馬可福音 9章1節 到 9章13節   背景資料  上一筆  下一筆
這是第二pái耶穌kan-taⁿ帶門徒中ê彼得、雅各kah約翰等三個門徒,第一pái是tī去葉魯ê厝醫伊ê cha-bó͘-kiáⁿ(參考馬可福音五:37)。

第2到3節講:「耶穌chhōa彼得、雅各,kah約翰,悄悄地上了一座高山。」為甚麼耶穌只帶in三個?可能是chit三個門徒tī早期教會相當活躍(參考使徒行傳十二:2),而且早期教會ê重要幹部,有真chē關係耶穌ê事跡mā是tùi in口述傳出來。

「耶穌ê形像變了」,並且講耶穌身上ê衫褲潔白光亮到無法度比擬。Chit時有「以利亞kah摩西teh kah耶穌講話」,以利亞是teh代表先知,瑪拉基書第四章5節講tī上帝審判日子來臨ê時,先知以利亞會先來。因為án-ne,先知以利亞ê出現,mā是teh暗示耶穌就是hit位先知預言beh來臨ê拯救者。Á摩西是teh代表律法。通常in兩人ê名放做伙,就是teh表明舊約聖經ê意思。

Chia無說明in kah耶穌講kóa甚麼話,路加福音第九章31節講in是kah耶穌談論伊kātī耶路撒冷用死來完成使命。

第5到6節,彼得koh表示意見講,ài beh tī hia蓋三座帳棚hō͘耶穌、摩西kah以利亞。「帳棚」,這是以色列人出埃及入曠野ê時,表明上帝kah in同在ê意思(參考撒母耳記下七:6)。M̄-koh彼得kah雅各、約翰lóng m̄知該怎樣回應chit時ê情景,因為in看見這景象lóng真驚惶。真可能彼得mā m̄知家己為甚麼講hit種。

第7到8節,「這是我親愛ê Kiáⁿ,lín tio̍h聽從祂!」chit句話thang對照馬可福音第一章11節。表明上帝kah耶穌之間無法度分開ê關係。約翰福音用「成做一體」來表明(參考約翰福音十七:11、21、22)。

第9到10節,耶穌ài chit三位門徒bē-tàng kā chit-pái所看見ê景象kā任何人講,一定tio̍h等到祂koh活了後。In遵守耶穌ê教導,m̄-koh卻m̄知「koh活是甚麼意思」,chit點就thang看出耶穌ài in嚴守chit項秘密,是因為連這三位門徒對koh活ê事mā bē明白,若kā耶穌tī山頂變形像,以及摩西kah先知以利亞出現ê tāi-chì蹟傳出去,kan-taⁿ會引起koh khah chē chhōe測kah誤傳。

第11到13節,門徒提出有關經學教師對瑪拉基書第四章5節ê教導,講tī上帝審判ê日子來臨前,先知以利亞會先來,門徒表示對這節經文ê含意m̄-bat。Á耶穌則kā chit件事kah伊受難ê事連結同齊,伊hō͘門徒知影,先知以利亞已經來到,照馬太福音第十七章13節ê記載,耶穌真清楚地講先知以利亞已經來到,就是行洗禮約翰,m̄-koh並無被大家珍惜保護。


重新查詢 專卷研經 馬可福音系列
錯誤回報,請聯繫comm[@]fhl.net