士師記 6章1節 到 6章24節   背景資料  上一筆  下一筆
Tùi第六章開始直到第八章止,主要lóng是teh敘述士師基甸做以色列人民ê領導者ê情景。

Chit段經文是講述基甸受tio̍h上帝呼召出來帶領以色列人民,而成做士師ê經過。

第1到6節,chit段講述米甸人贏過以色列人民ê情況。主要原因ná親像頭前已經敘述過ê,是以色列人民背叛上帝ê緣故。米甸人夥同亞瑪力人,以及tī曠野ê遊牧民族聯合起來攻擊以色列人民,hō͘ in m̄-nā無法度掖種,連家禽動物lóng被chiah-ê人奪行。第6節講以色列人民tú-tio̍h困境、苦難,就出聲求告上帝。Chit種例Tī聖經中俯拾to̍h是得。Chit種寫法,就是記載講述士師出現ê主軸。

第7到10節,chit段經文說明chit pái真無仝款,先差派一位先知去kā以色列人民講,為甚麼上帝hō͘ in受tio̍h外族入侵ê苦難,原因是in一再棄sak上帝,去拜迦南地ê神明,不聽從上帝ê話語,chiah會有chit種苦難ê結果出現。

第11到12節,chit兩節紹介基甸ê家世背景。上帝ê天使來到基甸ê厝ê橡樹下,hit時基甸正偷偷á tī kek酒池phah麥á。天使呼叫基甸。

第13到19節,chit段經文是上帝kah基甸講話ê經過,描述上帝怎樣回應基甸所提出ê問題—如果有上帝同在,以色列人民為甚麼會受tio̍h米甸人ê欺負。

Koh講,當上帝呼召基甸出來帶領以色列人民ê時,伊承認家己是瑪拿西支族中siōng弱小ê宗族,mā是厝裡siōng不重要ê人。Chit種情形ná親像掃羅被先知撒母耳膏立為第一位以色列君王ê時所講ê話(參考撒母耳記上九:21)。M̄-koh上帝iáu是堅持beh伊出來帶領以色列人民抵抗米甸人ê侵犯。聖經ê作者提供一個非常重要ê認bat:只要有上帝同在,人看做siōng軟弱ê,卻是siōng堅強ê(參考哥林多前書一:21-25)。Koh講,上帝beh選召ê奴僕是謙卑ê,m̄是家己認為堅強、偉大ê人。

第20到21節,上帝hō͘基甸所準備ê食物,用特別ê方式kā它「燒盡」,然後天使就消失無看tio̍h,上帝以此方式來hō͘基甸知影,祂ê呼召是真實ê。

第22到24節,基甸一發見家己bat面對上帝,嚇到à,因為人一般是無法度面對面見tio̍h上帝(參考創世記十六:13、三十二:30,出埃及記三十三:20),m̄-koh上帝保證bē因為án-ne hō͘基甸喪命。為tio̍h án-ne,基甸建造一座祭壇敬拜上帝。

重新查詢 專卷研經 士師記系列
錯誤回報,請聯繫comm[@]fhl.net