Chit段經文續接前段提起寡婦，作者用「sàn-chhiah寡婦」ê奉獻，來凸顯出in即使tī困境中，對上帝ê心iáu-kú忠實、真心。

第41節，耶穌帶tio̍h門徒進入「聖殿庫房」，tī-hia看大家怎樣奉獻。耶路撒冷聖殿ê庫房是設tīcha-bó͘人院，共有十三座奉獻箱，其中十二座是代表十二個支派，每一個箱á lóng有說明奉獻ê用途。因為奉獻箱是由各支派所打造，因為án-nelóng會派出手藝siōng傑出ê工匠精雕細琢。箱á ê材質通常lóng會用銅料，而且投錢口造得有ná喇叭口，án-ne投入錢幣ê時，就會發生響聲，每支奉獻箱ê造型無仝，發出ê聲響自然mā就有高低長短等無仝音調。

有錢人奉獻多，錢幣tī喇叭管中發出ê迴聲mā就jú長，這就是為甚麼平常會有真chē人聚集tī-chia「聽」人家奉獻ê原因，奉獻多真容易得tio̍h「聽眾」ê鼓掌。M̄-koh耶穌看出有錢人tī奉獻ê時，並m̄是真心奉獻hō͘上帝，卻是為tio̍h beh博得在場民眾ê掌聲，這已經會失去原本應有ê敬虔、謙卑感恩ê態度。

第42節，相對tī有錢人，入來一位「sàn-chhiah寡婦」，表示她已經失去丈夫kah kiáⁿ，因為án-ne無法度繼承丈夫留落來ê財產，只有ē-tàng óa靠乞討過生活。伊帶tio̍h兩個「小銅板」mā來奉獻，m̄-koh箱á ê迴聲非常短koh輕，因為án-ne，無引起在場民眾ê注意。

第43到44節，耶穌利用機會教導門徒，說明sàn-chhiah寡婦ê奉獻chiah是上帝所喜樂，因為是真心誠意ê奉獻，tī數字上看起來雖少，m̄-koh內心卻是豐富、多。Kah hiah-ê有錢人ê奉獻態度完全顛倒。