詩篇 4章1節 到 4章8節   背景資料  上一筆  下一筆
Tī第三篇有標題寫「求助ê晨禱」,然後第四篇寫「求助ê晚禱」。Án-ne,第三篇kah第四篇是相關連ê詩篇。

第1節,這是詩人感覺非常孤寂、無助ê時chūn,伊知影唯一ê希望,就是向上帝祈求幫助。

第2到5節,勸人m̄-thang koh再犯罪,tio̍h歸向上帝,好好á反省家己所做ê事,是m̄是違背上帝ê旨意。

如果chit首詩歌是kah第三篇ê背景仝款。Án-ne就是大衛teh勸勉押沙龍,m̄-thang koh án-ne落去,因為這bē是上帝歡喜ê行為。

第3節,chit節所講ê「選召」,有含分別為聖ê意思。上帝所選召出來ê人,必定是虔誠、忠心tī上帝ê人。「歸屬」,原來ê意思是teh指「忠心」,mā是teh指「委身」ê意思。上帝所揀選ê人,chit種人必定會忠心tī上帝,委身tī上帝,因為知影上帝對伊ê疼真深。

第6到8節,詩人tī chia講出心中ê ǹg望,伊深信只要上帝帶領,就算tī siōng困難ná親像曠野地帶,mā會得tio̍h性命ê甘霖一般,大地lóng受tio̍h雨水ê「福澤」,充滿tio̍h上帝ê賜福。

第7節詩人講出一個人性命ê豐富,是tī心內ê喜樂,因為喜樂ê心khah贏過豐富ê lim食享受。Thang kā此節比較khah馬太福音第六章28到34節,會koh khah清楚此意。


重新查詢 專卷研經 詩篇系列
錯誤回報,請聯繫comm[@]fhl.net