士師記 20章18節 到 20章48節   背景資料  上一筆  下一筆
這是一段戰事記,描述兩軍對抗,第一回合是便雅憫支派ê極少數軍對,phah敗相對大多數ê以色列十一支派聯軍,chit種初tam勝利ê果子,卻hō͘ in bē記得上帝khiā tī十一支派hit-pêng。

第18節,chit節thang對照第1節來看,就會發見軍隊聚集tī米斯巴,m̄-koh聖所示tī伯特利,二者之間相差約有十五公里遠,當時約櫃是tī伯特利(第27節)。Ná親像摩西時代仝款,每pái出兵相刣一定tio̍h走chhōe上帝ê允准,即使koh再遠mā tio̍h先問上帝ê旨意。In問上帝該由甚麼人phah前鋒?上帝ê回答是猶大支族。

第19到23節,這是第一pái相刣,結果聯軍死傷慘重,有兩萬兩千名以色列聯軍死亡,這是一個慘重ê失敗。Mā表示便雅憫軍對ê厲害,特別是基比亞精挑出來ê精銳甩石頭部隊。因為án-ne,in koh一pái詢問上帝ê旨意,答案又koh是肯定ê。

第24到28節,雖然失敗,in iáu是繼續詢問上帝ê旨意,是m̄是該繼續phah落去?結果chit pái得tio̍h ê答案又koh是肯定ê,ē-sái講是iáu是失敗了,chit pái死亡有一萬八千名,而且lóng是受過訓練ê士兵,這表示便雅憫軍隊ê實力真正bē-tàng小覷,這mā反應出in為甚麼敢拒絕十一聯盟首領ài in交出基比亞無賴ê原因,就是仗恃tio̍h家己ê軍隊精良,ē-tàng抵抗其他族群ê軍隊。

為甚麼已經先求問上帝了,而且iáu得tio̍h指示講beh「猶大支族」先攻,卻iáu是落敗,而且都無記載便雅憫人tī chit兩次中死亡ê人數。到底是怎樣tńg來事?聖經ê作者並無提供答案。M̄-koh thang注意ê一件事,是in先求問上帝ê,m̄是先問「kám bē-tàng去攻打同胞便雅憫支族,á是者就此罷休」,卻是問「toh一支族該作先鋒去攻打便雅憫人」,chit種問法是已經有決定,chiah tio̍h上帝「背書」,結果是失敗à。仝款ê,第二pái mā是用類似「是非、選擇題」teh詢問上帝ê意見。只有第三pái chiah是teh徵求上帝ê意見。
注意第27節講亞倫ê孫á非尼哈當時是服事約櫃ê祭司,ná親像chit-má ê「軍中牧師、神父」仝款,為國家ê軍事行動提供服務。

第29到36節a句,chit段是描述第三pái戰事,雖然頭前已經有兩pái lóng問過上帝,mā認為上帝允准in去攻打便雅憫支族,m̄-koh lóng是失敗而歸,chit pái in m̄-nā是問「該不該去攻打」,而且iáu問講是m̄是就án-ne soah去?上帝ê回答真清楚,ài in去攻打,祂beh kā便雅憫人交hō͘ in,第28節ê chit種回答句就是表明上帝khiā tī聯軍chit-ê邊ê意思。

Chit pái ê相刣,以色列聯軍有謀略,用撤退誘敵ê方式,hō͘便雅憫軍隊陷入峽谷中無法度發揮甩石頭ê精準力量,結果chit pái無koh是以色列軍隊戰敗,卻是便雅憫軍隊共計有兩萬五千一百名被刣死戰場,m̄-koh in總共兵力chiah只有兩萬六千七百名,thang講差不多全軍覆無。

Chit段經文是對前段經文ê補充說明。

第36節b句到37節,chia先說明基比亞城被以色列盟軍攻破,軍隊進入城內進行大屠殺,in kā城內ê居民lóng殺害,真是真殘酷ê報復結果。

第38到41節,tī前線ê便雅憫軍隊iáu m̄知in認為siōng堅固ê基比亞城已經被攻破,當in tī前線回頭看見城內煙火沖天,就知影不妙,可能會hō͘消滅。這thang看出當初in為tio̍h幾個無賴,無願意kā in交出來受懲罰,恃tio̍h家己ê軍力,m̄肯接受承認錯誤,硬beh對抗,結果付出ê代價是整城ê人lóng慘遭殺害。

第42到46節,teh對抗以色列軍隊ê便雅憫主力部隊,看見chit pái無法度抵擋以色列聯盟軍隊ê時,in開始四界逃竄躲避被殺,m̄-koh即使是逃走到曠野去,ē-sái講是mā仝款被殺滅。Tī逃竄ê過程中,就有一萬八千精兵被殺,逃向曠野ê就有五千名tī路上被殺,然後tī基頓koh有兩千人被殺,án-ne,這第三pái ê對抗,共計有兩萬五千人被殺害。

第47到48節,chit兩節mā講出十一支派聯軍對家己同胞一點mā不手軟,á是心存憐憫,in ná親像基比亞ê無賴仝款,對弱勢ê cha-bó͘人一點mā不疼惜,kā伊輪暴致死。chit-má以色列聯軍是一點mā不疼惜家己ê同胞,除了有六百個便雅憫士兵逃往臨門巖bih起來四個月而會得thang存活落來外,其餘便雅憫支族所khiā起ê城市村落ê人,包括in所有ê男女孩童cheng-seⁿ無一倖免,慘遭屠殺,差不多就beh滅族。Án-ne,kui個便雅憫支派就是只chhun這六百個逃亡者生存落來,這實在是慘痛ê軍事行動,hō͘便雅憫接近滅族ê危機(參考廿一:6)。莫怪後來ê掃羅被先知撒母耳膏立為王ê時chūn,會講:「我kám m̄ 是便雅憫人,以色列支族中極小khóa ê ?便雅憫支族chiah-ê 家ê 中間, 我ê 家kám m̄是極微細?祢ná 會對我講chit 款話?(全民版)」(撒母耳記上九:21)

Chit章ê記事,其實就是teh回應第十七章6節所講ê ná句話。Mā同時是teh說明以色列人民心中完全bē記得上帝ê話語,án-ne chiah是真正ê問題所在。



重新查詢 專卷研經 士師記系列
錯誤回報,請聯繫comm[@]fhl.net