民數記 21章21節 到 21章35節   背景資料  上一筆  下一筆
Chit-má是來到摩押kah亞摩利人ê邊界,仝款發生想beh借路亞摩利人ê國界,卻被拒絕。Chit段有關以色列人民kah亞摩利人相刣ê記事,mā是以色列人民歡喜歌頌ê故事,Chit篇故事mā記載tī申命記第二章24到37節,以及士師記第十一章19到22節。亞摩利人拒絕以色列人借通道過路,ná親像以東人拒絕in一般。M̄-koh,chit-pái摩西無親像頂pái仝款,帶領以色列人民轉道前進,卻是帶軍隊攻打亞摩利人,並且佔了in ê土地。

第21到22節,ná親像對以東人所講仝款,摩西mā是án-ne對亞摩利王西宏提出請求,hō͘ in以色列人民借境過路。

第23到26節,chit段經文描述亞摩利王西宏m̄-nā不借以色列人民過境,iáu派出軍隊去曠野攻打in,chit-pái摩西無帶領以色列人民轉道逃避,卻是帶領以色列人民kah亞摩利人對phah。結果以色列人民m̄-nā phah贏了,iáu佔領了真chē城市kah土地,直到亞捫人ê邊界。第24節ê「雅博」,這是巴勒斯坦siōng重要ê河域之一,是約旦河東部siōng大ê支流,真有戰略地位。

第27到30節,chit段詩歌就是所講ê「希實本之歌」。Tī第29節thang看tio̍h摩押人所崇拜ê神明就是「基抹」。Mā tùi chit首詩歌中看tio̍h,亞摩利人bat phah敗摩押人,並且俘虜了摩押人。M̄-koh chit-má以色列人民phah敗亞摩利人,這mā等於是摩押人lóng tī以色列人民ê掌管之下。

第31到32節,摩西並無停留tī in所佔領ê所在,因為he m̄是上帝應允之地,in繼續前進入來雅謝城,佔領hit-ê城,並且kā hit-ê城中所有ê亞摩利人趕走。

第33到35節,chit段經文描述以色列人民繼續前往迦南地之路,chit-má tú-tio̍h巴珊。Tī攻打巴珊ê事件上,以色列人民mā是一屑á 都無留情,無留落來任何一人,並且佔領了in ê土地。chit-má以色列人民已經控制了kui個外約旦領土,準備ài進入應允之地à。

重新查詢 專卷研經 民數記系列
錯誤回報,請聯繫comm[@]fhl.net