民數記 23章13節 到 23章30節   背景資料  上一筆  下一筆
Chit段經文thang看出摩押王巴勒對巴蘭所傳達ê信息深深無掠做當然,認為巴蘭是因為看見紮營ê所在有真chē以色列人民,心生驚惶ê關係,因為án-ne,帶伊到另外一個紮營處人比較少ê所在,有可能因為看見比較少ê以色列人民,thang hō͘伊敢講出詛咒。M̄-koh,結果iáu是仝款,因為巴蘭一定tio̍h照上帝啟示伊講話。

第13到15節,這是巴蘭第二pái對巴勒提出仝款ê要求,建造七座祭壇,mā是仝款ài tī每座祭壇頂獻「一頭公牛kah一隻公羊」。

第16到17節,上帝像第一pái仝款,顯現hō͘巴蘭看見,並且kā伊講該講。

第18到24節,chit段是巴蘭向巴勒講出上帝ài伊傳達ê信息。Tī chit段信息中,巴蘭講出上帝ê特性:上帝講出ê應允,一定實現。因為祂是一個信實ê上帝;以色列人民以上帝為in ê王,因為án-ne,王必定會保護祂ê子民;任何「法術」、「占卜」等lóng m̄ ē-tàng危害以色列人民。以色列民族會親像「挺身ê母獅」、「強悍ê公獅」,用chit種ê形容詞來表示對以色列人民ê祝福。
第25到26節,巴勒真無歡喜巴蘭m̄-nā無詛咒以色列人民,iáu為in祝福,m̄-koh巴蘭koh一pái強調,伊一定tio̍h遵照上帝講話。

第27到30節,chit-pái巴勒帶領巴蘭到一個「比珥山山頂」,伊想,tī chia看bē-tio̍h以色列人民,án-ne有可能巴蘭就ē-tàng講出詛咒以色列人民來。巴蘭對巴勒iáu-koh提出仝款ê要求,建造七座祭壇獻燒化祭,當做走chhōe上帝旨意ê方式。

重新查詢 專卷研經 民數記系列
錯誤回報,請聯繫comm[@]fhl.net