五到七封ê信。第1到6節是寫hō͘撒狄教會ê信,mā是第五封phoe,而第7到13節則寫hō͘非拉鐵非教會ê書信,是第六封phoe,然後第14到22節是第七封phoe,是寫hō͘老底嘉教會ê。。

	Ná親像頭前所讀ê四封書信中所記載ê仝款,每間教會lóng有美好ê信仰見證之面,m̄-koh mā有軟弱ê所在。Tī頭前mā提起過chit七封書信中,有兩封書信是只有o-ló,無譴責,he就是示每拿教會kah非拉鐵非教會。其它ê書信lóng分別指出教會美好kah軟弱ê部分。

Chit第五封phoe是寫hō͘撒狄教會ê書信。撒狄教會是甚麼人開拓ê?chit-má已經無法度thang考。Chit張phoe有一個特色,無提起像示每拿、別迦摩等教會信徒所tú-tio̍h ê困難,就是來自外界ê迫害,mā無親像以弗所教會kah別迦摩教會所tú-tio̍h「尼哥拉派」ê思想影響。Án-ne看起來,chit間教會ê境遇應該是siōng好字運ê,m̄-koh mā可能就是因為án-ne,chit間教會kah-ná無甚麼朝氣、活力,tī福音ê事工上並無好ê見證。

Chit封書信mā是kah頭前ê第一封寫hō͘以弗所教會kah第三封寫hō͘別迦摩教會、第四封寫hō͘推雅推喇ê信仝款,有o-ló,mā有譴責ê內容。Chit封mā ē-sái講是tī七封書信中語氣比較嚴厲ê一封,因為tī phoe ê開始就講出hit-ê教會ê問題,認為是活teh ê,實際上是死ê。這就指出了撒狄教會ê真正ê問題所在,表示欠缺信仰應該有ê性命力。

第1節,這是寫hō͘「撒狄教會ê天使」ê信。
    「撒狄」chit-ê城市是設tī推雅推喇城東南方大約五十公里遠ê所在,有五條大道thang通到chit-ê城市,可見伊是一個非常發達ê城市,工商業興盛,來往商賈真chē,特別是tī主前第六世紀,ē-sái講為當時世界上無閒ê城市之一。Hit-ê城以紡織業kah染色工業興盛世界出名,而農業ê發展mā非常發達,特別是tī農田水利ê灌溉工程之建設上非常完整,koh加上土地肥,因為án-ne農產豐富。人民敬拜「希伯利女神」(Cybele),m̄-koh崇拜ê儀式卻是非常淫亂。

Hit-ê城主後第17年,因為受tio̍h地動差不多摧毀了hit-ê城。後來,因為羅馬皇帝提庇留特別hō͘伊hit-ê城五年免稅賦,chiah hō͘ hit-ê城koh一pái重建恢復本來ê繁榮。M̄-koh淫亂ê風氣早已經遠播,這就莫怪tī chit封書信中會講撒狄教會乃是一間「死」ê教會,可能kah hit-ê教會有信徒受tio̍h淫亂事件ê影響甚重,而且屢勸m̄聽有關。

Chia講上帝ê「七個靈kah七顆星」,chit種描述可能是受tio̍h以賽亞書第十一章2節影響。Tī chia ê意思是teh指耶穌基督乃是被chit「七個靈」充滿ê見證者,凡是接受耶穌基督ê人,lóng會得tio̍h koh活ê氣力。作者約翰清楚講撒狄教會外表上看起來是活ê,其實是「死」ê,意思就是teh指hit-ê教會只是虛有其表,並無真實信仰ê內涵。

第2節,「tio̍h醒起來」,ài hit-ê教會ê信徒「警醒」過來,因為ná to̍h是teh beh來臨ê日子,就ná親像賊á來到仝款。「堅固你所chhun落來ê一點點á生機」,這是對hiah-ê tī信仰上iáu未到完全「死」ê信徒講ê,chit句話mā說明tī撒狄教會中,確實iáu有kóa人是清醒ê,對chiah-ê人iáu是有所期待。「tī我上帝目睭前iáu無完全」,chit句表示撒狄教會信徒應該iáu有機會悔改,tio̍h趕緊把握tòa最後機會。

第3節,chit節thang講寫hō͘撒狄教會siōng重要ê一節。提醒hit-ê教會信徒「ài會記得」、「tio̍h切實遵守」、「tio̍h悔改」,chiah-ê詞原文lóng是採用命令句型。意思就是無辯白ê機會,mā無妥協ê空間,因為這是信仰ê基本態度,一點mā無法度馬虎。Á審判日子ê來臨就會「像賊á仝款忽然來到」,因為án-ne,chiah會強調「警醒」ê重要性。啟示錄ê作者除了tī chia明確指出,hit-ê時刻ê來臨就ná親像「賊á」來到一般。

第4節,「iáu有kóa人kā衫褲保持得清氣」,chia ê「iáu有kóa人」thang對照第2節所提起ê「chhun落來ê一點點á生機」,mā因為有chiah-ê人才hō͘撒狄教會iáu有一絲ê希望。Chia用「Kā衫褲保持得真清氣」,這是kah hit-ê城tùi án-ne出名ê衣料kah染織城市有關。潔白衫褲是進行染織工作ê必要條件。如果有衫褲污穢無清氣,就無法度作為染織ê好材料。因為án-ne,「保持得真清氣」,被作者引用來形容tī信仰行為上有美好見證ê意思。Chia ê「白袍」是teh表示潔淨ê意思。Koh講,白色ê袍mā是當時羅馬皇帝相戰凱旋tńg來ê時穿插ê禮服,而且所有去迎接ê元老院代表mā lóng會kah羅馬皇帝仝款穿插白袍,顯示高貴、尊榮,以及至koân ê榮譽ê意思。

第5節,「得勝者」m̄-nā有穿白袍ê榮譽,而且iáu teh「性命冊」上有名。。

新約耶穌基督傳福音ê時chūn,mā引用了chit種觀念,伊勸門徒m̄-thang因為所行ê醫病神跡歡喜,而是beh以名記錄tī天頂來歡呼(參考路加福音十:20)。使徒保羅mā引用了猶太人久長以來ê「性命冊」觀念(參考腓立比書四:3),而啟示錄ê作者則kúi-nā pái提起「性命冊」上有名者,chiah ē-tàng得救(參考啟示錄十三:、十七:8、二十:12、15、廿一:27)。

Koh活ê耶穌基督beh「公開承認」chiah-ê tī名冊有名者,就是「屬tī」上帝ê子民,chit種觀念mā出現tī耶穌基督ê教導中(參考馬太福音十:32—33)。

第6節,koh一pái強調tio̍h注意聽ê重要性,因為這是上帝聖神對「各教會所講ê話」。

重新查詢 專卷研經 啟示錄系列
錯誤回報,請聯繫comm[@]fhl.net