馬可福音 4章21節 到 4章25節 背景資料 上一筆 下一筆 |
第21到22節chit兩節是teh回應第3到8節ê譬喻。說明上帝國ê信息,ná親像一盞明燈,為tio̍h幫助大家看 koh khah清楚。耶穌用譬喻mā是án-ne,為tio̍h是beh hō͘聽ê人明白。上帝國ê信息就是真理,真理m̄是beh隱藏起來,mā無法度隱藏會tiâu。因為真理ná親像亮光仝款, tio̍h照耀tī眾人面前。 第23節kah第9節仝款,lóng是提醒大家tio̍h注意teh聽上帝國ê信息。 第24到25節,開始ê chit句「tio̍h留心lín所聽ê」,kah第3節仝款。 Chia所謂「用甚麼量器來量」,表示人ê心胸多開闊ê意思。一個人願意用jōa-chē ê時間注意聽上帝國信息,上帝就會相對回報hō͘伊。開放ê jú大,所得tio̍h ê jú chē。顛倒,無想beh phah開心門ê,到最後是甚麼mā無。甚至連原本有ê mā tio̍h lian去死去,ná親像被「奪行」仝款。 |