馬太福音 12章46節 到 12章50節   背景資料  上一筆  下一筆
「甚麼人是我ê老母?甚麼人是我ê兄弟?」有人認為耶穌講出chit種話真奇怪,其實,如果咱認真思考chit段經文,應該不難看tio̍h這基督教信仰精華ê所在。人kah人ê關係,若是限定tī血緣ê關係上,hit種ê世界kah社會是真狹隘ê。其實,種族ê衝突常常是tùi血緣關係ê擴大á產生ê,歷史上兄弟拚房ê例俯拾to̍h是。kā chit段話用來比較路加福音第十章25到37節,耶穌所講好ê「撒馬利亞人」譬喻,就會清楚其中奧秘à。

耶穌強調「實行天父ê旨意」,就有親密ê親屬關係,有ná一家人一般ê親密。天父上帝ê旨意,就是teh指上帝ê疼。有愛ê所在,人kah人ê關係會phah破文化、歷史、地理、習俗等等ê限制。


重新查詢 專卷研經 馬太福音系列
錯誤回報,請聯繫comm[@]fhl.net