詩篇 116章1節 到 116章19節   背景資料  上一筆  下一筆
Chit篇mā是一首感恩ê詩歌,主要是詩人teh經歷過死亡邊緣ê困境中,得tio̍h上帝ê拯救而獻上ê詩歌。Tùi第14節、第17節,以及第19節ē-tàng看出,詩人bat到聖殿去獻上還願ê祭。因為án-ne,chit首詩mā被用tī聖殿ê敬拜禮儀中。

第1到11節,chit段詩歌是teh講述詩人被拯救ê經過。詩人一開始就講上帝「垂聽」了伊ê「祈禱」,這是伊siōng感覺欣慰ê事。而且是「每pái求告」上帝,上帝lóng會「垂聽」,這是伊即使陷入tī siōng危險ê困境中,mā ē-tàng有堅定ê信心ê原因。

第6節詩人講上帝「保護單純ê人」,chia ê單純,mā thang講心內無詭詐ê意思,表面上看起來kah-ná是愚戇ê款,m̄-koh心內是純潔ê。Chit種人chiah ē-tàng進入上帝ê殿宇中敬拜上帝(參考詩篇廿四:3—5)。Chit種心內單純ê人,mā是謙卑ê人,伊知影上帝會鑒察人ê心內意念,m̄免隱藏,mā無可能隱瞞得tòa上帝ê目睭。因為上帝知影所有ê一切。

詩人mā Tī chit段詩歌中表示,就算tī「非常鬱卒」中,伊iáu是仝款,對上帝「保持信心」,chit點是得tio̍h上帝賜福ê基本要件。

第12到19節,是詩人表示還對上帝所下ê願。Chit段詩歌真清楚,詩人得tio̍h上帝拯救ê恩典,而且是tùi死亡ê邊緣中被救出來。因為án-ne,對伊來講是真大ê恩典,伊一定會表示感謝。Á這感謝是beh tī上帝子民ê聚會中表示出來。

第15節是真有意思ê經文;伊講:「上主看祂聖ê 子民死去,非常m̄ 甘。(全民版)」這是teh指一個到死lóng忠於上帝,bē改變心志ê人,chit種子民,tī上帝看起來是非常珍貴ê,所以一定會拯救chit種人。Thang看出作者感受tio̍h家己性命tùi死亡ê邊緣中hō͘ 上帝拯救tńg來ê歡喜。Mā可能伊自認是真卑微ê人,m̄-koh,上帝並無因為án-ne就疏忽了伊。因為任何一個人ê性命tī上帝面前lóng是貴重ê。

第16節thang看出chit-ê詩人全家lóng是延續對上帝忠實ê傳承,無改變。Á chit節ê「釋放」,mā teh表示tùi死亡ê境況中脫離出來。

第18 kah 14節完全仝款,表示伊beh tī公開ê場合為上帝這奇妙ê救恩做見證。


重新查詢 專卷研經 詩篇系列
錯誤回報,請聯繫comm[@]fhl.net