Chit兩節是chit章有關差派門徒出去傳福音ê一個總結。Tī揀選門徒了後，耶穌差派十二使徒出去傳福音，並hō͘ in知影可能會tú-tio̍h ê各種問題。耶穌tī第34到39節講tio̍h真正ê問題，講人ê仇敵是家己ê厝內人。然後tī chia回應好款待所有為福音事工奉獻心力ê人，lóng會kah傳福音ê人仝款得tio̍h上帝ê獎賞。換句話講：傳福音kah協助傳福音ê人，即使是接待、支援等等，lóng是上帝所獎賞ê對象。因為只要是福音事工，就是參與上帝救人性命ê工作。Thang kā chit段經文kah第廿五章31到46節對照來看。