詩篇 92章1節 到 92章15節   背景資料  上一筆  下一筆
第九十二篇:這是一首感謝、o-ló ê詩歌。

第1到4節,chia講上帝就是「至koân-.ê」,chit-ê詞表示神聖、獨一、創造ê意思。Ná親像第八十九篇一再重複出現ê歌頌詩句,講上帝是有「永恆ê疼」,是「信實」ê上帝。Chia mā出現「清早」kah「晚間」,表示kui工lóng tio̍h歌頌ê意思。

第5到11節,chit段特別提起人無法度理解上帝ê意念,這mā是先知信息所講ê,上帝ê意念kah人類ê意念無仝,相差何等ê遠(參考以賽亞書五十五:8—9)。M̄-koh上帝會kā祂ê旨意啟示hō͘敬畏祂ê人,而邪惡ê人永遠bē明白。詩人tī第7節kā「邪惡ê人」kah「作孽ê人」譬喻成「野草」,就算生做非常茂盛,mā真緊to̍h會hō͘上帝消滅。原因是in認為家己ê茂盛真偉大,m̄-koh上帝一出手,in就lóng tio̍h「離散」、「失敗」,甚至發出「哀鳴」ê聲音。

第12到15節,chit段詩歌thang對照第一篇。詩人描述相對tī邪惡ê人,chit段詩歌講正直ê人會是上帝所歡喜、賜福ê對象。「棕樹」是約旦河邊siōng常見ê植物,而「香柏樹」則黎巴嫩siōng出名ê樹木,所羅門建造聖殿kah王宮siōng重要ê建材。詩人講正直人ná親像chit種樹栽種tī上帝ê殿,永遠有泉水流出來ê所在,bē lian去,而且會「結出果子」,而這是公正ê上帝ê奇妙作為。

以西結書第四十七章1到12節,先知以西結tī異象中看見新ê耶路撒冷聖殿,會tùi正門口流出永遠bē斷ê泉水,只要這泉水流經ê所在,lóng會看見新ê性命出現,甚至改變原本無性命ê死海。

重新查詢 專卷研經 詩篇系列
錯誤回報,請聯繫comm[@]fhl.net