詩篇 10章1節 到 10章18節   背景資料  上一筆  下一筆
這是一首祈禱ê詩歌,是tī苦難中祈求上帝拯救、幫助ê詩歌。

第1到4節,tùi第1節就thang看出詩人面臨性命極大痛苦而發出ê聲音。伊感覺上帝距離伊真遠。續落來伊向上帝祈求,hō͘ hiah-ê邪惡、傲慢、欺壓人ê人,ka-la̍uh tī家己所設計用來陷害人ê羅網中。Chit-ê詩人特別說明toh種人是邪惡ê人,tī第3到4節講「誇耀家己ê慾望」、「貪婪」、「抗拒並蔑視上主」、「心高氣傲,不求告上帝」等,換句話講,就是心中無上帝ê人。

第5到11節,chit段詩歌講出邪惡人ê特質,á是講in表現出來ê現象,有下列幾個特徵:in會認為家己做事lóng真順利,卻m̄知上帝ê審判tú-teh thèng候;認為家己所做ê事lóng bē失敗,開嘴就是詭詐、恐嚇、惡毒ê話;會殘害無辜ê人,像獅一般會藏身tī暗處,然後攻擊hiah-ê無依無靠ê人;然後iáu洋洋得意講:上帝不理世間ê事。In就是因為有chit種心態,chiah敢囂張到án-ne。

第12到18節,詩人知影上帝一定會看顧祂親手所創造ê世界,因為án-ne,伊祈求上帝出來主持公道,進行公義ê審判,對邪惡ê人hō͘ in嚴厲ê打擊,hō͘受苦ê人ē-tàng得tio̍h伸冤。一個人會án-ne祈禱,表示chit-ê人對公義ê上帝有信心。雖然眼見惡人當道,m̄-koh詩人iáu是相信上帝必定會審判,替孤苦無助者伸出援手。因為詩人真清楚知影上帝「一向幫助孤寡無告ê人」,mā是鑒察世間一切ê主。

重新查詢 專卷研經 詩篇系列
錯誤回報,請聯繫comm[@]fhl.net