詩篇 128章1節 到 128章6節   背景資料  上一筆  下一筆
Chit-ê首kah第一二七篇lóng是屬tī「智慧文學」ê詩歌。是普遍被眾祭司用來教導人民ê教材。只要是敬虔地敬拜上帝,尊上帝為主,必定會得tio̍h上帝ê賜福,興 旺ê情況ná親像結實纍纍ê果子樹一般。Kā chit首詩kah第一首、一一二首比較khah來看,會發覺in之間ê內容真接近。

第1節,chit節開始就講「敬畏上主ê人jōa-ni̍h-á有福ah!」然續後落來koh講「遵行」上帝命令ê人mā是「有福」ê人。

第2到3節,說明「有福」ê內容,包括享受家己勞碌所得tio̍h ê,m̄免擔心有缺乏;家庭會美滿,m̄-nā bó͘會生湠chē-chē到ná親像「結實纍纍ê葡萄樹」,這表明ê是充沛ê性命力,而且所生落來ê子女,ná親像性命力極強ê「橄欖樹」,一棵棵栽種tī溪水邊一般。

第4節,詩人koh一pái用肯定ê語氣講「敬畏上主ê人」,一定會得tio̍h ná親像第2到3節所提起ê tùi上帝來賞賜之福。

第5到6節,這是祭司tī聖殿祝福ê用語。因為耶路撒冷是猶太人生活ê中心,因為án-ne,當詩人講「一生一世目睹耶路撒冷ê繁榮」ê時,伊ê意思mā是teh講敬虔ê人會繁榮、富足ê過一世人。

重新查詢 專卷研經 詩篇系列
錯誤回報,請聯繫comm[@]fhl.net