這是關係收成節ê獻祭規矩，mā同時記載tī利未記第廿三章15到22節。

第26節，chia講「七七收成節」，這是tùi Pôaⁿ過節後面算起，七個禮拜ê隔工，另外一個名稱就是五旬節。這mā是開始收割ê季節，ài kā「新收成ê穀物作素祭」獻hō͘上帝。因為是開始收割，所以chiah有所講ê「新收成ê穀物」，mā就是所講ê「初熟」穀物tio̍h獻hō͘上帝。Chit工mā是守安息日ê規矩，bē-tàng做工，只有ē-tàng敬拜上帝。

第27到29節，chit段經文是關係獻祭物件ê規定，除了燒化祭mā lóng tio̍h配合素祭。

第30到31節，另外tio̍h獻上一隻公山羊作贖罪祭，為人民行潔淨禮。而且是每工ài獻祭，表示感謝上帝賞賜每工ê食物。