4.第十五章32到36節：
Chit段經文是關係違反安息日ê規矩，以chit段實例來解釋違背者該受ê懲罰。Tī頭前第30到31節講tio̍h「故意犯罪」ê例，因為大家lóng已經知影違反律法是bē-tàng ê，會判處死刑，á遵守安息日是誡命，被看做是非常嚴肅ê規律，是所有以色列人，以及外僑、奴隸lóng一定tio̍h嚴格遵守ê誡命。若已經知影了，卻iáu故意去犯，結果就是罪bē-tàng赦。

第32節，chia真清楚說明例ê背景是發生tī曠野時代。

第33到34節，有一個人因為tī安息日出去拾木柴，hō͘人發見違背安息日ê誡命，該án怎處理。

第35到36節，摩西請示上帝了後，beh kā chit-ê人判處「石頭phah死」ê刑罰。Tī舊約聖經中，總共有十種「石頭phah死」ê死刑，包括有：(1)用牛當做刣死人工具者（參考出埃及記廿一：28—29）；(2)召鬼問卜者（參考利未記二十：27）；(3)獻子女hō͘偶像為祭品（參考利未記二十：1—3）；(4)褻瀆上帝者（參考利未記廿四：16）；(5)煽動拜偶像者（參考申命記十三：6—11）；(6)「拜偶像」（參考申命記十七：2—7）；(7)忤逆ê gín-á（參考申命記廿一：18—21）；(8)犯姦淫者（參考申命記廿二：23—24）；(9)the̍h一定tio̍h毀滅ê戰利品（參考約書亞記七：1、25），koh加上chit-má chit段案例，共計有十種，lóng是用石頭phah死ê刑罰。

其實，kui本聖經lóng是teh強調遵守安息日ê重要性。先知耶利米甚至認為猶大會亡國，是kah故意違反守安息日ê誡命有關（參考耶利米書十七：19—27）。