經學教師主要ê工作，就是教導人民認bat摩西律法，tī-chia，伊向耶穌提出「誡命中toh一條是第一重要」ê問題。其實，伊本身就是chit方面ê專家，提出chit種問題，講穿了是心懷不軌。

第29到30節是引用申命記第六章4到5節，á第31節是引以利未記第十九章18節b句。「無其他ê誡命比chiah-ê koh khah重要」，chit句話mā等於耶穌為摩西律法下了個定義。

第32到33節，chit位經學教師chiah發見耶穌確實是對摩西律法相當清楚，而且回答ê是完全正確，這恐驚mā是伊從事教導工作以來，第一pái tú-tio̍h án-ne對摩西律法經典chiah-ni̍h清楚ê人。因為án-ne，伊kā耶穌所回答ê重複敘述一pái，而且kā先知信息ê精神接上耶穌作結尾，chit句「比tī祭壇頂獻燒化祭kah其他ê祭物hō͘上帝重要得多了」，thang參考詩篇第四十篇6到8節，何西阿書第六章6節，á是彌迦書第六章6到8節。