馬可福音 15章21節 到 15章32節   背景資料  上一筆  下一筆
Chit段是描述耶穌tùi彼拉多法庭到各各他釘死tī十字架ê過程。

第21節,羅馬兵「強迫」古利奈人「西門」替耶穌giâ起十字架,並且講chit位西門是「亞歷山大kah魯孚ê老父」。Tī羅馬書第十六章13節使徒保羅mā提起魯孚,講伊「是主內一位傑出ê工人」,可見西門in一家人後來tī早期教會真活躍。

第22節,「各各他,意思是就是『髑髏岡』」,表示chia是刑場,被處死ê人往往屍體無收拾,遇tio̍h野獸á是飛鳥來啄食。

第23節「沒藥調製ê酒」,這是古早時用來減輕病患ê疼痛來調製ê(參考箴言第三十一:6)。M̄-koh耶穌是甘願承擔人類因為罪所帶來ê苦難,因為án-ne,伊拒絕減輕痛苦。

第24節,chiah-ê兵丁「抽了籤」,然後kā耶穌ê衫褲分了,chit種情形tú好是詩篇第廿二篇18節詩人所控訴ê詩歌。

第25到27節,chia講釘死耶穌ê時間是上午九點。罪名是「猶太人ê王」,而且同時有兩個囚犯mā tòe耶穌分別釘死tī十字架ê左右兩pêng。
第29到32節,圍觀ê群眾,á是hit群陷害耶穌ê猶太人宗教領袖,lóng繼續teh嘲(sau)笑耶穌,á chit時chūn ê耶穌,iáu未斷氣。因為án-ne,chiah-ê人故意án-ne做,tú好講出in心中連一點點悲憫ê心mā無,mā tú好講出in會大喊釘死耶穌,kah故意陷害耶穌ê心態。

重新查詢 專卷研經 馬可福音系列
錯誤回報,請聯繫comm[@]fhl.net