猶大帶來掠耶穌ê人是猶太人siōng koân議會派出ê「聖殿警衛隊」（約翰福音十八：3）隊員。

第44節，原本是表明親密關係ê「吻」，出賣耶穌ê猶大將它改變成做「出賣」ê記號。猶大iáu特別交帶chiah-ê警衛掠tiâu耶穌了後，tio̍h「嚴密看守，kā祂押走」，chit種語句表示伊代表猶太人領袖階層，無koh是耶穌ê門徒。因為án-ne，第45節ê chit句「老師」，是非常虛假ê稱呼。

第46到49節，門徒中間可能有「激進黨派」ê人the̍h出刀來抵抗，而且反應真緊gia̍h刀向「大祭司ê奴僕」phut去，削掉chit-ê奴僕一個耳á。耶穌雖然表示不滿chiah-ê警衛ê做法，m̄-koh伊無反抗，伊知影需要順服上帝ê旨意。
第50節講門徒lóng「棄sak耶穌，逃走了」，回應了第27節伊對門徒ê預言。
第51到52節，chit兩節並無提起chit位siōng慢離開現場ê青年是甚麼人。

M̄-koh伊應該mā是chit-ê tāi-chì件ê見證人。

利用深夜來掠耶穌，mā tú好反應了猶太人領袖深驚大日時頭掠耶穌會引起民眾騷動（參考馬可福音十一：18、十二：12、十四：2）。