詩篇 15章1節 到 15章5節   背景資料  上一筆  下一筆
Chit首詩歌講述一個beh敬拜上帝ê人,應該有ê態度kah準備。

Chit首詩mā hō͘人看做是一首「智慧」ê詩歌,原因是以色列人民ê看法中,知影敬拜上帝ê人就是有智慧根基ê人,而chit首詩歌是teh描述敬拜上帝ê人應該有ê品德。詩人tī chia講tio̍h怎樣ê人chiah ē-tàng到敬拜上帝ê所在,而且ē-tàng看見上帝ê榮耀?有幾個基本要件:

第2節提起三項:1.行為正直。Chit種正直是用上帝ê話為準則;2.順從上帝。意思是teh指清楚知影上帝ê命令;3.講話真誠。這是teh指心內所想ê,tùi嘴中講出來。無經過修飾,mā無任何掩遮。是坦蕩蕩、赤the̍h-the̍h面對上帝。

第3節提起兩項:chia提起「不毀謗」,kah「不造謠」是仝款ê意思。另外一項是「m̄做失禮朋友ê事」,意思是teh指bē出賣朋友。

第4到5節,chit兩節提起koh khah積極ê一面,就是一個忠實tī上帝ê人,必定會用輕視ê態度對待hiah-ê作惡ê人。相對ê,對tī hiah-ê敬畏上帝ê人,會用尊重ê態度看待。忠實ê子民一定會遵守上帝ê命令,bē tī借錢hō͘需要ê人ê時,iáu索取利息,因為對生活有困難ê sàn-chhiah人索取利息,是錯誤ê態度。Á chit句「無受o͘-se來陷害無辜」ê話,是teh指法庭ê官員,á是對政府官員講ê。這mā是摩西律法ê教導,只有拒絕o͘-se,chiah會有公義ê審判。

重新查詢 專卷研經 詩篇系列
錯誤回報,請聯繫comm[@]fhl.net