詩篇 131章1節 到 131章3節   背景資料  上一筆  下一筆
這是一篇非常特別ê詩歌,有學者認為應該是tī hông掠去巴比倫做奴隸了後,透過深切反省而寫做ê詩歌。若是hō͘擄了後ê詩歌,就真容易明白原來詩人回想起過去tī大衛王朝到所羅門王時代,to̍h是以色列民族siōng興盛ê時代,而且是邊疆幅地siōng真闊ê時代,m̄-koh mā因為án-ne,以色列人民開始驕傲起來,漸漸bē記得上帝ê話語。卻tī hông掠去做奴隸,tam盡敵人對in ê侮辱了後,開始有深切ê反省而寫出chit首詩歌。

Kui首詩篇短短三節用了四pái「m̄敢」,表示kah過去完全顛倒ê態度ê意思。

第1節,「m̄敢koh再狂傲」,這「狂傲」一詞,表示心內ê驕傲。「妄自尊大」,這表示目中無人ê意。「m̄敢koh再有大企圖」,表示m̄敢koh再有雄心大志,原因是若無上帝賜福,一切lóng會成做妄想。「m̄敢koh做力所不及ê事」,表示謙卑而bē狂傲,自認真有能力ē-tàng完成想beh得tio̍h ê計畫。詩人講會先知影上帝ê旨意了後,chiah來決定是m̄是beh去做。因為若m̄是上帝同在,就算有能力,mā是無用。

第2節,chit節真有意思,斷奶ê嬰á是會煩躁ê,m̄-koh若是躺tī母親ê懷抱中,就會感覺舒適安穩,無koh有驚惶。因為án-ne,心靈會寧靜,這是因為體會tio̍h上帝看顧ê恩典了後,有感而發。

第3節,這是詩人ê呼籲,伊認為只有tńg來到上帝ê身邊,對上帝有絕對ê信心,chiah ē-tàng享受第2節所提起ê美境。

重新查詢 專卷研經 詩篇系列
錯誤回報,請聯繫comm[@]fhl.net