詩篇 51章1節 到 51章19節   背景資料  上一筆  下一筆
這是大衛王所寫出名ê詩歌之一,是首懺悔ê詩歌。Tī詩篇中共計有七篇lóng是屬tī懺悔詩歌,包括有第六篇、第三十二篇、第三十八篇、第一○二篇、第一三○篇,以及第一四三篇等。

Chit篇是大衛王犯姦淫罪後所寫ê懺悔詩。如果詳細讀,就會發見chit首詩ê主題:「祢無ài 祭物,若ài,我就beh 獻;燒祭祢mā 無歡喜。上帝ah,祢所意愛ê祭就是憂傷ê心;憂傷痛悔ê 心,祢bē 看輕。。(全民版)」(第16到17節)chit兩節kah詩篇第五十篇8到15 節ê內容非常相近。講述上帝m̄是歡喜人ê獻祭(奉獻),上帝beh人知影悔改、認罪,而人應該知影真誠ê感恩,chiah為上帝所kah意,因為所有ê一切lóng是tùi上帝來ê恩賜。

第1到5節,大衛tùi上帝有永恆ê疼開始祈求,請求上帝用疼來「除掉」、「清除」、「洗盪」伊ê罪。

第4節,雖然大衛是謀害家己ê部屬烏利亞,m̄-koh伊知影chit種行為等於無kā上帝khǹg tī眼內chiah敢做會落去。因為án-ne,伊講家己得罪上帝,是做上帝看做邪惡ê事。伊無逃避上帝ê審判,認為接受懲罰是應該ê。

第5節mā說明無一個好人,tī上帝面前,大家lóng是有罪ê人。

第6到12節,Tī chit段詩歌中,詩人表示上帝所kah意ê,就是誠實懺悔ê心,只有án-ne,chiah ē-tàng得tio̍h上帝恩典,kā身上ê罪孽除掉而潔淨。Mā只有tī chit前提之下,chiah ē-tàng得tio̍h上帝伸手洗盪人ê罪。

伊祈求上帝對伊所犯ê罪,hō͘ in憐憫、赦免,因為只有án-ne,chiah ē-tàng hō͘伊得tio̍h 「一粒純潔ê心」。換句話講,m̄是人家己有能力thang hō͘家己潔淨,是上帝ê慈愛,人chiah ē-tàng tùi罪惡ê污穢中得tio̍h潔淨ê氣力。因為án-ne,「除掉」等字眼,構成chit首詩重要ê關鍵用詞。

第13到17節,Tī chit段詩歌中,大衛顯示了心內ê感恩,伊深信上帝會赦免伊,mā因為án-ne,伊beh kā上帝chit種永恆ê疼教導所有罪人,hō͘ in知影悔改認罪,來歸順上帝。Tio̍h用懺悔ê心tńg來到上帝面前,卻m̄是用獻祭ê表面功夫。

第18到19節,大衛承認因為伊犯罪,致使上帝無koh疼惜耶路撒冷,可能因為án-ne hō͘ hit-ê城遇tio̍h災難。因為án-ne,伊懇求上帝憐憫看顧,重新建造hit-ê城,就親像上帝為伊更換一粒新ê心仝款。伊用chit種方式teh表明:因為家己犯罪,致使家己治理之下ê國家變成虛弱、無力。

重新查詢 專卷研經 詩篇系列
錯誤回報,請聯繫comm[@]fhl.net