詩篇 44章1節 到 44章26節   背景資料  上一筆  下一筆
這mā是一首向上帝呼求救助ê詩歌,特別是當相戰失敗ê時,就會吟唱ê一首詩歌。詩人teh詢問一個問題:為甚麼上帝「掩面不理咱」?如果過去ê歷史有輝煌ê成就是因為上帝ê帶領kah賜福,chit-má ê苦難究竟是為甚麼?he就是因為上帝ê懲罰所帶來ê結果。

有一種看法,認為chit首詩歌是tùi主前701年就開始吟唱ê詩歌,原因是chit年tú好是亞述皇帝西拿基立率領大軍包圍耶路撒冷城,差不多beh攻打落來了,大家lóng非常驚惶。Hit時,希西家王率領全國人民向上帝祈求救助,果然得tio̍h上帝出手打擊亞述。Mā有人認為是tī主前587到586年,hit時巴比倫帝國尼布甲尼撒大軍包圍耶路撒冷,城內koh因為無糧食而陷入恐慌中。後來城破、被焚,聖殿被拆毀,人民hông掠去做奴隸,chit時chūn吟唱出來ê詩歌。

第1到8節,chit段詩歌是teh講述過去上帝怎樣tī in祖先面向前行奇妙ê神跡異能。

第1到3節,聖經中若是提起上帝行大事異能,通常是用來描述上帝帶領以色列人民離開埃及奴隸之地,然後經過紅海,並且tī曠野漂流期間tùi天頂降落嗎哪養飼in,並且最後帶領in進入迦南hit-ê流奶kah蜜之地。

第4到7節,詩人一再宣告,ē-tàng享受chit種恩典,並m̄是因為in祖先有甚麼能力,純粹lóng是上帝ê氣力,chiah hō͘ in有能力擊敗敵人ê攻擊。

第8節,詩人koh一pái表示伊beh永遠感謝上帝。即使chit-má是陷入困境ê時chūn,每pái想起祖先ê歷史中,充滿tio̍h上帝厚厚ê恩典,就ài beh特別獻上感謝。

第9到16節,tùi第9節開始,相對tī出埃及、過紅海、進入曠野到迦南地ê偉大神跡,是失敗續接teh來,被列國譏笑ê境遇,甚至被凌辱。M̄-koh雖然tī chiah-ni̍h苦難ê日子中,詩人ê詩歌iáu是teh祈求上帝ê幫助,並無bē記得上帝,á是棄sak上帝。

值得注意ê是,Tī chit段詩歌中,詩人講上帝無koh kah in同齊去相戰。Mā因為án-ne,in tú-tio̍h悽慘ê狀況,像羊被屠殺,甚至被敵人放逐到外國去做奴隸(第11到12節)。

第13到16節,這四節lóng teh敘述in被敵人侮辱ê情景,thang看出詩人是tī奴隸之地受苦而發出ê哀歌。伊teh向上帝講述,敵人侮辱in ê鏡頭從來m̄-bat有間斷過。

第17到22節,chit段詩歌是詩人teh向上帝告白,就算環境hit種惡質,伊iáu-koh對上帝忠實。

第17到18節,詩人真清楚表示伊對上帝絕對忠實,無bē記得上帝,mā不bat有背叛上帝ê行為。Ē-sái講是詩人就是bē了解:為甚麼上帝會hō͘ in tú-tio̍h chit種苦難。Chit種疑問mā tī咱性命旅程中一再出現。

第20到21節,詩人真清楚表示,若是伊有任何悖逆上帝ê行為,上帝一定清楚知影。伊用chit種方式koh一pái表示伊對上帝ê忠心。

第19節、第22節、第25節等等,chit三節詩歌有仝款ê意思,詩人teh表示所tú-tio̍h ê困境,ná親像待宰ê羊羔一般,死亡就在身邊。

第23到24節、第26節,chit三節詩歌lóng是teh向上帝呼求救助。若是無上帝ê拯救,in teh beh面臨死亡ê來臨。


重新查詢 專卷研經 詩篇系列
錯誤回報,請聯繫comm[@]fhl.net