民數記 28章1節 到 28章8節   背景資料  上一筆  下一筆
這兩章lóng是講tio̍h有關一整年中應該獻祭ê條例。Chiah-ê禮儀條例已經tī出埃及記第十二章、第廿三章14節,利未記第一到七章、第廿三章,申命記第十六章等lóng有記載。M̄-koh,tio̍h注意ê是這兩章siōng大ê特色是講tio̍h全體民眾同齊獻祭ê時應遵守ê規定,m̄是指個人ê獻祭行為。親像一個族,á是一個支派、家族等。

Chit章共計講tio̍h五個獻祭條例,包括有:1.獻一般燒化祭(第1到8節)、2.安息日獻ê祭(第9到10節)、3.每月初一tio̍h獻ê祭(第11到15節)、40.除酵節tio̍h獻ê祭(第16到25節),以及5.收成節tio̍h獻ê祭(第26到31節)等。

Tī chit-ê五個獻祭禮儀中,第2到3節ê祭是民數記特有ê資料。Mā tùi第1到15節thang看tio̍h獻祭ê內容是tùi「每工」到「安息日」,koh再到每一個月。這就形成日、週、月等獻祭ê條例。先知文獻就特別指出上帝並無喜愛chiah-ê繁瑣ê獻祭,因為這遠不如遵照上帝ê旨意去行。用謙卑ê態度,實行無變ê疼,並且建造公義ê社會生活chiah是正確(參考阿摩司書五:21—24,彌迦書六:6—8)。

Chit段有關獻燒化祭ê記事,thang參考出埃及記第廿九章38到41節。

第1到2節,tio̍h注意,有關獻祭ê事,五經ê作者lóng一再強調是出tī上帝ê命令,chit-ê意思是teh指敬拜上帝ê事,lóng是根據上帝去做ê。Mā thang án-ne講,因為是敬拜上帝,因為án-ne,m̄是照人所歡喜ê方式,卻是經過上帝同意了後chiah做。M̄-koh重要ê,是凸顯上帝tī人性命裡ê中心地位,á m̄是根據人ê喜好。就án-ne包括時間、獻祭物件等lóng需要走chhōe符合上帝ê旨意。

第3到8節,chit段經文是講tio̍h每工ài獻祭hō͘上帝,chit種祭是屬tī燒化祭,是一個族、部落每工lóng tio̍h舉行ê祭祀禮儀。獻祭ê內容包括兩隻小公羊,早暗各一隻,每隻搭配一公斤細麵粉調kah一公升橄欖油ê素祭,當然獻祭ê牲禮kah素祭材料lóng是無殘缺、siōng好ê。表示hō͘上帝ê祭物,teh代表人心ê純潔、潔淨。

重新查詢 專卷研經 民數記系列
錯誤回報,請聯繫comm[@]fhl.net