民數記 20章22節 到 20章29節   背景資料  上一筆  下一筆
Chit段經文記載亞倫往生,以及伊ê kiáⁿ以利亞撒繼承大祭司ê職務。因為亞倫tī以色列人民中佔有真重要ê地位,因為án-ne,摩西帶領全體以色列人民為伊舉行三十工ê喪期。

第22到26節,被以東人拒絕借路過境後,摩西只好帶領以色列人民改變行入ê方向,in離開加低斯來到何珥山,mā就是tī「以東ê邊界」ê所在。就tī chit-ê所在,上帝向摩西轉達亞倫往生ê時間teh beh到,ài伊帶亞倫kah以利亞撒到山頂去,tī hia為亞倫準備繼承者,就是亞倫ê kiáⁿ以利亞撒續接亞倫當大祭司ê職分。

第27到29節,摩西一向lóng是上帝伊就遵守,無第二個想法。伊帶tio̍h亞倫kah以利亞撒上山去,並且thǹg掉亞倫大祭司ê袍,hō͘以利亞撒穿上,就變成以利亞撒繼承亞倫為大祭司。就án-ne,亞倫tī何珥山頂往生。Chit種tī山頂ê禮儀,mā被看做是上帝親自主持ê大祭司加冕禮儀,是神聖ê。因為大祭司是beh代表kui個以色列民族向上帝獻祭,á伊管理ê對象是所有ê祭司。工作kah地位lóng teh表明伊tī職責上ê重要性。

摩西kah以利亞撒並無kā亞倫帶到山落來,卻是hō͘亞倫死tī山頂,上帝會親自安葬伊,ná親像摩西後來mā是上帝親自安葬仝款(參考申命記三十四:5—6)。M̄-koh lóng無減損亞倫tī以色列人民心中ê地位,in為伊舉哀長到三十工ê時間,表示對伊ê崇敬。


重新查詢 專卷研經 民數記系列
錯誤回報,請聯繫comm[@]fhl.net